باپ کے ڈانٹ پر گھر سے نکلنے والا لڑکا خونخوار کتوں کا نشانہ بن گیا اطلاعت کے مطابق قلعہ عبداللہ زڑہ بند کا رہائشی11 سالہ لڑکا عبدالحنان ولد محمد قاسم کو گزشتہ رات باپ نے ڈانٹا تھا جس کے بعد بچہ گھر سے نکلنے کے بعد قریبی باغ میں چلاگیا جہاں خونخوار کتوں نے موت کی نیند سلا دیا جب صبح باغ کے چوکیدار نے دیکھا تو انتظامیہ کو اطلاع دی اور انتظامیہ نے ضروری کاروائی کے بعد لاش ورثاء کے حوالے کیا.
Category: کوئٹہ
-
ایک ہی قبیلے کے دو گروہوں میں تصادم، چار افراد شدید زخمی
نصیرآباد۔ (اے پی پی)ڈیرہ بگٹی کے علاقے سوئی میں ایک قبیلے کے دو گروہوں میں تصادم چار افراد شدید زخمی ہوگئے زخمیوں کو فوری طور پر ہسپتال منتقل کیا گیا۔سرکاری ذرائع کے مطابق ڈیرہ بگٹی کے سوئی کے علاقے سغاری میں بگٹی قبیلے کی ذیلی شاخ لاغانی اور دیناری کے درمیان فائرنگ کا تبادلہ ہوا، جس کے نتیجے میں چار افراد زخمی، جبکہ دو کی حالت تشویشناک بتائی جارہی ہے۔زخمیوں کو سوئی پی پی ایل ہسپتال منقتل کردیا گیا۔ واقعہ زمین کے تنازعے پر ہوا مزید کارروائی لیویز فورس کر رہی ہے۔
-
بلوچستان میں مختلف واقعات میں 6 افراد جاں بحق، 4 زخمی
کوئٹہ۔(اے پی پی) بلوچستان کے مختلف علاقوں میں مختلف واقعات میں 6 افراد جاں بحق اور 4 زخمی ہو گئے۔کوئٹہ کے علاقے ہزارگنجی میں گھریلوناچاقی کی بناء پر شوہر نے فائرنگ کر کے اپنی بیوی اور ساس کو قتل کردیا جبکہ ملزم موقع سے فرار ہونے سے کامیاب رہا، پولیس کے مطابق جمعرات کے روز کوئٹہ ہزارگنجی کے علاقے میں گھریلوناچاقی کی بناء پر شوہر نے فائرنگ کر کے اپنی بیوی مسماۃ(خ) اور ساس (گ) کو قتل کرکے موقع واردات سے ہونے میں کامیاب ہوگیا، پولیس کو اطلاع ملتے ہی جائے وقوع پر پہنچ کر لا شوں کو فوری طورپر سول ہسپتال منتقل کردیا جہاں ضروری کارروائی کے بعد لا شوں کو ورثاء کے حوالے کردی، پولیس نے علاقے کی ناکہ بندی ملزم کی تلا ش شروع کردی ہے۔ دریں اثناء کوئٹہ کے قریب کچلاک کلی لنڈی میں نامعلوم افرادنے برساتی نالے میں ایک نوجوان کو فائرنگ کر کے قتل کرنے کے بعد ہاتھ پاؤں باندھ کر لا ش کو برساتی میں پھینک کر فرار ہوگئے، پولیس کو اطلا ع ملتے ہی جائے وقوع پر پہنچ کر لا ش کو فوری طورپر بولان میڈیکل ہسپتال منتقل کردیا،پولیس نے مزید تفتیش شروع کردی ہے، دریں اثناء بلوچستان کے علاقے بیلہ قومی شاہراہ پر زمباد اور پک اپ گاڑی میں تصادم،ایک شخص موقع پرہی جاں بحق جبکہ 4 افراد شدید زخمی ہوگئے، جاں بحق شخص کی لاش اور زخمیوں کو سول ہسپتال بیلا منتقل کردیا گیا ہے مزید تحقیقات جاری ہے، دریں اثناء بلوچستان کے علا قے قلعہ سیف اللہ تنگہ حیدرزئی دریائے ژوب کے پانی میں 2 خانہ بدوش بچے ڈوب کر جاں بحق ہو گئے،بچوں کی عمریں 13سال کے لگ بھگ بتائی جاتی ہیں۔
-
کوئٹہ کا پہلا ایم این اے ہوں جس کو…….قاسم سوری کیا بول گئے؟
ڈپٹی سپیکر قومی اسمبلی قاسم سوری پر پھولوں کی پتیاں نچھاور کی گئیں ،سپریم کورٹ نے الیکشن ٹربیونل کا فیصلہ معطل کردیا
باغی ٹی وی کی رپورٹ کے مطابق ڈپٹی اسپیکر قومی اسمبلی قاسم خان سوری کوئٹہ پہنچ گئے ، کوئٹہ پہنچنے پر انکا بھر پور استقبال کیا گیا،ائیر پورٹ پر اُن کے اپنے حلقے کے عوام نے قاسم سوری کا شاندار استقبال کیا، ان پر پھولوں کی پتیاں نچھاور کی گئیں
اس موقع پر قاسم سوری نے میڈیا سے گفتگو کرتے ہوئے کہا کہ کوئٹہ کا پہلاایم این اے ہوں جس کو قومی اسمبلی میں کوئی ذمے داری ملی،قاسم سوری کا مزید کہنا تھا کہ اسلام کے نام پراسلام آباد پرقبضے کی کوشش کرنا مناسب نہیں،مولانا صاحب ذاتی مفاد کے لئے نکل رہے ہیں جس طرح انہیں الیکشن میں مسترد کیا گیا اب بھی عوام مسترد کرے گی
الیکشن ٹربیونل کے فیصلے کے خلاف اب کس سے امید ہے؟ قاسم سوری بول پڑے
واضح رہے کہ سپریم کورٹ کی جانب سے الیکشن کمیشن کا فیصلہ کالعدم ہونے کے بعد وہ پہلی بار اپنے حلقہ میں گئے،
سپریم کورٹ نے الیکشن ٹربیونل کا فیصلہ معطل کردیا ،سماعت غیر معینہ مدت تک کےلیے ملتوی کر دی گئی ،جسٹس عمر عطابندیال کی سربراہی میں تین رکنی بینچ نے سماعت کی ،سپریم کورٹ نے الیکشن ٹربیونل کا فیصلہ معطل کردیا ،سپریم کورٹ میں سابق ڈپٹی اسپیکرقاسم سوری کی اپیل سماعت کے لیے منظورکر لی گئی.
قاسم سوری نے الیکشن ٹریبونل کے فیصلے کے خلاف سپریم کورٹ سے رجوع کیا تھا ،قاسم سوری نے نعیم بخاری ایڈووکیٹ کی وساطت سے سپریم کورٹ میں اپیل دائر کی تھی.سپریم کورٹ میں دائر درخواست میں عدالت سے استدعا کی گئی ہے کہ کہ الیکشن ٹربیونل کا فیصلہ کالعدم قرار دیا جائے
ہار نہیں مانتا، الیکشن ٹربیونل کے فیصلے کے خلاف قاسم سوری کہاں پہنچ گئے؟
این اے265 میں ڈپٹی اسپیکر قومی اسمبلی قاسم سوری کی کامیابی کالعدم قراردے دی گئی ، لشکری رئیسانی نے قاسم خان سوری کی کامیابی کو چیلنج کیا تھا ،الیکشن ٹربیونل نے فیصلہ سنایا تھا این اے 265 سے ڈپٹی سپیکر قومی اسمبلی قاسم خان سوری کامیاب ہوئے تھے، الیکشن کمیشن نے نادرا رپورٹ کی روشنی میں فیصلہ سنایا،
ڈپٹی اسپیکر قومی اسمبلی قاسم سوری کی کامیابی کالعدم قرار
الیکشن ٹربیونل کی سربراہی جسٹس عبداللہ بلوچ نےکی الیکشن ٹربیونل نے این اے 265 میں دوبارہ الیکشن کروانے کا حکم دے دیا ،بی این پی امیدوار لشکری رئیسانی نے قاسم سوری کی کامیابی کو چیلنج کیا تھا
-
لیویز فورس نے مختلف کارروائیوں میں چار ڈاکوؤں کو گرفتار کر لیا
چاغی۔ 9 اکتوبر (اے پی پی)چاغی لیویز فورس نے دو مختلف کارروائیوں میں چار ڈاکوؤں کو گرفتار کرلیا۔ لیویز ذرائع کے مطابق پہلی کارروائی پاک افغان سرحدی علاقے ڈاک اور دوسری کارروائی دالبندین میں کی گئی۔دونوں کارروائیاں لیویز فورس کی کوئیک رسپانس فورس نے سرانجام دیے، جس کے دوران حراست میں لیے گئے چاروں ڈاکوؤں سے اسلحہ اور مسروقہ موٹر سائیکل برآمد کرلی گئی۔
-
پاک ایران ٹرین سروس تین روز بعد بحال کردی گئی
چاغی۔ (اے پی پی)چاغی میں سیلابی ریلے سے متاثرہ ریلوے ٹریک کی مرمت کے بعد پاک ایران کارگو ٹرین سروس تین روز بعد بحال کردی گئی۔ ریلوے ذرائع کے مطابق بحالی کا کام مکمل ہوتے ہی دالبندین کے قریب روکے گئے دو مال بردار ٹرینوں کو ایرانی سرحدی علاقے میرجاوا جانے کی اجازت دے دی گئی۔ حکام کے مطابق تین روز پہلے چاغی کے مختلف علاقوں میں بارشوں کے باعث ندی نالوں میں طغیانی آگئی تھی،جس کے باعث دالبندین کے قریب متعدد مقامات پر پاک ایران ریلوے سیکشن کی ٹریک بہہ گئی،جس کی وجہ سے دو طرفہ ٹرین سروس معطل رہی،تاہم ریلوے مزدوروں کی مسلسل کوششوں کے بعد بدھ کو ٹریک کی بحالی کا کام مکمل کرلیا گیا۔
-
بولان میڈیکل کمپلیکس ہسپتال میں یہ کام برادشت نہیں کی جائے گا ،ایم ایس نے خبردارکردیا
کوئٹہ۔(اے پی پی)میڈیکل سپرنٹنڈنٹ بولان میڈیکل کمپلیکس ہسپتال ڈاکٹر فہیم نے کہا ہے کہ ہسپتال میں مریضوں کی مشکلات کے حوالے سے کسی قسم کی کوئی کوتاہی برادشت نہیں کی جائے گی اور جس طرح ہسپتال کے عملے نے مجھ اعتماد کیا ہے ان کے اعتماد کو بھی ٹھیس نہیں پہنچاوں گا، جتنا ممکن ہوسکے ہسپتال کے بہتری کے لئے کردار ادا کرتا رہوں گا،ان خیالات کااظہار انہوں نے بدھ کے روز بی ایم سی ہسپتال میں اپنا چارج سنبھالنے کے موقع پر میڈیا سے بات چیت کرتے ہوئے کیا، اس موقع پرپروفیسرز، ڈاکٹرز،پیرامیڈیکل اسٹاف، ینگ ڈاکٹرز فارماسسٹ، نرسنگ اسٹاف، پیرامیڈیکل اسٹاف سمیت ہسپتال کے دیگر عملے نے ان کا بی ایم سی کابطور ایم ایس چارج دوبارہ سنبھالنے پر مبارک دی اور ہسپتال آمد پر بھرپور استقبال کیا، پھولوں کی گلدستے پیش کئے ایم ایس بی ایم سی ہسپتال ڈاکٹر فہیم کا کہنا تھا کہ جس طرح ہسپتال کے عملے نے مجھ پر دوبار اعتماد کا اظہار کرکے استقبال کیا اس پر میں تمام پروفیسرز، ڈاکٹرزفارماسٹ،پیرامیڈیکل اسٹاف،نرسنگ اسٹاف سمیت دیگر عملے کا مشکور ہوں، انہوں نے کہا کہ پہلے بھی ہسپتال کے بہتر ی کیلئے ٹیم کو ساتھ لیکر چلتا ہوں اور آئندہ بھی ہسپتال میں موجود اپنی ٹیم کے ہمراہ ادویات کی کمی،ہسپتال میں سہولیات، مریضوں کی مشکلات اور ہسپتال عملے کی مشکلات کوختم کرنے کے لئے اپنا بھر پو ر کردار ادا کریں گے، انہوں نے کہا کہ پوسٹنگ ٹرانسفر حکومت کا اختیار ہے اگر حکومت کی جانب سے کوئی تبادلہ کیا جاتا ہے تو اسے قبول کریں گے اور جو بھی ذمے داری حکومت کی جانب سے دی جاتی ہے اسے احسن طریقے سے نبھانے کی کوشش کرتے ر ہیں گے۔ اس موقع پر ہسپتال عملے نے ڈاکٹرفہیم کو یقین دلایا کہ ہسپتال میں بہتری کے لئے وہ ان کا بھر پور ساتھ دیں گے۔
-
بلوچستان کی تاجر برادری کا احتجاج
بلوچستان کی تاجر برادری ،کسٹم کلیرنگ ایجنٹس ایسوسی ایشن ،ٹرانسپورٹرز،امپورٹرز ایکسپورٹرز اور تفتان کلیرنگ ایجنٹس کی جانب سےآج سے ایف بی آر اور کسٹم حکام کے ناروا روئیے کے خلاف ہر قسم کی تجارتی سرگرمیوں کو غیر معینہ مدت تک بند کر دیا گیا ہے جس کی وجہ سے تمام تر کاروباری سرگرمیاں ٹھپ ہوکر رہ گئی ہیں اس سلسلے میں گزشتہ دنوں صوبے کے امپورٹ ایکسپورٹ،ٹرانسپورٹرز اور کلیرنگ ایجنٹس کی جانب سے مشترکہ پریس کانفرنس میں ایف بی آر اور حکومتی حکام کو 48 گھنٹوں کی مہلت دی گئی تھی اور موقف اختیار کیا گیا تھا کہ
کہ ایف بی آر حکام ، چیف کلکٹر کسٹم اور اسلام آباد کا عملہ قانونی تجارت کو مختلف بہانوں سے بند کرنے اوردانستہ طور پر اسمگلنگ کو فروغ دینے کی کوششوں میں مصروف ہیں ایک طرف فیڈرل گورنمنٹ اور وفاقی ادارے کہہ رہے ہیں کہ ٹیکس دو اور کاروبا کرو لیکن دوسری جانب ایف بی آر اور کسٹم حکام کا رویہ بالکل اس کے برعکس ہے ۔ تاجروں امپورٹرز ،ایکسپورٹرز اور کلیرنگ ایجنٹس کا کہنا ہیں کہ ایران سے درآمد ہونے والی تمام اشیاء پرباقاعدگی سے ڈیوٹی ٹیکس ادا کر کے انہیں کسٹم سے کلیئر کیا جاتا ہے لیکن اس کےباوجود بھی کلکٹر پرونٹو کا اسٹاف مختلف بہانوں سے گاڑیاں روک کر بھتہ لیتے ہیں ۔ ان کا کہنا ہے کہ صوبے کے تاجر اپنے مسائل کے حل کے لئے چیف کلکٹر سے ملاقات کرنے کے لئے جاتے یا پھر رابطہ کرتے ہیں تو موصوف ٹال مٹول سے کام لیتے ہیں بلکہ ان کے اقدامات سے قانونی تجارت کی حوصلہ شکنی اور اسمگلنگ کی حوصلہ افزائی ہوتی ہیں ،چیف کلکٹر اور ایف بی آر اسلام آباد عملے کی اس رویہ کے باعث بلوچستان میں کاروباری سرگرمیاں مکمل طور پر ماند پڑ چکی ہیں ۔ ان کا کہنا تھا کہ ملک کے دوسرے صوبوں کے مقابلے میں بلوچستان میں تجارت کرنا زیادہ مشکل ہے ،بلوچستان میں بارٹر کاروبار کیا جاتا ہے مگر ایک سازش کے تحت بلوچستان کے تاجروں پر قانونی تجارت کے دروازے بند کئے جارہے ہیں اور انہیں دیوار سے لگایا جارہا ہے حالانکہ کسٹم کا کام قانونی تجارت کو سہل کرنا اورتاجروں کے لئے آسانیاں پیدا کرنا ہے مگر یہاں معاملہ بالکل اس کے برعکس ہےبلوچستان میں چیک پوسٹوں پر بھتہ لئے جانے کا وزیراعظم پاکستان خود بھی اعتراف کر چکے ہیں بلکہ انہوں نے اس سلسلے میں احکامات بھی دئیے تھے لیکن وزیراعظم کے کہنے کے باوجود بھی حالات جوں کے توں ہیں اس لئے اب الٹی میٹم کی مدت پوری ہونے پر احتجاجا تمام تر کاروباری سرگرمیاں معطل کر دی گئی ہیں بلکہ اس کا سلسلہ اس وقت تک جاری رہے گا جب تک ہمارے جائز مطالبات حل کرنے کے لئے عملی اقدامات نہیں اٹھائے جاتے۔
-
مرگی کا دورہ پڑنے سے نوجوان نہر میں گرگیا
ڈیرہ مراد جمالی۔ (اے پی پی) منجھوشوری کے قریب نوجوان پٹ فیڈر کینال میں ڈوب کر جاں بحق۔پولیس کے مطابق نصیرآباد کے تحصیل تمبو کے پولیس تھانہ منجھوشوری کی حدود میں 20سالہ نوجوان غلام علی منجھومرگی کا دورہ پڑنے کے سبب پٹ فیڈرکینال میں گر گیا اور ڈوب کر جاں بحق ہو گیا جس کی لاش کو فوری طور پر نکال لیا گیاپولیس نے ضروری کاروائی کے بعد لاش کوورثہ کے حوالے کرکے مزید کاروائی شروع کردی ہے۔
-
آفیسران اپنے فرائض ایمانداری سے سرانجام دیں. بڑا حکم آگیا
ہرنائی ۔ (اے پی پی) ڈپٹی کمشنر ہرنائی عظیم جان دمڑ نے تمام ضلعی محکموں کے ضلعی و تحصیل آفیسران کو ہدایت کی کہ وہ اپنے فرائض ایمانداری سے سرانجام دے کر عوام مسائل حل کرنے کیلئے اقدامات کرے آفیسران کی غفلت و لاپرواہی کو برداشت نہیں کرینگے ان خیالات کااظہار انہوں نے ضلعی و تحصیل آفیسران کے مشترکہ اجلاس سے خطاب کرتے ہوئے کیا ڈپٹی کمشنر عظیم جان دمڑ نے اجلاس سے خطاب کرتے ہوئے کہا ہے کہ کسی محکمے میں کوتاہی برداشت نہیں کی جائے گی ہماری اولین کوشش ہے کہ عوام کو زندگی کی تمام بنیادی سہولیات اُن کی دہلیز پر حل کریں شعبہ صحت اور تعلیم میں بہتری سے علاقے میں نمایاں تبدیلی آئے گی ڈیوٹی میں کوتاہی کرنے والوں کے خلاف سخت کارروائی اور کسی قسم کی غفلت برداشت نہیں کریں گے اجلاس میں امن وامان کا بھی جائز ہ لیا گیا جبکہ ہرنائی پولیس کی جانب سے منشیات فروشوں کے خلاف جاری کریک ڈؤن کی تعارف کی۔۔