Category: سرگودھا

بھیرہ برسرِ اقتدار گروپ کی عدم دلچسپی کے باعث تحصیل ہیڈ کوارٹر ہسپتال میں مرد مریض مناسب طبی سہولیات سے محروم ہیں۔ ہسپتال میں اس وقت صرف دو مرد ڈاکٹر خدمات انجام دے رہے تھے جن میں سے ایک ڈاکٹر شاہد سیال کرونا وائرس کے باعث ہسپتال کوارٹر میں آئسولیٹ ہوگئے ہیں جبکہ واحد سرجن ڈاکٹر اکرام الحق حادثہ کے باعث چھٹی پر ہیں۔ تحصیل بار ایسوسی ایشن بھیرہ کے سابق جنرل سیکرٹری مہر محمد نواز ایڈووکیٹ، ناہیدہ محبوب الہی فاؤنڈیشن کے چیئرمین خواجہ زاہد نسیم ایڈووکیٹ، سرگودھا چیمبر آف کامرس کے رکن چوہدری محمد اجمل گوندل،بھیرہ پریس کلب کے جنرل سیکرٹری عطاالرحمن اقبال اور ظفر اقبال کھوکھر نے کہا ہے کہ ہسپتال میں اس وقت صرف لیڈی ڈاکٹرز کام کر رہی ہیں۔ ڈسٹرکٹ ہیلتھ اتھارٹی کی بے حسی اور تحصیل ہیلتھ کونسل کے چیئرمین اور ارکان کی عدم دلچسپی اور لاپرواہی کے باعث ہسپتال مرد ڈاکٹرز سے محروم چلاآ رہا ہے۔ انہوں نے سیکرٹری پرائمری اینڈ سیکنڈری ہیلتھ، کمشنر سرگودھا اور ڈپٹی کمشنر سرگودھا سے مطالبہ کیا ہے کہ وہ ہیلتھ کونسل کی ہسپتال معاملات میں عدم دلچسپی اور چیف آفیسر ڈسٹرکٹ ہیلتھ اتھارٹی کی لا پرواہی کا نوٹس لے کر ہسپتال میں مرد ڈاکٹر ز کا فوری تقرر کریں۔

بھیرہ اور گردونواح میں پٹرول نایاب ہو گیا
شہری در در کے دھکے کھانے پر مجبور
بھیرہ روڈ پر صرف اک پٹرول پمپ پر پٹرول دستیاب ہے
اک پمپ پر پٹرول ہونے کی وجہ سے عوام کا رش پٹرول لینے میں دشواری
لوگ کا ایس او پیز پر کوئی عمل درآمد نہیں کرونا وائرس پھیلنے کا خدشہ

سرگودھا:ڈی پی او فیصل گلزار کا تمام برانچز کا اچانک دورہ،کرونا سے متعلق جاری ہدایات پر عملدرآمد کا جائزہ لیا
سرگودھا:ڈسٹرکٹ پولیس آفیسر فیصل گلزار نے تمام برانچز کا اچانک دورہ کیا۔ کرونا سے متعلق صحت کے اصول اپنانے اور ماسک پہننے سے متعلق جاری ہدایات پر عملدرآمد کا جائزہ لیا۔انہوں نے دفتر داخلے سے قبل اپنا ٹمپریچر چیک کروایا اور لوگوں کو گیٹ پر دی جانے والی سہولیات کا جائزہ لیا۔ اس موقع پر آفس سپریٹنڈنٹ کو تمام دفاتر میں ماسک اور سنیٹائزر فراہم کرنے کی ہدایات دیتے ہوئے کہا کہ دفتر ی اوقات میں تمام پولیس افسران وملازمان ماسک اور سنیٹائزر کے استعمال کو یقینی بنائیں۔اس کے علاوہ آنے والے تمام لوگوں کو بھی سنیٹائزر اور ماسک فراہم کریں۔انہوں نے مزید کہا کہ آپ کی صحت مجھے بہت عزیز ہے اپنی اور دوسروں کی صحت کا خیال رکھیں کرونا سے بچاؤ کیلئے حفاظتی اقدامات پر عمل نہ کرنے والے پولیس ملازمین کے خلاف محکمانہ کاروائی کی جائے گی۔

سرگودھا: تھانہ بھیرہ پولیس کی کاروائی، بدنام زمانہ منشیات فروش رنگے ہاتھوں گرفتار، چرس1.660کلو گرام برآمد ڈسٹرکٹ پولیس آفیسر فیصل گلزار کی ہدایت پر منشیات فروشوں کے خلاف کاروائی کرتے ہوئے ایس ایچ او تھانہ بھیرہ سب انسپکٹر شاہد اقبال نے سب انسپکٹر توقیر احمد وغیرہ پر مشتمل ٹیم کے ہمراہ ریڈ کرکے بدنام زمانہ منشیات فروش نصراللہ خان ولد سامرہ خان سکنہ ہاتھی ونڈ بھیرہ کو منشیات فروخت کرتے ہوئے رنگے ہاتھوں گرفتارکرلیا ہے۔ گرفتارملزم کے قبضہ سے چرس1.660کلو گرام برآمد کرکے منشیات فروشی کی دفعات کے تحت مقدمہ درج کرلیا گیا ہے مزید تفتیش جاری ہے۔

میانہ گوندل : قتل
میانہ گوندل کے نواحی گاوں مظفروالی پل کے رہائشی غلام عباس ولد صفدرعباس کو نامعلوم افراد نے قتل کر دیا
لاش کو بانس کے کھیت میں پھینک کر فرار ہو گئے مقتول5پانچ بہنوں کا اکلوتا بھائی تھا
پولیس تھانہ میانہ گوندل مصروف تفتیش ہے

صوبائی وزیرصنعت و تجارت پنجاب میاں اسلم اقبال، چیف سیکرٹری پنجاب جواد رفیق ملک کے ہمراہ کورونا وائرس کی روک تھام، ایس او پیز پر عملدرآمد، پرائس کنٹرول اور ٹڈی دل کے خاتمے کے حوالے سے منعقدہ جائزہ اجلاس کی صدارت کر رہے ہیں۔اجلاس میں تمام کمشنرز اور آرپی اوز بذریعہ ویڈیو لنک شریک ہیں۔

کمشنرسرگودھا ڈویژن ڈاکٹر فرح مسعود کا ڈپٹی کمشنرسرگودھا عبداللہ نیئر شیخ کے ہمراہ جنرل بس سٹینڈ کا دورہ :
انسداد کرونا احتیاطی تدابیر کاجائزہ- مسافروں کو زیادہ سے زیادہ سہولیات بہم پہنچائیں۔ سماجی دوری کو یقینی بنایاجائے۔ بیمار افراد کو سفر کی اجازت نہ دی جائے- کمشنر کی ہدایت
اس موقع پر سیکرٹری ڈی آر ٹی اے فاروق حیدر عزیز‘ اے سی سرگودہا عمر دراز گوندل‘فوکل پرسن ڈویژنل امن کمیٹی شاہین احسان مغل‘صدر ٹرانسپورٹ ایسوسی ایشن ملک رب نواز کچھیلا‘ صدر جنرل بس سٹینڈ ٹریڈ ایسوسی ایشن راجہ محمد یعقوب‘جنرل سیکرٹری ٹرانسپورٹ ایسو سی ایشن سردار محمد اعجاز بلوچ‘ میاں شوکت پرویز‘ ایڈمنسٹریٹر غوث خان‘ ٹرانسپورٹر او ردیگر متعلقہ افراد بھی موجود تھے۔

سرگودھا: تھانہ پھلروان پولیس کی کاروائی، گرفتارتین ملزمان سے چرس1.970کلو گرام وکلاشنکوف برآمد
سرگودھا:ڈسٹرکٹ پولیس آفیسر فیصل گلزار کی ہدایت پر منشیات فروشوں وناجائزاسلحہ رکھنے والوں کے خلاف کاروائی کرتے ہوئے ایس ایچ او تھانہ پھلروان عارف حسین نے سب انسپکٹر محمد آصف اور محمد عاصم پر مشتمل ٹیموں کے ہمراہ تھانہ پھلروان کے مختلف علاقوں میں ریڈ کرکے ملزمان اعجاز احمد ولد خان محمد سکنہ سالم سے چرس1.300کلو گرام، اظہر علی ولد محمد خان سکنہ سالم سے چرس670گرام اور اسد اللہ ولد شکور سکنہ ٹھٹھی نور سے کلاشنکوف برآمد کرلی ہے۔ گرفتارملزمان کے خلاف منشیات فروشی وناجائزاسلحہ رکھنے کی دفعات کے تحت الگ الگ مقدمات درج کرلیے گئے ہیں مزید تفتیش جاری ہے۔

سرگودھا:اپنی اور اپنے پیاروں کی صحت کی حفاظت کو مقدم رکھیں۔ ڈی پی او فیصل گلزار
سرگودھا:ملک میں کرونا وائرس کا شکار افرادمیں تیزی سے اضافہ ہورہا ہے۔اسکی وجہ احتیاطی تدابیر پر عملدرآمد نہ کرنا ہے۔ان خیالات کا اظہار ڈسٹرکٹ پولیس آفیسرسرگودھا فیصل گلزارنے دفتری سٹاف، ریزور انسپکٹر اور سٹی سرکل کے ایس ایچ اوز سے میٹنگ سے خطاب کرتے ہوئے کیا۔ انہوں نے کہا کہ موجودہ صورت حال میں ہم سب کو بہت زیادہ احتیاط کی ضرورت ہے حکومت کی طرف سے احتیاطی تدابیر پہلے سے جاری کی جاچکی ہیں ان پر عملدرآمد کو یقینی بنانے کی ضرورت ہے آپ کی اور آپ کی فیملی کی صحت کا خیال رکھنا اولین ترجیح ہے۔ اپنے آپ کو انتہائی ضروری کاموں تک محدود کریں۔ بے جا گھومنے پھرنے سے اجتناب کریں خود کو کرونا سے بچاتے ہوئے لوگوں کی جان ومال کی حفاظت اور ان میں کرونا سے متعلق آگاہی دینا ہماری اولین ذمہ داری ہے۔اس موقع پر انہوں نے ڈی ایس پی ہیڈکوارٹر اور جملہ ایس ڈی پی اوز کو تمام پولیس دفاتر اور تھانوں میں تعینات عملے کو سنیٹائزر اور ماسک دینے اور اس کے استعمال کو یقینی بنانے کی خصوصی ہدایات جاری کیں۔