پاکستانی معروف اداکارہ و تمغۂ امتیاز مہوش حیات کے بعد امریکی نژاد پاکستانی فلم ساز، لکھاری، سماجی رہنما اور سوشل میڈیا ایکٹوسٹ سنتھیا ڈان رچی نے بھی کراچی ایئرپورٹ کے ساتھ ساتھ اسلام آباد ایر پورٹ واش روم میں گندگی پر برہمی کا اظہار کردیا
باغی ٹی وی کی رپورٹ کے مطابق اداکارہ مہوش کے بعد اب امریکی نژاد پاکستانی فلم ساز، لکھاری، سماجی رہنما اور سوشل میڈیا ایکٹوسٹ سنتھیا ڈان رچی نے بھی کراچی سمیت اسلام آباد ایئرپورٹ کے خواتین کے واش رومز کے حوالے سے ٹوئٹ کی ہے
سنتھیا ڈان رچی سوشل میڈیا ویب سائٹ ٹویٹر پر مہوش حیات کی ایر پورٹ کے حوالے سے کی گئی پرانی ٹوئٹ پر جواب دیتے ہوئے اداکارہ کی باتوں سے اتفاق کرتے ہوئے لکھا کہ انہوں نے نہ صرف کراچی ایئرپورٹ کے خواتین واش رومز بلکہ اسلام آباد ایئرپورٹ کے واش رومز میں بھی گندگی دیکھی
امریکی نژاد فلم ساز نے مزید لکھا کہ حکومت کو نہ صرف ایئرپورٹ پر موجود خواتین کے ٹوائلٹس بلکہ پورے ایئرپورٹس کی صفائی کروانی چاہیے کیوں کہ یہی وہ پہلی جگہ ہوتی ہے جو دوسرے ممالک سے آنے والے افراد یا سیاح دیکھتے ہیں
سنتھیا ڈان رچی نے ایک اور ٹوئٹ میں لکھا کہ ایئرپورٹس دوسرے ممالک سے آنے والے سیاحوں کی نظر میں پہلے آتے ہیں اور انہیں دیکھ کر ہی وہ لوگ ملک کے حوالے سے تصویر بناتے ہیں
فلمساز کی اس ٹویٹ پر مہوش حیات نے بھی جواب دیتے ہوئےان سے اتفاق کیا اورلکھا کہ اب پاکستان کے تمام ایئرپورٹس کو تزئین و آرائش کی ضرورت ہے کیوں کہ یہی وہ جگہ ہوتی ہے جہاں دوسرے ممالک سے آنے والے لوگ سب سے پہلے دیکھتے ہیں اور ملک کے حوالے سے اپنا اندازہ لگاتے ہیں
واضح رہے کہ اس سے قبل مہوش حیات نے 24 جنوری کو اپنی ٹوئٹ میں برہمی کا اظہار کرتے ہوئے بتایا تھا کہ بدقسمتی سے انہیں کراچی ایئرپورٹ پر خواتین کے واش روم استعمال کرنے کا اتفاق ہوا اور وہ خواتین واش روم میں گندگی اور بدبو دیکھ کر شدید حیران رہ گئیں
اداکارہ نے بتایا تھا کہ انہوں نے خواتین کے واش روم میں انتہائی گندگی اور بدبو کا سامنا کیا اور تو اور انہیں وہاں کاکروچ بھی دکھائی دئیے انہوں نے کہا تھا کہ یہ عمل نہ صرف حفظان صحت کے اصولوں کے خلاف ہے بلکہ اس عمل سے ہم بیرون ملک سے آنے والے افراد کو پہلا تاثر بھی غلط دے رہے ہیں واش رومز کی صفائی بنیادی اصولوں میں سے ایک ہے اور ہمیں اب صفائی کرنی پڑے گی
مہوش حیات کی ٹوئٹ کے بعد فخر عالم نے بھی مہوش حیات کی اس ٹویٹ سے اتفاق کرتے ہوئے وزیراعظم عمران خان کے معاون خصوصی برائے اوور سیز پاکستانی زلفی بخاری کومخاطب کرتے ہوئے لکھا کہ یہ ناقابل قبول ہے برائے مہربانی کر کے اس مسئلے کی طرف توجہ دیں
پاکستان شوبز انڈسٹری کی معروف ادکارہ ماہرہ خان نے اپنے مسلسل سر درد کا بتاتے ہوئے مداحوں سے اس کے خاتمے کے لیے کوئی مشورہ مانگ لیا
باغی ٹی وی کی رپورٹ کے مطابق پاکستانی فلم اسٹار ماہرہ خان نے اپنے مسلسل سر درد کے خاتمے کے لیے مداحوں سے کوئی گھریلو ٹوٹکا مانگ لیا
سماجی رابطے کی ویب سائٹ ٹوئٹر پر اداکارہ نےلکھا کہ گذ شتہ دو دنوں سے ان کے سر میں مسلسل درد ہے، ہر 2 یا 4 گھنٹے بعد دوا لے رہی ہوں لیکن سر درد ختم نہیں ہورہا انہوں نے مداحوں سے مشورہ مانگتے ہو ئے کہا کہ سر درد کے حوالے سے کوئی دیسی ٹوٹکا یا کوئی ایسی چیز بتائیں جس کے استعمال سے سر درد سے چھٹکارا پایا جاسکے
اداکارہ کے اس ٹوئٹ کے سامنے آتے ہی مداحوں نے ان کے لیے دیسی ٹوٹکوں کی بھرمار کرنے کے ساتھ ساتھ چند قراںی آیات اور وظائف بھی سینڈ کئے جنہیں پڑھ کر سر درد ختم کیا جا سکتا ہے اور ان کی صحتیابی کے لئے دعا بھی کی
کسی مداح نے زیادہ پانی پینے کسی نے نیند لینے کا مشورہ دیا جبکہ کسی نے آرام کرنے اور کسی نے آیات قرآنی پڑھ کر دم کرنے کے مشورے سے نوازا اور درود پاک کی اور قرآن پاک تلاوت کرنے کو بھی کہا پاکستانی فٹبال ٹیم کی کھلاڑی ہاجرہ نے زیادہ سے زیادہ پانی پینے کا مشورہ دیا
جبکہ ایک صارف نے بارش کے پانی پر قرآنی آیات پڑھ کر دم کر کے پینے کا مشورہ دیا دیگر صارفین اور مداحوں نے بھی مختلف ٹوٹکے بتائے جبکہ کچھ صارفین کی جانب سے دیسی ٹوٹکوں پر یقین رکھنے کے حوالے سے حیرت بھرا جواب آیا
نہ صرف پاکستان سے سوشل میڈیا صارفین نے ماہرہ کے ٹوئٹ کا جواب دیا بلکہ بھارت میں موجود مداحوں نے بھی اپنے اپنے ٹوٹکے پیش کئے اور جلد صحتیابی کی دعا بھی کی
چین میں پھیلے مہلک کورونا وائرس کی نشاندہی ایک امریکی فلم میں 1995 میں کردی گئی تھی جو جانور سے انسانوں میں منتقل ہوا
اس وقت چین میں 180 سے زائد افراد کورونا وائرس کا شکار ہوکر ابدی نیند سو چکے ہیں اس وائرس سے ہزاروں افراد متاثر ہیں جبکہ چین میں موجود غیر ملکی اپنے اپنے وطن واپس جانے کے لیے بے چین ہیں
کورونا وائرس ایک انسان سے دوسرے انسان میں منتقل ہوسکتا ہے جس کی وجہ سے نزلہ زکام جیسی بیماری لاحق ہوسکتی ہے بروقت اور مناسب علاج نہ ملنے کی وجہ سے موت بھی واقع ہوسکتی ہے تاہم ایسے ہی جراثیموں کے بارے میں بین الاقوامی فلم انڈسٹریز میں فلمیں بھی بنائی جاتی رہتی ہیں
امریکا میں بھی اس کورونا وائرس جیسے جراثیم کے بارے میں 1995 میں ایک فلم بنائی گئی جس کا نام ’آؤٹ بریک‘ تھا یہ یہ فلم ایک غیر افسانوی کتاب پر بنائی گئی ہے
اس فلم کے مناظر میں دکھایا گیا ہے کہ ایک جنگلی بندر کو پکڑنے کی کوشش میں ایک شخص کو اس جانور کے پنجے مارنے کی وجہ سے وائرس منتقل ہوجاتا ہے یہ وائرس آہستہ آہستہ دیگر لوگوں میں پھیلتا ہوا پورے ملک میں پھیلنے لگتا ہے
دی ہاٹ زون نامی یہ کتاب 1994 میں شائع ہوئی تھی جو 1992 میں امریکی اخبار نیویارک ٹائمز میں شائع کئے گئے ایک آرٹیکل کی بنیاد پر رچرڈ پرسٹن نے لکھی تھی
ایسی ہی ایک اورفلم ڈائریکٹر اسٹیون سودربرگ کی 2011 کی تھرلر فلم ’کانٹیجن‘ 2011 میں بھی ریلیز ہوئی تھی جس میں وائرسز کو بہت تیزی کے ساتھ انسانوں میں پھیلتا ہوا دکھایا گیا تھا
اس فلم میں یہ وائرس ایک چمگادڑ سے ایک چینی مارکیٹ میں فروخت ہونے والے ایک جانور منتقل ہوا اور پھر امریکی خاتون تک پہنچا اور کورونا وائرس کے بارے میں بھی مانا جارہا ہے کہ یہ چمگادڑ سے شروع ہوکر ووہان کی سی فوڈ مارکیٹ میں فروخت ہونے والے کسی جانور کے ذریعے انسانوں میں منتقل ہوا
اس فلم کا آغاز ایک خاتون سے ہوتا ہے جو ہانگ کانگ سے واپس مینیسوٹا ایک عجیب بیماری کے ساتھ واپس لوٹتی ہے، چند دنوں میں اس کی موت ہوجاتی ہے جس کے بعد اس کے شوہر اور دیگر میں وہی علامات ظاہر ہوتی ہیں بلکہ دنیا بھر میں وبا پھیل جاتی ہے
اس کو دیکھ کرایسا لگتا ہے جیسے فلم میں کورونا وائرس کی پیشگوئی کی گئی ہے فلم میں ایم ای وی 1 نامی وائرس کو پھیلتے ہوئے دکھایا گیا اور اس وقت کورونا وائرس مختلف ممالک میں سامنے آیا ہے جسے فی الحال عالمگیر وبا کی جگہ گلوبل پبلک ہیلتھ ایمرجنسی قرار دیا ہے
مذکورہ دونوں فلموں میں وائرس کا شکار ہونے والوں کو چلتے چلتے گرتا ہوا دکھایا گیا ہے جیسا کہ بالکل اسی طرح آج سامنے آنے والے کورونا وائرس کے شکار افراد چلتے چلتے گر رہے ہیں کورونا کے پھیلتے ہی کنٹیجن اور آؤٹ بریک نامی فلموں نے دوبارہ مقبولیت حاصل کر لی ہے
واضح رہے کہ ماہرین بھی اس بات کا اعتراف کر چکے ہیں کہ آج چین سے امریکا تک پھیلنے والا یہ وائرس بھی جانوروں سے انسانوں میں منتقل ہوا ہے
پاکستان کے معروف راک بینڈ جنون نے سوشل میڈیا پر اعلان کیا ہے کہ وہ جلد مداحوں کے لیے ایک البم ریلیز کرنے جارہا ہے
باغی ٹی وی کی رپورٹ کے مطابق سلمان احمد نے سماجی رابطے کی ویب سائٹ ٹوئٹر پر اعلان کیا کہ رواں سال ان کا نیا البم سامنے آجائے گا اس البم کا نام ‘جنون 2020’ رکھنے کا فیصلہ کیا گیا ہے
ٹویٹر پر سلمان احمد نے اپنی ٹویٹ میں لکھا کہ جنون کا نیا البم جنون 2020 اگست میں انشاءاللہ
ایک مداح نے سلمان احمد سے یوکے ٹور کا پوچھتے ہوئے وہاں پر کنسرٹ کرنے کی درخواست کی جس پر سلمان احمد نے جوب دیا کہ نئے البم جنون 2020 کے انشاءاللہ یعنی نئے البم کی ریلیز کے بعد یو کے کنسرٹ کے لئے بینڈ دور کرے گا
یاد رہے کہ لاکھوں دلوں پر راج کرنے والے اس بینڈ کا 2005 میں اچانک خاتمہ ہوا تھا تاہم گٹارسٹ سلمان احمد نے بینڈ کے نام کو کسی نہ کسی صورت زندہ رکھنے کی کوشش کی جبکہ علی عظمت سولو پرفارم کرنے لگے البتہ 2018 میں تینوں پرفارمر سلمان احمد، علی عظمت اور برائن پھر اکٹھے ہوئے جس کے بعد انہوں نے گذشتہ سال ورلڈ کپ کے لیے ایک ترانا بھی تیار کیا
اس بینڈ نے سیونی، دھوم تانا، دوستی، مست قلندر اور جنون جیسے مشہور گانے پیش کیے جنہیں دنیا بھر میں بہت سراہا گیا علاوہ ازیں اس بینڈ کو معروف گلوکاروں راحت فتح علی خان، ملیسا، الیکا کیلس اور اے آر رحمٰن کے ساتھ اقوام متحدہ کی جنرل اسمبلی کے ہال میں 2001 میں پرفارم کرنے کا اعزاز حاصل ہے
پاکستان کے لیجنڈ اداکار فردوس جمال اورمعروف اداکارہ فضاعلی کی ایک ویڈیو سوشل میڈیا پر وائرل ہورہی ہے جس میں دونوں کلاسیکل بالی وڈ فلم کے گانے پر پرفارم کرتےنظر آرہے ہیں
باغی ٹی وی رپورٹ کے مطابق پاکستان کے لیجنڈ اداکار فردوس جمال اوراداکارہ فضاعلی کی ایک ویڈیو سوشل میڈیا پر وائرل ہورہی ہے جس میں دونوں کلاسیکل بالی ووڈ فلم کے گانے پر پرفارم کرتے نظر آ رہے ہیں
https://www.instagram.com/p/B7tPIyhlsCP/?igshid=uqum6zljobzh
انسٹا گرام پر فضا علی نے ویڈیو شئیر کرتے ہوئے کیپشن میں فردوس جمال کی تعریف کرتے ہوئے اداکار کو لیجنڈ اور سپر سٹار قرار دیا اور لکھا کہ فردوس جمال نہ صرف بہترین اداکر ہیں بلکہ ہمارے ملک کا فخر بھی ہیں
فضا علی نے مزید لکھا فردوس جمال کے ساتھ یہ گانا گاکر مجھے بہت مزہ آیا اللہ انہیں صحت اورزندگی دے اور انہیں اسی طرح ہمارے درمیان رکھے ہمیں فردوس صاحب سے بے حد محبت ہے سوشل میڈیا صارفین کی جانب سے بھی فردوس جمال اور فضا علی کی ویڈیو کو بہت سراہا جارہا ہے
واضح رہے کہ فردوس جمال گذشتہ برس اداکارہ ماہرہ خان کے حوالے سے دئیے جانے والے متنازع بیان کے باعث تنقید کی زد میں آگئے تھے انہوں نے کہا تھا کہ ماہرہ خان کی عمر ہیروئن کے نہیں بلکہ ماں کے کردار کرنے والی ہے بعدازاں انہوں نے اپنے بیان کی وضاحت کرتے ہوئے کہا تھا میں نے ماہرہ خان کی اداکاری کے بارے میں تکنیکی طور پر بات کی تھی کہ وہ اسٹار تو ہوسکتی ہیں لیکن اداکارہ نہیں
ہائی کورٹ نے سرمد کھوسٹ کی فلم ’’زندگی تماشا‘‘ کی نمائش روکنے سے متعلق درخواست خارج کردی
با غی ٹی وی رپورٹ کے مطابق اسلام آباد ہائی کورٹ میں ہدایت کار سرمد کھوسٹ کی فلم ’’زندگی تماشا‘‘ کی نمائش روکنے سے متعلق درخواست پر سماعت ہوئی
ہائی کورٹ کے جسٹس عامر فاروق نے کیس کی سماعت کی دوران سماعت جسٹس عامر فاروق نے درخواست گزار کے وکیل سے استفسار کرتے ہوئے کہا ابھی فلم کدھرآن ائیر ہوئی کیا آپ نے فلم دیکھی ہے کہاں دیکھی ہے کیا ریلیز ہوئی؟ جس پر وکیل نے کہا فلم نہیں دیکھی
وکیل کے جواب پر جسٹس عامرفاروق نے کہا جب آپ نے فلم دیکھی نہیں تو اس کی تشہیر تو نہ کریں جو چیز قوم کو نہیں بھی پتہ آپ وہ بتا رہے ہیں درخواست گزار کے وکیل نے کہا سوشل میڈیا پر فلم کا پرومو جاری ہوا تھا جس میں نعت خواں کی تضحیک کی گئی شہریوں کے مذہبی جذبات کا خیال رکھا جانا ضروری ہے
جسٹس عامر فاروق نے استفسار کیا کہ فلم کی ریلیز کی تاریخ کیا ہے؟ جس پر وکیل نے کہا ابھی فلم ریلیز نہیں ہوئی پنجاب حکومت نے ریلیز پر پابندی لگائی ہے بعد ازاں درخواست گزار کے وکیل نے درخواست واپس لینے کی استدعا کی جس کو عدالت نے منظور کرلیا
واضح رہے کہ ہدایت کار سرمد سلطان کھوسٹ کی فلم’’زندگی تماشا‘‘ اپنے حساس موضوع اورکہانی کے باعث متنازع فلم بن گئی ہے۔ فلم 24 جنوری کو ریلیز کی جانی تھی لیکن سنسر بورڈ اور صوبائی حکومت نے نے فلم کے خلاف مختلف شکایات موصول ہونے اور اعتراض اٹھائے جانے کے بعد فلم کی ریلیز پر تاحکم ثانی پابندی لگادی ہے
صوبائی حکومت نے کہا تھا کہ جائزہ کمیٹی ’زندگی تماشا‘ کا دوبارہ جائزہ لے کر اسے ریلیز کرنے یا نہ کرنے سے متعلق فیصلہ سنائے گی تاہم تب تک فلم کو سینما گھروں میں ریلیز نہ کیا جائے صوبائی حکومت نے فلم ساز کو ہدایت کی کہ وہ آئندہ ماہ 3 فروری کو صوبائی جائزہ کمیٹی کو ’زندگی تماشا‘ دکھانے کا بندوبست کرے
پنجاب کی طرح سندھ حکومت نے بھی ’زندگی تماشا‘ کو ریلیز نہ کرنے کے احکامات جاری کئے تھے
سندھ فلم سینسر بورڈ کی جانب سے جاری بیان میں کہا گیا تھا کہ فلم کے متنازع مواد سے متعلق کئی شکایات موصول ہوئی تھیں اور سینسر بورڈ سمجھتا ہے کہ فلم کا مواد دوسروں کے لیے تنگ دل کا باعث بن سکتا ہے اس لیے فلم کی ٹیم کو تجویز دی جاتی ہے کہ وہ سینسر فلم بورڈ کے دیگر احکامات تک ’زندگی تماشا‘ کو ریلیز نہ کرے
ا مریکی شہر نیویارک کی عدالت نے رواں ماہ 19 جنوری کو ہالی وڈ پروڈیوسر 67 سالہ ہاروی وائنسٹن کے خلاف ’ریپ‘ اور خواتین کے جنسی استحصال کی سماعت کے لیے 12 رکنی 7 مرد اور 5 خواتین پر مشتمل جیوری کو منتخب کیا تھا
باغی ٹی وی کی رپورٹ کے مطابق ہالی وڈ پروڈیوسر 67 سالہ ہاروی وائنسٹن کے خلاف ’ریپ‘ اور خواتین کے جنسی استحصال کی سماعت کے لیے 12 رکنی جیوری کے سامنے مزید 2 خواتین پیش ہوگئیں
مذکورہ جیوری ہاروی وائنسٹن کے خلاف ’ریپ‘ اور ’جنسی استحصال‘ کے الزامات لگانے والی خواتین سے جرح کے بعد فلم پروڈیوسر کے خلاف فیصلہ دے گی عدالت نے مذکورہ جیوری اس وقت بنائی تھی جب ہاروی وائنسٹن نے خود پر لگائے گئے تمام الزامات کو مسترد کرتے ہوئے دعوی کیا تھا کہ انہوں نے جو بھی کیا وہ خواتین کی باہمی رضامندی سے کیا تھا
نیویارک کی عدالت کی جانب سے 19 جنوری 2020 کو بنائی گئی جیوری میں اب تک 4 خواتین پیش ہو کر اپنے بیان ریکارڈ کرواچکی ہیں جب کہ آئندہ چند دن میں مزید 2 خواتین پیش ہوں گی
جیوری کے سامنے مجموعی طور پر 6 خواتین پیش ہوں گی جن میں سے 4 خواتین پیش ہوکر اپنے بیانات ریکارڈ کروا چکی ہیں
اب تک جیوری کے سامنے اداکارہ و ماڈل ڈان ڈننگ، ماڈل ترالے وولف، ماڈل و اداکارہ مریم ہیلی اور اداکارہ اینابیلا شیورہ پیش ہو چکی ہیں جب کہ آنے والے چند دن میں اداکارہ و ماڈل لورین ینگ اور میک اپ آرٹسٹ، ہیئر ڈریسر و اداکارہ جیسیکا من پیش ہوں گی
جیوری کے سامنے پیش ہونے والی 6 خواتین میں سے 4 خواتین صرف فلم پروڈیوسر کی جانب سے کی جانے والی زیادتی کے واقعات بیان کرنے کے لیے جیوری کے سامنے پیش ہوں گی تاہم ان کی جانب سے لگائے گئے الزامات پر ہاروی وائنسٹن کے خلاف فوجداری کارروائی نہیں کی جا سکے گی
جیوری کے سامنے پیش ہونے والی صرف 2 خواتین کے الزامات پر ہی ہاروی وائنسٹن کے خلاف فوجداری کارروائی ہوگی اور اگر ان پر مذکورہ دونوں الزام ثابت ہوگئے تو انہیں 28 سال قید سمیت جرمانے کی سزا سنائی جائے گی
جیوری کے سامنے پہلی خاتون 59 سالہ امریکی اداکارہ اینابیلا شیورہ 24 جنوری کو پیش ہوئی تھی جنہوں نے جیوری کو بتایا کہ کس طرح ہاروی وائنسٹن نے انہیں 25 سال قبل 1993 سے 1994 کے درمیان انہیں ’ریپ‘ کا نشانہ بنایا تھا اور انہوں نے جیوری سے پوچھے گئے تمام سوالات کے جواب دیئے
اداکارہ اینا بیلا شیورہ
ان کے بعد دوسری خاتون 42 سالہ ماڈل و اداکارہ مریم ہیلی ہاروی وائنسٹن کے خلاف 28 جنوری کو پیش ہوئی تھیں اور وہ اپنے ساتھ ہونے والا واقعہ بیان کرتے ہوئے آبدیدہ ہوگئیں اور انہوں نے جیوری کو بتایا تھا کہ پہلی بار جولائی 2006 میں فلم پروڈیوسر نے انہیں منہٹن میں واقع اپنے فلیٹ میں جنسی استحصال کیا نشانہ بنایا اور انہیں ’اورل سیکس‘ کرنے پر مجبور کیا انہوں نے جیوری سے پوچھے گئے تمام سوالات کے جواب دیئے
مریم ہیلی اور اینابیلا شیورہ کے بعد 29 جنوری کو مزید خواتین بھی جیوری کے سامنے پیش ہوئیں اور انہوں نے ہاروی وائنسٹن کی جانب سے اپنے ساتھ کی جانے والی زیادتی کو بیان کیا
مریم ہیلی
غیر ملکی خبر رساں کے مطابق جیوری کے سامنے ڈانس بار کی سابق ویٹر و ابھرتی ہوئی اداکارہ ڈان ڈننگ اور ماڈل و اداکارہ ترالے وولف پیش ہوئیں اور دونوں نے جیوری کو اپنے ساتھ ہونے والے خوفناک واقعہ سے متعلق آگاہ کیا
دونوں خواتین نے جیوری کے سامنے اعتراف کیا کہ پہلی بار ہاروی وائنسٹن کی جانب سے زیادتی کا نشانہ بنائے جانے کے باوجود وہ دوسری بار بھی ان سے ملیں اور دوسری بار بھی فلم پروڈیوسر نے ان کا جنسی استحصال کیا جب ان کے ساتھ زیادتی کی گئی تب انہوں نے اس حوالے سے کسی کو کچھ نہیں بتایا تھا کیوں کہ وہ جانتی تھیں کہ ہاروی وائنسٹن طاقتور ہیں اور ان پر کوئی یقین بھی نہیں کرے گا
اداکاراؤں کے مطابق جب ہاروی وائنسٹن کے خلاف اکتوبر 2017 میں پہلی بار نیویارک ٹائمز میں کئی خواتین کی جانب سے جنسی ہراسانی اور ریپ کے الزامات کی رپورٹ شائع ہوئی تو انہوں نے بھی اپنے ساتھ ہونے والی زیادتی کو سامنے لانے کا فیصلہ کیا
اداکارہ و ماڈل 40 سالہ ڈان ڈننگ نے جیوری کو بتایا کہ 16 سال قبل جب وہ 24 سال کی تھیں تب ہاروی وائنسٹن نے انہیں جنسی تشدد کا نشانہ بنایا
اداکارہ و ماڈل ڈان ڈننگ
انہوں نے جیوری کو بتایا کہ 2004 میں ہاروی وائنسٹن نے انہیں اپنی آنے والی فلم میں اداکاری کرنے کے لیے ایک نجی ہوٹل میں بلایا اور جب وہاں پہنچیں تو ان کا عملہ بھی وہاں موجود تھا اور لگ رہا تھا کہ واقعی انہیں پروفیشنل کام کے لیے بلایا گیا ہے ہاروی وائنسٹن کے عملے کے 5 ارکان ایک کمرے میں کام کر رہے تھے انہیں دوسرے کمرے میں لے جایا گیا جہاں فلم پروڈیوسر ایک کونے میں بیٹھے ہوئے تھے اور انہیں ان سے دور بٹھایا گیا تاہم جلد ہی حالات بدل گئے اور ان کا جنسی استحصال کیا گیا
اداکارہ کا کہنا تھا کہ بند کمرے میں ملاقات کے دوران ہاروی وائنسٹن ان کے قریب آئے اور ان کا جنسی استحصال کیا اداکارہ کے مطابق انہوں نے اس کی مزاحمت بھی کی لیکن وہ ناکام رہیں اور ہاروی وائنسٹن ان کا جنسی استحصال کرتے رہے اس واقعے کے بعد ہاروی وائنسٹن کی ٹیم کے ایک رکن نے ان سے رابطہ کیا اور کہا کہ اب وہ ہوٹل میں نہیں بلکہ دوسری جگہ ملیں گے اور وہاں ان کا آڈیشن ہوگا تو وہ ان سے دوبارہ ملنے کے لیے تیار ہوگئیں مگر وہ جیسے ہی وہاں پہنچیں تو ہاروی وائنسٹن کو وہاں دیکھ کر حیران رہ گئیں
اداکارہ نے بتایا کہ ہاروی وائنسٹن انہیں کمرے میں لے گئے جہاں انہوں نے ان کے سامنےایک کاغذ رکھا جس میں تین فلموں کے اسکرپٹ سے متعلق کچھ معلومات تھی اور انہیں پیشکش کی کہ اگر وہ ان کے اور ان کے اسسٹنٹ کے ساتھ سیکس کرتی ہیں تو انہیں تینوں فلموں میں کام دیا جا سکتا ہے
ڈان ڈننگ کا کہنا تھا کہ ہاروی وائنسٹن کی پیشکش پر وہ ہنس پڑیں اور انہوں نے انکار کیا تو فلم پروڈیوسر کو غصہ آگیا اور ایک بار پھر انہوں نے ان کا جنسی استحصال کیا اور وہ ان سے لپٹ گئے
ماڈل نےجیوری کے سامنے اعتراف کیا کہ انہوں نے ہاروی وائنسٹن کے اثرورسوخ اور طاقت کی وجہ سے دونوں واقعات سے متعلق کسی کو کچھ نہیں بتایا
امریکی اداکارہ 43 سالہ ترالے وولف نے جیوری کو بتایا کہ وہ ایک ہوٹل میں ویٹریس کے طور پر کام کرتی تھیں جہاں امیر اور بااثر لوگوں کو خوش کرنا اور انہیں سروس فراہم کرنا ان کی ذمہ داری تھی اور اسی دوران ہی ہاروی وائنسٹن نے انہیں فلم میں کام کرنے کی پیش کش کی
اداکارہ ترالے وولف
ترالے وولف نے بھی جیوری کے سامنےآبدیدہ ہوتے ہوئے بتایا کہ جب وہ ہاروی وائنسٹن کی پیشکش پر 2005 میں ان سے ملنے ان کے فلیٹ گئیں تو انہوں نے ان کے ساتھ زبردستی کی اور ان کا ’ریپ‘ کردیا
ترالے وولف کا کہنا تھا کہ ہاروی وائنسٹن کی جانب سے ’ریپ‘ کیے جانے سے قبل بھی وہ ان سے ایک بار مل چکی تھیں اور انہوں نے ملاقات کے دوران ان کا جنسی استحصال کیا
ماڈل کا کہنا تھا کہ پہلی ملاقات کے دوران ہی ہاروی وائنسٹن ان کے سامنے آگئے تھے اور انہیں نامناسب انداز میں چھوتے رہے تاہم وہ پہلی بار کسی طرح بچ گئیں
ترالے وولف نے جیوری کو بتایا کہ اسی سال ہاروی وائنسٹن کی ٹیم نے ان سے رابطہ کیا اور انہیں فلم میں کام کرنے کی پیش کش کرتے ہوئے آڈیشن کے لیے بلایا ماڈل کے مطابق جیسے ہی وہ کمرے میں پہنچیں تو فلم ساز نے انہیں زور سے دھکا دے کر بستر پر گرادیا اور ان کے بازؤں کو جکڑ کر ان کا ’ریپ‘ کیا
اداکارہ نے بتایا کہ اس دوران انہوں نے ہاروی وائنسٹن کو کہا کہ وہ ایسا نہ کریں جس پر فلم ساز نے کہا بے فکر رہیں وہ انہیں حاملہ نہیں کریں گے
اداکارہ نے روتے ہوئے بتایا کہ ’ریپ‘ کیے جانے کے بعد انہوں نے دوبارہ فلم ساز سے رابطہ نہیں کیا اور نہ ہی انہوں نے اس واقعے سے متعلق کسی کو کچھ بتایا کیوں کہ وہ جانتی تھیں کہ ہاروی وائنسٹن طاقتور شخص ہیں
واضح رہے کہ ہاروی وائنسٹن پر سب سے پہلے اکتوبر 2017 میں خواتین نے ریپ اور جنسی ہراسانی کے الزامات لگائے تھے اور ان پر مجموعی طور پر 100 سے زائد خواتین نے الزامات لگا رکھے ہیں ان پر الزامات سامنے آنے کے بعد ہی دنیا بھر میں ’می ٹو مہم‘ کا آغاز ہوا تھا
پاکستان شوبز انڈسٹری کی معروف نامور اور تمغہ امتیاز حاصل کرنے والی اداکارہ نے اپنی بولڈ تصاویر پر تنقید کرنے والوں کو کرارا جواب دیا
باغی ٹی وی کی رپورٹ کے مطابق پاکستان ٹی وی و فلم انڈسٹری کی معروف اداکارہ مہوش حیات نے اپنی ایک اور بولڈ تصویر سوشل میڈیا پر پوسٹ کر کے تنقید کرنے والوں کو کرارا جواب دے ڈالا
جبکہ مہوش حیات کا شمار ایسی اداکاراؤں میں ہوتا ہے جنہیں اپنے بولڈ انداز اور مختلف مسائل پر بات کرنے پر تنقید کا نشانہ بنایا جاتا رہا ہےمہوش حیات کو جہاں گذشتہ برس تمغہ امتیاز حاصل کرنے پر تنقید کا نشانہ بنایا گیا وہیں انہیں فلموں میں ان کے ڈانس نمبرز پر بھی تنقید کا نشانہ بنایا جاتا رہا ہے
اور حال ہی میں انہوں نے جب اپنی بولڈ تصاویر سوشل میڈیا پر شیئر کیں تو انہیں ایک مرتبہ پھر تنقید کا نشانہ بنایا گیا مہوش حیات کو تنقید کا نشانہ بنانے والے افراد میں سابق ٹی وی میزبان و پاکستان تحریک انصاف کے رکن اسمبلی عامر لیاقت حسین بھی تھے
عامر لیاقت حسین نے سوشل میڈیا ویب سائٹس پر اداکارہ کی بولڈ تصویر کو شیئر کرتے ہوئے طنزیہ انداز میں اردو میں شعر لکھا تھا کہ تمہیں تمغہ کہوں یا نغمہ کہ سورج کہوں یا تارا، کیسے نام کرے گا روشن دو جگ میں حال تمہارا
لیکن مہوش حیات نے انہیں کوئی جواب نہیں دیا تھا اور نہ ہی دوسرے تنقید کرنے والے افراد کو کچھ کہا تھا
لیکن اب اداکارہ نے تنقید کرنے والے تمام افراد کے نام ایک پوسٹ کرتے ہوئے ایک بار پھر اپنی بولڈ تصویر شیئر کر کے ان کو کرارا جواب دے ڈالا
ٹوئٹر پر اداکارہ نے تصویر شیئر کرتے ہوئے کیپشن لکھا کہمیں جانتی ہوں کہ کچھ سے لوگ مجھے ناپسند کرتے ہیں لیکن میں کچھ نہیں کرسکتی کیونکہ ہر کسی کا ذوق اچھا نہیں ہوتا
اداکارہ کی اس بولڈ تصویر پر بھی مداحوں نے ملے جلے رد عمل کا اظہار کیا جہاں بہت سے افراد نے انہیں تنقید کا نشانہ بناتے ہوئے بولڈ انداز اپنانے سے گریز کرنے کی تلقین کی تو وہیں بعض افراد نے ان کی بہادری کی تعریف کی
کلاسیکل ڈانسر و اداکارہ سوہائےعلی ابڑو نے ہالی وڈ فلم اسٹوڈیوز کے اشتراک سے بننے والی پاکستانی فلم سازوں کی فلم ’دی ونڈو‘ کے لیے سر کے بال کٹوا لیے
باغی ٹی وی کی رپورٹ کے مطابق سماجی رابطے کی ویب سائٹ انسٹاگرام پر اداکارہ نے اپنی ایک پوسٹ میں آنے والے پروجیکٹ کے بارے میں بتاتے ہوئے کہا کہ انہوں نے اپنی نئی آنے والی ہالی ووڈ فلم ’ دی ونڈو‘ میں کردار کی مناسبت سے بہت سوچ بچار کے بعد اپنے بال منڈوائے
اگرچہ یہ پہلی بار نہیں کہ کسی اداکارہ نے فلمی کردار کے لیے سر منڈوا لیا ہو تاہم یہ پہلا موقع ضرور ہے کہ ڈانسر و اداکارہ نے اپنے بالوں کی قربانی دی ہے سوہائے علی ابڑو کو زیادہ تر شہرت اپنی کلاسیکل ڈانس کی وجہ سے حاصل ہے تاہم انہوں نے چند فلموں اور ڈراموں میں بھی اداکاری کے جوہر دکھائے ہیں
سوہائے علی ابڑو نے فلم کے کردار کے لیے بال منڈوانے کی ویڈیو اور تصاویر انسٹاگرام پر شیئر بھی کیں اور بتایا کہ انہیں ایسا کرنے میں ابتدائی طور خوف ہو رہا تھا تاہم انہیں فلم کے ساتھ اداکاروں اور ٹیم نے حوصلہ دلوایا تو وہ بال منڈوانے کے لیے تیار ہوگئیں
https://www.instagram.com/p/B7bxP5xnZ3F/?igshid=exegpk6lzqcy
https://www.instagram.com/p/B7dLXeWHjvI/?igshid=hhztx2jcdt0h
انہوں نے بال منڈوانے کا تجربہ شیئر کرتے ہوئے لکھا کہ انہیں سر کے بالوں کے بغیر ایک خاتون کا یہ روپ اور یہ خوبصورتی دیکھ کر منفرد احساس ہو رہا ہے اور وہ خود کو بہادر بھی محسوس کر رہی ہیں انہوں نے بتایا کہ انہوں نے بال فلم کے کردار کے لیے منڈوائے کیوں کہ فلم میں ان کے کردار کو مختلف روپ میں دکھایا گیا ہے اور انہوں نے ہر روپ کے لیے الگ ہیئر اسٹائل اپنایا ہے
ان کے اس طویل کیپشن پر فاران طاہر نے کمنٹ کرتے ہوئے لکھا کہ آپ کی اس پرہجیکٹ میں شمولیت ہمارے لئے نعمت اور اعزا کی بات ہے ہر چیز کے لئے آپ کا شکریہ آپکی کام پر توجہ آپکا ٹیلنٹ اور آپ کی کام میں سپرٹ کے لئے جس پر سوہائے علی نے بھی ان کا شکریہ ادا کیا
اداکارہ و ڈانسر نے لکھا کہ فلم کے آخر میں ان کے کردار کو بالوں کے بغیر دکھایا جانا تھا جس وجہ سے انہوں نے بال منڈوائے
انہوں نے اپنی ڈیبیو فلم ’دی ونڈو‘ سے متعلق بتایا کہ فلم ہالی ووڈ اور لالی ووڈ کے مابین باہمی تعاون کا منصوبہ ہے جس میں فیصل قریشی، سمیع خان اور فاران طاہر اداکاری کے جوہر دکھائیں گے
یاد رہے کہ سوہائے سے قبل ماڈل ایمان سلیمان بھی اپنے سر کے بال مختصر کروانے کی وجہ سے شہرت رکھتی ہیں
سوہائے علی ابڑو پاکستان کی معروف کلاسیکل ڈانسر، اداکارہ اور ماڈل ہیں انہوں نے معروف ڈراموں تم مجھ میں زندہ ہو، من کے موتی اور سنگ مرمر میں بھی اداکاری کے جوہر دکھائے
سوہائے علی ابڑو نے 2017 میں پاکستانی نژاد برطانوی فلم ساز سام مسعود کی فلم ’پیور لینڈ‘ میں بھی اہم کردار ادا کیا تھا مذکورہ فلم میں سوہائے علی ابڑو نے صوبہ سندھ کے ضلع نوشہروفیروز کی بہادر خاتون نازو دھاریجو کا کردار ادا کیا تھا جنہوں نے ایک دہائی قبل مقامی وڈیروں سے اپنے خاندان کی زمین کا قبضہ چھڑوایا تھا
نازو دھاریجو نے 2 کم عمر بیٹیوں کی مدد سے نہ صرف بااثر زمینداروں اور ان کے 200 مسلح افراد کا مقابلہ کیا تھا بلکہ کرپٹ پولیس کا سامنا بھی کیا جس وجہ سے انہیں میڈیا اور خصوصی طور پر سندھ میں شہرت ملی تھی اور سوہائے علی ابڑو نے فلم میں ان کا کردار ادا کیا تھا
اداکارہ نے لکھا کہ اٹلی نژاد شخص سے شادی کے تین ماہ بعد اب وہ والدین کا گھر چھوڑ کر اپنے شوہر کے ساتھ گھر آگئی ہیں اور انہیں پہلی بار محسوس ہو رہا ہے کہ وہ اب مکمل ہو چکی ہیں
سوہائے علی ابڑو نے 2019 میں اٹلی کے ڈانسر سے شادی کرلی تھی، شادی سے قبل دونوں کے درمیان اچھے تعلقات تھے
کراچی:حرامانی نے والدین کی شادی کی سالگرہ پرشاندارخراج تحسین پیش کیا،اطلاعات کےمطابق پاکستانی ڈرامہ انڈسٹری کی معروف اداکارہ حرا مانی نے والدین کی شادی کی سالگرہ پر خوبصورت پیغام دیتے ہوئے کہا کہ آپ دونوں میری جنت ہیں۔
تفصیلات کے مطابق ’دو بول‘ اور ’میرے پاس تم ہو‘ سے شہرت کی بلندیوں پر پہنچنے والی اداکارہ حرا مانی نے سماجی رابطے کی ویب سائٹ انسٹاگرام پر والدین کی شادی کی سالگرہ پر خوبصورت پیغام شیئر کیا جو وائرل ہوگیا۔
https://www.instagram.com/p/B75c2x4Hcqf/
حرا مانی اپنے والدین کوخراج تحسین پیش کرتے ہوئےکہتی ہیں کہ آپ دونوں میری جنت ہیں، ہمیشہ ایک دوسرے کے ساتھ دیتے ہوئے دیکھا ہم سب نے آپ دونوں کواچھا وقت ہو یا بُرا وقت نہ امی نے آپ کا ساتھ چھوڑا نہ آپ نے امی کا ،آپ کی بے پناہ محبت دیکھ کے ہم بچوں نے بھی صرف محبت کرنا ہی سیکھا ہے۔
اداکارہ نے کہا کہ یہ بھی سیکھا ہے کہ درد میں کبھی ساتھ نہیں چھوڑنا ہوتا ہے دکھ میں ہاتھ زور سے تھامنا ہوتا ہے، تکلیف میں سینے پر سر رکھ کر بتانا ہوتا ہے کہ فرخ میں ہوں آپ کے ساتھ آپ فکر نہ کریں میں بچوں کا خیال رکھوں گی۔
حرا مانی نے اپنے پیغام میں مزید کہا کہ اور دوسری طرف والد کہتے ہیں ناہید میں کبھی کسی چیز کی کمی نہیں ہونے دوں گا، اور چھوٹے چھوٹے وعدوں کے ساتھ یہ سفر شروع ہوا تھا اور آج بھی یہ سفر چل رہا ہے، سچائی مخلصی اور اصولوں کے ساتھ۔جسے میں کبھی بھی بھول نہیں سکتی ،آخر میں حرا مانی نے اپنے والدین کو شادی کی سالگرہ کی مبارک باد بھی پیش کی۔
