پاکستان شوبز انڈسٹری کی معروف اور تمغہ امتیاز اداکارہ مہوش حیات اور نامور فیشن ڈیزائنرحسن شہریار یاسین (ایس ایچ وائے) آسکرسلیکشن کمیٹی 2020 کا حصہ بن گئے۔

باغی ٹی وی :مہوش حیات نے سماجی رابطے کی ویب سائٹس پر آسکر کی سلیکشن کمیٹی کا حصہ بننے کی خبر شیئرکرتے ہوئے کہا کہ مجھے رواں سال دو بار آسکر ایوارڈ یافتہ شرمین عبید چنائے کے ساتھ پاکستان کی آسکرسلیکشن کمیٹی کا حصہ بننے کا اعزاز حاصل ہوا ہے۔
https://www.instagram.com/p/CGF6XFrH1yd/?utm_source=ig_embed
مہوش حیات نے کہا میں آسکرکے لیے نامزد ہونے والی پاکستانی فلموں کو دیکھنے اور ان میں سے کسی ایک فلم کو پاکستان کی جانب سے آسکرکی نامزدگی کے لیے منتخب کرنے کا انتظارکررہی ہوں۔ کم از کم یہ ایک راستہ ہے جس کے ذریعے ہم اپنے ملک کی مثبت امیج اوراپنے ملک کا ٹیلنٹ دنیا کے سامنے نمایاں کرسکتے ہیں۔ انشا اللہ۔

دوسری معروف ڈیزائنر اور اداکار حسن شہر یار یاسین (ایچ ایس وائے) نے بھی گزشتہ روز سماجی رابطے کی ویب سائٹس پر اپنی پوسٹ کے ذریعے آسکر سلیکشن کمیٹی کا حصہ ہونے پر خوشی کا اظہار کیا اور کمیٹی کے مزید ممبران کے بارے میں بتاتے ہوئے کہا کہ کمیٹی کی سربراہی 2 مرتبہ اکیڈمی ایوارڈ اور ایمی جیتنے والی دستاویزی فلم سازی شرمین عبید چنائے کریں گی۔
https://www.instagram.com/p/CGFCHzwBsxn/?utm_source=ig_embed
انہوں نے مزید لکھا کہ کمیٹی میں فلم ڈائریکٹر اسد الحق، اداکارہ مہوش حیات اور موسیقار فیصل کپاڈیہ شامل ہیں۔

خیال رہے کہ آسکر کے لیے پاکستان، بھارت، ایران، ترکی اور افغانستان سمیت دنیا کے تمام ممالک میں قائم کمیٹیاں ہی اپنے اپنے ممالک کی کسی ایک فلم کو ‘غیر ملکی’ زبان کی کیٹیگری کے لیے منتخب کرتی ہیں۔

انفرادی ملک کی اکیڈمی سلیکشن کمیٹی کی منتخب کردہ فلمیں اسکریننگ، شارٹ لسٹنگ اور ووٹنگ کے لیے آسکر حکام کو بھیجی جاتی ہیں جو بعد میں حتمی نامزدگیوں کا اعلان کرتے ہیں۔

ممالک کی جانب سے نامزدگیوں کے بعد اکیڈمی ایوارڈز کی موشن پکچرز آرٹس اینڈ سائنسز اکیڈمی ایوارڈز کی تمام کیٹیگریز کے لیے حتمی نامزدگیوں کا انتخاب کیا جاتا ہے اور بعدازاں حتمی نامزدگیوں کی فہرست جاری کی جاتی ہے-

ایوارڈز عموماً ہرسال فروری میں منعقد ہوتے ہیں تاہم رواں برس جون میں آسکر دینے والے ادارے دی اکیڈمی آف موشن پکچرز آرٹس اینڈ سائنس اور اے بی سی ٹیلی وژن نیٹ ورک نے کورونا کی وبا کے باعث آسکر ایوارڈز کی تقریب کو 2 ماہ کے لیے مؤخر کردیا تھا۔

آسکر اکیڈمی اور اے بی سی ٹیلی وژن نیٹ ورک انتظامیہ نے تصدیق کی تھی کہ اب ایوارڈز کی تقریب اپریل 2021 میں ہوگی۔

93 ویں آسکرایوارڈز کی تقریب فروری کے آخر میں منعقد ہونا تھی تاہم اب اسے 25 اپریل 2021 کو منعقد کیا جائے گا نامزدگیوں کا اعلان 15 مارچ کو کیا جائے گا جب کہ اکیڈمی 15 اپریل تک نامزد ہونے والی فلموں کی حتمی فہرست جاری کردے گی۔

کورونا وائرس کے باعث گولڈن گلوب ایوارڈ کی تقریب موخر

کورونا وائرس: فلمی دنیا کے سب سے معتبر ایوارڈ کی تقریب 2 ماہ کے لئے موخر

پاکستان ٹیلی کمیونکیشن اتھارٹی (پی ٹی اے) کی جانب سے پاکستان میں نامناسب اور غیراخلاقی مواد کو ہٹانے میں ناکامی پر سوشل میڈیا ایپلی کیشن ٹک ٹاک پر 9 اکتوبر سے پابندی لگادی گئی ہے۔

باغی ٹی وی :ملک میں ٹک ٹاک کی بندش پر عوام کی جانب سے ملے جلے ردعمل کا اظہار کیا گیا جبکہ پاکستان میں سب سے زیادہ ایک کروڑ فالوورز رکھنے والی ٹک ٹاکرجنت مرزا نے پاکستان میں ٹک ٹاک پر پابندی کی حمایت کرتے ہوئے کہ میں خود چاہ رہی تھی کہ پاکستان میں ٹک ٹاک پر پابندی لگے تاہم یہ پابندی مستقل بنیادوں پر نہیں ہونی چاہیے۔
https://www.instagram.com/p/CGIMO3fF-NL/?utm_source=ig_embed
پاکستان ٹیلی کمیونکیشن اتھارٹی (پی ٹی اے) کی جانب سے پابندی لگانے کے بعد جنت مرزا نے جاپان سے پاکستان مختلف ٹی وی چینلز سے ٹیلی فونک گفتگو کرتے ہوئےکہ میں اس وقت جاپان میں ہوں اور مجھے پاکستان سے کال آئی تھی کہ وہاں ٹک ٹاک پر پابندی لگادی گئی ہے-

ٹک ٹاک اسٹار نے کہا کہ میں خود چاہ رہی تھی کہ ٹک ٹاک پر پابندی عائد ہو تاہم یہ پابندی مستقل بنیادوں پر نہیں ہونی چاہیے میری نظر میں یہ ایک بہت اچھا قدم ہے کیونکہ گزشتہ کچھ دنوں سے ٹک ٹاک پر کافی زیادہ بدتمیزی ہورہی تھی۔

انہوں نے کہا کہ اگر یہ عارضی طور پر بند کی گئی ہے تو میرے خیال سے اب قواعد و ضوابط کے ساتھ ہی ٹک ٹاک پر سے پابندی ہٹائی جانی چاہیے۔

جنت مرزا کا کہنا تھا کہ اگر ٹک ٹاک پر مستقل پابندی عائد کی گئی تو یہ مناسب نہیں ہے کیونکہ ٹک ٹاک پر کافی لوگ اپنی صلاحیتوں کا مظاہرہ کررہے تھے انہیں مختلف آفرز مل رہی تھیں اور وہ اپنا کیریئر بنارہے تھے۔

جنت مرزا نے مزید کہا کہ پاکستان میں ٹک ٹاک کو مانیٹر کرنے والی ٹیم ہونی چاہیے اور یہ ٹیم ہر ویڈیو کو پوسٹ ہونے سے قبل دیکھے جو ویڈیو معیاری ہو اسے نشر ہونے دے اس طرح ٹیلنٹ کو فروغ دینے میں مدد ملے گی اگر یہ پابندی مستقل بنیادوں پر لگی رہی تو یہ غلط ہوگا، باقاعدہ ضابطہ اخلاق کے بعد ویڈیوز کو نشر ہونے دینا چاہیئے-

واضح رہے کہ 9 اکتوبر کو پاکستان ٹیلی کمیونیکیشن اتھارٹی (پی ٹی اے) کی جانب سے جاری بیان میں کہا گیا تھا کہ ٹک ٹاک دی گئی مدت کے دوران ایپلی کیشن سے نامناسب اور غیراخلاقی مواد کو ہٹانے میں ناکام رہا جس کی وجہ سے ہی ٹک ٹاک کو ملک میں بند کیا جا رہا ہے پی ٹی اے کے مطابق چینی ایپلی کیشن کی انتظامیہ کو بار بار متنازع اور نامناسب مواد ہٹانے کے لیے ہدایات جاری کی گئیں، تاہم ایپ انتظامیہ ایسا کرنے میں ناکام رہی تاہم اب پاکستان ٹیلی کمیونکیشن اتھارٹی (پی ٹی اے )نے ایپلیکیشن پر پابندی عائد کر دی ہے-

ٹک ٹاک پر پابندی کے خلاف مبشر لقمان کا بڑا اعلان

جنت مرزا ایک کروڑ فالوورز رکھنے والی پہلی پاکستانی ٹک ٹاک اسٹار بن گئیں

ایک کروڑ فالوورز مکمل ہونے کی خوشی میں جاپان میں جنت مرزا اور اُن کی فیملی کے اعزاز میں خصوصی تقریب کا انعقاد

پاکستان ٹیلی کمیونکیشن اتھارٹی (پی ٹی اے) کی جانب سے پاکستان میں نامناسب اور غیراخلاقی مواد کو ہٹانے میں ناکامی پر سوشل میڈیا ایپلی کیشن ٹک ٹاک پر 9 اکتوبر سے پابندی لگادی گئی ہے۔

باغی ٹی وی : 9 اکتوبر کو پاکستان ٹیلی کمیونیکیشن اتھارٹی (پی ٹی اے) کی جانب سے جاری بیان میں کہا گیا تھا کہ ٹک ٹاک دی گئی مدت کے دوران ایپلی کیشن سے نامناسب اور غیراخلاقی مواد کو ہٹانے میں ناکام رہا جس کی وجہ سے ہی ٹک ٹاک کو ملک میں بند کیا جا رہا ہے۔

پی ٹی اے کے مطابق چینی ایپلی کیشن کی انتظامیہ کو بار بار متنازع اور نامناسب مواد ہٹانے کے لیے ہدایات جاری کی گئیں، تاہم ایپ انتظامیہ ایسا کرنے میں ناکام رہی تاہم اب پی ٹی اے نے ایپلیکیشن پر پابندی عائد کر دی ہے جس پرملک میں ٹک ٹاک کی بندش پر عوام کی جانب سے ملے جلے ردعمل کا اظہار کیا گیا وہیں نامور اور سینئیر اینکر پرسن مبشر لقمان کا بھی رد عمل سامنے آیا ہے-

I plan to go to court against the ban of #TIKTOK in #Pakistan.
For more details follow us at https://t.co/vp02QYEf0P…

— Mubasher Lucman (@mubasherlucman) October 10, 2020

مبشر لقمان نے ٹک ٹاک پر پابندی کے حوالے سے سماجی رابطے کی ویب سائٹ ٹویٹر پر اپنے پیغام میں کہا کہ وہ پاکستان میں ٹک ٹاک پر پابندی کے خلاف عدالت میں جانے کا ارادہ رکھتے ہیں انہوں اس کے بارے میں مزید تفصیلات جاننے کے لئے اپنے یوٹیوب چینل کی ویڈیو کا لنک شئیر کیا-

پاکستان شوبز انڈسٹری کی ورسٹائل اور صف اول کی اداکارہ ماہرہ خان کی سُرخ عروسی لباس میں تصاویرنے سوشل میڈیا پر دھوم مچا دی-

باغی ٹی وی: پاکستان شوبز انڈسٹری کی ورسٹائل،دلکش اور ہر دلعزیز اداکارہ ماہرہ خان کے نئے برائیڈل فوٹو شوٹ کی تصویریں سوشل میڈیا پر وائرل ہو رہی ہیں جس میں اداکارہ سرخ رنگ کے خوبصورت عروسی لباس میں ملبوس ہیں اور انتہائی دلکش دکھائی دے رہی ہیں-

اداکارہ ماہرہ خان کی وائرل تصویروں میں اُنہوں نے سُرخ لباس کے اور سبز دوپٹے کے ساتھ سبز رنگ کی دلکش جیولری کا انتخاب کیا ہے جو اُن پر خوب جچ رہی ہے اور اداکارہ کی دلکشی میں مزید چار چاند لگا رہی ہے۔
https://www.instagram.com/p/CGIWk-aFfJU/
ماہرہ خان یہ نیا برائیڈل شوٹ ڈیزائنر محسن نوید رانجھا کے لیے مکمل کروایا ہے جسے مداحوں کی جانب سے خوب پسند کیا جا رہا ہے۔
https://www.instagram.com/p/CGIWutMl3hI/
https://www.instagram.com/p/CGIWjHGFEO-/
سُرخ لباس کے علاوہ بھی دوسرے عروسی لباس اور بھاری جیولری میں ماہرہ خان کے برائیڈل شوٹ کی دیگر تصاویر سوشل میڈیا پر مقبول ہو رہی ہیں جن میں اداکارہ خوبصورت دکھائی دے رہی ہیں-
https://www.instagram.com/p/CGIPgCOFwdJ/?utm_source=ig_embed
اس سے قبل ماہرہ خان نے آخر اپنے مداحوں کواپنی انسٹاگرام پوسٹ کے ذریعے بتا یا تھا کہ اُن کا پہلا پیار کون ہے۔ ماہرہ خان نے اپنی دوست انیسی کی سالگرہ پر سالگرہ کی مبارکباد دیتے ہوئے لکھا تھا کہ میری انسیہ دوست نہیں پہلا پیار ہو تم جان سے زیادہ عزیز ہو تم، میرے جگر کا ٹکراہو تم ہمیشہ خوش رہو۔

اداکارہ نے اپنی سہیلی انسیہ فیصل کو مخاطب کرتے ہوئے مزید لکھا کہ سالگرہ مبارک ہو، صرف تمہاری ماہرہ۔

ماہرہ خان نے اپنے پیغام میں لکھا تھا کہ یہ گانا اور یہ تصویر مجھے ہم دونوں کی یاد دلاتی ہے جب ہم آپ کی بالکونی میں کھڑے ہوکر ہماری زندگیوں کے بارے میں بات کررہے ہوتے تھے ہم ہمیشہ ایک دوسرے کے ساتھ رہیں گے۔

سوشل میڈیا پیغام میں ماہرہ خان نے اپنے پہلے پیار کا نام بتا دیا

پاکستان شوبز انڈسٹری کے اداکار حمزہ علی عباسی نے اپنی نئی آنے والی فلم کے بارے میں دعوی کیا ہے کہ ان کی آنے والی فلم ’دی لیجنڈ آف مولا جٹ‘ پاکستانی فلم ’فلم جوانی پھر نہیں آنی‘ کو بھی پیچھے چھوڑ دے گی۔

باغی ٹی وی :حمزہ علی عباسی نے حال ہی میں لندن سے تعلق رکھنے والے پاکستانی چینل کو انٹرویو دیا ہے جس میں انہوں نے اپنی آنے والی فلم اور ڈرامہ ارطغرل سمیت شوبز کے کئی موضوعات پر باتیں کی ہیں –

فلموں میں آئٹم نمبرز کے حوالے سے بات کرتے ہوئے حمزہ علی عباسی نے کہا آئٹم نمبرز مذہبی نقطہ نظر اور سیکیولر نقطہ نظر سے صحیح نہیں ہیں۔ انہوں نے آئٹم نمبرز سے متعلق اپنے خیالات بتاتے ہوئے کہا آپ عورت کی اسکرین پر توہین نہیں کرسکتے اور آپ اسے آرٹ کہتے ہیں۔

میزبان نے ان سے پوچھا کہ لوگ کہتے ہیں آپ نے ٹوئٹر پر فالوورز خریدے ہیں کیا یہ سچ ہے جس کے جواب میں حمزہ علی عباسی نے ہنستے ہوئے کہا اگر میں فالوورز خریدتا تو مجھے ٹوئٹر پر 31 لاکھ فالوورز کرنے میں سات سال کا عرصہ نہیں لگتا۔ کیونکہ آپ خرید کر 6 ماہ میں 10 ملین تک فالوورز بڑھاسکتے ہیں اور اگر میں واقعی فالووورز خریدتا تو کم از کم 10 ملین تو خریدتا۔

حمزہ علی عباسی نے اپنی آنے والی فلم ’دی لیجنڈ آف مولا جٹ‘ کے بارے میں بات کرتے ہوئے کہا کہ میں اس فلم کولے کر بہت پرجوش ہوں کیونکہ یہ فلم بلال لاشاری کی ہدایت کاری میں بنی ہے اس کے علاوہ اس فلم کی عمدہ کہانی اور عمدہ اسکرین پلے ہے اس لیے مجھے لگتا ہے یہ فلم ’جوانی پھر نہیں آنی‘ کو بھی پیچھے چھوڑد ے گی۔

انٹرویو کے دوران حمزہ علی عباسی نے ترک ڈرامے ’ارطغرل غازی‘ کے حوالے سے اپنے خیالات کا اظہار کرتے ہوئے کہا اس بات سے خوش ہوں کہ کچھ ایسا بھی آیا جس نے بغیر آئٹم نمبر کے زبردست کامیابی حاصل کی۔

واضح رہے کہ حمزہ علی عباسی، فواد خان، ماہرہ خان اور حمائمہ ملک کی فلم ’دی لیجنڈ آف مولاجٹ‘ کی ریلیز تنازعات کے باعث مسلسل تاخیر کا شکار رہی۔ پروڈیوسرز اس فلم کو رواں سال عیدالفطر پر ریلیز کرنے کا ارادہ رکھتے تھے لیکن کورونا کے باعث اس کی ریلیز ایک بار پھر ملتوی کردی گئی۔

یاد رہے کہ 2015 میں ریلیز ہونے والی واسع چوہدری ،احمد علی بٹ ،ہمایوں سعید اور حمزہ علی عباسی کی فلم ’جوانی پھر نہیں آنی‘ اس وقت کی کامیاب ترین فلم تھی جس نے بزنس کے تمام ریکارڈز توڑ دئیے تھے۔ اس فلم نے دنیا بھر میں 50 کروڑ سے زائد کا بزنس کیا تھا۔

پاکستان شوبز انڈسٹری کی نامور اور معروف اداکارہ حریم فاروق نے سوشل میڈیا پر خوبصورتی سے متعلق ایک پیغام شیئر کیا ہے-

باغی ٹی وی : اکثر اوقات خوبصورتی صرف صاف رنگت تیکھے نقوش اور دبلے پتلے سراہے کو سمجھا جاتا ہے مگر اداکارہ حریم فاروق کی نظر میں ان کے علاوہ بھی شخصیت کے دو پہلو ایسے ہیں جو انسان کو خوبصورت بناتی ہیں-

اداکارہ حریم نے اپنی خوبصورت تصاویر اپنے سماجی رابطے کی ویب سائٹ انسٹاگرام پر شیئر کرتے ہوئے خوبصورتی سے متعلق ایک معنی خیز پیغام بھی لکھا ہے-
https://www.instagram.com/p/CGDM7E0lBiH/
اپنی پوسٹ میں خوبصورتی سے متعلق ایک پیغام میں اپنے مداحوں کو مخاطب کرتے ہوئے اداکارہ نے لکھا کہ ڈارلنگ، خود اعتمادی اور عقلمندی آپ کو خوبصورت نظر آنے سے نہیں روک سکتی، کبھی بھی نہیں۔

حریم فاروق کی دلکش تصویر اور پیغام پر اُن کے مداحوں کی جانب سے اُنہیں خوب سراہا جا رہا ہے ۔

اس سے قبل خوبصورتی اور اپنی گہری رنگت کے حوالے سے ایک اہم پیغام جاری کیا تھا انہوں نے کہا تھا کہ میری گہری رنگت مجھے ناکام نہیں کرسکتی اور نہ ہی مجھے میرے کسی بھی مقصد میں گرا سکے گی۔

آمنہ الیاس نے کہا تھا کہ میری جلد چاہے جیسی بھی ہو مجھے اس سے کوئی فرق نہیں پڑتا میں اپنے مقاصد کو حاصل کرنے کے لیے ہر ممکن کوشش کروں گی اور اُنہیں حاصل کرکے رہوں گی-

اداکارہ و ماڈل نے اپنی ایک پوسٹ میں ساتھی اداکاراؤں پر برہمی کا اظہار کرتے ہوئے لکھا تھا کہ انڈسٹری سے وابستہ میری کچھ ساتھی اداکارائیں پیسوں کی خاطر ایک عرصے سے رنگ گورا کرنے والی کریم کی تشہیر کر رہی ہیں۔

انہوں نے کہا تھا کہ عوامی شخصیت ہونے کے ناطے ہمارا یہ کام ہے کہ ہم دوسرے کو اس کی خوبصورتی کا احساس کرائیں نہ کہ اسے شرمندہ کریں کہ وہ خوبصورت نہیں ساتھ ہی انہوں نے یہ بھی کہا کہ اس طرح کی فکر کو پروان چڑھانے والوں کو شرم آنی چاہے۔

آمنہ الیاس رنگ گورا کرنے والی کریموں کی تشہیر کرنے والی اداکاراؤں پر برہم

آمنہ الیاس کا گہری رنگت کے حوالے سے ایک اہم پیغام

سہانا خان کو رنگ پر تنقید کا سامنا ، سوشل میڈیا صارفین نے کالی چڑیل کہہ دیا

اداکارہ آمنہ الیاس اور اداکار داور محمود نے شادی کی خبروں کی تردید کردی