کوئٹہ. بلوچستان حکومت نے صوبہ کے دور دراز علاقوں میں زیادہ سے زیادہ تعداد میں طلبہ کو اعلی تعلیم حاصل کرنے کے لئے 39 انٹر کالجوں کو ڈگری سطح تک بڑھانے کا منصوبہ بنایا ہے۔ جمعرات کو اے پی پی سے گفتگو کرتے ہوئے کہا کہ بلوچستان کے ایک عہدیدار نے بتایا کہ حکومت نے صوبے کے کالجوں میں چار سالہ ڈگری پروگرام شروع کرنے کے لئے 301 ملین روپے مختص کیے ہیں۔ انہوں نے کہا کہ وزیر اعلی نے معیاری تعلیم تک آسان رسائی کو یقینی بنانے کے لئے گرلز انٹر کالجوں کی اپ گریڈیشن کے سمری کو پہلے ہی منظوری دے دی ہے۔ انہوں نے کہا کہ حکومت کالجوں کو مختلف مراحل میں بسوں کی فراہمی کے لئے کام کر رہی ہے جبکہ بسوں کی ایک کھیپ پہلے ہی صوبے کے تعلیمی اداروں میں تقسیم کردی گئی ہے۔ عہدیدار نے بتایا کہ کالجوں کو بسوں کی فراہمی کے منصوبے کو جلد ہی مکمل کیا جائے گا تاکہ صوبے میں طلبہ کو محفوظ اور مفت ٹرانسپورٹ کی سہولیات کو یقینی بنایا جاسکے۔ انہوں نے مزید کہا کہ کووڈ۔ 19 کی وبا کی وجہ سے پروجیکٹ تین مہینوں کے لئے موخر ہوا۔ انہوں نے مزید کہا کہ حکومت نے صوبے کے 79 ڈگری کالجوں میں معیاری فرنیچر ، کھیلوں ، سائنس سازوسامان اور دیگر بنیادی سہولیات کی فراہمی کے ساتھ شعبے کی بہتری کے لئے اقدامات اٹھائے ہیں جن کی لاگت سے 569 ملین روپے کی لاگت آئے گی۔ انہوں نے کہا ، لڑکیوں کے کالجوں کا اعلی تعلیم کے فروغ کے لئے ایک اہم کردار ہے ، اس سلسلے میں ، حکومت نے پہلے مرحلے میں 19 لڑکیوں کے ڈگری کالجوں کے پرنسپلز کو گاڑیاں فراہم کرنے کا فیصلہ کیا ہے۔ انہوں نے کہا کہ صوبے میں تعلیم کے معیار کو بہتر بنانے کے لئے تمام دستیاب وسائل بروئے کار لا رہے ہیں۔ انہوں نے کہا کہ صوبے میں خواندگی کی شرح کو بہتر بنانے کے لئے تعلیم کے شعبے میں اصلاحات متعارف کروائی گئیں
Category: کوئٹہ
-
بلوچستان میں سیکورٹی فورسز کی کاروائی،بھارتی ساخت اسلحہ کی بڑی کھیپ برآمد
بلوچستان میں سیکورٹی فورسز کی کاروائی،بھارتی ساخت اسلحہ کی بڑی کھیپ برآمد
باغی ٹی وی کی رپورٹ کے مطابق بلوچستان کے علاقے کوہلو میں سیکورٹی فورسز نے کارروائی کی ہے جس دوران، بھارتی، روسی ساخہ اسلحے، گولہ بارود کی کھیپ پکڑی گئی ہے
ڈپٹی کمشنر کوہلو نصیراللہ شیخ کے مطابق لیویز فورس نے تالاب کے علاقے میں کارروائی کے دوران تخریب کاروں کے ٹھکانے سے بھاری تعداد میں اسلحہ اور بارود برآمد کیا ہے اور برآمد ہونے والا اسلحہ و بارود بھارتی اور روسی ساختہ ہے۔
لیویز کے مطابق برآمد ہونے والے اسلحے میں 7ریموٹ کنٹرول بم،4 رائفل، 1400راوٴنڈز، 2 اینٹی ٹینک مین ،4 ٹائم بم، 10ا ینٹی پرسن بم ،8 ہینڈ گرنیڈ، 82 ماٹرگولے اور دیگر اسلحہ شامل ہے،
ڈپٹی کمشنر کوہلو نصیراللہ شیخ کا کہنا ہے کہ علاقے میں لیویز کیو آر ایف کی تخریب کاروں کی سرکوبی کےلئے کاروائیاں جاری ہیں۔ تخریب کار ضلع میں امن وامان صورتحال کو خراب کرنے کےلئے بڑی کارروائی کرنا چاہتے تھے ،لیویز فورس نے خفیہ اداروں کی نشاہدہی پر کاروائی کرکے علاقے کو بڑے تباہی سے بچا دیا۔
محرم میں خیبر پختونخواہ پولیس نے دہشت گردی کا تیسرا بڑا منصوبہ بنایا ناکام
رواں ماہ 19 ستمبر کو بلوچستان کے علاقے آواران میں سیکورٹی فورسز نے دہشت گردوں کے خلاف آپریشن کیا تھا،ڈی جی آئی ایس پی آر کے مطابق سیکیورٹی فورسز نے بلوچستان کے ضلع اواران میں آپریشن کیا، جس کے نتیجے میں 4دہشت گرد ہلاک ہو گئے،دہشت گردوں کے ٹھکانے سے بھاری مقدارمیں اسلحہ و گولہ بارود برآمد ہوا،آپریشن کے دوران اسلحےکا بڑا ذخیرہ اور مواصلاتی آلات برآمد ہوئے
ڈی جی آئی ایس پی آر کے مطابق کارروائی میں دہشت گردوں کے متعدد پناہ گاہیں اور کیمپ تباہ کئے گئے،سیکیورٹی فورسز نے بلوچستان کے ضلع آواران میں آپریشن خفیہ اطلاعات پر کیا،
قبل ازیں گزشتہ ماہ بھی بلوچستان کے ضلع کوہلو میں لیویز کی ماوند کے علاقے مخی نالہ میں حساس اداروں کی اطلاع پر دہشتگردوں کے خفیہ کمین گاہ پر چھاپہ، اس کارروائی کے دوران دہشتگردوں کے ٹھکانے سے بھاری مقدار میں اسلحہ، بم، اور بلٹس برآمد کئے گئے تھے
-
تھری الائنس فراڈ کیس کا ایک اور ملزم گرفتار
کوئٹہ: قومی احتسا ب بیورو بلوچستان نے صوبے کی تاریخ کے سب سے بڑے فراڈ تھری الائنس کیس کے ایک اور ملز م احمد جان کو کوئٹہ سے گرفتار کر لیا ہے، ملزم لورالائی کے سینکڑوں لوگوں سے منافع کے جھانسہ پر کروڑوں روپے وصول کر کے روپوش تھا، ڈی جی نیب بلوچستان کی ہدایات پر مرکزی ملزم کاشف قمر کی گرفتار ی کے لئے کوششیں جاری ہیں۔واضح رہے نیب بلوچستان کو بڑی تعداد میں شکایات موصول ہوئیں، جن میں الزام عائد کیا گیا تھا کہ 3A الائنس نامی کمپنی کے مالک کاشف قمر اور اسکے کاروباری پارٹنرز مختلف اوقات میں کاروبار میں منافع بخش سرمایہ کاری کا جھانسہ دیکر سادہ لوح عوام سے اربوں روپے لوٹ کر فرار ہو گئے ہیں۔نیب کو ملنے والی شکایات اور ابتدائی چھان بین سے پتہ چلا کہ 3A الائنس نامی کمپنی نے کوئٹہ سمیت اندرونِ بلوچستان اور سندھ کے چندشہروں میں اپنے دفاتر بنا کر عوام سے اربوں روپے سرمایہ کاری کی مد میں وصول کئے، سرمایہ کاری کرنے والوں کو کچھ عرصہ منافع کی رقم بھی دیتے رہے۔لیکن اچانک تمام دفاتر بند کر کے روپوش ہو گئے۔عوام الناس کی جانب سے شکایات موصول ہونے پر ڈی جی نیب بلوچستان نے تحقیقاتی ٹیم تشکیل دیتے ہوئے تھری الائنس کمپنی کے خلاف فوری تحقیقات کا حکم دیا۔نیب بلوچستان انٹیلی جینس ٹیم کی مسلسل نگرانی اور ممکن گرفتاری سے بچنے کیلئے نیب کو کیس میں مطلوب ایک اہم ملزم ندیم جگا نے ضمانت قبل از گرفتاری کی درخواست دی جسے معزز ہائی کورٹ کے جج کی جانب سے خارج ہونے پرگرفتار کرکے جوڈیشل کردیا گیا۔بعد ازاں قومی احتساب بیورو بلوچستان نے عوام الناس سے فراڈ کیس میں جاری تحقیقات مکمل کر تے ہوئے مرکزی ملزم کاشف قمر سمیت 11 افراد کے خلاف ریفرنس احتساب عدالت کوئٹہ میں کیس دائر کردیا۔کیس کا مرکزی ملزم کاشف قمر تاحال روپوش ہے، تاہم مرکزی ملزم کی جلد ازجلد گرفتار ی کے لئے سر توڑ کوششیں جاری ہیں۔ڈی جی نیب بلوچستان نے کرپٹ عناصر کے خلاف نیب کی بھرپور کوششوں کی یقین دہانی کراتے ہوئے کہا ہے کہ عوام کی لوٹی گئی رقم کی واپسی اور ملزمان کو قانون کی گرفت میں ہر صورت لایا جائے گا، عوام کے تعاون سے قومی وسائل کی چوری اور عوام الناس سے دھوکہ دہی کے مرتکب کرپٹ مافیا کو معزز عدالت میں اپنے قبیح افعال کا جواب دینا ہوگا۔
-
موٹر سائیکل و سائیکل اسٹینڈ والوں کی من مانی
صوبائی دارالحکومت کوئٹہ میں ہسپتالوں، عوامی مقامات، اور دفاتر میں موٹر سائیکل و سائیکل اسٹینڈ والوں کی من مانی 30 روپے کرایہ وصول کرنے لگے
کوئٹہ میں قائم سائیکل و موٹر سائیکل اسٹینڈ والے من مانا کرایہ وصول کرنے لگے۔کوئٹہ کے تمام سرکاری ہسپتالوں اور دفاتر میں قائم خود ساختہ اسٹینڈ افسران بالا کے خاص جیلوں کی گرفت میں ہیں ان میں صرف چند باقاعدہ ٹینڈر کے ذریعے قائم ہیں جبکہ زیادہ تر دفاتر میں ،ہسپتالوں میں، اور عوامی مقامات پر یہ اسٹینڈ غیر قانونی طور پر بنا لئے گئے ہیں ،جو کہ ملی بھگت ہے ،یہ اسٹینڈ والے کسی قسم کی کوئ رسید نہیں دیتے صرف لوہے کا بنا ہوا ایک ٹوکن تھما دیتے ہیں ۔اور سائیکل یا موٹر سائیکل کی گمشدگی کی ذمہ داری بھی نہیں لی جاتی ،عوامی مقامات پر قائم میونسپل کارپوریشن اور کنٹونمنٹ بورڈ کی حدود میں اکثر سٹینڈ خود ساختہ ہیں اور بااثر مافیا کی پشت پناہی کے ذریعے چل رہے ہیں ،کرایہ بھی 30 روپے وصول کیا جا رہا ہے ۔
سرکاری بڑے ہسپتالوں بالخصوص ہیلپرز آئ ہسپتال ،بے نظیر ہسپتال سول ہسپتال میں تو با قاعدہ غنڈہ گردی کے ذریعے 30 روپے لئے جاتے ہیں۔10 روپے زائدکے حساب سے یہ رقم شہربھر میں روزانہ لاکھوں کے حساب سے ناجائز بھتہ خوری کے ذریعے ہڑپ کی جارہی ہے ،اور کوئ پوچھنے والا بھی نہیں۔ضلع کچہری کے اسٹینڈ ،ڈاک خانہ کے اسٹینڈ ،قندہاری بازار ،ستار روڈ ،بلدیہ پلازہ ، اور شہر کے ہر بڑے اسٹینڈ پر 20 روپے کی جگہ 30 روپے کی وصولی کی وجہ سے لڑائی جھگڑے کی نوبت آنے لگی ۔مگر کوئ ذمہ دار ادارہ ایکشن لینے کو تیار نہیں ۔ اگر کوئ قانونی اسٹینڈ ہے بھی تو ٹھیکیداروں نے 20 روپے کا ٹینڈر پاس کروایا ہے اور وصول 30 روپے کئے جارہے ہیں۔کسی قسم کی کوئ رسید نہیں اور کرایہ یا کمپنی یا ٹھیکیدار کا نام یا فون نمبر بھی نہیں ۔وزیر اعلی بلوچستان جام کمال سے اس ظلم اور بد معاشی کے تدارک کی اپیل ہے ۔خاص کر ہیلپرز ہسپتال ،سول ہسپتال، بی ایم سی،ضلع کچہری کے اسٹینڈ جہاں روزانہ لاکھوں مڈل کلاس اور غریب طبقہ اپنے کام کے سلسلے میں سائیکل و موٹر۔سائیکل پارک کرتا ہے ۔پرائیویٹ نہ سہی ان سرکاری اسٹینڈز پے تو ایکشن لیا جا سکتا ہے جہاں سرکاری ریٹ سائیکل 10 روپے اور موٹر سائیکل 20 روپے ہے ۔اگر آپ بھی اس ظلم اور بدمعاشی کا شکار۔ہیں تو میسج کو فارورڈ کریں ۔شاید اس میسج پے ایکشن لیا جائے۔کیوں کہ عام آدمی کی بات کوئ نہیں سنتا جو عوامی مسائل کو کم از کم اجاگر۔تو کرنا ہے ایکشن لینا افسران بالا اور حاکموں کا کام ہے ۔ -
بریکنگ : کوئٹہ میں سریاب روڈ پر واقع ہوٹل کے قریب دھماکہ
بریکنگ : کوئٹہ کی سریاب روڈ پر واقع ہوٹل کے قریب دھماکہ
سکیورٹی فورسز نے موقع پر پہنچ کر علاقے کو گھیرے میں لے لیا، زخمیوں کو ہسپتال منتقل کر دیا گیا۔ پولیس کے مطابق دھماکے کی نوعیت کا اندازہ لگایا جا رہا ہے، بم ڈسپوزل اسکواڈ کو بھی طلب کر لیا گیا ہے. تفصیلات پر اپ ڈیٹکردیاجائے گا.
-
والدین بچے کو پولیو قطرے پلانے سے انکاری، بچہ پولیو کا شکار
باغی ٹی وی کی رپورٹ کے مطابق بلوچستان میں پولیو کا نیا کیس سامنے آ گیا ہے
بلوچستان کے علاقے پشین میں 34 ماہ کے بچے میں پولیو وائرس کی تصدیق کے بعد رواں سال کیسز کی مجموعی تعداد 17 ہو گئی۔
محکمہ صحت کی رپورٹ کے مطابق ضلع پشین کی یونین کونسل علی زئی کے 34 ماہ کے بچے میں پولیو وائرس کی تصدیق ہوئی ہے۔ بچے کے خون کے نمونے 19 اور 20 اگست کو لیئے گئے تھے، بچے کا تعلق پولیو سے انکاری خاندان سے ہے۔ بچے کو پولیو کے قطرے نہیں پلائے گئے تھے،
نیا کیس سامنے آنے کے بعد بلوچستان میں رواں سال پولیو کے کیسز کی تعداد 17 تک پہنچ گئی ہے،15 جولائی کو پشین میں 24 ماہ کے بچے میں پولیو وائرس کی تصدیق ہوئی تھی۔
واضح رہے کہ پولیو کے حوالے سے سال 2019 پاکستان کے لیے بدترین رہا تھا جب ملک بھر میں 146 پولیو کیسز ریکارڈ کیے گئے، پولیو کی یہ شرح سنہ 2014 کے بعد بلند ترین تھی کیونکہ اس سے قبل 2014 میں پولیو وائرس کے 306 کیسز سامنے آئے تھے اور یہ شرح پچھلے 14 سال کی بلند ترین شرح تھی۔
خیبر پختونخواہ میں انسداد پولیو مہم میں رکاوٹ پولیو سٹاف بن گیا
پولیو مہم کے خلاف پروپیگنڈہ، سات تعلیمی اداروں کے خلاف کاروائی
سوشل میڈیا پر پولیو مخالف مواد، کتنے اکاونٹس بند ہوئے، حیران کن خبر
خیبر پختونخواہ میں پولیو کے بڑھتے ہوئے کیسز، حکومت نے بڑا فیصلہ کر لیا
بنوں میں پولیو کا ایک اور کیس، انسداد پولیو مہم جاری
مجھے پنجاب پولیو سے پاک چاہیے،جس ضلع میں کیس آیا افسران کیخلاف ایکشن ہو گا، وزیراعلیٰ پنجاب
پولیو کے بڑھتے ہوئے کیسز کی ذمہ دار حکومت،بابر بن عطا کو جیل کو کیوں نہیں بھجوایا گیا؟ شیری رحمان
-
کچھ سوشل میڈیا پیجز و گروپس حکومت مخالف پروپیگنڈے کیلئے بنائے گئے ہیں،لیاقت شاہوانی
حکومت بلوچستان کے ترجمان لیاقت شاہوانی نے محرم الحرام میں امن و امان پر سیکورٹی فورسز کو خراج تحسین پیش کرتے ہوئے کہا ہے کہ کوئٹہ کو ایک مثالی شہر بنائیں گے شہر میں صفائی کی صورتحال کومزید بہتر بنانے کے لیے3 مزیدایڈمنسٹریٹر تعینات کئے جائیں گے، بچوں کے اغوا میں ملوث ملزمان کسی قسم کے رعایت کے مستحق نہیں ہیں جنسی دہشتگردوں کو ہر صورت کیفرکرادار رک پہنچائیں گے۔ اگست میں 11ہزار سے ٹیسٹ کئے اور اس میں مسلسل کمی واقعہ ہو رہی ہے،اگر اسی تسلسل کے ساتھ لوگوں نے ایس او پیز پر عملدرآمد کیا تو 15ستمبر کو سکولز اور میرج ہال کھولے جائیں گے۔ ان خیالات کا اظہار انہوں نے آفیسرز کلب میں پریس کانفرنس سے خطاب کرتے ہوئے کیا۔ لیاقت شاہوانی نے کہا کہ محرم الحرام کا عشرہ امن و امان کے ساتھ گزر گیا،یہ سب سیکورٹی فورسز کی کوشش سے ممکن ہواہے سیکورٹی فورسز کو خراج تحسین پیش کرتاہوں،کوروناوائرس کے ایس او پیز پر عملدرآمد کیاگیا ہے جس کی وجہ سے بلوچستان میں کورونا وائرس کے کیس میں کمی واقعہ ہوئی ہے اگست میں 11ہزار سے ٹیسٹ کئے اور اس میں مسلسل کمی واقعہ ہو رہی ہے،اگر اسی تسلسل کے ساتھ لوگوں نے ایس او پیز پر عملدرآمد کیا تو 15ستمبر کو سکولز اور میرج ہال کھولے جائیں گے، مون سون کے بارشوں کے حوالے سے بروقت اقدامات کئے، صوبے کے9 ڈسٹرکٹ میں ایمرجنسی کے باوجود ہم نے انسانی جانوں کو بچایا،بروقت اقدامات سے کئی علاقوں کو سیلابی ریلوں سے بچایا گیا جبکہ حب ڈیم،بھاگ ناڑی ڈیم مکمل طور پر پانی سے بر گئے تھے اس کے علاہ متاثرہ سڑکوں کی دوبارہ تعمیر کا کام شروع کیاگیا ہے، بلوچستان کے مختلف اضلاع میں مزید بارشوں کی پیشنگوئی کی گئی ہیں، 9اضلاع میں ایمرجنسی نافذ کیا گیا لیکن آفت زادہ قرار نہیں دیا گیا۔کوئٹہ شہر کو ایک مثالی شہر بنائیں گے شہر میں صفائی کی صورتحال بہتر بنانا صوبائی حکومت کی ذمہ داری ہے، شہر میں صفائی کی صورتحال کومزید بہتر بنانے کے لیے3 مزیدایڈمنسٹریٹر تعینات کئے جائیں گے،وزیر اعلی بلوچستان جام کمال کی قیادت میں صوبائی حکومت صوبے میں صحت اور تعلیم کے شعبے پر ترجیح دے رہی ہے کورونا وائرس کے باعث بچوں کا تعلیمی سال ضیاع ہوا، لوگوں نے ایس او پیز پر عملدرآمد کیا تو 15ستمبر کو سکولز اور میرج ہال کھولے جائیں گے لیاقت شاہوانی نے کہاکہ ایک ہفتہ قبل ریلوے کالونی سے ایک بچے کو اغوا کیاگیا ہے اور واقعہ کے خلاف ایف آئی آر درجہ کرلیا گیا ہیں اس قسم کے ملزمان کسی قسم کے رعایت کے مستحق نہیں ہیں جنسی دہشتگردوں کو ہر صورت کیفرکرادار تک پہنچائیں گے، انہوں نے کہا کہ امن وامان کو بہتر بنانے کے لیے ضروری ہے کہ ملزمان کے خلاف فوری کارروائی کی جائے، کچھ سوشل میڈیا پیجز و گروپس حکومت بلوچستان کے خلاف پروپیگنڈے کیلئے بنایاگیا ہے کچھ لوگوں کا کام ہے کہ حکومت بلوچستان کے اچھے کاموں کو بھی تنقید کا نشانہ بنائیں
-
سراج رئیسانی پر خودکش حملے میں ملوث دہشت گرد انجام کو پہنچ گیا
باغی ٹی وی کی رپورٹ کے مطابق بلوچستان عوامی پارٹی کے رہنما سراج رئیسانی پر خودکش حملے میں ملوث دہشت گرد انجام کو پہنچ گیا
بلوچستان کے علاقے مستونگ میں کاؤنٹر ٹیررازم ڈیپارٹمنٹ اور حساس اداروں نے مشترکہ طور پر کارروائی کی جس کے نتیجے میں سراج رئیسانی پر ہونے والے خودکش حملے میں ملوث دہشت گرد مارا گیا ہے،سی ٹی ڈی حکام کے مطابق کالعدم تنظیم کا کمانڈر دہشت گردی کی کارروائیوں میں ملوث تھا، مستونگ کے علاقے پڑنگ آباد میں ملزم کی موجودگی کی اطلاع پر کارروائی کی گئی۔
ترجمان سی ٹی ڈی کے مطابق دہشت گرد نے سیکیورٹی فورسز کو دیکھتے ہی فائرنگ شروع کردی جوابی کارروائی میں دہشت گرد مارا گیا۔ ہلاک دہشت گرد کے قبضے سے خودکش جیکٹ اسلحہ برآمد کرلیا گیا ہے۔
پاکستان کو غیر مستحکم کرنیکی سازشیں کرنیوالے ناکام رہیں گے، گورنر بلوچستان
کراچی اسٹاک ایکسچینج حملہ،چینی سفارتخانہ بھی میدان میں آ گیا، مذمت کے ساتھ کیا بڑا اعلان
کراچی ،دہشت گردانہ حملے میں شہید پولیس اہلکار کی نماز جنازہ ادا
کراچی حملہ، مولانا فضل الرحمان کی مذمت، ساتھ ہی بڑا مطالبہ کر دیا
دہشت گردی کا حملہ ناکام بنانے والے پولیس کے بہادر سپاہیوں اورمحافظوں کو وزیراعظم کا سلام
بھارت کے دہشتگردی میں ہاتھ کو کسی صورت نظر انداز نہیں کیا جاسکتا،ثروت اعجاز قادری
دہشت گردوں کا حملہ ناکام بنانیوالے اہلکاروں کو انعام دینے کا فیصلہ
واضح رہے کہ دو سال قبل بلوچستان کے ضلع مستونگ میں سراج رئیسانی کی تقریر کے دوران دھماکا ہوا تھا جس کے نتیجے میں سراج رئیسانی سمیت 149 افراد جاں بحق ہوگئے تھے
نوابزادہ سراج رئیسانی 4 اپریل1963 کو ضلع بولان کے علاقے مہر گڈھ میں پیدا ہوئے اور ان کا تعلق بلوچستان کے رئیسانی قبیلے سے تھا۔نوابزاد سراج رئیسانی نے ابتدائی تعلیم بولان سے حاصل کی اور بعد ازاں زرعی یونیورسٹی ٹنڈو جام سے ایگر و نومی میں بی ایس سی کیا، جس کے بعد نیدرلینڈ سے فلوری کلچر کا کورس کیا۔
سراج رئیسانی کے والد مرحوم نواب غوث بخش رئیسانی سابق گورنر بلوچستان اور سابق وفاقی وزیر خوراک و زراعت بھی رہے۔ انہوں نے 1970 میں بلوچستان متحدہ محاذ کی بنیاد رکھی۔ سراج رئیسانی سابق وزیر اعلی بلوچستان نواب اسلم رئیسانی اور سابق سینیٹر و بلوچستان نیشنل پارٹی کے رہنما نوابزادہ لشکری رئیسانی کے چھوٹے بھائی تھے۔ سراج رئیسانی چند سال قبل بلوچستان متحدہ محاذ کے چیئرمین منتخب ہوئے تھے۔ وہ بی اے پی کے ٹکٹ پر صوبائی اسمبلی کی نشست حلقہ پی بی35 مستونگ سے الیکشن لڑرہے تھے۔ اس سے قبل مستونگ میں جولائی2011 میں ایک بم دھماکے میں نوابزادہ سراج رئیسانی کا بیٹا اکمل رئیسانی شہید ہو گیا تھا،
شہید سراج رئیسانی وہ مرد مجاہد تھا جس نے بلوچستان میں بدترین حالات میں پاکستان کا جھنڈا سربلند رکھا اور بالآخر اسی سبز ہلالی پرچم کو اوڑھ کر ابدی نیند سو گیا کہ شہید وطن کو پورے فوجی اعزاز کے ساتھ مستونگ میں آبائی علاقے کانک کے آبائی قبرستان میں سپرد خاک کیا گیا تھا۔ آرمی چیف جنرل قمر جاوید باجوہ نے سراج رئیسانی شہید کو پاکستان کا سرفروش سپاہی اور جانباز مجاہد قرار دیتے ہوئے کہا کہ ہم نے ایک محب وطن پاکستانی کھو دیا ہے جسے ہمیشہ پاکستان کے لیے خدمات کے حوالے سے یاد رکھا جائے گا۔ آرمی چیف نے سراج رئیسانی کے خاندان کی تین نسلوں کی قربانیوں کاذکر بھی کیا تھا.
-
بلوچستان میں بھی دہشت گردی کا بڑا منصوبہ ناکام، بھاری مقدار میں اسلحہ برآمد
باغی ٹی وی کی رپورٹ کے مطابق سیکورٹی فورسز نے بلوچستان میں بڑی کاروائی کرتے ہوئے دہشت گردوں کے ٹھکانے سے بھاری مقدار میں اسلحہ برآمد کر لیا
بلوچستان کے علاقے کوہلو میں لیویز فورس نے ماوند کے علاقے مخی نالہ میں بڑی کارروائی کی، کارروائی کے دوران تخریب کارروں کے ٹھکانے پر سے بھاری تعداد میں اسلحہ و گولا بارود برآمد ہوا،دہشت گردوں کے ٹھکانے سے برآمد ہونے والے اسلحے میں اینٹی ٹینک بم 12 عدد, ایل ایم جی روسی ساختہ 1 عدد,ایل ایم جی کارتوس 17500, 82 مارٹر گولے 48 عدد و دیگر اسلحہ شامل ہیں
اسسٹنٹ کمشنر کوہلو عبدالستار مینگل کا کہنا ہے کہ علاقے میں لیویز کیو آر ایف کی تخریب کاروں کی سرکوبی کےلئے کاروائیاں جاری ہیں۔ تخریب کار ضلع میں امن وامان صورتحال کو خراب کرنے کےلئے بڑی کارروائی کرنا چاہتے تھے ،لیویز فورس نے خفیہ اداروں کی نشاہدہی پر کاروائی کرکے علاقے کو بڑے تباہی سے بچا دیا۔
پشاور میں دہشت گردی کا بڑا منصوبہ ناکام،داعش کے دہشت گرد گرفتار
اسسٹنٹ کمشنر کوہلو کا مزید کہنا تھا کہ ضلع میں تخریب کارروں کے خلاف کارروائیوں کا سلسلہ جاری رہیں گے۔
محرم میں خیبر پختونخواہ پولیس نے دہشت گردی کا تیسرا بڑا منصوبہ بنایا ناکام
-
بلوچستان میں بارشوں سے زمینی رابطے منقطع،بچہ ڈوب کا جاں بحق،9 اضلاع میں ایمرجنسی نافذ
باغی ٹی وی کی رپورٹ کے مطابق بلوچستان کے مختلف اضلاع میں بارش ،ہنہ میں برساتی نالے میں بچہ ڈوب کر جاں بحق ہو گیا
بلوچستان میں بارشوں سے زمینی رابطے منقطع، بولان میں مچھ پل مہندم ،ٹریفک کی روانی متاثر ہوئی ہے،لسبیلہ کے علاقے پورالی ندی میں طغیانی و سیلابی ریلہ داخل ،65افرادپھنس گئے ،خضدار ،کرخ ،وڈھ ،زیدی، نال، باغبانہ میں بارش کے باعث کچے مکانات متاثر ہوئے ہیں
خضدار ،شہدادکوٹ ایم ایٹ موٹروے مختلف مقامات سے ٹریفک کے لیے بند ہو گئے ہیں،تربت کے علاقے آپسر میں مکان کی چھت گرنے سے 3 افراد زخمی ہو گئے
ہرنائی میں شدید بارش اور سیلابی ریلا آنے کے باعث ہرنائی کوئٹہ شارع کھوسٹ کے مقام زیارت کچ کے قریب بند ہوگئی جس کے باعث سیکڑوںگاڑیاں پھنس گئیں۔ مچھ ندی نالوں میں طغیانی کے باعث مچھ کاکوئٹہ اور دیگر علاقوں سے زمینی رابطہ مکمل منقطع ہو گیا جبکہ بی بی نانی پل ایک مرتبہ پھر ٹوٹنے اور گیس پائپ لائن متاثر ہونے کا خدشہ ہے۔
بارش کے بعد کی صورتحال ، میئر کراچی نے گورنر سندھ سے ملاقات میں وفاق سے مدد مانگ لی
دنیا پانی سے بجلی بناتی ۔ ہم بجلی سے پانی بناتے
واشک، بسیمہ ناگ میں متعدد کچے مکانات منہدم ہوگئے‘ خضدار میںایم 8 قومی شارع متاثر ہونے کا خدشہ ہے۔سبی میں دریائے ناڑی اور تلی ندی میں اونچے درجے کا سیلابی ریلا گزر رہا ہے۔
وزیراعلیٰ بلوچستان جام کمال نے کہا ہے کہ حکومتی مشینری متاثرہ اضلاع میں کام کر رہی ہے‘ محکمہ پی ڈی ایم اے نے صوبے کے 9 اضلاع میں ایمرجنسی نافذ کرتے ہوئے شہریوں کو بلاضرورت سفر نہ کرنے کی ہدایت کردی ہے۔
حکومت بارش سے متاثرہ افراد کو معاوضہ دینے کا اعلان کرے،سربراہ پاکستان سنی تحریک