Category: سرگودھا

بھیرہ ایڈیشنل ڈائریکٹر جنرل جینڈرز ونگ الیکشن کمیشن آف پاکستان نگہت صدیق نے کہا ہے کہ خواتین کو قومی دھارے میں لانے اور ان کو درپیش مسائل کے خاتمہ کے لیے ضروری ہے کہ انہیں قومی شناخت دی جائے۔اس مقصد کے حصول کے لیے الیکشن کمیشن نے باقا عدہ مہم شروع کر دی ہے تاکہ خواتین کو آگاہی دی جا سکے۔ وہ بھیرہ میں ادارہ پودا، بھیرہ پریس کلب اور ناہیدہ محبوب الہی فاؤ نڈیشن کے زیر اہتمام دیہی خواتین کے عالمی دن کے موقع پر ایک مشاورتی اجلاس سے خطاب کر رہی تھیں۔ انہوں نے کہا کہ ملک میں اس وقت 11کروڑ سے زائد ووٹروں میں سے 1کروڑ 50لاکھ خواتین ووٹرز شناختی کارڈ سے محروم ہیں جس کی وجہ سے وہ اپنا حق رائے دیہی استعمال نہیں کر سکتیں اس لیے الیکشن کمیشن نے انہیں قومی دھارے میں شامل کرنے کے لیے نادراکے تعاون سے ان کے شناختی کارڈ بنانے کے لیے اقدامات اٹھائے ہیں۔ ڈپٹی الیکشن کمشنر سرگودھا میاں ارشد علی نے کہا کہ ضلع سرگودھا میں اس وقت تقریبا 2لاکھ سے زائد خواتین شناختی کارڈ سے محروم ہیں۔ سوشل ویلفیئر، محکمہ تعلیم، وکلا، تاجروں اور محکمہ صحت کی نمائندگی کرتے ہوئے ادارہ پودا اسلام آباد کی صدر ثمینہ نذیر، خواجہ زاہد نسیم ایڈووکیٹ،سینئر مینجئر پروگرامز پودا محمد زبیر، پرنسپل گورنمنٹ ڈگری کالج پروفیسر علی باقر نقوی، تحصیل بار کے سابق جنرل سیکرٹری مہر محمد نواز ایڈووکیٹ، سابق ناظم حاجی شوکت علی زرگر، سابق کونسلر نسرین ہطار، انیلا نورین مہر ایڈووکیٹ، انعم رحیم گوندل ایڈووکیٹ اور اکرام اللہ سلیمی نے پودا تنظیم کی دیہی خواتین کے لیے آگاہی مہم شروع کرنے پر اسے خراج تحسین پیش اور کہا کہ ہم سب کو مل کر اس کے لیے جدو جہد کرنا ہو گی۔ اجلا س میں میونسپل کمیٹی بھیرہ کے سابق چیئر مین چوہدی خلیل الرحمن طاہر گوندل ایڈووکیٹ،سینئر وکیل محمد انور بولا ایڈووکیٹ، تحصیل بار بھیرہ کے نو منتخب صدر نصیر احمد ثاقب بھٹی ایڈووکیٹ، جنرل سیکرٹری رانا ناصر محمود عزیز ایڈووکیٹ، محمود منور خان ایڈووکیٹ، محمد جاوید رفیع ایڈووکیٹ، آصف اقبال پنجوتھہ ایڈووکیٹ، طیب حسین پنجوتھہ ایڈووکیٹ و دیگر افراد نے شرکت کی۔

بھیرہ حکومت عوام کو ان کی دہلیز پر انصاف فراہم کرنے اور مسائل کے بر وقت حل کے لیے عملی اقدامات اٹھا رہی ہے۔ اس مقصد کے لیے وزیر اعلی پنجاب کی ہدایت پر کھلی کچہریوں کا انعقاد ایک مثبت عملی قد م ہے۔ یہ بات ڈپٹی کمشنر عبداللہ نیئر شیخ اور ڈسٹرکٹ پولیس آفیسر عمارہ اطہر رانا نے تحصیل کمپلکس بھیرہ میں مشترکہ کھلی کچہری سے خطاب کرتے ہوئے کہی اس موقع پر سسٹنٹ کمشنر واثق عباس ہرل اور سب ڈویژنل پولیس آٖفیسر شکیل جنجوعہ بھی موجود تھے۔ عوام نے کھلی کچہری میں ریونیو اور پولیس سے متعلق شکایات پیش کی جن پر فوری احکامات جاری کرتے ہوئے ہدایت کی گئی کہ قبرستان مقبوضہ اہل اسلام کے رقبہ کو وا گزار کرانے اور شہر میں صفائی کے نظام کو مزید بہتر بنا کر شہر کے پھیلاؤ کے مطابق کچرا تلف کرنے کے لیے شہر سے دور ڈمپنگ پوائنٹ، سرکلر ڈرین کی صفائی اور اس کے اوپر قائم تجاوزات کا خاتمہ کیا جائے۔ شہر ی مسائل کے حل کے لیے ایڈمنسٹریٹر بلدیہ واثق عباس ہرل اور علاقہ سے سماج دشمن عناصر کی گرفتاری کے لیے سب ڈویژنل پولیس آفیسر شکیل جنجوعہ اور انسپکٹر فواد علی شیرازی کی کوششوں پر اطمینان کا اظہار کرتے ہوئے انہیں ہدایت کی گئی کہ عوام کو درپیش مسائل کے حل کے لیے اپنی کوششیں مزید تیز کریں۔

سرگودھا (ادریس نواز سے ) تھانہ صدر پولیس نے پولیس یونیفارم میں منشیات فروخت کرنیوالا ملزم گرفتار کر لیا ۔ ملزم سے 4 کلو گرام چرس و ناجاٸز اسلحہ کلاشنکوف برآمد ۔
تفصیلات کے مطابق :
منشیات فروشی ایک منظم کاروبار کی شکل اختیار کر گیا ھے ۔ اور اس گھناٶنے کاروبار سے منسلک افراد مختلف روپ دھار کر اس غیر قانونی سرگرمی کو جاری رکھنے کی کوشش کرتے ھیں ۔ جراٸم پیشہ افراد کیسا ہی روپ اپنا لیں ۔ پولیس کی گرفت سے بچ نہیں سکتے ۔
تھانہ صدر پولیس کو اطلاع ملی کہ عابد حسین ولد دوست محمد قوم کلیار سکنہ سیدوآنہ مختلف روپ بدل کر منشیات فروشی کرتا ھے ۔ جس پر ایس ایچ او تھانہ صدر عظمت جوٸیہ نے اپنی ٹیم کے ہمراہ ملزم عابد حسین کو رنگے ہاتھوں گرفتار کر لیا ۔ ملزم کے قبضے سے 4 کلو گرام چرس اور ایک کلاشنکوف معہ 15 گولیاں برآمد ہوٸیں ۔ جبکہ اسکے زیر استعمال گاڑی نمبر LEC-8226 کو پولیس نے قبضہ میں لے لیا ۔ ملزم عابد حسین پولیس یونیفارم اپنے پاس رکھ کر اپنے آپکو پولیس اہلکار ظاہر کرتا اور اسکی آڑ میں منشیات فروشی کرتا تھا ۔ پولیس نے گرفتار ملزم عابد حسین کیخلاف پولیس یونیفارم پہننے ، ناجاٸز اسلحہ اور منشیات فروشی کی دفعات کے تحت مقدمہ درج کر کے تفتیش شروع کر دی ۔

سرگودہا:تھانہ بھلوال صدرپولیس کی ناجائزاسلحہ رکھنے والوں کے خلاف کاروائی،گرفتارتین ملزمان سے دوکلاشنکوف اور پسٹل30بوربرآمد
سرگودہا:ڈسٹرکٹ پولیس آفیسرعمارہ اطہر کی ہدایت پرناجائزاسلحہ رکھنے والوں کے خلاف کاروائی کرتے ہوئے ایس ایچ او تھانہ بھلوال صدر سجاد احمد نے سب انسپکٹر محمد عاصم اور اسسٹنٹ سب انسپکٹر غلام حسین پر مشتمل ٹیم کے ہمراہ تھانہ بھلوال صدر کے مختلف علاقوں میں ریڈ کرکے ملزمان فیصل عباس ولد حیدر شاہ سکنہ سیدپور بھیرہ سے کلاشنکوف معہ20گولیاں، رضوان حیدر ولد محمد اسلم سکنہ15جنوبی سے کلاشنکوف معہ30گولیاں اور ملزم محمد میراج ولد محمدخان سکنہ سلطان پور سے پسٹل30بور برآمد کرکے گرفتارملزمان کے خلاف ناجائزاسلحہ رکھنے کی دفعات کے تحت الگ الگ مقدمات درج کرلیے گئے ہیں۔ مزید تفتیش جاری ہے۔

سرگودھا ( ادریس نواز سے ) تھانہ کینٹ پولیس کی کارواٸ ۔ دودھ فروشی کی آڑ میں منشیات فروخت کرنیوالا ملزم گرفتار ۔ 1160 گرام ہیروٸن اور ایک کلو چرس برآمد ۔
تفصیلات کے مطابق :
ڈی پی او سرگودھا عمارہ اطہر کی ہدایت پر منشیات فروشوں کے خلاف کارواٸ کرتے ہوۓ ایس ایچ او تھانہ کینٹ فضل قادر نے سب انسپکٹر اقرار عباس پر مشتمل ٹیم کے ہمراہ چک نمبر 48 شمالی دوران سنیپ چیکنگ کار نمبری LEC-2435 کو روکا ۔ کار کے خفیہ خانوں سے 1160 گرام ہیروٸن اور ایک کلو چرس برآمد کر لی ۔ اور ملزم اللہ داد ولد محمد حیات سکنہ سیدوآنہ تحصیل و ضلع سرگودھا کو حراست میں لے لیا ۔ یاد رہے ملزم دودھ فروشی کی آڑ میں منشیات فروشی کا کام کرتا تھا ۔ گرفتار ملزم کیخلاف منشیات فروشی کی دفعات کے تحت تھانہ کینٹ سرگودھا میں مقدمہ درج کر کے تفتیش شروع کر دی گٸ ۔

سرگودھا ڈی پی او عمارہ اطہر کی ہدایت پر سرچ آپریشن کا سلسلہ جاری
سرگودھا تھانہ مڈھ رانجھا کے علاقہ گھلا پور و گردونواح میں سرچ آپریشن کیا گیا۔
سرگودھا سرچ آپریشن میں ایس ایچ او تھانہ مڈھ رانجھا انسپکٹر صاحب خان معہ نفری، سپیشل برانچ اور دیگر حساس اداروں نے حصہ لیا
سرگودھا سرچ آپریشن کے دوران مختلف مکانات کی تلاشی اور مشکوک افراد کے کوائف کی تصدیق کی گئی۔

بھلوال ہسپتال میں علاج معالجہ کی سہولیات پر اسسٹنٹ کمشنر صاحب بھلوال کی صدارت میں اجلاس ہوا جس میں غریب عوام کو حکومت پاکستان کی طرف سے خصوصی طور پر جوہری ندیم افضل چن صاحب معاون خصوصی وزیر پاکستان کی طرف سے حکومت پنجاب سے ضلع ہسپتال کی سہولت کے حکم پر چوہدری ندیم افضل چن صاحب کا شکریہ ادا کیا گیا

انصر مجید نیازی مہر انصر اقبال ہرل کی اسلام آباد سے آمد کے موقع پرموٹروے انٹرچینج کوٹمومن پر انکے پرتپاک استقبال کیلئے بلدیہ مارکیٹ کوٹمومن کے تاجرودیگر افراد کھڑے ہیں جبکہ انصر اقبال کی آمد پرانھیں پاکستان تحریک انصاف کا ضلعی صدر سرگودھا نامزد ہونے کی مبارکباد دینے کیلئے سینکڑوں افراد نے قافلہ کی شکل میں شرکت کی اور ان پر والہانہ انداز میں پھولوں کی پتیاں نچھاور کی گئ اور انکو درجنوں مالائیں پہنائیں گئیں بعدازاں نھیں قافلہ کی صورت مٹیلہ لے جایا گیا اس موقع پر کوٹمومن انٹرچینج پر انکے استقبال کیلئےصوبائی وزیر محنت وافرادی قوت انصر مجید نیازی نے خصوصی شرکت کی ہے۔۔۔

بھیرہ چوری ہونے والی کار کو موٹر وے پولیس نے برآمد کر کے مالکان کے حوالے کر دیا۔ ڈیوٹی پر موجود موٹروے پولیس کے پٹرولنگ آفیسر مرید حسین، محمد آصف اور زاہد مقبول ملک کو اطلاع ملی کہ چکوال سے سائرہ امیر کی کار نمبر AKG 054 کو چوری کر کے لاہور کی طرف لے جایا جا رہا ہے جس پر انہوں نے سروس ایریا بھیرہ کے قریب کار روک کر ملزم الطاف حسین ساکن چکوال کو حراست میں لے لیا اور کار کو اپنی تحویل میں لے کر اسے مالکان کے حوالے کر دیا۔مالکان نے گاڑی کی فوری برآمدگی پر موٹروے پولیس افسران کی فرض شناسی پر ان کا شکریہ ادا کیا ہے۔

کمشنر سرگودہا ڈاکٹر فرح مسعود اور ڈپٹی کمشنر عبداللہ نیئر شیخ نے ڈسٹرکٹ جیل سرگودہا کا دورہ کیا۔ جیل آمد پر پولیس کے چاک وچوبند دستے نے انہیں سلامی پیش کی۔ کمشنر اور ڈپٹی کمشنر نے ملاقات شیڈ‘ سزائے موت‘ ہائی ریسک‘ نو عمر بچوں سمیت دیگر بیرکوں کاتفصیلی معائنہ کیا۔ انہوں نے جیل ہسپتال اور لائبریری کا بھی معائنہ کیا۔انہوں نے اسیران سے ملاقات کی اور ان سے فراہم کردہ سہولیات بارے استفسارکیا۔ انہوں نے قیدیوں کو فراہم کردہ کھانے کا معیار بھی چیک کیا۔ اس موقع پر ڈی آئی جی جیل خانہ جات سرگودہا ریجن نوید رؤف‘ سپرنٹنڈنٹ جاوید افضل‘ ڈپٹی سپرنٹنڈنٹ رانا محمدناصر اور ایس ایم او ڈاکٹر افتخار اعوان بھی ہمراہ تھے۔ کمشنر نے جیل میں زیر تعمیر بیرکوں کا بھی جائزہ لیا۔ انہوں نے جیل حکام کو ہدایت کی کہ نو عمر بچوںکی تعلیم وتربیت کا انتظام کیاجائے۔ انہوں نے اسیران کی اصلاح کے لئے تمام سرکاری اداروں کی خدمات کو حاصل کرنے‘ ٹیوٹا کے تعاون سے انہیں فنی تعلیم او رہنر سکھانے کیلئے اقدامات اٹھانے کی ضرورت پر زور دیا۔ انہوں نے قیدیوں کو مطالعہ کی طرف راغب کرنے‘ انہیں صحت مند سرگرمیاں فراہم کرنے کے علاوہ جامعہ سرگودہا کے شعبہ سوشل ورک سمیت دیگر اداروں کے پروفیسر ز کو حیل کے دورے کر کے اسیران کی اصلاح کیلئے لیکچرکا انتظام کرنے کی ضرورت پر زور دیا۔انہوں نے اسیران کی صحت کے لئے طبی کیمپ لگانے کے احکامات بھی جاری کئے۔ اس موقع پر ڈی آئی جی سرگودہا ریجن نوید رؤف نے بتایاکہ سرگودہاجیل میں ایک ہزار کے قریب قیدی موجود ہیں۔ قیدیوں کی اصلاح کیلئے کئی اقدامات اٹھائے گئے ہیں۔ پنجاب کی 12جیلوں میں قیدیوں کیلئے موبائل فون بوتھ بنا کر انہیں اہل خانہ سے فون پر گفتگو کی سہولت فراہم کی گئی ہے۔انہوں نے بتایا کہ میانوالی جیل کو ہائی سیکورٹی جیل بنایاگیا ہے۔ انہوں نے بتایا کہ اسیران کو معیاری کھانے کیلئے جیل حکام خود اپنی سبزیاں کاشت کرتے ہیں او رباہر سے سبزی نہیں خریدنی پڑتی۔ حکومت کے مقرر کردہ شیڈول کے مطا بق انہیں کھانا فراہم کیاجاتا ہے۔ انہوں نے جیل میں ماہر نفسیات کی مستقبل تعیناتی اور زیر تعمیر بیرکوں کے فنڈز فراہم کرنے کی سفارش کی۔