Category: ساہیوال

ساہیوال ، وزیراعظم سے بات کے خواہش مندکارکن کوسکیورٹی اہلکاروں نے بے عزت کرکے(جلسہ گاہ) سرکٹ ہاؤس سے نکال دیا،تشددکانشانہ بھی بنایاگیا،متاثرہ شہری وزیراعظم کو ڈکیتی وچوری بارے لاء اینڈ آرڈرکی موجودہ صورتحال سے آگاہ کرناچاہتاتھا،ویڈیووائرل ہو گئی ،شہری کی وزیراعظم سے انصاف کی اپیل کر دی

وزیراعظم پاکستان عمران خان ایک روزہ دورہ پرساہیوال پہنچے، جلسہ گاہ میں شامل ہونیوالے کارکنوں کو سپیشل برانچ کی جانب سے سپیشل پاس جاری کئے گئے تھے،ذرائع کے مطابق شہری اپنے ایک دوست کے ساتھ سابق ڈی پی اوامیر تیموربزدارکے دورمیں ضلع ساہیوال میں ہونیوالی ڈکیتی وچوری کی وارداتوں کی شکایت اورحالیہ اغواء ہونے والے چائلڈسپیشلسٹ ڈاکٹرمصطفی کی بابت وزیراعظم سے بات کرنے کی خواہش رکھتاتھا

جسے سکیورٹی پرمامورعملہ نے سن لیااورانچارج سکیورٹی کے ایماء پر اسے دھکے دیتے ہوئے پنڈال سے باہرنکال دیا،مذکورہ شہری کو تشددکانشانہ بھی بنایاگیا، جس سے اس کاکوٹ پھٹ گیا،میڈیاکوبیان دینے پر سکیورٹی اہلکاروں نے میڈیاٹیم کے ساتھ بدتمیزی کرتے ہوئے بیان سے روک دیااورمتاثرہ شہری کوسرکٹ ہاؤس کے باہر سے بھی بھگادیا،

اپنے ایک ویڈیوبیان میں متاثرہ شہری نے وزیراعظم سے اپیل کرتے ہوئے کہاکہ وہ عمران خان بنیادی کارکن سچے دل سے پی ٹی آئی کی سپورٹ کرتاہے اوراس نے اپنے فیس بک اکاؤنٹ پر مرتے دم تک عمران خان کاساتھ دینے کاوعدہ بھی کررکھاہے شہری نے مزیدکہاکہ اگراس کو انصاف نہ ملاتووہ خودکشی کرلے گا۔

ساہیوال وزیراعظم سے بات کے خواہش مندکارکن کوسکیورٹی اہلکاروں نے جلسہ گاہ سرکٹ ہاؤس سے نکال دیا#baaghitv #pakistan #PTIGovernment #ImranKhan #pmikinsahiwal @PakPMO @UsmanAKBuzdar @ImranKhanPTI pic.twitter.com/1B77SIGQsZ

— Baaghi TV باغی ٹی وی (@BaaghiTV) January 29, 2021

سینیٹ الیکشن میں پیسے کی آفر مجھے بھی ہو چکی،وزیراعظم عمران خان

باغی ٹی وی کی رپورٹ کے مطابق وزیراعظم عمران‌ خان نے کہا ہے کہ وزیراعلیٰ پنجاب عثمان بزدار کو خاص مبارکباد دینا چاہتا ہوں،

وزیراعظم عمران خان کا کہنا تھا کہ جس طرح قبضہ گروپ کےخلاف آپ کام کررہے ہیں وہ قابل تعریف ہے،قبضہ گروپو ں کی پشت پناہی سابق وزیراعظم اور ان کا خاندان کرتارہا لوگ گھر بنانے کے لیے زمین خریدتے ہیں ،قبضہ ہو جاتا ہے،میں نے لاہور کے سب سے بڑے قبضہ گروپ کا محل گرتے دیکھا، بڑے بڑے ڈاکووَں پر ہاتھ پڑیگا ، یہ ہے تبدیلی ،

وزیراعظم عمران خان کا کہنا تھا کہ احساس پروگرام کے ذریعے 180ارب روپے بانٹے گئے،سندھ میں آبادی سے زائد مالی امداد تقسیم ہوئی لیکن نظام شفاف نہیں تھا،ایک نیالوکل گورنمنٹ نظام لے کرآرہے ہیں،نچلےسطح پروسائل کی تقسیم ہی ہمارا مقصد ہے ،میاں والی، دیپال پور اور مختلف علاقو ں کے جنگلات ختم کیے گئے،ہم دوبارہ جنگلات کو فروغ دیں گے اور درخت اگائیں گے،گندا پانی دریاوَں میں پھینکا جاتاہے، واٹریٹمنٹ پلانٹ سے پانی کو صاف کیا جائے گا،واٹر ٹریٹمنٹ پلانٹ سے جوپانی صاف ہوگا وہ جنگلات کےلیے استعمال ہوگا،

وزیراعظم عمران خان کا کہنا تھا کہ ساہیوال میں سڑکوں کا ترجیحی بنیادوں پر جال بچھایا جائے گا،ہماری تعمیراتی صنعت میں جان آگئی ہے،فیصل آباد میں صنعتوں کو لیبر نہیں مل رہے ،زراعت ، تعلیم، صحت اور انفراسٹرکچرکے شعبے بہترین بنائیں گے،چین لائیواسٹاک انڈسٹری میں ہماری مدد کررہا ہے،کورونا وباء کے حوالے سے موثر حکمت عملی اپنائی جس کی پوری دنیا معترف ہے۔احساس پروگرام کے تحت غریب اور مستحق عوام میں بغیر کسی سیاسی وابستگی کے رقوم تقسیم کی گئی۔ماضی میں پورے صوبے کی ترقی کو نظر انداز کر کے صرف مخصوص علاقوں پر وسائل خرچ کئے گئے۔ جب حکومت سنبھالی تو ملک کو تاریخی خسارے کا سامنا تھا۔ فوری طور پر معاشی استحکام کے حوالے سے فیصلے کئے جن کے نتائج میں بتدریج بہتری آرہی ہے۔

وزیراعظم عمران خان کا کہنا تھا کہ کرپشن روکنے کی ترامیم کے مخالف قوم کے سامنے بے نقاب ہوں گے،کوئی بھی قانون سے بالا تر نہیں ہےقبضہ گروپ کو کون بچا رہاتھا،سابق وزیراعظم اور اسکی حکومت، سوچیں پھر چھوٹے لوگ کیا کرینگے،سینیٹ الیکشن میں پیسے کی آفر مجھے بھی ہو چکی ہے، جن ارکان کو ماضی میں پارٹی سے نکالا انہوں نے 5 ، 5 کروڑ روپے لئے تھے، اس بار 2 تہائی اکثریت نہ ہونے کے باوجود آئینی ترمیم پارلیمنٹ لے جا رہے ہیں تا کہ کرپشن روکنے کی ترامیم کے مخالف قوم کے سامنے بے نقاب ہوں،

وزیر اعظم کا دورہ ساہیوال کا معاملہ، مسلم لیگ نے سئینیر نائب صدر پنجاب ملک ندیم کامران کا ردعمل سامنے آگیا ساہیوال ڈویژن مسلم لیگ ن کا قلعہ ہے۔رہنما مسلم لیگ ن ملک ندیم کامران نے اپنے بیان میں کہا کہ اڑھائ سالوں میں تحریک انصاف نے ساہیوال میں کوئی منصوبہ نہیں بنایا۔ ایسا کوئی منصوبہ نہیں جو تحریک انصاف نے دیا ہو جسکا وزیراعظم فتتاح کرنے آرہے ہوں،وزیر اعظم ساہیوال میں میاں شہباز شریف کے منصوبوں کا ہی دوبارہ اعلان کرنے جا رہے ہیں۔

وزیراعظم ن لیگ کے منصوبوں پر اپنی تختی لگانے آرہے ہیں ، شہباز شریف نے دو ہزار سولہ میں ایشین ڈویلپمنٹ بنک کے تعاون سے ساہیوال اور سیالکوٹ کو اپ گریڈ کرنے کا معاہدہ کیا تھا۔تحریک انصاف کی حکومت نے تین سال میں اس منصوبے پر کوئ کام نہیں کیا۔

اب عوامی دباو کی وجہ سے یہ صرف اعلان کرنے جا رہے ہیں، وزیراعظم صرف اعلان ہی کر سکتے ہیں کیونکہ عمل درامد کے لیے حکومت کے پاس وقت نہیں رہا زیادہ۔
ہمارے بناِئے ہوئے منصوبوں کا وزیراعظم اعلان کرنے جا رہے ہیں۔