ساہیوال: ساہیوال میں نایاب نسل کا 65 کلو وزنی کچھوا نکل آیا،جسے مقامی لوگوں نے واپس اس کے مسکن میں چھوڑ دیا۔
باغی ٹی وی: مقامی لوگوں نے نایاب نسل کا یہ کچھوا ساہیوال کے نواحی علاقے میں نہر سے پکڑا تھا جو نہر میں پانی کم ہونے کی وجہ سے خشکی پر آگیا تھا مقامی نوجوانوں کے مطابق اس کچھوے کا وزن 65 کلو گرام تھا جو کوئی خوراک نہیں کھا رہا تھا وہ چار دن تک کچھوے کو خوراک دینے کی کوشش کرتے رہے،فیس بک پر ماہرین سے اس کچھوے کی نسل اور خوراک کے بارے میں پوچھا گیا تھا۔
https://x.com/AsefMehmood/status/1743679095370908135?s=20
اس حوالے سے مشن اویرنس فاؤنڈیشن کے سربراہ فہد ملک نے ان نوجوانوں سے رابطہ کیا اور انہیں اس بات پر مائل کیا کہ وہ اس کچھوے کو واپس نہر میں ہی چھوڑ دیں جس پر کچھوے کو آج واپس نہر میں چھوڑ دیا گیا فہد ملک نے بتایا کہ یہ نرم خول والا صاف پانی کا کچھوا ہے جسے مقامی زبان میں پریتر کہا جاتا ہے یہ انتہائی نایاب نسل کے کچھوے ہیں جو آب گاہوں میں آلودگی کی وجہ سے ناپید ہوچکے ہیں،مقامی نوجوان کا کہنا تھا کہ کچھوے کو واپس پانی میں چھوڑ دیا ہے، اب بھی گاہے بگاہے چیک کرتے رہیں گے کہ کچھوے کو کوئی دوبارہ پکڑنے کی کوشش نہ کرے –
