Category: شوبز

لاہور کی فیملی کورٹ نے پاکستان کی نامور گلوکارہ صنم ماروی اور حامد خان کو خلع کی ڈگری جاری کردی

باغی ٹی وی کی رپورٹ کے مطابق لاہور میں فیملی کورٹ کی جج ثناء افضل واہلہ نے صنم ماروی کی خلع کی درخواست پر سماعت کی اور حامد خان اور صنم ماروی کی خلع کی دگری جاری کر دی جس کے ساتھ ہی ان کے درمیان ازدواجی سفر کا اختتام ہوگیا ہے

سماعت کے دوران صنم ماروی کا کہنا تھا کہ وہ اب حامد خان کے ساتھ مزید نہیں رہنا چاہتیں کیونکہ وہ ان پر تشدد کرتا ہے اور انہیں گالیاں دیتا ہے عدالت نے بیانات کو سننے کے بعد خلع کی ڈگری جاری کردی

صنم ماروی نے رواں سال 7 فروری کو اپنے شوہر حامد خان سے خلع کے لیے لاہور کی فیملی کورٹ میں اپنے وکیل ایڈووکیٹ حامد مقبول کے توسط سے درخواست دائر کی تھی اور موقف اختیار کیا تھا شوہر ان پر تشدد کرنے سمیت ان کے خلاف نازیبا زبان بھی استعمال کرتے ہیں 11 سال سے وہ بچوں کی خاطر اپنے شوہر کے ایسے رویئے کو برداشت کرکے تھک چکی ہیں

جس کے بعد حامد خان نے بھی عدالت میں سات صفحات پر مشتمل اپنے جواب میں اہلیہ کی جانب سے لگائے تمام الزامات مسترد کردئیے تھےاور موقف اختیار کیا کہ وہ اپنے بیوی اور بچوں کو خرچ دیتے ہیں اور اپنی ذمہ داریاں نبھاتے ہیں اور انہوں نے عدالت سے درخواست کی تھی کہ ان کی اہلیہ کی خلع کی درخواست کو مسترد کیا جائے

خیال رہے کہ صنم ماروی کی یہ دوسری شادی تھی ان کے پہلے شوہر آفتاب احمد کو 2009 ء میں کراچی میں قتل کردیا گیا تھا

گولیاں کھا کر مرنے سے بہتر ہے علیحدگی اختیار کر لی جائے صنم ماروی

بالی وڈ کے لیجنڈری اداکار اور بھارتی سیاستدان شتروگن سنہا کی لاہور میں منعقد ایک شادی میں موجودگی کی تصاویر اور ویڈیوز سوشل میڈیا پر خوب وائرل ہورہی ہیں جن میں ریما خان بھی ان کے ساتھ دکھائی دے رہی ہیں

باغی ٹی وی کی رپورٹ کے مطابق بالی وڈ کے لیجنڈری اداکار اور بھارتی سیاستدان شتروگن سنہا کی لاہور میں منعقد ایک شادی کی قوالی نائٹ میں میں موجودگی کی تصاویر اور ویڈیوز سوشل میڈیا پر خوب وائرل ہورہی ہیں جن میں ریما خان بھی ان کے ساتھ دکھائی دے رہی ہیں
https://www.instagram.com/p/B8whRDzgS0N/?igshid=gcvgmcnr05xz
خبریں گردش میں ہیں کہ وہ دو روز کے لیے پاکستان آئے ہیں اور پاکستانی سیاستدانوں سے ملاقات بھی کریں گے

جبکہ شترو گھن سنہا کی جانب سے اب تک اِس طرح کی کوئی ویڈیو سوشل میڈیا پر شیئر نہیں کی گئی اور نا ہی ریما کی جانب سے بھارتی اداکار سے ملاقات کا ایسا کوئی بیان سامنے آیا ہے
https://www.instagram.com/p/B8wkDotA0wA/?igshid=547jclxf3my4
واضح رہے کہ شترو گھن سنہا بھارت کے سینئر اداکار و سیاستدان اور سوناکشی سنہا کے والد ہیں انہوں نے اپنے دور میں بہت سی مشہور فلمیں کی ہیں

واضح رہے کہ پاکستان اور بھارت کے درمیان کشیدگی کی صورتحال کی وجہ سے دونوں ممالک کے درمیان سیاسی و سماجی تعلقات متاثر ہوئے ہیں جبکہ پاکستان میں بھارتی فلموں کی نمائش پر بھی پابندی عائد ہے اور بھارت میں پاکستانی فنکاروں کے کام کرنے پر بھی پابندی عائد کر دی گئی ہے

گزشتہ 60 ،70 سال سے مسلمانوں کو فحش فلمیں اور جھوٹے ڈرامے مصنوعی پھولوں میں سجا کر پیش کرنے والا یورپ اور انڈیا ترکی ڈرامہ غازی ارطغل کی مخالفت میں کھل کر سامنے آگیا

باغی ٹی وی کی رپورٹ کے مطابق گزشتہ 60 ،70 سال سے مسلمانوں کو فحش فلمیں اور جھوٹے ڈرامے مصنوعی پھولوں میں سجا کر پیش کرنے والا یورپ اور انڈیا ترکی ڈرامہ غازی ارطغل کی مخالفت میں کھل کر سامنے آگیا جبکہ امریکہ کی لونڈی ہالی وڈ اور بالی وڈ کی 70 سالہ فحش فلم انڈسٹری کو ترکی کے معروف ڈرامہ غازی ارطغل نے صرف دو سال میں دفن کر دیا

جس کا واضع ثبوت یہ ہے کہ انڈین حکومت نے اپنے اداکاروں پر پابندی لگاٸی کہ تم ترکی ڈرامہ غازی ارطغل کی اردو زبان میں ڈبنگ نہیں کرو گے جس کے بعد پاکستانی اداکاروں نے غازی ارطغل کے سیزن ون کی ڈبنگ کی ہے

ترکی نے تاریخی ڈرامہ غازی ارطغل میں مسلمانوں کے اسلامی جذبے اور جوش کو دکھایا گیا ہے مذکورہ ڈرامہ بنا کر مسلمانوں کو نہ صرف اپنی طرف متوجہ کیا بلکہ پوری دنیا کے مسلمانوں کو یکجا کر دیا ہے جو کہ اسلام اور مسلمانوں کے دشمن انڈیا اور یورپ کو ایک آنکھ نہیں بھایا اور وہ اس ڈرامے کی وجہ سے مسلمانوں کی یکجہتی سے خوفزدہ ہیں یہی وجہ ہے کہ انڈین حکومت نے اس ڈرامے کی ڈبنگ پر پابندی لگا دی ہے

اس وقت غازی ارطغل اور غازی عثمان ڈرامہ 150 سے زیادہ ممالک میں میں ترجمہ کے ساتھ نشر ہو رہا ہے جوکہ دنیا میں سب سے ‏زیادہ دیکھا جانے والا ڈرامہ ہے

ترکی ڈرامہ غازی ارطغل نے نوجوانوں کو اپنا کھویا ہوا مقام (خلافت عثمانیہ ) حاصل کرنے کے لئے پرجوش کر دیا ہے امریکی اخبار نیو یارک ٹاٸمز اور واشنگٹن پوسٹ نے اس ڈرامے کو خاموش ایٹم بم کہا ہے

واضح رہے اس ڈرامے میں اپنی اسلامی تاریخ اپنی نسل کو بتا کر اور عالم کفر کے خلاف یکجا ہونے کا پیغام دیا گیا ہے

ترکی ڈرامے دیریلیش ارطغرل کی اردو ڈبنگ روکنے کا انکشاف

معروف کامیڈین اور کمپئیرعمر شریف کی بیٹی حرا شریف کی مقامی قبرستان میں تدفین کردی گئی

باغی ٹی وی کی رپورٹ کے مطابق معروف کامیڈین اور کمپئیرعمر شریف کی بیٹی حرا شریف کی مقامی قبرستان میں تدفین کردی گئی معروف کامیڈین اور اداکار عمر شریف کی بیٹی حرا شریف پیر کی رات گردوں کی تکلیف کے باعث وفاتتے پا گئیں تھیں انکی وفات کی خبر سن کر اداکار عمر شریف امریکا میں شو منسوخ کر کے منگل کی شام لاہور پہنچے اپنی بیٹی کی میت سامنے دیکھ کر عمر شریف بہت غمزدہ ہوئے جوان بیٹی کی موت پر اپنے آنسو قابو نہ رکھ سکے

جوان بیٹی کی میت گھر سے روانہ ہوئی تو وہاں موجود ہر آنکھ اشکبار دکھائی دی شوبز اور دیگر شعبوں سے تعلق رکھنے والے افراد عمر شریف کے غم میں شریک ہونے کے لئے ان کے گھر پہنچے

حرا شریف کی نماز جنازہ قریبی مسجد میں ادا کی گئی جس کے بعد انہیں ماڈل ٹاؤن کے قبرستان میں سپرد خاک کردیا گیا

معروف گلوکارہ و اداکارہ میشا شفیع کی جانب سے جنسی ہراسانی کا الزام لگائے جانے کے بعد نامور اداکار و گلوکار علی ظفر کے خلاف ٹوئٹس کرنے والی خاتون بلاگر و سوشل میڈیا ایکٹیوسٹ مہوش اعجاز نے گلوکار سے معذرت کرلی

باغی ٹی وی کی رپورٹ کے مطابق معروف گلوکارہ میشا شفیع کی جانب سے جنسی ہراسانی کا الزام لگائے جانے کے بعد نامور اداکار و گلوکار علی ظفر کے خلاف ٹوئٹس کرنے والی خاتون بلاگر و سوشل میڈیا ایکٹیوسٹ مہوش اعجاز نے گلوکار سے معذرت کرلی مہوش اعجازمیشا شفیع کی جانب سے اپریل 2018 میں علی ظفر پر جنسی ہراسانی کے الزامات لگائے جانے کے بعد علی ظفر کےخلاف متعدد ٹوئٹس کی تھیں

تشدد بچوں کے دماغ کو جنسی ہراسانی جتنا متاثر کرتا ہے شہزاد رائے

مہوش اعجاز نے میشا شفیع اور علی ظفر کے کیس کے حوالے سے بلاگ بھی لکھے تھے جن میں انہوں نے دونوں طرف سے کی جانے والی باتوں کا ذکر کیا تھا تاہم ان کی ہمدریاں میشا شفیع کے ساتھ تھیں مہوش اعجاز نے علی ظفر کی فلم طیفا ان ٹربل کا بائیکاٹ کرنے سمیت انہیں ایک ایوارڈ میں نامزد کرنے کے حوالے سے بھی اپنے خیالات کا اظہار کرتے ہوئے ان کے خلاف ٹوئٹس کی تھیں

تاہم اب انہوں متعدد سوشل میڈیا ویب سائٹ ٹویٹر پر علی ظفر کے خلاف کی گئی ٹوئٹس پر وضاحت کرتے ہوئے ان سے اور ان کے اہل خانہ سے معذرت کی

مہوش اعجاز نے ایک ٹوئٹ میں لکھا کہ وہ علی ظفر اور ان کے اہل خانہ کو تکلیف پہنچانے پر معذرت خواہ ہیں کیوںکہ ان کی جانب سے ہی کچھ واقعات کو سامنے لانے کے بعد ان کی مشکلات میں اضافہ ہوا تھا اور آپ دیکھیں گے جو میں لکھ رہی ہوں وہ کیوں لکھ رہی ہوں

مہوش اعجاز نے ایک اور ٹویٹ میں میشا شفیع اور علی ظفر کے زیر سماعت کیس میں متحرک افراد کے حوالے سے بھی بات کی اور بتایا کہ انہیں اس کیس میں پیش پیش کچھ افراد سے مایوسی بھی ہوئی انہوں نے لکھا کہ وہ اپنی تمام ٹویٹس واپس لیتی ہیں جو انہوں نے علی ظفر کے خلاف کی تھیں اور جن کا تعلق ان کے ساتھ تھا

مہوش اعجاز کی معافی کی ٹوئٹس کے بعد کئی افراد نے ان پر تنقید بھی کی جب کہ بہت سارے افراد نے ان کی معذرت اور غلطی ماننے کو بہادری سے بھی کہا بعض افراد نے مہوش اعجاز پر الزامات لگائے کہ انہوں نے پیسوں کے لئے علی ظفر کے خلاف الزامات لگائے تھے جس کے بعد انہوں نے ایک اور طویل وضاحتی ٹوئٹ کی اور بتایا کہ انہوں نے کبھی بھی پیسوں کے لیے ٹوئٹس نہیں کیں

Thanks. pic.twitter.com/aeijsdAzAT

— Mahwash Ajaz 🇵🇰 (@mahwashajaz_) February 18, 2020

انہوں نے ٹوئٹ میں وضاحت کرتے ہوئے لکھا کہ انہوں نے کبھی بھی کسی سے ٹوئٹس کے لیے پیسے نہیں لیے اور نہ ہی وہ پیسوں کے لئے ایسا کرتی ہیں تاہم وہ یہ سب کچھ اپنی سوچ اور ان ثبوتوں کی بنا پر کرتی ہیں جو انہوں نے اس وقت دیکھ رکھے ہوتے ہیں

انہوں نے لکھا کہ وہ کوئی عدالت نہیں جج و جیوری نہیں وہ کوئی ایسی اتھارٹی نہیں جو یہ فیصلہ کرے کہ کون مجرم ہے اس لیے وہ کسی کے حوالے سے فیصلہ کرنے والی نہیں

مزید لکھا کہ وہ حاصل ہونے والی معلومات اور واقعات کو خود دیکھنے کے بعد جو اچھا سمجھتی ہیں وہ لکھتی ہیں تاہم انہیں ملنے والی معلومات نامکمل بھی ہو سکتی ہے اور اگر عدالتیں کسی کو بے قصور ٹھہراتی ہیں تو وہ پہلی شخصیت ہوں گی جو اپنی غلطی کو تسلیم کریں گی

انہوں نے لوگوں سے خود پر تنقید کرنے سے روکا اور کہا کہ کم سے کم انہیں پیسوں کے عوض بکاؤ نہ سمجھا جائے کیوں کہ انہوں نے ایسا کبھی نہیں کیا

انہوں نے ایک ٹویٹ میں علی ظفر کی تصویر شئیر کرتے ہوئے لکھا کہ انہوں نے طیفا ان ٹربل دیکھنے کا فیصلہ کیا ہے اوہ اس میں ہنگاموں کو دیکھنا چاہتی ہیں

واضح رہے کہ مہوش اعجاز کا شمار پاکستان کے سوشل میڈیا ایکٹیوسٹ، بلاگرز اور خواتین کے حقوق کے لیے آواز بلند کرنے والی سرگرم کارکنان میں ہوتا ہے

علی ظفر کا کوئٹہ اور کیماڑی ناخوشگوار واقعات پر افسوس کا اظہار

پاکستان کی نامور اداکارہ نوین وقار نے ایک نیا ڈرامہ سائن کرلیا جس میں وہ ایک منفرد حیران کن اور مختلف کردار میں نظر آئیں گی

باغی ٹی وی کی رپورٹ کے مطابق اداکارہ نوین وقار نے ایک نیا ڈرامہ سائن کرلیا جس میں وہ ایک منفرد حیران کن اور مختلف کردار میں نظر آئیں گی نوین وقار اپنے اس ڈرامے کے لیے بےحد پرجوش ہیں اداکارہ نے کہا امید ہے کہ مذکورہ عید کے موقع پر اسے نشر کیا جائے گا اور وہ اسڈرامے کے لئے بے حد پُرجوش ہیں

اس ڈرامے میں نوین وقار ماہ نور نامی لڑکی کا کردار نبھارہی ہیں ڈراؤنی کہانی پر مبنی اس ڈرامے میں کئی سالوں کا دور دکھایا جائے گا

ڈرامے کو شمعون عباسی نے ڈائیریکٹ کیا ہے شمعون عباسی ایک دہائی بعد کسی ڈرامے کی ہدایات دیں گے

ڈرامے کی دیگر کاسٹ میں نوین وقار کے ساتھ ثمینہ احمد اور عدنان جعفر بھی موجود ہیں اور یہ ہم ٹی وی پر نشر ہوگا

اداکارہ نے انکشاف کیا کہ وہ اس ڈرامے کے ساتھ ساتھ دو اور ڈراموں کے اسکرپٹس پڑھ رہی ہیں تاہم ابھی انہوں نے فیصلہ نہیں کیا کہ وہ کس ڈرامے کا انتخاب کریں گی

پاکستان شوبز اندسٹری کے معروف ادکار ہمایوں سعید نے نامور اداکار عدنان صدیقی کے کھانے پر چوٹ کرتے ہوئے مذاق میں کہا کہ خود دو نوالے سے زیادی کھاتا نہیں ہمیں کھانا دکھا کر موٹا کرنا چاہتا ہے

پاکستان شوبز اندسٹری کے معروف ادکار ہمایوں سعید اور نامور اداکار عدنان صدیقی ایک دوسرے کے قریبی دوست ہیں اور ایک دوسرے کا مذاق اڑانے کا کوئی موقع ضائع نہیں کرتے اور اکثر سوشل میڈیا پر مذاحیہ کمنٹس کرتے نظر آتے ہیں

حال ہی دونوں معروف اداکاروں نے میرے پاس تم ہو ڈرامے میں مرکزی ادا نبھائے ہیں

باغی ٹی وی کی رپورٹ کے مطابق اداکار عدنان صدیقی سوشل میڈیا پر کھانے کی ایک ویڈیو اپ لوڈ کی جس میں وہ کسی ڈھابے میں موجود نظر آرہے ہیں اور ان کے سامنے کھاناجیسے پراٹھا، قیمہ اور دال وغیرہ موجود ہے
https://www.instagram.com/p/B8q9CuoHD1e/?igshid=srossia1r3q6
اداکار عدنان صدیقی سوشل میڈیا نے سماجی رابطے کی ویب سائٹ انسٹا گرام پر ایک ڈھابے میں کھانے کی ایک ویڈیو اپ لوڈ اور کہا کہ پراٹھا قیمہ سلاد اور میاں ہوٹل کی مشہور دال وہ یہ سب ختم کریں گے جبکہ ویڈیو کے کیپشن میں لکھا کہ وہ پاکستان کے صوبہ پنجاب میں لالہ موسیکے جی ٹی روڈ پرمیاں جی ریسٹورنٹ میں موجود ہیں جہاں کی اصلی گھی سے دیئے تڑکے کی دال بہت مشہور ہے

جہاں اداکار کی اس ویڈیو پر مداحوں نے دلچسپ کمنٹس کئے وہیں ان کے دوست ہمایوں سعید نے بھی ان کو مزاحیہ اور مذاق سے بھر پور کمںٹ کیا

ہمایوں سعید نے لکھا کہ ابے چل جھوٹے دو نوالے سے زیادہ کھاتا نہیں تو ہمیں دکھاؤ تاکہ ہم کھائیں اور موٹے ہوجائیں

واضح رہے ہمایوں سعید اور عدنان صدیقی متعدد ڈراموں میں اکٹھے کام کر چکے ہیں جن میں پاکستان کی تاریخ کا مقبول ڈرامہ میرے پاس تم ہو مہندی محبت روٹھ جائے تو اور عشق جنون دیوانگی شامل ہیں

ہالی وڈ کے معروف اداکار آرنلڈ شوازینگر نے وزیر اعظم پاکستان عمران خان کو آسٹرین ورلڈ سمٹ میں شرکت کی دعوت دے دی

باغی ٹی وی کی رپورٹ کے مطابق ہالی وڈ کے معروف اداکار آرنلڈ شوازینگر نے وزیر اعظم پاکستان عمران خان کو آسٹرین ورلڈ سمٹ میں شرکت کی دعوت دے دی

سماجی رابطے کی ویب سائٹ ٹویٹر پر عمران خان کے معاون خصوصی برائے ڈیجیٹل میڈیا ڈاکٹر ارسلان خالد نے ایک ویڈیو شیئر کی جس پر عنوان لکھا کہ آرنلڈ شوازینگرکی آسٹرین ورلڈ سمٹ میں پرائم منسٹرعمران خان کو شرکت کی دعوت

World is recognizing Pakistan's efforts to save the world from the threat of climate change. Prime Minister @ImranKhanPTI being invited to join the Austrian World Summit to inspire other world leaders to join the fight against climate change pic.twitter.com/LJRo7TR3JP

— Dr Arslan Khalid (@arslankhalid_m) February 17, 2020

ڈاکٹر ارسلان خالد ویڈیو کے کیپشن میں لکھا کہ دنیا ماحولیاتی تبدیلی سے ہونے والے مسائل سے بچنے کے لیے پاکستان کی کاوشوں کو تسلیم کررہی ہے اور وزیر اعظم عمران خان کو آسٹریا ورلڈ سمٹ میں شرکت کی دعوت دی جارہی ہے تاکہ وہ عالمی رہنماؤں کو موسمیاتی تبدیلیوں کے خلاف جنگ میں شامل ہونے کی ترغیب دیں

ہالی ووڈ کی مشہور فلم ٹرمینیٹر سے شہرت پانے والے آرنلڈ شوازینگر کافی عرصے سے تحفظ ماحولیات کے لیے متعدد مہمات کا حصہ رہے ہیں وہ اکثر و بیشترایسی ویڈیوز اور پیغامات بھی جاری کرتے رہتے ہیں جن میں وہ تحفظ زمین اور ماحول کی جانب دوسروں کی توجہ راغب کرتے دکھائی دیتے ہیں

جب کہ آرنلڈ کو ماحولیاتی تحفظ کے لیے خدمات انجام دینے پر فرانسیسی اعزاز لیجنڈ آف آنرز سے نوازا جاچکا ہے

خیال رہے کہ آرنلڈ شوازینگر 2003 سے 2011 تک امریکی ریاست کیلیفورنیا کے گورنر بھی رہ چکے ہیں

پاپ اسٹاراور ڈانسر مائیکل جیکسن کے بھتیجے جعفر جیکسن کا کہنا ہے کہ پاکستان حسین ترین اور پرامن ملک ہے مجھے یہاں آکر خوشی ہوئی لیکن دنیا بھر میں اس کا تاثرغلط قائم کیا گیا ہے

باغی ٹی وی ککی رپورٹ کے مطابق مائیکل جیکسن کے بھتیجے جعفر جیکسن لاہور اسلام آباد کے بعد اب کراچی میں ہیں انہوں نے چائنہ پاکستان اکنامک کوریڈور کے بانی رکن اور میزبان ذیشان شاہ کے ہمراہ میڈیا سے پاکستان کے بارے میں بات کرتے ہوئے کہا کہ پاکستان ایک پرامن ملک ہے لیکن دنیا میں اس کا تاثرغلط قائم کیا گیا ہے

جعفر جیکسن نے کہا کہ وہ 6 روز سے پاکستان میں قیام پذیر ہیں لاہور اسلام آباد کے بعد اب کراچی میں موجودہیں انہوں نے کہا پاکستان انتہائی خوبصورت ملک ہے اور یہاں آکر بہت خوشی ہوئی ہے

جعفر جیکسن نے کہا کہ پاکستانی لوگ محبت کرنے والے ہیں اور پاکستانی کھانوں کی تعریف کی کہا کہ یہاں کے کھانے انتہائی لذیذ اور ذائقہ دار ہیں

انہوں نے اپنے میوزک کے بارے میں بات کرتے ہوئے میڈیا کو بتایا کہ میوزک کے معاملے میں وہ اپنےچچا مائیکل جیکسن سے متاثرہیں لیکن ان کی طرح ڈانس نہیں کرسکتے

جعفر جیکسن نے بتایا کہ ان کی پہلی البم موسم گرما میں ریلیز ہونے جا رہی ہے جس میں اطالوی، افریقی اورامریکی میوزک کویکجا کیاگیاہے انہوں نے کہاکہ پوری دنیا میں سماجی پروجیکٹس کرنا چاہتا ہوں

جعفر جیکسن نے کہا کہ وہ مستقبل میں پاکستان اور امریکی پاپ سنگرز کی مشترکہ کنسرٹ کرنے کا ارادہ رکھتے ہے

اس موقع پر چائنہ پاکستان اکنامک کوریڈور کے بانی رکن اور میزبان ذیشان شاہ نے میڈیا سے بات کرتے ہوئے کہا کہ ہم عالمی سیلیبرٹیز کے ذریعے دنیا بھر میں پاکستان کے مثبت تاثر کو فروغ دینا چاہتے ہیں انہوں نے کہا کہ ہم نے اب تک چار عالمی شہرت یافتہ شخصیات کو اپنی مدد آپ کے تحت پاکستان کے دورے کروائے ہیں تاکہ وہ اپنے ممالک میں جا کر پاکستان کا اصلی چہرہ دنیا کے سامنے لائیں

پاکستان ایک حسین ترین اور پر امن ملک ہے جعفر جیکسن

واضح رہے کہ کچھ روز پہلے جعفر جیکسن نے اسلام آباد کی نسٹ یونیورسٹی اور کومسیٹس یونیورسٹی کے دورے کے موقع پر طلباء سے خطاب کرتے ہوئے کہا تھا کہ پاکستان میں اپنی مہمان نوازی اور لوگوں کے محبت بھرے انداز ملنساری سے متاثر ہو کر پاکستان کے بارے میں مغربی میڈیا میں پیش کردہ منفی تاثرات کو غلط پایا ہے

انہوں نے کہا تھا کہ پاکستان اپنے مہمان کا والہانہ استقبال کرنے والے ملنسار اور بااخلاق اور مہمان نواز لوگوں کا خوبصورت ملک ہے اور وہ پاکستان کے لوگوں کی مہمان نوازی دیکھ کر حیران رہ گئے ہیں اور سوچنے پر مجبور ہوگئے ہیں کہ مغربی میڈیا پاکستان کے بارے میں کس قدر غلط انداز میں منفی تاثر پیدا کرتا ہے

خیال رہے کہ جعفر جیکسن لاس اینجلس کیلیفورنیا میں پیدا ہونے والے مغربی دنیا کے ابھرتے ہوئے گلوکار نغمہ نگار اور مزاحیہ فنکار ہیں وہ عالمگیر شہرت کے حامل لیجینڈری گلوکار پاپ کنگ مائیکل جیکسن کے بھتیجے اور نغمہ نگار و پروڈیوسر جرمین جیکسن کے چھوٹے صاحبزادے ہیں ان کے والد جرمین جیکسن نے 1989ء میں بحرین کے دورے کے بعد اسلام قبول کرلیا تھا