بھارتی لیجنڈ اداکار دلیپ کمار نے پشاور کے قصہ خوانی بازار میں واقع اپنے آبائی گھر کی یادیں شیئر کی ہیں۔

باغی ٹی وی :حال ہی میں خیبرپختونخوا حکومت نے پشاور میں واقع بھارتی لیجنڈ اداکاروں دلیپ کمار اور راج کپور کے گھروں کی دوبارہ تزئین و آرائش کرکے انہیں میوزیم میں تبدیل کرنے کا فیصلہ کیا ہے اس خبر کو سن کر دلیپ کمار اور ان کی اہلیہ نے بہت زیادہ خوشی کا اظہار کیا-

دلیپ کمار نے چند روز قبل پشاور کے شہریوں سے ان کے آبائی گھر کی تصاویر شیئر کرنے کی بھی درخواست کی تھی اور اب سماجی رابطے کی ویب سائٹ ٹوئٹر پر ان کے ٹوئٹر اکاؤنٹس سے چند سلسہ وار ٹوئٹس کی گئی ہیں جن میں انہوں نے پشاور والے گھر میں گزارے گئے وقت اور اپنے بچپن کی حسین یادیں لوگوں کے ساتھ شیئر کی ہیں-
https://twitter.com/TheDilipKumar/status/1311557282883272704?s=20
دلیپ کمار نے لکھا کہ مجھے والدین ، ​​دادا دادی اور بہت سے ماموں ، خالہ اور چچا زاد بھائیوں کے ایک ساتھ رہنے کے دنوں کی تمام لمحات ابھی تک یاد ہیں جن کی چہچہاہٹ اور ہنسی کی آوازیں گھر میں گونجتی رہتی تھیں-
https://twitter.com/TheDilipKumar/status/1311557427398025216?s=20
انہوں نے لکھا کہ ہمارے پشاور والے گھر میں میری والدہ ہمیشہ بڑے سے کچن میں مصروف رہتی تھیں اس وقت میں بہت چھوٹا تھا اور انتظار کرتا تھا کہ کب میری والدہ کچن کے کام ختم کریں تاکہ میں ان کے ساتھ بیٹھ کر ان کا خوبصورت چہرہ دیکھ سکوں۔
https://twitter.com/TheDilipKumar/status/1311558293144301568?s=20
دلیپ کمار نے لکھا کہ مجھے اس گھر کا وہ کمرہ یاد ہے جہاں تمام گھر والے شام کی چائے کے لیے جمع ہوتے تھے۔ وہ ایک کشادہ کمرہ تھا اور اسی کمرے میں خواتین عبادت کرتی تھیں۔ اس کے علاوہ مجھے اس گھر کا ٹیرس، کمرے اور ہر چیزیاد ہے۔
https://twitter.com/TheDilipKumar/status/1311558860524535808?s=20
لیجنڈ اداکار نے لکھا کہ مجھے واضح طور پر یاد ہے اپنے دادا کی پیٹھ پر بیٹھ کر سواری کرنا اور وہ خوفناک کہانیاں جو دادی مجھے سناتی تھیں تاکہ میں اکیلے باہر نہ جاؤں۔
https://twitter.com/TheDilipKumar/status/1311559198266650625?s=20
دلیپ کمار نے لکھا کہ میرے پاس قصہ خوانی بازار کے گھر کی خوبصورت یادیں ہیں جہاں مجھے اپنی زندگی کا پہلا سبق ملا جس نے بعد میں مجھے اسکرپٹ منتخب کرنے میں رہنمائی کی۔
https://twitter.com/TheDilipKumar/status/1311559428915621888?s=20
انہوں نے لکھا کہ ہر روز جب قصہ خوانی بازار میں تجارت بند ہوتی تھی تو ایک کہانی سنانے والا بہادری، فتح، فریب اور انتقام کی داستانیں بیان کرتا تھا جنہیں میں اپنے والد اور انکل کے ساتھ بیٹھ کر بڑی توجہ سے سنتا تھا۔
https://twitter.com/TheDilipKumar/status/1311693693242339330?s=20
علاوہ ازیں دلیپ کمار نے اردو میں ٹوئٹ کرکے ان تمام لوگوں کا شکریہ ادا کیا جنہوں نے ان کی خواہش پر ان کے آبائی گھر کی تصویریں شیئر کی تھیں۔

واضح رہے کہ دلیپ کمار کی پیدائش پشاور کے حالیہ علاقے قصہ خوانی بازار میں 1922 میں مسلمان گھرانے میں ہوئی تھی اور ان کا اصل نام محمد یوسف ہے۔دلیپ کمار کو ان کی فلمی خدمات پر حکومت پاکستان نشان امتیاز سے بھی نواز چکی ہے۔اسی طرح راج کپور کی پیدائش پشاور کے حالیہ علاقے حویلی دلگران میں ہندو خاندان میں 1924 میں ہوئی تھی۔

دونوں با لی وڈ لیجنڈز کے علاوہ بھی دیگر چند با لی وڈ شخصیات پشاور اور خیبرپختونخوا کے دیگر علاقوں میں پیدا ہوئی تھیں جب کہ متعدد شخصیات حالیہ پاکستان کے دیگر صوبوں پنجاب، سندھ اور بلوچستان کے کچھ علاقوں میں بھی پیدا ہوئی تھیں۔

دلیپ کمارنے کی پی حکومت سے پشاور میں واقع آبائی گھر کی تصاویر شیئر کرنے کی درخواست کردی

دلیپ کمار کے آبائی گھر کو میو زیم میں تبدیل کرنے پر اہلیہ سائرہ بانو کی خیبرپختونخوا حکومت کی تعریف

خیبرپختونخوا حکومت نے پشاور میں موجود دلیپ کمار اور راج کمار کے گھروں کو میوزیم میں تبدیل کرنے کا فیصلہ کرلیا

پاکستان شوبز انڈسٹری کی معروف ترین ماڈل و اداکارہ ایمن خان نےانسٹاگرام پر سب سے زیادہ فالوورزرکھنے والی پاکستانی اداکارہ کا خصوصی ایوارڈ اپنے نام کر لیا جس پر انہوں نے بے حد خوشی کا اظہار کیا-

باغی ٹی وی : گزشتہ روزہم ٹی وی نیٹ ورک کی جانب سے ’ہم سوشل میڈیا ایوارڈز‘ کی تقریب منعقد کی گئی ا جس میں سوشل میڈیا پر مقبول اور متحرک رہنے والے اسٹارز جنہیں ’سوشل میڈیا اسٹارز‘ بھی کہا جاتا ہے کو ایوارڈز دئیے گئے۔

ہم سوشل میڈیا ایوارڈز کے دوران جہاں مختلف کیٹگریزمیں ایوارڈز دئیے گئے وہیں اداکارہ ایمن خان کو انسٹاگرام پر سب سے زیادہ فالوورز رکھنے والی اداکارہ کا خصوصی ایوارڈ دیا گیا۔

اداکارہ ایمن خان کو ایوارڈ دیتے وقت انسٹاگرام پران کے فالوورزکی تعداد 7.3 ملین یعنی 73 لاکھ تھی جو کہ اب بڑھ کر 7.4 ہوچکی ہے۔
https://www.instagram.com/p/CF2f5vZD8-5/
ایمن خان تقریب میں اپنے شوہرمنیب بٹ کے ہمراہ شریک ہوئیں انہوں نے ایوارڈ کے ساتھ اپنی تصویر انسٹاگرام پر شیئر کرتے ہوئے خوشی کا اظہار کیا اور ایوارڈ کواپنے مداحوں، فیملی اوردوستوں کے نام کرتے ہوئے ہم ٹی وی سمیت تمام لوگوں کا شکریہ ادا کیا۔

واضح رہے کہ احد رضامیر اور سجل علی کو مقبول ترین آن اسکرین اورآف اسکرین جوڑی، عاطف اسلم اور آئمہ بیگ کو سوشل میڈیا پر مقبول ترین میوزک آرٹسٹ، فہد مصطفیٰ کو مقبول ترین ٹیلی ویژن میزبان، پاکستانی نژاد کینیڈین یوٹیوبرزید علی کو مقبول ترین کانٹینٹ کری ایٹر، سجل علی کو مقبول اداکارہ، احد رضامیر کو مقبول اداکار، سعدیہ خان کو مقبول ترین فی میل ماڈل، شہزاد نورکو مقبول ترین میل ماڈل اورشاہد آفریدی کو مقبول ترین اسپورٹس کی شخصیت کے ، گلیکسی لالی وڈ کو مقبول ترین سوشل میڈیا پورٹل ،وائس اوور مین کو مقبول ویب شو ،زینب چوٹھانی کو مقبول ڈیزائنر،جے ڈاٹ کو مقبول برانڈ اور قاسم اسلم کو مقبول ترین میک اپ آرٹسٹ کے ایوارڈ سے نوازا گیا۔

https://www.instagram.com/p/CF2XQd3jz2r/

https://www.instagram.com/p/CF2XBJ9DzDP/

پاکستان شوبز انڈسٹری کی معروف و مقبول اداکارہ عائزہ خان کی نئی تصویر سوشل میڈیا پر وائرل ہو رہی ہیں جسے مداحوں کی جانب سے خوب سراہا جا رہا ہے-

باغی ٹی وی : ڈرامہ سیریل پیارے افضل سے شہرت حاصل کرنے والی اور میرے پاس تم ہو اور مہر پوش جیسے ڈراموں میں لازوال اداکاری کی بدولت مداحوں کے دلوں میں گھر کرنے والی والی خوبرو اور باصلاحیت اداکارہ عائزہ خان نے سماجی رابطے کی ویب سائٹ انسٹاگرام پر اپنی ایک نئی تصویر پوسٹ کی ہے-

عائزہ خان کی جانب سے شئیر کی گئی تصویر میں اداکارہ کی صرف ایک آنکھ نظر آرہی ہے جبکہ اُنہوں نے اپنی دوسری آنکھ بالوں سے چُھپائی ہوئی ہے۔
https://www.instagram.com/p/CF14RIAB-lK/
عائزہ خان نے تصویرشئیر کرتے ہوئے کیپشن میں کسی کو مخاطب کیے بغیر لکھا کہ میری نظر تُم پہ ہے۔

اداکارہ کی تصویر دیکھ کر نہ صرف اُن کے مداح اُن کی خوبصورتی کی تعریف کر رہے ہیں بلکہ ساتھی اداکارائیں بھی عائزہ خان کی خوب تعریفیں کررہی ہیں۔

https://www.instagram.com/p/CF1YnuXBvOk/
اس کے علاوہ عائزہ خان نے اپنی ایک اور تصویر بھی پوسٹ کی جس میں اداکارہ بستر پر موجود ہیں-

اداکارہ نے انسٹاگرام پر ایک ویڈیو شئیر کی جس میں انہوں نے خود کو مداحوں کی جانب سے دی جانے والی محبت پر مداحوں کا شکریہ ادا کیا-

اداکارہ نے مداحوں کا شکریہ ادا کرتے ہوئے کہا کہ مجھے وہ تمام پیغامات نظر آتے ہیں جو آپ لوگ مجھے روزانہ بھیجتے ہیں اور میں جانتی ہوں کہ آپ سب مجھ سے کتنا پیار کرتے ہیں۔
https://www.instagram.com/p/CF3-Vo9BYi9/
عائزہ خان نے کہا کہ لیکن بدقسمتی سے میں ان میں سے ہر ایک کو ہمیشہ جواب نہیں دے سکتی کیونکہ میں ہمیشہ اپنے کام میں مصروف رہتی ہوں اور اس کے بعد میری فیملی کو بھی وقت دینا پڑتا ہے جس کی مجھے بھی ضرورت ہے۔

لہذا میں نے اپنے آؤٹ ورک سے قبل صبح سویرے صرف آپ کے لئے یہ پیغام ریکارڈ کیا ، یہ بتانے کے لئے کہ میں اپنے سب مداحوں سے کتنا پیار کرتی ہوں اورآپ کی محبت اور احترام میرے لئے بہت معنی رکھتا ہے۔

عائزہ خان کی اس ویڈیو پر مداح خوشی کا اظہار کر رہے ہیں اداکارہ نے یہ ویڈیو ایک گھنٹہ قبل اپلوڈ کی ہے جسے اب تک 1 لاکھ 12 ہزار سے زائد لوگ دیکھ چکے ہیں-

پاکستان،بھارت اور چین کی دلچسپ کہانی ’تاریخ کے مسافر،کی شوٹنگ جاری ڈرامہ جلد ہی شائقین کو محفوظ کرنے کے لئے نشر کیا جائے گا- جس میں اداکارہ حنا دل پذیر بطوراندراگاندھی اور علی خان بطور ذوالفقار علی بھٹو جلوہ گر ہوں گے۔

باغی ٹی وی : پاکستان،بھارت اور چین کی دلچسپ کہانی ’تاریخ کے مسافر ‘کی شوٹنگ کا آغاز کر دیا گیا ہے اور شوٹںگ تیزی سے جاری ہے ڈرامےکا مرکزی خیال عمیر ہارون کا ہے ڈرامے کی شوٹنگ مقامی یونی ورسٹی میں جاری ہے۔

ڈرامے میں شوبز انڈسٹری کی نامور اداکارہ حنا دل پذیرسمیت سہیل ہاشمی، عمیر ہارون اور علی خان نے شوٹنگ میں حصہ لیا-

ڈرامے میں جس میں اداکارہ حنا دل پذیر بطوراندراگاندھی اور علی خان بطور ذوالفقار علی بھٹو جلوہ گر ہوں گے جبکہ عمیر ہارون ہٹلر کا کردار ادا کریں گے-

جبکہ ڈرامے میں سہیل ہاشمی چینی انقلابی لیڈر کی حیثیت سے نظر آئیں گے-

ڈرامے کو ڈائریکٹر اسامہ سعید نے ڈائریکٹ کیا ہے-

مذکورہ سیاسی اور دلچسپ تاریخی ڈرامے کا ناظرین کونے چینی سے انتظار ہے ۔

لاہور کی سیشن عدالت نے پاکستانی عالمی شہرت یافتہ گلوکار اور اداکار علی ظفر کے گلوکارہ میشا شفیع کے خلاف ہتک عزت کے دعوے پر میشا شفیع اوران کےگوہواں کوجرح کےلیے طلب کرلیا۔

باغی ٹی وی : ایڈیشنل سیشن جج کے رخصت پرہونےکے باعث ڈیوٹی جج نے کیس پرسماعت کی وکلاء نے عدالت کو بتایا کہ میشا شفیع اوران کے گواہوں کے بیانات پر جرح ہونی ہے تاہم فاضل جج رخصت پرہیں ۔

عدالت نے میشاشفیع اور ان کے گواہوں کو طلب کرتے ہوئے سماعت10 اکتوبر تک ملتوی کر دی۔

علی ظفر نے میشاشفیع کے خلاف 100 کروڑ روپے ہرجانے کا دعویٰ دائر کر رکھا ہے۔

علی ظفر کا مؤقف ہے کہ میشا شیع نےجنسی ہراساں کرنے کا جھوٹا الزام لگا کر ان کی شہرت اورساکھ کو نقصان پہنچایا ہے-

واضح رہے کہ :پاکستان کے عالمی شہرت یافتہ گلوکار و اداکار علی ظفر کےخلاف سوشل میڈیا پر مہم چلانے کے الزام میں 9 افراد کے خلاف ایف آئی آر درج کی گئی تھی جن میں میشا شفیع ، عفت عمر ،لینہ غنی،حسیم الزمان ، عفت عمر، حمنہ رضا، ماہم جاوید، علی گل پیر، فریحہ ایوب اور سید فیضان رضا شامل ہیں-

خیال رہے کہ نومبر 2018 میں علی ظفر نے ایف آئی اے سائبر کرائم ونگ میں شکایت درج کروائی تھی جس میں انہوں نے الزام لگایا تھا کہ کئی سوشل میڈیا اکاؤنٹس ان کے خلاف ‘توہین آمیز اور دھمکی آمیز مواد’ پوسٹ کررہے ہیں۔انہوں نے اپنے دعوے کی حمایت میں ٹوئٹر اور فیس بک اکاؤنٹس کی تفصیلات بھی فراہم کی تھیں۔

علی ظفر نے الزام لگایا تھا کہ اپریل 2018 میں میشا شفیع کی جانب سے جنسی ہراسانی کے الزام سے ہفتوں قبل کئی جعلی اکاؤنٹس نے گلوکار کے خلاف مذموم مہم کا آغاز کیا تھا۔گلوکار و اداکار نے کہا تھا کہ ان میں سے اکثر جعلی اکاؤنٹس مبینہ طور پر میشا شفیع سے منسلک تھے۔ایف آئی آر میں کہا گیا کہ میشا شفیع علی ظفر کے خلاف اپنے (جنسی ہراسانی کے) الزام کی حمایت میں کوئی گواہ پیش کرنے میں ناکام ہوگئی تھیں۔

علی ظفر کے خلاف نفرت انگیز مہم چلانے کے مقدمے میں اداکارہ عفت عمر نے عبوری ضمانت کروالی

علی ظفر کےخلاف سوشل میڈیا پر مہم چلانے کے الزام میں میشا شفیع اور عفت عمر سمیت 9 افراد کے خلاف ایف آئی آر درج

آج کا ڈرامہ بے ہودہ اور مخصوص کہانیوں میں پھنس کر رہ گیا ہےجن میں رشتوں کا مذاق…

پاکستان میں جنسی زیادتی کا شکار ہونے والے افراد کو معاشرے کی جانب سے کئے جانے والے سلوک پر ایک سچی کہانی پر مبنی مختصر فلم ‘بلیو-دی کلائیڈو اسکوپ ریلیز کردی گئی۔

باغی ٹی وی :بلیو-دی کلائیڈو اسکوپ کے عنوان سے جاری اس فلم میں یہ بتایا اور دکھایا گیا ہے کہ ایک طرف جہاں ریپ کا شکار ہونے والے افراد صدمے سے گزرتے ہیں تو دوسری جانب معاشرے کا رویہ بھی متاثرہ فرد اور اس کے خاندان کو دکھ سے دوچار کرتا ہے۔
https://www.instagram.com/tv/CEwR4zunMeV/
9 منٹ 24 سیکنڈ پر مشتمل اس مختصر فلم میں ایک خاتون کی کہانی ہے جو 10 برس کی عمر میں ریپ کا شکار ہوتی ہے اور اس ہولناک واقعے کی ویڈیو انٹرنیٹ پر وائرل کی جاتی ہے اور وہ بڑے ہونے کے بعد بھی صدمے میں رہتی ہے۔

فلم میں دکھایا گیا ہے کہ 10 سالہ بچی کے ساتھ پیش آنے والے واقعے کی وجہ سے متاثرہ بچی اور اس کے اہلخانہ کو کس کرب سے گزرنا پڑا۔
https://www.instagram.com/p/CFrWSTTnZ6Q/
یہ مختصر فلم سال 2015 میں پاکستان کے ایک دیہات میں 10 سالہ بچی کے ساتھ ریپ پر مبنی ہے جسے 4 افراد کی جانب سے ریپ کا نشانہ بنانے کے بعد ویڈیو آن لائن وائرل کی گئی تھی۔
https://www.instagram.com/p/CFvAN_uHwsz/
جب یہ ویڈیو بی بی سی اردو کو موصول ہوئی تھی تو ان کی جانب تحقیق بھی کی گئی تھی بعدازاں پولیس نے ملزمان کو گرفتار بھی کیا تھا اور انہیں ریپ، اغوا کے جرم اور ویڈیو شیئر کرنے کے جرم میں سزا سنائی گئی تھی۔

فلم میں ریپ کا شکار ہونے والی زہرہ نامی لڑکی کا کردار اداکارہ سندس شاہین نے ادا کیا ہے اور وہ کہتی ہیں کہ ایسے واقعات کو سننے اور اسے محسوس کرنے میں فرق ہے۔

انڈیپنڈنٹ اردو کو دئیے گئے انٹرویو میں سندس شاہین نے کہا کہ متاثرہ لڑکی کا کردار ادا کرتے ہوئے ایک سین میں مجھے بہت زیادہ چیخنا تھا، ان کا کہنا تھا کہ میں نے اس کیفیت سے نکل نہیں سکی اور سین مکمل ہونے کے باوجود میں اس سے باہر نہیں آسکی تھی۔

انہوں نے کہا کہ میرے ہاتھ، پاؤں جیسے بے جان ہوگئے تھے۔

سندس شاہین کا کہنا تھا کہ جنسی زیادتی کا شکار ہونے والے افراد اگر خاموش رہیں تو وہ اندر ہی اندر مرجاتے ہیں لیکن اگر وہ آواز اٹھائیں تو ان کے ارد گرد موجود لوگ انہیں مار دیتے۔

‘بلیو-دی کلائیڈو اسکوپ’ کے لکھاری اور ڈائریکٹر دانیال افضل خان نے بتایا کہ سال 2018 کے آغاز میں قصور میں زینب نامی بچی کے ساتھ پیش آنے والے واقعے کے بعد انہیں یہ فلم بنانے کا خیال آیا تھا۔

دانیال افضل خان نے کہا کہ انہوں نے سوچ لیا تھا کہ اب مزید چپ نہیں رہنا بلکہ ریپ کے واقعات کا ذکر جو ہمارے معاشرے میں ایک ٹیبو بنا ہوا ہے اسے ختم کرنا ہے۔

دانیال افضل خان نے کہا کہ کورونا وائرس کی وجہ سے فلم کی ریلیز میں تاخیر ہوئی لیکن حال ہی میں موٹر وے پر ریپ کا واقعہ سامنے آیا تھا تو میں نے سوچا اس فلم کو اب ریلیز کرنے کا یہی وقت ہے۔

پاکستان شوبز انڈسٹری کی معروف اداکارہ اور ماڈل سائرہ یوسف کی نئی لُک نے مداحوں کے دل جیت لئے-

باغی ٹی وی:اداکارہ و ماڈل سائرہ یوسف کی بہن پلوشہ یوسف نے اُن کا ہیئر اسٹائل تبدیل کردیا جس نے سوشل میڈیا صارفین کے دل جیت لیے۔
https://www.instagram.com/p/CFwiXMHpW7G/
سماجی رابطے کی ویب سائٹ انسٹاگرام پر سائرہ یوسف نے اپنی ایک نئی تصویر پوسٹ کی جس میں اداکارہ نے اپنا ہیئر اسٹائل تبدیل کروایا ہے جبکہ تصویر میں اداکارہ کا چہرہ واضح نظر نہیں آرہا۔

سائرہ یوسف نے تصویر کے کیپشن میں اپنی چھوٹی بہن پلوشہ یوسف کو ٹیگ کیا جس کا مطلب ہے کہ اداکارہ کا یہ نیا ہیئر اسٹائل اُن کی بہن نے بنایا ہے۔

اداکارہ کی اس تصویر پر اُن کے مداح تعریف کئے بغیر نہیں رہ سکے اور اُنہیں ’کوئین‘ اور ’اینجل‘ قرار دے رہے ہیں۔ جبکہ جچھ صارفین نے اداکارہ سے پوچھا کہ وہ کون سا شیپمو استعمال کرتی ہیں مداحوں کی بے پناہ تعریفوں سے لگتا ہے کہ مداحوں کو اداکارہ کا نیا روپ بھا گیا ہے-

اداکارہ کے نئے لُک کو سمانتھا سٹیفن نے بھی خوبصورت قرار دیا-

واضح رہے کہ رواں سال مارچ میں شوبز انڈسٹری کی مقبول جوڑی شہروز سبزواری اور سائرہ یوسف نے شادی کے 8 برس بعد ایک دوسرے سے راہیں جدا کرلی تھیں۔

شنیرا اکرم کی نئی تصویر کے سوشل میڈیا پر چرچے

آمنہ الیاس کا گہری رنگت کے حوالے سے ایک اہم پیغام

ہانیہ عامر کی منگنی ٹوئٹر پر ٹرینڈ بن گئی

صبا قمر کے خوبصورت برائیڈل شوٹ کی تصاویر سوشل میڈیا پر وائرل

ترک اداکارہ کو پاکستانی برانڈ بھا گیا