میرپور ماتھیلو،باغی ٹی وی (نامہ نگار مشتاق علی لغاری)تیز رفتار ٹرک کی موٹر سائیکل سوار کو ٹکر، ایک شخص جانبحق ایک زخمی
پولیس ترجمان کے مطابق حادثہ اوباڑو قومی شاہراہ آدھی بنگلا کے مقام پر پیش آیا،جاں بحق ہونے والے کی شناخت صبغت اللہ سومرو کے نام سے ہوئی ہے
جاں بحق ہونے والے کی لاش کو پوسٹ مارٹم کے لیے ہسپتال منتقل کیا گیا .پوسٹ مارٹم اور دیگر قانونی کارروائی کے بعدلاش ورثاء کے حوالے کی گئی،لاش گھر پہنچنے پر میں کہرام مچ گیا.
میرپور ماتھیلو، باغی ٹی وی (نامہ نگار مشتاق علی لغاری)گھوٹکی پولیس کی بروقت اور کامیاب کارروائی، آزاد کشمیر کے رہائشی تین افراد کو اغوا ہونے سے بچا لیا گیا.
ایس ایس پی گھوٹکی جناب محمد انور کھیتران صاحب کی ہدایات پر اہم مقامات پر پولیس کی تعیناتی اور بروقت انفارمیشن حاصل کرنے کے باعث آزاد کشمیر کے رہائشی عاصم راجہ ولد صابر حسین راجہ،،صابر حسین ولد عبداللہ راجہ،، ثاقب حفیظ ولد حفیظ احمد راجہ سکنہ تینوں افراد آزاد کشمیر والوں کو ڈاکوؤں کے جھانسے میں آکر کچے کی طرف جاتے ہوئے اغوا ہونے سے بچا لیا گیا۔
خفیہ اطلاع ملنے پر ایس ایچ او تھانہ شہید دین محمد لغاری عبدالشکور لاکھو نے کچے کی طرف جانے والے راستے پیر زادہ پل پہ تین مشکوک اشخاص کو روک کر چیک کیا اور پوچھ گچھ کی تو،جنہوں نے اپنا تعلق آزاد کشمیر کے رہائشی عاصم ولد صابر حسین راجہ،صابر حسین ولد عبداللہ راجہ اور ثاقب حفیظ ولد حفیظ احمد راجہ بتایا۔
دورانِ تفتیش مذکورہ اشخاص نے انکشاف کیا کہ ایک مکینک ہے اور ایک ایکسویٹر کا آپریٹر ہے،چند دنوں سے ایک نامعلوم شخص ان سے رابطے میں تھا جو سستے داموں پہ ایکسیویٹر کے لیئے انہیں اپنے پاس کچے کی طرف بلا رہا تھا۔
بروقت کارروائی اور مزکورہ اشخاص کو اغوا ہونے سے بچانے پر ایس ایس پی گھوٹکی جناب محمد انور کھیتران صاحب کی جانب سے پولیس پارٹی کو شاباش اور تعریفی اسناد دینے کی ہدایات۔
مزکورہ اشخاص کو جھانسے کے ذریعے بلا کر اغوا کرنے کی کوشش میں ملوث نامعلوم ملزمان کی شناخت کے لئے مزید تفتیش کی جارہی ہے۔
تمام شہریوں کو مطلع کیا جاتا ہے کہ نا معلوم موبائل فون نمبرز کے ذریعے نسوانی آواز، مظلوم کی مدد، کھانے کی دعوت، شادی کی تقریب میں شرکت، سیر و تفریح، شکار، نوکری کا لالچ، پر کشش کاروبار، سستے ٹریکٹر، گاڑی کی خریداری وفروخت یا اس قسم کے جھانسے میں آنے سے محتاط رہیں،نا معلوم موبائل فون نمبرز یا اشخاص کی جانب سے ایسی پیشکش کی صورت میں فوری پولیس سے رابطہ کریں.
میرپور ماتھیلو،باغی ٹی وی (نامہ نگار مشتاق علی لغاری)ڈھرکی سے گاؤں محمد پور جانے والے عامر مہر اور عرفان شیخ کو مبینہ طور پر اغوا کر لیا گیا
پولیس کا کہنا ہے کہ نوجوانوں کی تلاش جاری ہے جائے واردات سے نوجوان کے کھانے پینے کی اشیاء برآمد ہوئی ہیں، گنے کے فصل کی جانب موٹرسائیکل کے سراغ مل گئے، لواحقین کے ساتھ مل کر تلاش جاری ہے،
ورثاء کاکہنا ہے کہ دونوں مزدور ہیں جنہوں نے ڈہڑکی پہنچ کر ان سے رابطہ کیا، وہ گاؤں کی طرف آرہے تھے کہ ان سے رابطہ منقطع ہوگیا ہمیں خدشہ ہے ہمارے نوجوان اغواء ہو گئے،
ایس ایچ او عبدالشکور لاکھو نے بتایا کہ دونوں نوجوانوں کی لوکیشن کا آخری مقام محمد پور لنک پیر جامی سلطان سے ہے
میرپور ماتھیلو،باغی ٹی وی (نامہ نگار مشتاق علی لغاری)جروار و گردو نواح کے شہری میٹھے پانی کی بوند بوند کو ترس گئے
جروار شہر میں سب سے بڑا مسئلہ پینے کے صاف پانی کاہے ،گزشتہ کئی دہائیوں سے گاٶں خدا بخش لغاری اور گردونواح کے علاقوں میں زیرِ زمین پانی کڑوا، زہر آلود ہوچکا ہے جس کی وجہ سے شہری پانی خرید کر پینے پر مجبور ہیں
گاؤں خدابخش لغاری میں صاف پانی کے علاوہ نہ تو کوئی پختہ سڑک اور پکی گلیاں یا کوئی سیوریج سسٹم ہے،گاؤں والے آج بھی پتھر کے زمانے کی زندگی گذارنے پر مجبور ہیں ،پینے کیلئے میٹھا پانی دور سے لے کر آنا پڑتا ہے
گاؤں خدابخش لغاری کے باسیوں نے نئے منتخب ہونے والے ایم پی اے سردار نادر اکمل خان لغاری سے مطالبہ کیا ہے کہ ہمیں پینے کیلئے صاف پانی،سیوریج سسٹم اور راستے کی سہولت فراہم کی جاۓ تاکہ ہماری پریشانی دور ہو سکے۔
میرپورماتھیلو،باغی ٹی وی (نامہ نگار مشتاق لغاری)ماں ڈاکوؤں سے اپنے بیٹے کی بازیابی کیلئے سراپااحتجاج
تین ماہ قبل تھانہ عادل پور کی حدود سے ڈاکوؤں نے گاؤں آللہ دتہ کے رہائشی عجب علی لغاری کو اغوا کرلیا، اغوا ہونے والے عجب علی لغاری کی والدہ جمیلہ لغاری کا کہنا ہے کہ ڈاکوں نے 50 لاکھ روپے تاوان کی رقم مانگی ہے،
جمیلہ لغاری کاکہنا تھاکہ ایس ایس پی گھوٹکی اور دیگر اداروں کے گزشتہ تین سے ٹھوکریں کہا رہی ہوں پر میرے بیٹے کو ڈاکووں سے چھڑانے کے لیے کوئی کچھ نہیں کر رہا،مغوی کی والدہ نے سندھ ہائی کورٹ سکھر میں بھی درخواست دائر کر رکھی ہے
مغوی عجب گل کی والدہ آزاد امیدوار نادر اکمل لغاری کے بنگلے کے باہر سراپا احتجاج ہے ،جمیلہ لغاری نے کہا کہ مجھے بنگلے کے باہر سے ہی گارڈز نے نکال دیا ،
مغوی کی والدہ جمیلہ لغاری نے کہا کہ اگر میرے بیٹے کو ڈاکووں سے آزاد نہیں کروایا گیا تو میں اپنے بچوں سمیت اپنے آپ کو ایس ایس پی گھوٹکی آفس کے باہر آگ لگا لوں گی.
مغوی کی والدہ جمیلہ لغاری نےایس ایس پی گھوٹکی ، آئی جی سندھ اور نگران سندھ حکومت سے اپیل ہے کہ میرے بیٹے کو جلد آزاد کروایا جائے میرا کوئی سہارا نہیں ہے.
میرپور ماتھیو،باغی ٹی وی (نامہ نگار مشتاق علی لغاری)مرید شاخ کے نواحی گاؤں پکا چانڈیہ کے رہائشیوں نے کھمبڑا پولیس کی جانب سے خواتین اور بچوں کو ہراساں کیے جانے کے خلاف سراپا احتجاج بن گئے
تفصیلات کے مطابق تھانہ کھمبڑا کے گاؤں پکا چانڈیہ کے رہائشی گورنمنٹ ٹیچر شوکت میمن، بھورل اور اللہ جیوایا نے خواتین اور بچوں کے ہمراہ تھانہ کھمبڑا پولیس کے خلاف احتجاج کرتے ہوئے کہا کہ ہمارے رشتے دار حق نواز میمن والوں کا دشتی قبیلے سے تکرار چل رہی ہے ہمارا ان سے کوئی تعلق واسطہ نہیں،
پولیس اہلکار رشید بھارو رشتہ داروں کے درمیان جھگڑے کی وجہ بتا کر ہراساں کر رہا ہے، ہمارے مویشیوں کو لے گیا اور ہمیں جھوٹے مقدمات کی دہمکیاں دے کر رشوت طلب کر رہا ہے ، جس کے خلاف ہم نے سیشن کورٹ گھوٹکی میں درخواست بھی دائر کرا دی ہے
مظاہرین نے ایس ایس پی گھوٹکی، ڈی آئی جی سکھر ، آئی جی سندھ اور دیگر اعلیٰ حکام سے انصاف کی اپیل کی ہے
میرپور ماتھیلو،باغی ٹی وی (نامہ نگار مشتاق علی لغاری)اے وی سی سی کراچی کی ٹیم اور گھوٹکی پولیس کی مشترکہ بہترین اور کامیاب کاروائی،مختلف جگہوں سے اغواء ہونے والے تین مغویوں کو،پولیس مقابلہ کے بعد بحفاظت بازیاب کرا لیا۔
مختلف جگہوں سے نامعلوم اغواء کار تین افراد محمد نظر ابڑو سکنہ نور شاہ تعلقہ اباڑو،، سبحان ملک سکنہ امیر آباد تعلقہ اباڑو اور جاوید عمر صدیقی سکنہ احمد آباد کراچی والوں کو اغواء کر کے کچہ لے گئے تھے۔
جاوید عمر صدیقی کے اغواء کا مقدمہ اس کے بھائی کی مدعیت میں تھانہ سپر ہائی وے ضلع ایسٹ کراچی پہ کرائم نمبر 49/2024 دفعہ 365A,34 ت پ کے تحت درج کیا ہوا ہے۔
آج اے وی سی سی کراچی کی ٹیم اور ایس ایچ او بیلو میر پور زاہد ملک اور اسکی ٹیم کو خفیہ ذرائع اور جدید ٹیکنالوجی کے ذریعے خبر ملی کہ ڈاکو/اغواء کار تین مغویوں کو کسی دوسری جگہ شفٹ کر رہے ہیں۔
پولیس پارٹی فوراً نشاندہی والی جگہہ نزد ڈرنگ چاچڑ دم دما پر پہنچے تو ڈاکوؤں/اغواء کاروں نے پولیس کو آتا ہوا دیکھ کر پولیس پارٹی پر فائرنگ شروع کردی،پولیس نے بھی جوابی فائرنگ کی، ڈاکوؤں/اغواء کاروں نے اپنا گھیرا تنگ ہوتا ہوا دیکھ کر اور گرفتاری کے خوف سے، اغواء کار مغویوں کو چھوڑکر فرار ہو گئے،پولیس نے مغویوں کو بحفاظت بازیاب کرا لیا۔
پولیس ان تینوں مغویوں کو بحفاظت اپنے ساتھ تھانہ بیلو میر پور پہ لے آئے اور قانونی کارروائی کے بعد انکو ورثاء کے حوالے کر دیا جائے گا۔
ڈاکوؤں/اغواء کاروں کی گرفتاری کے لئے پولیس کی بھاری نفری کے ہمراہ مختلف مقامات پر چھاپے مارے جا رہے ہیں۔
بازیابی کے بعد مغویوں نے ایس ایس پی گھوٹکی محمد انور کھیتران اور انکی ٹیم کا تہہ دل سے شکریہ ادا کیا اور کہا کہ گھوٹکی پولیس کی کاوشوں کی بدولت آج ہم اغواء کاروں/ڈاکوؤں کی چنگل سے آزاد ہوے ہیں۔
ایس ایس پی گھوٹکی محمد انور کھیتران کی جانب سے پولیس پارٹی کے لئے شاباشی کا پیعام
کراچی: ڈی جی سی اے اے نے کہا کہ سکھر ائرپورٹ کی توسیع کے لئے سندھ حکومت سے اضافی زمین ملنے پر فوری کام شروع ہوجائے گا-
باغی ٹی وی : ای-کچیری کا 42 واں ایڈیشن آج DGCAA کی قیادت میں ایڈیشنل DGCAA (AVM) تیمور اقبال، ڈپٹی DGCAA ریگولیٹری، ڈپٹی ڈائریکٹر جنرل ایئرپورٹس، اور ڈپٹی ڈائریکٹر جنرل ورکس اینڈ ڈیولپمنٹ کے تعاون سے منعقد ہوا۔
ای-کچیری کے دوران مختلف اہم محکموں کے ڈائریکٹرز بھی موجود تھے، مجموعی طور پر 92 کمنٹس موصول ہوئے، سکھر ایئرپورٹ کی توسیع سے متعلق پوچھے گئے سوال کے جواب میں ڈی جی سی اے اے نے کہا کہ ایک بار جب سندھ حکومت ضروری زمین فراہم کر دے گی تو توسیعی منصوبے پر کام شروع کر دیا جائے گا۔ اس منصوبے میں نئی ٹرمینل عمارت کی تعمیر اور بوئنگ 777 جیسے بڑے طیاروں کے لیے ایک لمبا رن وے شامل ہے۔
انہوں نے مزید بتایا کہ منصوبہ سول ایویشن اتھارٹی بورڈ سے منظور شدہ ہے اور سی ڈی ڈبلیو پی بھیجا جا چکا ہے۔ ای کچہری میں دیگر موضوعات اور سوالات کی ایک وسیع رینج شامل تھی۔ ڈی جی سی اے اے نے مسافروں کی شکایات کو فوری طور پر حل کرنے کے لیے ہدایات دیں، جن میں سعودی ایئر لائنز اور فلائی جناح کے خلاف مسافروں کے سامان کی گمشدگی، اسلام آباد انٹرنیشنل ایئرپورٹ کی پارکنگ لاٹ کینٹین میں باسی کھانے کی فروخت، مسافروں کو پورٹرز، ٹرالیوں کی تلاش میں مشکلات کا سامنا کرنے جیسے مسائل شامل تھے۔
انہوں نے بتایا کہ پورٹر کا خدمات کے لیے معمول کی فیس کے علاوہ اضافی رقم کا مطالبہ، اسلام آباد انٹرنیشنل ایئرپورٹ میں ناکافی اسکینرز کے باعث تاخیر، سامان گم ہونے کے بعد رقم کی واپسی کے عمل سے مسافروں کے عدم اطمینان کے بعد 2012 کی کمپنسیشن/معاوضہ پالیسی پر نظر ثانی، ورک آرڈرز اور تکمیلی سرٹیفکیٹس کے باوجود ٹھیکیداروں کو ادائیگیوں میں تاخیر، جناح انٹرنیشنل ایئرپورٹ پر ٹوٹی ہوئی چیک ان کرسیاں، سفری تقاضے پورے نہ کرنے پر مسافروں کو اتارا جانا، امیگریشن کاؤنٹرز کا انتظام، مسافروں کو فلائٹ کینسل ہونے کی غلط اطلاع، ٹریفک وارڈنز پر اسلام آباد انٹرنیشنل ایئرپورٹ سے نکلنے والے مسافروں سے پیسے بٹورنے کے الزامات، ہوائی اڈوں کے باہر اور اندر لمبی قطاریں، ایک مسافر نے بحرین-لاہور فلائٹ کے مطابق بحرین-اسلام آباد فلائٹ کے وقت میں تبدیلی کی درخواست کی، ملتان انٹرنیشنل ایئرپورٹ پر کیروسل بیلٹ کا ٹوٹنا۔
ڈی جی سی اے اے نے متعلقہ ڈائریکٹرز کے ساتھ ان معاملات پر تبادلہ خیال کیا اور ائیرپورٹ منیجرز اور وہاں موجود اہلکاروں کو ہدایات جاری کیں کہ وہ اپنے متعلقہ مقامات پر مسائل کو فوری طور پر حل کریں۔ ڈی جی سی اے اے نے مسافروں سے اضافی معلومات فراہم کرنے کی بھی درخواست کی، جس میں واقعہ کی تاریخ، صحیح وقت، اور ان کے رابطہ نمبر شامل ہیں، یہ کہتے ہوئے کہ یہ معلومات سی سی ٹی وی فوٹیج کا جائزہ لینے اور کسی بھی غلط کام کے ذمہ داروں کی شناخت کرنے میں مدد کرے گی۔ ضرورت پڑنے پر اصلاحی اقدامات کیے جائیں گے اور اگر ضرورت پڑی تو مزید تفصیلات کے لیے مسافروں سے رابطہ کیا جائے گا۔ ہوائی اڈوں پر اے ٹی ایم، برانڈڈ فوڈ چینز، اور شاپنگ مالز کی کمی کے بارے میں ایک مسافر کی شکایت پر ڈی جی سی اے اے نے وضاحت کی کہ ان ضروریات کو پورا کرنے کے لیے ائرپورٹس کو آؤٹ سورس کیا جا رہا ہے۔ یہ عمل جاری ہے اور کراچی اور لاہور کے ہوائی اڈے بھی اوٹ سورس ہوں گے-
شمالی قبرص جانے والے مسافروں کے لیے سخت ویزا چیکنگ اور اف لوڈنگ کے بارے میں پوچھے جانے پر ڈی جی سی اے اے نے واضح کیا کہ یہ اقدامات بنیادی طور پر پاکستان سے غیر قانونی سفر کی حوصلہ شکنی کے لیے کیے گئے ہیں۔ مزید برآں، ان اقدامات کو منزل کی ریاستوں کی درخواستوں کی بنیاد پر لاگو کیا جاتا ہے۔ ڈی جی سی اے اے نے ایک مسافر کی شکایت کی تحقیقات کی بھی ہدایت دی جس نے پاکستان سے ریاض جانے کے بعد اپنے سامان سے قیمتی چیزیں چوری ہوجائے کی شکایت کی تھیں۔
مسافر سے دیگر متعلقہ تفصیلات کے ساتھ ابتدائی شکایت کب درج کی گئی اس بارے میں معلومات ای میل کرنے کو کہا گیا۔ سی سی ٹی وی فوٹیج میں شکایت کنندہ کے سامان کی غیر معمولی ہینڈلنگ کے باوجود، ڈائریکٹر جنرل نے طویل تاخیر پر ناراضگی کا اظہار کیا۔ مسافر کو ای میل میں اپنا رابطہ نمبر شامل کرنے کی تاکید کی گئی، اور یقین دہانی کرائی گئی کہ ایئرپورٹ سیکیورٹی اسٹاف اور لوڈرز کے درمیان کسی بھی ممکنہ ملی بھگت ثابت ہونے پر فوری کارروائی کی جائے گی۔
آخر میں، ڈائریکٹر جنرل نے ای-کچیری میں شرکت کرنے پر سب کا شکریہ ادا کیا اور شکایت کنندگان سے درخواست کی کہ وہ اپنی شکایات میں ہمیشہ مخصوص تفصیلات فراہم کریں، بشمول ایئرپورٹ کا نام، واقعہ کی تاریخ اور وقت، اور ایئرپورٹ کے اندر مخصوص مقام۔ اس سے شکایات کو فوری حل کرنے میں بہت مدد ملتی ہے-
میرپورماتھیلو،باغی ٹی وی (نامہ نگار مشتاق علی لغاری )پی ایس 19 سے کامیاب آزادامیدوارسردار نادر اکمل خان لغاری پیپلز پارٹی میں شامل
عام انتخابات میں پی ایس 19 کی نشست پر آزاد حیثیت سے کامیابی حاصل کرنے والے سردار نادر اکمل خان لغاری نے پیپلز پارٹی میں شمولیت اختیار کرلی ،سردار نادر اکمل خان لغاری نے عام انتخابات میں پیپلز پارٹی کے نامزد امیدوار کو بڑی لیڈ سے ہرا کر کامیابی حاصل کی تھی
سوشل میڈیا پر اپنے پیج پر بیان میں کہاں کے پیپلز پارٹی کی قیادت نےمجھے مبارکباد بھی دی اور مجھے پارٹی میں واپس بلایا ، سردار علی گوہر خان مہر ، خالد احمد خان لنڈ ، شرجیل انعام میمن ، اور دیگر کا شکر گزار ہوں
پارٹی میں شامل ہوکے اپنے حلقے کے لوگوں کے کام کر سکوں گا ڈویلپمنٹ کرونگا وہاں پر پسماندگی ہے جہاد کروں گا ، میرا فوکس تعلیم، صحت اور یوتھ پر ہوگا
میرپورماتھیلو،باغی ٹی وی (نامہ نگار) 11 سالہ لڑکی سے زیادتی کا ملزم گرفتار
ایس ایچ او تھانہ جروار صدرالدین لک نے مختلف جگہوں پر چھاپے مارنے کے بعد بالآخر جروار کے نواحی گاؤں محمد علی بوزدار میں 11 سالہ بچی سے مبینہ زیادتی میں ملوث ملزم کوگرفتار کرلیا ہے
گزشتہ روز تھانہ جروار کی حدود میں ایک درندہ صفت شخص نے 11 سالہ بچی رانی بنت مصری لغاری سکنہ گوٹھ محمد علی بوزدار کو ملزم اللّٰہ بچایو ولد برکت لغاری نے گندم کے فصل میں مبینہ زیادتی کا نشانہ بنا ڈالا تھا
اس واقعہ کا ایس ایس پی گھوٹکی محمد انور کھیتران نے سختی سے نوٹس لیتے ہوئے ایس ایچ او جروار صدر الدین لک کو فوری طور مقدمہ درج کر کے مذکورہ ملزم کو گرفتار کرنے کا حکم دیا تھا۔
یہ بھی پڑھیں
میرپورماتھیلو: نواحی گاؤں محمد علی بوذدار میں 11 سالہ بچی سے مبینہ زیادتی، ملزم کے خلاف مقدمہ درج
ایس ایچ او تھانہ جروار بمہ اسٹاف فوراً جائے وقوعہ پر گئے،اور بچی کا ہسپتال میں میڈیکل چیک اپ کرایا،
پولیس رات سے ہی اس واقعے میں ملوث ملزم کو گرفتار کرنے کے لیے چھاپہ مارکارروائیوں کا آغاز کردیا تھا ، آج ایس ایچ او تھانہ جروار صدرالدین لک نے بچی سے مبینہ زیادتی کےملزم کو گرفتار کرلیا۔