Category: سرگودھا

( وقاص باغی ٹی وی )سرگودھا:رمضان المبارک میں سیکیورٹی کے فول پروف انتظامات کو یقینی بنایا جائے۔ ڈی پی او فیصل گلزار
سرگودھا:رمضان المبارک کے دوران مساجد میں جہاں نمازیوں کی تعداد میں اضافہ ہوتا ہے وہیں پربازاروں میں رش بھی بڑھ جاتا ہے۔ کرونا کے سلسلہ میں حکومتی احکامات اور محکمہ صحت کی ہدایت پر عمل درآمد کے ساتھ سیکیورٹی انتظامات کو فول پروف بنانے میں بھر پور توجہ دی جائے۔ ان خیالات کا اظہار ڈسٹرکٹ پولیس آفیسرفیصل گلزار نے ضلع بھر کے ایس ڈی پی اوز کیساتھ رمضان المبارک کی سیکیورٹی کے سلسلہ میں منعقدہ میٹنگ سے خطاب کرتے ہوئے کیا۔ میٹنگ میں موجود صورت حال کے پیش نظر تجاویز کو زیر غور لایا گیا اور سیکیورٹی پلان کی منظوری دی گئی۔ میٹنگ میں جملہ ایس ڈی پی اوز اور انچارج سیکیورٹی نے شرکت کی۔

سرگودھا:ہماری عزت اس یونیفارم میں ہے ہم پر واجب ہے کہ اس کی عزت کا خیال رکھیں۔ ڈی پی او فیصل گلزار
سرگودھا فورس ایک اچھی فورس ہے جس کی شہدا کی ایک لمبی فہرست ہے ہماری عزت اس یونیفارم میں ہےہم پر واجب ہے کہ اس وردی کی عزت کا خیال رکھیں،اپنے اور پولیس کے وقار کو لوگوں کی نظروں میں گرنے نہ دیں۔ان خیالات کا اظہار ڈسٹرکٹ پولیس آفیسر فیصل گلزار نے ذکاء اللہ شہید پولیس لائن میں منعقدہ دربار سے خطاب کرتے ہوئے کیا۔انہوں نے کہا کہ ڈسپلن پر کوئی کمپروائز نہیں، صاف ستھرے یونیفارم میں ڈیوٹی سرانجام دیں، کرونا کی وجہ سے ڈیوٹی بڑھ گئی ہے یہ ہماری نوکری کا حصہ ہے دوران ڈیوٹی ذاتی کام کرنے سے اجتناب کریں،کرپشن کسی صورت برداشت نہیں کی جائیگی،منشیات فروش عناصر سے رابطہ رکھنے والے پولیس ملازمان کے ساتھ کوئی رعایت نہیں برتی جائیگی،ملزمان کے ساتھ بمطابق قانون برتاؤ کریں۔انہوں نے مزید کہا کہ رمضان المبارک کی آمد ہے ڈیوٹی کے اوقات بڑھ جاتے ہیں حکومتی احکامات کو مقامی علماء سے مل کر عملدرآمد کروائیں، آپ سب میرے بازو ہیں ہم سب ایک فیملی ہیں،آپ نے جس شوق سے پولیس جوائن کی ہے اسی شوق والے اور جذبے سے اپنے فرائض سرانجام دیں،آپ کا کوئی مسئلہ ہو تو بلاجھجھک میرے دفتر آئیں آپ کے تمام مسائل کو ترجیحی بنیادوں پر حل کیا جائیگا۔ پولیس دربار میں ضلع بھر کے تھانوں، پولیس لائنز، دفاتر اور ٹریفک پولیس افسران وجوانوں نے شرکت کی۔

۔( وقاص باغی ٹی وی ) کمشنرسرگودھا ڈویژن ڈاکٹر فرح مسعود ممکنہ سیلاب کی صورتحال سے نمٹنے کے حوالے سے منعقدہ اجلاس کی صدارت کر رہی ہیں۔ اجلاس میں منگلاکور سے بریگیڈیر منصور ‘ میانوالی بھکر سے بریگیڈیر احسن وقاص ‘ کرنل سرفراز اعوان ‘ کرنل ظہور ‘ چیف انجینئر انہار مرزا اسلم بیگ ‘ ایس ایز ظفر احمد سندھو ‘ اعجاز احمد اورخالد اقبال نے شرکت کی ۔

( وقاص باغی ٹی وی )کمشنرسرگودھا ڈویژن ڈاکٹر فرح مسعود نے ڈپٹی کمشنر عبداللہ نیئر شیخ کے ہمراہ میڈیکل کالج اورنیازی میڈیکل کالج میں کورونا کے مریضوں کے علاج معالجہ کیلئے قائم فیلڈزہسپتالوں کا دورہ کیا۔ انہوں نے دونوں ہسپتالوں میں مریضوں کیلئے فراہم کردہ طبی سہولتوں‘ ڈاکٹرز‘نرسز او رپیرا میڈیکل سٹاف کی تعیناتی ودستیابی‘ادویات کی فراہمی او رمریضوں کے کھانے پینے کے انتظامات کاتفصیلی جائزہ لیا۔ فیلڈ ہسپتال کے دورہ کے موقع پر ڈائریکٹر ہیلتھ سروسز ڈاکٹر عاقب نذیر نیکوکارہ ، کالج پرنسپل ڈاکٹر حمیرا اکرم اور ایم ایس ڈی ایچ کیو ٹیچنگ ہسپتال ڈاکٹر غلام شبیر طاہر بھی ہمراہ تھے۔

( وقاص باغی ٹی وی )چیف سیکرٹری پنجاب میجر (ر) اعظم سلیمان خان کی زیر صدارت اجلاس
اجلاس میں سیکرٹری سپیشلائزڈ ہیلتھ نبیل اعوان، سیکرٹری پرائمری ہیلتھ.کیپٹن (ر) محمد عثمان، کمشنر لاہور سیف انجم، سی سی پی او لاہور ذوالفقار حمید اور متعلقہ افسران کی شرکت
ڈویژنل کمشنرز اور آرپی اوز ویڈیو لنک کے ذریعے شریک ہوئے
کنسٹرکشن انڈسٹری کی سہولت کے پیش نظر لاہور میں ایل ڈی اے کے علاوہ اضلاع میں سرکاری محکموں کے تعمیرات سے متعلق شعبوں کو ضروری سٹاف کیساتھ کھولنے کا فیصلہ
متعلقہ شعبے کھولنے سے تعمیرات کے کاروبار سے وابستہ افراد کو نقشے پاس کروانے اور دیگر ضروری سروسز کی فراہمی ممکن ہو سکے گی۔ چیف سیکرٹری
تعمیراتی شعبے سے وابستہ افراد کی سہولت کیلئے محکمہ ریونیو کے فرد ملکیت اور جائیداد کی منتقلی سمیت مخصوص شعبوں کو 4یا5گھنٹے کھولنے کا فیصلہ۔
کھولے جانیوالے شعبوں میں کورونا وائر س سے بچاؤ سے متعلق ایس او پیز پر عملدرآمد یقینی بنایا جائے۔ چیف سیکرٹری کی ہدایت
صوبے میں روزانہ کورونا ٹیسٹ کرنے کی استعداد بڑھانے کیلئے آٹھ لیبارٹریوں کو اپ گریڈ کیا گیا ہے۔ چیف سیکرٹری
پنجاب ہیلتھ کیئر کمیشن کے سرٹیفکیٹ کے بعد ان اپ گریڈ کی گئی لیبارٹریوں کو مکمل فعال کر دیا گیا ہے،کیپٹن (ر) محمد عثمان کی بریفنگ
لاہور میں دو، راولپنڈی، ڈی جی خان، بہاولپور، وزیر آباد، فیصل آباد اور ملتا ن میں ایک ایک لیبارٹری کو اپ گریڈ کیا گیا ہے۔ بریفنگ
لیبارٹریوں کی اپ گریڈیشن کے بعد صوبے میں 24گھنٹوں میں کورونا وائرس کے 4620مینوئل ٹیسٹ کئے جا سکیں گے۔

(بھیرہ وقاص باغی ٹی وی )سرگودھا زونل ایڈمنسٹریٹر اوقاف چوہدری عبدالشکور اور ڈسٹرکٹ خطیب اوقاف مولانا قاری وقار احمد عثمانی نے مرکزی جامع مسجد اشرفیہ گول چوک سرگودہا میں سینی ٹائرز گیٹ کا افتتاح کیا اس موقع پر ایڈمنسٹریٹر اوقاف بھی موجود تھے ۔ ڈسٹرکٹ خطیب اوقاف سرگودہا نے کہاکہ آئمو من خطباءلوگوں کو گھروں میں ہی نمازیں وغیرہ ادا کرنے کادرس دیں ۔ انہوں نے کہاکہ ہم انتظامیہ کے ساتھ بھر پور تعاون کریں گے

(بھیرہ سے وقاص باغی ٹی وی )مرکزی جامع مسجد بگویہ بھیرہ ضلع سرگودھا میں صفائی ، فرش مسجد کی دھلائی اور فاصلہ کو ملحوظ رکھتے ہوے نشاندہی کر دی گئی۔انتظامیہ نے اپنی ذمہ داری کا احساس کیا۔ فرش مسجد کی دھلائی اور فاصلہ کو ملحوظ رکھتے ہوے نشاندہی کر دی گئی۔انتظامیہ نے اپنی ذمہ داری کا احساس کیا۔
مفتی شہر صاحبزادہ ابرار احمد بگوی نے کہا ہے کہ علاقہ میں کرونا وائرس کے بڑھتے ہوئے خطرات سے الارمنگ صورت حال پیدا ہو گئی ہے اور ہر روز مشکوک افراد کی تعداد میں اضافہ ہوتا جا رہا ہے۔ انہوں نے کہا ہے کہ حفاظتی تدابیر اور حکومتی احکامات پر عملدرآمد ہمارا فرض ہے تاکہ اس وائرس پر قابو پایا جاسکے۔ انہوں نے عوام سے اپیل کی کہ وہ اپنی نقل و حرکت کو محدود کریں زیادہ تر نماز اپنے گھروں میں ادا کریں،سماجی میل جول سے اجتناب کریں اور مجبوری کی حالت میں شہر نکلتے وقت ماسک اور سینٹائیزر کا استعمال کریں۔

(بھیرہ وقاص باغی ٹی وی )رواں مالی سال میں مختلف محکموں کی 212 سکیموں پر چار ارب روپے کے فنڈز خرچ کئے جاچکے ہیں۔
ڈپٹی کمشنرسرگودھا عبداللہ نیئر شیخ نے کہا ہے کہ حکومت کی جانب سے لاک ڈاؤن میں تعمیراتی سرگرمیوں پر عائد پابندی ہٹانے کے بعد ضلع بھر میں مختلف ترقیاتی منصوبوں پر دوبارہ کام شروع کر دیاگیاہے۔ ضلع بھر میں مختلف محکموں کی 27 ارب 73 کروڑ تخمینہ کی 212سکیموں پر کام جاری ہے۔ رواں مالی سال کیلئے ان سکیموں کے مختص کردہ تین ارب 92 کروڑ پچاس لاکھ روپے کے فنڈزمیں سے 2 ارب 26کروڑ 90لاکھ روپے خرچ کئے جاچکے ہیں۔ وہ ضلعی ترقیاتی کمیٹی کے اجلاس سے خطاب کررہے تھے۔ اجلاس میں ایڈیشنل ڈپٹی کمشنر رائے یاسر بھٹی او رڈپٹی ڈائریکٹر ڈویلپمنٹ شفیق نیازی کے علاوہ تعمیراتی محکموں کے افسران نے شرکت کی۔ اجلاس کو بتایاگیا کہ سالانہ ترقیاتی پروگرا م کے تحت تعمیراتی محکموں کی 25ارب 19کروڑ روپے تخمینہ کی 175 سکیموں کے علاوہ دو ارب 54 کروڑ دس لاکھ تخمینہ کی نئی 37سکیموں پر کام جاری ہے۔ ان سکیموں میں فراہمی ونکاسی آب کی 85‘لوکل گورنمنٹ کی دس‘ روڈ کی 60‘ بلڈنگ ڈیپارٹمنٹ کی 19‘ سکول ایجوکیشن کی آٹھ‘ ہائیر ایجوکیشن کی آٹھ‘ سپیشل ایجوکیشن کی دو‘ سپورٹس اینڈ یوتھ افیئر کی پانچ‘ محکمہ صحت کی سات‘ جنگلات‘ معدنیات‘ انفارمیشن اینڈ کلچر‘ ہیومن رائٹس افیئر‘ اثارقدیمہ کی ایک ایک‘ انہار کی تین سکیموں پر کام جاری ہے۔ اجلاس کو مزید بتایا گیاکہ کمیونٹی ڈویلپمنٹ پروگرام فیزون کی محکمہ پبلک ہیلتھ انجینئرنگ‘ لوکل گورنمنٹ‘ ہائی ویز او ربلڈنگ کی60میں سے 51 سکیموں کو مکمل کیاجاچکاہے جبکہ فیز ٹو کی پچا س کروڑ تخمینہ کی 73 سکیموں کی بھی منظوری دی گئی ہے۔ اس طرح وزیر اعظم کے ترقیاتی پروگرام فیز ون کے تحت فیسکو‘ ہائی ویز او رپبلک ہیلتھ انجینئرنگ کی 83 میں سے 35سکیمیں مکمل کر لی گئی ہیں جبکہ دیگر پر کام برق رفتاری سے جاری ہے جبکہ فیز ٹو کی 105 منظور کردہ سکیموں میں سے 13سکیمیں فعال ہو چکی ہیں۔ نیا پاکستان منزلیں آسان پروگرام کے فیز ون کی تمام چھ سکیموں کو مکمل کر نے کے بعد فیز ٹو کی 9سکیموں پر کام کاآغاز کر دیاگیا ہے۔ اجلاس میں تعمیراتی محکموں کے افسران نے لاک ڈاؤن میں مسافر گاڑیوں کی بندش او رگندم کی کٹائی کی وجہ سے مزدوروں کی کمی کی طرف توجہ مبذول کروائی۔ ڈپٹی کمشنر نے تمام محکموں کے منصوبہ جات مقررہ مدت کے اندر مکمل کرنے کی ہدایت کی۔ انہوں نے کوالٹی او رکوانٹی پر بھی خاص توجہ دینے کی ضرورت پر زور دیتے ہوئے کہاکہ اس ضمن میں کوئی عذر قبول نہیں کیاجائیگا۔

( وقاص باغی ٹی وی )کرونا وائرس کے پیشِ نظر سرگودھا میں ‘ڈسٹرکٹ کرائسس کرونا کنٹرول روم’ قائم کیا گیا ہے۔ کرونا وائرس کی علامات ظاہر ہونے کی صورت میں راہنمائی حاصل کرنے کے لیے ٹیلی میڈیسین سروس متعارف کروائی گئی ہے۔
کسی بھی قسم کی معلومات یا متاثرہ شخص کی اطلاع کے لیے درج ذیل نمبروں پر رابطہ کریں۔

(بھیرہ سے وقاص باغی ٹی وی ) تھانہ بھلوال سٹی پولیس کی کاروائی، چھ جواری بذریعہ تاش جواء کھیلتے گرفتار، داؤ پر لگی رقم بھی برآمد
سرگودھا:ڈسٹرکٹ پولیس آفیسرفیصل گلزار کی ہدایت پرجرائم پیشہ عناصر کے خلاف کاروائی کرتے ہوئے ایس ایچ او تھانہ بھلوال سٹی انسپکٹر خطیب الرحمن نے اسسٹنٹ سب انسپکٹر عمر حیات پر مشتمل ٹیم کے ہمراہ نورحیات کالونی میں ریڈ کرکے بذریعہ تاش جواء کھیلتے ہوئے ملزمان ناصر محمود ولد محمدنذیر سکنہ نورحیات کالونی، آصف ولد محمد یار، محمد سلیم ولد محمد انور، ندیم خان ولد محمد مسکین، محمد عمران ولد حاجی ناصر سکنائے اعجاز کالونی اور محمد توقیر ولد محمد شبیر سکنہ مالی کالونی کو رنگے ہاتھوں گرفتارکرلیا ہے۔ ملزمان سے داؤ پر لگی رقم 14600روپے اور کارڈز تاش وموبائل فون برآمد کرکے گرفتارملزمان کے خلاف قماربازی ایکٹ کی دفعات کے تحت تھانہ بھلوال سٹی میں مقدمہ درج کرلیا گیا ہے مزید تفتیش جاری ہے۔