Baaghi TV

Category: راولپنڈی

  • وزیراعظم اور صدر مملکت کا یوم فضائیہ پر پیغام میں جوانوں کو خراج تحسین

    وزیراعظم اور صدر مملکت کا یوم فضائیہ پر پیغام میں جوانوں کو خراج تحسین

    1965 کی جنگ میں 7 ستمبر کو لڑے جانے والے فضائی معرکے کی یاد میں آج ملک بھر میں یومِ فضائیہ منایا جا رہا ہے،یوم فضائیہ 7 ستمبر کے موقع پر وزیراعظم شہباز شریف اور صدر آصف علی زرداری نے اپنے پیغام میں پاک فضائیہ کے جوانوں کو خراج تحسین پیش کیا۔

    اپنے خصوصی پیغام میں صدر نے کہا کہ قوم اپنے شہداء اور غازیوں کو سلام پیش کرتی ہے، جنہوں نے مادرِ وطن کے دفاع کے لیے جانوں کا نذرانہ پیش کیا اور بے مثال جرات و بہادری کا مظاہرہ کیا۔

    صدر زرداری نے 1965 کی جنگ کو یاد کرتے ہوئے کہا کہ پاک فضائیہ نے اس تاریخی معرکے میں شجاعت اور بہادری کی ایسی داستان رقم کی جو رہتی دنیا تک یاد رکھی جائے گی،پاک فضائیہ نے نہ صرف جنگ کے دوران بلکہ ہر مشکل وقت میں پیشہ ورانہ مہارت، بلند حوصلے اور جرات کا مظاہرہ کیا۔

    انہوں نے کہا کہ پاک فضائیہ نے معرکۂ حق، ’’بنیان المرصوص‘‘ میں فیصلہ کن کردار ادا کرتے ہوئے دشمن کو ہر محاذ پر منہ توڑ جواب دیا، جس پر پوری قوم کو فخر ہے،پاک فضائیہ کی شاندار پیشہ ورانہ صلاحیتوں نے دنیا کو حیران کیا ہے اور اس کی جدید صلاحیتیں ملکی دفاع کی مضبوط ضمانت ہیں۔ انہوں نے مزید کہا کہ پاک فضائیہ نے ہمیشہ ملک کی فضائی حدود اور قومی سالمیت کا بھرپور دفاع کیا ہے، جس پر پوری قوم کو ناز ہے۔

    وزیر اعظم محمد شہباز شریف نے یوم فضائیہ پر اپنے پیغام میں کہا کہ پاک فضائیہ کے بہادر سپوتوں کوبے مثال کارکردگی پر خراج تحسین پیش کرتا ہوں،آج کا دن پی اے ایف اہلکاروں کی بہادری اور قربانیوں کی یادمیں منایاجاتا ہے۔

    وزیراعظم نے کہا کہ پاک فضائیہ کے شہداء کی لازوال قربانیاں تاریخ میں روشن ہیں،پاک فضائیہ پیشہ ورانہ مہارت میں دنیا کی کسی بھی فضائیہ سے کم نہیں، پاک فضائیہ نے معرکہ حق بنیان المرصوص میں فیصلہ کن کردار ادا کیا،پاک فضائیہ کی جنگی صلاحیتیں پاک فضائیہ کی جدت کا منہ بولتا ثبوت ہے،اس بات پرفخرہے پاک فضائیہ نے اپنے سے کئی گنا بڑے دشمن کو شکست دی، مجھے یقین ہے پاک فضائیہ ملک کی خود مختاری کا ہمیشہ بھرپور تحفظ کرتی رہے گی۔

    7 ستمبر 1965 کے دن پاک فضائیہ کے شاہینوں نے جرات، بہادری کی تاریخ رقم کی۔ پاک فضائیہ کے جوانوں نے بہادری سے دشمن کے ناپاک عزائم کو خاک میں ملایا جس پر قوم فخر کرتی ہےیہ وہ یادگار دن ہے جب پاک فضائیہ کے شیر دل جوانوں کی مہارت اور جانبازی کی بدولت پاکستان نے 1965ء کی پاک بھارت جنگ میں کامیابی اپنے نام کی۔

    1965 کی جنگ میں ایم ایم عالم نے پاکستان اور بھارت کے درمیان جنگ میں شجاعت اور بہادری کی ایسی تاریخ رقم کی جو رہتی دنیا تک یاد رکھی جائے گی،اپنی ہوا بازی کے کارناموں سے اسکواڈرن لیڈر ایم ایم عالم نے دشمنوں کو ناکوں چنے چبوا دیے اور دشمن بھارت کے 5 جنگی طیارے ایک منٹ میں زمین پر مار گرائے،ان کا یہ کارنامہ پاک فضائیہ کی تاریخ کا سنہرا باب ہے جسے ایک معجزہ تصور کیا جاتا ہے۔

  • بچے کے زیادتی اور قتل کے مقدمے میں مجرم کو 3 بار سزائے موت کا فیصلہ

    بچے کے زیادتی اور قتل کے مقدمے میں مجرم کو 3 بار سزائے موت کا فیصلہ

    راولپنڈی:عدالت نے بچے کے اغوا، زیادتی اور قتل کے مقدمے میں مجرم کو 3 بار سزائے موت دینے کا فیصلہ سنا دیا۔

    ایڈیشنل ڈسٹرکٹ اینڈ سیشن جج افشاں اعجاز صوفی نے فیصلے میں لکھا کہ مجرم عرفان عظیم کو قتل کے جرم میں سزائے موت دی گئی جب کہ زیادتی کے جرم میں بھی سزائے موت اور 5 لاکھ روپے جرمانے کی سزا سنائی گئی،اسی طرح اغوا کے جرم میں بھی سزائے موت کے ساتھ 5 لاکھ روپے جرمانہ عائد کیا گیامجموعی طور پر مجرم پر 10 لاکھ روپے جرمانہ عائد کیا گیا ہے۔

    مجرم نے مارچ 2023ء میں تھانہ دھمیال کے علاقے سے 13 سالہ بچے کو اغوا کرنے کے بعد زیادتی کا نشانہ بنایا اور چھری کے وار سے قتل کر دیا تھاٹھوس شواہد اور مؤثر پیروی کی بنیاد پر عدالت نے مجرم کو سخت ترین سزا دیتے ہوئے حکم دیا کہ اسے پھانسی پر اس وقت تک لٹکایا جائے جب تک موت واقع نہ ہو۔

    رواں ماہ مکمل چاند گرہن کا مشاہدہ پاکستان میں بھی کیا جاسکے گا

    ادھرکراچی کی عدالت نے اسکول وین میں 7 سالہ بچی کو ہراساں کرنے کے مقدمے میں جرم ثابت ہونے پر ملزم (ڈرائیور) کو 14 سال قید کی سزا سنا دی۔ایڈیشنل ڈسٹرکٹ اینڈ سیشن جج وسطی کی عدالت میں وین ڈرائیور کی جانب سے کمسن بچی کو ہراساں کرنے کے مقدمے کی سماعت ہوئی، عدالت نے جرم ثابت ہونے پر ملزم اویس خان کو 14 برس قید کی سزا سناتے ہوئے 10 لاکھ روپے جرمانہ بھی عائد کردیا،جرمانے کی عدم ادائیگی پر ملزم کو مزید 3 سال قید بھگتنا ہوگی۔

    بھارت : اسپتال کے آئی سی یو وارڈ میں چوہے نے 2 نومولود بچوں کو کاٹ لیا

    پراسیکیوٹر کی جانب سے بتایا گیا کہ ملزم نارتھ ناظم آباد میں واقع اسکول سےگھر بچی کو پک اینڈ ڈراپ سروس فراہم کرتا تھا بچی نے اپنے والدین کو بتایا کہ ڈرائیور اس کے ساتھ غیراخلاقی حرکات کرتا ہے، والدین کی شکایت پر ملزم کو گرفتار کیا گیا تھاعدالت نے ریمارکس دیے کہ وکیل صفائی نے نکتہ اٹھایا کہ مقدمے میں وقت اور جگہ نہیں بتائی گئی، بچی 7 سال کی ہے، اس کے لیے یہ یاد رکھنا بہت مشکل ہے،تازہملزم اویس خان کے خلاف تھانہ تیموریہ میں مقدمہ درج کیا گیا تھا۔

  • طالبہ سے مبینہ زیادتی اور اسقاط حمل، وفاقی وزیر انسانی حقوق کا فوری انکوائری کا حکم

    طالبہ سے مبینہ زیادتی اور اسقاط حمل، وفاقی وزیر انسانی حقوق کا فوری انکوائری کا حکم

    وفاقی وزیر انسانی حقوق اور وزیر قانون اعظم نذیر تارڑ نے 10ویں جماعت کی طالبہ سے پرائیویٹ اکیڈمی کے پرنسپل کی جانب سے مبینہ زیادتی اور اسقاط حمل کے واقعے پر فوری اور شفاف انکوائری کا حکم دے دیا۔

    راولپنڈی کے علاقے پیرودھائی کے نواحی علاقے خیابان سرسید کی رہائشی طالبہ نے پیر کو تھانے میں ایف آئی آر درج کروائی تھی جس میں الزام لگایا گیا کہ اکیڈمی کے پرنسپل نے متعدد بار اس سے زیادتی کی اور اسے زبردستی اسقاط حمل پر مجبور کیا، پرنسپل نے شادی کی پیشکش کی تھی اور کہا تھا کہ وہ اس کے والدین سے بات کرے گا، تاہم اس کے بعد وہ قریب آنا شروع ہوگیا اور امتحانات میں اچھے نمبر دلانے کا جھانسہ دے کر تعلقات پر مجبور کیا۔

    ایف آئی آر کے مطابق پرنسپل نے اپنے دفتر میں اسے زیادتی کا نشانہ بنایا اور جب طالبہ حاملہ ہوئی تو اس نے شادی کرنے کے بجائے اسے اسقاط حمل کی دوا دی، طالبہ نے الزام لگایا کہ پرنسپل نے بار بار زیادتی کی اور جب وہ دوبارہ وہ حاملہ ہوئی تو اس نے پھر استاد سے شادی پر اصرار کیا تو اس نے انکار کرتے ہوئے تشدد شروع کردیا۔

    دھوکے باز آدمی نے محبت کا جھانسہ دے کر عمر رسیدہ خاتون سے لاکھوں روپے ہڑپ لیے

    وزیر انسانی حقوق نے ملزم کی فوری گرفتاری اور واقعے پر رپورٹ طلب کی ہے ان کا کہنا تھا کہ متاثرہ طالبہ کو انصاف کی فراہمی ہر صورت یقینی بنائی جائے۔

    قانونی ماہرین کے مطابق پاکستان پینل کوڈ کی دفعہ 376 کے تحت ریپ کی سزا سزائے موت، یا کم از کم 10 سال اور زیادہ سے زیادہ 25 سال قید یا بقیہ عمر قید اور جرمانہ ہے رواں برس مئی میں راولپنڈی کی سیشن عدالت نے اینٹی ریپ ایکٹ 2021 کے تحت ایک مجرم کو ریپ کے جرم میں سزائے موت سنائی تھی۔

    وزیراعظم کی بیجنگ سے چیئرمین این ڈی ایم اے کو ٹیلیفونک کال

    نیشنل کمیشن فار ہیومن رائٹس کی چیئرپرسن رابعہ جویری آغا نے حال ہی میں کہا تھا کہ ریپ کا شکار ہونے والی صرف 41 فیصد خواتین رپورٹ درج کراتی ہیں اور ان میں سے بھی اکثر سماجی دباؤ کے باعث پیچھے ہٹ جاتی ہیں،وزارت داخلہ کی رپورٹ کے مطابق 2021 سے جون 2025 تک اسلام آباد میں جنسی تشدد کے 567 کیسز درج ہوئے جن میں سے 200 بچوں سے متعلق تھے۔ اسی عرصے میں راولپنڈی پولیس نے اڈیالہ جیل کے ایک ملازم کو گرفتار کیا جس پر الزام تھا کہ اس نے اپنی 11 سالہ بھتیجی کو زیادتی کا نشانہ بنایا۔ اسی ماہ ضلع دھمیال کی ایک خاتون نے اپنے مکان مالک کے بیٹے پر جنسی حملے کا الزام لگایا تھا۔

    فیمنزم کا مطلب مردوں سے نفرت کرنا ہرگز نہیں ہے، ژالے سرحدی

  • شادی کا جھانسہ دیکر میٹرک کی طالبہ سے مبینہ جنسی زیادتی ، پرنسپل گرفتار

    شادی کا جھانسہ دیکر میٹرک کی طالبہ سے مبینہ جنسی زیادتی ، پرنسپل گرفتار

    راولپنڈی : شادی کا جھانسہ دیکر اور امتحان کی تیاری کرانے کے بہانے بلا کر میٹرک کی طالبہ کو مبینہ جنسی زیادتی کا نشانہ بنانے والے اکیڈمی پرنسپل کو گرفتار کرلیا گیا۔

    رپورٹ کے مطابق اکیڈمی پرنسپل،نےراولپنڈی کے تھانہ پیرودھائی کے علاقے میں شادی کا جھانسہ دیکر اور امتحان کی تیاری کرانے کے بہانے بلا کر میٹرک کی طالبہ کو مبینہ جنسی زیادتی کا نشانہ بنایا،طالبہ حاملہ ہوئی تو ملزم نے نجی کلینک لے جا کر چیک اپ کرایا اور ادویات دیتا رہا جس سے حمل ضائع ہوگیا، پولیس نے اکیڈمی پرنسپل ضیا الرحمان کے خلاف زیادتی و اسقاط حمل کی دفعات کے تحت مقدمہ درج کرکے اسے گرفتار کرلیا۔

    مقدمے کے متن کے مطابق طالبہ نے کہا کہ،سال 2023 میں اسد اکیڈمی خیابان سر سید میں میڑک کلاس میں داخلہ لیا، مئی 2025 میں اکیڈمی کے پرنسپل ضیا الرحمان نے کہا کہ میری اولاد نہیں، مجھ سے شادی کرلو، پرنسپل کو منع کردیا اور کہا کہ ایسا کوئی رشتہ قائم کرنا ہے تو میرے والدین سے بات کرلیں،لیکن حیلے بہانوں سے میرے قریب ہونا شروع کردیا، ٹیوشن پڑھانے اور اچھے نمبروں کا لالچ دینے لگا، طالبہ ہونے کے ناطے اپنے خاندان کی بدنامی کی ڈر سے خاموش رہی۔

    شادی کا جھانسہ دیکر میٹرک کی طالبہ سے مبینہ جنسی زیادتی ، پرنسپل گرفتار

    متاثرہ طالبہ نے مقدمے میں کہا کہ 21 مئی کو پیپر کی تیاری کے لیے اکیڈمی بلوایا، وہاں گئی تو تمام اسٹوڈنٹس چھٹی کرکے جاچکے تھے، پرنسپل اکیڈمی میں بیٹھا تھا، تمام دروازے بند کرکے مجھ سے زبردستی زیادتی کی اور کسی کو بتانے کی صورت میں دھمکیاں دیں،پرنسپل کہتا رہا کہ میں جلد تم سے شادی کرلوں گا، میری طبیعت خراب ہونا شروع ہوگئی تو صدر کے ایک نجی کلینک میں لے جاکر علاج کرایا، ایک ماہ بعد مجھے پتہ چلا کہ میں حاملہ ہوچکی ہوں، جس پر میں نے ضیا الرحمان کو بتایا تو اس نے کوئی دوائی لاکر دی۔

    مقدمے کے متن کے مطابق طالبہ نے کہا کہ مجھے معلوم نہ تھا لیکن استعمال کرنے پر میری طبعیت خراب ہوگئی، بعد میں پتا چلا کہ دوائی اسقاط حمل کی تھی، میرا حمل ضائع ہوگیا، ضیا الرحمان کو پتا چلا تو اس نے کہا اب تم کسی سے شادی کے قابل نہیں، میں ہی تم سے شادی کروں گا لیکن کچھ وقت درکار ہے،جولائی میں پرنسپل ضیا الرحمان نے اکیڈمی کے دفتر کے اندر ہی مجھ سے زبردستی زیادتی کی اور دھمکیاں دیں کہ کسی کو بتایا تو شادی نہیں کروں گا، اس کے بعد بھی مختلف اوقات میں وہ بلیک میل کرکے زیادتی کرتا رہا جس سے دوبارہ حاملہ ہوگئی۔

    شاہ رخ خان کی بیٹی سہانا خان کو قانونی مشکلات کا سامنا

    متن کے مطابق لڑکی نے کہا کہ ’ضیا الرحمان سے شادی کے ضد کی تو وہ ذہنی و جسمانی ٹارچر کرنے لگا، خاندان کی عزت کی وجہ سے سخت پریشان رہنے لگی جس سے حمل از خود ضائع ہوگیا،اکیڈمی پرنسپل ضیا الرحمان نے درس و تدریس کے مقدس پیشے کی آڑ میں شادی کا جھانسہ دیکر زبردستی زیادتی کرکے حاملہ کرنے اور پھر حمل ضائع کرکے سخت زیادتی کی اور میری زندگی برباد کردیا، مزکورہ کے خلاف مقدمہ درج کرکے انصاف فراہم کیا جائے۔

  • راولپنڈی ، 7 سالہ بچی کی میت قبر سے غائب، تحقیقات کا مطالبہ

    راولپنڈی ، 7 سالہ بچی کی میت قبر سے غائب، تحقیقات کا مطالبہ

    راولپنڈی کے تھانہ دھمیال کے علاقے گرجا میں 7 سالہ بچی کی میت قبر سے اچانک غائب ہو گئی، جس کے بعد علاقے میں خوف و ہراس پھیل گیا۔ متوفی بچی کے والدین نے فوری طور پر تھانہ دھمیال کی چوکی پولیس کو درخواست دے کر واقعے کی رپورٹ درج کروائی ہے۔

    بچی کے ماموں کا کہنا ہے کہ بچی کا 26 اگست کو انتقال ہوا تھا اور تیسرے دن دعا کے لیے قبر پر جانے پر انہیں کفن قبر سے باہر پڑا ملا، جو کہ انتہائی تشویشناک بات ہے۔ اس واقعے نے علاقے میں شدید تشویش اور غم و غصہ پیدا کر دیا ہے۔علاقہ مکینوں نے اس افسوسناک واقعے کی فوری اور شفاف تحقیقات کا مطالبہ کیا ہے تاکہ پتہ چلایا جا سکے کہ میت قبر سے کیوں اور کیسے غائب ہوئی۔ ان کا کہنا ہے کہ اگر کوئی انسانی مداخلت ہے تو اس کے خلاف سخت کارروائی کی جائے۔

    دھمیال پولیس نے فوری کارروائی کرتے ہوئے قبر پر سیکیورٹی اہلکار تعینات کر دیے ہیں تاکہ مزید وقوعات سے بچا جا سکے۔ پولیس حکام کا کہنا ہے کہ ابتدائی طور پر قبر کی بے حرمتی کے واضح شواہد نہیں ملے، تاہم معزز عدالت سے اجازت لے کر قبر کشائی کی جائے گی تاکہ حقائق کو سامنے لایا جا سکے۔پولیس نے مزید کہا کہ قبر کشائی کا عمل جاری ہے اور اس کے بعد قانون کے مطابق تمام ممکنہ کارروائیاں عمل میں لائی جائیں گی تاکہ انصاف یقینی بنایا جا سکے۔

  • عمران خان کے مکمل طبی معائنے کی درخواست پر جیل حکام سے جواب طلب

    عمران خان کے مکمل طبی معائنے کی درخواست پر جیل حکام سے جواب طلب

    بانی پاکستان تحریک انصاف (پی ٹی آئی) عمران خان،کے طبی معائنے کے لیے راولپنڈی کی انسداد دہشتگری کی خصوصی عدالت (اے ٹی سی) میں درخواست دائر کردی گئی ، جس پر اے ٹی سی نے جیل حکام سے جواب طلب کرلیا۔

    درخواست عمران خان کی ہمشیرہ علیمہ خان نے اپنے وکلا کے ذریعے دائر کی، جس میں مؤقف اختیار کیا گیا ہے کہ بانی پی ٹی آئی عمران خان کے مکمل میڈیکل چیک اپ اور آنکھوں کے معائنے کے لیے میڈیکل بورڈ تشکیل دیا جائے۔

    درخواست کی سماعت انسداد دہشتگردی کی خصوصی عدالت کے جج امجد علی شاہ نے کی،درخواست گزار کے وکلا نے مؤقف اختیار کیا کہ جیل میں ملاقات کے دوران عمران خان نے آنکھوں میں شدید دباؤ اور دھندلے پن کی شکایت کی، 73 سالہ عمران خان 2 سال سے زیادہ عرصے سے جیل میں ہیں، اور ان کا آخری طبی معائنہ 4 نومبر 2024 کو ہوا تھا۔

    وزیراعظم شہباز شریف کی زیرصدارت سیلابی صورتحال پر ہنگامی اجلاس

    درخواست گزار نے کہا کہ بارہا درخواستیں دینے کے باوجود ان کا معائنہ نہیں کیا گیا، موجودہ وفاقی و پنجاب حکومت کے ماتحت کام کرنے والے ڈاکٹروں پر بھروسہ نہیں، عمران خان کے ذاتی ڈاکٹروں کو میڈیکل بورڈ میں شامل کیا جائے،عدالت فوری طور پر اڈیالہ جیل کے سپرنٹنڈنٹ کو میڈیکل بورڈ بنانے کا حکم دے۔

    عدالت نے جیل حکام سے جواب طلب کرتے ہوئے سماعت 29 اگست تک ملتوی کر دی۔

    وزیراعظم سے جاپانی بینک کے وفد کی ملاقات

  • جی ایچ کیو حملہ کیس،شبلی فراز،عمر ایوب سمیت 14 افراد کے وارنٹ جاری

    جی ایچ کیو حملہ کیس،شبلی فراز،عمر ایوب سمیت 14 افراد کے وارنٹ جاری

    راولپنڈی کی انسداد دہشت گردی عدالت نے جی ایچ کیو حملہ کیس میں پی ٹی آئی رہنماؤں کے ناقابل ضمانت وارنٹ جاری کر دیے۔

    جی ایچ کیو حملہ کیس سمیت 9 مئی کے 12 مقدمات کی سماعت انسداد دہشت گردی راولپنڈی میں ہوئی،دوران سماعت عدالت نے جی ایچ کیو حملہ کیس میں 14 ملزمان کی حاضری سے استثنیٰ کی درخواستیں خارج کر دیں،جن ملزمان کی حاضری سے استثنیٰ کی درخواستیں خارج ہوئیں ان میں عمر ایوب، شبلی فراز، کنول شوذب، زرتاج گل، احمد چٹھہ، راشد شفیق، رائے مرتضٰی، بلال اعجاز اور چوہدری آصف شامل ہیں،بعد ازاں عدالت نے عدم حاضری پر ملزمان کے ناقابل ضمانت وارنٹ گرفتاری جاری کر دیے۔

  • راولپنڈی احتجاج کیس: غیر حاضری پر عالیہ حمزہ کی عبوری ضمانت خارج

    راولپنڈی احتجاج کیس: غیر حاضری پر عالیہ حمزہ کی عبوری ضمانت خارج

    راولپنڈی کی انسداد دہشت گردی کی خصوصی عدالت (اے ٹی سی) نے عدم پیروی اور غیر حاضری پر عالیہ حمزہ کی عبوری ضمانت خارج کر دی۔

    انسداد دہشتگردی عدالت کے جج امجد علی شاہ نے پاکستان تحریک انصاف (پی ٹی آئی) کے رہنماؤں کے خلاف ستمبر، اکتوبر اور نومبر 2024 کے احتجاج کے مقدمات میں ضمانتوں کی سماعت کی،دوران سماعت عدالت نے عدم پیروی اور غیر حاضری پر عالیہ حمزہ کی عبوری ضمانت خارج کر دی، عالیہ حمزہ کی پہلے بھی ایک مرتبہ عدم حاضری پر ضمانت خارج کی جا چکی ہے۔

    پراسیکیوٹر ظہیر شاہ نے عدالت کو آگاہ کیا ملزمان تفتیش اور ٹرائل میں تعاون نہیں کر رہے، دانستہ طور پر پیش نہیں ہوتے، ملزمان کے ان حربوں سے تفتیش کا عمل متاثر ہوتا ہے، اور تفتیش سمیت عدالتی عمل آگے نہیں بڑھ پا رہا۔

    اسٹاک ایکسچینج میں ریکارڈ بننے کا سلسلہ جاری،انڈیکس ایک لاکھ 50 ہزار کی سطح عبور کرگیا

    عدالت نے پی ٹی آئی کے سیکریٹری جنرل سلمان اکرم راجا کی عبوری ضمانت میں 3 ستمبر تک توسیع کر دی،عدالت نے سینیٹر اعظم سواتی کی درخواست ضمانت پر سماعت 27 اگست تک ملتوی کر دی،اعظم سواتی پشاور ہائی کورٹ میں پیشی کے باعث عدالت حاضر نہیں ہوسکے، اعظم سواتی کی غیر حاضری پر ان کے وکیل کی جانب سے درخواست عدالت پیش کی گئی تھی۔

    ملک کو سیاسی استحکام کی شدید ضرورت ہے،رانا ثنا اللہ

  • مری اسلام آباد ایکسپریس وے پر لینڈ سلائیڈنگ

    مری اسلام آباد ایکسپریس وے پر لینڈ سلائیڈنگ

    مری: مری اسلام آباد ایکسپریس وے پر لینڈ سلائیڈنگ کے باعث پہاڑ سے گرنے والے بڑے پتھروں نے سڑک کے نصف حصے کو شدید متاثر کر دیا ہے، جس کی وجہ سے ٹریفک کی روانی بری طرح متاثر ہوئی ہے۔

    ڈپٹی کمشنر (ڈی سی) مری نے بتایا کہ لینڈ سلائیڈنگ کی زد میں آنے والے علاقے میں بڑے بڑے پتھر سڑک پر گرنے سے راستہ جزوی طور پر بند ہو گیا ہے۔ انہوں نے کہا کہ اس وقت سڑک کے متاثرہ حصے کو حفاظتی وجوہات کی بناء پر مکمل طور پر ہر قسم کی گاڑیوں کے لیے بند کر دیا گیا ہے تاکہ کسی ناخوشگوار واقعے سے بچا جا سکے۔

    ڈی سی مری نے مزید کہا کہ ایکسپریس وے کے دیگر حصوں میں بھی لینڈ سلائیڈنگ کا خطرہ موجود ہے، جس کی وجہ سے سڑک کی مکمل صفائی اور حفاظتی اقدامات کیے جا رہے ہیں۔ ان کا کہنا تھا کہ متعلقہ حکام فوری طور پر صفائی اور مرمت کے کاموں میں مصروف ہیں تاکہ مری اسلام آباد ایکسپریس وے کو جلد از جلد ٹریفک کے لیے کھولا جا سکے۔

    علاقائی انتظامیہ نے عوام سے اپیل کی ہے کہ وہ اس وقت اس راستے سے سفر کرنے سے گریز کریں اور متبادل راستے استعمال کریں تاکہ ٹریفک کا نظام متاثر نہ ہو۔مری اسلام آباد ایکسپریس وے کی بندش کے باعث سیاحوں اور مسافروں کو مشکلات کا سامنا کرنا پڑ رہا ہے، اور مقامی انتظامیہ کی جانب سے جلد صورتحال بہتر بنانے کی کوششیں جاری ہیں۔

  • راول ڈیم میں پانی کی سطح خطرناک حد تک بلند ، اسپیل ویز کھول دیئے

    راول ڈیم میں پانی کی سطح خطرناک حد تک بلند ، اسپیل ویز کھول دیئے

    اسلام آباد میں موسلادھار بارش کے بعدراول ڈیم میں پانی کی سطح خطرناک حد تک بلند ہوگئی جس کے پیش نظر انتظامیہ نے اسپیل ویز کھول دیئے۔

    راول ڈیم میں پانی کی سطح 1751.50 فٹ پر پہنچنے پر اسپل ویز کھولے گئے ، ضلع انتظامیہ نے ڈیم کے قریب غیر ضروری سرگرمیوں سے اجتناب کی اپیل کی ہے،انتظامیہ نے قریبی علاقوں کے مکینوں کو الرٹ رہنے اور ندی نالوں کے قریب نہ جانے کی بھی ہدایت جاری کر دی ہے۔

    واضح رہے اسلام آباد سمیت مختلف شہروں میں موسلادھار بارشوں کے باعث ندی نالوں میں طغیانی آنے سے نشیبی علاقے زیر آب آ گئے ہیں ، جڑواں شہروں میں چٹھہ بختاور ، کری روڈ ، صادق آباد اور دیگر علاقوں میں پانی جمع ہےاسلام آباد کے مختلف سیکٹرز بشمول ایف-6، جی-6، جی-8، آئی-8، ایف-10، جی-10، بہارہ کہو، ترامڑی اور بنی گالہ میں شدید بارش کے باعث سڑکوں پرپانی جمع ہو گیا جس سے ٹریفک کی روانی متاثر ہے۔

    آئندہ ہفتوں میں مزید کلاؤڈ برسٹ ممکن ہیں، این ڈی ایم اے کا خدشہ

    محکمہ موسمیات کے مطابق اسلام آباد کے علاقے سیدپور میں سب سے زیادہ 47 ملی میٹر بارش ریکارڈ کی گئی جبکہ گولڑہ میں 45 اور ایچ-8 میں 14 ملی میٹربارش ہوئی،راولپنڈی کے مختلف علاقوں میں بھی تیزبارش ہوئی، جن میں ڈبل روڈ، سکس روڈ، کھنہ پل اور سیٹلائٹ ٹاؤن شامل ہیں، شمس آباد میں 16 ملی میٹراور بوکرا میں 5 ملی میٹر بارش ریکارڈ کی گئی،بارش کے بعد واسا اورضلعی انتظامیہ کی ٹیمیں نشیبی علاقوں سے پانی نکالنے میں مصروف رہیں تاہم سڑکوں پرپانی جمع ہونے سے شہریوں کو مشکلات کا سامنا ہے۔

    یورپ میں ٹرمپ، پیوٹن اور زیلنسکی کے سہ فریقی اجلاس کا امکان