گزشتہ 70 برس سے خلا میں جانے والے راکٹ، ناکارہ سیٹلائٹ اور دیگرخلائی حادثات سے جو خلائی کاٹھ کباڑ جمع ہوچکا ہے اسے تلف کرنے کے لیے جاپان نے ایک سیٹلائٹ بنایا ہے جو 20 مارچ کو یعنی آج خلا میں بھیجا جائے گا۔

باغی ٹی وی : ایکسپریس کی رپورٹ کے مطابق ایسٹرواسکیل کمپنی کے سیٹلائٹ کا نام ’ اینڈ آف لائف سروسز(ایلسا ڈی)‘ رکھا گیا ہے حقیقت میں یہ سیٹلایٹ دو حصوں میں تقسیم ہے یعنی ایک چھوٹا سیٹلائٹ ہے اور ایک بڑا سیٹلائٹ جسے ’چیزر‘ کہا گیا ہے۔

چھوٹے سیٹلائٹ میں ایک مقناطیسی پلیٹ لگی ہے جس کے ذریعے وہ بڑے سیٹلائٹ سے الگ ہوسکتا ہے اور جڑ سکتا ہے لیکن پہلے سیٹلائٹ جوڑے کو کئی ٹیسٹ سے گزارا جائے گا۔

رپورٹ کے مطابق پہلے مدار میں رہتے ہوئے چھوٹا سیٹلائٹ الگ ہوگا اور بڑا سیٹلائٹ اسے دوبارہ پکڑے گا۔ دوسرے ٹیسٹ میں بڑا سیٹلائٹ چھوٹے کو راہ سے دور ہٹائے گا اور اس کی حرکت کو نوٹ کرتے ہوئے اس کا پیچھا کرکے اسے دوبارہ جوڑے گا۔ ان دونوں کی کامیابی کی صورت میں اب چھوٹا سیٹلائٹ کئی سو میٹر دور جائے گا اور بڑا سیٹلائٹ اسے تلاش کرکے اس سے دوبارہ جڑے گا۔ یہ سارے ٹیسٹ کسی بھی قسم کی انسانی مداخلت کے بغیرخود کار انداز میں ہوں گے۔

ایسٹرواسکیل کمپنی کے مطابق اس سے قبل ایسا خلائی تجربہ نہیں کیا گیا ہے تجربے کے خاتمے پر دونوں سیٹلائٹ زمین کا رخ کریں گے۔ خلا سے فضا میں پہنچیں گے اور اس کی رگڑ اور حدت سے جل کر راکھ ہوجائیں گے۔

فوٹو بشکریہ ایکسپریس
اگلے مرحلے میں یہی سیٹلائٹ خلا میں بھیجا جائے گا اور اپنے تجربات کی روشنی میں ناکارہ سیٹلائٹ یا خلائی کوڑے کے بڑے ٹکڑے کو چپکا کر بڑے سیٹلائٹ تک دھکیلے گا۔ اس طرح ایک وقت میں ایک ناکارہ سیٹلائٹ کو مدار سے نکال کر زمین پر دھکیلا جائے گا۔ اگرچہ یہ محنت طلب اور صبرآزما کام ہے لیکن خلائی کچرے کو صاف کرنے کا اس سے بہتر کوئی اور راستہ دکھائی نہیں دے رہا۔

پھر بعض ممالک خود چاہتے ہیں کہ ان کا ناکارہ یا مدت پوری کرنے والا سیٹلائٹ کسی طرح مدار بدر کردیا جائے انہی ممالک کے اخراجات سے یہ کمپنی آگے کام کرے گی اور خلائی کچرے کو ٹھکانے لگائے گی۔

واضح رہے کہ مدار میں گردش کرتا ہوا کوڑا کرکٹ نہ صرف مزید خلائی مشن کے لیے ایک رکاوٹ بن چکا ہے بلکہ اس کی زد میں آنے والا خلائی اسٹیشن بھی کسی حادثے کا شکار ہوسکتا ہے۔ خلائی کچرے کے لاکھوں کروڑوں ٹکڑے مدار میں بہت تیزی سے سفر کرتے ہیں اور وہ باہر موجود خلانورد کو بھی نقصان پہنچاسکتے ہیں۔

عالمی وبا کورونا وائرس سے بچاؤ کا ایک ہی حل ہے کہ انسان سماجی دوری برقرار رکھے اور ساتھ ہی فیس ماسک کا استعمال کرےکورونا وائرس سے قبل بہت ہی کم لوگ فیس ماسک استعمال کرتے تھے لیکن اب یہ ہماری زندگیوں کا ایک اہم حصہ بن گیا ہے-

دنیا بھر میں گزشتہ چند ماہ میں جدید ٹیکنالوجی سے لیس فیس ماسک پیش کیے جا چکے ہیں جبکہ گزشتہ سال ایک ایسی چیز ایجاد کی گئی ہے جسے خاص طور پر ائیر بون پارٹیکلز (ہوا میں موجود ایسے ذرات جو قدرتی آنکھوں سے نظر نہیں آتے) کے لیے تیار کیا گیاہے جس کا نام ’نوزی‘ ہے۔

’نوزی‘ ایک ایسی ایجاد ہے جو باآسانی آپ کی ناک پر فٹ ہو جاتی ہے جس کے اندر ایسے جدید فلٹرز موجود ہیں جو ہوا میں موجود ذرات کو سانس کے ساتھ پھیپھڑوں میں داخل ہونے سے بچاتے ہیں۔

کمپنی کا دعویٰ ہے کہ ’نوزی‘ ہوا میں موجود مضر مادوں سے بچانے کے لیے بے حد مددگار ثابت ہو گا جب کہ یہ تمام اقسام کے فیس ماسکس سے بھی بہتر ہے۔

’نوزی‘ کو گزشتہ سال مارچ میں پیش کیا گیا تھا جسے دسمبر میں فروخت کے لیے پیش کیا جانا تھا لیکن عالمی وبا کورونا وائرس کی وجہ سے اس کی پیداوار متاثر ہو گئی اور اب اس کی ترسیل اپریل 2021 سے کی جائے گی۔

متعدد اسمارٹ فونز اور سکیورٹی سسٹم میں فنگر پرنٹ سینسرز کا استعمال کیا جاتا ہے جس سے صارفین کی پرائیویسی محفوظ رہتی ہے تاہم اب خبرسامنے آئی ہے کہ معروف کورین ٹیکنالوجی کمپنی اور ماسٹر کارڈ پیمنٹ کارڈز میں بھی بائیو میٹرک سسٹم شامل کرنے والے ہیں۔

باغی ٹی وی : بین الاقوامی خبر رساں ادارے کے مطابق کورین ٹیکنالوجی کمپنی سام سنگ نے ماسٹر کارڈ کے ساتھ ایک ایم او یو (یاداشت) پر دستخط کیے ہیں جس کے تحت دونوں کمپنیاں مل کر پیمنٹ کارڈز میں فنگر پرنٹ سینسرز شامل کریں گی۔

سام سنگ کارڈز میں فنگر پرنٹ سینسر شامل کرنے جارہے ہیں اگرچہ یہ ماسٹر کارڈ کے بائیو میٹرک ادائیگی کارڈ کے مترادف ہے جو کچھ سال پہلے دکھایا گیا تھا ، نئے کارڈز میں سام سنگ کے سسٹم ایل ایس آئی کاروبار سے زیادہ محفوظ چپ سیٹ استعمال ہوگی۔ یہ نئے بائیو میٹرک کارڈ کسی بھی ماسٹر کارڈ چپ یا پی او ایس ٹرمینل پر استعمال کیے جاسکتے ہیں۔

رپورٹ کے مطابق یہ اقدام اس لیے کیا گیا ہے تاکہ اس سے صارفین کا پیمنٹ کا تجربہ محفوظ اور پیسے نکلوانے والے فرد کا پیمنٹ ٹرمنل سے براہ راست فزیکل رابطہ کم سے کم ہو سکے۔

رپورٹس کے مطابق ان بائیو میٹرک کارڈز پر نئے سکیورٹی چپ سیٹ لگے ہوں گے جو کہ سام سنگ سسٹم ایل ایس آئی بزنس کی جانب سے تیار کیے جائیں گے۔

کمپنی کے مطابق اس سسٹم کے تحت صارفین کو پیمنٹ نکالنے کے لیے پن کوڈ ڈالنے کی ضرورت نہیں پڑے گی۔

کمپنی کا کہنا ہے کہ سام سنگ اس سال کے آخر میں کارڈ متعارف کرائے گا لیکن ابتدائی طور پر اسے جنوبی کوریا میں پیش کیا جائے گا سام مسنگ کارڈ ملک کا ایک اہم کریڈٹ کارڈ کاروبار ہے اور آہستہ آہستہ اس کارپوریٹ کریڈٹ کارڈ کے ساتھ اس ٹیکنالوجی کو اپنانا شروع کردے گا جس میں زیادہ بین الاقوامی لین دین ہوں گے۔

خیال رہے کہ ان نئے کارڈز کو سام سنگ کارڈ کا نام دیا گیا ہے جو کہ ابتدائی طور پر جنوبی کوریا میں صارفین کے لیے میسر ہوں گے تاہم سام مسنگ نے تاحال کارڈ کی عالمی سطح پر دستیابی کے بارے میں کوئی تفصیلات نہیں بتائیں-