Category: شوبز

پاکستان شوبز انڈسٹری کی معروف اداکارہ عائزہ خان نے اپنے تمام مداحوں کے نام ویڈیو میں ایک خاص پیغام شئیر کیا

باغی ٹی وی کی رپورٹ کے مطابق اداکارہ عائزہ خان نے سوشل میڈیا میڈیا ویب سائٹ ٹویٹر پر اپنے تمام مداحوں کے نام ایک خاص پیغام کی ویڈیو شئیر کی اس ویڈیو میں اداکارہ نے اپنے مداحوں کو مخاطب کرتے ہوئے کہا کہ ہیلو یہ میرا خاص پیغام میرے تمام مداحوں کے لئے ہے انہوں نے ویڈیو میں تمام مداحوں کا شکریہ ادا کرتے ہوئے کہا کہ آپ کے پیار اور آپ کی سپورٹ پر آپ سب کا بے حد شکریہ

اور انہوں نے مزید کہا کہ میں جانتی ہوں کہ میں آپ کو جواب نہیں دے پاتیں اداکارہ نے کہا کہ بعض دفعہ ایسے ہوتا ہے کہ آپ لوگ مجھے میسجز کر رہے ہوتے ہیں میں دیکھ رہی ہوتی ہوں لیکن جواب نہیں دے پاتی لیکن میں سارے میسجز پڑھتی ہوں اور مجھے بہت اچھے لگتے ہیں سب کے میسجز ویڈیو کے آخر میں انہوں مداحوں سے کہا کہ وہ انہیں فولو کرتے رہیں اور اپنے پیار اور خلوص بھرے پیغام شئیر کرتے رہیں

A special message for all my Fans…#fanslove #lovemyfans ❤😘 pic.twitter.com/vXgsUipG0o

— Ayeza Khan (@Ayezakhan_ak) May 24, 2019

ویڈیو شئیر کرتے ہوئے اداکارہ نے ٹویٹ میں لکھا کہ ایک خاص پیغام میرے تمام مداحوں کے لئے جبکہ اداکارہ نے دو ہیش ٹیگ استعمال کرتے ہوئے فینز لو اور لو مائے فینزبھی لکھا

واضح رہے عائزہ خان نے پاکستان کی تاریخ کے مقبول ڈرامے میرے پاس ہو تم میں مہوش کا مرکزی کردار ادا کیا تھا جن میں ان کے ہمراہ ہمایوں سعید نے دانش کا مرکزی کردار ادا کیا تھا ڈراما سیریل میرے پاس تم ہوپاکستان کی تاریخ کا مقبول اور کامیاب ترین ڈرامہ تھایہ ڈراما اتنا مقبول ہوا کہ اس کی آخری قسط کو سینما میں دکھایا گیا جسے دیکھنے بڑی تعداد میں لوگ پہنچے

ڈرامے کی کہانی کو مختلف حلقوں کی جانب سے تنقید کا نشانہ بنایا گیا تاہم دلچسپ بات یہ ہے کہ تنقید کے باوجود اس ڈرامے کو بہت زیادہ دیکھا گیا اور سوشل میڈیا پر آئے دن اس ڈرامے سے متعلق کوئی نہ کوئی بحث ہوتی رہی اور اس پر تبصرے کئے گئے ڈرامے میں عائزہ خان، ہمایوں سعید، عدنان صدیقی اورحرا مانی نے مرکزی کردار ادا کیے تھے

اداکارہ عائزہ خان کا کہنا ہے کہ انہیں شروع میں ڈرامہ سیریل میرے پاس تم ہو کے مرکزی اداکار ہمایوں سعید کے ڈرامے میں نام دانش پراعتراض تھا

پاکستان کی تاریخ کے مقبول ترین ڈرامے میرے پاس تم ہومیں اداکارہ عائزہ خان نےمہوش کا مرکزی کردار ادا کیا تھا جب کہ ان کے مقابل ہمایوں سعید نے ان کے شوہر دانش کا کردار نبھایا تھا کیا آپ جانتے ہیں اتفاق سے عائزہ خان کے شوہر کا نام بھی حقیقت میں دانش ہی ہے
حقیقی زندگی میں بھی عائزہ کے شوہر کا نام دانش تیمور ہے

ڈرامے اور حقیقت میں عائزہ خان کے شوہردانش کے نام کو لے سوشل میڈیا پر مزاحیہ پوسٹس بھی وائرل ہوئیں جبکہ ایک انٹرویو کے دوران جب عائزہ سے اس اتفاق کے بارے میں پوچھا گیا تو انہوں نے کہا کہ شروع میں انہیں ڈرامے میں دانش کے نام پر اعتراض تھا کیونکہ یہ ان کے شوہر کا نام بھی ہے لہذا انہوں نے کہا کہ دانش ہی کیوں؟ جس پر انہیں کہا گیا کہ ڈرامے میں مہوش اوردانش کی خوبصورت کہانی گئی ہے

عائزہ خان نے کہا کہ ڈرامے میں ہمایوں سعید کے نام دانش کی وجہ سے انہیں تھوڑی مشکل بھی پیش آئی کیونکہ وہ اپنے شوہر کو ہمیشہ آپ کہہ کر بلاتی ہیں جب کہ ڈرامے میں انہیں ہمایوں سعید کو غصے سے تم کہہ کر بلانا پڑتا تھا

Danish naam ki overdose😁
Ayeza khan shares her views about his real life DANISH and Mehwish's Danish.@Ayezakhan_ak@aryddrama
@HinaJavedReal@FurqanQureshiK#MerayPaasTumHo#merepastumho@iamhumayunsaeed@SixSigmaPlus#MerePassTumHo#MerePaasTumHo @samina_humayun pic.twitter.com/h0I2Ga0oJh

— Drama Gossip (@DramaGossipPk) February 4, 2020

اداکارہ نے کہا ڈرامے میں جب وہ دانش نام پکارتیں تھیں تو سب کہتے تھے دانش نام کیسے آپ کے منہ کیسے روانی سے نکلتا ہے جیسے روز ہی بولتی ہوں تو اداکارہ نے ہاں آجکل تو دانش نام کی اوور ڈوز چل رہی ہے گھر جا کر بھی دانش اور ڈرامے کےسیٹ پر بھی دانش

اس ڈرامے کی کہانی میں دکھایا گیا تھا کہ مہوش (عائزہ خان) ایک غریب گھرانے کی شادی شدہ خاتون ہوتی ہیں جو پیسوں کی لالچ میں اپنے شوہر (ہمایوں سعید) کو دھوکا دے کر ان سے طلاق لے کر امیر شخص شہوار (عدنان صدیقی) سے تعلقات استوار کرکے ان سے شادی کرنے کی خواہش مند ہوتی ہیں

میرے پاس تم ہو ڈرامے کے ڈائیلاگز تکلیف دہ تھے عدنان صدیقی کا اعتراف

دونوں کی شادی سے قبل ہی شہوار کی پہلی اہلیہ ماہم (سویرا ندیم) امریکا سے واپس آجاتی ہیں اور مہوش کو بے عزت کرنے کے ساتھ ساتھ اپنے امیر شوہر کو جیل بھجوا دیتی ہیں

واضح رہے کہ ڈراما سیریلمیرے پاس تم ہوپاکستان کی تاریخ کا مقبول اور کامیاب ترین ڈرامہ ہے یہ ڈراما اتنا مقبول ہوا کہ اس کی آخری قسط کو سینما میں دکھایا گیا جسے دیکھنے بڑی تعداد میں لوگ پہنچے ڈرامے کی کہانی کو مختلف حلقوں کی جانب سے تنقید کا نشانہ بنایا گیا تاہم دلچسپ بات یہ ہے کہ تنقید کے باوجود اس ڈرامے کو بہت زیادہ دیکھا گیا اور سوشل میڈیا پر آئے دن اس ڈرامے سے متعلق کوئی نہ کوئی بحث ہوتی رہی اور اس پر تبصرے کئے گئے ڈرامے میں عائزہ خان، ہمایوں سعید، عدنان صدیقی اورحرا مانی نے مرکزی کردار ادا کیے تھے

مقبوضہ کشمیر سے تعلق رکھنے والی سابق اداکارہ زائرہ وسیم نے وادی میں انٹرنیٹ بلیک آؤٹ اور پابندیوں کی مذمت کی اور کہا کہ کشمیر کو بدستور آزمائش کا سامنا ہے اور امید اور اضطراب کے درمیان ڈول رہا ہے
https://www.instagram.com/p/B8HbAKKlUvT/?igshid=22tbxiwxuvai
باغی ٹی وی کی رپورٹ کے مطابق زائرہ وسیم نے اپنے انسٹاگرام میں ایک سفید پھول کی تصویر شیئر کرتے ہوئے ایک طویل پوسٹ میں لکھا کہ کشمیر کو بدستور آزمائش کا سامنا ہے اور امید اور اضطراب کے درمیان ڈول رہا ہے بڑھتی ہوئی مایوسی اور رنج کی جگہ اب سکون کی جھوٹی اور بے چین جھلک نے لے لی ہے
https://kmsnews.org/news/2020/02/04/why-is-it-so-easy-to-have-our-voices-silenced-asks-zaira/

زائرہ کا کہنا تھا کہ کشمیر ایک ایسی دنیا میں آزمائش کا سامنا کررہا ہے جہاں ہماری آزادی پر پابندی لگانا نہایت آسان ہے ہمیں ایسی دنیا میں کیوں رہنا پڑ رہا ہے جہاں ہماری زندگیاں اور خواہشات محدود اور توڑی مروڑی گئی ہیں اور ہماری خواہشات کے برعکس اپنی خواہشات ہم پر مسلط کی گئی ہیں

سابق بالی وڈ اداکارہ نے سوال اٹھاتے ہوئے کہا کہ ہماری آوازیں خاموش کروانا اتنا آسان کیوں ہے؟ ہماری آزادی اظہار رائے پر پابندی لگانا اتنا آسان کیوں ہے؟ وہ فیصلہ جو ہماری خواہشات کے برعکس کیا گیا اس کی ہم سےمنظوری لینے کی تو دور کی بات ہمیں اپنی رائے دینے کی بھی اجازت کیوں نہیں؟

یہ کہنا غلط ہے کہ کشمیر میں سکون ہو چکا ہے زائرہ وسیم

ان کا مزید کہنا تھا کہ ہمارے نقطہ نظر کو سمجھنےکی بجائے ہمارے خیال کی ہی بے رحمی سے مذمت کردی گئی ہماری آوازوں کو سختی سے دبانا اتنا آسان کیوں ہے؟ ہم دنیا کو اپنی موجودگی کی یاددہانی کروائے بغیر اور ہمیشہ کسی کشمکش کا سامنا کیے بغیر آسان زندگی کیوں نہیں گزار سکتے؟

انہوں نے مزیدکہا کہ ایک کشمیری کی زندگی کا ہمیشہ بحران، بندشوں اورپابندیوں سے ہی گزرنا کیوں ہے اور وہ بھی اتنے بڑے پیمانے پر کہ اس نے دل اور دماغوں سے معمول کی صورتحال اور ہم آہنگی کی پہچان ہی چھین لی ہے

زائرہ کا کہنا تھا کہ اسطرح کے ہزاروں سوالات کے جوابات اب تک نہیں مل سکے جس نے ہمیں حیرت زدہ اور مایوسیوں کا شکار بنا دیا ہے لیکن ہماری محرومیوں کو کوئی ٹھکانا نہیں مل سکا حکام ہمارے شبہات اور قیاس آرائیوں کو روکنے کی معمولی سی کوشش بھی نہیں کرتے بلکہ اپنے راستے چلنے پر بضد ہیں تا کہ ہمارے وجود الجھن متصادم اور مفلوج دنیا میں محدود کردیں

انہوں نے کہا کہ حقائق کی غیر منصفانہ نمائندگی یا کشمیر میں سب اچھا ہے جیسی خبروں پر یقین نہ کریں بلکہ سوال کریں

انہوں نے کہا کہ میں دنیا سے سوال کرتی ہوں کہ ہم جس جبر اور مصائب سے گزر رہے ہیں اس کو قبول کرنے کے لیے کس چیز نے آپ کو روکا ہے؟

زائرہ کا کہنا تھا کہ حقائق کی غیر منصفانہ نمائندگی اور تفصیلات کا میڈیا کی جانب سے صورتحال کی سچائی اور حقیقیت کے حوالے سے میڈیا کی خوش گمانیوں پر یقین نہ کریں سوال پوچھیں جانبدارانہ مفروضوں کو دوبارہ جانچیں سوال پوچھیں ہماری آوازوں کو دبانے سے متعلق اور اس بارے میں کہ ہم کب تک نہیں جانیں گے

واضح رہے کہ زائرہ وسیم نے 2016 میں عامر خان کی فلم ‘دنگل’ کے ساتھ بولی وڈ میں ڈیبیو کیا اس فلم کی کامیابی کے بعد زائرہ کو بھارت میں نیشنل ایوارڈ سے بھی نوازا گیا جس کے بعد انہوں نے ایک اور فلم سیکرٹ سپراسٹار میں بھی مرکزی کردار ادا کیا جو کامیاب ثابت ہوئی

تاہم گزشتہ سال اداکارہ نے فلمی صنعت کو یہ کہتے ہوئےچھوڑنے کا اعلان کیا کہ ان کافنی کیریئران کے مذہبی عقائد پر اثرانداز ہورہا تھا

ایکشن سے بھر پور ہالی وڈ فلم بلیک ویڈوکا نیا ٹریلر جاری کردیا گیا ہے

باغی ٹی وی کی رپورٹ کے مطابق ر ہالی وڈ اداکارہ اسکارلٹ جانسن ایکشن سے بھر پو فلم بلیک ویڈوکا نیا ٹریلر جاری کردیا گیا ہے

فلم بلیک ویڈو کی کہانی اوینجرز کی دنیا سے پہلے کے دور پر مبنی ہے فلم میں اسکارلٹ جانسن بھرپور ایکشن میں نظر آئیں گی
https://www.youtube.com/watch?v=gdBBo_LJPqw&feature=youtu.be

کیٹ شارٹ لینڈ کی ہدایتکاری میں بننے والی اس فلم میں نتاشا رومن آف کے کردار کی کہانی کو پیش کیا جائے گا کہ انہوں نے آغاز کہاں سے اور کیسے کیا اور کس طرح ایونجرز کی دنیا کا حصہ بنیں

فلم ’بلیک ویڈو‘ رواں سال یکم مئی کو نمائش کے لیے پیش کی جائے گی

پاکستان شوبز انڈسٹری کے نامور اور معروف اداکار نعمان اعجاز کا کہنا ہے کہ روانی سے انگریزی بولنا اور برانڈڈ کپڑے پہننا ہی بھر پور طرز زندگی نہیں ہے

باغی ٹی وی کی رپورٹ کے مطابق اداکار نعمان اعجاز نے سماجی رابطے کی ویب سائٹ انسٹاگرام پر اپنی ایک تصویر شیئر کی اور اس کے کیپشن میں لکھاکہ مجھے اس بات پر یقین ہے کہ روانی سے انگریزی بولنا اور مہنگے مہنگے برانڈڈ کپڑے پہننا بھرپور طرز زندگی کا نام نہیں ہے بلکہ اچھی زندگی کا مطلب تو وہ لاتعداد چہرے ہیں جو آپ کا نام سنتے ہی مسکرا دیتے ہیں

اداکار نے ٹوئٹر پر بھی ٹوئٹ میں بھی یہی کیپشن لکھا نعمان اعجاز کے اس ٹویٹ پر اداکار ہمایوں سعید نے کمنٹ کرتے ہوئے لکھا کہ یہ سچ ہے

علاوہ ازیں اداکاری کے اس ٹویٹ پر مداحوں اور ٹویٹر صارفین نے بھی مختلف کمنٹس کئے

دنیا کی سب سے بڑی ویڈیو اسٹریمنگ ویب سائٹ یوٹیوب نے معروف کینیڈین نژاد امریکی گلوکار27 سالہ جسٹن بیبر کی زندگی پر 10 حصوں پر مشتمل دستاویزی فلم ’دی ڈارک سیزن‘ کو ریلیز کردیا

یوٹیوب نے دسمبر 2019 میں گلوکار کی زندگی پر دستاویزی ویب سیریز جاری کرنے کا اعلان کیا تھا اور اب ان کی زندگی پر بنائی گئی سیریز کو ویب سائٹ پر جاری کر دیا ہے

جسٹن بیبر کی زندگی پردستاویزی فلم ریلیز کرنے کا اعلان

مختلف ویڈیوز کی صورت میں ریلیز کی گئی ویب سیریز میں جسٹن بیبر کے مختلف ٹی وی چینلز کو دیے گئے انٹرویوز بھی شامل ہیں جب کہ ویب سیریز میں ایسی ویڈیوز اور تصاویر بھی شامل کی گئی ہیں جو پہلے کبھی منظر عام پر نہیں آئی تھیں

ویب سیریز میں جسٹن بیبر کی اہلیہ امریکی ماڈل ہیلی بالڈوین سمیت گلوکار کی زندگی میں اہمیت رکھنے والے دیگر افراد کے انٹرویوز بھی شامل ہیں جو جسٹن بیبر کے حوالے سے اپنے خیالات کا اظہار کرتے دکھائی دیتے ہیں جسٹن بیبر کی زندگی پر بنائی گئی دستاویزی ویب سیریز کی ہر ویڈیو تقریبا 15 منٹ دورانیے کی ہے اور ان ویڈیوز میں گلوکار خود کو پیش آنے والے مسائل اور اپنی کامیابیوں پر بات کرتے دکھائی دیتے ہیں

ویب سیریز میں گلوکار بتاتے نظر آرہے ہیں کہ وہ انتہائی کم عمری میں چرس اور ہیروئن سمیت دیگر نشہ کرنے لگے تھے نشے کی عادت کی وجہ سے جہاں ان کا کیریئر متاثر ہوا وہیں ان کے ذاتی تعلقات بھی متاثر ہوئے اور انہیں محسوس ہونے لگا کہ ان کا رویہ دوسرے لوگوں سے درست نہیں

گلوکار کا کہنا تھا کہ کم عمرے میں نشے کی بری عادت کی وجہ سے وہ ڈپریشن اور انزائٹی کا شکار ہوگئے اور انہیں اپنے علاج کے لیے بہت پیسہ خرچ کرنا پڑا گلوکار کے مطابق ایسا کم عمری میں شہرت اور دولت کی وجہ سے ہوا کیونکہ انہیں کئی چیزوں کو سمجھنے میں مشکل ہوئی

ویب سیریز میں جسٹن بیبر نے خود کو ہونے والے ’لائم‘ کےمرض سمیت دیگر بیماریوں کا ذکر بھی کیا اور کہا کہ انہیں شدید پریشانی اور تکلیف کا سامنا کرنا پڑ علاوہ ازیں جسٹن بیبر نے ویب سیریز میں کیریئر میں پیش آنے والی دیگر مشکلات کا ذکر بھی کیا

شوبز کو خیر باد کہنے والے معروف اداکار حمزہ علی عباسی کا کہنا ہے کہ کرونا وائرس کو عذاب کہنا بند کردیں اور متاثرین کے ساتھ ہمدردی کا اظہار کریں

حمزہ علی عباسی نے سماجی رابطے کی ویب سائٹ ٹویٹر پر قرآن پاک کی ایک سورۃ کی آیت شیئر کی جس میں اللہ نے فرمایا کہ اور ہم کسی قوم کو کبھی بھی سزا نہیں دیتے جب تک ان میں ایک رسول نہ بھیج دیں تاکہ وہ سزا سے پہلے اُن پر حجت پوری کر دے

قرآن پاک کی آیت شئیر کرتے ہوئے حمزہ علی عباسی نے پنی ٹویٹ میں یہ بھی لکھا کہ اس دنیا میں انہی قوموں پر عذاب نازل ہوا ہے جنہوں نے اپنے رسولوں کا انکار کیا اور ایمان نہ لائے تاہم اب سزا و جزا کا فیصلہ روز محشر ہونا ہے قدرتی آفات یعنی زلزلے اور کورونا وائرس ہم سب کے لیے ایک یاد دہانی ہے متاثرین کیساتھ ہمدردی کا اظہار کریں اللہ ہم سب کو اپنے امان میں رکھے

حمزہ علی عباسی نے ایک اور ٹوئٹ کرتے ہوئےمیں یہ بھی لکھا کہ وہ لوگ جو کسی بھی وجوہات کی بنا پر اس وبائی مرض کو عذاب کہہ رہے ہیں وہ لوگ اس واقعہ یعنی کورونا وائرس کو عذاب کہنا بند کریں اور اس طرح کی باتیں کرکے دین کی تعلیمات کا مذاق نہ بنائیں انہوں نے لوگوں سے درخواست کرتے ہوئے کہا کہ متاثرین کی مدد کے لیے جو کر سکتے ہیں کریں کچھ نہیں کرسکتے تو کم سے کم مریضوں کی شفا اور علاج معالجے میں مصروف لوگوں کی کامیابی کے لیے دعا کریں

باغی ٹی وی کی رپورٹ کے مطابق پاکستان شوبز انڈسٹری کے نامور اداکار ہمایوں سعید اپنا منی ہائسٹ بنائیں گے

نیٹ فلکس پر ریلیز ہونے والی ہسپانوی کرائم سیریز منی ہائسٹ پوری دنیا سمیت پاکستان میں بھی بے حد مقبول ہوئی جرائم پر مبنی اس شو کے اب تک 3 سیزنز رہلیز ہوچکے ہیں اور مداح اس کے اگلے سیزن کا بےصبری سے انتظار کررہے ہیں

اس حوالے سے حال ہی میں پڑھ لو نامی ویب سائٹ نے ایک خبر شائع کی تھی جس میں انہوں نے دعوی کیا تھا کہ پاکستان کے نامور اداکار ہمایوں سعید اپنے ڈرامے میرے پاس تم ہو کی کامیابی کے بعد اس شو کا حصہ بننے جارہے ہیں اس خبر نے مداحوں کے ساتھ ساتھ شاید خود ہمایوں سعید کو بھی حیران کردیا تھا

جہاں اداکار کی اس سیریز میں کام کرنے کی قیاس آرائیوں میں تیزی سے اضافہ ہورہا ہے وہیں اب ہمایوں سعید نے خود سوشل میڈیا ویب سائٹ پران خبروں کی تردید کرتے ہوئے واضح کیا کہ پڑھ لو کی جانب سے لگائی خبر صرف مذاق کا تھا تاہم انہوں نے اعلان کیا کہ انشاء اللہ اپنا منی ہائسٹ بنائیںگے

خیال رہے کہ منی ہائسٹ سیریز کی اس سیزن کی پہلی قسط 2017 میں سامنے آئی تھی یہ کہانی ایک ایسے شخص پر مبنی ہے جسے پروفیسر کہا جاتا ہے اور یہ تاریخ کی سب سے بڑی ڈکیتی کی منصوبہ بندی کرتا ہے

پاکستان ٹی وی انڈسٹری کی ابھرتی ہوئی اداکارہ 26 سالہ سعدیہ غفار اور گلوکار و اداکار 27 سالہ حسن حیات خان کی بھی نسبت طےپا گئی

سماجی رابطے کی ویب سائٹ انسٹاگرام پر دونوں کی جانب سے شادی کی بات پکی ہونے کا باقاعدہ اعلان کیا گیا
انکی دوستی بہت پرانی تھی جسے اب انہوں نے رشتے میں بدلنے کا فیصلہ کیا ہے

انسٹا گرام پر تصویر کرتے ہوئے ہارٹ والا ایموجی بنایا تصویر میں دونوں نے کالا لباس پہنا ہےاور بہت خوش نظر آ رہے ہیں

دونوں کو ساتھی شوبز اداکاروں سمیت مداحوں کی جانب سے ڈھیروں دعائیں اور مبارکیں دی جارہی ہیں

زارا نور عباسی نے کمنٹ میں ماشاءاللہ لکھا اور دل والے ایموجی بنائے جبکہ یاسر رضوی نے بھی ڈھیروں مبارکباد دیتے ہوئے ہارٹ ویموجی بنائے اداکارہ مانل خان نے بھی لکھا سعدیہ مبارک ہو اور ہارٹ ایموجی بنایا جبکہ اداکارہ سعدیہ نے جوابی کمنٹس کرتے ہوئے سب کے خلوص دعاؤں اور پیار پر شکریہ ادا کیا

علاوہ ازیں ساتھی اداکاروں اور سعدیہ کی قریبی دوستوں کی جانب سے خوشی کے اس لمحے کو انسٹا گرام سٹوری پر شیئر کیا گیا ہے


اداکارہ سجل علی نے بھی اپنی انسٹا گرام سٹوری پر جوڑی کی تصویر شئیر کرتے ہوئے خوشی کا اظہار کیا اور مبارکباد دی اور ہمیشہ خوش رہنے کی دعا دی

واضح رہے کہ پاکستان ٹی وی انڈسٹری کے گلوکار بھی ہیں اور اداکار بھی انہوں نے ڈرامہ ’بھول‘ میں اپنی اداکاری کے جوہر دکھائےدوسری جانب اداکار و ماڈل سعدیہ غفار پاکستانی ڈراموں ’ ایسی ہے تنہائی‘ ’کس دن میرا ویاہ ہووے گا میں اداکاری کر چکی ہیں

اردو کی مقبول و معروف ناول نگار اور افسانہ نگاراور بانو آپا کے نام سے جانی جانیں والی بانو قدسیہ کو اپنے مداحوں سے بچھڑے تین برس بیت گئے

بانو قدسیہ مشرقی پنجاب کے ضلع فیروزپور میں 28 نومبر1928کو ایک زمیندارگھرانے میں پیدا ہوئیں انہوں نے کنیئرڈ کالج برائے خواتین لاہور سے ریاضیات اور اقتصادیات میں گریجویشن کیا اور1951میں گورنمنٹ کالج لاہور سے ایم اے اردو کی ڈگری حاصل کی

بانو قدسیہ نے اردو اور پنجابی زبانوں میں ریڈیو اور ٹیلی ویژن کے لیے بہت سے ڈرامے بھی لکھے ان کے ایک ڈرامے ’آدھی بات‘ کو کلاسک کا درجہ حاصل ہے

بانو آپا کے افسانوی مجموعوں میں ناقابل ذکر، بازگشت، امر بیل، دست بستہ، سامان وجود، توجہ کی طالب، آتش زیرپااور کچھ اور نہیں کے نام شامل ہیں جبکہ دیگر تصانیف میں ایک دن، شہر لازوال، پروا،موم کی گلیاں،چہار چمن، دوسرا دروازہ، ہجرتوں کے درمیاں اور ان کی خود نوشت راہ رواں سر فہرست ہیں

ان کا ناول راجہ گدھ اردو زبان کے اہم ناولوں میں شمار ہوتا ہے جبکہ ان کے لکھے گئے الفاظ اقوال زریں کا درجہ رکھتے ہیں جو کہ ہر زبان زد عام ہیں

ان کی ادبی خدمات پر حکومت پاکستان نے انہیں ستارہ امتیاز سے بھی نوازا ہے

بانوآپا 4 فروری2017 کو 88سال کی عمر میں شوگر اور دل کے عارضے کے باعث ہمیشہ اس دنیاسے رخصت ہو گئیں