اسلام کی خاطر بالی ووڈ سے کنارہ کشی اختیار کرنے والی اداکارہ زائرہ وسیم کا کہنا ہے کہ کشمیر میں اب بھی صورتحال کشیدہ ہے ہر طرف غیر یقینی کی کیفیت ہے یہ غلط ہے کہ کشمیر میں سکون ہو چکا ہے
سماجی رابطے کی ویب سائٹ ٹوئٹر پروہاب شیخ نامی بھارتی مداح صارف نے زائرہ کے 5 اگست کو کشمیر کے حوالے سے کئے گئے ٹوئٹ کا جواب دیا جس میں زائرہ نے ہیش ٹیگ کشمیر ک استعمال کرتے ہوئے لکھا تھا کہ یہ وقت بھی گزر جائے گا
اس ٹویٹ کے جواب میں مداح نے ان کو جوابی ٹویٹ کرتے ہوئے خیریت پوچھی ور لکھا کہ مشکل وقت گزر چکا ہے
جس پر جوابی ٹویٹ کرتے ہوئے اداکارہ نے پیغام شیئر کیا اور لکھا کہ یہ کہناغلط ہے کہ کشمیر میں سکون ہو چکا ہے کشمیر میں اضطراب اور غیریقینی کی کیفیت برقرارہے مگر الحمد اللہ وہ خیریت سے ہیں
واضح رہے کہ زائرہ وسیم نے 5 اگست کو ٹوئٹ شیئر کیا تھا جس دن بھارت کی حکمراں جماعت بی جے پی کی طرف سے آئین کے آرٹیکل 370 اور 35 اے کے خاتمے کے بعد بھارت کے زیر انتظام کشمیر کی آئینی و قانونی حیثیت تبدیل کردی گئی تھی گزشتہ 182 دنوں سے مقبوضہ وادی میں مودی سرکار نے 80 لاکھ نہتے کشمیریوں کو محصور کررکھا ہے جہاں مظلوم کشمیری بھارتی ظلم کی چکی میں مسلسل پس رہے ہیں
یاد رہے زائرہ وسیم نے 2015 میں اداکار عامر خان کی بلاک بسٹر فلم ’دنگل‘ سے اپنے فلمی کیریئر کا آغاز کیا تھا اس فلم کی کامیابی کے بعد زائرہ کو بھارت میں نیشنل ایوارڈ سے بھی نوازا گیا جس کے بعد ان کی ایک اور فلم ‘سیکرٹ سپراسٹار’ سامنے آئی اور وہ بھی کامیاب ثابت ہوئی
زائرہ نے گذشتہ سال مذہب کی خاطر فلمی دنیا کو یہ کہتے ہوئے خیرباد کیا تھا کہ ان کے شوبز کیرئیر کا انتخاب ان کے مذہبی عقائد پر اثرانداز ہورہا تھا زائرہ وسیم کا تعلق کشمیر سے ہے
پاکستان شوبز انڈسٹری کی اداکارہ سجل علی نے جیو کے حالیہ ڈارمے الف میں اپنے ساتھی اداکار احسن خان کی اداکاری کو سراہتے ہوئے ان کی تعریف کی
باغی ٹی وی کی رپورٹ کے مطابق ادکارہ سجل علی جو الف ڈرامے میں مومنہ سلطان کا کردار ادا کرہی ہیں انہوں نے اپنے ساتھی اداکار احسن خان جو کہ ڈرامے میں طہ عبدالعلی کی مرکزی کردار ادا کرہے ہیں کی اداکاری کی سوشل میڈیا ویب سائٹ انسٹا گرام سٹوری پرایک سین کی تصویر شئیر کرتے ہوئے تعریف کی
اداکارہ نے ڈرامے الف کی حالیہ قسط میں احسن خان کے ایک سین کی تصویر انسٹا گرام سٹوری پر شئیر کرتے ہوئے تعریف کی اور لکھا کہ آپ نے اس سین میں آرٹ کو زندہ کر دیا ہے
https://www.instagram.com/tv/B8DfVW0hQ69/?igshid=mf8ejr2d36yn
بعد میں احسن خان نے بھی اپنی انسٹا گرام سٹوری پر سجل علی کا شکریہ ادا کیا ادکار نے لکھا کہ آپ بہت نرم مزاج ہیں سجل
ڈرامہ حالیہ قسط میں کرداروں کی جانداری اداکاری اور ڈائیلاگز کی وجہ سے مداحوں کی خوب تعریفیں بٹور رہا ہے اور ٹویٹر پر ٹاپ ٹرینڈ بننے کے بعد سوشل میڈیا پلیٹ فارم پر مداح اس پر تعریفوب اور داد تحسین بھرے تبرے کر رہے ہیں
واضح رہے کہ ڈرامہ سیریل الف کو عمیرہ احمد نے لکھا ہے جس کی ڈائریکشن حسیب حسن نے دی ہیں جبکہ ہدایات ثنا شاہنواز نے دی ہیں ’الف‘ جیو انٹرٹینمنٹ کا مقبول ترین ڈراما ہے جو گذشتیہ سال اکتوبر میں آن ائر ہوا
واضح رہے وقت جیو ٹی وی کے حالیہ ڈرامے الف میں کبری خان (حسن جہان) سجل علی (مومنہ سلطان) اور حمزہ علی عباسی (قلب مومن )،منظر سہبائی (عبدالعلی)، احسن خان( طہ) اور سلیم معراج (سلطان صاحب ) مرکزی کردار ادا کرہے ہیں
اس ڈرامے کا او ایس ٹی شجاع حیدر اور مومنہ مستحسن نے گایا جبکہ اس کی کمپوزیشن خود شجاع حیدر نے دی ہیں
الف’ میں حمزہ علی عباسی ‘قلب مومن’ نامی مغرور اور بے باک فلم ساز کا کردار نبھارہے ہیں جبکہ سجل علی ‘مومنہ سلطانہ’ نامی ایک ایسی لڑکی کے روپ میں نظر آئیں جو اداکارہ بننے کی خواہشمند ہیں
واضح رہے کہ ‘الف’ حمزہ علی عباسی کے کیریئر کا آخری ڈراما ہے اس ڈرامے کی شوٹنگ کے دوران ہی حمزہ علی عباسی نے شوبز انڈسٹری چھوڑنے کا اعلان کردیا تھا
پی ٹی آئی کے رہنما اور سائنس و ٹیکنالوجی کے وفاقی وزیر چوہدری فواد حسین نے اعتراف کیا ہے کہ انہوں نے ہی تمغہ امتیاز دینےکے لئے مہوش حیات کا نام تجویز کیا تھا
اداکارہ مہوش حیات کو مارچ 2019 میں حکومت پاکستان کی جانب سے فلموں میں شاندار اداکاری پر تمغہ امتیاز ایوارڈ سے نوازا گیا تھا مہوش حیات کو 23 مارچ کو ایوان صدر اسلام آباد میں ہونے والی تقریب میں تمغہ امتیاز دیا گیا تھا جس پر لوگوں نے انہیں آن لائن تنقید کا نشانہ بھی بنایا تھا
مہوش حیات کو تمغہ امتیاز دیے جانے پر کئی لوگوں نے اداکارہ کو تنقید کا نشانہ بنایا تھا اور ایک سوشل میڈیا پلیٹ فارم نے تو دعوی کیا تھا کہ اداکارہ کو مذکورہ ایوارڈ پاکستان تحریک انصاف (پی ٹی آئی) کے ایک رہنما سے تعلقات کی وجہ سے دیا جا رہا ہے اس دعوے کے بعد جہاں مہوش حیات نے پلیٹ فارم کو تنقید کا نشانہ بنایا تھا وہیں کئی اداکار بھی مہوش حیات کی حمایت میں سامنے آئے تھے اگرچہ انہیں تمغہ امتیاز ملے ہوئے تقریبا ایک سال گزر چکا ہے تاہم اب بھی انہیں اس پر تنقید کا نشانہ بنایا جاتا ہے
تاہم اب پی ٹی آئی کے رہنما اور سائنس و ٹیکنالوجی کے وفاقی وزیر چوہدری فواد حسین نے اعتراف کیا ہے کہ انہوں نے ہی تمغہ امتیاز دینے کے لئے مہوش حیات کا نام تجویز کیا تھا
نجی چینل ’جیو نیوز‘ کے پروگرام ’ایک دن جیو کے میزبان سہیل وڑائچ نے فواد چوہدری سے سوال کیا کہ آپ کس طرح کی موسیقی سے لطف اندوز ہوتے ہیں اور آپ کو کون سی اداکارہ پسند ہے؟
فواد چوہدری نے کہا کہ وہ استاد نصرت فتح علی خان کی موسیقی سے لطف اندوز ہوتے ہیں فواد چوہدری نے کہا کہ ان کو صوفی کلام اور قوالی بہت پسند ہے
وفاقی وزیر سائنس و ٹیکنالوجی فواد چوہدری نے کہا کہ ان کی پسندیدہ اداکارہ مہوش حیات ہیں
انہوں نے کہا کہ میں مہوش حیات سے پہلے کبھی نہیں ملا تھا لیکن جب تمغہ امتیاز کے لیے بہترین اداکارہ کا نام تجویز کرنے کی بات آئی تھی تو میں نے ان کا نام تمغہ امتیاز کے لیے تجویز کیا تھا جس کی وجہ ان کا فلموں میں اداکاری اور کام دیگر دوسری اداکارؤں سے بہت اچھا ہونا ہے
انہوں نے کہا کہ پاکستان میں ایک بڑی عجیب بات ہے کہ ایوارڈز کے لیے لوگ اتنی سفارشیں کرواتے ہیں جس کی کوئی حد نہیں
فواد چوہدری کی اس بات پر میزبان سہیل وڑائچ نے ان سے سوال کیا کہ کیا مہوش حیات کا نام تمغہ امتیاز کے لیے تجویز کرنے کے لیے آپ سے سفارش کروائی گئی تھی؟
میزبان کے اس سوال کے جواب میں فواد چوہدری نے کہا کہ نہیں میں ایوارڈز کو بہت سنجیدگی سے لیتا ہوں اور میں نے کہا تھا کہ ایوارڈ صرف ان کو ہی ملنا چاہیے جو اپنے شعبوں کے ٹاپرز ہیں
مسلسل سیاسی پارٹیاں بدلے جانے کے حوالے سے سہیل وڑائچ کی طرف سے پوچھے گئے ایک سوال کے جواب میں چوہدری فواد حسین نے کہا کہ وہ نظریاتی سیاست نہیں کرتے بلکہ وہ حقیقت پسند ہیں
پی ٹی آئی رہنما نے اعتراف کیا کہ وہ پاکستان پیپلز پارٹی (پی پی پی) اور پاکستان مسلم لیگ ق (پی ایم ایل کیو) سمیت سابق فوجی صدر پرویز مشرف کے ساتھ بھی کام کر چکےہیں اور آج بھی ان کے ان تمام افراد سے اچھے تعلقات ہیں جن کے ساتھ وہ پہلے کام کر چکے ہیں انہوں نے کہا کہ ان کی جانب سے سیاسی پارٹیاں بدلنے کے پیچھے حقیقت پسندی ہے اور پاکستان کی تمام سیاسی پارٹیوں کا ایک ہی مقصد ہے کہ اقتدار میں آکر وہ ملک و قوم کی خدمت کریں
پروگرام کے میزبا نے سوال پوچھا کہ پاکستان کے لوگوں کو 70 فیصد بیماریاں پینے کے پانی سے لگتی ہیں کیا آپ کے پاس کوئی ایسا حل ہے جو آپ لوگوں کو سستا صاف اور صحت مند پانی پینے کے لئے دے سکیں ؟
اس کے جوا ب میں فواد چودھری نے کہا کہ سب سے آسان حل یہ ہے کہ ہم نے پرائیویٹ کمپنیز اور یوٹیلیٹیز سٹورز کے ساتھ ایم او یو سائن کیا ہے اب ایکسپریشنز آف انٹرسٹ دے رہے ہیں کہ ہم پی سی آر ڈبلیو آر فیصلہ کرے گا بتائے گا کہ کہاں پر اور کس قسم کا واٹر پلانٹ لگنا ہے پرائیویٹ کمپنیز آئیں اپنا پانی کا پلانٹ لگا لیں اور اپنا پانی بیچ دیں
انہوں نے مثال دیتے ہوئے وضاحت کی کہ مثال کے طور پر آپ کو جو بوتل واٹر مل رہا ہے پچاس روپے کی لیٹر جو بوتل مل رہی ہے یہ پانی پچھتر پیسے سے پچانوے پیسے کی لاگت میں بک رہا ہے ہم کہہ رہے ہیں آپ کو ڈیڑھ روپے لیٹر میں بیچ دیں تو اس کے لئے ہم تیار ہیں کہ پرائیویٹ سیکٹر آئیں اور ہمارے ساتھ ملے ہم یوٹیلیٹی سٹورز سے شروع کر رہے ہیں اور یہاں سے پانی انشاءاللہ تعالی آپ کو ملنا شروع ہو جائے گا
معروف اداکار و گلوکار علی ظفر برطانوی ڈی جے ناٹی بوائے میوزک کے ہمراہ اپنے گانے ’چھنو ‘ کا ری میک ورژن جلد ریلیز کرنے کو تیار ہیں
باغی ٹی وی کی رپورٹ کے مطابق سماجی رابطے کی ویب سائٹ ٹوئٹر پر انہوں نے اپنے ایک ٹوئٹ میں اعلان کرتے ہوئے لکھا کہ ’چھنو‘ برطانوی ڈی جے ناٹی بوائے کے ورژن میں جلد ریلیز کیا جائے گا
انہوں نے اپنے ٹوئٹ میں ڈی جے شاہد خان المعروف ناٹی بوائے کی تعریف کرتے ہوئے لکھا کہ وہ ان کی بہت عزت کرتے ہیں کیونکہ انہیں امریکی و برطانوی معروف گلوکاروں کے ساتھ کام کرنے کے باوجود پاکستان سے محبت ہے ویڈیو میں دیکھا جاسکتا ہے کہ وہ اور ناٹی بوائے ایک اسٹوڈیو میں موجود ہیں
واضح رہے کہ علی ظفر کے 2003 میں ریلیز ہونے والے ڈیبیو البم کا گانا ’چھنو‘ نے گلوکار کو مقبولیت و شہرت کی بلندیوں پر پہنچا دیا اس البم کی دنیا بھر میں 50 لاکھ کاپیز فروخت ہوئیں
یہ گانا اب بھی علی ظفر کے مداح نہیں بھولے اور ہر کنسرٹ میں علی سے اس گانے کی فرمائش کی جاتی ہے اب خیال یہ کیا جا رہا ہے کہ نیا ورژن بھی مداحوں کو متاثر کرنے میں کامیاب رہے گا یا نہیں
نوبل انعام یافتہ ملالہ یوسف زئی اور پاکستان کے معروف گلوکار و سماجی کارکن شہزاد رائے کی شطرنج کا کھیل کھیلنےکی تصویر سوشل میڈیا پر وائرل ہوگئی
باغی ٹی وی کی رپورٹ کے مطابق گذ شتہ روز معروف گلوکار و سماجی کارکن شہزاد رائے نے سماجی رابطے کی ویب سائٹ انسٹاگرام پر ایک تصویر شیئر کی جس میں شہزاد رائے نوبل انعام یافتہ ملالہ یوسف زئی کے ساتھ شطرنج کھیل رہے ہیں
شہزاد رائے نے اپنی تصویر کے کیپشن میں لکھا کہ ملالہ جلدی سیکھنے والی ہیں یا ہوسکتا ہے میں ایک اچھا استاد ہوں
گلوکار کی اس پوسٹ پر سوشل میڈیا صارفین نے مختلف کمنٹس کئے
ایک صارف نے کمنٹ میں لکھا کہ ملالہ جلد ی سیکھنے والی ہیں اور آپ ایک بہترین استاد ہیں ماشاءاللہ
ایک صارف نے کمنٹ میں پوچھا کہ گیم میں کون جیتا؟
جبکہ ایک صارف نے کمنٹ کیا کہ آپ واقعی ایک اچھے انسان ہیں ماشاءاللہ
کچھ صارفین نے ان سے ان کے نئے آنے والے گانے کا پاچھا اور کہا کہ ملالہ خوش قسمت ہیں جو آپ کے ساتھ شطرنج کھیل رہی ہیں ہم بھی آپ سے ملنا چاہتے ہیں اور آپ کے بہت بڑے فین ہیں
واضح رہے کہ شہزاد رائے کا شمار پاکستان کے نامور گلوکاروں میں ہوتا ہے اور اِس کے علاوہ شہزاد رائے سماجی کارکن بھی ہیں اورملالہ یوسف زئی دنیا کی کم عمر ترین نوبیل انعام یافتہ ہیں اور ان کا نام برصغیر کے 100 ذہین ترین افراد میں بھی شامل ہے
پاکستانی فلم ساز شہزاد حمید موسمیاتی تبدیلی کے موضوع پر مبنی نئی ڈاکیومنٹری فلم پر کام کررہے ہیں یہ ڈاکومینٹری 3 گھنٹوں پر محیط ہے
شہزاد حمید نے اس فلم کے حوالے سےایک انٹر ویو میں بات کرتے ہوئے کہا کہ میں نے اس ڈاکومینٹری کے لئے آسٹریلیا کے کوئلے، پاکستان میں ہمالیہ سے متعلق اور برازیل کے ایمیزون جنگلات پر تحقیق کے لیے بہت سفر کیا اس سفر کے دوران میری ملاقات ایسے افراد اور کارکنان سے ہوئی جو 21ویں صدی کے سب سے بڑے مسئلے موسمیاتی تبدیلی پر کام کررہے ہیں ‘دی پولیٹکس آف کلائمٹ چینج’ کا پریمیئر رواں سال یکم فروری کو نیوز ایشیا چینل پر ہوا
خیال رہے شہزاد حمید ماضی میں بھی مختلف ڈاکیومینٹریز پر کام کر چکے ہیں جن میں سماجی مسائل پر روشنی ڈالی گئی اور ان پر وہ ایوارڈ بھی اپنے نام کر چکے ہیں
ان کی حال ہی میں سامنے آئی ڈاکیومنٹری میں مسلمانوں کے خلاف تعصب کو پیش کیا گیا جبکہ گذشتہ سال اپنی فلم ‘کوٹ ان دی کراس فائر‘ کے لیے کینیڈا میں منعقد انٹرنیشنل فلم فیسٹیول میں بھی ایوارڈ بھی اپنے نام کر چکے ہیں
48 منٹ پر مبنی یہ ڈاکیومنٹری افغانستان میں جاری جنگ میں موجود صحافی سے ملاقات پر مبنی ہے
علاوہ ازیں شہزاد حمید نے نیویارک فیسٹیول میں دو ایوارڈ جیتنے کا اعزاز اپنے نام کیا ایک 2016 میں انہوں نے اپنی ڈاکیومنٹری ’فلائٹ آف دی فیلکنز‘ کے لیے گولڈ میڈل جیتا تھا اس ڈاکیومنٹری کو کمیونٹی پورٹریٹس کی کیٹیگری میں نامزد کیا گیا تھا
جبکہ دوسرا 2017 میں شہزاد حمید نے قصور لوسٹ چلڈرن نامی ڈاکیومنٹری کے لیے ہیومن کنسرن کیٹیگری میں سلور ایوارڈ بھی اپنے نام کیا تھا
چین کی جنگجوخاتون ہوا مولان کی زندگی پر مبنی فلم’مولان‘کا فائنل ٹریلر ریلیز کردیا گیا ہے
باغی ٹی وی کی رپورٹ کے مطابق فلم’مولان‘کا فائنل ٹریلر جاری کردیا گیا ہے فلم مولان‘ لائیو ایکشن اینیمیٹڈ فلم 1998 میں ریلیز ہونے والی فلم ’مولان‘ کا ریمیک ہے جبکہ فلم کی کہانی رک جفا، امنڈا سلور، ایلزبیتھ مارٹن اور لارین ہارنک کی لکھی گئی تاریخی نظم دی بیلاد آف مولان سے لی گئی ہے
فلم کی کہانی پانچویں صدی میں چین کی مارشل آرٹ کی ماہر اور جنگجو خاتون ’ہوا مولان‘ کی زندگی کے گرد گھومتی ہے جنہوں نے 25 سال تک مختلف جنگیں لڑیں
مذکورہ فلم کی ہدایات نکی کیرو نے دی ہیں فلم رواں سال 27مارچ کو ریلیز کی جائے گی
پاکستان شوبز انڈسٹری کی معروف اداکارہ و ماڈل ہانیہ عامر نے پی ایس ایل فائیو کے آفیشل ترانے تیار ہیں کی تعریف کردی
گذشتہ روزپی ایس ایل فائیو کے ترانے تیار ہیں میں اپنی آواز کا جادو جگانے والے گلوکار عاصم اظہر نے سماجی رابطےکی ویب سائٹ انسٹاگرام پر اپنی ایک ویڈیو شیئر کی جس میں وہ پاکستان سپر لیگ یعنی پی ایس ایل فائیو کا آفیشل ترانہ گا رہے ہیں
گلوکار نے ویڈیو کے کیپشن میں لکھا کہ ہمارا پاکستان ہمارا پی ایس ایل ہمارا ترانہ ٹرینڈنگ ہیش ٹیگ ون ، آتا ہے جو آنے دو پاکستان تیار ہے انہوں نے ہیش ٹیگ استعمال کرتے ہوئے لکھا پاکستان زندہ باد اورتیار ہیں بھی لکھا
https://www.instagram.com/p/B8HD4mzlbjO/?igshid=124n0gz5qi3s0
عاصم اظہر کی اس پوسٹ پر ہانیہ عامر نے کمنٹ کرتے ہوئے لکھا کہ مجھے یہ پسند آیا جبکہ اس پوسٹ پر ماڈل مہرین نے بھی ہارٹ ایموجی بنائے
گلوکار کی اس پوسٹ پر مداحوں نے بھی کمنٹس میں تعریف کی جن پر گلوکار نے ان کا کمنٹس میں شکریہ ادا کیا
واضح رہے کہ پی ایس ایل فائیو کا آفیشل ترانہ کچھ روز قبل ہی جاری کیا گیا ہے اور یہ ترانہ پاکستان کے 4 نامور گلوکار عارف لوہار، ہارون رشید، علی عظمت اور عاصم اظہر نے گایا ہے
پی ایس ایل فائیو کا آفیشل ترانہ جاری ہونے کے بعد سے سوشل میڈیا پر ان تمام گلوکاروں کو شدید تنقید کا نشانہ بنایا جا رہا ہے شائقین کرکٹ کو یہ ترانہ پسند نہیں آیا
کرکٹ شائقین پی ایس ایل سیزن فائیو کا بے چینی سے انتظار کررہے ہیں اورتیار ہیں ترانے کی ریلیز کے بعد اس حوالے سے چند روز قبل خبریں سامنے آئیں تھیں کہ اس بار پی ایس ایل کی افتتاحی تقریب میں اداکارہ ماہرہ خان اور مہوش حیات لائیوپرفارمنس کریں گی
تاہم اب پاکستان کی معروف اداکارہ مہوش حیات نے پاکستان سپر لیگ (پی ایس ایل) کی افتتاحی تقریب میں شرکت کے حوالے سے خبروں کی تردید کر دی
باغی ٹی وی کی رپورٹ کے مطابق سماجی رابطے کی ویب سائٹ ٹوئٹر پر اداکارہ نے اپنے ایک ٹوئٹ میں پی ایس ایل کی افتتاحی تقریب میں شرکت کےحوالے سے خبروں کی تردید کرتے ہوئے لکھا کہ بدقسمتی سے وہ اس سال پی ایس ایل سال کی افتتاحی تقریب میں نہ گانا گائیں گی اور نہ ہی پرفارم کریں گی
انہوں نے سب مداحوں کی محبت کا شکریہ ادا کرتے ہوئے لکھا کہ کرکٹ کے سالانہ تہوار پی ایس ایل سے لطف اندوز ہوں
واضح رہے کہ پی ایس ایل کے آفیشل ترانے تیار ہیں کی ریلیز کے بعد یہ خبریں گردش کر رہی تھیں کہ مہوش حیات اور ماہرہ خان 20 فروری کو کراچی نیشنل اسٹیڈیم میں منعقدہ کرکٹ کے سب سے بڑے میلے پی ایس ایل کی افتتاحی تقریب میں شرکت کریں گی اور لائیو پرفارم کریں گی
پاکستان شوبز انڈسٹری کی سپر سٹار ماہرہ خان نے پاکستان انٹر نیشنل سکرین ایوارڈ (پیسا) میں پرفارم کرنے کی خبروں کی تردید کر دی
باغی ٹی وی میں رپورٹ کے مطابق اداکارہ ماہرہ خان نے سوشل میڈیا پر ویڈیو کے ذریعے میں اعلان کیا کہ وہ پیسا ایوارڈ جو کہ رواں ماہ 7 تاریخ کو دبئی میں منعقد کیا جائے گا اس میں پرفارم نہیں کریں گی
Hi. This is incorrect information. Will not be performing at the awards. Just attending. https://t.co/mTsVotWF8A
چند روز قبل پیسا ایوارڈ نے ٹویٹر پر اعلان کیا تھا کہ معروف ٹیلنٹڈ اورخوبصورت خاتون ماہرہ خان پاکستان انٹر نیشنل سکرین ایوارڈ میں 7 فروری 2020 کو دبئی میں لائیو پرفارم کریں گی نشستیں ختم ہونے سے پہلے نشست بک کروالیں انہوں نے بکنگ کے لئے لنک بھی شئیر کیا تھا
پیسا کی اس ٹویٹ کے بعد ماہرہ خان نے جواب میں ویڈیو شئیر کی جس میں اداکارہ نے پیسا کی اس خبر کی تردید کرتے ہوئے نظر آ رہی ہیں اور ساتھ ہی ٹویٹ کیا کہ یہ بالکل غلط اطلاع ہے وہ ایوارڈ شو میں پرفارم نہیں کریں گی صرف شرکت کریں گی
واضح رہے پاکستان انٹرنیشنل سکرین ایوارڈ پیسا کا رواں ماہ 7 فروری 2020 کو دبئی میں شاندار انعقاد کیا جائے گا جس میں فلمی اور ٹیلیویژن دنیا کے ستارے جلوے بکھیریں گے
