پاکستان کی معروف ماڈل و اداکارہ آمنہ الیاس نے سوشل میڈیا پر گہری رنگت کے حوالے سے ایک اہم پیغام جاری کیا ہے۔

باغی ٹی وی : سوشل میڈیا ویب سائٹ انسٹاگرام پر آمنہ الیاس نے اپنی ایک تصویرشئیر کی جس میں اداکارہ و ماڈل اپنی گہری رنگت کے باوجود بھی دلکش اور پُرکشش نظر آرہی ہیں۔

تصویر شئیر کرتے ہوئے آمنہ الیاس نے کیپشن میں اپنی گہری رنگت سے متعلق ایک پیغام لکھا کہ میری گہری رنگت مجھے ناکام نہیں کرسکتی اور نہ ہی مجھے میرے کسی بھی مقصد میں گرا سکے گی۔
https://www.instagram.com/p/CFw5T7YBr_P/?utm_source=ig_embed
آمنہ الیاس نے لکھا کہ میری جلد چاہے جیسی بھی ہو مجھے اس سے کوئی فرق نہیں پڑتا میں اپنے مقاصد کو حاصل کرنے کے لیے ہر ممکن کوشش کروں گی اور اُنہیں حاصل کرکے رہوں گی۔

ماڈل کی پوسٹ دیکھنے کے بعد ناصرف اُن کے مداح اُن کی ہمت بڑھا رہے ہیں بلکہ ساتھی اداکارائیں بھی کمنٹس میں ان کی خوبصورتی کی تعریف کرتے ہوئے آمنہ الیاس کی حوصلہ افزائی کر رہی ہیں۔

واضح رہے کہ بھارتی سُپراسٹار شاہ رُخ خان کی صاحبزادی سہانا خان نے سوشل میڈیا پر صارفین کی جانب سے اپنی سکن کے رنگ سے متعلق ہونے والی تنقید کے خلاف آواز اُٹھائی تھی –
https://www.instagram.com/p/CFugYlIHC-7/?utm_source=ig_embed
سہا نا نے لکھا تھا کہ ابھی بہت کچھ چل رہا ہے اور یہ ان مسائل میں سے ایک ہے جس کی ہمیں اصلاح کرنے کی ضرورت ہے !! یہ صرف میرے بارے میں نہیں ہے یہ ہر نوجوان لڑکی / لڑکے کے بارے میں ہے جو قطعی طورپر کسی وجہ سے کمتر محسوس نہیں ہوا ہے۔

سہانا نے مزید لکھا تھا کہ یہ ہر ایک انسان کا مسئلہ ہے جس پر ہمیں بات کرنی چاہیے اور اس سوچ کو ٹھیک کرنے کی ضرورت ہے، ہم سب ہی کا الگ الگ رنگ ہے جس کے مطابق کوئی گہری رنگت کا ہے کوئی سانولی تو کوئی گوری رنگت رکھتا ہے۔

انہوں نے لکھا کہ ہاں ہم مختلف رنگوں میں آتے ہیں لیکن اس سے کوئی فرق نہیں پڑتا ہے کہ آپ میلانین سے کتنا دور ہوجائیں ، آپ صرف یہ نہیں کرسکتے . اپنے ہی لوگوں سے نفرت کرنے کا صرف یہ مطلب ہے کہ آپ تکلیف دہ طور پر غیر محفوظ ہیں۔

انہوں نے کہا کہ یہ ایک بھارتی سوچ ہے کہ اگر آپ 5 فُٹ 7 انچ لمبے اور گورے ہیں تو ہی آپ خوبصورت ہیں، وہ 5 فُٹ 3 انچ قد اور گہری رنگت کی مالک ہیں مگر خود سے بہت پیار کرتی ہیں اورخوش ہیں اور اُنہیں خوش ہونا بھی چاہیے۔

سہانا خان کو رنگ پر تنقید کا سامنا ، سوشل میڈیا صارفین نے کالی چڑیل کہہ دیا

اداکارہ آمنہ الیاس اور اداکار داور محمود نے شادی کی خبروں کی تردید کردی

پاکستان شوبز انڈسٹری کے معروف اداکار عثمان مختار نے مداحوں کو بد تمیز دوست کی نشانی بتا دی۔

باغی ٹی وی :عثمان مختار سوشل میڈیا پر اکثر اوقات اپنی تصاویر اور ویڈیوز اپنے مداحوں کے ساتھ شیئر کرتے رہتے ہیں اور اپنے دلچسپ کیپشن سے مداحوں کو محفوظ کرتے ہیں مداحوں کی جانب سے اُن کی شیئر کی گئی تصاویر اور کیپشن کو خوب پسند کیا جاتا ہے اور مداح لطف اندوز ہوتے ہیں اور جواب میں دلچسپ کمنٹس شئیر کرتے ہیں-

عثمان مختار نے سماجی رابطے کی ویب سائٹ انسٹا گرام پر ایک تصویر شیئر کی ہے جس میں وہ بیک وقت غصے اور حیرانی کی کیفیت اور نہایت سنجیدہ نظر آ رہے ہیں لیکن اداکار کی جانب سے اپنی تصویر پر دیا گیا کیپشن بہت دلچسپ ہے۔
https://www.instagram.com/p/CFuSh39J6mJ/?igshid=ymvsx7ujw95b
عثمان مختار کا اپنے چہرے کے تاثرات سے متعلق پوسٹ کے کیپشن میں کہنا ہے کہ آپ کا چہرہ کچھ ایسا بن جاتا ہے جب آپ کا دوست اپنے فرینچ فرائز خریدنے کے بجائے آپ کے فرینچ فرائز کھانا شروع کر دے۔

انہوں نے اپنی پوسٹ میں اس دلچسپ کیپشن کے ساتھ ’بد تمیزی‘ ہیش ٹیگ بھی استعمال کیا ہے ۔

عثمان کی اس پوسٹ پر صارفین بھی اپنے دوستوں کی یادیں تازہ کرتے ہوئے کمنٹس کر رہے ہیں-

صارفین کا کہنا ہے کہ وہ اپنے دوستوں کے فرینچ فرائز کھانے والے ایسے ہی بد تمیز دوست ہیں جبکہ کچھ انسٹا صارفین کی جانب سے کہا جا رہا ہے کہ وہ بھی ایسے دوستوں سے تنگ ہیں صارفین نے کہا کہ فرائز والا مذاق نہیں ہونا چاہیئے یہ ناقابل قبول ہے-

پاکستان کے معروف اداکار عدنان صدیقی اپنے نئے پروجیکٹ کے شوٹ کے لئے تُرکی روانہ ہوگئے اداکار نے اپنی روانگی کی تصویر سوشل میڈیا پر شیئر کی۔

باغی ٹی وی :سوشل میڈیا ویب سائٹ انسٹاگرام پر معروف اور باصلاحیت اداکار عدنان صدیقی نے اپنی ایک سیلفی پوسٹ کی جس میں اداکار عالمی وبا کورونا وائرس سے خود کو محفوظ رکھنے کے لیے چہرے پر ماسک لگائے پرواز میں موجود ہیں۔
https://www.instagram.com/p/CFvZSM3HsXN/
انسٹاگرام پر شیئر کردہ اپنی پوسٹ کے کیپشن میں عدنان صدیقی نے اپنے مداحوں کو بتایا کہ وہ تُرکی جارہے ہیں-

عدنان صدیقی نے تُرکی کی پہچان رومی کا مزار، بلیو مسجد اور بکلاوا کا نام لیتے ہوئے لکھا کہ میں درویشوں کی سرزمین پر جا رہا ہوں۔

اداکار نے مداحوں کو یہ بھی بتایا کہ وہ اپنے نئے پراجیکٹ کے شوٹ کے سلسلے میں تُرکی جارہے ہیں انہوں نے لکھا کہ نیا شوٹ ، نیا حوصلہ ، نئی امید۔

خیال رہے کہ اس سے قبل عدنان صدیقی نے اپنی بیٹیوں کے لئے بیٹیوں کے عالمی دن پر ان کے لیے محبت بھرا پیغام جاری کیا تھا۔
https://www.instagram.com/p/CFopx_jnhZX/
اداکار نے اپنی بیٹیوں کے ساتھ گزارے لمحات کو یاد کرتے ہوئے نصیحت کی کہ آپ جو بھی کام کریں اس کے لیے ذمہ دار بنیں۔

انھوں نے اپنی بیٹیوں کو حوصلہ دیتے ہوئے کہا تھا کہ اگر آپ کہیں گرتی ہیں تو میں آپ کو سنبھالنے کے لیے موجود ہوں زندگی آسان اور ہموار نہیں ہے۔

اداکار کا کہنا تھا کہ یہ آپ کا اپنا سفر ہوگا میں آپ کے پروں کے نیچے ہوا کی مانند رہوں گا لیکن پرواز آپ کی ہوگی، میں آپ کو اندھیروں سے دیکھوں گا آپ زندگی کی خوشی منائیں گیں۔

عدنان صدیقی کا بیٹیوں کے لئے محبت بھرا پیغام

اُشنا شاہ نے شوبز انڈسٹری میں ادکاراؤں کے ساتھ ہونے والےغیر منصفانہ رویے سے پردہ اٹھا دیا

قومی کرکٹ کے سابق کپتان وسیم اکرم کی اہلیہ و سماجی کارکن شنیرا اکرم کی نئی دلکش تصویر کے سوشل میڈیا پر چرچے-

باغی ٹی وی :اکثر و بیشتر معاشرتی مسائل پر اپنی آواز بُلند کرنے والی اور والدین کے لئے معنی خیز پیغامات شئیر کرنے والی شنیرا اکرم نے سماجی رابطے کی ویب سائٹ انسٹاگرام پر اپنی دلکش تصویر پوسٹ کی ہے شنیرا کی بڑی اور خوبصورت آنکھیں اُن کی تصویر کو مزید دلکش اور حسین بنا رہی ہیں۔
https://www.instagram.com/p/CFt5stOsbBt/?igshid=1wdlxaa80ovlf
شنیرا اکرم نے اپنی تصویر کو ایک مختصر کیپشن دیتے ہوئے لکھا توازن۔

شنیرا کی نئی تصویر پر مداحوں کی جانب سے بھر پور سراہا جا رہا ہے اور کمنٹ سیکشن میں شنیرا کے لیے بے شمار تعریفی پیغامات جاری کر رہے ہیں ۔

ایک صارف نے لکھا کہ وہ شنیرا کی آنکھوں کے سمندر میں ڈوب رہے ہیں جبکہ کچھ صارفین نے شنیرا جیسی اہلیہ کا ساتھ ملنے پر وسیم اکرم کو خوش قسمت بھی قرار دیا۔

صارفین نے شنیرا کی نئی تصویر کو پسند کرتے ہوئے کہا کہ ہماری خوبصورت بھابھی کا مقابلہ کسی سے نہیں ایک صارف نے کہا کہ خوبصورت بندے کی خوبصارت بیوی- جبکہ ایک صارف نے کہا کہ ہماری پیاری بھابھی-

واضح رہے کہ اس سے قبل شنیرا نے انسٹاگرام پر والدین کے لیے ایک اہم پیغام جاری کیا تھا۔

اُنہوں نے انسٹاگرام پر بچوں سے متعلق قول شیئر کیا تھا جس میں لکھا تھا کہ جب والدین اپنے بچوں پر تنقید کرتے رہتے ہیں تو بچے والدین سے محبت کرنا نہیں چھوڑتے بلکہ وہ خود سے محبت کرنا چھوڑ دیتے ہیں-
https://www.instagram.com/p/CFqxfyAMmfr/?igshid=1bok6w03l2diw
انسٹاگرام پر قول شیئر کرتے ہوئے شنیرا نے کیپشن میں لکھا تھا کہ جب ہم والدین بنتے ہیں تو ہم آج کے لیے جینا چھوڑ دیتے ہیں اور آنے والے کل میں کسی اور کے لیے جیتے ہیں۔

شنیرا اکرم کا والدین کے لئے معنی خیز پیغام

شنیرا اکرم بھی کے الیکٹرک کی غیر اعلانیہ لوڈ شیڈنگ سے تنگ آ گئیں

عورت کو عزت اور مقام دینا چاہیے جس کی وہ حقدار ہے اعجاز اسلم

شنیرا اکرم اور شہزاد رائے نے سرعام پھانسی کی مخالفت کر دی

شنیر ا اکرم کا پاکستان کی نوجوان نسل کے نام معنی خیز پیغام

پاکستان ڈرامہ انڈسٹری کی با صلاحیت اداکارہ اقراء عزیز کی سوشل میڈیا پروائرل ایک ویڈیو نے مداحوں کو شش و پنج میں ڈال دیا ہے۔

باغی ٹی وی : اپنی بہترین اداکاری کی بدولت انڈسٹری میں کم وقت میں اپنی الگ پہچان بنانے والی اداکارہ اقراء عزیز نے سماجی رابطے کی ویب سائٹ انسٹاگرام پر اپنی ایک ویڈیو شئیر کی- بغیر کسی آواز کے اس ویڈیو میں دیکھا جا سکتا ہے کہ وہ متعدد صفحات پر انہماکھ سے کچھ لکھنے میں مصروف ہیں۔
https://www.instagram.com/p/CFpDrslHSpF/?igshid=6m3bz45gdnsf
اقراء عزیز نے اپنی اس ویڈیو کو شیئر کرتے ہوئے کیپشن میں انہوں نے کسی نئے کام کے آغاز کا حوالہ دیا ہے اور ساتھ میں ’بسم اللہ‘ اور ’پریپیئرنگ‘ یعنی تیاری جاری ہے جیسے ہیش ٹیگ بھی استعمال کیے ہیں۔

اقراء عزیز نے اپنے مداحوں کو بتایا کہ انہوں نے کچھ نیا کیا ہے جو کہ بہت دلچسپ اور سنسنی خیز ہے، اور اب وہ انتظار کر رہی ہیں کہ اُن کے مداح اُن کا نیا کام دیکھیں اقراء عزیز کی جانب سے اپنی پوسٹ پر کسی قسم کا کوئی اشارہ نہیں دیا گیا ہے کہ وہ کس پروجیکٹ یاکیا نیا کرنے جا رہی ہیں۔

اقراء عزیز کی جانب سے اپنی پوسٹ پر کسی قسم کا کوئی اشارہ نہیں دیا گیا ہے کہ وہ کس پروجیکٹ یاکیا نیا کرنے جا رہی ہیں۔
اقراء کی اس پوسٹ پر اُن کے مداح شش و پنج میں پڑ گئے ہیں اور کمنٹس میں اپنی اپنی جانب سے تُکے لگا رہے ہیں، اقراء کے مداحوں کی جانب سے قیاس آرائیاں کی جا رہی ہیں کہ اقراء عزیز اسکرپٹ رائٹنگ کی جانب آ گئی ہیں-

پاکستانی کی معروف ٹی وی آرٹسٹ، میزبان اور وی جے انوشے اشرف نے شہرہ آفاق ترک ڈرامہ سیریز ’ارطغرل غازی‘ کو گینیز بک آف ورلڈ ریکارڈ میں نام بنانے پر خوشی کا اظہار کرتے ہوئے مبارکباد دی ہے-

باغی ٹی وی :و مقبولیت دنیا بھر میں ترک مسلمانوں کی تیرہویں صدی میں اسلامی فتوحات پر مبنی ترکش ڈرامہ سیریل ’’ارطغرل غازی‘‘ جسے ترکی کا گیم آف تھرونز بھی کہا جاتا ہے کو ملی اس کی مثال نہیں ملتی۔ اسے دنیا کے کم و بیش ساٹھ ( 60 ) ممالک میں ڈب کر کے دکھایا گیا ہے-

ارطغرل کی دنیا بھر میں کامیابی کا ندازہ اس بات سے لگایا جا سکتا ہے کہ اسے دنیا کے ایک سو چھالیس ( 146 ) ممالک سے نہ صرف ناظرین کی توجہ حاصل کی بلکہ وہاں ڈراموں کی دنیا کا بے تاج بادشاہ بھی قرار پایا۔

یہ وہ ڈرامہ ہے جس نے مسلمانوں کو ان کے حقیقی ہیروز سے متعارف کرایا ہے۔ یہ وہ ڈرامہ ہے جس کے بارے میں رجب طیب اردگان نے کہا ”جب تک شیر اپنی تاریخ خود نہیں لکھیں گے ان کے شکاری ہی ہیرو ٹھہریں گے“ اور ”ہم اسلامی تاریخ اس طرح لکھیں گے جس طرح وہ تھی“ اور جب یہ اسلامی تاریخ ارطغرل نامی ڈرامے کے ذریعے دنیا کی دکھائی تو لوگ اسلام قبول کرنے لگے۔ یہ وہی ڈرامہ ہے جس نے اغیار کی ان کوششوں پر پانی پھیر دیا جو اسلام کے سنہری ماضی کو داغدار کرنے میں صرف کی گئی تھیں-

خلافت عثمانیہ کے قیام سے قبل کے ترک خطے اور اسلامی دنیا کے حالات پر بنائی گئی یہ ٹی وی سیریز مسلم دنیا اور بالخصوص پاکستان میں مقبولیت کے اگلے پچھلے ریکارڈ توڑ چکی ہے۔

تاہم مسلمانوں کی اسلامی فتوحات سے متعلق شہر آفاق ترک ڈراما سیریز ’ارطغرل غازی‘ کو عالمی اعزاز حاصل ہوا ہے ترک ڈراما سیریز کو 39 زبانوں میں ترجمہ کیا جاچکا ہے اور اسے دیکھنے والوں کی تعداد 30 لاکھ تک جاپہنچی ہے جس کے بعد اسے گینیز بک آف ورلڈ ریکارڈ میں شامل کرلیا گیا ہے۔

اسی ریکارڈ پر پاکستانی میزبان اور وی جے انوشے اشرف نے بھی ڈرامہ سیریز ’ارطغرل غازی‘ کو مبارکباد پیش کی اور اس کی کامیابی کو سراہا۔

سماجی رابطے کی ویب سائٹ انسٹاگرام پر انھوں نے اپنے پیغام میں لکھا کہ یہ بہترین ہے اس میں زبردست عکاسی کی گئی ہے کہانی بھی اچھی ہے کیمرہ کا کام اور اداکاری بھی عمدہ ہے یہی اس جانب بھی عالمی سطح پر کام کو فروغ دیتا ہے۔
https://www.instagram.com/p/CFwRsiMpVhA/?utm_source=ig_embed
انوشے نے مزید لکھا کہ سنیما اور آرٹ ہمیں قریب لاتا ہے امید ہے کہ ہم مستقبل میں مزید ترک، ایرانی، لبنانی اور مصری کام دیکھیں گے اور اپنے کام کو ان ممالک میں بھیجا کریں گے۔

واضح رہے کہ یورپ، مڈل ایسٹ، افریقہ اور یورپ سے 700 ملین ناظرین کو اپنے سحر میں گرفتار کرنے والا ڈراما غازی ارطغرل آذربائیجان، ترکمانستان، قازقستان، ازبکستان، البانیہ، پولینڈ، سربیا، بوسنیا، ہزروگوینا، ہنگری اور یونان اور پاکستان میں ریکارڈ توڑنے کے بعد اب آذر بائیجان کے سرکاری ٹیلی وژن اے زیڈ ٹی وی پر بھی نشر کیا جائے گا-

ترک خبر رساں ادارے کے مطابق آذر بائیجان کے سرکاری ٹیلی وژن اے زیڈ ٹی وی نے ایک اعلامیے میں کہا ہے کہ ڈراما نشر کرنے کے حقوق حاصل کرلیے گئے ہیں۔ یہ ڈرامہ 2014 میں شروع ہونے کے بعد ہی آذر بائیجان میں مقبول ہونا شروع ہوگیا تھا۔

آذری سرکاری چینل کے مطابق ڈرامے کی 150 اقساط کی ڈبنگ اور ایڈیٹنگ کے کام کا آغاز ہوچکا ہے۔ سرکاری چینل پر یہ ڈرامہ ہفتے کے پانچ روز نشر کیا جائے گا۔

’’ارطغرل غازی‘‘ اپنی کہانی، تیاری اور اداکاری کے لحاظ سے ایک شاہکار ڈرامہ ہے اس کی پروڈکشن اس کا پلاٹ اداکاری ہر چیز بہت ہی شاندار ہے یہ ڈرامہ ایک ایسے خانہ بدوش قبیلے کی کہانی بیان کرتا ہے جو موسموں کی شدت کے ساتھ ساتھ منگولوں اور صلیبیوں کے نشانے پر ہوتا ہے۔

واضح رہے کہ دیریلیش ارطغرل‘ ڈرامے کی کہانی 13 ویں صدی میں ’سلطنت عثمانیہ‘ کے قیام سے قبل کی کہانی ہے اور اس ڈرامے کی مرکزی کہانی ’ارطغرل‘ نامی بہادر مسلمان سپہ سالار کے گرد گھومتی ہے جنہیں ’ارطغرل غازی‘ بھی کہا جاتا ہے ڈرامے میں دکھایا گیا ہے کہ کس طرح 13 ویں صدی میں ترک سپہ سالار ارطغرل نے منگولوں، صلیبیوں اور ظالموں کا بہادری سے مقابلہ کیا اور کس طرح اپنی فتوحات کا سلسلہ برقرار رکھا۔ڈرامے میں سلطنت عثمانیہ سے قبل کی ارطغرل کی حکمرانی، بہادری اور محبت کو دکھایا گیا ہے-

ارطغرل ڈرامے کی کی مقبولیت میں مزید اضافہ، ایک اور سنگ میل عبور ہو گیا

ارطغرل اردو کی بڑی کامیابی، دنیا میں سب سے زیادہ دیکھے جانے والے چینلز میں تینتیسویں نمبر پر آگیا

’’ارطغرل غازی‘‘ میں مرکزی کردار ادا کرنے والے ’’ارطغرل‘‘ کون ہیں ؟

ترک سیریز دیریلیس ارطغرل آذر بائیجان کے سرکاری چینل پربھی نشر کیا جائے گا

ترک سیریز ارطغرل غازی کے مزید دو کردار پاکستانی برانڈ کے ایمبیسڈر بن گئے

ارطغرل غازی نے ایک اورسنگ میل عبورکرلیا” گنیز بک آف ورلڈ ریکارڈ “میں شامل