Category: سرگودھا

سرگودہا: ڈی پی اوعمارہ اظہر کی ہدایت پرسماج دشمن عناصر کے خلاف سرچ آپریشن کا سلسلہ جاری
ایس ڈی پی او بھلوال سرکل ڈی ایس پی محمد شکیل کھوکھرکی زیر نگرانی تھانہ پھلروان کے علاقہ میں سرچ آپریشن کیا گیا
دوران سرچ آپریشن 20 سے زائد مکانات ، 15 دکانوں کی تلاشی لی گئی جبکہ50 کے قریب افرادفراد کے کوائف کی تصدیق بذریعہ بائیو میٹرک کی گئی ۔
سر چ آپریشن میں ایس ایچ اوتھانہ پھلروان، سیکیورٹی برانچ، ایلیٹ فورس، سپیشل برانچ ،سول ڈیفنس اورحساس اداروں نے حصہ لیا ۔

چکیاں پھلروان خطرناک موڑ کی وجہ سے ایک اور حادثہ جس کی وجہ سے ایک عورت چار بچے اور ڈرائیور شدید زخمی حادثہ ہونے کی وجہ سے گاڑی نہر میں گرگئ

سرگودھا:ڈی پی او عمارہ اطہراور ڈی سی عبداللہ نیئر شیخ کی طرف سے عوام الناس کو انصاف کی فراہمی کیلئے تحصیل آفس بھلوال میں کھلی کچہری کا انعقاد
سرگودھا:معاشرہ میں امن وامان قائم رکھنے کیلئے میرٹ پر انصاف کی فراہمی بہت ضروری ہے کھلی کچہری کے انعقاد کا مقصد عوام الناس کو ان کی دہلیز پر انصاف کی فراہمی ہے۔ بھلوال ایک بڑی تحصیل ہے۔ قبل ازیں میری یہاں بطور ایس ڈی پی او تعیناتی بہت یادگار ہے۔ ان خیالات کا اظہار ڈسٹرکٹ پولیس آفیسر عمارہ اطہر نے کھلی کچہری سے خطاب کرتے ہوئے کیا جبکہ ڈپٹی کمشنر عبداللہ نیئر شیخ نے اپنے خطاب میں کہا کہ کھلی کچہری عوام الناس کے مسائل فوری حل کرنے کیلئے ایک اچھا فورم ہے اس سے افسران کی کارکردگی کا پتا چلتا ہے۔ آئندہ کھلی کچہری میں ان درخواستوں پر کی گئی کاروائی کا جائزہ لیا جائے گا۔ اس موقع پر اے ایس پی ابریز علی عباسی، اے سی بھلوال عثمان جلیس بھی موجود تھے۔ کھلی کچہری میں متعدد سائلین نے اپنی درخواستیں پیش کیں جن پر فوری احکامات جاری کیے گئے اور متعلقہ افسران سے اندریں بارہ رپورٹ طلب کی گئیں۔ کھلی کچہری میں عوام الناس، میڈیا نمائندگان، انجمن تاجران اور سول سوسائٹی کے ممبران نے کثیر تعداد میں شرکت کی۔

سرگودھا (ادریس نواز سے) فیصل آباد روڈ پر حادثہ۔ بس اور ھاٸی ایس وین میں ٹکر کی وجہ سے 12 افراد شدید زخمی
تفصیلات کے مطابق

سرگودھا فیصل آباد روڈ پر بس اور ھاٸ ایس وین میں ٹکر کی وجہ سے 12 افراد شدید زخمی ھو گۓ۔ ذراٸع کے مطابق بس فیصل آباد سے سرگودھا جا رہی تھی اور ھاٸ ایس وین سرگودھا سے فیصل آباد جا رہی تھی۔ ذراٸع کے مطابق حادثہ روڈ ٹوٹنے کی وجہ سے پیش آیا۔ زخمیوں کو ابتداعی طبعی امداد کے بعد ڈسٹرکٹ ھیڈ کوارٹر منتقل کر دیا گیا۔

سرگودہا کمشنرڈاکٹر فرح مسعود نے کہا ہے کہ میٹروپولیٹن کارپوریشن انتظامیہ شہری سہولیات کو معیاری اور عمدہ بنانے کیلئے تمام دستیاب وسائل کے ساتھ ساتھ کمیونٹی کو بھی شامل کریں۔مسائل اور مالی وسائل کی کمی کارونہ رونے کی بجائے عملی اقدامات کو یقینی بنایا جائے۔ افرادی قوت مسائل کو حل کرنے کیلئے اہم ٹول ہے اخلاص اور پیشے سے دیانتداری اس کے اہم سافٹ ویئر ہیں۔ان خیالات کااظہارانہوں نے میٹروپولیٹن کارپوریشن بارے بریفنگ اجلاس کی صدارت کرتے ہوئے کیا۔ اجلاس کے دیگر شرکاء میں ایڈیشنل کمشنر شہباز نقوی‘ ایڈیشنل ڈپٹی کمشنر جنرل بلال فیروز‘ ڈائریکٹرجنرل پی ایچ اے ریحانہ فرحت‘ ڈی جی ایس ڈی اے ثاقب علی عدیل‘ اسسٹنٹ کمشنر جنرل عائشہ غضنفر‘چیف آفیسر میٹروپولیٹن کارپوریشن طارق پرویا‘ایم او انفراسٹرکچرخالد جاوید اور دیگر متعلقہ افسران بھی موجود تھے۔ کمشنر نے شہر کے قدآور مسائل پارکنگ‘ بے ہنگم ٹریفک‘رکشہ وچنگ چی سٹینڈز‘پینے کے صاف پانی کوترجیحی بنیادوں پر حل کرنے کی ہدایت کرتے ہوئے پرائیویٹ سیکٹر کو متحرک او رفعال بنانے کی ضرورت پر زور دیا۔انہوں نے کہاکہ رکشوں اور لوڈر گاڑیوں وچنگ چی کورجسٹریشن کے پیرا میٹر میں لایا جائے تاکہ ان کا ریکارڈ اور بہاؤ کو کنٹرول کرنے میں مدد مل سکے۔ انہوں نے واٹر ہائیڈرینٹس کو ختم کر کے واٹر سپلائی والی کالونیوں میں پانی کے فلو کو بہتر بنانے کی ہدایت کی جبکہ سیوریج کے نظام کو فعال رکھنے او راس کی مانیٹرنگ کے عمل کو سخت بنانے کی ضرورت پر زور دیا۔ انہوں نے پبلک پارٹنرشپ کے ذریعہ پارکنگ پلازے بنانے کی ہدایت کی او راس ضمن میں زور دیا کہ شہرے کے مختلف بلاکوں میں واگزار کرائی گئی سٹیٹ لینڈ کو استعمال کیا جائے۔انہوں نے شہر میں جا بجا تجاوزات کو ختم کرنے اور شہریوں کی سہولت کیلئے سخت منصوبہ بندی پر عمل پیرا ہونے کی ہدایت کی۔ اپنی بریفنگ میں چیف آفیسر میٹروپولیٹن کارپوریشن طارق پرویا نے بتایاکہ کارپوریشن نے رکشہ وچنگ چی کیلئے شہر میں تین سٹینڈ مقرر کر رکھے ہیں لیکن ٹریفک انتظامیہ کی نرمی کے باعث ان پر عمل درآمد نہیں ہو رہا۔انہوں نے بتایاکہ کارپوریشن کا زیادہ بجٹ غیر ترقیاتی اخراجات پر صرف ہوتا ہے جبکہ کارپوریشن تین پلازوں سے محصولات وصول نہیں کررہا۔کارپوریشن کی آمد کا بڑاذریعہ 400 دکانیں‘ سیوریج ٹیکس‘ واٹر ٹیکس‘ تجاوز شدہ تاجروں سے جرمانوں کی مد میں ٹیکس‘نقشہ او ربلڈنگ پلان کی فیسیں ودیگر آمدن شامل ہے۔انہوں نے بتایاکہ شہر کو پانی کی فراہمی کے 53ٹیوب ویلز میں سے 14 خراب ہیں جبکہ پبلک ہیلتھ انجینئرنگ 21نئے ٹیوب ویلز لگا رہی ہے جس سے شہریوں کو پانی کی فراہمی میں مدد ملے گی۔انہوں نے بتا یاکہ سیوریج کا پانی ایف ایس اور مونا ڈرین کے ذریعہ ڈسپوز کیا جاتاہے۔انہوں نے مزید بتایا کہ شہر کے کوڑا کرکٹ کو تلف کرنے کیلئے 91شمالی میں 167ایکڑ رقبہ پر ڈمپنگ سائٹ بنائی گئی ہے جس میں زیادہ تر اراضی پر قبضہ مافیا قابض ہے۔انہوں نے بتایا کہ شہر بھر کے سیوریج‘مین ہول کی مرمت‘ ڈھکنوں کی فراہمی‘پیچ ورک اور سٹریٹ لائٹس جیسی مسائل حل کرنے کیلئے فنڈز مختص کر دیئے گئے ہیں۔کمشنر فرح مسعود نے شہر کو صاف ستھرا بنانے کیلئے دن رات خدمات پر زور دیا۔

ضلع سرگودھا تحصیل بھیرہ یونین کونسل جھمٹ رانجھیانوالہ گاؤں رانجھیانوالہ گاؤں کی موجودہ صورتحال ہے آپ تصویریں اور ویڈیو میں دیکھ سکتے ہیں یہ جو راستہ ہے یہ گاؤں کا مین روڈ ہے جس سے روزانہ کم وپیش ایک ہزار افراد گزرتے ہیں اور مال مویشی کے لیے گدھا گاڑی ٹرالی ٹریکٹر شادی فوتکی کے لیے گاڑیوں کی آمدورفت اسی روڈ سے ہوتی ہے تقریباً 10 سال اسی طرح اس کو دیکھ رہا ہوں میرے حلقے حکمران جو پچھلی حکومت میں شامل تھے MNA پیر آمین الحسنات شاہ صاحب اور MPA ملک مختار احمد بھرتھ صاحب نے بہت وعدے کیے لیکن پورے نہ ہو سکے اس بار بھی الیکشن سے پہلے سب نے ہمیں سہانے خواب دیکھئے لیکن ابھی تک کوئی امید نظر نہیں آیا رہی ہے اس ٹائم موجودہ حکومت میں ہمارے گاؤں سے الیکشن جیتنے والے چوہدری ندیم افضل چن صاحب حکومت کا حصہ ہیں لیکن وہ بھی اس مسئلے کو سنجیدگی سے نہیں لے رہے ہیں حلقے کے موجودہ MNA جناب ملک مختار احمد بھرتھ صاحب کو بھی کافی دفعہ کہا ہے لیکن وہ یہی کہتے ہیں کہ ابھی فنڈ نہیں ملے برائے مہربانی فرما کر آپ ایک دفعہ ہمارے کا وزٹ ضرور کریں اور اپنی آنکھوں سے موجودہ صورتحال دیکھ لیں کیونکہ اس راستے کی وجہ سے لوگوں کو کافی مالی نقصان ہوا ہے بہت سے بزرگ اس راستے سے گر کر ٹانگیں اور بازو تڑوا چکے ہیں اور بہت سے لوگوں کا جانی نقصان بھی ہوا ہے جس میں روزانہ کوئی نہ کوئی گدھا گاڑی ٹرالی ٹریکٹر وہاں پر پھانسا ہوتا ہے کچھ تو بار یہ بھی ہوا ہے میت کو ہم کھیتوں میں سے لے جاتے ہیں کیونکہ یہاں سے گزرنے کی جگہ نہیں ہوتی ہے.

سرگودھا ڈی پی او عمارہ اطہر کی منشیات کے خلاف کریک ڈاون کی واضح پالیسی کے مطابق ایس ایچ او کینٹ فضل قادر نے سب انسپکٹر اقرار عباس کے ساتھ مل کر کاروائی کرتے ہوئے تین سو لٹر شراب برآمد کرلی۔ ملزم عظیم عرف کاشی اپنے رکشہ پر پلاسٹک کے ڈرموں میں شراب فروخت کرنے لئے لے کر جا رہا تھا کہ جس کو مشکوک جان کر روک کر چیک کیا گیا تو رکشہ کی پچھلی سیٹوں پر پردہ لگا کر چھپائی گئی شراب برآمد ہوئی۔ ملزم کے خلاف مقدمہ درج کر کے تفتیش شروع کردی گئی ہے۔ ڈی پی او عمارہ اطہر نے اچھی کاروائی پر ایس ایچ او اور اس کی ٹیم کو شاباش دی ہے۔

پھلروان :سالم موٹروے انٹرچینج کے قریب ٹرک اور کار میں تصادم، 4 افراد زخمی 2 کی حالت تشویشناک، زخمیوں کو ڈسٹرکٹ ہیڈ کوارٹر ہسپتال سرگودھا منتقل کر دیا گیا

سرگودھا (ادریس نواز سے) عوامی بھٹہ مزدور یونین پنجاب (رجسٹرڈ) کی مزدورں کے حق کےلیۓ اعلٰی افسران اور صوباٸ وزیر لیبر منسٹر عنصر مجید نیازی اور حکومت سے اپیل۔
تفصیلات کے مطابق:
عوامی بھٹہ مزدور یونین پنجاب (رجسٹرڈ) کے صدر محمد حسین وٹو نے کہا کہ ہماری یونین کافی عرصہ سے مزدوروں کے حق کےلیۓ کام کر رہی ھے۔ اور ہماری کوشش ھے کہ ہر مزدور کو اسکی محنت کی اجرت ملنی چاہیۓ۔ لیکن اسکے باوجود بھی مزدوروں کو انکی اجرت جو پنجاب گورنمنٹ نے مقرر کی ھے وہ نہیں دی جاتی۔ اسکے علاوہ عوامی بھٹہ مزدور یونین پنجاب کے صدر محمد حسین وٹو نے کہا کہ ہماری اعلٰی افسران اور صوباٸ وزیر لیبر منسٹر عنصر مجید نیازی اور پنجاب حکومت سے اپیل ھے کہ جو اجرت پنجاب گورنمنٹ نے تہہ کی ھے اسکے مطابق مزدوروں کو اجرت دلوانے میں اہم کردار ادا کریں۔ اور پنجاب گورنمنٹ کے مقرر کردہ ریٹ فی ہزار کچی اینٹ 1295 روپے، سپیشل اینٹ 1530 روپے، نقاسی والا 327 روپے، گدھے والا 421 روپے اور ماہانہ مزدور 17500 روپے پر عمل درآمد کروانے میں بھی اہم کردار ادا کریں۔ تاکہ کوٸ بھی مزدور اپنی محنت کی حقیقی اجرت سے محروم نہ رہ سکے۔