جہلم۔ (اے پی پی)کشمیری اپنے حق خود ارادیت کے حصول کی جدو جہد میں تنہا نہیں ہیں۔ ہم اخلاقی اور سفارتی لحاظ سے کشمیریوں کے ساتھ کھڑے ہیں۔ ان خیالات کا اظہارایڈیشنل ڈپٹی کمشنرجنرل سید نذارت علی نے ضلع جہلم میں کشمیری بھائیوں بہنوں کے ساتھ اظہار یکجہتی کرنے کے لئے ڈپٹی کمشنر دفتر جہلم کے باہر احتجاج ریکارڈ کرواتے ہوئے کیا۔ تفصیلات کے مطابق اسسٹنٹ کمشنر جہلم فیضان احمد، ڈپٹی ڈائریکٹر لوکل گورنمنٹ ظفر محمود گوندل، ڈسٹرکٹ مانیٹرنگ آفیسر، سیکرٹری ڈی آر ٹی اے، چیف آفیسر ضلع کونسل، انچارج کمپلینٹ سیل یاسر محمود، اور دیگر تمام کچہری کمپلیکس میں دفتر کے افسران و اہلکاران نے پندرہ منٹ کے لئے کشمیر کے ساتھ یادگاری سیشن کا مظاہرہ کیا جو کہ 12:15تک جاری رہا۔ یاد رہے کہ گزشتہ روز ڈپٹی کمشنر کی ہدایت کے مطابق ضلع بھر میں تمام اسسٹنٹ کمشنرز نے تحصیل سطح پر ریلیوں کا انعقاد کیا۔ پنجاب حکومت کے دیگر دفتر و تعلیمی اداروں میں بچوں نے کشمیر کے حق میں احتجااج ریکارڈ کروایا اور ہمہ وقت ضلع بھر کے متعدد نجی و سرکاری اداروں اور دیگر محکمہ جات کے افسران اپنے اپنے دفتر میں 12 بجے پندرہ منٹ تک سیشن میں سٹاف کے ہمراہ کشمیری بھایوں کی حمایت کا مظاہرہ کرتے ہوئے کشمیر کو سپورٹ کیا ہے۔ مرکزی تقریب اے ڈی سی جی کی زیر قیادت ڈی سی دفتر کچہری کمپلیکس میں ہوئی، اس موقع پرانہوں نے کہا ہے کہ کشمیریوں کے حق خود ارادیت کی بھر پو ر حمایت کرتے ہیں۔

راولپنڈی(اے پی پی ) راولپنڈی ڈیویلپمنٹ اتھا رٹی (آرڈی اے) نے غیر قانونی رہائشی سکیموں کے خلاف کارروائی کرتے ہوئے ایک سائٹ آفس مسمار اور دو سربمہر کردیئے۔ترجمان آر ڈی اے نے اے پی پی کو بتایاکہ چیئر مین آر ڈی اے محمد عارف عباسی کی ہد ایت پر میٹرو پولیٹن پلاننگ و ٹریفک انجینئرنگ (ایم پی اینڈ ٹی ای) ڈائریکٹوریٹ نے چکری روڈ پرچار غیر قانونی ہا ؤ سنگ سوسائٹیز کے خلاف آپریشن کرتے ہوئے بینک کالونی فیز II کے سائٹ آفس کو مسمار کردیا جبکہ الرحمان سٹی اور پاک سرزمین ٹاؤن کے سائٹ دفاترکوسر بمہر کردیا گیا۔اسی طرح غیر قانونی رہائشی سکیم محمود ٹاؤن کے ترقیاتی کام کو رکوا دیا گیا۔انہوں نے بتایاکہ ایم پی اینڈ ٹی ای ڈائریکٹوریٹ نے جمعرات کو یہ آپریشن پولیس نفری کے ہمراہ کیا کے ساتھ مل کر بھر پور آپریشن کیا۔اس ضمن میں ڈائریکٹر میٹروپولیٹن و ٹریفک انجینئرنگ آرڈی اے کا کہنا ہے کہ جن سوسائٹیز کے خلاف کاروائیاں کی گئیں وہ تمام پنجاب پرائیوٹ ہاؤسنگ سکیمز اینڈ لینڈ سب ڈویژن رولز 2010کی خلاف ورزی کررہی تھیں۔ترجمان آر ڈی اے نے شہریوں کو انتباہ کیاکہ وہ غیرقانونی ہاؤسنگ سوسائٹیز میں ہر گز سرمایہ کاری نہ کریں اور کسی بھی رہائشی سکیم میں پلاٹ خریدنے سے قبل آر ڈی اے کی ویب سائٹ سے مذکورہ رہائشی سکیم کی قانونی حیثیت بارے جانچ پڑتال ضرور کریں۔

جہلم۔ (اے پی پی) جہلم ڈسڑکٹ پولیس آفیسر کیپٹن (ر) سید حماد عابد کی ہدایت پر سماج دشمن عناصر کے خلاف جہلم پولیس کا کریک ڈاؤن جاری مناظر حسین ASI تھانہ سول لا ئن جہلم نے دوران گشت ملزم محمد شکیل ولد اللہ دتہ سکنہ بجلی گھرسرائے عالمگیر ضلع گجرات سے ایک عدد آہنی مکہ اور ایک عدد چاقو برآمد کرکے 13Aii/20/65کے تحت مقدمہ درج کرلیا۔مظہر حسین SI تھانہ لِلہ نے دوران گشت و ناکہ بندی موٹر سائیکل سوار مسمی غلام رضا عباس ولد واجد حسین سکنہ مندی محمد صدیق تحصیل پنددادنخان ضلع جہلم سے1260گرام چرس برآمد کر کے 9-C/CNSAکے تحت مقدمہ درج کرلیا۔مظہر حسین SI تھانہ لِلہ نے دوران گشت و ناکہ بندی موٹر سائیکل سوار مسمی سہیل عمران تبسم ولد تصدق حسین تبسم سکنہ محلہ بلوچانوالہ پنددادنخان ضلع جہلم سے215گرام چرس برآمد کر کے 9-B/CNSAکے تحت مقدمہ درج کرلیا۔

جہلم۔ (اے پی پی) ڈسٹرکٹ فوڈ اتھارٹی کی عدم دلچسپی و لا پرواہی کے باعث آئیو ڈین کے بغیر کھلے نمک کی فروخت جاری رہنے سے گلہڑ کے علاوہ بچوں نوزائیدہ بچوں میں ذہنی و جسمانی بیماریوں میں اضافہ، جہلم شہر کے دیہی علاقوں میں بڑوں میں گلہڑ اور بچوں میں زہنی و جسمانی بیماریاں عام ہونے لگیں،حال ہی میں پنجاب حکومت کی طرف سے جہلم سمیت صوبہ پنجاب کے 36اضلاع میں بغیر آئیوڈین نمک فروخت کرنے پر پابندی عائد کی گئی تھی مگر محکمہ صحت جہلم کے ذمہ د اران کی طرف سے خاطر خواہ انتظامات نہ ہونے کی وجہ سے تاحال مارکیٹ میں فروخت ہونیوالے نمک میں آئیوڈین کی مقدار 10فیصد سے بھی نیچے ہے جبکہ قوانین کے مطابق نمک میں آئیوڈین کی مقدار30فیصد ہونی چاہئے۔ ایک انسان کو دن میں 150 مائیکرو گرام جبکہ حاملہ خواتین میں 200 مائیکرگرام آئیوڈین کی ضرورت ہوتی ہے، مگر آئیوڈین کی کم مقدار پیدا ہوینوالے بچوں میں دماغی کمزوری اور مختلف جسمانی امراض کی شرح انتہائی خطرناک صورتحال اختیار کرتی جارہی ہے، شہریوں نے ڈی جی پنجاب فوڈ اتھارٹی، ڈپٹی کمشنر سے مطالبہ کیا ہے کہ اندرون شہر نمک پیسنے والی چکیوں سے نمونہ جات حاصل کر کے تجزیہ کیلئے لیبارٹری بھجوائے جائیں، نتائج کی روشنی میں بااثر دکانداروں و چکی مالکان کے خلاف فوجداری مقدمات درج کروائے جائیں اور چکیاں سیل کی جا ئیں۔

راولپنڈی (اے پی پی)لائیو سٹاک و ڈیری ڈویلپمنٹ سمیت دیگر متعلقہ اداروں کی مبینہ غفلت اور لاپرواہی کی وجہ سے شہر و کینٹ میں غیر قانونی مذبح خانوں کی بھرمار ہو گئی اور شہریوں کو مضر صحت گوشت کھلایا جانے لگا۔اے پی پی کو دستیاب معلومات کے مطابق شہرو کینٹ کے مختلف علاقوں میں گھروں میں مذبحہ خانے قائم ہیں جہاں بیمار اور لاغر جانوروں کو بلااجازت ذبح کر کے عوام کو غیر صحت مند گوشت کی فراہمی کی جاتی ہے۔ذرائع کاکہنا ہے کہ غیر قانونی مذبح خانوں سے متاثرہ محلوں میں گندگی اور تعفن کی وجہ سے شہری مختلف بیماریوں کا شکار ہو رہے ہیں۔ قصابوں نے مبینہ طور پرسلاٹر ہاوس کی مہریں بھی بنا رکھی ہیں اور ذاتی طور پر ذبح کئے گئے جانوروں پر سلاٹر ھاؤس چکلالہ سمیت دیگر سرکاری سلاٹر ھاؤسز کی جعلی مہریں لگا کر مختلف علاقوں میں گوشت فروخت کرنے کا سلسلہ شروع کر رکھا ہے۔ذرائع نے قومی خبر ایجنسی کو بتایاکہ ان غیر قانونی مذبحہ خانوں میں چیکنگ کے لئے آنے والی ٹیموں کو ڈرا دھمکا کر بھگا دیا جاتا ہے یا مبینہ طور پر مک مکا کی پالیسی اپنائی جاتی ہے۔واضح رہے کہ 2013میں عوامی شکایات پر ان غیر قانونی مذبحہ خانوں کے خلاف انتظامیہ حرکت میں آئی تھی اور ایک ہی رات میں ناز سینما اور امام باڑہ کے قریب سے 40سے زائد مذبحہ خانوں اور باڑوں سے 3ہزار سے زائد جانور پکڑے گئے تھے۔ گذشتہ تین سال سے اڈیالہ روڈ سمیت شہر بھر میں ایک بار پھر غیر قانونی مذبحہ خانے کھل گئے ہیں۔دوسری جانب ذرائع کا کہنا ہے کہ محکمہ لائیو سٹاک کی جانب سے گذشتہ ڈیڑھ برس سے مضرصحت گوشت کی روک تھام کے لئے مانیٹرنگ سسٹم غیر فعال ہے اور سرگودھا، جھنگ، منڈی بہاولدین سے بدستور مضر صحت گوشت کی سپلائی ہو رہی ہے۔

پنجاب کے شہر راولپنڈی میں موٹر سائیکل سواروں کی فائرنگ سے پولیس کا سب انسپکٹر جاں بحق ہو گیا

باغی ٹی وی کی رپورٹ کے مطابق راولپنڈی کے علاقے تلسہ روڈ پر موٹر سائیکل پر سوار نا معلوم افراد کی جانب سے پولیس کی گاڑی پر فائرنگ کی گئی جس سے گاڑی میں موجود سب انسپکٹر راجہ ارشد موقع پر جاں بحق ہو گئے.

نامعلوم افراد کی فائرنگ سے جاں بحق ہونے والے راجہ ارشد تھانہ صدر بیرونی میں تعینات تھے ، وہ پولیس میں سب انسپکٹر تھے، اطلاع ملنے پر پولیس کی بھاری نفری موقع پر پہنچ گئی اور لاش کو ہسپتال منتقل کیا،

ہمارے نوجوان وزیراعظم کے دل کے بہت قریب ہیں، زرتاج گل

خواجہ صاحب مڑ کر دیکھیں تو رانا ثناء اللہ بھی کہیں اورنظر آئیں گے:زرتاج گل

پولیس کے افسران بھی موقع پر پہنچ گئے جنہوں نے علاقہ کی گھیرا بندی کا حکم دیتے ہوئے ملزمان کو پکڑنے کے احکامات دیئے،

واضح رہے کہ گزشتہ چوبیس گھنٹوں میں پولیس پر فائرنگ کا یہ دوسرا واقعہ ہے، گزشتہ شب پنجاب کے صوبائی دارالحکومت لاہور میں پولیس پر فائرنگ سے ایک اہلکار شہید ہو گیا تھا

بس پر فائرنگ، بچے اور خاتون سمیت چھ افراد جاں بحق

جہلم۔ (اے پی پی) دینہ میں آسمانی بجلی گرنے سے ہڈالہ سیداں فرسٹ ائیر کاطالب علم جاں بحق۔ تفصیلات کے مطابق دینہ کے نواحی گاؤں ہڈالہ سیداں کارہائشی نعلین عباس ولد جبین شاہ آسمانی بجلی گرنے سے جاں بحق ہوگیا۔نعلین عباس اپنے گھر کے صحن میں درخت کے نیچے بیٹھا ہوا تھا کہ اچانک آسمانی بجلی گری جس سے وہ موقع پرہی جاں بحق ہوگیاجبکہآسمانی بجلی گرنے سے درخت کو بھی نقصان پہنچا۔

راولپنڈی (ا ے پی پی)کمشنر راولپنڈی کیپٹن(ر) ثا قب ظفر نے وا ئس چا نسلر راولپنڈی میڈ یکل یو نیو ر سٹی ڈا کٹر عمر کے ہمراہ روات میں و طیم ہسپتال کا دورہ کیا جہاں پر ڈ ینگی سے متا ثرہ مر یضوں کے لئے350 بستروں کا نیا پرائیو یٹ ہسپتال د ینے کی یقین دہا نی کروائی گئی تھی۔ انہوں نے وہا ں فراہم کی جانے والی طبی سہولیات کا جا ئزہ لیا اور مز ید ہدا یات جا ری کر تے ہو ئے کہا کہ ہمیں اس بات کی یقین دہا نی کر نی ہے کہ ڈ ینگی سے متا ثرہ مر یضوں کو بہتر نگہدا شت فراہم کی جا رہی ہے کیو نکہ اس مر ض میں احتیا ط سب سے ز یا دہ کا ر آ مد دوا ہے۔ ڈ ینگی سے متاثرہ مر یضوں کی تا زہ تر ین صورتحال بتا تے ہو ئے کمشنر راولپنڈی نے کہا کہ راولپنڈی کے ہسپتالوں میں اس و قت ڈینگی کے805مشتبہ مریض دا خل ہیں جن میں سے631ڈ ینگی کے کنفرم مریض ہیں۔ گز شتہ چوبیس گھنٹوں کے دوران ہسپتالوں میں سے273 مر یض دا خل ہو ئے جبکہ اسی دورانیہ میں 266 مر یض علا ج معالجے کے بعد ڈ سچار ج ہوئے ہیں۔ اسکے علاوہ یکم اگست سے اب تک ڈ ینگی ایکٹ کی خلاف و رزیوں کی صورت میں 1766 نوٹسز دئے جا چکے ہیں جبکہ187 جگہیں سیل کی گئی ہیں۔98فراد کے خلاف ایف آئی آرز د رج کی گئی ہیں اور72 گرفتاریاں عمل میں لا ئی جا چکی ہیں۔ انہوں نے ہدا یت کی کہہ محکمہ صحت اس بات کی یقین د ہا نی کرے کہ ہسپتالوں میں تما م تر ادویات وا فر مقد ار میں موجود ہیں نیز انسداد ڈ ینگی مہم میں آلات، مشین اور دوا ئیں نہ صر ف مطلوبہ مقد ار میں موجود ہیں بلکہ فعال بھی ہیں۔ نیزانسداد ڈینگی اقدامات میں زیرو ٹالرنس پالیسی پر عمل پیرا ہو تے ہو ئے انتظا میہ افسران خود فیلڈ میں رہ کر ڈ ینگی ٹیموں کے ما نیٹر نگ کر یں۔