Category: سرگودھا

سرگودھا:تھانہ میانی پولیس کی کاروائی، گرفتارتین ملزمان سے ناجائزاسلحہ برآمد
سرگودھا: ڈسٹرکٹ پولیس آفیسر فیصل گلزارکی ہدایت پرمنشیات فروشوں کے خلاف کاروائی کرتے ہوئے ایس ایچ او تھانہ میانی سب انسپکٹر سجاد احمد نے اسسٹنٹ سب انسپکٹر محمد اعظم اورارسلان احمد وغیرہ پر مشتمل ٹیم کے ہمراہ تھانہ میانی کے مختلف علاقوں میں ریڈ کرکے ملزمان ظفر ولد مختار سکنہ کوٹ گل نوازخان سے بندوق12بور، نوید ولد ذوالفقار سکنہ کوٹ گل نواز خان سے پسٹل30بور اور عاقب ولد ذوالفقار سکنہ منڈی بہاوالدین سے پسٹل30بور برآمد کرکے گرفتارملزمان کے خلاف ناجائزاسلحہ رکھنے کی دفعات کے تحت الگ الگ مقدمات درج کرلیے گئے ہیں مزید تفتیش جاری ہے۔

سرگودھا:کرونا وباکے پیش نظر گیارہ مقامات سمارٹ لاک ڈاؤن سیل، سوسے زائد پولیس اہلکاران ڈیوٹی پر تعینات
سرگودھا: حکومت پنجاب کی ہدایات کے مطابق ضلعی انتظامیہ نے کرونا وبا کے پھیلاؤ کو روکنے کیلئے گیارہ مقامات کو بذریعہ سمارٹ لاک ڈاؤن سیل کردیا ہے۔ جن میں تحصیل سرگودھا کے پانچ مقامات جبکہ تحصیل شاہپور، کوٹ مومن، بھیرہ، ساہیوال، بھلوال اور سلانوالی کا 1/1مقام شامل ہیں۔ اس سلسلہ میں ڈسٹرکٹ پولیس آفیسر فیصل گلزارکی ہدایت پران مقامات پر سو سے زائد پولیس ملازمین کی ڈیوٹی لگائی گئی ہے تاکہ ضلع میں کرونا وائرس کے پھیلاؤ کی روک تھام کی جاسکے۔ اس سمارٹ لاک ڈاؤن کا مقصد عوام الناس کو اس وبائی مرض سے آگاہی اور بچانے کیلئے اقدامات کرنا، حکومت پنجاب کی جانب سے جاری ہونے والے احکامات پر عملدرآمد کروانا اور پولیس فورس کو اس وبائی مرض سے بچاتے ہوئے اس کے خاتمہ کیلئے کرداراداکرنا ہے۔

سرگودھا:تھانہ بھیرہ پولیس کی کاروائی،قتل کے مقدمہ میں مطلوب اشتہاری ملزمہ گرفتار
سرگودھا: ڈسٹرکٹ پولیس آفیسر فیصل گلزارکی ہدایت پراشتہاری مجرمان کے خلاف کاروائی کرتے ہوئے ایس ایچ او
تھانہ بھیرہ سب انسپکٹر شاہد اقبال نے سب انسپکٹر توقیر عباس وغیرہ پر مشتمل ٹیم کے ہمراہ چیکنگ کرتے ہوئے تھانہ شاہ نکڈر پولیس کو قتل کے مقدمہ میں مطلوب اشتہاری ملزمہ رانی بیگم دختر بہار علی سکنہ مچی رستم تحصیل وضلع مردان کو گرفتارکرلیا ہے۔ گرفتار ملزمہ نے جولائی 2018میں نامعلوم وجوہات کی بناپر اپنے دیگر ساتھیوں بہارعلی،مسماۃ لعل زری عرف مسرت اورمسماۃ راجمین کے ساتھ ملکر عشرت بی بی کوناحق قتل کردیا اور گرفتاری سے بچنے کیلئے روپوش ہوگئی جبکہ اس کے دیگرساتھیوں کو گرفتارکرکے حوالات جوڈیشل بھجوایا جاچکاہے۔ ایس ایچ او تھانہ بھیرہ اور انکی ٹیم نے جدید ٹیکنالوجی کی مدد سے گرفتارکرکے تھانہ شاہ نکڈر پولیس کے حوالے کر دیا ہے۔ مزید تفتیش جاری ہے۔

سرگودھا:تھانہ بھلوال سٹی پولیس کی کاروائی،راہزنی کے مقدمہ میں مطلوب ملزم گرفتار
سرگودھا: ڈسٹرکٹ پولیس آفیسر فیصل گلزارکی ہدایت پرجرائم پیشہ عناصر کے خلاف کاروائی کرتے ہوئے ایس ایچ اوتھانہ بھلوال سٹی سب انسپکٹر فاروق حسنات نے اسسٹنٹ سب انسپکٹر عمر حیات پر مشتمل ٹیم کے ہمراہ ریڈ کرکے راہزنی کے مقدمہ میں مطلوب ملزم محمد جاوید ولد محمد اعظم سکنہ نبی شاہ بالا کو گرفتارکرلیا ہے۔ گرفتارملزم نے جولائی 2019میں اپنے دیگر تین ساتھیوں کے ساتھ ملکر پرانا بھلوال کے قریب چک15شمالی کے رہائشی ثاقب اقبال سے اسلحہ کے زور پر واردات کرکے موٹرسائیکل، نقدی اور موبائل فون چھین لیا اور فرار ہوگئے۔ایس ایچ او تھانہ بھلوال سٹی نے جدید ٹیکنالوجی کی مدد سے ملزم کو گرفتارکرلیا ہے جبکہ وقوعہ میں دیگر ملزمان کو قبل ازیں گرفتارکرکے حوالات جوڈیشل بھجوایا جاچکاہے۔ مزید تفتیش جاری ہے۔

سرگودھا:تھانہ میانی پولیس کی کاروائی، گرفتارچار ملزمان سے ناجائزاسلحہ برآمد
سرگودھا: ڈسٹرکٹ پولیس آفیسر فیصل گلزارکی ہدایت پرمنشیات فروشوں کے خلاف کاروائی کرتے ہوئے ایس ایچ او تھانہ میانی سب انسپکٹر سجاد احمد نے اسسٹنٹ سب انسپکٹر محمد اعظم اور محمد امیر وغیرہ پر مشتمل ٹیم کے ہمراہ تھانہ میانی کے مختلف علاقوں میں ریڈ کرکے ملزمان عدنان ولد عبدالغفور سکنہ اسلام پورہ سے رائفل444بور، لیاقت ولد ظفر اقبال سکنہ اسلام پورہ سے رائفل444بور،احمد علی ولد برکت علی سکنہ اسلام پورہ موڑ سے پسٹل9ایم ایم اور سلطان احمد ولد نذیر احمد سکنہ جناح کالونی سے پسٹل30بور برآمد کرکے گرفتارملزمان کے خلاف ناجائزاسلحہ رکھنے کی دفعات کے تحت الگ الگ مقدمات درج کرلیے گئے ہیں مزید تفتیش جاری ہے۔

بھیرہ ٹائیگر فورس سٹیرنگ کمیٹی کے رکن چوہدری خالد محمود ارائیں جنرل سیکرٹری پاکستان تحریک انصاف تحصیل بھیرہ نے کہا ہے کہ پی پی 72 کے عوام کو بہترین تعلیمی سہولیات کی فراہمی کے لیے حکومت پنجاب نے تحصیل بھیرہ کے 6 لڑکیوں اور 5 لڑکوں کے ایلیمنٹری مدارس کو ہائی کا درجہ دے دیا ہے۔علاقہ کے عوام اس سلسلہ میں کی جانے والی کوششوں پر چوہدری ندیم افضل چن اور حسن انعام پراچہ کے شکرگزار ہیں۔ ہائی سکول کا درجہ ملنے پر ان دیہات کے بچے اور بچیوں کو گھر کی دہلیز پر اعلی تعلیمی سہولیات میسر آئیں گی۔جن مڈل مدارس کو ہائی کا درجہ دیا گیا ہے ان میں لڑکوں کے کلس شریف،بھیرہ، علی پور سیداں، کوہلیاں، چاوہ اور لڑکیوں کے ودھن، کلیان پور بالا، بولا زریں،سردار پور نون،رکھ چراگاہ اور دھوری کے مڈل مدارس شامل ہیں

بھیرہ سابقہ دور میں ہونے والی میونسپل فنڈز میں خوردبرد اور لوٹ مار کا سلسلہ تبدیلی کے نام پر بھی تھم نہ سکا اور مارچ 2020 میں ترقیاتی کاموں کے لئے جاری بلدیہ کے 60 لاکھ روپیہ کے ترقیاتی فنڈز ضائع ہونے کا شدید خطرہ ہے جبکہ بلدیہ نے نے 21 مئی کو دو کروڑ روپیہ سے زائد کے مزید ٹینڈر بھی جاری کر دیئے ہیں۔مارچ میں جاری ترقیاتی کاموں میں سے ایک دو کے سوا کوئی بھی کام تکمیل کو نہ پہنچ سکا۔چوک دروازہ چک والا میں ٹف ٹائل اور نکاسی آب کے نظام کو بہتر بنانے کے لئے جاری 13 لاکھ روپیہ سے سے زائد کے ٹینڈر سے ٹھیکیدار نے صرف ایک پل بنا کر کام ادھورا چھوڑ دیا ہے جس کے باعث سوریج اور بارش کے پانی سے چوک جھیل کو منظر پیش کرتا ہے۔کھڈوں میں تبدیل چوک کو عوام کی سہولت کے لیے دکاندار مہر محمد نذیر نے جیب سے ہزاروں روپے خرچ کر کے گزشتہ روز انہیں پر کرایا۔سماجی رہنماؤں عامر علی، محمد شریف، اختر حسین، ذوالفقار علی، تنویر احمد اور نصیر احمد نے ڈپٹی کمشنر سرگودھا اور ڈائریکٹر اینٹی کرپشن سرگودھا سے مطالبہ کیا ہے کہ وہ میونسپل فنڈز میں بڑے پیمانے پر ہونے والی خوردبرد کی اعلی سطحی تحقیقات کرا کے ملوث عناصر کے خلاف قانونی کاروائی کریں۔

سرگودھا:ڈی پی او فیصل گلزار نے شہید کنسٹیبلان آصف سلطان اور خالد امیر کے ورثا کو ان کے نئے مکانات کی چابیاں حوالے کیں۔
سرگودھا:شہید کی جو موت ہے وہ قوم کی حیات ہے، کوئی چیز بھی انسانی جان کا نعم البدل نہیں ہوسکتی لیکن شہدا کی فیملز کو ایک محفوظ چھت فراہم کرنا بھی ضروری ہے حکومت پنجاب کی طرف سے شہدا پیکچ میں شامل شہدا کے لواحقین کے لئے مکان بھی شامل ہے۔ اس موقع پر ڈی پی او سرگودھا فیصل گلزار نے میڈیا نمائندگان کو بتلایا کہ انسپکٹر جنرل آف پولیس پنجاب لاہور شعیب دستگیر اور ریجنل پولیس آفیسر سرگودھا افضال احمد کوثر کے احکامات کی روشنی میں آج سرگودھا پولیس کے دو شہدا آصف سلطان اور خالد امیر کے ورثا کو نئے مکانات کی چابیاں حوالے کی گئیں ہیں۔ کنسٹیبل خالدامیرسال2017 میں پولیس چوکی فروکہ کے علاقہ میں ناکہ بندی کے دوران جبکہ کنسٹیبل آصف سلطان سال2018 میں تھانہ شاہ نکڈر کے علاقہ میں اشتہاری مجرمان کی فائرنگ سے شہید ہواتھا۔ شہدا کے لواحقین نے نئے مکان حوالے کرنے پر انسپکٹر جنرل آف پولیس پنجاب لاہور، آر پی او سرگودھا اور ڈی پی او سرگودھا کا شکریہ اداکیا۔

بھیرہ کرونا وائرس سے بھیرہ شہر کے متعدد علاقے متاثر۔
بھیرہ۔سمارٹ لاک ڈاؤن پالیسی کے تحت متاثرہ محلہ شاہ نصیب دریائی کو سیل کر دیا گیا ہے ۔ ڈی ڈی او ہیلتھ ڈاکٹر محمد اسماعیل۔
سمارٹ لاک ڈاؤن کے تحت سیل علاقہ میں لوگوں کی آمد و رفت ممنوع۔بیرئیر لگا دیئے گئے۔
متاثرہ محلہ بوڑھی والا کو سمارٹ لاک ڈاؤن کے تحت سیل کرنے کے لئے ڈپٹی کمشنر سے اجازت طلب ڈاکٹر محمد اسماعیل
بھیرہ علی میڈی کیئر کے سکن سپیشلسٹ ڈاکٹر زین علی رضا کرونا ٹیسٹ مثبت آنے پر ہوم ائسولیٹ اس وقت کورونا کے 6 مریض ہوم آئسولیٹ ہیں ۔ڈی ڈی او ہیلتھ ڈاکٹر محمد اسماعیل۔آنے والے دنوں میں وائرس کے مزید بڑھنے کا خطرہ ہے عوام گھروں تک محدود اور حفاظتی تدابیر اختیار کریں۔ ڈاکٹر اسماعیل۔