پاکستان کی نمبر ون ٹک ٹاک اسٹار جنت مرزا نے اپنی انسٹاگرام اسٹوری میں معروف ٹی وی ہوسٹ وقار ذکا کو ٹک ٹاکرز کے خلاف بولنے پر تنقید کا نشانہ بنایا ہے-

باغی ٹی وی : جنت مرزا نے انسٹاگرام اکاونٹ پر جاری اسٹوری پیغام میں وقار ذکا کو مخاطب کرتے ہوئے کہا کہ میرے پیارے وقار ذکا انکل جی بڑی تنقید کر رہے ہو ٹک ٹا کرز صرف ویوز اور ریٹنگ کی خاطر؟

جنت مرزا نے وقار ذکا کو تنقید کا نشانہ بناتے ہوئے لکھا کہ بڑا ہم تک ٹاکرز گندہ پیغام دے رہے ہیں نا نوجوانوں کو تو آپ کی اسنیپ چیٹ اسٹوریز، وی لاگز، ویڈیو کالز، لائیو چیٹس سب نے دیکھ رکھی ہیں اور جو ابھی بھی یوٹیوب پر موجود ہیں۔

جنت مرزا نے شدید غصے کا مظاہرہ کرتے ہوئے وقار ذکاء کو کہا کہ آپ ریٹنگ کے پیچھے اپنی زبان گندی مت کریں انکل جی آپ نے بڑے اچھے کام کئے ہوں گے لیکن پہلے یوٹیوب سے اپنی ویڈیوز ڈیلیٹ کروادیں تاکہ پھر ہمیں جج کرتے اچھے لگیں۔

جنت مرزا نے کہا کہ ہم نے بڑے اچھے کام کئے بڑی امداد کی اور ہمیشہ نیکی کر کے دریا میں ڈالی آپ کی طرح آپ کی طرح ویلاگز نہیں بنائے پہلے آپ خود کو ٹھیک کر لو پھر ہم ٹک ٹاکرز کو بُرا بولنا-

جنت مرزا نے وقار ذکاء کے ساتھ ساتھ ناقدین کو بھی تنقید کا نشانہ بنایا کہا کہ قسم سے ہر کسی نے اپنے مطلب کا اسلام بنایا ہوا ہے جو لوگ ٹک ٹاکرز کو بُرا بولتے ہیں وہ کمنٹ سیکشن میں پھولوں کی بارش کرتے ہیں کہ وہ اللہ کو پسند آ جائیں؟

ٹک ٹاک اسٹار نے کہا کہ یا آپ لوگوں کو لگتا ہے آپ کا یہ گندا اخلاق آپ کو اللہ کے نزدیک لے جائے گا آپ لوگ اپنے الفاط سوچ سمجھ کے بولا کرو کہ آپ کے ان الفاط سے اگلے بندے پر کیا گُزرے گی! اور ایسے کسی کو گالیاں دینے سے اللہ پاک بھی آپ سے خوش نہیں ہوں گے ناراض ہی ہوں گے-

جنت مرزا نے کہا کہ ہر کسی نے اپنی مرضی کا اسلام بنایا ہوا ہے اور کوئی اپنے گریبان میں جھانکے بغیر دوسروں پر تنقید شروع کر دیتا ہے- پہلے اپنے گریبان میں جھانکو خود کو اچھا مسلمان بناؤ پھر مجھے اور باقی تمام ٹک ٹاکرز پر تنقید کرو-

جنت مرزا نے ایک اور تصویر انسٹاگرام شئیر کی جس میں ایک خاتون نے ہاتھوں میں پلیٹ پکڑ رکھی ہے جس میں دماغ رکھا ہوا ہے جنت مرزا نے لکھا کہ پہلے استعما ل(دماغ) کریں پھر بکواس کریں-

Tiktok Ban but these Tiktokers are now posting this https://t.co/z2nvXvTxN8

— Waqar Zaka (@ZakaWaqar) October 13, 2020

واضح رہے کہ پاکستان میں ٹک ٹاک کی پابندی کے بعد وقار ذکا نے ایک ٹوئٹ میں ٹک ٹاکرز کو تنقید کا نشانہ بنایا تھا۔

پاکستان کے شہر فیصل آباد سے تعلق رکھنے والی جنت مرزا ٹک ٹاک ایپ پر ایک کروڑ فالوورز رکھنے والی پہلی پاکستانی ٹک ٹاک اسٹار ہیں جنت مرزا نے ملک کی نمبر ون ٹک ٹاک ماڈل ہونے کا اعزاز بھی اپنے نام کر رکھا ہے۔

ٹک ٹاک اسٹار کا کہنا تھا کہ کبھی نہیں سوچا تھا کہ میں شوق شوق میں یہاں پہنچ جاؤں گی، جب آپ کسی سے حسد نہیں کرتے تو صلہ مل ہی جاتا ہے۔حال ہی میں جنت مرزا نے بلال سعید کے گانے ’شاعر‘ کی ویڈیو میں محمد علی جوش کے ساتھ میوزک ویڈیو میں ڈیبیو کیا تھا۔

علاوہ ازیں جنت مرزا معروف پاکستانی فلم ساز سید نور جلد ایک نئی فلم شائقین کے لیے پیش کریں گے جس کی ہیروئن کا کردار ٹک ٹاک اسٹار جنت مرزا ادا کریں گی-

جنت مرزا نے پاکستان چھوڑنے کا فیصلہ کیوں کیا؟

یا تو اگلے بندے کو شہرت نہ دیں یا پھر ذہنی مریض نہ بنائیں جنت مرزا کی سوشل میڈیا صارفین سے درخواست

صدر مملکت عارف علوی کی اہلیہ خاتون اول ثمینہ علوی نے انکشاف کیا ہے کہ وہ پاکستانی ڈرامے یکساں موضوعات کی وجہ سے بالکل نہیں دیکھتیں انہیں پاکستانی ڈرامے دیکھنے سے ڈپریشن ہوجاتا ہے کیوں کہ ان میں کوئی بھی ڈھنگ کی چیز نہیں دکھائی جاتی۔

باغی ٹی وی :انڈیپینڈنٹ اردو کو دئیے گئے خصوصی انٹرویو میں خاتون اول نے ایون صدر میں قیام کے بارے اور پاکستانی ڈراموں سمیت کئی موضوعات پر گفتگو کی-

انٹر ویو میں خاتون اول نے ایوان صدر میں آمد اور اب تک کے قیام کے بارے میں کئے گئے سوال کے جواب میں کہا کہ انہیں یہاں آنا بہت اچھا لگا۔ ایوان صدر تو ایک طرف لیکن میں نے اللہ تعالی کا شکر ادا کیا کہ اس نے ہمیں اتنا بڑا موقع دیا۔ ہم تو سوچ بھی نہیں سکتے تھے کہ ہم یہاں آئیں گے یہ تو ٹرانزیشن ہے یہ ہمارا گھر تو نہیں ہے۔

انہوں نے انٹرویو میں بتایا کہ وہ یہاں ایک عوامی ذمہ داری کے تحت آئے ہیں۔ جب اللہ تعالی نے اتنا بڑا مقام دیا ہے تو اس بارے میں سوال و جواب بھی ہو گا۔ ایوان صدر انجوائے کر کے آئیں یا کچھ کام بھی کیا۔

ثمینہ علوی نے کہا کہ ملکی معاشی صورت حال کوئی زیادہ اچھی نہیں لہٰذا اس عمارت پر موجودہ حالات میں زیادہ پیسہ خرچ نہیں کیا جا سکتا کفایت شعاری کر کے پھلوں کے درخت لگوائے تاکہ آنے والی نسلیں فائدہ اٹھا سکیں۔

خا تون اول نے کہا کہ ایون صدر کی دیکھ بھال نہیں تھی ملک کی اتنی بڑی اہم ترین عمارت میں پانی لیک ہوتا ہے یہ جگہ نظرانداز شدہ تھی تو میں نے مرمت کروائی اور زیادہ ہریالی کا بندوبست کیا دنیا آتی ہے یہاں پاکستان کی چیز ہے تو اچھا دکھنا چاہیے میں نے یہاں کافی ٹیبلز پر پاکستان کی دلکشی پر مبنی کتابیں رکھوائیں تاکہ دوسرے ممالک کے لوگ اور سفیر یہاں کی خوبصورتی دیکھ سکیں۔

انٹر ویو میں پاکستانی ڈراموں سے متعلق بات کرتے ہوئے خاتون اول نے ا نکشاف کیا کہ وہ پاکستانی ڈرامے یکساں موضوعات کی وجہ سے بالکل نہیں دیکھتیں انہیں پاکستانی ڈرامے دیکھنے سے ڈپریشن ہوجاتا ہے کیوں کہ ان میں کوئی بھی ڈھنگ کی چیز نہیں دکھائی جاتی۔

ثمینہ علوی کے مطابق پاکستانی ڈراموں میں کوئی بھی تعمیری کام نہیں کیا جا رہا اور انہوں نے اس مسئلے پر کچھ ٹی وی شخصیات سے بات بھی کی تو کہتے ہیں دیگر موضوع ریٹنگ نہیں دیتے لیکن میرے خیال میں آپ اچھی چیز بنائیں گے تو لوگ ضرور سراہیں گے۔

انہوں نے ملک میں نئی نسل میں منشیات کے استعمال کو بھی ڈراموں سے جوڑتے ہوئے کہا کہ اسی وجہ سے منشیات کا استعمال بڑھ رہا ہے۔

خاتون اول کا کہنا تھا کہ وہ البتہ ڈراموں جگہ ٹاک شوز ابھی بھی باقاعدگی سے دیکھتی ہیں-

ملک میں جنسی زیادتی کے واقعات پر انہیں بھی شدید تشویش ہے اور کہتی ہیں کہ ماسوائے کسی سخت اقدام کے اس پر شاید قابو نہ پایا جا سکے ہمیں کوئی ایسا مضبوط قدم لینا چاہیے جس سے آدمی کو شاک لگے تاہم یہ شاک یا دھچکہ کس قسم کا ہو سکتا ہے اس کی انہوں نے وضاحت نہیں کی۔

ایک سوال کے جواب میں انہوں نے پاکستان ٹیلی وژن (پی ٹی وی) پر نشر ہونے والے ترک ڈرامے ’ارطغرل غازی‘ کی تعریف کی اور کہا کہ وہ اچھا ڈرامہ ہے اور اس میں کسی بھی چیز کو غیر مہذب طریقے سے نہیں دکھایا گیا۔

خاتون اول نے انٹرویو میں وزیر اعظم عمران خان کی اہلیہ بی بی بشریٰ کی تعریف کرتے ہوئے انہیں مہذب شخصیت کی مالک خاتون قرار دیا اور کہا کہ انہوں نے ان کے ساتھ ہر موضوع پر کھل کر اور اچھے طریقے سے بات کی۔

بیگم ثمینہ علوی نے وزیر اعظم کی اہلیہ کے حوالے سے عام عوام میں پائے جانے والے خیالات کو غلط قرار دیا اور کہا کہ وہ ہر موضوع پر اچھی دسترس رکھتی ہیں اور ان کی شائستہ گفتگو سے ان کی مہذبانہ شخصیت کا اقرار ہوتا ہے انٹرویو میں انہوں نے پاکستان تحریک انصاف (پی ٹی آئی) کے سربراہ اور وزیر اعظم عمران خان کی بار بار تعریف بھی کی-

انٹرویو کے دوران انہوں نے صدر مملکت سے سیاسی مسائل پر ہونے والی بحث پر بھی بات کی اور بتایا کہ وہ اپنے شوہر کو صوبہ سندھ کے دارالحکومت کراچی کے مسائل کے حوالے سے آگاہ کرنے سمیت انہیں حل کرنے کے لیے کہتی رہتی ہیں۔

انہوں نے بتایا کہ ان کی تینوں بیٹیاں اور بیٹا بھی دندان ساز ہے اور وہ اب پریکٹس کر رہے ہیں جب کہ بیٹے سمیت بڑی بیٹی کو سیاست میں بہت زیادہ دلچسپی بھی ہے۔

خاتون اول کے مطابق ان کی بڑی بیٹی اپنے خاندان سمیت دبئی میں مقیم ہیں جہاں وہ بطور ڈینٹسٹ کام کر رہی ہیں اور ساتھ ہی وہ سیاست میں بھی دلچسپی رکھتی ہیں۔

خیال رہے کہ ثمینہ علوی اپنے شوہر کے ہمراہ ستمبر 2018 میں کراچی سے اسلام آباد ایوان صدر منتقل ہوئی تھیں۔

ان کے شوہر عارف علوی 4 ستمبر 2018 کو پاکستان کے 13 ویں صدر منتخب ہوئے تھے، اس سے قبل وہ جولائی 2018 میں ہونے والے عام انتخابات میں کراچی سے رکن قومی اسمبلی منتخب ہوئے تھے تاہم پارٹی نے انہیں صدر بنانے کا فیصلہ کیاعارف علوی نے قومی اسمبلی کی نشست چھوڑ کر عہدہ صدارت سنبھالا تھا اور وہ ستمبر میں اہل خانہ سمیت ایوان صدر منتقل ہوگئے تھے۔

ہم ٹی وی نے عوامی ٹی وی پر سنسکرت میں ہندوؤں کے مذہبی اشلوکس کی نمائش کیوں کی ؟

اسکرین پر خواتین کو بولڈ اور نیم عریاں انداز میں دکھانا ان کی تذلیل ہے آرٹ نہیں…

ایک کروڑ فا لوورز رکھنے والی پاکستانی ٹک ٹاک اسٹار جنت مرزا کا کہنا ہے کہ مجھے نہیں معلوم تھا کہ میری زبان سے نکلا ہر جملہ نیوز چینلز کی ہیڈ لائن بنے گا۔

باغی ٹی وی :سوشل میڈیا ویب سائٹ انسٹاگرام پر اسٹوری میں جنت مرزا نے اپنا پیغام جاری کرتے ہوئے لکھا کہ مجھے نہیں معلوم تھا کہ میری زبان سے نکلا ہر جملہ نیوز چینلز کی ہیڈ لائنز بنے گا۔

جنت مرزا نے اپنی انسٹا اسٹوری میں طنزیہ انداز اپناتے ہوئے لکھا کہ میں نے جاپان منتقل ہونے کی بات کیا کی ماشاءاللہ سے میرے پیارے بہن بھائیوں نے اتنا پیار دیا نا کہ مجھے خوشی سے ساری رات نیند نہیں آتی تھی-

ٹک ٹاک اسٹار نے طنزیہ کہا کہ کیا بات ہے آپ لوگوں کی پہلے خود ہی شہرت دیتے پیار دیتے ہیں پھر جب بندہ مشہور ہو جائے تو اُسے گرانے کی ہر ممکن کوشش کرتے ہیں –

اُنہوں نے سوشل میڈیا صارفین سے سوالیہ انداز میں پوچھا کہ کیوں بھئی ایسا کیوں ہے-

جنت مرزا نے کہا کہ یا تو آپ لوگ کسی شہرت نہ دیں یا پھر ایسے اگلے بندے کو ڈپریشن کا مریض مت بنائیں-

واضح رہے کہ گزشتہ دنوں جنت مرزا نے سوشل میڈیا پر ’سوال و جواب‘ کے وائرل ٹرینڈ میں حصہ لیتے ہوئے اپنی ایک انسٹاگرام پوسٹ میں مداحوں کو سوال کرنے کی دعوت دی تھی اس ٹرینڈ میں شامل ہوتے ہوئے جنت مرزا کے مداحوں نے اپنی پسندیدہ ٹک ٹاکر سے مختلف سوالات کئے جس کے انہوں نے دلچسپ جواب دیئے۔

ایک صارف نے جنت سے پاکستان کے حوالے سے پوچھا جس کے جواب میں انہوں نے لکھاتھا کہ وہ جلد ہی پاکستان چھوڑ دیں گی کیونکہ پاکستان پیارا ہے لیکن یہاں کے لوگوں کی ذہنیت اچھی نہیں ہے-

جنت مرزا نے پاکستان چھوڑنے کا فیصلہ کیوں کیا؟

پاکستانی ماڈل و اداکارہ آمنہ الیاس نے سوشل میڈیا پر سابقہ ماڈل آمنہ حق کو موٹا کہنے کے حوالے سے اپنی وضاحت پیش کی ہے-

باغی ٹی وی : آمنہ الیاس آج کل رنگ گورا کرنے والی کریمز کی تشہیر پر تنقید کررہی ہیں اور سانولے رنگ اورموٹی جسامت والے افراد کی حمایت میں سوشل میڈیا پر آواز بُلند کرتے دکھائی دے رہی ہیں-

گزشتہ دنوں انسٹاگرام پر جاری ایک ویڈیو میں آمنہ الیاس نے باڈی شیمنگ کے خلاف ایک ویڈیو جاری کی تھی لیکن انہیں خود ہی اپنی ایک پرانی ویڈیو پر تنقید کا سامنا کرنا پڑگیا –

داکارہ نے کہا تھا کہ سانولی رنگت اور موٹاپا کوئی مذاق نہیں ہے بلکہ یہ ایک بیماری ہے اور میری جنگ ہے اس بیماری کے ساتھ اور میں جب تک زندہ ہوں۔اتنی دیر میں کمرے کا دروازہ کھلتا ہے اور ایک خاتون آمنہ سے کہتی ہیں کہ ’آمنہ کوئی آیا ہے‘ جس پر وہ پوچھتی ہیں کہ ’کون آیا ہے امی؟
https://www.instagram.com/p/CGSFmssn0SD/?igshid=tqv9wkuqsug2
جواب میں خاتون کہتی ہیں کہ وہی کالا موٹا سا تیرا دوست۔

ویڈیو کے کیپشن میں انہوں نے لکھا تھا کہ یہ سب گھر سے شروع ہوتا ہے رنگت اور موٹاپے سے متعلق مذاق اڑانے کی یہ پرانی اسکرپٹ ایک سے دوسری نسل میں منتقل ہوگئی ہے اور ہمیں لازمی طور پر مزید منتقل نہیں کرنا چاہیے۔

باڈی شیمنگ کے خلاف ویڈیو پیغام جاری کرنے کے بعد آمنہ الیاس کو ماضی میں آمنہ حق سے متعلق بیان پر تنقید کا نشانہ بنایا گیا۔

جبکہ سوشل میڈیا پر حسن شہریار یاسین(ایچ ایس وائے) ٹاک شو کا ایک پرانا ویڈیو کلپ بھی زیر گردش ہے جس میں ماڈلز آمنہ الیاس اور صدف کنول سیلیبریٹی کا نام بتانے کا ایک گیم کھیلتی دکھائی دے رہی ہیں۔
https://www.instagram.com/p/CGSraaWnr7z/?utm_source=ig_embed
ویڈیو میں دیکھا گیا کہ جب پاکستان کی سابق سپرماڈل آمنہ حق سے متعلق پوچھا گیا تو آمنہ الیاس نے نشاندہی کی کہ ان کے وزن میں حیران کن طور پر اضافہ ہوا ہے۔

اس کے ساتھ ہی ویڈیو میں آمنہ الیاس اور صدف کنول کو اس تبصرے کے بعد خوشی کا اظہار کرتے ہوئے دیکھا گیا۔

ویڈیو وائرل ہونے کے بعد ماڈل آمنہ حق نے بھی آمنہ الیاس کے اس بیان پر ردعمل دیتے ہوئے اپنی انسٹاگرام اسٹوری میں کہا کہ چند لوگوں نے مجھے ایک چیز میں ٹیگ کیا جس میں ایک ماڈل /اداکارہ نے مجھ سے متعلق بات کی۔

انہوں نے کہا تھا کہ سچ بولا جانا چاہیے اگر میرے بارے میں اس باڈی شیمنگ سے کسی کی زندگی میں خوشی آتی ہے تو آئے۔

آمنہ حق نے مزید لکھا تھا کہ ناخوش لوگ مہربانی اور شفقت کی بجائے نفرت کی طرف راغب ہوتے ہیں۔

سوشل میڈیا ہر جاری اس پوسٹ کے بعد آمنہ حق اور صدف کنول کو تنقید کا نشانہ بنایا گیا اور صارفین نے دونوں ماڈلز سے مطالبہ کیا کہ وہ آمنہ حق سے معافی مانگیں-
https://www.instagram.com/p/CGUybwhHSIb/?igshid=1ffehneaez65t
بعدازاں آمنہ الیاس کی جانب سے ایک اور ویڈیو جاری کی گئی جس میں وہ گاڑی میں کہیں جانے کے لئے تیار بیٹھی ہیں انہوں نے کہا کہ کیا منافقت؟ آپ کیا کہ رہے ہو؟ کہ میں نے کہا میں نے کہا، میں نے کیا کہا؟ کس نے موٹا کہا ؟ وہ تو میں ہوں ہی نہیں-

سماجی رابطے کی ویب سائٹ انسٹاگرام پر ماڈل آمنہ الیاس نے ایک طویل ویڈیو شیئر کی ہے جس میں انہوں نے سابقہ ماڈل آمنہ حق کو موٹا کہنے کے حوالے سے اپنی وضاحت پیش کی۔

انسٹاگرام پر شیئر کردہ ویڈیو کے آغاز میں آمنہ الیاس نے کسی کو آواز دے کر اُن کے لیے پراٹھا لانے کو کہا اُس کے بعد انہوں نے لوگوں کو مخاطب کرتے ہوئے کہا کہ آپ لوگوں سے مجھے کوئی بات نہیں کرنی کیونکہ میں آپ لوگوں کی وجہ سے ساری رات نہیں سو سکی ہوں-
https://www.instagram.com/tv/CGZ1xPmHzcZ/?igshid=nto0b4jqmxvb
آمنہ الیاس نے کہا کہ دو سال پہلے میں نے کسی کو موٹا کہا تو یہ سچ نہیں ہے، ٹی وی، میڈیا، بلاگرز ان سب کو نظر انداز کریں سچ کیا ہے میں آپ لوگوں کو بتاتی ہوں۔

انہوں نے بتایا کہ ’ہمارا ایک نعمان نامی باورچی تھا جو کہ معذور تھا لنگڑاتا تو میں اُسے’’لولا نومی‘‘ کہہ کر بلاتی تھی جبکہ اُس وقت میں 6 برس کی تھی، میری کزن کے ہاں بیٹی پیدا ہوئی تو دو سال تک میں نےاُسے گود میں نہیں اُٹھایا کیونکہ وہ بہت کمزور تھی تب میری عمر 12 سال تھی میرے ایک اسکول ٹیچر توتلے تھے تو میں اُن سے تتلا کر ہی گفتگو کرتی تھی اُس وقت میں 15 سال کی تھی اس کے علاوہ میرابہترین دوست کہتا کہ تم مجھے اتنا اگنور کیوں کرتی ہو تو میں اسے کہتی کہ تم ٹڈے سے ہو نظر ہی نہیں آتے-

انہوں نے مزید کہا کہ میں نے اپنی ہمسائی سے کہا بال لگوا لے اپنی کام والی سے کہا کہ دانت لگوا لے اور میری بہن کا دوست شال میں ایک دن ملنے آیا تو میں نے اُسے کیہا وہ دیکھو شام میں رات آئی ہے سوچو میں کسی کو کالا کہہ رہی ہوں-

آمنہ الیاس نےکہا کہ میں نے اپنی زندگی میں کبھی کسی کوموٹا نہیں کہا بلکہ اُس کی جگہ ہاتھی سانڈاور گینڈے جیسے الفاظ ضرور استعمال کیےہیں۔

انہوں نے کہا کہ میں نے اپنی پچھلی ویڈیو میں آپ لوگوں سے کہا تھا کہ ’وہ میں نہیں ہوں‘ تو میں نے ٹھیک کہا تھا کیونکہ وہ میں ہوں نہیں بلکہ وہ میں تھی۔

اداکارہ نے کہا کہ ’ماں کے پیٹ سے کوئی بھی تمیز سیکھ کر نہیں آتا اور اب برائے مہربانی یہ نہیں بولئے گا کہ آپ لوگوں نے کبھی ایسی باتیں نہیں کیں۔

انہوں نے کہا کہ لیکن مجال ہے آپ لوگ کسی اور کو دوسرا موقع دو- انہوں نے کہا طنز کرتے ہوئے کہا کہ اس نے 1947 میں غلط بات کی تھی اور آج یہ صحیح بات کیسے کر سکتی ہے ؟ اسے شرم آنی چاہیئے اس کی ہمت کیسے ہوئی؟-

انہوں نے اپنی ویڈیو میں سابق ماڈل آمنہ حق کو مخاطب کیا اور کہا کہ آمنہ حق، جو میں نے کیا اسے بدل نہیں سکتی، میں اس درد کو ختم نہیں کرسکتی جو شاید میں نے آپ کو پہنچایا ہو لیکن میں ہر دن خود کو بہتر بنانے کی کوشش کررہی ہوں۔

اور مداحوں سے کہا کہ آپ سب کے لیے آخری بار کہہ رہی ہوں وہ میں نہیں تھی۔

اپنی بات ختم کرنے کے بعد انہوں نے طنزیہ اور مزاحیہ انداز میں بنی اس ویڈیو میں اپنے پاس رکھی پلیٹ میں موجود پراٹھے کو دیکھا اور کہا کتنا موٹا پراٹھا ہے یہ تو جل کر کالا بھی ہوگیا ہے۔

آمنہ الیاس رنگ گورا کرنے والی کریموں کی تشہیر کرنے والی اداکاراؤں پر برہم

آمنہ الیاس کا گہری رنگت کے حوالے سے ایک اہم پیغام

سہانا خان کو رنگ پر تنقید کا سامنا ، سوشل میڈیا صارفین نے کالی چڑیل کہہ دیا

رنگ گورا کرنے والی 59 میں سے 57 کریموں میں کینسر پیدا کرنے والے عناصر شامل ہوتے ہیں زرتاج گُل

پاکستان شوبز انڈسٹری کی خوبرو اور باصلاحیت اداکارہ ہانیہ عامر نے اپنے سوشل میڈیا پیغام میں مداحوں کی غلط فہمی دور کرتے ہوئے کہا کہ اُنہوں نے اپنے ہونٹوں کی سرجری نہیں کروائی ہے۔

باغی ٹی وی : خوبصورت اور منفرد نظر آنے کے لیے اداکاراؤں کی جانب سے میک اپ سے لےکر سرجری کرانا کوئی نئی بات نہیں یوں تو شوبز سے وابستہ شخصیات کی جانب سے اپنی خوبصورتی میں اضافہ کرنے کے لیے زیادہ تر ہونٹوں کی سرجری کرائی جاتی ہے جو تقریباً ہر اداکارہ کراچکی ہے۔

تاہم کبھی کبھی ایسا بھی ہوتا ہے کہ اداکارائیں اس قدر منفرد نظر آتی ہیں کہ ان پر سرجری کا شبہ ہونے لگتا ہے تاہم درحقیقت انہوں نے سرجری نہیں کرائی ہوتی۔

ایسی ہی کچھ خبریں گزشتہ مہینے سے ادکارہ ہانیہ عامر کے حوالے سے گردش کررہی تھیں کہ انہوں نے ہونٹوں کی سرجری کروالی ہے۔

گزشتہ ماہ سوشل میڈیا پر ہانیہ عامر کی کچھ تصاویر وائرل ہوئی تھیں جنہیں دیکھ کر ایسا معلوم ہورہا تھا کہ اداکارہ نے بھی ہونٹوں کی سرجری کروائی ہے تاہم اب انہوں نے غلط فہمی دور کرتے ہوئے کہا کہ اُنہوں نے اپنے ہونٹوں کی سرجری نہیں کروائی ہے۔

سوشل میڈیا ویب سائٹ انسٹاگرام پر ہانیہ عامر نے اسٹوری میں اپنی ایک ویڈیو شیئر کرتے ہوئے کہا کہ گزشتہ دنوں سے مجھے تنقید کا نشانہ بنایا جا رہا ہے کہ میں نے اپنے ہونٹوں کی سرجری کروائی ہے جس کی وجہ سے میرے ہونٹ عجیب سے ہوگئے ہیں۔

ہانیہ عامر نے ویڈیو میں کہا کہ ان کے دوست نے انہیں بتایا کہ جس فلٹر کی وجہ سے وہ بدنام ہورہے ہیں تو اس میں اسکیل کو پکڑ کر نیچے لائیں تو ہونٹ نارمل ہوجاتے ہیں۔

ہانیہ عامر کے مطابق انہیں ایپ میں موجود فلٹر میں اس چیز کا علم نہیں تھا اور انہوں نے خود کو احمق بھی قرار دیا۔

واضح رہے کہ کچھ عرصہ قبل ہانیہ عامر کی جانب سے انسٹاگرام پر کچھ اسٹوریز شیئر کی گئی تھیں جن میں اُن کے ہونٹ معمول سے ہٹ کر موٹے نظر آرہے تھے ہانیہ عامر کی جانب سے شیئر کی گئی اسٹوریز خوب وائرل ہوئیں اور انٹرنیٹ صارفین کی جانب سے اُنہیں تنقید کا نشانہ بنایا گیا۔
https://www.instagram.com/p/CE7a-lHByFX/?utm_source=ig_embed
چند انسٹا صارفین کا کہنا تھا چند صارفین کی جانب سے کہا جا رہا تھا کہ ہانیہ عامر نے ویڈیو بنانے کے لیے انسٹا کیمرے کا ایک فلٹر کا استعمال کیا ہے جبکہ چند صارفین کا کہنا تھا کہ ہانیہ عامر نے پلاسٹک سرجری کروائی ہے جس کے نتائج کچھ ٹھیک نہیں آئے ہیں۔

ہانیہ عامر کی حالیہ وائرل تصاویر پر سوشل میڈیا صارفین کی تنقید