Baaghi TV

Category: سائنس و ٹیکنالوجی

  • ناسا کا 5 دہائیوں بعد انسان بردار خلائی مشن کو چاند کے مدار پر بھیجنے کا فیصلہ

    ناسا کا 5 دہائیوں بعد انسان بردار خلائی مشن کو چاند کے مدار پر بھیجنے کا فیصلہ

    واشنگٹن: امریکی خلائی ادارے ناسا نے 5 دہائیوں بعد انسان بردار خلائی مشن کو چاند کے مدار پر بھیجنے کا فیصلہ کر لیا۔

    غیرملکی خبر رساں ایجنسی کے مطابق 5 دہائیوں بعد انسان ایک بار چاند کے مدار پر واپسی کیلئے تیار ہے ناسا نے مقررہ وقت سے پہلے ہی چاند کے مدار پر انسان بردار خلائی مشن کو بھیجنے کا اعلان کر دیا۔

    ناسا کی جانب سے اعلان کیا گیا ہے کہ اس کے آرٹیمس پروگرام کے تحت پہلی انسان بردار پرواز فروری 2026 میں چاند کی جانب بھیجی جاسکتی ہے۔ اور ناسا کا آرٹیمس پروگرام بنیادی طور پر انسانوں کو 5 دہائیوں سے زائد عرصے بعد ایک بار پھر چاند پر واپس بھیجنے کے لیے ڈیزائن کیا گیا ہے۔

    نومبر 2022 میں آرٹیمس ون مشن چاند پر جاکر زمین پر واپس آنے میں کامیاب رہا تھا، لیکن اس مشن میں کوئی انسان موجود نہیں تھا اس 10 روزہ آرٹیمس ٹو مشن کا مقصد چاند کے گرد انسانوں کو پہنچانا اور پھر واپس لانا ہےخلا باز چاند کی سطح پر قدم نہیں رکھیں گے، یہ 1972 کے بعد پہلی بار ہو گا جب کوئی انسان زمین کے نچلے مدار سے باہر سفر کرے گا۔

    ٹی ٹوئنٹی کی رینکنگ جاری،بابر اور صائم ایوب کی تنزی

    یہ مشن پہلے اپریل 2026 میں بھیجنے کا منصوبہ بنایا گیا تھا۔ تاہم اب اسے فروری میں بھیجے جانے کا امکان ہےناسا کی قائم مقام ڈپٹی ایسوسی ایڈمنسٹریٹر لکیشا ہاکنس نے کہا کہ آرٹیمس ٹو مشن کو جلد از جلد 5 فروری تک بھیجا جاسکتا ہے۔ تاہم ہم یہ واضح کرنا چاہتے ہیں کہ خلا بازوں کا تحفظ ہماری اولین ترجیح ہے۔

    اس کے بعد آرٹیمس تھری مشن کو اسپیس ایکس کے اسٹار شپ راکٹ کے ذریعے چاند پر بھیجا جائے گا، 2027 میں شیڈول آرٹیمس تھری مشن کے تحت انسان دہائیوں بعد پہلی بار چاند کی سطح پر قدم رکھیں گے۔

    گوگل نے پاکستان میں اے آئی پلس پلان متعارف کرا دیا

  • گوگل نے پاکستان میں اے آئی پلس پلان متعارف کرا دیا

    گوگل نے پاکستان میں اے آئی پلس پلان متعارف کرا دیا

    گوگل نے آج پاکستان میں گوگل اے آئی پلس (Google AI Plus) پلان متعارف کرانے کا اعلان کیا ہے۔ گوگل کا نیا پلان صارفین کو گوگل اے آئی کے ذریعے مزید کام کرنے کے لیے بااختیار بنانے کی غرض سے ڈیزائن کیا گیا ہے۔ یہ نیا پلان لوگوں کو اپنی پیداواری اور تخلیقی صلاحیتوں کو بڑھانے میں مدد کرنے کے لیے طاقتور AI ٹولز تک اضافی رسائی فراہم کرتا ہے اور یہ سب نہایت باکفایت قیمت پر دستیاب ہیں۔

    گوگل اے آئی پلس پلان کے تحت پاکستان میں صارفین درج ذیل فوائد حاصل کر سکتے ہیں:
    ● جیمنائی ایپ میں امیج جنریشن اور ایڈیٹنگ یعنی Nano Banana کے لیے زیادہ گنجائش
    ● جیمنائی 2.5 پرو تک مزید رسائی، جو پیچیدہ سوالات کے لیے گوگل کا سب سے طاقتور اے آئی ماڈل ہے
    ● ویڈیو جنریشن ماڈل Veo 3 Fast تک رسائی، جو جیمنائی، Whisk، اور Flow میں دستیاب ہے۔
    ● جی میل، ڈاکس، شیٹس اور دیگر گوگل سروسز میں جیمنائی کا انضمام ۔
    ● فوٹوز، ڈرائیو، اور جی میل میں 200 جی بی اسٹوریج کی سہولت۔

    اے آئی پلس کے حوالے سے گوگل پاکستان کے کنٹری ڈائریکٹر،فرحان قریشی نے کہا: ”پاکستان کا ڈیجیٹل منظر نامہ تیزی سے ترقی کررہا ہے ، اور ہمیں پاکستانیوں کی تخلیقی صلاحیتوں نے متاثر کیا ہے جو انہوں نے اے آئی ٹولز کو اپنانے میں دکھائی ہیں۔ گوگل اے آئی پلس کی صورت میں ہم ان ٹولز کو ملک بھر میں زیادہ سے زیادہ لوگوں کے لیے قابل رسائی بنا رہے ہیں۔ یہ پاکستان کی ڈیجیٹل تبدیلی کو فروغ دینے کے ہمارے عزم کا بنیادی حصہ ہے تاکہ ہر شخص اپنی پیداواری صلاحیت ، تخلیقی صلاحیت اور سیکھنے کے عمل کو اے آئی کے ذریعے بہتر بنا سکے۔ “اس کے علاوہ ، صارفین، اپنے خاندان کے پانچ دیگر افراد کے ساتھ بھی،ورک اسپیس میں جیمنائی سے لے کر 200 جی بی اسٹوریج تک، تمام فوائد شیئر کرسکتے ہیں۔اس طرح ہر فرد ایک ہی پلان کے تحت بہتر گوگل کا تجربہ حاصل کرسکتا ہے۔

    گوگل اے آئی پلس آج سے پاکستان میں، 1,400 روپے ماہانہ پر دستیاب ہے۔ محدود مدت کے لیے، پہلی مرتبہ سبسکرائب کرانے والے صارفین کو ابتدائی چھ ماہ کے لیے 50فیصد رعایت دی جائے گی۔ گوگل اے آئی پلس کے بارے میں مزید معلومات دستیاب ہے۔

  • رواں سال کا دوسرا سورج گرہن کب ہو گا؟

    رواں سال کا دوسرا سورج گرہن کب ہو گا؟

    رواں سال 2025کا دوسرا سورج گرہن 21 اور 22 ستمبر کی درمیانی شب ہوگا ، پاکستان میں دکھائی نہیں دے گا۔

    محکمہ موسمیات کلائمیٹ ڈیٹا پروسیسنگ سینٹر کے مطابق سال 2025 کے دوسرے سورج گرہن کا آغاز 21ستمبر کو پاکستانی وقت کے مطابق رات 10 بجکر 30 منٹ پر ہوگا اور 22 ستمبر کو رات 12 بجکر 42 منٹ پر سورج گرہن اپنے عروج پر ہوگا جزوی سورج گرہن کا اختتام رات 2 بجکر 55 منٹ پر ہوگا پیسیفیک، اٹلانٹک، انٹارکٹیکا اور آسٹریلیا کے کچھ حصوں میں سورج گرہن دیکھا جاسکے گا،رواں سال کا دوسرا سورج گرہن بھی پاکستان میں دکھائی نہیں دے گا ۔

    یاد رہے کہ چند روز قبل پاکستان سمیت دنیا کے مختلف ممالک میں چاند گرہن کا دلکش نظارہ ہوا تھا۔

    زمین پر سورج گرہن اس وقت لگتا ہے جب چاند دورانِ گردش زمین اور سورج کے درمیان آ جاتا ہے، جس کی وجہ سے سورج کا مکمل یا کچھ حصہ دکھائی دینا بند ہو جاتا ہے۔ اس صورت میں چاند کا سایہ زمین پر پڑتا ہے۔ چونکہ زمین سے سورج کا فاصلہ زمین کے چاند سے فاصلے سے 400 گنا زیادہ ہے اور سورج کا محیط بھی چاند کے محیط سے 400 گنا زیادہ ہے، اس لیے گرہن کے موقع پر چاند سورج کو مکمل یا کافی حد تک زمین والوں کی نظروں سے چھپا لیتا ہے۔

    سورج گرہن ہر وقت ہر علاقے میں نہیں دیکھا جا سکتا، اس لیے سائنسدانوں سمیت بعض لوگ سورج گرہن کا مشاہدہ کرنے کے لیے دور دراز سے سفر طے کرکے گرہن زدہ خطے میں جاتے ہیں۔ مکمل سورج گرہن ایک علاقے میں تقریباً 370 سال بعد دوبارہ آ سکتا ہے اور زیادہ سے زیادہ سات منٹ چالیس سیکنڈ تک برقرار رہتا ہے۔ البتہ جزوی سورج گرہن کو سال میں کئی دفعہ دیکھا جا سکتا ہے،یورپ میں دیکھا گیا 1999ء کا مکمل سورج گرہن تاریخ میں سب سے زیادہ دیکھا جانے والا سورج گرہن تھا۔

  • ہڑپہ کی کھدائی کی 100 ویں سالگرہ، پنجاب حکومت کا بڑا اعلان

    ہڑپہ کی کھدائی کی 100 ویں سالگرہ، پنجاب حکومت کا بڑا اعلان

    ڈائریکٹوریٹ جنرل آف آرکیالوجی پنجاب نے ہڑپہ کی کھدائی کی 100 ویں سالگرہ پر صوبے بھر میں نئے سائنسی کھدائی پروگرام کا آغاز کرنے کا اعلان کردیا ہے۔

    تفصیلات کے مطابق ڈی جی آثار قدیمہ ظہیر عباس ملک نے کہا کہ جدید طریقہ کار سے وادی سندھ کی تہذیب کے مطالعے کی تیاریاں مکمل ہیں کھدائی میں ڈیجیٹل میپنگ، سائنسی تاریخ اور جدید دستاویزی طریقے استعمال ہوں گے جبکہ پروگرام صوبے کے دیگر اہم مقامات تک بھی توسیع پائے گا، دوسرے مرحلے میں گندھارا خطے میں باقاعدہ کھدائی پروگرام شروع کیا جائے گا۔

    دوسری جانب وزیر اعلیٰ مریم نواز شریف کا آرکیالوجی کو علم اور ثقافت سے جوڑنے پر بہت زور ہے سینئر وزیر مریم اورنگزیب نے بھی عالمی معیار کے مطابق ورثہ مینجمنٹ کو ہدایت جاری کی ہیں، ڈی جی آثار قدیمہ کا کہنا تھا کہ محکمہ آثار قدیمہ کی نئی کھدائیاں، علمی تحقیق اور ورثہ سیاحت کو فروغ دے گا اور پنجاب کو ورثہ پر مبنی سیاحت اور تحقیق کا مرکز بنایا جائے گا۔

    برطانوی ہائی کمشنر کی اسحاق ڈار سے ملاقات، سیلاب متاثرین کے لیے تعاون کا اعلان

    ہڑپہ پاکستان کا ایک قدیم شہر ہے جس کے کھنڈر پنجاب میں ساہیوال سے 35 کلومیٹر مغرب کی طرف چیچہ وطنی شہر سے 15 کلومیٹر پہلے کھدائی کے دوران ملے حضرت عیسی علیہ السلام کی پیدائش سے تقریباً 1200 سال پہلے لکھی جانے والی ہندووں کی کتاب رگ وید سے اس شہر کی تاریخ کا اندازہ لگایا گیا ہے۔

    رگ وید میں ایک شہر کا نام آیا ہے ’ ہری یوپیہ ‘ سنسکرت میں اس کا مطلب ہے ’ قربانی کے سنہری ستوں والا شہر ‘ ماہرین کا اب اتفاق ہے جن میں ویلز اور ڈی ڈہ کوسامبی شامل ہیں کہ ہری یوپیہ ہڑپہ ہی کا سنسکرت میں نام ہے اگرچہ اس کا اصل نام کچھ اور ہوگا، شاید ہری یوپویا ہو یا کچھ اور ہو اور رگ وید کے مطابق اسی ہری یوپیہ کے قریب آریاؤں کی مقامی باشندوں سے جنگ ہوئی تھی رگ وید میں آیا ہے اندرا نے ورشکھو ( یا ورچکھو ) کی باقیات کو ایسے ملیامیٹ کر دیا کہ جیسے مٹی کا برتن۔ اس نے ورچی وات ( یا ورشی ونت یا ورکی ذات ) لوگوں کے ایک سو تیس مسلح جانبازوں کی پہلی صف کو کچل دیاجس پر باقی بھاگ کھڑے ہوئے ۔

    راولپنڈی غیرت کے نام پر قتل، تفتیشی ٹیم نے مقدمے کا چالان پیش کر دیا

    1921ء میں رائے بہادر دیا رام سہنی نے ہڑپہ کے مقام پر قدیم تہذیب کے چند آثار پائے۔ اس کی اطلاع ہندوستانی محکمہ آثار قدیمہ کو ملی۔ محکمہ کے ڈائریکٹر جنرل سر جان مارشل نے دلچسپی کا اظہار کرتے ہوئے ہڑپہ کی کھدائی کی طرف توجہ دی۔ چنانچہ رائے بہادر دیا رام سہنی، ڈائریکٹر ارنسٹ میکے اور محکمہ اثریات کے دیگر احکام کے تحت کھدائی کا کام شروع ہوا-

  • آج پاکستان سمیت دنیا میں،رواں سال کا دوسرا مکمل چاند گرہن دیکھا جا سکے گا

    آج پاکستان سمیت دنیا میں،رواں سال کا دوسرا مکمل چاند گرہن دیکھا جا سکے گا

    پاکستان سمیت دنیا کے مختلف ممالک میں آج رات رواں سال کا دوسرا مکمل چاند گرہن دیکھا جا سکے گا،امریکا، بھارت، بنگلہ دیش، چین، جاپان اور سعودی عرب میں بھی یہ فلکیاتی منظر نظر آئے گا۔

    محکمہ موسمیات کے مطابق پاکستان میں یہ گرہن واضح طور پر دیکھا جا سکے گا، تاہم کراچی سمیت ملک کے جنوبی حصوں میں بادلوں کے باعث عوام کے لیے اس کا مشاہدہ مشکل ہوسکتا ہے،چاند کی روشنی آج رات 8 بجکر 28 منٹ پر مدھم ہونا شروع ہوگی، 9 بجکر 27 منٹ پر جزوی گرہن اور 10 بجکر 31 منٹ پر مکمل گرہن ہوگا،رات 11 بجکر 12 منٹ پر یہ نظارہ اپنے عروج پر ہوگا جبکہ 8 ستمبر کی رات ایک بجکر 55 منٹ پر گرہن ختم ہوجائے گا۔

    ماہرین کے مطابق مکمل گرہن کے دوران چاند سرخی مائل نظر آئے گا جسے ’بلڈ مون‘ کہا جاتا ہے، یہ منظر فلکیات کے شوقین افراد کے لیے یادگار لمحہ ثابت ہوگا،اس کے بعد 21 اور 22 ستمبر کو سال کا دوسرا اور آخری جزوی سورج گرہن ہوگا، تاہم پاکستان میں اس کا مشاہدہ ممکن نہیں ہوگا۔

    ٹرمپ نے مودی کو اپنا دوست قرار دے دیا

    وزیراعظم اور صدر مملکت کا یوم فضائیہ پر پیغام میں جوانوں کو خراج تحسین

    دریائے سندھ: گڈو بیراج پر آج بڑے سیلابی ریلے کی آمد متوقع

  • ٹک ٹاک نے وائس نوٹس اور میڈیا شیئرنگ کا نیا فیچر متعارف کرا دیا

    ٹک ٹاک نے وائس نوٹس اور میڈیا شیئرنگ کا نیا فیچر متعارف کرا دیا

    شارٹ ویڈیو شیئرنگ ایپلی کیشن ٹک ٹاک نے اپنے صارفین کے لیے نیا فیچر متعارف کرا دیا ہے۔

    غیر ملکی خبر رساں ایجنسی کے مطابق اس نئے فیچر کے ذریعے صارفین اب وائس نوٹس کے ساتھ ساتھ تصاویر اور ویڈیوز بھی براہِ راست پیغام (ڈائریکٹ میسج) میں بھیج سکیں گے۔ٹک ٹاک کے صارفین 60 سیکنڈ تک کی آواز ریکارڈ کر کے بھیج سکیں گے جبکہ ایک وقت میں زیادہ سے زیادہ 9 تصاویر یا ویڈیوز بھی شیئر کی جا سکیں گی۔ یہ مواد چاہے کیمرے سے لیا گیا ہو یا موبائل کی گیلری سے منتخب کیا گیا ہو، بھیجا جا سکے گا۔

    کمپنی کا کہنا ہے کہ یہ تبدیلی صرف ویڈیوز دیکھنے اور شیئر کرنے تک محدود نہیں رہے گی بلکہ ایپ کو روزمرہ گفتگو اور رابطے کے لیے بھی سہولت بنائے گی، بالکل اسی طرح جیسے واٹس ایپ یا انسٹاگرام پر استعمال کیا جاتا ہے۔صارفین کی حفاظت کے لیے ایک شرط بھی رکھی گئی ہے کہ اگر کوئی شخص پہلی بار پیغام بھیجے گا تو وہ اپنی لی گئی تصویر یا ویڈیو شیئر نہیں کر سکے گا بلکہ صرف ٹک ٹاک پر موجود مواد ہی آگے بھیج سکے گا۔

    عدالت نے ڈکی بھائی کے ریمانڈ میں چوتھی بار توسیع کردی

    آصف علی کا بین الاقوامی کرکٹ سے ریٹائرمنٹ کا اعلان

    غزہ میں اسرائیلی حملوں میں مزید 98 فلسطینی شہید، 404 زخمی

  • اگلے ماہ ’بلڈ مون‘ کا نظارہ کیا جا سکے گا

    اگلے ماہ ’بلڈ مون‘ کا نظارہ کیا جا سکے گا

    دنیا کے بیشتر ممالک میں اگلے ماہ سرخ چاند (بلڈ مون) کا خوبصورت نظارہ کیا جائے گا۔

    میڈیا رپورٹس کے مطابق یہ نظارہ 7 اور 8 ستمبر کی درمیانی شب کیا جائے گا جس دوران چاند کا رنگ سرخ ہوجائے گا اور اسے ‘ بلڈ مون کہا جاتا ہے دنیا کی تقریباً 88 فیصد آبادی بلڈ مون کو دیکھے گی،یہ گرہن 7 ستمبر کی شب 8 بج کر 28 منٹ پر شروع ہوگا اور رات ایک بج کر 55 منٹ تک برقرار رہے گا جس دوران 82 منٹ تک مکمل گرہن ہوگا۔

    پاکستان، آسٹریلیا، بھارت، وسطی ایشیا، روس کے مختلف علاقوں، جاپان اور مشرقی افریقا میں اس چاند کا مکمل نظارہ کیا جاسکے گااس کے علاوہ یورپ، ایشیا، مشرقی آسٹریلیا، افریقا اور نیوزی لینڈ میں بیشتر مکمل چاند گرہن کی بجائے جزوی گرہن کو دیکھیں گے جبکہ امریکا میں رہنے والے لوگ اس چاند کا نظارہ نہیں کرسکے گے۔

    شانگلہ سیلاب: 8 ہمسایہ افراد اور ان کے مویشیوں کو بچاتےہوئے چرواہے کا ہاتھ کٹ گیا

    میڈیا رپورٹس کے مطابق ماہرین فلکیات کا کہنا ہے کہ ستمبر 2025 کا گرہن اس دہائی کے سب سے زیادہ نظر آنے والے مکمل چاند گرہن میں سے ایک ہوگا جو دیکھنے والوں کیلئے ایک نادر موقع ہوگااس سے قبل 2025 کا پہلا چاند گرہن 14 مارچ کو ہوا تھامگر اس موقع پر پاکستان میں اسے دیکھا نہیں جاسکا تھا کیونکہ گرہن کا آغاز پاکستانی وقت کے مطابق صبح 9 بجے کے قریب ہوا اور اختتام سہ پہر 3 بجے ہوا۔

    عالمی منڈی میں خام تیل کی قیمتوں میں کمی

    بلڈ مون یا سرخ چاند دراصل چاند گرہن کی ایک قسم ہے، جب زمین سورج اور چاند کے درمیان آجاتی ہے تو زمین کی گردش میں روشنی کا کچھ حصہ سرخ رنگ میں چاند کی سطح پر پڑتا ہے، جس سے چاند سرخ نظر آتا ہےگرہن کے دوران چاند کی رنگت اس وقت سرخ ہوتی ہے جب زمین، سورج اور چاند کے درمیان میں آجاتی ہے اور اس موقع پر چاند زمین کے سائے کے تاریک ترین حصے سے گزر رہا ہوتا ہے جس سے سورج کی روشنی اس تک براہ راست نہیں پہنچتی۔-

    پاکستانی عدلیہ پر حکومت کا کوئی اختیار نہیں ،اسحاق ڈار

    سورج کی روشنی جب زمینی فضا میں سے گزرتی ہے تو نیلی روشنی کی نسبت لال رنگ کی روشنی زیادہ مڑ جاتی ہےاور اس وجہ سے گرہن لگنے پر چاند سرخ رنگ کا نظر آتا ہے اور اسی وجہ سے اکثر اسے بلڈ مون بھی کہا جاتا ہے۔

  • یوٹیوب نے بچوں کی حفاظت کے لیے اے آئی ٹیکنالوجی متعارف کرا دی

    یوٹیوب نے بچوں کی حفاظت کے لیے اے آئی ٹیکنالوجی متعارف کرا دی

    ویڈیو اسٹریمنگ پلیٹ فارم یوٹیوب نے امریکہ میں بچوں کو حساس مواد سے محفوظ رکھنے کے لیے آرٹیفیشل انٹیلی جنس (اے آئی) کا استعمال شروع کر دیا ہے۔

    یوٹیوب اب ایسے بچوں کی شناخت کے لیے اے آئی استعمال کرے گا جو بالغ ظاہر کرنے کی کوشش کرتے ہیں، تاکہ نابالغ صارفین کو غیر موزوں مواد سے دور رکھا جا سکے۔یہ حفاظتی اقدام امریکہ میں متعارف کرایا جا رہا ہے تاکہ گوگل کی ملکیت والی یوٹیوب اور دیگر سوشل میڈیا پلیٹ فارمز پر کم عمر بچوں کی آن لائن حفاظت کو یقینی بنایا جا سکے۔

    یوٹیوب کے یوتھ پروڈکٹ منیجمنٹ ڈائریکٹر جیمز بیسر نے بتایا کہ مشین لرننگ پر مبنی اے آئی ورژن صارفین کی عمر کا اندازہ لگانے میں مدد کرے گا۔ اس میں مختلف عوامل جیسے دیکھی جانے والی ویڈیوز کی نوعیت اور اکاؤنٹ کی مدت شامل ہوں گے۔انہوں نے مزید کہا کہ یہ ٹیکنالوجی ہمیں صارف کی اصل عمر کا اندازہ لگانے کی اجازت دے گی اور چاہے اکاؤنٹ میں درج تاریخ پیدائش کچھ بھی ہو، صارف کو اس کی عمر کے مطابق مصنوعات اور حفاظتی تجربات فراہم کیے جائیں گے۔

    غزہ جنگ بندی: حماس نے تجویز منظور کرلی

    عدالتی امور میں بیرونی مداخلت پر متعلقہ جج کو 24 گھنٹےمیں شکایت درج کرانا ہوگی،فیصلہ

    اسلام آباد میں بچوں کے روزگار کی ممانعت کا بل منظور

    وزیراعلیٰ خیبر پختونخوا ،کابینہ کا ایک ماہ کی تنخواہ سیلاب متاثرین کو دینے کا فیصلہ

  • امریکا اور اسرائیل کو نسل کشی کےذمہ دار، چیٹ بوٹ ’گروک‘معطل

    امریکا اور اسرائیل کو نسل کشی کےذمہ دار، چیٹ بوٹ ’گروک‘معطل

    امریکی آرٹیفیشل انٹیلیجنس کمپنی ایکس اے آئی نے مائیکرو بلاگنگ ویب سائٹ ایکس پر اپنے اے آئی چیٹ بوٹ ’گروک‘ کو چند گھنٹوں کی معطلی کے بعد دوبارہ فعال کردیا۔

    امریکی ویب سائٹ ’دی ہل‘ کے مطابق گروک کا اکاؤنٹ 11 اور 12 اگست کی درمیانی شب کچھ گھنٹوں کے لیے معطل رہا۔ اگرچہ ایکس اے آئی نے وجہ واضح نہیں کی، لیکن ایلون مسک نے اسے فنی خرابی قرار دیا۔گروک نے اپنی واپسی کا اعلان کرتے ہوئے کہا کہ وہ پہلے سے بہتر انداز میں واپس آیا ہے۔ بعض صارفین کے سوالات کے جواب میں گروک نے بتایا کہ غزہ میں 61 ہزار ہلاکتوں پر امریکا اور اسرائیل کو نسل کشی کا ذمہ دار قرار دینے کے بیان کے بعد اسے عارضی طور پر معطل کیا گیا تھا، حالانکہ یہ مؤقف عالمی اداروں اور عدالتوں کے بیانات پر مبنی تھا۔

    ایلون مسک کے مطابق گروک اپنے حریف اے آئی ماڈلز جیسے چیٹ جی پی ٹی اور گوگل جیمنائی سے زیادہ ذہین اور تیز ہے۔

    عطا اللہ تارڑ اور پی آئی او مبشر حسن ستارہ امتیاز کے لیے نامزد

    اسحٰق ڈار 23 اگست کو بنگلہ دیش کا دورہ کریں گے

    امریکہ میں پاکستانی چاول کی درآمدات میں غیرمعمولی اضافہ متوقع

    چیف جسٹس پاکستان کی پنشن بڑھ کر 23 لاکھ 90 ہزار ہوگئی

  • واٹس ایپ کا بڑا ایکشن،دنیا بھر میں 68 لاکھ فراڈ اور اسکیم اکاؤنٹس ڈیلیٹ

    واٹس ایپ کا بڑا ایکشن،دنیا بھر میں 68 لاکھ فراڈ اور اسکیم اکاؤنٹس ڈیلیٹ

    واٹس ایپ نے 2025 کے پہلے چھ ماہ کے دوران دنیا بھر میں فراڈ اور اسکیم سے منسلک 68 لاکھ اکاؤنٹس ڈیلیٹ کر دیے۔

    غیر ملکی میڈیا کے مطابق واٹس ایپ انتظامیہ کا کہنا ہے کہ یہ اکاؤنٹس منظم جرائم پیشہ گروہوں کے ذریعے مختلف ممالک میں لوگوں کو دھوکا دینے میں استعمال ہو رہے تھے۔میٹا کے مطابق یہ جعلی اکاؤنٹس زیادہ تر جنوب مشرقی ایشیائی ممالک جیسے میانمار، کمبوڈیا اور تھائی لینڈ میں سرگرم اسکیم سینٹرز سے منسلک تھے۔کمپنی نے اس اعلان کے ساتھ واٹس ایپ میں نئی حفاظتی خصوصیات بھی شامل کی ہیں، جن میں نامعلوم شخص کی جانب سے کسی گروپ چیٹ میں شامل کرنے پر فوری الرٹ کا فیچر بھی شامل ہے۔

    میٹا کے مطابق کچھ دھوکے باز مصنوعی ذہانت کے ٹولز استعمال کر کے متاثرین کو گمراہ کرنے والے پیغامات تیار کرتے اور جعلی سرمایہ کاری اسکیموں کی تشہیر کرتے ہیں۔ وہ اکثر متاثرین سے پہلے ٹیکسٹ میسج کے ذریعے رابطہ کرتے اور پھر انہیں سوشل میڈیا یا واٹس ایپ پر لے آتے ہیں۔حکام نے جنوب مشرقی ایشیا کے عوام کو مشورہ دیا ہے کہ مشکوک پیغامات سے ہوشیار رہیں اور واٹس ایپ پر ٹو اسٹیپ ویری فکیشن جیسے سکیورٹی فیچرز کو لازمی فعال کریں۔

    مقبول احمد گوندل آڈیٹر جنرل پاکستان مقرر

    ملک بھر میں سونے کی قیمت میں کمی

    وزیراعظم کی نویں فیوچر انویسٹمنٹ انیشی ایٹو فورم میں شرکت کی حامی

    تھائی لینڈ: کمبوڈیا سرحد پر بارودی سرنگ دھماکا، 3 فوجی زخمی