Category: سائنس و ٹیکنالوجی

چینی اور امریکی سائنسدانوں نے ایک مشترکہ تجربے کے دوران انسان اور بندر کے انتہائی بنیادی خلیوں پر مشتمل زندہ ایمبریو تیار کیے ہیں۔

باغی ٹی وی : واضح رہے کہ انسانوں اور حیوانوں کے خلیات میں ملاپ کی کوششیں کم از کم پچھلے بیس سال سے جاری ہیں جن میں سؤر اور بھیڑ کے خلیوں کو انسانی خلیات سے ملایا جاچکا ہے یہ کوششیں ’’زینو ٹرانسپلانٹیشن‘‘ (Xenotransplantation) کا حصہ ہیں، جس کا مقصد کسی جانور کے جسم میں انسانی اعضاء ’’اُگا کر‘‘ دوبارہ اسی شخص میں پیوند کرنا ہے۔

زینوٹرانسپلانٹیشن میں کامیابی کی بدولت یہ ممکن ہوجائے گا کہ ایک انسان کے جسمانی خلیات کسی جانور میں داخل کرکے مطلوبہ عضو کی ہوبہو اور جیتی جاگتی نقل اس جانور میں ’’کاشت‘‘ کرلی جائے، جسے واپس اسی انسان کے جسم میں پیوند کردیا جائے۔

اس طرح متاثرہ افراد کےلیے عطیہ کردہ اعضاء اور ان سے وابستہ دیگر مسائل بھی ختم کرنے میں بہت مدد ملے گی۔

بھیڑ اور سؤر کے مقابلے میں انسان اور بندر میں مماثلت خاصی زیادہ ہے اسی بناء پر سائنسدانوں کے سامنے سوال تھا کہ اگر انسان اور بندر کے انتہائی بنیادی خلیے آپس میں ملادیئے جائیں تو کیا وہ ایک دوسرے کے ساتھ ساتھ رہتے ہوئے نشوونما حاصل کر پائیں گے؟

ایکسپریس نے آن لائن ریسرچ جرنل ’’سیل‘‘ کے تازہ ترین شمارے میں شائع ہونے والی رپورٹ کا حوالہ دیتے ہوئے بتایا کہ چینی صوبے ینان کی کنمنگ یونیورسٹی آف سائنس اینڈ ٹیکنالوجی اور امریکی ریاست کیلیفورنیا میں سالک انسٹی ٹیوٹ فار بایولاجیکل اسٹڈیز کے ماہرین نے یہ اہم تحقیق مشترکہ طور پر انجام دی ہے۔

انسان اور بندر کا ہائبرڈ بنانے کےلیے مکاک بندروں کے ایمبریو لیے گئے جو ’’بلاسٹوسسٹ‘‘ مرحلے پر تھے، یعنی وہ مرحلہ کہ جس میں جنین صرف چند خلیوں والی ایک کھوکھلی گیند کی شکل میں ہوتا ہے۔

مکاک بندر کے بلاسٹوسسٹ میں انتہائی بنیادی اور ’’ہر فن مولا‘‘ قسم کے انسانی خلیاتِ ساق (stem cells) داخل کیے گئے، جو تقسیم در تقسیم اور تفریق در تفریق کے مرحلوں سے گزر کر کسی بھی عضو کے خلیات میں بدلنے کی قدرتی صلاحیت رکھتے ہیں۔

رپورٹ کے مطابق، ان تجربات میں بندر کے ہر بلاسٹوسسٹ میں 25 انسانی خلیاتِ ساق (hEPSCs) داخل کیے گئے۔

فلوریسنٹ ٹیگنگ کی مدد سے سائنسدانوں نے بندر اور انسان کے خلیوں میں ملاپ کے بعد ہونے والی تبدیلیوں پر نظر رکھی۔ انہیں معلوم ہوا کہ ابتدائی طور پر بندر کے 132 جنین اور انسانی خلیات بڑی کامیابی سے آپس میں مربوط ہوگئے ان میں سے 103 مخلوط جنین دس دن بعد تک زندہ رہے اور نشوونما کے مراحل طے کرتے رہے۔

البتہ، اس مرحلے کے بعد یہ مخلوط جنین زیادہ تیزی سے ختم ہونے لگے، یہاں تک کہ 19ویں روز تک صرف 3 مخلوط جنین ہی زندہ بچ پائے تاہم، تجربے کی حدود/ تقاضوں کو مدِنظر رکھتے ہوئے، یہ جنین بھی تلف کردیئے گئے۔

بی بی سی کی رپورٹ کے مطابق اس تحقیق پر تبصرہ کرتے ہوئے ، یونیورسٹی آف ایسٹ اینجلیہ کے نوروچ میڈیکل اسکول میں بائیو میڈیکل اخلاقیات کی لیکچرر اور محقق ، ڈاکٹر انا سمجاڈور نے کہا کہ اس کے "اہم اخلاقی اور قانونی چیلینجز” ہیں۔

انہوں نے مزید کہا: "اس تحقیق کے پیچھے سائنس دانوں کا کہنا ہے کہ یہ چیمریک جنین نئے مواقع پیش کرتے ہیں ، کیوں کہ ‘ہم انسانوں میں کچھ خاص قسم کے تجربات کرنے سے قاصر ہیں’۔ لیکن یہ جنین انسانی ہیں یا نہیں ، یہ تجربات سوالات کے جوابات جاننے کے لئے انتہائی اہمیت کے حامل ہے۔”

آکسفورڈ اوہیرو سینٹر برائے عملی اخلاقیات کے ڈائریکٹر اور یونیورسٹی آف آکسفورڈ کے سنٹر برائے اخلاقیات اور انسانیت کے شریک ڈائریکٹر پروفیسر جولین سیوولسکو نے کہا کہ تحقیق کی بدولت یہ ممکن ہوجائے گا کہ ایک انسان کے جسمانی خلیات کسی جانور میں داخل کرکے مطلوبہ عضو کی ہوبہو اور جیتی جاگتی نقل اس جانور میں ’’کاشت‘‘ کرلی جائے، جسے واپس اسی انسان کے جسم میں پیوند کردیا جائے۔

پروگریسو ایجوکیشنل ٹرسٹ کی ڈائریکٹر ، سارہ نورکراس نے کہا کہ جبکہ بران اور اسٹیم سیل ریسرچ میں "خاطر خواہ ترقی” کی جارہی ہے ، جو اتنے ہی کافی فائدہ اٹھاسکتی ہے ، "اخلاقی اور ضابطہ کار کے بارے میں عوامی بحث و مباحثے کی واضح ضرورت ہے۔ اسی لئے ان چیلنجوں کوقبول کیا گیا "۔

جینیاتی تجزیوں کی تکنیکوں سے یہ بھی معلوم ہوا کہ نشوونما پاتے دوران اس مخلوط جنین میں خلیوں کے مابین رابطے کے انداز بھی بدل چکے تھے۔

متحدہ عرب امارات (یو اے ای) کی ریاست ابوظبی کی انتظامیہ نے شہریوں کو مفت وائی فائی سروس کے استعمال سے خبردار کردیا۔

باغی ٹی وی : عرب میڈیا کی رپورٹ کے مطابق ابوظبی کی انتظامیہ نے خبردار کیا ہے کہ عوامی مقامات پر مفت وائی فائی انٹرنیٹ سروس استعمال کرنے سے صارفین ہیکرز کا نشانہ بن سکتے ہیں۔

رپورٹ کے مطابق عوامی مقامات پر مفت انٹرنیٹ کی سروس یوں تو باآسانی میسر ہوتی ہے مگر اس کے بے حد نقصانات ہوتے ہیں۔

Using public Wi-Fi to shop online while at public places is tremendously convenient but it might not be safe. So, use a Virtual Private Network (VPN) instead or share data from your phone as a hotspot.#StaySafe #CyberSecurityTips #OnlineShopping pic.twitter.com/mLuTkfM3gF

— دائرة التمكين الحكومي (@dgeabudhabi) April 8, 2021

ابوظبی کی ڈیجیٹل اتھارٹی (اے ڈی ڈی اے) نے سماجی رابطے کی ویب سائٹ ٹویٹر پر جاری اپنے پیغام میں بتایا کہ صارفین مفت وائی فائی کے استعمال سے قبل وی پی این کا استعمال کریں تاکہ ان کا ڈیٹا محفوظ رہ سکے۔

انہوں نے بتایا کہ سائبر کرائم کرنے والے افراد بھی اکثر ایسے ہی وائی فائی کا استعمال کررہے ہوتے ہیں تاکہ لوگوں کو دھوکا دے سکیں۔

You might not have thought about it, but caution can be your most helpful tool against cyber risks!

Be cautious, be safe.#StaySafe #CyberSecurityTips #Cyberspace pic.twitter.com/oRkk3zicze

— دائرة التمكين الحكومي (@dgeabudhabi) April 11, 2021

انہوں نے کہا کہ احتیاط ہی سائبر خطرات سے آپ کو محفوظ رکھ سکتی ہے محتاط رہیں ، محفوظ رہیں۔

ماہرین کے مطابق انسانی بال میں موجود قدرتی اجزا کی بنا پر اب ایسے سولرسیلوں کو مضبوط اور بہتر بنایا جاسکتا ہے-

باغی ٹی وی : رپورٹس کے مطابق ماہرین کا کہنا ہے کہ مذکورہ شمسی سیل روایتی سلیکان سیل کے مقابلے میں زیادہ بجلی خارج کرتے ہیں انہیں پرووسکائٹ شمسی سیل کہا جاتا ہے۔

گزشتہ عشرے سے روایتی مونوکرسٹلائن سلیکان شمسی سیل کی بجائے پرووسکائٹ شمسی سیلوں کی افادیت سامنے آئی ہے لیکن پرووسکائٹ شمسی سیل بہت نازک اور غیرپائیدار ہوتا ہے یہی وجہ ہے کہ اب تک پرووسکائٹ شمسی سیل تجارتی پیمانے پر تیار نہیں کیے جاسکے ہیں۔ لیکن اب انسانی بالوں میں اس کا حل سامنےآیا ہے۔

اس سے قبل یونیورسٹی آف کوئنزلینڈ کے سائنسدان انسانی بال سے اخذ کردہ اجزا سے اوایل ای ڈی بناتے رہے ہیں اب پرووسکائٹ شمسی سیلوں میں انہیں استعمال کیا جارہا ہے۔

ماہرین کا کہنا ہے کہ انسانی بال میں کاربن اور نائٹروجن کی بڑی مقدار موجود ہوتی ہے جو روشنی خارج کرنے والے انجینیئرنگ نظاموں کےلیے بہت ضروری ہوتی ہے۔

اس کے لئے پہلے انسانی بالوں کو 240 درجے سینٹی گریڈ پر جلایا گیا تاکہ وہ مزید سادہ اجزا میں تقسیم ہوجائیں اور ان سے نائٹروجن اور کاربن کو الگ کرلیا جائے۔

اب کوئنز یونیورسٹی کی ٹیم نے انسانی بالوں سے کاربن نینو ڈاٹس حاصل کیے ہیں اور انہیں شمسی سیلوں پر لگایا ہے انہوں نے شمسی سیلوں پر اس کی باریک تہہ چڑھائی جو ایک لہردار صورت اختیار کرگئی لیکن اسی پرت نے سولر سیل کو مضبوطی اور تحفظ فراہم کیا۔

پروفیسر ہونگشیا وینگ نے کہا کہ اس طرح کی پرت ایک حفاظتی دیوار کی طرح کام کرتی ہے جو پرووسکائٹ کو نمی اور دیگر ماحولیاتی اثر سے بچا کر اس کی ٹوٹ پھوٹ کو روکتی ہے۔

سائنسدانوں نے دیکھا کہ انسانی بال سے بنے کاربن نینوڈاٹس سے نہ صرف پرووسکائٹ شمسی سیل مضبوط ہوئے بلکہ دھوپ سے بجلی بنانے میں ان کی افادیت بھی بڑھ گئی۔

واضح رہے کہ گزشتہ 20 برس سے پرووسکائٹ شمسی سیلوں کی تیاری میں ان کی نزاکت ہی مرکزی رکاوٹ تھی توقع ہے کہ اگر یہ تدبیر کارگر رہتی ہے تو نہایت مؤثر پرووسکائٹ شمسی سیلوں کی تجارتی پیمانے پر تیاری کی راہ ہموار ہوسکے گی۔

ایک سیکیورٹی محقق ڈیو والکر نے دعویٰ کیا ہے کہ مارک زکربرگ فیس بک کی زیرملکیت واٹس ایپ کی مخالف میسجنگ ایپ سگنل کا استعمال کرتے ہیں۔

باغی ٹی وی : حال ہی میں میڈیا رپورٹس میں یہ دعویٰ سامنے آیا تھا کہ 50 کروڑ سے زیادہ فیس بک صارفین کا ذاتی ڈیٹا ایک ہیکنگ فورم پر دستیاب ہےاس وقت یہ بھی انکشاف کیا گیا تھا کہ فیس بک کے بانی مارک زکربرگ کی ذاتی تفصیلات بھی اس ڈیٹا میں شامل ہے۔

یہ ڈیٹا 2019 میں ایک سیکیورٹی خامی کے نتیجے میں ہیکرز کے ہاتھ لگا تھا اور اب ایک سیکیورٹی محقق ڈیو والکر نے دعویٰ کیا ہے کہ مارک زکربرگ فیس بک کی زیرملکیت واٹس ایپ کی مخالف میسجنگ ایپ سگنل کا استعمال کرتے ہیں۔

In another turn of events, Mark Zuckerberg also respects his own privacy, by using a chat app that has end-to-end encryption and isn't owned by @facebook

This is the number associated with his account from the recent facebook leak. https://t.co/AXbXrF4ZxE

— Dave W. (@Daviey) April 4, 2021

ٹوئٹ میں ڈیوڈ واکر کا کہنا تھا کہ مارک زکر برگ بھی اپنی پرائیویسی کا خیال رکھتے ہیں اس لیے وہ اینڈ ٹو اینڈ انکرپشن والی ایپ استعمال کرتے ہیں جو کہ فیس بک کی ملکیت نہیں ہے۔

ڈیو والکر نے یہ دعویٰ ڈیوڈ واکر نے ٹوئٹ میں مارک زکر برگ کے سگنل ایپ کے اکاؤنٹ کا اسکرین شاٹ بھی پوسٹ کیا ہے۔

ڈیو والکر نے یہ بھی بتایا کہ مارک زکربرگ کا مبینہ اکاؤنٹ 5 اپریل سے بند ہے۔

انہوں نے یہ بھی عندیہ دیا کہ مارک زکربرگ بظاہر ٹیلی گرام پر نہیں تاہم اس میسجنگ ایپ میں صارف کو یہ سہولت فراہم کی گئی ہے کہ وہاں فون نمبر سے صارف کو تلاش نہ کیا جاسکے۔

قیاس آرائیاں کی جارہی ہیں کہ یہ ممکن ہے کہ فیس بک کے بانی کی جانب سے سگنل کو اس لیے استعمال کیا جاتا ہو تاکہ وہ مخالف ایپ کو چیک کرسکیں گےیہ بھی امکان ہے کہ مارک زکربرگ کی جانب سے واٹس ایپ کی مخالف ایپ کا استعمال اس کے محفوظ ہونے کی وجہ سے کیا جاتا ہو۔

یہ بتانے کی ضرورت نہیں کہ سگنل کے ڈیٹا کے تحفظ کو اولین ترجیح دی جاتی ہے اور اسی کو مدنظر رکھتے ہوئے سیکیورٹی، فیچرز اور دیگر پہلوؤں کو ڈیزائن کیا گیا۔

دوسری جانب سگنل ایپ کی جانب سے بھی اپنے آفیشل اکاؤنٹ پر مارک زکر برگ کے سگنل ایپ استمعال کرنے کی خبر ٹوئٹ کی گئی ہے۔https://twitter.com/signalapp/status/1379284279163686913?s=20
سگنل کی جانب سے ٹوئٹ میں کہا گیا واٹس ایپ کے ٹرمز آف سروس قبول کرنے کی 15 مئی کی ڈیڈلائن قریب آگی ہے، تو مارک زکربرگ مثال قائم کرنے میں سبقت لے گئے ہیں۔

یاد ہےکہ اس ٹوئٹ میں واٹس ایپ کی نئی پرائیویسی پالیسی کا حوالہ دیا گیا ہے جس کا اطلاق پہلے فروری میں ہونا تھا مگر صارفین کے شدید ردعمل کے بعد اسے 15 مئی تک ملتوی کردیا گیا۔

دوسری جانب اینڈرائیڈ اتھارٹی کی جانب سے رابطہ کرنے پر فیس بک کے ایک نمائندے نے اس پر بات کرنے سے انکار کردیا۔

خیال رہے کہ حالیہ دنوں میں جب واٹس ایپ نے اپنی پرائیویسی پالیسی میں تبدیلی کی تو ایسے میں اسے سگنل ایپ کی جانب سے سخت مقابلے کا سامنا ہے اور دنیا بھر میں بڑی تعداد میں سگنل کو ڈاؤنلوڈ کیا جارہا ہے۔

فیس بک کے بانی سمیت 50 کروڑ صارفین کی تفصیلات آن لائن لیک