Category: کوئٹہ

والدین کی شکایات اور گزشتہ کچھ عرصے سے ہونے والے نقصانات کے سبب چھرے والی کھلونا پستول کے استعمال پر پابندی عائد کر دی گئی ہے اور اس کی خرید و فروخت مکمل طور پر ممنوع قرار دے دی گئی ہے۔اسسٹنٹ کمشنر کوئٹہ سٹی سیدہ ندا کاظمی نے بتایا کہ وہ تمام لوگ جو اس کاروبار کا حصہ ہیں انہیں آگاہ کیا جاتا ہے کے پچھلے کچھ عرصے میں اس خطرناک کھلونے کی وجہ سے بہت سے بچوں کی آنکھیں ضائع ہوئی ہیں اور کچھ شریر بچوں نے اس کھلونے کو والدین کے لیئے وبال جان بنا دیا ہے۔ لہذا اپنی دکان پر یہ کھلونا ہرگز نہ رکھیں ورنہ آپ کی دکان کو ایک ماہ کے لیئے سیل کر دیا جائے گا۔ شہر کے مختلف مقامات پر نوٹس کی تقسیم کا سلسلہ مسلسل جاری ہے۔ کسی بھی قسم کی شکایات کے لئے ڈپٹی کمشنر آفس سے رابطہ کریں ۔

محکمہ داخلہ کی جانب سے سمارٹ لاک ڈاﺅن میں 30 جولائی تک توسیع کا نوٹیفکیشن جاری کر دیا اور سمارٹ لاک ڈاﺅن کے تحت مذہبی،سیاسی و دیگر اجتماعات پر مکمل پابندی برقرار رہے گی، جب کے کاروباری مراکز صبح 9 بجے سے شام 7 بجے تک کھلے رہینگےاور عوامی مقامات ،دفاتر اور دکانوں پرماسک کا استعمال لازمی قرار دیا گیا تفریحی مقامات،سینماگھر،کھیلوں کے میدان،شادی ہال اور جمز پر پابندی بھی برقرار، نوٹیفکیشن

انتظامیہ کے مطابق صوبے میں سمارٹ لاک ڈاون کا آج آخری روز ہے اور صوبائی حکومت کی جانب سے سمارٹ لاک ڈاون میں توسیع کے حوالے سے تاحال کوئی فیصلہ نہیں ہوسکا اب سمارٹ لاک ڈاون کے تحت شاپنگ سینٹرز اور دکانیں ہفتے میں 6دن کھلی رہے گی جمعے کے روز تمام کاروباری مراکز ،مارکیٹیس اورشاپنگ سینٹرز بند رہیں گے، جب کے شاپنگ مالز ،مارکیٹس دکانوں، آٹو ریپئر شاپس سمیت دیگر دکانیں صبح9 بجے سے شام09 بجے تک کھلی رہے گی، تندور ڈیری پروڈکٹس شاپس میڈیکل سٹورز بلڈ بینک اور ٹیلر شاپس کو 24 گھنٹے کھلا رکھنے کی اجازت ہو گی ریسٹورنٹس اور ہوٹلز کو بھی صرف ہوم ڈیلیوری اور ٹیک آوے سروس کے لیئے 24 گھنٹے کھلا رکھنے کی اجازت ہو گی، کسی بھی دکان میں ایک وقت میں 4 سے زائد افراد نہیں ہونگے،کوروناوائرس کے حوالے پہلے سے جاری کی گئے تمام ہدایات پر عملدرآمد کو یقینی بنانا لازم ہو گا.

کوئٹہ: بلوچستان عوامی پارٹی کے رہنما سینیٹر سرفراز بگٹی نے کہا ہے کہ 18ویں ترمیم کوئی صحیفہ نہیں جس پر بات نہیں کی جاسکتی اگر 18ویں ترمیم پر پارلیمنٹ میں بات نہیں ہوگی تو کہاں ہوگی،بلوچستان میں جب تک ”را“ فنڈڈ لشکر وں کا خاتمہ نہیں ہوگا تب تک امن وامان اور مسنگ پرسنز کا مسئلہ نہیں ہوسکتابراہمدغ اور حیربیار مری کے ترجمان قومی اسمبلی اور سینٹ میں انکی بات کرتے نظرآتے ہیں انہیں فوجی کا خون خون نہیں لگتا،بچی کی حوالگی کیس میں دونوں خاندانوں نے آپس میں افہام وتفہیم سے معاملہ طے کرلیا ہے اس کیس میں میری کردار کشی کی گئی جس پر اسلام آباد کے میڈیا سے گلہ ہے۔ یہ بات انہوں نے منگل کو کوئٹہ پریس کلب میں پریس کانفرنس کرتے ہوئے کہی۔انہوں نے کہا کہ جس انداز میں دوخاندانوں کے درمیان ایک رنجش کو بچی اغواء کیس کا نام دیکر اس میں میری کردار کشی کی گئی اس پر مجھے افسوس ہے کسی کی بھی پگڑی اچھالنا اچھی بات نہیں ہے اسلام آباد سے جس طرح معاملے کو پیش کیا گیااس سے بہت سے ابہام پیدا ہوئے جوکہ اچھی بات نہیں۔انہوں نے کہا کہ یہ معاملہ ایک باپ اور بچی کی نانی کے درمیان بچی کی حوالگی کا تھا بلوچستان کی سیاسی و سماجی روایات کے تحت بچی کا والد عدالت کی اجازت سے میرے گھرآیا تھا چونکہ میں گھر پر نہیں تھا میرے ملازمین نے انکی خدمت کی اورانکا والد بچی کے ہمراہ پانچ بجے سے پہلے میرے گھر سے جاچکا تھامجھے اس بات کا ادراک ہے کہ توکل بگٹی کو ایسا نہیں کرنا چاہئے تھا لیکن یہ انکا ذاتی مسئلہ تھا اس لئے میں نے اس پر کوئی بات نہیں کی میں پہلے دن سے ہی اس معاملے سے لاتعلق ہوں جس طرح مجھے اس معاملے میں گھسیٹا گیا وہ غلط تھا لیکن میں نے اپنا معاملہ اللہ پر چھوڑ دیا ہے جبکہ خوش آئند بات یہ ہے کہ دونوں فریقین نے آؤٹ آف کورٹ معاملے کوسلجھالیا ہے میں سپریم کورٹ کا بھی شکر گزار ہوں کہ انہوں نے میری ضمانت کی درخواست اگرقبول نہیں کی تو اسے مسترد بھی نہیں کیامیں پہلے بھی عدالتوں کا سامنا کرچکا ہوں اورانہی عدالتوں سے بری ہواہوں پانچ سال وزیرداخلہ اور اب سینیٹر بننے کے بعد میں قانون کو کسی صورت ہاتھ میں لینے کا سوچ بھی نہیں سکتا۔ایک سوال کے جواب میں سینیٹر سرفراز بگٹی نے کہا کہ 18ویں ترمیم پارلیمنٹ سے ہی منظور ہوئی تھی یہ بہت اچھی ترمیم ہے لیکن ہرقانون میں بہتری کی گنجائش ہوتی ہے18ویں ترمیم میں اگر کچھ سقم ہیں تو اس پرپارلیمنٹ میں ہی بات ہوگی اپوزیشن کہتی ہے کہ 18ویں ترمیم پر بالکل بات ہی نہ کی جائے جوکہ غلط ہے18ویں ترمیم پوری غلط نہیں البتہ اس میں بہتری کی گنجائش ہے۔انہوں نے کہا کہ جعلی ڈومیسائل کے معاملے پرسنجیدگی سے اقدامات کئے جارہے ہیں ا س معاملے کی جانچ پڑتال جاری ہے۔انہوں نے کہا کہ میں فیڈریشن کا حامی اور پاکستان پرست ہوں ہمیشہ سے مذہبی یا لسانی بنیادوں پر دہشت گردی کرنے والوں کو کھلا چیلنج دیا ہے لیکن کچھ لوگ سینٹ اور نیشنل اسمبلی میں بیرون ملک بیٹھ کر بلوچستان میں شرپسندی کرنے والوں کی آواز بن رہے ہیں انکی آوازیں ہم بھی سن رہے ہیں جب فوجی مارا جاتا ہے تواس کے لئے کوئی تقریرنہیں ہوتی لیکن مسنگ پرسنز کے نام پر واویلا کیا جاتا ہے کیا فوجی کا خون ٹماٹر ہے انکا خون خون نہیں۔انہوں نے کہا کہ مسنگ پرسنز کا معاملہ کنویں میں پڑے کتے کی طرح ہے جب تک ”را“ فنڈڈ لشکر بلوچستان سے ختم نہیں ہوتے تب تک یہ معاملات چلتے رہیں گے ہمارے ہاں پراسیکیوشن کمزور ہونے کی وجہ سے دہشت گرد عدالتوں سے بری ہوجاتے ہیں میں خود بھی مسنگ پرسن رہا ہوں لیکن جب تک بیرون ملک سے بیٹھ کر بلوچستان کے نوجوانوں کو دہشت گردی اور پہاڑوں پر جانے پر اکسانے والے موجود ہیں اس مسائل کا حل ممکن نہیں۔انہوں نے کہا کہ وزیراعلیٰ کی کرسی کانٹوں کا تخت ہے جس پر بیٹھنا بہت مشکل ہے ہر پارٹی میں ناراضگیاں ہوتی رہتی ہیں بلوچستان عوامی پارٹی مضبوط ہے اس میں کوئی دراڑ نہیں ہے اور نہ ہی پارٹی کی حکومت کو کوئی خطرہ ہے۔ ایک سوال کے جواب میں انہوں نے کہا کہ نوابزادہ حاجی لشکر ی رئیسانی کے وزیراعلیٰ کے امیدوار ضرور ہونگے لیکن وہ 2023کے الیکشن کے بعد آئندہ انتخابات میں نظر آئیں گے بلوچستان میں تحریک عدم اعتماد آتی نظر نہیں آرہی البتہ ان ہاوس تبدیلی جمہوری عمل ہے نوابزاہ لشکری رئیسانی کی پارٹی کے سربراہ کے خلاف بھی یہ تحریک آچکی ہے لیکن مجھے نہیں لگتا کہ وزیراعلیٰ جام کمال خان کو ابھی کوئی خطرہ ہے۔انہوں کہا کہ بلوچستان میں وفاداریاں اور بے وفائیاں بکتی ہیں افسوس کے ساتھ کہنا پڑتا ہے کہ بے وفائی کرنے والوں کو زیادہ پذیرائی مل رہی ہے ڈیرہ بگٹی میں کھڑے ہوکر کہتے تھے کہ یہاں اگر ایک گولی چلی تو وڈھ میں 10گولیاں چلیں گی آج تک وڈھ میں پٹاخہ تک نہیں سنا۔ایک سوال کے جواب میں انہوں نے کہا کہ فی الحال اسلام آباد میں بارشیں ہورہی ہیں آگے کے موسم کا معلوم نہیں.

تاجران نے بڑی تعداد میں منان چوک پر دھرنا دے دیا
انجمن تاجران بلوچستان کے عہدے داروں نے احتجاجی دھرنا جاری رکھنے کا اعلان کیا اور کہا کے
اگر جہازوں میں لوگوں کو بیھٹنے کی اجازت ہے تو ریسٹورنٹس میں کیوں نہیں کوئٹہ انتظامیہ کی تاجر دشمن پالیسی منظور نہیں کئی دنوں سے تاجر برادری انتظامیہ کی رویہ کے خلاف احتجاج کررہے ہیں انتظامیہ کی جابب سے تاجر برادری کو بلاجواز تنک کیاجارہا ہے۔چار ماہ سے شادی ہال بند ہے کروڈو کا نقصان ہورہا ہے اور اسکول کھولنے کی باتیں کی جاری ہے لیکن شادی ہال بند ہے اگر مطالبات نہ مانے گئے تو بلوچستان اسمبلی کے سامنے احتجاجی دھرنا دینگے
جب کے ان کا کہنا یہ بھی کہنا تھا کے لاک ڈاون سے تنگ تاجروں جو بار بار جرمانہ بھی کیا جارہاہے۔

بلوچستان سے تعلق رکھنے والا پروفیشنل باکسر محمد وسیم نے ستمبر میں دوبارہ رنگ میں اترنے کو ہدف بنالیا۔ ویڈیو لنک پر بات کرتے ہوئے محمد وسیم کا کہنا تھا کہ 28 مارچ کو طے فائٹ کے لیے دبئی میں ٹریننگ کررہا تھا لیکن کورونا وائرس کی وجہ سے اسے ملتوی کرنا پڑا۔ ان دنوں گھر پر ہی اپنی فٹنس کو برقرار رکھنے کے لیے سخت محنت کررہا ہوں، کورونا سے پیدا ہونے والے حالات میں بہتری آنے پر اسکاٹ لینڈ میں جاکر باقاعدہ ٹریننگ شروع کرنے کا ارادہ ہے۔ محمد وسیم نے بتایا کہ ان کے پروموٹر ستمبر میں دوبارہ انٹرنیشل فائٹ کی تیاریاں کررہے ہیں۔ کوشش کروں گا کہ پہلے کی طرح اس مقابلے میں بھی پاکستان کا پرچم بلند کروں۔ نوجوان باکسر نے ساتھی پاکستانی باکسرز کے لیے نیک خواہشات کا اظہار کرتے ہوئے فیڈریشن اور حکومت سے اپیل کی کہ ملک میں باکسنگ کے فروغ کے لیے اقدامات پر توجہ دی جائے۔