Category: سرگودھا

سرگودھا: تھانہ سٹی پولیس کی کاروائی، گرفتارتین ملزمان سے چرس1.550کلو گرام واسلحہ برآمد
ڈی پی او سرگودھا فیصل گلزار کی ہدایت پرمنشیات فروشوں وناجائزاسلحہ رکھنے والوں کے خلاف کاروائی کرتے ہوئے ایس ایچ او تھانہ سٹی انسپکٹر فواد شیرازی نے اسسٹنٹ سب انسپکٹر ز محمد اقبال اور محمد جاوید وغیرہ پر مشتمل ٹیموں کے ہمراہ تھانہ سٹی کے مختلف علاقوں میں ریڈ کرکے ملزمان سیف اللہ ولد نور محمد سکنہ مقام حیات سے چرس1150گرام، محمد شہزاد ولد محمد رفیع سکنہ بلاک29سرگودھا سے چرس400گرام اور عاصم منیر ولد منیر حسین سکنہ مقام حیات سے پسٹل30بوربرآمد کرکے گرفتارملزمان کے خلاف منشیات فروشی وناجائزاسلحہ رکھنے کی دفعات کے تحت الگ الگ مقدمات درج کرلیے گئے ہیں مزید تفتیش جاری ہے
باغی ٹی وی رپورٹر وقاص

سرگودھا شہر و گردونواح ساہیوال ،شاہپور ۔نہنگ بھاگٹانوالہ سلانوالی میں پٹرولیم مصنوعات بلخصوص تیل نایاب ہو چکا ھے,اور تو اور سرگودھا کے اکثر پٹرول پمپ پر مل ہی نہیں رہا سیل بند ھے
جبکہ جہاں پر ھے وہاں پر بلیک میں مہنگے داموں فروخت ہو رہا ھے کہا ھے ضلع سرگودھا کی ضلعی انتظامیہ
ہوش کے ناخن لیں دفاتر سے باہر نکل کر کچھ آس پاس مجودہ ضلع کے حالات و واقعات پر بھی نظر ڈالیں غریب آدمی کسان ددبدد ٹھوکریں اور دھکے کھانے پر مجبور گندم اور چنے کی فصل کٹھائی کے بعد پسائی گہائی کا عمل شروع ہوچکا ھے مگر ڈویژن بھر میں تیل نہیں ھے
خدارا تیل کی فراہمی یقینی بنائیں اور بلیک مافیا کو لگام ڈالیں

سرگودھا: تھانہ کوٹ مومن پولیس کی کاروائی، راہزنی کے مقدمہ میں مطلوب اشتہاری گرفتار
سرگودھا: ڈی پی او سرگودھا فیصل گلزار کی ہدایت پرسنگین وارداتوں میں مطلوب اشتہاری مجرمان کے خلاف کاروائی کرتے ہوئے ایس ایچ اوتھانہ کوٹ مومن انسپکٹر خدا بخش نے سب انسپکٹر احمد حیات پر مشتمل ٹیم کے ہمراہ ریڈ کرکے راہزنی کے مقدمہ میں مطلوب اشتہاری مجرم محمد اعجاز ولد غلام احمد عرف گاماں قوم ہرل سکنہ میانہ کھوہ کو گرفتارکرلیا ہے۔ گرفتارملزم نے مارچ2016 میں اپنے دیگر ساتھیوں کے ساتھ ملکر مٹیلہ روڈ پر مدعی مقدمہ شہزاد گل سے اسلحہ کے زور پر نقدی30ہزار روپے اور موبائل فون چھینا اور فرار ہوگئے تھے۔قبل ازیں اشتہاری مجرم کے بقیہ ساتھیوں کو گرفتارکرکے حوالات جوڈیشل بھجوایا گیا تھا جبکہ محمد اعجاز گرفتاری سے بچنے کیلئے روپوش ہوگیا جس پر ایس ایچ او تھانہ کوٹ مومن اور انکی ٹیم نے جدید ٹیکنالوجی کی مدد سے ملزم کو گرفتارکرکے اس کے قبضہ سے چھینا گیامال مسروقہ 30ہزار روپے نقدی اور موبائل فون برآمدکرکے بعدازقانونی کاروائی اصل مالک کے حوالے کر دیا ہے۔ مزید تفتیش جاری ہے۔
باغی ٹی وی رپورٹر وقاص

سرگودھا:ڈی پی او فیصل گلزار کی زیر قیادت پولیس اور حساس اداروں کاملکر فلیگ مارچ
سرگودہا:یوم شہادت حضرت علی کرم اللہ وجہہ، وبائی مرض کورونا وائرس کی آگاہی مہم اور لاء اینڈ آرڈر کو یقینی بنانے کیلئے ڈسٹرکٹ پولیس آفیسر فیصل گلزار کی زیر قیادت فلیگ مارچ کا انعقاد کیا گیا۔فلیگ مارچ ذکاء اللہ شہید پولیس لائنز سے شروع ہوکرزرعی ترقیاتی بنک چوک، ڈی پی او ہاؤس چوک سے خیام سینما چوک براستہ اوور ہیڈ برج، ہسپتال چوک سٹی روڈ، نوری گیٹ، ڈیری روڈ، کوکاکولا چوک، رفیقہ ہسپتال، چوک12بلاک،شربت چوک، کلیار ہوٹل، شاہین چوک، کچہری بازار، گول چوک،میاں خان روڈ سے ٹی چوک جھال چکیاں ہوٹل سے براستہ نوری گیٹ اوورہیڈبرج کے ساتھ ساتھ بم چوک سے آزادی چوک سے ISIچوک سے جیل روڈ پولیس لائن سرگودھا پہنچ کر اختتام پذیر ہوا۔جس میں اے ایس پی سٹی سرکل احمد شاہ، اے سی سرگودھا، ڈی ایس پی ٹریفک، سٹی سرکل کے ایس ایچ اوز، سٹی ایریا محافظ اسکواڈ،ایلیٹ فورس،ٹریفک پولیس اور پاک فوج کے دستوں نے شرکت کی۔اس موقع پر ڈی پی او سرگودھا نے کہا کہ اس فلیگ مارچ کا مقصد عوام کے اندر احساس تحفظ اور کرونا وائرس سے متعلق آگاہی پیدا کرنا ہے۔

سرگودھا پل گیارہ سرگودھا فیصل آباد روڈ پر تیز رفتار ڈمپر نے موٹر سائیکل سوار کو کچل ڈالا ،حادثہ کے نتیجہ میں 42 جنوبی کا رہائشی محمد زاہد موٹر سائیکل سوار موقع پر جان کی بازی ہارگیا یہ وفات پانے والے شخص کے موٹر سائیکل کی نمبر پلیٹ کی تصویر ہے ۔ چہرے کی شناخت نہیں ہو رہی۔ اگر کوئی جانتا ہے تو اس کے لواحقین کو خبر کر دیں ۔

معروف رومانوی داستان ہیر رانجھا کے مرکزی کردار رانجھا کا آبائی گاؤں تخت ہزارہ حکومتی سرپرستی نہ ہونے پر تباہی کی جانب گامزن ہے
مشہور رومانوی داستان ہیررانجھا کے مرکزی کردار رانجھا کا آبائی شہر تخت ہزارہ زبوں حالی کا شکار ہے ، صدیوں پرانی تاریخی عمارات منہدم ہونا شروع ہوگئیں ہیں معاشی عدم استحکام اور بیروزگاری سے تنگ آکر لو نقل مکانی کرگئے ہیں اگر حکومت اس قومی ورثے کو ایک تفریحی مقام کا درجہ دیتی تو وطن عزیز کے علاوہ بیرون ملک سے بھی سیاح تخت ہزارہ کا رخ کرسکتے تھے تفصیل کے مطابق مشہور رومانوی داستان ہیر رانجھا کے مرکزی کردار رانجھاکے آبائی قصبہ تخت ہزارہ اپنی ایک الگ شناخت اور تاریخی حیثیت رکھتاہے۔ تاریخی حقائق سے یہ پات ثابت ہوتی ہے کہ جب مغلیہ سلطنت کا زوال شروع ہوا تو پنجاب میں سکھوں کی لوٹ مار کا بازار گرم ہوا۔ اور تخت ہزارہ طوائف الملوکی کا شکارہوگیا۔ سکھوں نے اس عظیم تاریخی شہرکی اینٹ سے اینٹ بجادی،یہاں کے باسی کثیر تعداد میں یہ شہر چھوڑکر محفوظ مقامات پر چلے گئے۔ 1785ء میں لوگ یہاں پر دوبارہ آکر آباد ہونا شروع ہوئے۔اس طرح عروج وزوال کے مختلف مراحل سے گزرنے کے بعد یہ شہر ایک چھوٹے سے گاؤں کی حیثیت اختیار کرگیا۔ مختلف تاریخی حوالوں سے یہ ثابت ہوتا ہے کہ رانجھا کا اصل نام دھیدو تھا۔ اس کے والد کانام موجدین تھا۔ اور وہ کھیتی باڑی کرتا تھا۔ تخت ہزارہ کے شہرت بھی رانجھا کے دم قدم سے ہے۔ اور قصہ ہیررانجھا کو سید وارث شاہ نے بقائے دوام بخشا۔

سرکاری اعداد وشمار کے مطابق تحت ہزارہ اس پانچ ہزار نفوس کی آبادی پر مشتمل ہے۔ جب کہ صرف بیس سال قبل اس قصبہ کی آبادی پندرہ ہزارنفوس پر مشتمل تھی۔ روزگار کے مواقع اور کاروباری وسائل ختم ہونے کے بعد یہ قصبہ زوال پزیر ہوچکاہے۔ اور یہاں کے مکین تلاش رزق کے لئے نقل مکانی کرکے یہاں سے جاچکے ہیں۔ اور ان میں بتدریج اضافہ ہورہاہے۔

ضلع سرگودھا کا یہ پرفضا مقام تاریخی اہمیت کا حامل ہے۔ یہ قصبہ ضلع سرگودھا کوٹ مومن سے سے 40 کلومیٹر دور مشرق کی جانب دریائے چناب کے کنارے واقع ہے۔ دریا کے اس پار ضلع حافظ آباد،ضلع گوجرانوالہ اور صرف تین کلومیٹر کے فاصلہ پر ضلع منڈی بہاؤالدین اور ضلع گجرات کی حد شروع ہوتی ہے۔ اس طرح قصبہ تخت ہزارہ چار اضلاع کے سنگم پرواقع ہے۔ قصبہ میں قدیم چھوٹی اینٹوں سے بنائی گئی عالیشان عمارات اورچوبارے دیکھ کر تاریخ وثقافت کے نئے رنگ اجاگر ہوتے ہیں۔ اور یہ عمارتیں عہدرفتہ کی یاد دلاتی ہیں۔ آج معاشی ناہمواریوں کے سبب اس قصبے کے درودیواردکھ بھری داستان بن کر رہ گئے ہیں۔ قصبہ میں درودیوار پر منقش کاریگری عہدرفتہ کی ایک عظیم ورثہ ہے۔ جو وقت کے ساتھ ساتھ صرف ایک یاد گار بن کر رہ جائے گا۔ مقامی ادیب میاں محمد شفیع مرحوم نے اپنی کتاب صدف ریزے میں تخت ہزارہ کے ثقافتی ورثہ کے ساتھ ساتھ یہاں پر موجود 42سالہ قدیم ایک مسجد کا ذکر کیا ہے۔جومسجد میاں رانجھا کے نام سے موسوم تھی، جس کے تاریخی آثار آج بھی موجود ہیں۔ مغل بادشاہ ظہیرالدین بابر کی لکھی گئی کتاب تزک بابری میں بھی تخت ہزارہ کے متعلق بہت کچھ لکھا گیاہے۔

مغلیہ دور میں ایک بزرگ شاہ شہام الدین نامی گزرے ہیں۔ جن کا مزار تخت ہزارہ میں موجود ہے۔ جہاں ہرسال عرصہ دراز سے بیساکھی کے پہلے اتوار ایک عظیم الشان میلہ کا اہتمام کیا جاتاہے۔ اگرچہ تخت ہزارہ کی دھرتی نہایت زرخیزہے اور اس میں اگائی جانے والی اجناس پنجاب بھر میں سپلائی کی جاتی ہے۔ مگر بڑے شہروں تک آسان رسائی نہ ہونے کی وجہ سے یہاں کے کسان بھی پریشان حال ہیں۔ بڑھتی ہوئی نقل مکانی کے سبب خدشہ ہے کہ اس تاریخی حیثیت کے حامل قصبہ کے آثار بہت جلد ختم ہوجائیں گے۔ محکمہ آثار قدیمہ کو چاہیئے کہ اس تاریخی حیثیت کے حامل میاں رانجھے کے آبائی وطن کے تاریخی آثاروں کو محفوظ کرے اگر ایسا ممکن ہو جائے تو ملکی اور غیر ملکی سیاح اس طرف آسکتے ہیں جس کیلئے پنجاب حکومت کی توجہ انتہائی ضروری ے

تیسرے الخدمت فاؤنڈیشن بھلوال سستے تندور کا افتتاح جماعت اسلامی یوتھ پاکستان کے مرکزی صدر زُبیر احمد گوندل کے ھمراہ ، طاھر کامران سرور گُجر، اعجاز احمد, ابو بکر علی گُجر، ارشد کمبوہ اور فاونڈیشن کے تمام بھایوں کے ساتھ مل کر تعلیم السلام سکول کے سامنے لالہ زار کالونی میں افتتاح کیا۔
بھلوال کے ھر علاقے میں اپنے کم آمد ن والے لوگوں کے لیے سستی روٹی فراھم کریں گے۔

آئی جی پنجاب شعیب دستگیر کی ہدایات کی روشنی میں ایڈیشنل آئی جی پی ایچ پی کا فیلڈ افسران کی حوصلہ افزائی کا سلسلہ جاری گوجرانوالہ:پٹرولنگ پوسٹ نندی پور گوجرانوالہ میں بہترین کارکردگی کا مظاہرا کرنے والے جوانوں کی حوصلہ افزائی کے لیے تقریب تقسیم انعامات ۔
گوجرانوالہ: ایڈیشنل آئی جی پی ایچ پی کیپٹن ریٹائرڈ ظفر اقبال اعوان کی زیرِ صدارت تقریب کا اہتمام کیا گیا۔ پپنجاب ہائی وے پٹرول ریجن گوجرانوالہ کے بہترین کارکردگی کا مظاہرا کرنے والے 142 فیلڈ افسران و ملازمان میں کل 550،000 روپے بطور انعام تقسیم کیے گئے ۔
تقریب سے خطاب کرتے ہوئے ایڈیشنل آئی جی پٹرولنگ کیپٹن ریٹائرڈ ظفر اقبال اعوان نے کہا کہ آج میرے آنے کا مقصد پٹرولنگ پولیس کے جوانوں کو کرونا جیسی وبا اور ماہ رمضان میں جرائم پیشہ افراد کی بیخ کنی کرنے و جانفشانی سے ڈیوٹی ادا کرنے پر خراج تحسین پیش کرنا ہے اور یہ بتانا ہے کہ ان سخت حالات میں مجھ سمیت تمام افسران آپ کے ساتھ ہیں. مزید بات کرتے ہوئے کہا کہ اپنا مورال بلند رکھیں اور ایسے ہی جوش و خروش سے ڈیوٹی کر تے ہوئے شاہرات کو محفوظ سے محفوظ تر بنائیں.
بعد ازاں پٹرولنگ پوسٹ نندی پور میں فورس کے لیے افطاری کا انتظام کیا گیا تھا ایڈیشنل آئی جی پی ایچ پی ملک ظفراقبال اعوان نے جوانوں کے ساتھ افطاری کی اورگوجرانوالہ ریجن کی مرمت شدہ گاڑیوں کا معائنہ بھی کیا.

سرگودہا سیکرٹری خوراک پنجاب وقاص علی محمود اور سیکریٹری ریگولیشن احمد علی کمبوہ کمشنر سرگودہا ڈاکٹر فرح مسعود سے گندم خریداری مہم پر ہونے والی پیشرفت کے سرگودہا سیکرٹری خوراک پنجاب وقاص علی محمود اور سیکریٹری ریگولیشن۔ ڈپٹی کمشنر عبداللہ نیئر شیخ اور ڈپٹی ڈائریکٹر خوراک ارشد وٹو بھی شریک ہیں۔ سیکریٹری خوراک وقاص محمود نے ڈویژن بھر میں عید تک ٹارگٹ کو 80سے 85فیصد حاصل کرنے کیلئے بھر پور اقدامات کرنےکی ضرورت پرزور دیا۔
باغی ٹی وی رپورٹر وقاص