Category: سرگودھا

سرگودھا:تھانہ بھلوال سٹی پولیس نے گھر سے ناراض ہو کر جانے والے دو بچے ڈھونڈ کر والدین کے حوالے کر دیئے۔
سرگودھا:تھانہ بھلوال سٹی پولیس نے گھر سے ناراض ہوکر جانے والے بچوں علی حسن بعمر11سال اور ابرار حسین بعمر13سال کو تلاش کرکے والدین کے حوالے کردیا۔ تفصیلات کے مطابق منظور حیات کالونی بھلوال کے رہائشی احمد خان اور اظہر علی نے تھانہ بھلوال سٹی میں درخواست گزاری کہ ان کے بیٹے گھر سے غائب ہیں جنکی کافی تلاش کی گئی ہے جو کہ دستیاب نہ ہوسکے ہیں۔ جس پر ایس ایچ او تھانہ بھلوال سٹی عارف حسین نے فوری کاروائی کرتے ہوئے بچوں کی تلاش شروع کردی تھوڑی ہی دیر میں بچوں کا سراغ مل گیا جو گھر والوں سے ناراض ہوکر اپنی خالہ کے پاس ضلع جہلم پہنچ گئے تھے جن کو تھانہ لاکر بعداز قانونی کاروائی ان کے والدین کے حوالے کردیا گیا ہے۔

سرگودھا:تھانہ بھیرہ پولیس کی سماج دشمن عناصر کیخلاف کاروائی،جواء کھیلتے اور ناجائزاسلحہ رکھنے والوں سمیت آٹھ ملزمان گرفتار، داؤ پر لگی رقم وناجائزاسلحہ برآمد
سرگودھا: ڈسٹرکٹ پولیس آفیسرعمارہ اطہر کی ہدایت پرناجائزاسلحہ رکھنے والوں کے خلاف کاروائی کرتے ہوئے ایس ایچ او تھانہ بھیرہ انسپکٹر فواد حسین شیرازی نے سب انسپکٹر آصف سلطان اور اسسٹنٹ سب انسپکٹر حق نواز پر مشتمل ٹیموں کے ہمراہ تھانہ بھیرہ کے مختلف علاقوں میں ریڈ کرکے ملزمان محمد صفدر ولد اکبر سکنہ چک مبارک سے رائفل444بور، عمردراز ولد محمد ریاض سکنہ چک مبارک سے رائفل7ایم ایم، اسد محمود ولد محمد افضل سکنہ واپڈا کالونی سے پسٹل30بور برآمد کرکے ناجائزاسلحہ رکھنے کی دفعات کے تحت مقدمات درج کرلیے ہیں جبکہ ریلوے اسٹیشن بھیرہ کے عقب میں ریڈ کرکے ملزمان ارشاد ولد فخر دین، ذیشان علی ولد محمد اشرف، رضوان ولد رمضان، عبدالجبار ولد گلزار اور محسن ولد عبدالغفار کو بذریعہ تاش جواء کھیلتے ہوئے رنگے ہاتھوں گرفتارکرکے داؤ پر لگی ہزاروں روپے وٹک رقم بھی برآمد کرلی ہے۔ گرفتارملزمان کے خلاف قماربازی ایکٹ کی دفعات کے تحت تھانہ بھیرہ میں مقدمہ درج کرکے ملزمان کو حوالات جوڈیشل بھجوا دیا گیا ہے۔)

سرگودھا ( ادریس نواز سے) چیف سیکٹری پنجاب میجر ریٹاٸرڈ اعظم سلیمان اور آٸی جی پنجاب پولیس شعیب دستگیر کی سرگودھا آمد اور سرکٹ ھاٶس میں اجلاس۔ اجلاس میں ایڈیشنل ہوم سیکٹری مومن آغا ، سیکٹری پی اینڈ ڈی عمران کوثر کے علاوہ آر پی او سرگودھا افضال احمد کوثر ، کمشنر سرگودھا ڈاکٹر فرح مسعود اور چاروں اضلاع کے ڈپٹی کمشنرز ، ڈی پی اوز اور اسسٹنٹ کمشنرز سمیت دیگر متعلقہ محکموں کے سربراہان بھی موجود تھے۔
تفصیلات کے مطابق :
چیف سیکٹری پنجاب میجر ریٹاٸرڈ اعظم سلیمان اور آٸی جی پنجاب پولیس شعیب دستگیر کی سرگودھا آمد اور اجلاس۔
چیف سیکٹری پنجاب میجر ریٹاٸرڈ اعظم سلیمان نے سرکٹ ھاٶس میں ڈویژن بھر کے انتظامی افسران سے خطاب کرتے ھوٸے کہا۔ کہ
اچھی کارکردگی نہ دکھانے والے افسر کیخلاف محاسبہ کیا جاٸیگا۔ حکومت کا کام ویژن دینا ھے اور عملی جامعہ پہنانا افسران کی ذمہ داری ہوتی ھے۔ موجودہ حکومت نے اپنا ویژن اور ترجیحات کا یقین کر دیا ھے۔ بیورو کریسی کو اب عوام کے تابع ہو کر کام کرنا ہوگا۔ تمام افسران کو ایک ماہ کا وقت دیا گیا تھا جو پورا ہو گیا ھے۔ اب ہوا کا رخ تبدیل ہوتا نظر آنا چاہیٸے۔ اور کہا کہ اوپن ڈور پالیسی پر سختی سے عمل درآمد کیا جاٸے۔ ڈویژن سطح پر ڈی سی اوز ، ڈی پی اوز، جبکہ تحصیل سطح پر ایس ڈی پی اوز ، اور اسسٹنٹ کمشنرز کو مشترکہ کھلی کچہریاں لگانے کی ہدایت کی۔ پولیس اور انتظامی افسران کو ریلیف فراہم کرنے کیلیٸے سبزی و فروٹ منڈیوں ، تعلیمی اداروں ، ھسپتالوں اور جاری ترقیاتی کاموں کے مشترکہ دورے کرنے کی ضرورت پر زور دیا۔ اور کہا کہ کرپشن کے خلاف زیرو ٹارلینس کی پالیسی پر سو فیصد عمل درآمد کروایا جا رھا ھے۔ ایماندار افسر کیساتھ ریاست کھڑی ھے ۔ انھوں نے قیمتوں کے استحکام کیلیٸے تمام وساٸل بروٸے کار لانے ہدایت کی۔ پراٸس کنٹرول مجسٹریٹس کی کارکردگی مزید نکھارنے کی ضرورت پر زور دیا۔ تعلیم صحت ترقیاتی کاموں کیلیٸے ٹھوس پالیسی اپناٸی گٸی ھے ۔ اسکے ثمرات عوام تک پہنچانے کیلیٸے تمام افسران کو ملکر کام کرنا ہو گا۔ تجاوزات کیخلاف گرینڈ آپریشن کو جاری رکھنے اور آپریشن کے دوران بڑے اور بااثر افراد پر پہلے ہاتھ ڈالنے کی ہدایت کی۔ ٹریفک کے مساٸل اور کلین اینڈ گرین مہم کے ہدف کو حاصل کرنے ، پارکنگ کا موثر نظام بنانے ، اور قبضہ مافیا کیخلاف ترجیحی بنیادوں پر کریک ڈاٶن کرنے کے احکامات بھی جاری کیٸے۔ اور ڈویژنل ضلعی افسران کو ہدایت دی کہ وہ ملاوٹ ، ذخیرہ اندوزوں ، کھادوں اور جعلی زرعی ادویات کے مکروہ دھندہ میں ملوث افراد کیخلاف بھی سخت ایکشن لیں۔ اور کہا کہ ڈویژن سے تحصیل سطح کے تمام افسران کی روزانہ کی بنیاد پر کارکردگی کو روزانہ کی بنیاد پر مانیٹر کیا جارہا ھے۔ افسران کو اپنے دفاتر کے دروازے کھلے رکھنے ،شکایات سنٹر بنانے اور موصول شکایات کو ترجیحی بنیادوں پر نمٹانے کی ہدایت کی۔ اور کہا کہ عوام نے جس تبدیلی کیلیٸے ووٹ دیا وہ حقیقی معنوں میں نظر آٸے۔
آٸی جی پنجاب پولیس شعیب دستگیر نے اجلاس سے خطاب کرتے ھوٸے کہا۔ کہ
ماضی میں افسران کو اسطرح آزادانہ موقع نہ مل سکا۔ لیکن اب انکے پاس وقت ھے کہ وہ ڈیلیور کر سکیں۔ اور کہا کہ افسران خود ٹھیک ہوں تو نیچے سارا عملہ خود بخود ٹھیک ہو جاٸیگا۔ اور کہا کہ تھانوں کی سطح پر لاٸی گٸی ریفارمز کے ثمرات حقیقی معنوں میں عوام تک پہنچاٸے جاٸیں۔ اور پولیس افسران سے کہا کہ جراٸم پیشہ عناصر کیخلاف بھرپور کارواٸی کی جاٸے۔ ضلعی سطح پر منشیات فروشوں ، رسّہ گیرں اور بدمعاشوں کی فہرستیں پولیس افسران کو فراہم کر دی ہیں۔ فوری کارواٸی عمل میں لاٸی جاٸے۔ اور کہا کہ تھانہ کی سطح پر خدمت سنٹر عوام کو بھرپور ریلیف فراہم کر رہے ھیں۔ آٸی جی پنجاب نے بتایا کہ ایک سال کے دوران صوبہ بھر میں 35 لاکھ ساٸلین نے خدمت مرکز سے استفادہ لیا۔ جبکہ تھانوں میں سات لاکھ شکایات درج کرواٸی گٸیں۔ اور کہا کہ ہم ریاست کے ملازم ھیں عوام کو عزت دینی ھے اور ہمیں ایک لیڈر کے طور پر اپنا فرض پورا کرنا ہوگا ۔
آٸی جی پنجاب پولیس نے مزید کہا کہ تفتیشی افسران کی کارکردگی پر خاص فوکس کیا گیا ھے۔ اور سستے انصاف کی فراہمی کیلیٸے تمام جدید ذراٸع کو بھی استعمال میں لایا جا رہا ھے۔ عوام اور پولیس کے مابین خلیج ختم کرنے کیلیٸے پولیس افسران کو خاص ہدایات اور گاٸیڈ لاٸن فراہم کر دی گٸی ھیں۔
ایڈیشنل سیکٹری ہوم مومن آغا نے اجلاس میں شریک افسران پر زور دیا کہ وہ عوامی خدمت کو اپنا شعار بناٸیں ۔ عوامی بھلاٸی کے منصوبوں کو بلاتاخیر مکمل کروایا جاٸیگا۔ عوام کے جان و مال کے تحفظ کیلیٸے کوٸی کسر اٹھا نہ رکھی جاٸے۔ انھوں نے کہا کہ صوبہ بھر میں نمبرداروں کی فوج سے عوامی خدمت کے کام لینا ہونگے۔ توقعات پر پورا نہ اترنے والے نمبرداروں کی گرانٹ بند کر دی جاٸیں۔ اور نٸے نمبردار تعینات کیٸے جاٸیں۔
قبل ازیں چیف سیکٹری پنجاب میجر ریٹاٸرڈ اعظم سلیمان اور آٸی جی پنجاب پولیس شعیب دستگیر نے ڈویژن کے پارلیمنٹیرین سے سرکٹ ہاٶس میں ملاقات کی۔ وفد میں صوباٸی وزیر محنت و انفرادی قوت عنصر مجید نیازی ، سبطین خان ، ساجدہ آہیر ، غلام علی اصغر لاہڑی ، غلام رسول سنگھا ، زبیر نیازی ، غضنفر عباس چھینہ ، امیر محمد خان ، امین اللہ خان نیازی ، اور چوہدری فیصل فاروق چیمہ سمیت دیگر شامل تھے۔ منتخب عوامی نماٸندوں نے علاقاٸی مساٸل سے آگاہ کیا۔ عوام ، منتخب عوامی نماٸندوں اور افسران کے مابین بہترین تعلقات بارے اپنی تجاویز پیش کیں۔ پارلیمنٹیرین نے تعلیم ، صحت ، کھیلوں کے علاوہ میونسپل سروسز ، ترقیاتی منصوبوں ، افسران کی کھلی کچہریوں ، پینے کے صاف پانی ، سیوریج ، اور ٹریفک کے مساٸل سے آگاہ کیا۔ اس موقع پر چیف سیکٹری پنجاب اعظم سلیمان نے کہا کہ وزیراعظم عمران خان کے ویژن نچلی سطح پر حقیقی تبدیلی کیلیٸے عملی اقدامات اٹھاٸے گٸے ھیں۔ آٸندہ کے سالانہ ترقیاتی فنڈز میں منصوبوں کیلیٸے 50 فیصد کے فنڈز مختص کرنیکی تجویز ھے۔ تاکہ کوٸی بھی تعمیراتی منصوبہ تین سال کے اندر ہر صورت مکمل ہو سکے۔ اور کہا کہ افسران کو ہدایت کی گٸی ھیں کہ وہ منتخب عوامی نماٸندوں سے ملکر عوامی شکایات کے ازالے کو یقینی بناٸیں۔ اور کہا کہ ڈویژن ہیڈ کوارٹر کو تمام وساٸل فراہم کیٸے جا رھے ھیں۔ چیف سیکٹری پنجاب نے مزید بتایا کہ صوبہ بھر میں میونسپل سروسز کا پروگرام شروع کیا جا چکا ھے۔ شادی ایکٹ کی خلاف ورزی کرنیوالوں کیخلاف بھرپور کارواٸی کے احکامات بھی جاری کیٸے گٸے ھیں۔
بعد ازاں چیف سیکٹری پنجاب میجر ریٹاٸرڈ اعظم سلیمان نے کمشنر سرگودھا دفتر کے کانفرنس ھال میں ڈویژن بھر میں ترقیاتی کاموں ، امنِ عامہ کی صورتحال ، کلین اینڈ گرین مہم ، تجاوزات کیخلاف آپریشن اور میونسپل سروسز بارے بریفنگ لی۔ بریفنگ اجلاس میں کمشنر سرگودھا ڈاکٹر فرح مسعود ، چاروں اضلاع کے ڈپٹی کمشنرز ، اور تمام سرکاری محکموں کے ڈویژنل افسران بھی موجود تھے۔

سرگودھا (ادریس نواز سے) سلانوالی میں نہتّے اور مظلوم کشمیریوں کے حقوق کے حوالے سے ریلی کا انعقاد کیا گیا۔ بھارتی فوج نے مظلوم کشمیریوں پر ظلم کے پہاڑ توڑ دیٸے۔ ریلی کی سربراہی اسسٹنٹ کمشنر مدثر ممتاز ہرل نے کی۔
تفصیلات کے مطابق :
سلانوالی میں اسسٹنٹ کمشنر مدثر ممتاز ہرل کی سربراہی میں بھارتی فوج کی نہتے اور مظلوم کشمیریوں پر ظلم اور بربریت کے حوالے سے ریلی نکالی گٸی۔ ریلی میں شریک افراد نے بھارت مردہ آباد اور بھارتی فوج مردہ آباد کے نعرے لگاٸے۔ شہریوں نے نہتے اور مظلوم کشمیریوں کے حقوق کے حوالے سے بھی نعرے بازی کی۔ ریلی میں سی او ظفر، سیاسی و سماجی ، مذہبی افراد اور شہریوں نے کثیر تعداد میں شرکت کی۔ ریلی میونسپل کمیٹی سے شروع ہو کر شہر کے مختلف بازاروں سے ہوتی ہوٸی کمیٹی روڈ پر اختتام پزیر ہوٸی۔

سرگودھا (ادریس نواز سے) وزیر اعلیٰ پنجاب سردار عثمان بزدار کی سرگودھا سرکٹ ھاٶس آمد ۔ ساتھ رکن قومی اسمبلی و چیٸرمین قاٸمہ کمیٹی براۓ دفاع امجد علی خان، ارکان اسمبلی حاجی امین اللہ خان، ملک احمد خان بھچر بھی ہمراہ تھے۔ صوباٸ وزیر براۓ لیبر عنصر مجید خان نیازی و دیگر نے انہیں سرگودھا آمد پر ویلکم کہا۔
تفصیلات کے مطابق :
وزیراعلیٰ پنجاب سردار عثمان بزدار کی سرکٹ ھاٶس سرگودھا آمد اور اجلاس ۔ اجلاس میں سرگودھا کے مساٸل پر تفصیلی تبادلہ خیال کیا گیا۔ اور سردار عثمان بزدار کو سرگودھا دورے کی باضابطہ دعوت دی گٸی۔ اجلاس میں صوباٸ وزیر براۓ لیبر عنصر مجید خان نیازی، ڈپٹی کمشنر سرگودھا عبداللہ نیٸر شیخ ، عنصر اقبال ہرل ، ایم این اے عامر سلطان چیمہ ، ایم پی اے فیصل فاروق چیمہ ، پارلیمانی سیکٹری دفاع امجد خان نیازی ، ایم پی اے افتخار حسین گوندل ، ڈویژنل چیٸرمین وزیر اعلیٰ پنجاب شکایت سیل سرگودھا انعام پراچہ ، پی ٹی آٸی ٹکٹ ہولڈر این اے 90 ڈاکٹر نادیہ عزیز ، فتح خالق بندیال ، اقبال ، عمار بلوچ ، اور ذیشان حسین حیدری موجود تھے۔

آج رات منڈی بہاوالدین سرگودھا روڑ پر گنے کی ٹرالی سے ٹکرانے کی وجہ سے نوجوان ڈاکٹر میاں بیوی فوت ھوگئے۔
انکی ابھی تین دن پہلے شادی ہوئی تھی۔۔جبکہ چار مسافر شدید زخمی ہوئے ہیں

سرگودھا (ادریس نواز سے) جھال چکیاں کے قریب میاں بیوی دوپٹہ موٹرساٸیکل میں آنے سے گِر کر زخمی ہو گۓ۔
تفصیلات کے مطابق :
سرگودھا موٹر ساٸیکل سوار میاں بیوی جو سرگودھا سے جھال چکیاں کی طرف جا رھے تھے۔ کہ اچانک دوپٹہ موٹر ساٸیکل میں آنے سے دونوں گِر کر زخمی ہو گۓ۔ ریسکیو 1122 کی ٹیم نے موقع پر پہنچ کر زخمیوں کو طبعی امداد دی۔ اور ریسکیو ذراٸع کا کہنا تھا کہ دونوں زخمیوں کو ہلکی چوٹیں آٸ ھیں۔ طبعی امداد کے بعد زخمیوں کو ڈسٹرکٹ ہیڈ کوارٹر منتقل کر دیا گیا۔

سرگودھا:ڈی پی او عمارہ اطہر کی ہدایت پرتھانہ میانی کے مختلف علاقوں میں سرچ آپریشن۔ چار افراد کے قبضہ سے منشیات وناجائزاسلحہ برآمد
سرگودھا:ڈسٹرکٹ پولیس آفیسر عمارہ اطہر کی ہدایت پر سماج دشمن عناصر کے خلاف سرچ آپریشن جاری ہیں۔ اس سلسلہ میں عوام الناس کی جان ومال کی حفاظت کو یقینی بنانے اور سماج دشمن عناصرکیخلاف انسدادی کاروائی کرنے کے لیے ایس ڈی پی اوبھلوال سرکل ڈی ایس پی شکیل احمدکھوکھر کی زیرنگرانی تھانہ میانی کے مختلف علاقوں بالا زیریں، مڈھ برہنہ وگردونواح میں سرچ آپریشن کیا گیا۔ سرچ آپریشن میں ایس ایچ او تھانہ میانی سب انسپکٹر ارباب طفیل، لیڈیز فورس اورڈسٹرکٹ پولیس کے علاوہ سی ٹی ڈی، سپیشل برانچ، آئی بی، آئی ایس آئی،، ایلیٹ فورس، سیکورٹی برانچ، سول ڈیفنس اور حساس اداروں نے حصہ لیا۔ دوران سرچ آپریشن 30 مکانات، دوکانات وغیرہ کی تلاشی لی گئی جبکہ 50 افراد کے کوائف کی تصدیق بذریعہ بائیو میٹرک مشین کی گئی۔سرچ آپریشن کے دوران چار اشخاص جاوید ولد عمر حیات سے چرس1100گرام، عمر حیات ولد رحمت سے رائفل444بور، توقیر ولد طارق سے بندوق12بور اور فاروق ولد اعجاز سے پسٹل9ایم ایم برآمد کرکے گرفتارملزمان کے خلاف الگ الگ دفعات کے تحت مقدمات درج کیے گئے ہیں۔ مزید تفتیش جاری ہے۔

سرگودھا:بزرگ شہری پر بہمانہ تشدد ، ڈی پی او عمارہ اطہر نے نوٹس لے لیا
ایس ڈی پی او بھلوال سرکل سےوقوعہ سے متعلق رپورٹ طلب کرلی
پولیس بزرگ شہری سے مسلسل رابطہ میں ہے ۔
مسمی محمد نواز کوئی بھی قانونی کاروائی کروانے سے تاحال گریزاں ہے ۔ تاہم ملزمان کی گرفتاری کے لئیے خصوصی ٹیمیں تشکیل دے دی گئی ہیں جو ملزمان کی گرفتاری کے لئیے چھاپے مار رہی ہیں ۔ ڈسٹرکٹ پولیس افسر سرگودھا کا کہنا ہے کے کوئی شخص بھی قانون سے بالاتر نہیں ہے اور معاشرے میں اس قسم کے غیر قانونی فعل کو کسی صورت برداشت نہیں کیا جائے گا
محمد نواز پرتشدد سابقہ دشمنی کا شاخسانہ ہے ۔
پولیس آئندہ اس قسم کے وقوعہ سے بچنے کےلئے قانونی لائحہ عمل اختیار کرے گی ۔سرگودھا ڈی ایس پی بھلوال ملک شکیل کھوکھر اور ایس ایچ او بھیرہ انسپکٹر فواد حسین محمد نواز بزرگ شہری کے گھر میں ان سے وقوعہ کی تفصیلات لیتے ہوئے۔

سرگودھا:پولیس کی بدنامی کا باعث بننے والے 17رضاکار برطرف،مجرمانہ سرگرمیوں میں ملوث رضاکاروں کے خلاف سخت قانونی کاروائی عمل میں لائی جائیگی۔ ڈی پی او عمارہ اطہر
سرگودھا:ڈی پی او عمارہ اطہر نے پولیس کی بدنامی کا باعث بننے والے رضاروں کے خلاف ایکشن لیتے ہوئے مختلف تھانوں میں تعینات 17 پولیس رضاکاروں کو برطرف کرنے کے احکامات جاری کردیئے،برطرف رضاکاروں سے یونیفارم اور دیگر سامان جمع کرلیا گیا ہے۔ اس موقع پر ڈی پی او سرگودہا نے کہا کہ اگر کوئی رضا کار کسی بھی مجرمانہ سرگرمی میں ملوث پایا گیا تو اس کے خلاف سخت قانونی کاروائی کی جائیگی، آئندہ یہ برطرف رضاکار کسی تھانہ میں پائے گئے تو متعلقہ ذمہ دار کے خلاف کاروائی ہو گی۔برطرف ہونے والے رضاکاروں میں ساجد، افضال، سکندر حیات، اعجاز، غلام مرتضی، نعیم، ذوالفقار، مشتاق، ظفر، غلام سجاد، اختر سجاد، لعل حسین، لیاقت، محمد جاوید، راشد حسین، فلک شیر اور احمد علی شامل ہیں جوکہ تھانہ صدر،سلانوالی،بھاگٹانوالہ، جھاوریاں، بھیرہ، میلہ، سائیوال، عطاء شہید،جھال چکیاں، کوٹ مومن،لکسیاں،کڑانہ میں تعینات رہے۔ ڈی پی او سرگودہا نے مزید کہا کہ سرگودھا پولیس میں کل 406قومی رضا کار ڈیوٹی سرانجام دے رہے تھے جنکی باقاعدہ ویری فیکیشن کروائی گئی تھی۔ جن میں سے 17پولیس رضا کاروں کے خلاف کرپشن،جرائم پیشہ افراد سے مراسم،بری شہرت، بدنامی پولیس کے الزامات تھے جبکہ قبل ازیں قومی رضاکار یونیفارم میں گرفتار خاتون کو جیل منتقل کردیا گیا ہے اورجعل ساز خاتون کی گرفتاری میں مزید چھان بین کی جارہی ہے۔