پاکستان شوبز انڈسٹری کی معروف فنکار جوڑی ایمن خان اور منیب بٹ نے اپنی بیٹی امل کی پہلی سالگرہ دھوم دھام سے منائی جس میں نامور شوبز ستاروں نے بھی شرکت کی-

باغی ٹی وی : پاکستانی معروف فنکار جوڑی ایمن خان اور منیب بٹ کی بیٹی امل کی پہلی سالگرہ کی تقریب کی تصاویر سماجی رابطے کی ویب سائٹ انسٹاگرام پر تصاویر اور ویڈیوز وائرل ہور ہی ہیں جس میں دیکھا جاسکتا ہے کہ شوبز انڈسٹری کی اس معروف جوڑی نے اپنی بیٹی کی پہلی سالگرہ بڑے ہی دھوم دھام سے منائی ہے-

https://www.instagram.com/p/CFVU5x1BK50/?igshid=1p1j4573rj6wp
https://www.instagram.com/p/CFVOzPphV9c/?igshid=dxiyqyfn1ajt
https://www.instagram.com/p/CFVH7UOhxdS/?igshid=17238tcv5t2ws
امل کی پہلی سالگرہ کی تقریب میں نامور شوبز ستاروں نے بھی شرکت کی جن میں سارہ خان، فلک شبیر، صبور علی، نور ظفر خان، مومل شیخ، ندا یاسر، حسن حیات، یاسر حسین،سید جبران شاہ اور شہزاد شیخ سمیت دیگر فنکار بھی شامل ہیں جنہوں نے تقریب کو خوب انجوائے بھی کیا-

انسٹاگرام تصاویر
واضح رہے کہ ایمن خان اور منیب بٹ کی بیٹی امل گزشتہ ماہ 30 اگست کو ایک برس کی ہوئی تھیں اور محرم الحرم کی بناء پر اس جوڑی نے گھر میں ایک چھوٹی سی تقریب کرکے امل کی سالگرہ کا کیک کاٹا تھا تاہم یوم عاشور کے دن سالگرہ منانے پر انہیں تنقید کا سامنا کرنا پڑا تھا۔

ایمن اور منیب کی جانب سے شیئر کی گئی تصاویر پر جہاں اُن کے مداحوں کی جانب سے امل کو ڈھیر ساری مبارک باد اور دعائیں دی گئی تھیں وہیں کچھ مداحوں کی جانب سے ایمن اور منیب کو امل کی سالگرہ 10 محرم الحرام کے دن منانے پر تنقید کا نشانہ بھی بنایا گیا۔

مداحوں کی جانب سے کمنٹ کرتے ہوئے کہنا تھا کہ اُنہیں معلوم ہے کہ ایمن اور منیب کی بیٹی کی پہلی سالگرہ ہے مگر اُنہیں آج کے دن کے احترام کا بھی خیال رکھنا چاہیے تھا ۔

ایمن اور منیب بیٹی امل کی سالگرہ منانے پرصارفین کی تنقید کی زد میں

پاکستان شوبز انڈسٹری کے عالمی شہرت یافتہ معروف گلوکاراور اداکار علی ظفر نے اپنے خلاف سوشل میڈیا پر نازیبا زبان استعمال کرنے والوں کے خلاف ایف آئی اے سائبر کرائم ونگ میں درخواست دی ہے۔

باغی ٹی وی :علی ظفرکوحکومت پاکستان کی جانب سے پرائڈ آف پرفارمنس ملنے پرتنقید کا نشانہ بنایا جا رہا ہے اورسوشل میڈیا پر ان کے خلاف انتہائی نازیبا الفاظ اوران کی تصاویرغیر اخلاقی ویڈیوز کلپ کے ساتھ شیئر کی جارہی ہیں۔ اس کے علاوہ سوشل میڈیا پر میشا شفیع کے اسکینڈل کو پھرسے نمایاں کرکے کہا جارہا ہے کہ وہ پرائڈ آف پرفارمنس کے حق دار نہیں بلکہ ان کے خلاف کارروائی کی جائے۔

کچھ لوگوں نے فیس بک اور ٹوئٹرسمیت یوٹیوب پر ان کے مخصوص گانوں اور فلموں کے سینز کو ایڈٹ کرکے نازیبا الفاظ کے ساتھ وائرل کردیا ہے اور یہ سلسلہ تواترکے ساتھ جاری ہے۔

جس پر علی ظفر نے ایف آئی اے کو جو درخواست دی ہے اور اس کے ساتھ یہ ثبوت بھی فراہم کیے ہیں اور ان ثبوتوں کی بنیاد پر ایف آئی اے سائبر کرائم ونگ نے تحقیقات شروع کی ہیں۔

اس سلسلے میں ایڈیشنل ڈائریکٹرسائبر ونگ لاہور ابوزر سبطین کا کہنا ہے کہ انہیں علی ظفر کی جانب سے درخواست موصول ہوئی ہے اور قانون کے مطابق اس پر کارروائی کریں گے۔

دوسری جانب ایف آئی اے ذرائع نے بتایا کہ علی ظفر کے خلاف میشا شفیع کو جنسی طور پر ہراساں کرنے کے کیس کی تحقیقات بھی ایف آئی اے سائبرونگ ہی کررہا ہے جو آخری مراحل میں ہے۔ جلد ہی اس کیس میں ملوث افراد کو گرفتارکر کے قانون کے تحت کارروائی عمل میں لائی جائے گی اس کیس میں پاکستان ڈرامہ انڈسٹری اور شوبز سے وابستہ کئی افراد اس حوالے سے اپنا بیان ریکارڈ کرا چکے ہیں۔

اس سے قبل عورت مارچ، عورت آزادی مارچ، ویمن ایکشن فورم اور تحریک نسواں کی جانب سے صدر مملکت عارف علوی اور وزیراعظم عمران خان کو لکھے گئے خط میں علی ظفر کو سول ایوارڈ دینے سے متعلق فیصلے پر نظر ثانی کرنے کو کہا گیا ہے۔اس میں کہا گیا کہ صدارتی دفتر کی جانب سے علی ظفر کو تمغہ حسن کارکردگی دینے کے فیصلے پر ہمیں شدید تشویش ہے کیونکہ علی ظفر پر جنسی ہراسانی کے الزامات عائد ہیں اور اس حوالے سے مقدمات تاحال جاری ہیں علی ظفر کے خلاف سپریم کورٹ میں ہراسانی اور ہتک عزت کا ایک مقدمہ ایڈیشنل ڈسٹرکٹ کورٹ لاہور میں زیر التوا ہے- جبکہ اس دوران یہ اعزاز دیے جانے کا وقت انتہائی پریشان کن اور بے حسی ہے۔

خط میں کہا گیا کہ ہم اس تمغے کے عزت و احترام کو داغدار ہوتا نہیں دیکھنا چاہتے۔

خط میں کہا گیا کہ یہ فیصلہ پریشان کن اس لیے ہے کیونکہ اس سے تاثر جاتا ہے کہ ریاست پاکستان نادانستہ طور پر زیر التوا فیصلوں سے قطع نظر جنسی ہراسانی کے الزامات کا سامنا کرنے والے شخص کے ساتھ کھڑی ہے۔

جس کے بعد اس خط کے بعد علی ظفر کی وکیل بیرسٹر عنبرین قریشی سامنے آئیں اور خط پر ردعمل دیا بیرسٹر عنبرین نے سماجی رابطے کی ویب سائٹ ٹویٹر پر اپنے ٹویٹ میں لکھا کہ یہ انتہائی بدقسمتی ہے کہ خواتین کے حقوق کے لیے لڑنے والی تنظیمیں دوسروں کے حقوق غضب کررہی ہیں اور بدنام کرنے کی مہم کا حصہ بن رہی ہیں۔

علی ظفر کی وکیل نے لکھا کہ مس شفیع کی جانب سے جنسی ہراسانی کی شکایت پنجاب محتسب کے بعد گورنر پنجاب اور یہاں تک کہ لاہور ہائی کورٹ بھی خارج کرچکی ہے اور سپریم کورٹ نے اب تک لاہور کی عدالت عالیہ کے فیصلے کے خلاف اپیل کی اجازت نہیں دی۔

بیرسٹر عنبرین نے لکھا کہ میشا شفیع کی جانب سے ہتک عزت کا نام نہاد کیس بھی عدالت نے علی ظفر کے کیس کے فیصلے تک روک دیا ہے جس میں انہوں نے میشا شفیع کے خلاف ایک ارب ہرجانے کا دعویٰ دائر کیا تھا لہذا ان کے خلاف زیر التوا کیسز کا سوال ہی پیدا نہیں ہوتا-

انہوں نے لکھا کہ وہ تنظیم جو انصاف کے عالمی قانون کہ قصوروار ثابت ہونے تک ہر شخص بے گناہ ہوتا ہے کی حامی ہے وہ صدر پاکستان کو لکھے گئے خط میں کیس کے حقائق کو غلط انداز میں پیش کررہی ہے۔

علی ظفر کی وکیل نے لکھا کہ علی ظفر کی جانب سے میشا شفیع کے خلاف زیر التوا مقدمات کی نوعیت سول اور مجرمانہ ہے ان میں ایف آئی اے کے سائبر کرائم سیل میں مسٹر ظفر کے خلاف مذموم مہم کا حصہ بننے والوں کے خلاف بھی کیسز دائر ہیں علاوہ ازیں اس حوالے سے ایف آئی اے سائبر کرائم میں الیکٹرونک کرائمز ایکٹ کے تحت ایک تفتیش زیر التوا ہے۔

بیرسٹر عنبرین قریشی نے لکھاکہ میڈیا اور دیگر افراد حقائق کا جائزہ لیے بغیر دھوکا دہی اور بدنام کرنے سے متعلق بیانیے پر مبنی غیر ذمہ دار بیانات کا شکار نہ بنیں۔

واضح رہے کہ وم آزادی 2020 کے موقع پر صدر مملکت ڈاکٹر عارف علوی کی جانب سے مختلف شعبہ جات میں نمایاں خدمات سر انجام دینے والی 184 ملکی اور غیر ملکی شخصیات کو پاکستان کے اعلیٰ سول ایوارڈز سے نوازنے کا اعلان کیا گیا تھا یہ ایوراڈز آئندہ سال 23 مارچ کو یوم پاکستان پر نوازے جائیں گے-

صدر مملکت کی جانب سے 24 شخصیات کے لیے ستارہ شجاعت، 27 کے لیے ستارہ امتیاز، 23 کے لیے تمغہ شجاعت، 46 کے لیے تمغہ امتیاز، 7 کے لیے نشان امتیاز، 2 کے لیے ہلال امتیاز، ایک کے لیے ہلال قائد اعظم، 2 کے لیے ستارہ پاکستان، 6 کے لیے ستارہ قائد اعظم، ایک کے لیے ستارہ خدمت، ایک کے لیے تمغہ پاکستان، ایک کے لیے تمغہ قائد اعظم جبکہ 44 شخصیات کے لیے صدارتی تمغہ حسن کارکردگی کا اعلان کیا گیا تھا۔

صدر مملکت نے غیر ملکی شخصیات کے علاوہ میوزک، اداکاری، ادب اور دیگر فنون لطیفہ کے شعبہ جات سے بھی متعدد شخصیات کو ایوارڈز کے لیے نامزد کیا ہے ان میں گلوکار علی ظفر بھی شامل ہیں۔

علی ظفر نے حکومت پاکستان کی جانب سے صدارتی تمغہ حسن کارکردگی کے لیے نامزدگی پر خوشی کا اظہار بھی کیا تھا اور نامزدگی کو بہت بڑا اعزاز قرار دیا تھا۔

علی ظفر کے خلاف پروپیگنڈہ پر سوشل میڈیا صارفین نے عفت عمر کو کھری کھری سنا دیں

پاکستان کے اعلیٰ سول ایوارڈز کے لئے نامزد ہونے پر علی ظفر اللہ تعالیٰ اور حکومت کے…

علی ظفر کے خلاف کوئی کیس نہیں یہ انتہائی بدقسمتی ہے کہ حقوق نسواں کی علمبردار…

خواتین کے حقوق کی علمبردار تنظیموں کا علی ظفر کو ایوارڈ کے لئے نامزد کرنے پر شدید…

پاکستانی اداکارہ فائزہ حسن آج کل نند ڈرامے میں ولن کا کردار ادا کررہی ہیں اور اس ڈرامے کے حوالے سے ان کا کہنا ہے کہ وہ اس سے بھی زیادہ خطرناک کردار کرسکتی ہیں کیونکہ وہ ایک اداکارہ ہیں اور یہ ان کا کام ہے۔

باغی ٹی وی : اداکارہ فائزہ حسن نجی چینل اے آر وائی ڈیجیٹل پر نشر ہونے والے ڈرامہ سیریل ‘ نند’ ایک ایسی نند کا کردار ادا کررہی ہیں جو حسد کی وجہ سے اپنے ہی بھائی کی زندگی خراب کرتی ہے اور بھابھی پر الزام لگا کر اسے طلاق دلوادیتی ہے۔

یہ ڈرامہ ہفتے میں 4 دن نشر ہوتا ہے جس میں منال خان ، شہروز سبزواری، اعجاز اسلم، ایاز سمو، ٹیپو شریف، سنبل انصاری، فضا حسن، مہوش قریشی اور دیگر اداکار شامل ہیں۔

انڈیپنڈنٹ اردو کو دئیے گئے ایک انٹرویو میں نند ڈرامے میں اپنے کردار سے متعلق انہوں نے کہا کہ وہ اس سے بھی زیادہ خطرناک کردار کرسکتی ہیں کیونکہ وہ اداکارہ ہیں اور یہ ان کا کام ہے اگر انہیں معصوم عورت کا کردار دیا جائے گا تو وہ اسے بھی نبھائیں گی کیونکہ بطور اداکارہ یہ ان کا کام ہے کہ اپنے کردار کو 100 فیصد سے بھی بہتر ادا کریں۔

فائزہ حسن نے فلم لوڈ ویڈنگ میں بھی نند کا کردار کیا تھا اس بارے میں ان کا کہنا تھا کہ بہت مرتبہ اداکاروں کو ایک ہی رشتے کا کردار ادا کرنا پڑتا ہے مگر اس فلم کی نند اس ڈرامے کی نند سے بہت مختلف ہے بطور اداکار ہمیں مختلف کردار مختلف انداز میں کرنے ہوتے ہیں۔

پاکستان میں جاری اس بحث کے بارے میں کہ روایتی ساس اور نند کی کہانیوں سے پاکستانی ڈرامے کو آگے بڑھنا چاہیے فائزہ کا کہنا ہے کہ اس میں کوئی ہرج اور آگے بڑھنا چاہیے جب مسئلہ دکھائیں گے تو پھر ہی حل بھی دکھایا جا سکتا ہے۔

پاکستان میں ان دنوں مقبول ترکش ڈرامے ارطغرل کے بارے میں ان کا کہنا تھا کہ وہ ہمارا تو نہیں ہے نا ہم دیکھ رہے ہیں اور دیکھنا چاہیے تاہم وہ ہمارا نہیں ہے جبکہ ویب سیریز چڑیلز تو کسی حد تک ہماری جیسی کہانی ہے اور کسی حد تک نہیں ہے، لیکن یہ ڈرامہ یعنی نند تو بالکل ہمارے جیسا ہے بلکہ اگر آپ یوٹیوب پر لوگوں کی رائے دیکھیں تو کئی نے لکھا کہ یہ تو ہمارےساتھ ہوچکا ہے۔

فائزہ حسن نے نند اس کردار اور لوڈویڈنگ کی نند کے کردار میں فرق کرتے ہوئے کہا فلم کی نند تو غریب تھی جس کی زندگی کا مقصد شادی تھا اور وہاں جہیز کا بھی مسئلہ تھا، وہ ایک گاؤں کی غیر تعلیم یافتہ عورت تھی، جبکہ ڈرامے کی نند تو خوشحال ہے ، اس کے پاس سب کچھ ہے مگر وہ پھر بھی خوش نہیں ہے۔

یہاں یہ بات مدنظر رہے کہ فائزہ حسن اس ڈرامے کے ٹائٹل کا کردار ادا کررہی ہیں جبکہ عموماً ڈرامے کے نام ہیروئن پر ہوتے ہیں اور وہ ولن کا کردار ادا کررہی ہے۔

اس حوالے سے فائزہ حسن کا کہنا تھا کہ یہ بہت اچھی بات ہے کہ اس ڈرامے کی وجہ سے یہ رویہ تبدیل ہورہا ہے۔

ساتھ ہی انہوں نےکہا کہ وہ ہمیشہ ایسے ہی کردار کا انتخاب کرتی ہیں جس کے گرد کہانی گھوم رہی ہو۔

فائزہ حسن نے کہا کہ خوبصورت لڑکے اور لڑکی کی کہانی تو ہر دوسرے ڈرامے میں ہوتی ہے اس لیے میں ولن کے کردار کی پروا نہیں کرتی۔

فائزہ حسن برطانیہ میں رہتی ہیں اور ڈرامہ سیریل ’نند‘ کے لیے پاکستان آئی تھیں مگر عالمی وبا کورونا وائرس کی وجہ سے ڈرامے کی عکسبندی روک دی گئی تھی جس کے بعد اب وہ دوبارہ پاکستان آکر ڈرامے کی شوٹنگ مکمل کروارہی ہیں۔

انہوں نے کہا کہ ڈرامے سے بہت سے لوگ وابستہ ہیں اس لیے انہیں یہ کام مکمل کرنا ہی تھا انہوں نے مزید کہا کہ شروع میں کورونا وائرس کا ڈر بھی تھا لیکن پاکستان آنے کے چند دن بعد یہ خوف ختم ہوگیا تھا اور اب تو لگتا ہے کہ پاکستان میں کورونا ہے ہی نہیں۔

ہالی وڈ فلم بیٹ مین کے ہیرو کورونا وائرس کا شکار، فلم کی شوٹنگ ایک بار پھر ملتوی

ہالی وڈ سائنس فکشن فلم’دی بیٹ مین‘ کی شوٹنگ 2 ہفتے کی بندش کے بعد بحال ہوگئی

گزشتہ ماہ اگست کو ریلیز ہونے والی ہدایتکار عاصم عباسی کی پاکستان کی پہلی اوریجنل ویب سیریز ’چڑیلز‘ بولڈ اور تھرلر ہونے کی وجہ سے دنیا بھر میں پسند کی جا رہی ہے-

باغی ٹی وی : رواں ماہ 11 اگست کو ریلیز ہونے والی ہدایت کار عاصم عباسی کی پاکستان کی پہلی اوریجنل ویب سیریز ’چڑیلز‘ کے دنیا بھر میں خوب چرچے ہیں تاہم ریلیز کے چند روز بعد ہی9 پاکستانی ویب سیریز کی ٹیم پر ’چڑیلز‘ میں پیش کیے جانے والے السٹریشن خاکے کو کاپی کرنے کا الزام لگایا گی اتھا-

سماجی رابطے کی ویب سائٹ ٹویٹر پر ایک ٹویٹر صارف آمنہ طارق نے اپنی ٹویٹ میں دعوی کیا تھا کہ ’چڑیلز‘ کے آغاز میں دکھائی دینے والا خاکہ دراصل ایک فرانسیسی آرٹسٹ ملیکا فیورے کے بنائے گئے خاکے کی کاپی ہے۔

صارف نے اپنی ٹویٹ میں بتایا تھا کہ فرانسیسی آرٹسٹ نے امریکی اخبار نیویارک ٹائمز کے اوپینین کے لیے ایک خاکہ بنایا تھا جسے پاکستانی ویب سیریز ’چڑیلز‘ کی ٹیم نے کاپی کر کے اس آرٹسٹ کی محنت آسانی سے ختم کر دی ہے-

Oh god…. that IS bad! Thanks for sharing. Will look into it.

— malika favre (@malikafavre) August 21, 2020

آمنہ طارق نامی صارف کی ٹویٹ پر فرانیسی آرٹسٹ ملیکا فیورے نے بھی کمنٹ کیا تھا اور اپنے خاکے کی کاپی پر دکھ کا اظہار کرتے ہوئے مذکورہ عمل کو بدصورت قرار دیا تھا ۔

آمنہ طارق نامی صارف کی ٹویٹ کے بعد متعدد صارفین نے ’چڑیلز‘ کی ٹیم پر تنقید کی تھی اور کہا تھا کہ پاکستانی ویب سیریز کی ٹیم کو کسی کی محنت کو یوں کاپی نہیں کرنا چاہیے تھا اور اگر کاپی کیا تو کم از کم اصل آرٹسٹ کو کریڈٹ دینا چاہیے تھا-

بعض لوگوں نے مذکوری سیریز کی مرکزی اداکارہ ثروت گیلانی کی سوشل میڈیا پوسٹ کے اسکرین شاٹ بھی شیئر کئے جس میں اداکارہ کو کاپی کیے جانے والے خاکے کی تصویر کی تشہیر کرتے ہوئے دیکھا جا سکتا ہے۔

اب مذکورہ واقعے کے ایک ماہ بعد ویب سیریز کے ہدایت کار عاصم عباسی نے اس مسئلے پر بات کی ہے اور اپنی غلطی کا اعتراف کیا ہے اور ساتھ ہی معذرت بھی کی ہے۔

اپنے سلسلہ وار ٹوئٹس میں عاصم عباسی نے کہا کہ چند ہفتے ہماری توجہ قبل چڑیلز میں فرانسیسی آرٹسٹ ملیکا فیورے کی جانب سے بنائے گئے ایک خاکے کے استعمال کی جانب توجہ مبذول کروائی گئی تھی۔

3. My silence on this matter was due to the production house needing time to complete the corrective process, which it now has. I strongly believe that the rights of all artists must be protected and upheld at all times and would like to personally apologise for this oversight.

— Asim Abbasi (@IllicitusProduc) September 18, 2020

انہوں نے کہا کہ ہم نے فوری طور پر ملیکا فیورے سے رابطہ کیا تاکہ اس معاملے کو ٹھیک کرنے کے لیے ضروری اقدامات کیے جاسکیں۔

عاصم عباسی نے کہا کہ اس موقع پر میں یہ بھی واضح کرنا چاہتا ہوں کہ اس میں ہمارے اینیمیشن کریٹر اسٹوڈیو روخان کی کوئی غلطی نہیں۔

انہوں نے مزید لکھا کہ پروڈکشن ہاؤس کی غلطی کی وجہ سے مذکورہ آرٹ ورک اینیمیشن اسٹوڈیو کو دیا گیا اور انہیں اسے استعمال کرنے کی اجازت دی گئی۔

عاصم عباسی کا کہنا تھا کہ اس معاملے پر میری خاموشی پروڈکشن ہاؤس کی وجہ سے تھی کیونکہ اصلاحی عمل کو مکمل کرنے کے لیے وقت درکار تھا جو اب پورا ہوگیا ہے۔

انہوں نے مزید کہا میں اس بات پر پختہ یقین رکھتا ہوں کہ تمام فنکاروں کے حقوق کو محفوظ اور برقرار رکھا جانا چاہیے اور میں اس غلطی پر ذاتی طور پر معذرت کرنا چاہتا ہوں۔

واضح رہے کہ ’چڑیلز‘ کو رواں ماہ 11 اگست کو زی فائیو کے زندگی چینل پر آن لائن ریلیز کیا گیا تھا ویب اسٹریمنگ ویب سائٹ پر ’چڑیلز‘ کے پہلے سیزن کی تمام 10 اقساط کو ہی جاری کردی گئیں تھیں جن کے ریلیز ہوتے ہی دنیا بھر میں ان کی دھوم مچ گئی ہے-
ہدایت کار عاصم عباسی کی ویب سیریز ’چڑیلز‘میں ایسی چار شادی شدہ خواتین کی کہانی دکھائی گئی ہےجو اپنے شوہروں کی بے وفائی کے بعد جاسوس بن جاتی ہیں۔

پاکستان کی پہلی ویب سیریز ’چڑیلز‘ میں شوہروں کی بے وفائی کے بعد جاسوس بن جانے والی چاروں خواتین اپنی جیسی دوسری عورتوں کی زندگی بچانے کے لیے کام کرتی ہیں اور بیویوں سے دھوکا کرنے والے شوہروں کو بے نقاب کرتی دکھائی دیتی ہیں اور اس دوران جب وہ جاسوس بن جاتی ہیں تو انہیں معاشرے کے کئی مکروہ چہرے دکھائی دیتے ہیں۔
جاسوس بن جانے والی خواتین پھر کم عمری کی شادیوں، بچوں کے ساتھ ناروا سلوک، زبردستی کی شادیوں، غربت، جرائم، رنگ و نسل کے واقعات اور خودکشی جیسے بھیانک حقائق کا سامنا کرتی ہیں۔

ویب سیریز میں ثروت گیلانی نے سارہ، یاسرا رضوی نے جگنو، نمرا بچہ نے بتول اور مہربانو نے زبیدہ کا کردار ادا کیا ہے اور ویب سیریز میں ان چار مختلف شعبوں وکیل ، باکسر،ویڈنگ پلانر سے تعلق رکھنے والی خواتین کو ایک گینگ کے طور پر دکھایا گیا ہے-

فیشن ہاؤس کے نام پر جاسوسی کا ادارہ چلانے والی چاروں خواتین کو اپنے منصوبے کو آگے بڑھانے کے لیے درجنوں خواتین کو فیشن اور ماڈلنگ کے نام ملازمت پر رکھتے ہوئے بھی دکھایا گیا ہے۔

فیشن کے نام جاسوسی کا ادارہ چلانے والی چاروں خواتین کو برقع پہن کر بیویوں سے بے وفائی کرنے والے شوہروں کی جاسوسی کرتے ہوئے دکھایا گیا ہے-

’چڑیلز‘ شوہروں کی بے وفائی سے پردی اٹھاتیں ذہین بولڈ بہادر اور خوبصورت خواتین کی کہانی

پاکستان کی پہلی اوریجنل ویب سیریز ’چڑیلز‘ کا ٹریلر جاری

پاکستانی بہادر ،بولڈ اور ذہین ’چڑیلز‘ کی دنیا بھر میں دھوم