Category: پشاور

سینیٹ میں قائد حزب اختلاف اور تحریک انصاف کے رہنما شبلی فراز کو سینے میں تکلیف کے باعث اسپتال منتقل کر دیا گیا۔

ذرائع کے مطابق پی ٹی آئی رہنما کو رات گئے سینے میں تکلیف محسوس ہوئی جس کے باعث انہیں پشاور انسٹیٹیوٹ آف کارڈیالوجی منتقل کر دیا گیا،شبلی فراز کو دل کی تکلیف کی شکایت کے بعد اسپتال میں فوری طبی امداد فراہم کی گئی۔

ڈاکٹرز نے شبلی فرازکو 24 گھنٹے کے لیے نگرانی میں رکھنے کا فیصلہ کیا ہے اور ڈاکٹرز کی ٹیم آج ان کے آئندہ کے علاج کے بارے میں مشاورت کرے گی، اسپتال ذرائع کا کہنا ہے کہ شبلی فراز کی اس سے قبل انجیو گرافی ہوچکی ہے پشاور انسٹی ٹیوٹ آف کارڈیالوجی کے ڈاکٹر سے وہ علاج بھی کروا رہے ہیں۔

ترجمان پی آئی سی رفعت انجم کے مطابق سینیٹ میں اپوزیشن لیڈر اور پی ٹی آئی رہنما شبلی فراز کو گزشتہ شب ہنگامی طور پر منتقل کیا گیا تھا۔انہیں دل کی تکلیف ہوئی، جس کے بعد ابتدائی علاج کیاگیا۔

خیبرپختونخوا سے سینیٹ کی 7 جنرل نشستوں کے لیے مختلف سیاسی جماعتوں اور آزاد حیثیت سے مجموعی طور پر 16 امیدوار مدمقابل ہوں گے۔ الیکشن کمیشن نے امیدواروں کی فہرست جاری کر دی ہے۔

الیکشن کمیشن کے مطابق پی ٹی آئی کی جانب سے خرم ذیشان، فیض الرحمان، مراد سعید اور اعظم سواتی، جبکہ مسلم لیگ (ن) کے نیاز احمد اور پیپلز پارٹی کے محمد طلحہ محمود بھی اپنے کاغذات نامزدگی جمع کرا چکے ہیں،جے یو آئی (ف) کی طرف سے دلاور خان اور عطاء الحق میدان میں ہیں، جبکہ آزاد امیدواروں میں آصف رفیق، اظہر قاضی مشوانی، شفقت ایاز، عرفان سلیم، فیصل جاوید، محمد وقاص آفریدی، مرزا محمد آفریدی اور نور الحق قادری شامل ہیں۔

الیکشن کمیشن کے مطابق امیدواروں کی جانچ پڑتال، اپیلوں اور حتمی فہرست کے بعد باقاعدہ پولنگ شیڈول کے مطابق ہو گی۔ سینیٹ انتخابات میں خیبرپختونخوا اسمبلی کے ارکان ووٹ کاسٹ کریں گے۔

ترجمان پختونخوا حکومت بیرسٹر سیف نے کہا ہے کہ مخصوص نشستیں صرف اور صرف پی ٹی آئی کا حق ہیں، مولانا فضل الرحمان اور اپوزیشن جماعتیں اخلاقی جرات دکھائیں اور مخصوص نشستیں لینے سے انکار کریں۔

اپنے بیان میں مشیر اطلاعات خیبر پختونخوا بیرسٹر سیف نے کہا کہ اپوزیشن پارٹیوں میں ذرا بھر بھی اخلاقی جرأت ہو تو مخصوص نشستیں لینے سے انکار کر دیں گی قانون اور عدالت تو 26ویں آئینی ترمیم میں جکڑی ہوئی ہیں لیکن اخلاقی جرات 26ویں آئینی ترمیم سے آزاد ہےمخصوص نشستیں صرف اور صرف پی ٹی آئی کا حق ہیں، جنہیں عدالتی فیصلے نے نیلامی پر لگا دیا ہے پہلے فارم 47 کے ذریعے پی ٹی آئی کا مینڈیٹ چرایا گیا، اب مخصوص نشستیں بھی دوسروں میں بانٹی جا رہی ہیں۔

بیرسٹر سیف کا کہنا تھا کہ جعلی حکومت نے پی ٹی آئی کے خاتمے کے لیے ہر حربہ استعمال کیا، مگر ناکام رہی پی ٹی آئی کو دبانے کی کوشش میں پارٹی مزید مضبوط ہو کر ابھری ہے امیر حیدر خان ہوتی کا مخصوص نشستیں نہ لینے کے حوالے سے بیان خوش آئند ہےمولانا فضل الرحمان نے 26ویں آئینی ترمیم کے وقت پی ٹی آئی کا ساتھ چھوڑ دیا تھا فضل الرحمان کو بھی امیر حیدر خان ہوتی کی طرح اسلامی کردار اور اخلاقی جرات کا مظاہرہ کرنا چاہیے۔

مناسب وقت پر ایران سے پابندیاں ہٹائیں گے، امریکی صدر

غزہ: حماس سے جھڑپ کے دوران 5 صہیونی فوجی ہلاک اور 14 زخمی

پاکستان اسٹاک ایکسچینج میں تیزی کا سلسلہ برقرار

پشاور:دریائے سوات میں 12 افراد کے جاں بحق ہونے کے بعد دریا میں مختلف مقامات پر ارلی وارننگ سسٹم نصب کرنے کا فیصلہ کر لیا گیا۔

کمشنر ملاکنڈ کی جانب سے سوات واقعے سے متعلق تفصیلی رپورٹ کمیٹی کو پیش کر دی گئی کمشنر ملاکنڈ ڈویژن عابد وزیر سانحہ سوات سے متعلق قائم انکوائری کمیٹی کے سامنے پیش ہوئے، کمشنر ملاکنڈ ڈویژن نے انکوائری کمیٹی کو تحریری رپورٹ جمع کروا دی،کمیٹی نے کمشنر سے سوال کیا کہ ایسے واقعات سے بچنے اور سیاحت کے فروغ کے لیے مستقبل میں کیا ہونا چاہیے؟-

کمشنر ملاکنڈ نے جواب دیا کہ سیاحت ایک الگ شعبہ ہے، یہ تحصیل میونسپل ایڈمنسٹریشن کا کام نہیں، سوات میں سیاحت کو اپر سوات ڈیولپمنٹ اتھارٹی کو دیکھنا چاہیے، سوات ڈیولپمنٹ اتھارٹی سیاحتی مقامات اور سیاحوں کی بہتر انداز میں دیکھ بھال کر سکتی ہے،کمیٹی نے سوال کیا کہ دریاوں اور ندی نالوں میں طغیانی کو پیشگی جانچنے کے لیے کیا اقدامات کیے؟-

میں کسی کے خلاف نہیں اسمبلی کی حرمت کی حفاظت کررہا ہوں، ملک محمد احمد خان

انہوں نےکہا کہ ارلی وارننگ سسٹم کے لیے کام کر رہے ہیں، غلام اسحاق خان انسٹیٹیوٹ اور ورلڈ وائلڈ لائف فنڈ سے رابطہ کیا ہے، جی آئی کے جدید ارلی وارننگ سسٹم بنا رہا ہے جس کو دریاوں اور ندی نالوں پر نصب کیا جائے گا،انکوائری کمیٹی نے کمشنر ملاکنڈ ڈویژن سے سوال کیا کہ 27 جون کو کیا ہوا تھا؟-

کمشنر نے بتایا کہ زیادہ بارش سے دریائے سوات میں خوازہ خیلہ کے مقام پر پانی کی سطح 77 ہزار782 کیوسک تک پہنچی، ہوٹل گارڈ نے سیاحوں کو دریا میں جا نے سے روکا لیکن وہ ہوٹل کے پیچھے کی طرف سے گئے، سیاحوں کے دریا میں داخل ہونے کے بعد پانی کی سطح بڑھنے پر صبح 9 بج کر45 منٹ پر ریسکیو کو کال کیا گیا متعلقہ حکام 20 منٹ بعد 10 بج کر 5 منٹ پر واقعے کی جگہ پر پہنچے، 17 پھنسے سیاحوں میں 4 کو اس وقت ریسکیو کیا گیا،خراب موسم سے متعلق کئی الرٹ متعلقہ اداروں سے موصول ہوئی تھیں، سیلاب کے خطرات کے پیش نظر تمام متعلقہ اداروں کو الرٹ کیا گیا تھا۔

پی سی بی نے ڈومیسٹک کیلنڈر کا اعلان کردیا

خیبرپختونخوا پولیس نے اینٹی ڈرون جیمنگ ٹیکنالوجی متعارف کروا دی-

کیپیٹل سٹی پولیس افسر (سی سی پی او) پشاور قاسم خان نے کہا ہے کہ اینٹی ڈرون جیمنگ ٹیکنالوجی کا پہلا استعمال پشاور پولیس نے کیا ہے یوم عاشور کے مرکزی جلوس کے موقع پر ڈرون جیمنگ گن کو استعمال کیا گیا ہے، ڈرون جیمنگ سسٹم فضا میں ڈرون کیمروں کی مانیٹرنگ کرتا ہےاینٹی ڈرون ٹیکنالوجی سسٹم کی مدد سے ڈرون کیمروں کی جیمنگ میں مدد ملی،جنوبی اضلاع میں دہشت گردوں کی جانب سے ڈرون استعمال کیا گیا تھا، اب کے پی پولیس مشکوک ڈرونز کو جام کر سکتی ہے، نئی ٹیکنالوجی مشکوک ڈرونز کو 3 کلو میٹر تک کے فاصلے پر ناکاہ بناسکتی ہے۔

صدر اور وزیراعظم کا حوالدار لالک جان شہید کو خراج عقیدت

یاد رہے کہ گزشتہ ماہ خیبر پختونخوا پولیس نے تھرمل ڈرونز خریدنے کا فیصلہ بھی کیا تھا، انسپکٹر جنرل پولیس (آئی جی پی) خیبرپختونخوا ذوالفقار حمید نے کہا تھا کہ تھرمل ڈرونز کی خریداری سے رات کے اوقات آپریشنز میں مدد ملے گی ضم شدہ قبائلی اور جنوبی اضلاع میں دہشت گردوں کی جانب سے ڈرونز کا استعمال کیا گیا ہے، پوری دنیا میں ڈرونز کا استعمال بڑھ گیا ہےدہشت گردوں کی جانب سے ڈرونز کا استعمال بڑھنے کا خدشہ ہے، پولیس کو تمام اضلاع میں مانیٹرنگ کے لیے ڈورنز کی ضرورت ہے۔

مودی سرکار کی اگنی ویر اسکیم نے بھارتی نوجوانوں کو 4 سالہ جنگی غلامی میں دھکیل دیا

خیبرپختونخوا کے مختلف علاقوں میں سیلاب نے تباہی مچا دی، مالاکنڈ، بونیر اور مانسہرہ میں 6 جولائی کو پیش آنے والے مختلف حادثات میں مزید 5 افراد جاں بحق اور 1 زخمی ہو گیا۔

صوبائی ڈیزاسٹر مینجمنٹ اتھارٹی (پی ڈی ایم اے) کے مطابق 25 جون سے جاری بارشوں، اچانک آنے والے سیلاب، لینڈ سلائیڈنگ اور تیز ہواؤں کے نتیجے میں اب تک 22 افراد جاں بحق جبکہ 11 زخمی ہو چکے ہیں۔پی ڈی ایم اے کا کہنا ہے کہ شدید بارشوں اور درجہ حرارت میں اضافے کے باعث گلیشیئر جھیلوں کے پھٹنے کا خطرہ بڑھ چکا ہے، جو مزید سیلابی صورتحال پیدا کر سکتا ہے۔

تازہ اطلاعات کے مطابق مالاکنڈ کی ہیروشاہ یونین کونسل میں 3 افراد سیلابی پانی میں بہہ گئے، جن میں ایک خاتون اور 2 بچے شامل ہیں، جب کہ ایک اور واقعے میں خاتون اور بچہ ڈوب کر جاں بحق ہوئے۔ ریسکیو 1122 نے خاتون کی لاش نکال لی، جبکہ 2 لاپتہ بچوں کی تلاش کے لیے سرچ آپریشن جاری ہے۔

ادھر بونیر کے گاؤں تینولو ڈھیری میں مکان کی چھت گرنے سے ایک خاتون جاں بحق جبکہ ایک شخص زخمی ہو گیا۔ بونیر کے ہی علاقے فیض آباد خوڑ میں سیلابی ریلے نے عارضی پل کے پلرز بھی بہا دیے۔پی ڈی ایم اے نے خبردار کیا ہے کہ پہاڑی اور برفانی علاقوں میں مزید احتیاط برتی جائے، کیونکہ سیلاب اور لینڈ سلائیڈنگ کا خطرہ بدستور موجود ہے۔

پنجاب کےسرکاری اسپتالوں میں موبائل فونز پر پابندی، خلاف ورزی پر برخاستگی کا حکم

لیاری بلڈنگ حادثہ، 27 جاں بحق افراد میں 20 ہندو کمیونٹی سے تھے

یمنی میزائل حملے کے بعد اسرائیل نے بین گوریون ایئرپورٹ بند کر دیا

آسٹریا میں چھوٹا طیارہ گر کر تباہ، 4 افراد ہلاک

بنوں میں ایک جرگے پر مسلح افراد کے حملے کے نتیجے میں ایک شخص جاں بحق جبکہ تین افراد زخمی ہو گئے، جن میں ایک پولیس کانسٹیبل بھی شامل ہے۔

پولیس ترجمان کاشف نواز کے مطابق واقعہ منڈی خیل کے علاقے میں پیش آیا، جہاں سردی خیل برادری کی جانب سے جرگہ منعقد کیا گیا تھا۔ اس دوران عسکریت پسندوں نے جرگے پر حملہ کر کے رہنما ملک عید نواز سردی خیل کو اغوا کرنے کی کوشش کی، جس پر شرکاء نے مزاحمت کی۔مزاحمت کے دوران حملہ آوروں نے اندھا دھند فائرنگ کر دی، جس سے ایک شخص موقع پر جاں بحق ہو گیا اور دیگر تین افراد زخمی ہو گئے۔ زخمیوں کو فوری طور پر ڈسٹرکٹ ہیڈ کوارٹر اسپتال بنوں منتقل کر دیا گیا۔

پولیس کا کہنا ہے کہ واقعے کے بعد سیکیورٹی فورسز نے علاقے کو گھیرے میں لے لیا ہے اور حملہ آوروں کی تلاش کے لیے کارروائی جاری ہے۔ پولیس نے اس بات کا عزم ظاہر کیا ہے کہ علاقے میں امن قائم رکھنے اور دہشت گردوں کو گرفتار کرنے کے لیے ہر ممکن اقدامات کیے جائیں گے۔

صادق آباد کچے میں آپریشن، کراچی سے اغوا کیے گئے تین مغوی بازیاب

غزہ پر اسرائیلی حملے جاری، مزید 64 فلسطینی شہید، امدادی مراکز بھی نشانہ

برطانیہ کا شام سے مکمل سفارتی تعلقات بحال کرنے کا اعلان

چلاس میں گرمی کا 28 سالہ ریکارڈ ٹوٹ گیا

کراچی، گرنے والی عمارت کے ملبے تلے افراد کی تلاش جاری، متاثرہ خاندانوں کی امیدیں قائم