Category: سرگودھا

ایم ایس ڈی ایچ کیو ٹیچنگ ہسپتال ڈاکٹر غلام شبیر طاہر‘ ایم ایس ٹی بی ہسپتال ڈاکٹر رجب علی ریاض وڑائچ‘ فوکل پرسن ٹی بی ہسپتال ڈاکٹر محمد اسلم اسد اور فوکل پرسن برائے کرونا ڈی ایچ کیو ٹیچنگ ہسپتال سرگودھا ڈاکٹر سکندر حیات وڑائچ نے مریضوں کو گلدستے پیش کئے اور ساتھ ساتھ ہدایات بھی دیں کہ گھروں میں اگلے 14 دن کس طرح گزارنے ہیں۔ ان مریضوں کو یہ بھی بتایا گیا کہ خدانخواستہ گھر میں اگر کسی قسم کی تکلیف محسوس کریں تو فوراً کرونا آئیسولیشن وارڈ سے رابطہ کریں۔ اس موقع پر ڈاکٹر غلام شبیر طاہر نے کہا کہ پہلے کی نسبت اب ٹیسٹوں کی رپورٹس جلدی آرہی ہیں اور اس میں مزید بہتری آجائے گی جب سرگودھا میں کرونا کے پی سی آر کی لیبارٹری کام شروع کر دے گی۔ ڈاکٹر سکندر حیات وڑائچ نے مریضوں کو ہدایات دیتے ہوئے کہا کہ کرونا سے بچنے کا واحد طریقہ یہ ہے کہ عوام الناس اپنے گھروں تک محدود رہیں۔ اپنے ہاتھوں کو صابن کے ساتھ بار بار دھوئیں اور اپنے چہرے کو ہاتھ لگانے سے گریز کریں۔ نیند اور خوراک کا خاص خیال رکھا جائے۔ ذہنی پریشانیوں سے بچیں اور اگر کسی کو خشک کھانسی‘ بخار اور سانس میں دقت محسوس ہو تو فوراً کرونا آئیسولیشن وارڈ کی ریسپشن پر آکر چیک کروائیں۔

سرگودھا
سول ہسپتال سے بھاگ جانے والے کرونا وائرس کے پازیٹیو مریض ندیم کو پولیس نے پکڑ لیا
مریض کو دوبارہ واپس آئسولیشن وارڈ منتقل کر دیا گیا
موصوف گجرات کے رہائشی ہیں اور سرگودھا میں زیر علاج تھے
پولیس نے چار گھنٹوں بعد مریض کو پکڑ لیا

سرگودھا:تھانہ کوٹ مومن کی بڑی کاروائی، سکول جانے والی طلبا پر فائرنگ کرنے والے ملزمان گرفتار
سرگودھا:گذشتہ ماہ تھانہ کوٹ مومن کے علاقہ میں ٹیچر اور طالبات اپنے سکول سے چھٹی کے وقت رکشہ پر گھر جارہی تھیں کہ نامعلوم ملزمان نے فائرنگ کرکے علیشہ ساجد نامی طلبا کو ناحق قتل کر دیا اور فرار ہوگئے۔ جس پر ایس ایچ او تھانہ کوٹ مومن ظفر حسین شاہ نے اپنی ٹیم کے ہمراہ دن رات محنت اور جدید ٹیکنالوجی کا استعمال کرتے ہوئے وقوعہ میں ملوث ملزمان حسنین ولد محمد علی، تیمور نصر اللہ اور محمد عاطف کو گرفتارکرلیا ہے۔ گرفتارملزمان سے اسلحہ برآمد کرکے الگ مقدمات درج کرلیے گئے ہیں۔ مزید تفتیش جاری ہے

سرگودھا ڈی ایچ کیو میں سرگودھا کا رہائشی کرونا مرض میں مبتلا تھا آج بارہ دن پورے ہونے کے بعد بالکل صحت یاب ہوگیا ہے ڈاکٹر اور خاص طور پر نرسوں کا شکریہ ادا کرتے ہوئے جذباتی ہو گیا. ہمیں ڈاکٹروں اور نرسوں کو سلوٹ پیش کرنا چاہیے اللہ تعالی ہمیں کرونا مرض سے بچائے اور جو بیمار ہیں اللہ تعالیٰ ان کو جلد سے جلد صحت یاب کرے آمین,

سرگودھا ڈی پی او سرگودھا فیصل گلزار کا فوری ایکشن بدعنوانی میں ملوث تھانیدار حوالات بند کر دیا مقدمہ درج
سرگودھا کر پشن اور بدعنوانی میں ملوث اہلکاروں کی محکمہ پولیس میں کوئی جگہ نہیں ۔ (ڈی پی او)
مدعی کے ساتھ مل کر دوسرے فریق کو حبس بے جا میں رکھنے اور تشدد کا نشانہ بنانے پر تھانہ لکسیاں کے اے ایس آئی محمد اقبال کے خلاف مقدمہ درج کر کے حوالات میں بند کر دیا گیا ہے۔ جبکہ ایس ایچ او لکسیاں کو مقدمہ کی میرٹ پر تفتیش کر کے رپورٹ پیش کرنے کا حکم دے دیا گیا ہے۔

سرگودھا:ڈی پی او فیصل گلزار کی نئے منتخب ہونے والے سب انسپکٹرز کے ساتھ میٹنگ
سرگودھا:ڈی پی او فیصل گلزار نے نئے منتخب ہونے والے سب انسپکٹرز کے ساتھ میٹنگ کی اور ان کو مبارکباد دی۔ انہوں نے کہا کہ پولیس بظاہر ایک کٹھن جاب ہے لیکن اس میں آگے بڑھنے کے مواقع موجود ہیں۔ محکمہ پولیس میں مظلوموں کی فوری دادرسی ممکن ہے آپ پولیس ورکنگ میں بھرپور دلچسپی کا مظاہرہ کریں اور عوام کی خدمت میں پیش پیش رہیں آپ کا کام منفرد ہونا چاہیے

بھیرہ عدالت ہائے دیوانی بھیرہ کے ڈپٹی ڈسٹرکٹ پبلک پراسیکیوٹر محمد صفدر مغل کی بطور ایڈیشنل ڈسٹرکٹ اینڈ سیشن جج تقرری کے احکامات رجسٹرار لاہور ہائی کورٹ نے جاری کر دیئے ہیں۔ تحصیل بار بھیرہ کے سابق جنرل سیکرٹری مہر محمد نواز ایڈووکیٹ،سابق جائنٹ سیکرٹری انیلہ نورین مہر ایڈووکیٹ، حامد علی ناصر ایڈووکیٹ، مہر سیف اللہ ایڈووکیٹ اور ملک غلام مرتضی لک نے ڈی ڈی پی پی بھیرہ محمد صفدر مغل کے ایڈیشنل ڈسٹرکٹ اینڈ سیشن جج تقرر کا خیرمقدم کرتے ہوئے کہا ہے کہ وہ عوام کو انصاف کی فراہمی کیلئے اپنی نئی ذمہ داریاں بھی بطریق احسن پورا کریں گے۔ نوٹیفکیشن میں کہا گیا ہے کہ وہ 26 اپریل کو ڈائریکٹر جنرل پنجاب جوڈیشل اکیڈمی رپورٹ کریں۔ 27 اپریل سے ان کی تین ماہ کی ٹریننگ شروع ہوجائے گی دوران ٹریننگ وہ عدالتی لباس پہنیں گے اور ان ڈیوٹی تصور ہوں گے۔ محمد صفدر مغل کے علاوہ مزید 7 نئے ایڈیشنل ڈسٹرکٹ اینڈ سیشن ججز کا تقرر بھی کیا گیا ہے۔جن میں شیخ اعجاز پرویز، عبداللہ عثمان،اخلاق احمد، صفدر فیصل نبی خان ڈاہر، عشرت عباس، ناصر محمود سیال اور ظہیر احمد شامل ہیں۔ جنہوں نے اپنے عہدوں کا حلف اٹھا لیا ہے۔

شیخ کاشف محمود اور ان کے کزن شیخ عدیل کی طرف سے تحصیل ہیڈ کواٹر یسپتال بھیرہ میں کرونا سیفٹی کٹس 35 عدد اور ماسک ایم۔ایس ڈاکٹر محبوب صاحب کے ہینڈ اوور کیں اس موقع پر چوہدری اظہر محمود گوندل(ایڈوکیٹ) چوہدری طارق امیر ارائیں (ممبر ہیلتھ کونسل)۔ چوہدری محمد اسحاق ارائیں اور ملک انتسام بلال موجود تھے۔

بھیر ہ چیف سیکر ٹری پنجا ب یو سف نسیم کھو کھر نے تحصیل بھیر ہ کے عوام کی طر ف سے وزیر اعظم شکا یت سیل میں دی گئی درخواستو ں کے زریعہ مسائل کی نشاندہی کے بر و قت ازالہ پر اسسٹنٹ کمشنر بھیر ہ واثق عبا س ہر ل کی کو ششو ں کو سراہا ہے ۔انہو ں نے ایک خط کے زریعہ واثق عبا س ہر ل کی صلا حیتو ں کا اعتراف کر تے ہوئے کہا ہے کہ اسسٹنٹ کمشنر بھیر ہ نے وزیر اعظم کے ویثر ن کے مطابق اپنی ذمہ داریا ں پو ری کر نے کا مثالی مظاہرہ کیا ہے ۔انجمن تاجران بھیر ہ کے جنر ل سیکر ٹری چوہدری محمد انو ر فواد ،ہیلتھ کو نسل کے رکن چوہدری طارق امیر آرائیں ،ویلفیئر کو نسل تحصیل بھیر ہ کے صدر چوہدری خالد محمو د آرائیں ،سر گودھا چمبر آف کا مر س کے رکن چوہدری محمداجمل گوند ل ،بھیر ہ پر یس کلب کے جنر ل سیکر ٹری عطاالر حمن اقبا ل ،فنا نس سیکر ٹری چوہدری محمد اکر م ،سیکرٹری اطلا عات قاری عظمت اقبا ل نے واثق عبا س ہر ل کی اعلیٰ کا ر کر دگی کے حکو متی سطح پر اعتراف کو سراہتے ہوئے امید ظاہر کی ہے کہ وہ عوام مسائل سے بروقت حل کے لیے اپنی کو ششیں جا ری رکھیں گے ۔

بھیرہ رمضان المبارک کی آمد سے قبل ہی شہر میں مہنگائی عروج پر پہنچ گئی ہے۔ آلو، انڈا،پیاز، آئل،گھی،چینی، آٹا اور دیگر اشیائے ضروریہ مہنگے داموں فروخت ہو رہی ہیں۔ یو ٹیلیٹی سٹور پر اشیاء کی عدم دستیابی حکمران جماعت اور عوامی نمائندوں کے لئے لمحہ فکریہ ہے۔حکمران جماعت کے کارکن عوامی مسائل کے حل کی بجائے آپس میں گروپ بندی اور ایک دوسرے کو نیچا دکھانے کی کوشش میں مصروف ہیں۔ سماجی رہنماؤں محمد اشرف،ارسلان احمد، محمد افضل، محمد حنیف، سلطان احمد اور ظفر علی نے ڈپٹی کمشنر سرگودھا سے مطالبہ کیا ہے کہ پرائس کنٹرول مجسٹریٹ کو ہدایت کریں کہ غریب ریڑھی والوں کے علاوہ بڑے بڑے سٹاکسٹوں کے خلاف بھی کاروائی کریں تاکہ اشیائے ضروریہ کی قیمتیں اعتدال پر آ سکیں۔