بالی ووڈ کامیڈین اداکار جاوید جعفری کو متنازع شہریت قانون کے خلاف بولنے پر ایک مرتبہ پھر تنقید کی زد میں آگئے
باغی ٹی وی کی رپورٹ کے مطابق بھارتی کامیڈین اداکار جاوید جعفری نے ٹوئٹر پر بھارت کے متنازع شہریت قانون کے خلاف یورپ میں جاری احتجاج کے حوالے سے ایک پوسٹ شیئر کی تھی جس کے کیپشن میں انہوں نے لکھا تھا کہ سی اے اے کے خلاف قرارداد یورپ منتقل ہوگئی ہے
جاوید جعفری کے اس ٹوئٹ کے بعد ایک بھارتی ٹوئٹر صارف روہنی نے اداکار کو یورپ منتقل ہونے کا مشورہ دیتے ہوئے ٹوئٹ کیا کہ آپ یورپ کیوں نہیں منتقل ہوجاتے؟ ہمیں اپنی قوم میں غداروں کی ضرورت نہیں ہے
بھارتی صارف کے اس تنقید بھرے ٹوئٹ پر جاوید جعفری بھی خاموش نہ رہے اور مذاق اڑاتے ہوئے انہو ں نے خاتون کو جوابی ٹوئٹ میں لکھا کہ آپ کی قوم؟ میم آپ نے کب خریدی؟ اداکار نے طنزیہ انداز میں جواب دیتے ہوئے لکھا کہ ’جب میں نے پچھلی بار بھارت کا آئین پڑھا تھا تو اس میں جمہوریت، مساوات اور اختلاف رائے کے حق کی بات کی گئی تھی میں نہیں جانتا تھا کہ آپ نے ذاتی طور پر آئین میں تبدیلیاں کی ہیں مہربانی کرکے اپنی تبدیلیاں اپ ڈیٹ کردیں
جاوید جعفری کی اس تنقید پر بھارت کے سابق پارلیمنٹ ممبر اور بی جے پی رہنما نریندر سوائیکر نے جواب دیتے ہوئے ٹوئٹ کیا کہ تالیاں مسٹر جاوید اس سے کیا فرق پڑتا ہے؟ امید ہے کہ آپ اس بات سے واقف ہوں گے کہ بھارت ایک آزاد اور خود مختار جمہوریہ ہے بھارتی وہ کریں گے جو ان کے لیے اور قوم کے مفاد کے لیے بہتر ہوگا
بی جے پی رہنما کے اس ٹوئٹ پر جاوید جعفری نے جواب دیتے ہوئے لکھاکہ سر اگر بھارت کو بین الاقوامی خیالات سے کوئی فرق نہیں پڑتا ہے تو کیوں آپ لوگ ان کو بھارت میں سرمایہ کاری کرنے کے لیے راضی کرنے کی کوشش کر رہے ہیں؟ انہوں نے مزید کہا کہ میں اس بات سے بہت اچھی طرح واقف ہوں کہ بھارت کیا ہے اور این آر سی کے ساتھ مل کر آپ لوگ سی اے اے کو کیا نقصان پہنچا سکتے ہیں
جاوید جعفری کے اس ٹوئٹ پر بی جے پی رہنما نے جواب دیتے ہوئے لکھا کہ سی اے اے پاس ہوچکا ہے این آر سی نہیں تو پھر کیوں این آر سی پر بات کریں آئین سازی کا معاملہ سپریم کورٹ کے پاس ہے آئیے نتائج کا انتظار کریں کیوں پہلے سے نتائج دے رہے ہیں
واضح رہے کہ جاوید جعفری بھارت میں جاری متنازع شہریت قانون کے خلاف احتجاجی مظاہروں میں بڑھ چڑھ کر حصہ لیتے نظر آتے ہیں اور ان کا نام سی اے اے کے خلاف احتجاج کرنے والے طلباء کے ساتھ اظہار یکجہتی کے لئے مشہور شخصیات کے لکھے ہوئے خط پر متعدد دستخط کرنے والوں میں بھی شامل ہے
پاکستانی معروف گلوکارہ 24 سالہ آئمہ بیگ اور ماڈل شہباز شگری کی دوستی کے چرچے پہلے ہی زبان زد عام تھے تاہم دونوں کی حال ہی میں شئیر کی گئی تصویر اور اس پر تبصرہ قریبی تعلق کی خبروں کی تصدیق ظاہر کر رہا ہے
باغی ٹی وی کی رپورٹ کے مطابق سماجی رابطے کی ویب سائٹ انسٹاگرام پر شئیر کی گئی تصویر میں لاس اینجلس میں موجود آئنمہ بیگ اور شہباز شگری خوش نظر آرہے ہیں جبکہ ماڈل شہباز شگری نے اپنی آئمہ بیگ کے لئے ایک طویل کیپشن لکھا ہے جس میں وہ اپنی والہانہ محبت کا اظہار کرتے نظر آرہے ہیں انہوں نے مسکراہٹ کی تعریف کرتے ہوئے لکھا کہ اگر یہ مسکراہٹ میرا انجام ہوگا اور اگر یہ ہوگا تو پھر یہ کتنا شاندار انجام ہوگا جبکہ پوسٹ کے آخر میں شہباز نے آئمہ بیگ کے لیے بیٹر ہاف کا بھی استعمال کیا عام طور پر کپل آپس میں ایک دوسرے کے لیے استعمال کرتا ہے
شہباز کے اس طویل کیپشن کے بعد سے مداحوں کی جانب سے سامنے آنے والے کمنٹس میں کہا جارہا ہے کہ دونوں فنکاراپنے تعلق کو مزید چھپانا نہیں چاہتے
ساتھی اداکاروں اور شوبز انڈسٹری سے وابستہ شخصیات نے دونوں کی تصویر پر اپنی محبت اور خوشی کا اظہار کیا
گلوکارہ آئمہ بیگ نے بھی اپنے اکاؤنٹ سے یہ تصویر شیئر کی
جبکہ ایک انٹر ویو میں گلوکارہ آئمہ بیگ نے اپنے ایک حالیہ انٹرویو میں بتایا تھا کہ ان کے ہونے والے شوہر کا تعلق بھی شوبز کی دنیا سے ہے تاہم انہوں نے نام نہیں بتایا تھا
واضح رہے کہ اسلام آباد سے تعلق رکھنے والے شہباز شگری ماڈلنگ کے ساتھ ساتھ اداکاری بھی کرچکے ہیں ان کی شادی اداکارہ عائشہ لینیا سے ہوئی تاہم ان کے درمیان جون 2018 میں طلاق ہوگئی
پاکستان شوبز انڈسٹری کی معروف اداکارہ ماہرہ خان کے بیٹے اذلان نے ان سے زندگی کے ان خاص لمحوں کے بارے میں پوچھ لیا جن کو ہم ہمیشہ زندہ رکھنا چاہتے ہیں
باغی ٹی وی کی رپورٹ کے مطابق معروف اداکارہ ماہرہ خان نے سماجی رابطے کی ویب سائٹ انسٹاگرام پر ایک پوسٹ شیئر کی جس میں اُنہوں نے اپنے بیٹے اذلان کے اُن سے پوچھے گئے سوال کے متعلق بتایا
ماہرہ خان نے اپنی پوسٹ میں لکھا کہ ان کے بیٹے اذلان نے ان سے پوچھا کہ ماما کیا آپ جانتی ہیں کہ ہماری زندگی کے خاص لمحے کون سے ہوتےہیں؟
ماہرہ خان نے لکھا کہ میں نے اپنے بیٹے سے کہا کہ آپ مجھے بتاؤ کہ یہ لمحے کون سے ہوتے ہیں؟
ان کے بیٹے نے کہا کہ ایسے لمحے جن کو آپ ہمیشہ زندہ رکھنا چاہتے ہیں وہ ہمارے سب سے خاص اور غیر معمولی لمحے ہوتے ہیں
ماہرہ خان نے لکھا کہ اس کے بعد میں نے آنکھیں بند کیں اور اُ ن تمام لمحوں کے بارے میں سوچا جن کو میں زندہ رکھنا چاہتی ہوں تو یہ بہت سارے لمحے تھے
انہوں نے اپنی پوسٹ کے آخر میں مداحوں سے کہا کہ آپ لوگ بھی یہ پوسٹ پڑھتے وقت ایسا کرنے کی کوشش کریں اِس سے آپ کو احساس ہوگا آپ کتنے خوش قسمت ہیں اور آپ کے پاس کتنے غیر معمولی اور خاص لمحات ہیں جنھیں آپ زندہ رکھنا چاہتے ہیں
پشاور:پشاور میں مقیم شاہ رخ خان کی کزن وفات پا گئیں،بھارت نے تعزیت کے لیے آنے سے روک دیا،اطلاعات کےمطابق پاکستان میں رہائش پذیر بالی ووڈ کنگ شاہ رخ خان کی چچا زاد بہن اور سماجی کارکن نور جہاں عرف منی کینسر کی بیماری سے لڑتے ہوئے خالق حقیقی سے جا ملیں۔
نورجہاں قصہ خوانی بازار سے ملحقہ شاہ ولی قتال میں اپنے آبائی گھر میں مقیم تھیں جہاں بچپن میں شاہ رخ خان اپنے والدین کے ساتھ دو مرتبہ ان سے ملنے پشاور آئے تھے جبکہ دو مرتبہ نورجہاں عرف منی بھی اپنے چچا زاد بھائی شاہ رخ سے ملنے بھارت گئی تھیں۔پشاور سے کئی بار ان گنت تحفے انہوں نے اپنے کزن شاہ رخ خان کے نام بھارت بھیجے جبکہ ہر سال شاہ رخ خان کی سالگرہ کی تقریب بھی مناتی رہیں جس سے ان کو عالمی اور پاکستانی میڈیا پر پذیرائی ملی۔
نورجہاں نے سال 2018 کے عام انتخابات میں آزاد حیثیت سے حصہ لیاتھا تاہم انہوں نے کاغذات نامزدگی واپس لے لیے تھے اورالیکشن سے دست بردارہوگئی تھیں۔ نور جہاں قبل ازیں ڈسٹرکٹ اور ٹاؤن کونسلر کی حیثیت سے بھی فرائض سرانجام دے چکی تھیں۔
نورجہاں سے ملنے کے لئے شاہ رخ خان نے پشاور آنے کا وعدہ کیا تھا تاہم وہ نہ آسکے۔ نورجہاں گزشتہ ایک سال سے کینسر کے مرض میں مبتلا تھیں اور اس جان لیوا مرض کے باعث جانبر نہ ہوسکیں۔ انہیں پشاور میں ان کے آبائی قبرستان میں سپرد خاک کردیا گیا۔
پاکستان نے ہرموقع پرشاہ رخ خان کوپاکستان میں اپنے عزیزواقارب سے ملنے کے لیے آنے میںتمام ترسفارتی سہولیات فراہم کیں ،یہ بھی معلوم ہوا ہےکہ نورجہاں کی وفات پرشاہ رخ خان کوپیغام بھی بھیجا ہے اورپاکستان آنے کے حوالے سے پوچھا بھی ہے،یہ بھی معلوم ہوا ہےکہ شاہ رخ خان نے بتایا کہ حکومت ہند ان کوپاکستان نہیں آنے دے رہی
اداکار ہمایوں سعید نے ڈراما سیریل ’’میرے پاس تم ہو‘‘ کی شہرت اور لوگوں سے ملنے والی ڈھیروں محبت اور دعاؤں کا شکریہ ادا کیا ہے
ہدایت کار و مصنف خلیل الرحمان قمر کے ڈرامے’’میرے پاس تم ہو‘‘ نے وہ غیر معمولی شہرت حاصل کی ہے کہ اس کا شمارپاکستان کی تاریخ کے یادگار ڈراموں میں کیا جائے گا ڈرامے میں ہمایوں سعید، عائزہ خان، حرا مانی اورعدنان صدیقی نے مرکزی کردار نبھائے ہیں ڈرامے کے مصنف اوراداکاروں سمیت پوری ٹیم کو لوگوں نے خوب پیار دیا
باغی ٹی وی کی رپورٹ کے مطابق ہمایوں سعید نے سوشل میڈیا ویب سائٹ ٹویٹر پر ڈرامے کی کامیا بی اورلوگوں کی طرف سے ملنے والی بھر پور پذیرائی پر شکریہ ادا کرتے ہوئے کہا کہ پچھلے چند ماہ میں آپ لوگوں نے جتنا پیار اور اور جتنی دعاؤں سے نوازا اس کے لئے بے حد شکریہ ڈرامہ سیریل میرے پاس تم ہو میں جتنی دعائیں مجھے ملیں اتنی پورے کیرئیر میں نہیں ملیں
ہمایوں سعید نے لکھا میں پاکستان کے علاوہ بیرون ممالک مقیم شائقین کا بھی خاص طور پرشکریہ ادا کرنا چاہتا ہوں جنہوں نے نہ صرف ڈرامہ دیکھا بلکہ اسے پسند بھی کیا اور کہا کہ آپ کی محبتوں نے اس ڈرامے کو بلاک بسٹر بنایا یہ صرف میری یا میری ٹیم کی کامیابی نہیں ہے بلکہ ہماری پوری ڈرامہ اورفلم انڈسٹری کی کامیابی ہے
انہوں نے پوری تمام ٹیم پرہجیکٹ کے ڈرایکٹر مصنف اور میرے تمام ساتھی ادکاروں اور اے آر وائی ڈیجیٹل چینل جس نے اسے آن ائیر کیا سب کو اس ڈرامے کی کامیابی کا کریڈٹ دیا اداکار نے پوسٹ کے اختتام داعائی کلمات کہتے ہوئے اور سب کا ایک مرتبہ پھر شکریہ ادا کرتے ہوئے کیا
واضح رہے کہ ڈراماسیریل ’’میرے پاس تم ہو‘‘ کی غیر معمولی کامیابی کو دیکھتے ہوئے اس کی آخری قسط سینمامیں ریلیز کی گئی تھی جسے دیکھنے شائقین کی بہت بڑی تعداد پہنچی تاہم ڈرامے کے مرکزی کردار دانش (ہمایوں سعید)کی موت نے جہاں شائقین کو جذباتی کیا وہیں بہت سے لوگ ڈرامے کے اختتام سے مطمئن نظر نہیں آئے اور تنقید کرتے ہوئے مختلف کمنٹس کئے
پاکستان کی نامور اداکارہ ثروت گیلانی اس وقت یورپ میں اپنے شوہر، اداکار و ڈاکٹر فہد مرزا کے ہمراہ چھٹیاں منا رہی ہیں جبکہ یہ دونوں اس ٹرپ پر لی گئی کئی تصاویر اور ویڈیوز اپنے سوشل میڈیا اکاؤنٹس پر بھی شیئر کررہے ہیں
باغی ٹی وی رپورٹ کے مطابق اداکارہ ثروت گیلانی اس وقت یورپ میں اپنے شوہر اداکار و ڈاکٹر فہد مرزا کے ہمراہ چھٹیاں منا رہی ہیں اس ٹور کے درمیان حال ہی میں فہد مرزا نے اپنے انسٹاگرام اکاؤنٹ پر ایک تصویر شیئر کی جس میں وہ اپنی اہلیہ ثروت گیلانی کو بوسہ دیتے نظر آئے
اس تصویر کے سامنے آتے ہی یہ فوری طور پر سوشل میڈیا پر وائرل ہو گئی جس کے بعدسوشل میڈیا صارفین نے دونوں اداکاروں کو شدید تنقید کا نشانہ بنایا اور طرح طرح کے کمنٹ کئے
کسی نے کمنٹ میں لکھا کہ یہ دونوں بھول گئے ہیں کہ ان کا تعلق پاکستان سے ہے اور یہ مسلمان ہیں جبکہ کسی کا کہنا تھا کہ ان کو ایسی حرکت کرتے ہوئے شرم آنی چاہیے ہمارے کلچر کا خیال رکھنا چاہئے ہمارا کلچر ایسا نہیں ہے اور مختلف کمنٹ کئے
تاہم اس تنقید پر فہد مرزا رہے لیکن ان کی اہلیہ ثروت گیلانی نے اب تنقید کرنے والوں کو کرارا جواب دیا ہے
ثروت گیلانی نے اپنے انسٹاگرام پر ایک پوسٹ شیئر کی جس پر لکھا تھا کہ میں ایسی ہی ہوں کسی نے آپ سے یہ نہیں کہا کہ مجھے پسند کریں اداکارہ نے لکھا کہ اس دنیا میں موجود نفرت کرنے والے تمام افراداگر مجھ سے اتنی ہی نفرت ہے تو مجھے فالو کرنا بند کریں، آپ مجھ پر تنقید نہیں کرسکتے میری کامیابی میری محبت اور میری خوشیوں سے مت جلیں میں نے بہت محنت کے بعد یہ سب حاصل کیا
ثروت گیلانی نے مزید لکھا کہ ایک لڑکی جس نے دنیا کا سامنا کرنے کے بعد یہ مقام حاصل کیا، اس کے لیے آپ کی سوچ اہمیت نہیں رکھتی آپ مجھے نیچا نہیں دکھا سکتے، اپنی سوچ میں بھی ایسا نہیں کرسکتے اگر سلیپریٹیز کچھ نہیں کہتی اس کا مطلب یہ بالکل نہیں کہ آپ کو ان پر تنقید کرنے کا حق حاصل ہے اداکارہ نے اپنی پوسٹ کا اختتام کرتے ہوئے لکھا کہ اس وقت بہت ضروری تھا کہ آپ لوگوں کو پیار سے ہی صحیح پر خاموش کروایا جائے
مجھے ہقین تھا کہ میں ایک دن بہت بڑا سٹار بنوں گا پاکستان شوبز انڈسٹری کے معروف اور نامور گلوکار و اداکار علی ظفر کا انکشاف
علی ظفر نے سماجی رابطے کی ویب سائٹ ٹوئٹر پر ایک ویڈیو شیئر کی ہے جس میں وہ ایک تقریب کے دوران اپنی کامیابی کا سفر بتاتے ہوئے نظر آرہے ہیں علی ظفر نے کیر یئراور ابتدائی زندگی کے بارے میں بتاتے ہوئے کہا کہ ان کےوالد انہیں سی ایس پی آفیسر بنانا چاہتے تھے لیکن وہ گلوکار بننا چاہتے تھے گلوکار کے مطابق وہ چاہتے تھے لوگ انہیں ان کی کسی سی ایس پی پوسٹ کی وجہ سے نہیں بلکہ ان کے کام کی وجہ سے سلیوٹ کریں
علی ظفر نے کہا کہ مجھے نہیں معلوم کہ صرف 16 سال کی عمر میں میرے اندر یہ احساس کیسے پیدا ہوا تاہم مجھے یقین تھا کہ ایک دن میں بہت بڑا اسٹار بنوں گا۔ 16 سال کی عمر میں میں صرف گانا گانا چاہتا تھا اور صرف سٹار بننا چاہتا تھا اور میرا خواب تھا کہ میں ہزاروں لوگوں کے سامنے اسٹیج پر گانا گاؤں اور تمام لوگ میرے ساتھ میرا گانا گائیں
اداکار و گلوکار نے کہا یہ تمام باتیں بتانے کا مقصد یہ ہے کہ وہ آپ کو تھوڑا سا گائیڈ کر سکیں آپ میں سے ہر انسان بہت خاص ہے صرف آپ کو اپنے اندر جھانکنا ہے اور خود کو پہچاننا ہے کہ آپ کے اندر کیا صلاحیت چھپی ہوئی ہے آپ کیا بننا چاہتے ہیں آپ کرکٹر ڈاکٹر ہاکی پلئیر فلمسٹار اداکار وغیرہ کیا بننا چاہتے ہیں اس کے لئے آپ اپنے اندر جھانک کر دیکھیں پہچان لیں اور اس صلاحیت کو ڈھونڈ کر اپنی زندگی کے سفر کا آغاز کریں
بالی وڈ خانز کے سر پر بھی متنازع شہریت قانون کے حوالے سے خطرہ منڈلانے لگا
بھارت میں بسنے والے مسلمان فنکاروں، اداکاروں سلمان خان، شاہ رخ خان، عامر خان، سیف علی خان اور دیگر کے اہلخانہ کو بھارتی متنازع شہریت کے قانون کی وجہ سے بھارتی شہریت کا مقدمہ لڑنا ہوگا اب شہریت کے چھین جانے کے خدشہ کے ساتھ ساتھ ان فنکاروں کی مشکلات میں اضافے کے خطرات بھی ان کے سروں پر منڈلانے لگے
حکمران جماعت بی جے پی کی طرف سے ممبئی، نئی دہلی میں رہائش پذیر فنکاروں کی فہرستیں تیار کرنے کے ساتھ ساتھ ان کے بارے میں بھی معلومات اکٹھی کی جائیں گی بی جے پی کے ممبئی اور نئی دہلی میں موجود دفاتر کو خصوصی ہدایات جاری کی گئی ہیں کہ ان فنکاروں کے سوشل میڈیا کے اکاؤنٹس کو چیک کیا جائے اور فنکاروں کے بیانات کی جانچ پڑتال کی جائے تاکہ اس بنیاد پر ان فنکاروں کے خلاف قانونی کارروائی کی جائے
نجی چینل سے گفتگو کرتے ہوئے سینئر ایڈووکیٹ ندیم بھٹی کا کہنا تھا کہ اس قانون کا بغور جائزہ لیا ہے بھارتی مسلمانوں کے لیے تیار کیا جانے والا کالا قانون بھارت کو تقسیم کرنے میں معاون ثابت ہوگا
پاکستان سپر لیگ (پی ایس ایل) 2020 کا آفیشل ترانہ ‘تیار ہیں’ جاری کردیا گیا
پاکستان سپر لیگ 2020 کے آفیشل ترانے ‘تیار ہیں’ کے لانچ کی تقریب لاہور کے ایک مقامی ہوٹل میں منعقد ہوئی
لیگ میں شامل تمام اسٹیک ہولڈرز نے تقریب میں شرکت کی جہاں حاضرین کو ‘تیار ہیں’ سنوایا گیا اس ترانےمیں 22 ساز استعمال کیے گئے ہیں اور ملک کے مشہور گلوکاروں نے اپنی آواز کا جادو جگایا ہے جس میں پاکستان کے معروف گلوکار علی عظمت، لوگ گلوکار عارف لوہار، گلوکار ہارون رشید اور عاصم اظہر شامل ہیں
آفیشل ترانہ ‘تیار ہیں’ کی ہدایت کاری معروف موسیقار ذوالفقار جبار خان (زلفی) اور کمال خان (لال کبوتر) نے کی ہے
آفیشل ترانے کی موسیقی میں تنبا، چمٹا، رباب اور ہارمونیم سمیت 22 سازوں کا استعمال کیا گیا ہے
ترانے کی آفیشل ویڈیو میں قومی کرکٹ اسٹارز بابر اعظم، حسن علی، رومان رئیس، سرفراز احمد، شان مسعود اور شاہین شاہ آفریدی بھی جلوہ گر ہوئے
تقریب سے خطاب کرتے ہوئے پاکستان کرکٹ بورڈ کے چیئرمین احسان مانی نے کہا کہ آفیشل ترانہ ‘تیار ہیں’ لیگ کے مکمل ایڈیشن کے پاکستان میں انعقاد پر جشن مناتے مداحوں کی حقیقی ترجمانی کرتا ہے
تقریب کے بعد میڈیا سے گفتگو کرتے ہوئے قومی کرکٹ اسٹار شاداب خان نے کہا کہ ہوم کراؤڈ کے سامنے کھیلنا بہت خوشی کی بات ہے
آفیشل ترانے سے متعلق ان کا کہنا تھا کہ اس سیزن کا ترانہ گزشتہ ترانوں سے کافی بہتر ہے
یاد رہے کہ پاکستان سپر لیگ فائیو کا افتتاحی میچ 20 فروری کو کراچی جبکہ فائنل 22مارچ کو لاہور کے قذافی اسٹیڈیم میں کھیلا جائے گا
