Category: سرگودھا

بھیرہ دریائے جہلم میں بھیرہ کے مقام پر پانی کا بہاؤ 50ہزار کیوسک ہے اور پانی اکثر مقامات پر کناروں سے باہر نکل کر کھڑی فصلوں میں داخل ہو گیا ہے۔ فلڈ وارننگ سنٹر کی جانب سے دریائے جہلم میں پانی کی آمد سے متوقع سیلاب کی اطلاع کے باوجود انتظامیہ نے دریا کے کنارے آباد کسی بھی بستی میں فلڈ ریلیف کیمپ یا دیگر حفاظتی اقدامات نہیں کیے۔ دریا کنارے قصبات ودھن،دھیلا،ہطار معافی، سنگھ معافی، اچراں،چک مبارک، جھمٹ، رانجھیانوالا، اتمان سید پور اور دیگر مواضعات کے مکینوں نے ڈپٹی کمشنر سرگودھا سے سے مطالبہ کیا ہے کہ وہ سیلابی پانی سے عوام کے بچاؤ کے لیے فوری اقدامات اٹھائیں۔

بھیرہ وزیراعظم ٹائیگر فورس تحصیل بھیرہ کا اجلاس اسسٹنٹ کمشنر کی زیر صدارت ہوا جس میں ٹائیگر فورس اسٹیرنگ کمیٹی کے رکن چوہدری خالد محمود آرائیں اور فورس کے ارکان نے شرکت کی۔ اس موقع پر تحصیل بار بھیرہ کے صدر نصیر احمد ثاقب بھٹی بھی موجود تھے۔ٹائیگر فورس کا نوٹیفکیشن جاری ہونے کے ڈیڑھ ماہ بعد بلائے گئے اجلاس میں اسسٹنٹ کمشنر نے کہا کہ فورس میں شامل نوجوان اپنی خدمات رضاکارانہ طور پر انجام دیں گے۔ چوہدری خالد محمود آرائیں نے کہا کہ ٹائیگر فورس اپنے قائد عمران خان کے مشن کو پورا کرنے کے لئے بھر پور جدوجہد کرے گی اور ذخیرہ اندوزی، ناجائز منافع خوری اور دیگر برائیوں کے خاتمے کے لیے انتظامیہ سے تعاون کرے گی۔ ارکان مساجد، ہسپتال، جنرل بس اسٹینڈ، تھانہ اور دیگر پبلک مقامات پر عوام کو کرونا وائرس سے بچاؤ کے لئے حفاظتی تدابیر سے آگاہ کریں گے۔ انہوں نے عوام سے اپیل کی کہ ماسک اور سینیٹائزر کا لازمی استعمال کریں اور غیر ضروری گھروں سے باہر نہ نکلیں۔

پنجاب اسمبلی تحصیل بھلوال تحصیل بھیرہ
ملک صہیب احمد بھرتھ ایم پی اے نے وزیر زراعت سے اورنج کنو کے فصل کے متعلق سوال کیے کہ 2017 کے بعد بیج کی کون سی نئی اقسام دریافت کی اور معزز ایوان کو بتایاکہ ان دونوں تحصلیوں سے حکومت کو اس اورنج کی فصل سے بہت زرمبادلہ حاصل ہوتاہے اور کہا محکمہ زراعت والے کسانوں سے بلاتفریق تعاون کرے اور ان کو ہر قسم کی مراعات دے جس سے ہمارے کسان بھی خوشحال ہو گا اور حکومت پاکستان کو بھی زرمبادلہ حاصل ہو گا

سرگودھاڈسٹرکٹ پولیس آفیسر سرگودھا فیصل گلزار نے کہا ہےکہ کورونا وائرس کی وباء پاکستان سمیت پوری دنیا میں پھیلاو کا باعث بن رہی ہےاس سے بچاو کے لئے احتیاطی تدابیر اور ایس او پیز کو اپنانا ہو گا جس میں ہر شہری کو اپنا کردار ادا کرنا پڑے گا جب ہم خود پر ایس او پیز کا نفاذ کریں گے تو پھر اس بیماری کو شکست دینا آسان تر ہوتا جائے گا۔ان خیالات کااظہارانہوں نے سرگودھا پریس کلب میں کورونا کے خلاف آگہی سمینار سے خطاب کرتے ہوئے کیاانہوں نے مزید کہا کہ کورونا وائرس ہو یا مشکل کی کوئی بھی گھڑی پولیس اور پریس کا کردار کسی سے پوشیدہ نہیں۔انہوں نے صحافیوں کو درپیش مشکلات اور ان کے مسائل کے لئے بھرپور تعاون کا اعلان کیا۔سیمینار سے صدر پریس کلب عبدالحنان چوہدری،جنرل سیکرٹری رانا ساجد اقبال،سینئیر نائب صدر محمد اکرم عامر،شاہین فاروقی، ملک محمد اصغر، راو اسلم فراز اور دیگر نے خطاب کرتے ہوئے کورونا وائرس کے خلاف بھر پور آگاہی مہم کی ضرورت پر زور دیااورکہاکہ  پولیس کی تاریخ شہادتوں سے بھری پڑی ہے تو میڈیا ورکرز کی شہادتیں ،قربانیاں، جہدمسلسل اورباطل قوتوں سے ٹکرا جانے کے واقعات بھی صفحہ قرطاس پر مہتاب کی مانند روشن ہیں۔آج قوم کورونا جیسی وباء میں گھری ہے اور معاشرتی بے احتیاطیوں کے باعث کورونا کے مریضوں کی تعداد میں مسلسل اضافہ نئے آنے والے خطرات کی گھنٹی بجا رہا ہے۔ایسے میں ہم اپنے آپ اور اپنوں کو اس موذی وبا کے رحم و کرم پر نہیں چھوڑ سکتے اوربے جا سختیوں سے بھی ہم اسے پھیلنے سے نہیں روک پائیں گے۔اس سے بچنے اور اسے شکست دینے کا واحد حل اپنے لوگوں میں شعور و آگہی کی فراہمی ہے۔ انشاء اللہ تعالی میڈیا اور پولیس مل کر اپنے لوگوں کو شعور و آگہی فراہم کرتے رہیں گے۔اس موقع پر ڈاکٹرز،نرسز، پیرا میڈیکل سٹاف اور اسپتالوں میں فرائض سرانجام دینے والےعملہ کوخراج تحسین کیاگیا اورکوروناسے جاں بحق ہونے والوں کی مغفرت اوروباء میں مبتلاہونے والے مریضوں کی صحت یابی کیلئے خصوصی دعاکی گئی۔

سرگودھا:تھانہ کوٹ مومن پولیس کی بڑی کاروائی،گرفتاربارہ ملزمان سے 6 عدد کلا شنکوف 1 عدد رائفل 222 بور اور سینکڑوں گولیاں ناجائز اسلحہ ، چرس3.500کلو گرام برآمد
سرگودھا: ڈسٹرکٹ پولیس آفیسر فیصل گلزارکی واضح ہدایت پر کہ جرائم پیشہ عناصر کو معاشرے میں کسی صورت نہ تو برداشت کیا جائے گا اور نہ ہی انکو معاشرے کا امن تباہ کرنے کی اجازت دی جائے گی کوتمومن پولیس نے بھرپور کاروائی کی ، منشیات فروشوں کے خلاف کاروائی کرتے ہوئے ایس ایچ او تھانہ کوٹ مومن انسپکٹر خدا بخش نے اپنی ٹیم کے ہمراہ موضع ہجن میں ریڈ کرکے میانہ گوندل کے رہائشی ملزمان محسن رضا ولد شان محمد سے کلاشنکوف، صدام حسین ولد محمد اقبال سے کلاشنکوف،فرحان الہی ولد محمد امان اللہ سے کلاشنکوف، محمد افضال ولد محمد بخش سے کلاشنکوف، محمد یوسف ولد حاجی احمد سے کلاشنکوف، مدثر علی ولد نصر علی سے کلاشنکوف اور محمد رمضان ولد سرجا خان سے رائفل222بور معہ 860گولیاں برآمد کرلی ہے۔اس سلسلہ میں پریس کانفرنس کا انعقاد کیا گیا جس سے خطاب کرتے ہوئے ایس ڈی پی او کوٹ مومن ڈی ایس پی اعجاز حسین شاہ نے صحافیوں کو تفصیلات سے آگاہ کرتے ہوئے کہا کہ قصبہ ہجن ڈسٹرکٹ سرگودھا اور ڈسٹرکٹ منڈی بہاالدین کی سرحد پر واقعہ ہے جس وجہ سے جرائم پیشہ عناصر کی آماجگاہ بن چکا تھا اور منشیات فروش ، بھتہ خور اور دیگر جرائم سے منسلک جرائم پیشہ عناصر اسے محفوظ ٹھکانہ سمجھتے تھے ۔ ایس ایچ او تھانہ کوٹ مومن اور انکی ٹیم نے نہ صرف ناجائزاسلحہ رکھنے والوں ملزمان کو گرفتارکیا ہے بلکہ منشیات فروشی میں ملوث ملزمان محمد ابراہیم ولد کمال محمد سکنہ مانگی شریف اور شمس الحق ولد عبدالمعسود سکنہ نوشہرہ سے چرس1.370کلو گرام، منیر احمد ولد محمد حیات اور حق نواز ولد احمد خان سکنائے جالپ سے چرس1.640کلو گرام، فخر بلال ولد شبیر احمد سکنہ کوٹ مومن سے چرس450گرام بھی برآمد کرکے گرفتارملزمان کے خلاف منشیات فروشی وناجائزاسلحہ رکھنے کی دفعات کے تحت الگ الگ مقدمات درج کرلیے گئے ہیں۔مزید تفتیش جاری ہے۔اس موقع پر ڈی پی او سرگودھا نے ایس ایچ او تھانہ کوٹ مومن اور انکی ٹیم کو اچھی کاروائی پر شاباش

پاکستان میڈیا کونسل رجسٹرڈ پاکستان محکمہ ہائی وے سرگودھا کے کرپٹ افسران کی طرف سے اپنی کرپشن چھپانے کیلئے کڑانہ ہل (پل گیارہ) پریس کلب کے صحافیوں کیخلاف تھانہ عطاءشہید میں جھوٹے اور بے بنیاد مقدمہ درج کرانے کی شدید الفاظ میں مذمت کرتی ہے۔ اور وزیر اعلی پنجاب عثمان بزدار، آئی جی پنجاب ڈاکٹر شعیب دستگیر سمیت ارباب اختیار سے مطالبہ کرتی ہے کہ محکمہ ہائی وے سرگودھا کے مقدمہ درج کرانے والے کرپٹ افسران کو فوری طور پر معطل کر کے ان کیخلاف کارروائی عمل میں لائی جائے اور جھوٹا مقدمہ فوری طور پر خارج کیا جائے، ورنہ پاکستان میڈیا کونسل رجسٹرڈ پاکستان سرگودھا میں محکمہ ہائی وے کے دفاتر کے باہر دھرنا دے گی، ملک بھر کے تمام اضلاع اور تحصیلوں اور پنجاب اسمبلی کے باہر احتجاجی مظاہرے کرے گی۔
منجانب: مہر حمید انور مرکزی صدر، اکرم عامر مرکزی کوارڈی نیٹر، مہر عباس صوبائی چیئر مین، ارسلان فاروق صوبائی صدر، افتخار بھٹی سینئر نائب صدر پنجاب، لیاقت علی شام، عطاءاللہ بھٹی، اطہر فاروق اعوان، عہدیداران و ممبران پاکستان میڈیا کونسل رجسٹرڈ پاکستان

سرگودھا ڈی پی او فیصل گلزار کا چیمبر آف کامرس کا دورہ
سرگودھا ڈی پی او سرگودھا نے تاجر کمیونٹی سے ملاقات کی سینئر نائب صدر چیمبر آف کامرس محمد ندیم نور نے تاجروں کے مسائل سے متعلق آگاہی دی اور کہا کہ تاجر کمیونٹی لاک ڈاؤن کے حوالے سے حکومتی احکامات پر عمل درآمد کروانے میں بھرپور تعاون کرے گی
سرگودھا ڈی پی او سرگودھا نے کہا کہ سرگودھا پولیس حکومتی احکامات پر عملدرآمد کروانے میں تمام دستیاب وسائل بروئے کار لا رہی ہے ہم سب نے مل کر اس وبا کا مقابلہ کرنا ہے اور معاشرے کو پر امن بنانا ہےاس موقع پر ڈی پی او سرگودہا نے چیمبر آف کامرس کے دفتر میں پودا لگایا جبکہ چیمبر آف کامرس کی طرف سے انہیں اعزازی شیلڈ بھی پیش کی گئی۔

بھیرہ شہر میں پتنگ بازی کا سلسلہ عروج پر ہے۔پتنگ فروشوں کی نشان دہی کے باوجود پولیس بڑے مگر مچھوں کے خلاف کاروائی کرنے سے گریز کر رہی ہے جبکہ خانہ پوری کے لیے پتنگ باز کے خلاف مقدمہ درج کر لیا ہے۔ عوام نے ڈی پی او سرگودھا سے مطالبہ کیا ہے کہ وہ شہر میں پتنگ فروشوں کے خلاف بلا امتیاز کاروائی کریں تاکہ عوام قاتل ڈور کی زد سے محفوظ رہ سکیں۔

بھیرہ وزیراعظم ٹائیگر فورس میں شامل اکثر نوجوان مقامی انتظامیہ کی عدم دلچسپی اور سرد مہری کے باعث اپنی رضاکارانہ خدمات واپس لینے پر مجبور ہوگئے ہیں۔ ٹائیگر فورس کے لیے منتخب ہونے والے محمد اشرف،ارسلان حیدر، شہزاد احمد، محمد نسیم، محمد اقبال،صابر علی اور شکیل احمد نے کہا ہے کہ وزیراعظم کے اعلان کے باوجود مقامی انتظامیہ کی طرف سے ابھی تک ٹائیگر فورس کے نوجوانوں کو کسی بھی قسم کی ذمہ داری نہ دینے سے نوجوان مایوسی کا شکار ہوگئے ہیں۔ انہوں نے الزام لگایا ہے کہ ٹائیگر فورس کے حوالے سے تحریک انصاف کی مقامی تنظیم کے آپس میں الجھاؤ کی سزا نوجوانوں کو دی جا رہی ہے جبکہ انتظامیہ ایک گروپ کا ساتھ دے کر دوسرے کو نظر انداز کر رہی ہے۔ انہوں نے ڈپٹی کمشنر سرگودھاسے اپیل کی ہے کہ ٹائیگر فورس کے معاملات میں فوری مداخلت کر کے حکومتی پالیسی کو ناکام بنانے والوں کا محاسبہ کریں۔