Category: شوبز

ا مریکی شہر نیویارک کی عدالت نے رواں ماہ 19 جنوری کو ہالی وڈ پروڈیوسر 67 سالہ ہاروی وائنسٹن کے خلاف ’ریپ‘ اور خواتین کے جنسی استحصال کی سماعت کے لیے 12 رکنی 7 مرد اور 5 خواتین پر مشتمل جیوری کو منتخب کیا تھا

باغی ٹی وی کی رپورٹ کے مطابق ہالی وڈ پروڈیوسر 67 سالہ ہاروی وائنسٹن کے خلاف ’ریپ‘ اور خواتین کے جنسی استحصال کی سماعت کے لیے 12 رکنی جیوری کے سامنے مزید ایک خاتون اور پیش ہوگئ

مذکورہ جیوری ہاروی وائنسٹن کے خلاف ’ریپ‘ اور ’جنسی استحصال‘ کے الزامات لگانے والی خواتین سے جرح کے بعد فلم پروڈیوسر کے خلاف فیصلہ دے گی عدالت نے مذکورہ جیوری اس وقت بنائی تھی جب ہاروی وائنسٹن نے خود پر لگائے گئے تمام الزامات کو مسترد کرتے ہوئے دعوی کیا تھا کہ انہوں نے جو بھی کیا وہ خواتین کی باہمی رضامندی سے کیا تھا

ریپ کیس میں ہاروی وائنسٹن کے خلاف مزید دو خواتین جیوری کے سامنے پیش

نیویارک کی عدالت کی جانب سے 19 جنوری 2020 کو بنائی گئی جیوری میں اب تک 5 خواتین پیش ہو کر اپنے بیان ریکارڈ کرواچکی ہیں جب کہ آئندہ چند دن میں مزید 1 خاتون پیش ہو گی

اب تک جیوری کے سامنے اداکارہ و ماڈل ڈان ڈننگ، ماڈل ترالے وولف، ماڈل و اداکارہ مریم ہیلی اور اداکارہ اینابیلا شیورہ اور میک اپ آرٹسٹ، ہیئر ڈریسر و اداکارہ جیسیکا من پیش ہو چکی ہیں جب کہ آنے والے چند دن میں اداکارہ و ماڈل لورین ینگ پیش ہوں گی

جیوری کے سامنے پہلی خاتون 59 سالہ امریکی اداکارہ اینابیلا شیورہ 24 جنوری کو پیش ہوئی تھی جنہوں نے جیوری کو بتایا کہ کس طرح ہاروی وائنسٹن نے انہیں 25 سال قبل 1993 سے 1994 کے درمیان انہیں ’ریپ‘ کا نشانہ بنایا تھا اور انہوں نے جیوری سے پوچھے گئے تمام سوالات کے جواب دیئے

ان کے بعد دوسری خاتون 42 سالہ ماڈل و اداکارہ مریم ہیلی ہاروی وائنسٹن کے خلاف 28 جنوری کو پیش ہوئی تھیں اور وہ اپنے ساتھ ہونے والا واقعہ بیان کرتے ہوئے آبدیدہ ہوگئیں اور انہوں نے جیوری کو بتایا تھا کہ پہلی بار جولائی 2006 میں فلم پروڈیوسر نے انہیں منہٹن میں واقع اپنے فلیٹ میں جنسی استحصال کیا نشانہ بنایا اور انہیں ’اورل سیکس‘ کرنے پر مجبور کیا انہوں نے جیوری سے پوچھے گئے تمام سوالات کے جواب دیئے

30 جنوری کو اداکارہ ڈان ڈننگ اور ترالے وولف پیش ہوئی تھیں اور انہوں نے جیوری کو اپنے ساتھ ہونے والی نا انصافی کا بتایا اور اپنے ساتھ ہونے والے ہولناک واقعے کے بارے میں بتاتی ہوئیں آبدیدہ ہو گئیں

ان ایک اور خاتون جیسیکا مان جیوری کے سامنے پیش ہوئیں اور انہوں نے ہالی وڈ پروڈیوسر پر الزام لگاتے ہوئے کہا کہ ہاروی وائنسٹن نے ایک ہوٹل کے کمرے میں انہیں ریپ کا نشانہ بنایا

ہاروی وائنسٹن کے خلاف اداکارہ و ماڈل مریم ہیلی بھی جیوری کے سامنے پیش

غیر ملکی ادارے ادارے بی بی سی کی رپورٹ کے مطابق 34 سالہ اداکارہ کا کہنا تھا کہ میری ملاقات ہاروی وائنسٹن سے 2012 میں ایک تقریب کے دوران ہوئی اس وقت میں نے انہیں بتایا کہ میں اداکارہ بننے کی خواہشمند ہوں بعدازاں انہوں نے مجھے اور ایک دوست کو لاس اینجلس کے ہوٹل میں مدعو کیا اور مجھے زبردستی ہوٹل کے کمرے میں لے گئے اور مجھے جنسی طور پر ہراساں کیا

اداکارہ کے مطابق اس واقعے کے بعد انہوں نے ہاروی وائنسٹن سے تعلق جوڑ لیا اور اس وقت میں نے اس رشتے کا آغاز یہ سوچ کر کیا تھا کہ یہ حقیقی ہوگا لیکن آگے جو کچھ ہوا اس سے مجھے صرف شرمندگی کا سامنا کرنا پڑا

جیسیکا مان نے پروڈیوسر پر الزام لگاتے ہوئے کہا کہ 2013 میں انہوں نے مینہٹن کے ایک ہوٹل کے کمرے میں انہیں ریپ کا نشانہ بنایا

جیسیکا مان
عدالت میں جب اداکارہ سے سوال کیا گیا کہ اتنا سب ہونے کے باوجود وہ ہاروی وائنسٹن کے ساتھ تعلق میں کیوں رہیں؟ تو اس پر انہوں نے جواب دیتے ہوئے کہا کہ ان کے ساتھ رہنے کی ایک وجہ ڈر تھی اداکارہ نے بتایا کہ ہاروی وائنسٹن نہ نہیں سن سکتے تھے کیوں کہ ایسا کرنے سے ان کو بےحد غصہ آتا تھا

ہاروی وائنسٹن کے ایک وکیل نے جیسیکا مان پر الزام لگاتے ہوئے جیوری کو بتایا کہ اداکارہ پروڈیوسر کو رومانوی ای میلز بھیجا کرتی تھیں اور ان سے یہ بات واضح ہوتی ہے کہ ان کا رشتہ تشدد پر مبنی نہیں تھا جبکہ ہاروی وائنسٹن نے ان الزامات کو بے بنیاد قرار دیتے ہوئے عدالت کے سامنے مؤقف اختیار کیا کہ ان کا تعلق باہمی رضامندی سے قائم تھا

واضح رہے کہ اب مذکورہ جیوری میں ایک اور خاتون پیش ہوں گی جب کہ جیوری کے سامنے ہاروی وائنسٹن کے سابق وکیل اور ان کے قریبی ساتھی بھی پیش ہوں گے اور خیال ظاہر کیا جا رہا ہے کہ جیوری مارچ 2020 تک کیس کی سماعتیں مکمل کرلے گی

ہالی ووڈ لائیو ایکشن ایڈونچر فلم”دی کال آف دی وائلڈ“ کا ٹریلرجاری کردیا گیا ہے

باغی ٹی وی کی رپورٹ کے مطابق ہالی ووڈ لائیو ایکشن ایڈونچر فلم”دی کال آف دی وائلڈ“ کا ٹریلرجاری کردیا گیا ہے اس فلم کہانی پر آسائش زندگی سے محروم کر دیئے جانے والے کتے کے گرد گھومتی ہے جسے اغوار کار اغوا کر کے کسی دوردراز علاقے میں بیچ آتے ہیں

یہ فلم جیک لندن کی کتاب ”دی کال آ ف دی وائلڈ“ سے ماخوذ ہے جس کی کہانی ایک ایسے کتے کی گرد گھومتی ہے جسے اغوا کار اغوا کرکے دور علاقے میں لے جا کر بیچ دیتے ہیں

اس فلم کی ہدایات کرس سنڈر نے دیں ہیں فلم 21فروری کو ریلیز کی جائے گی

پاکستان ٹی وی انڈسٹری کے معروف اداکار احد رضا میر نے انکشاف کیا کہ انہیں جانوروں کے ساتھ کام کرنا پسند ہے

باغی ٹی وی کی رپورٹ کے مطابق اداکار احد رضا میر نے سوشل میڈیا پر بتایا کہ انہیں جانوروں کے ساتھ کام کرنا پسند ہے

اداکار نے اپنی ایک تصویر انسٹا گرام پر شئیر کی جس میں ان کے ساتھ ایک کتا ہے یہ تصویر اداکار نے اپنے ایک ڈرامے یہ دل میرا کے پس پردہ میں لی اس کے کیپشن میں مداحوں سے سوال کرتے ہوئےلکھا کہ ایک بہت بڑے اور بُرے بھیڑیے سے کون خوفزدہ ہے انہوں نے لکھا کہ انہیں جانوروں کے ساتھ کام کرنا اچھا لگتا ہے

اداکار نے کہا کہ آپ کو جان کر حیرت ہوگی کہ جانور آپ کی محبت کے بدلے آپ کو کتنی محبت دیتے ہیں انہوں نے مداحوں کو مشورہ دیا کہ اگر وہ کتوں سے خوفزدہ ہیں تو انہیں تھوڑا سا جانیں اور اس خوف سے چھٹکارا حاصل کرنے کی کوشش کریں

انہوں نے عہد وفا ڈرامے کے ایک منظر کی تصویر جس میں سابق ڈی آئی جی آئی ایس پی آر میجر جنرل غفور کاکتا ان کے ہمراہ ہے شئیر کرتے ہوئے لکھا کہ ایک سپاہی کا بہترین دوست ماسوائے جب یہ میرے بوٹ کھانے کی کوشش کرتا ہے

واضح رہے کہ احد رضا میر اکثر پالتو کتوں کی تصویر شیئر کرتے نظر آتے ہیں

پاکستان شوبز انڈسٹری کی معروف اداکارہ رمشا خان نے کہا کہ کامیابی کا کوئی شارٹ کٹ نہیں ہوتا میں آہستہ آہستہ منزل کی جانب بڑھ رہی ہوں جبکہ احسن خان کے بارے میں بات کرتے ہوئے کہا ہےکہ احسن خان کو شو بز میں100سال ہوگئے مگر وہ پھر بھی جوان نظر آتے ہیں

رمشا خان نے انٹرویو میں اپنی فلمی کرئیر کے بارے میں بتاتے ہوئے کہا کہ میں نے اپنا کیرئیر سلور اسکرین سے شروع کیا لیکن اس کے بعد زیادہ فلموں میں اس لیے کام نہیں کیا کیوںکہ میں اپنی شرائط پر کام کرتی ہوں انہوں نے کہا مجھے آئٹم سونگ پر پرفارم کرنا اچھا نہیں لگتا

لیکن انہوں نے اس بات کی وضاحت کرتے ہوئے کہا کہ جو لڑکیاں یہ کام کرتی ہیں میں انہیں برا بھی نہیں کہتی مجھے جسم کی نمائش کرنا اور بولڈ سین بالکل پسند نہیں اپنی پرفارمنس کی بدولت شو بز میں نام پیدا کرنا چاہتی ہوںانہوں نے مزید کہا کہ نبیل قریشی احسن رحیم، ندیم بیگ اور عاصم عباسی جیسے کامیاب فلم ڈائریکٹر زکے ساتھ فلموں میں کام کرنا چاہتی ہوں

انٹرویو کے دوران ایک سوال کے جواب میں رمشا خان نے بتایا کہ مجھےڈراما سیریل ’’تمہاری مریم‘‘، ’’ماہ تمام‘‘، ’’خود پرست‘‘ اور ’’استاد جی‘‘ کے مختلف کرداروں میں پسند کیا گیا

عمرے کے دوران احسن خان کو تنقید کا سامنا

اداکارہ نے بتایا کہ مقبول مزاحیہ ڈراما سیریل’شاہ رخ کی سالیاں‘ میں احسن خان کے ساتھ کام کرنا بہت اچھا لگامیرا ایک ڈرامہ ختم ہوتا ہے تو دوسرا شروع ہوجاتا ہے اب میرا نیا ڈراما’’ فیروز خان، ہانیہ عامر اور گوہر رشید کے ساتھ آرہا ہے انہوں نے کہا کامیابی کا کوئی شارٹ کٹ نہیں ہوتا میں آہستہ آہستہ منزل ی جانب بڑھ رہی ہوں

رمشا خان نے بتایا کہ میری پہلی ڈراما سیریل ’’وہ اک پل‘‘ ہی سے مجھے کافی شہرت مل گئی تھی جب بھی شاپنگ کے لیے جاتی تو لوگ مجھ سے آٹوگراف لیتے اور لڑکیاں میرے ساتھ سیلفیاں بنواتیں

سب مجھے میرے کردار ’’حنا‘‘ سے مخاطب کرتے تو مجھے بہت اچھا لگتا اس سیریل میں عائشہ خان اور فیروز خان کے مقابل کام کرنے کام موقع ملا اس کے بعد میں نےکبھی مڑ کر نہیں دیکھا

اداکارہ نے اپنی زندگی کے بارے میں بات کرتے ہوئے بتایا کہ میں 23جون 1994ء کو کراچی میں پیدا ہوئیں لیکن میرے تعلیمی مراحل لاہور میں مکمل ہوئے اے لیول، او لیول کرنے کے بعد نفسیات میں اعلی ڈگری حاصل کرنا چاہتی ہوں ایک مرتبہ پھرہم اپنے آبائی شہر کراچی میں آکر بس گئےہیں

انہوں نے بتایا کہ میری شخصیت میں کراچی اور لاہور کے ثقافتی رنگوں کا عکس نظر آتا ہےمیں، دی ایجوکیٹر کی کئی برانچز میں پڑھی ہوں بچپن میں سب لڑکیوں کی طرح میں بھی سب سے مختلف نظر آنے کا سوچا کرتی تھی انہوں نے کہا کہ شوبزنس کی دنیا میں آنے کے لیے کوئی خاص پلاننگ نہیں کی تھی

تاہم بچپن میں ایف ایم ریڈیو پر کام کیا تھا اس سے مجھے شوبزنس میں کام کرنے کا شوق پیدا ہوا کسی دوست کے کہنے پر ایک میگزین کے لیے فوٹو شوٹ کیا جسے بے حد پسند کیا گیا انہوں نے کہا میں خود کو خوش نصیب سمجھتی ہوں کہ مجھے ابتدا ہی میں سپر اسٹارز کے ساتھ کام کرنے اور بہت کچھ سیکھنے کا موقع ملا

باغی ٹی وی رپورٹ کے مطابق دبئی میں فلم لال کبوتر کی اسپیشل اسکرینگ ہوئی، اِس موقع پر فلم کی کاسٹ اور ہدایتکار کو خوب داد دی گئی فلم میں مرکزی کردار منشا پاشا نے نجی ٹی وی چینل سے انٹر ویو کے دوران خصوصی گفتگو کرتے ہوئے کہا کہ جو لوگ ہماری انڈسٹری سے تعلق رکھتے ہیں ان تمام نے ”لال کبوتر“ کی بھر پور تعریف کی ہے

منشا پاشا نے اپنی ایک تصویر سوشل میڈیا ویب سائٹ انسٹا گرام پر تصویر شئیر کرتے ہوئے کیپشن میں لکھا کہ جب سورج کے سامنے بیٹھے ہوں تو مسکرانا مشکل ہو جاتا ہے

ایک اور تصویر شئیر کرتے ہوئے کیپشن میں اپنی سوچ کو گہری سوچ عنوان دیتے ہوئے اپنے ڈریس کے بارے بات کرتے ہوئے مزاحیہ انداز میں کہا کہ اس رنگ کے بعد لپٹن کا کمرشل انہیں ملنا چاہیئے

فلم کو پاکستان کی جانب سے ”آسکر “ کیلئے بھی نامزد کیا جاچکا ہے اس کے علاوہ اس فلم نے کئی ایشین فلم فیسٹیول سمیت کئی ایوارڈز بھی اپنے نام کئے ہیں

فلم ”لال کبوتر“ کی پروڈکشن کامل چیمہ اور ہانیہ چیمہ کی پروڈکشن کمپنی ”نہر گھر “ کی ہے دونوں بہن بھائی کی یہ پہلی فلم ہے جس میں معروف اداکار علی اکبر اور منشا پاشا نے مرکزی کردار ادا کئے

جبکہ لالچ ، طاقت ، انتقام ، تھرل ، رومانس ،کامیڈی ، ایکشن ، اور کراچی کے سماجی مسائل پر بننے والی منفرد فلم”لال کبوتر“ ”جیوفلمز“ اور نہر گھر فلمز کا مشترکہ پروجیکٹ ہے علی عباس نقوی کی تحریر کی گئی کہانی کو ایوارڈ یافتہ ہدایتکار کمال خان نے ڈائریکٹ کیا ہے اور فلم کا میوزک طحہٰ ملک نے ڈائریکٹ کیا ہے

کرکٹ شائقین پی ایس ایل سیزن فائیو کا بے چینی سے انتظار کررہے ہیں اور حوالے خبریں سامنے آئیں ہیں کہ اس بار پی ایس ایل کی افتتاحی تقریب میں اداکارہ ماہرہ خان اور مہوش حیات لائیوپرفارمنس کریں گی

باغی ٹی وی رپورٹ کے مطابق ماہرہ خان اور مہوش حیات پی ایس ایل 5 کا ترانہ گانے والے چاروں گلوکاروں علی عظمت، عارف لوہار، ہارون رشید اور عاصم اظہر کے ساتھ پرفارم کریں گی

واضح رہے کہ پی ایس ایل 5 کی افتتاحی تقریب کا انعقاد20 فروری کو کراچی کے نیشنل اسٹیڈیم میں کیا جائے گا جب کہ آسٹریلیا،انگلینڈ اور جنوبی افریقا کے کھلاڑی ٹورنامنٹ سے تین روز قبل اپنی اپنی ٹیموں کو جوائن کریں گےخوش آئند بات یہ ہے کہ پہلی بار پی ایس ایل کے تمام میچز پاکستان میں کھیلے جائیں گے

یاد رہے پی ایس ایل فائیو کا آفیشل ترانہ تیار ہیں چند روز قبل ریلیز کیا گیا تھا جو کہ شائقین کو متاثر نہیں کر سکا کرکٹ شائقین نے ترانے اور گلوکاروں پر مختلف میمز بناتے ہوئے تنقید کی

اداکار و گلوکار علی ظفر اور مایا علی کی جولائی 2018 میں ریلیز ہونے والی رومینٹک کامیڈی فلم ’طیفا ان ٹربل‘ کو شائقین اب دنیا کی سب سے بڑی آن لائن اسٹریمنگ ویب سائٹ نیٹ فلیکس پر بھی دیکھ سکیں گے

باغی ٹی وی رپورٹ کے مطابق پاکستانی اداکار علی ظفر اور مایا علی کی سپرہٹ فلم’ طیفا ان ٹربل ‘کو نیٹ فلیک پر بھی ریلیز کر دیا گیا ہے فلم کے شائقین اب نیٹ فلکس پر بھی دیکھ سکیں گےاس حوالے سے فلم میں مرکزی کردار ادا کرنے والے اداکار علی ظفر نے ٹوئٹر پر اعلان کیا

علی ظفر نے سماجی رابطے کی ویب سائٹ ٹویٹر پر اپنے ٹوئٹ میں لکھا کہ گذشتہ سال دنیا بھر میں ریلیز ہونے کے بعد ’طیفا ان ٹربل‘اب نیٹ فلکس پاکستان پر بھی دستیاب ہے

2018 میں ریلیز ہونے والی فلم ’’طیفا ان ٹربل‘‘ میں علی ظفر اور مایا علی نے مرکزی کردار ادا کیا تھا فلم ن نہ صرف پاکستان بلکہ دنیا بھر سے اچھی کمائی کی تھی اور باکس آفس پر سپر ہٹ قرار پائی تھی

پاکستان میں دھوم مچانے کے بعد طیفا ان ٹربل کو خلیجی ممالک سمیت یورپ، امریکا و ایشیا میں بھی ریلیز کیا گیا تھا اور فلم نے دیگر ممالک میں بھی اچھی کمائی کی تھی

یاد رہے کہ فلم ’طیفا ان ٹربل‘ میں علی ظفر، مایا علی، جاوید شیخ، فیصل قریشی، محمود اسلم اور نیئر اعجاز نے اہم کردار کیا تھا جبکہ فلم کی ہدایت کاری احسن رحیم نے کی تھی

نیویارک کی عدالت کی جانب سے قائم کی گئی 12 رکنی جیوری اور ججز کو 30 جنوری کو بتایا گیا کہ ہالی وڈ پروڈیوسرہاروی وائنسٹن نے 2017 میں نجی اسرائیلی خفیہ ایجنسی ’بلیک کیوب‘ کی خدمات حاصل کی تھیں

باغی ٹی وی رپورٹ کے مطابق ہالی وڈ پروڈیوسر 67 سالہ ہاروی وائنسٹن کے خلاف جاری ’ریپ‘ اور ’جنسی استحصال‘ کے مقدمے میں ان کے سابق وکیل ڈیو سین نے عدالت کو بتایا گیا ہے کہ انہوں نے میرے ذریعے ہی اپنے خلاف میڈیا میں چلنے والی خبروں کو ختم کروانے اور الزام لگانے والی خواتین سے معلومات حاصل کرکے اسے غلط طریقے سے استعمال کرنے کے لیے نجی اسرائیلی خفیہ ایجنسی کی خدمات حاصل کی تھیں

ڈیو سین جو ایک نجی قانونی فرم کے مالک ہیں انہوں نے ارکان اور ججز کو بتایا کہ اکتوبر 2017 میں نیویارک ٹائمز کی جانب سے ہاروی وائنسٹن کے خلاف شائع کیے گئے پہلے مضمون کے بعد فلم ساز نے اسرائیلی خفیہ ایجنسی کی خدمات حاصل کیں ہاروی وائنسٹن چاہتے تھے کہ اسرائیل کی خفیہ ایجنسی ان کے خلاف نیویارک ٹائمز میں شائع ہونے والے مضمون کوغلط ثابت کرتے ہوئے اس معاملے میں متنازع معلومات پھیلائے تاکہ لوگ ان پر لگائے گئے الزامات پر یقین نہ کریں

ڈیو سین نے عدالت کو بتایا کہ ہاروی وائنسٹن کے کہنے پر ان کی فرم نے ہی ’بلیک کیوب‘ کی خدمات حاصل کی تھیں انہوں نے بتایا کہ اسرائیلی خفیہ ایجنسی کو ٹارگٹ دیا گیا تھا کہ وہ ہاروی وائنسٹن پر الزام لگانے والی خواتین سے رابطہ کرکے ان سے ریپ اور جنسی ہراسانی کی معلومات حاصل کرنے کے بعد اس معلومات کو غلط انداز میں پھیلائیں نجی اسرائیلی خفیہ ایجنسی ’بلیک کیوب‘ میں اسرائیل کی خفیہ ایجنسی موساد کے سابق اہلکاروں سمیت دیگر جاسوس اداروں کے سابق اہلکار کام کرتے ہیں

یاد رہے کہ اس کے بارے میں نیویارک جیوری کے سامنے پیش ہونے والی پہلی اداکارہ 59 سالہ اینابیلا شیورہ نےبھی جیوری کو بتایا تھا کہ 2017 میں ان سے ایک مرد صحافی نے رابطہ کیا تھا اور ان کو صحافی نے خود کو ’دی گارجین‘ کا رپورٹر بتایا تھا اور ان سے انٹرویو کرنے کے بعد وہ غائب ہوگیا اور کبھی بھی ان کے ساتھ دوبارہ اس نے رابطہ نہیں کیا

پاکستان کا معروف اور مقبول ترین ڈرامہ جہاں بہت سی تعریفیں بٹورتا رہا وہیں اپنے متنازع ڈائیلاگز کی وجہ سےبھر پور تنقید کا نشانہ بھی بنتا رہا

اس ڈرامے کی اکیسویں قسط کے شائقین کے بھر پور شوق کو دیکھتے ہوئے مذکورہ چینل اور ڈائریکٹر نے اسے سینما سکرین پر دکھانے کا بھی فیصلی لیکن اس کی آخری قسط مداحوں کو اس ڈرامے کے مرکزی کردار انش کے مر جانے کے وجہ سے پسند نہیں آئی جس کا غصہ شائقین نے مختلف میمز بناکر نکالا

میرے پاس تم ہو کے مرکزی کردار دانش کو سندھ عدالت نے طلب کر لیا

اس ڈرامے میں عدنان صدیقی (شہوار) ہمایوں سعید (دانش) اور عائزہ خان(مہوش) نے مرکزی کردار ادا کئے

لیکن اب باغی ٹی ی کی رپورٹ کے مطابق عدنان صدیقی نے سوشل میڈیا پر اس ڈرامے کی آخری قسط میں بولے گئے ڈائیلاگزجو کہ کچھ یوں تھے ایسی عورت کو مرد برباد نہیں کرتا اس کے اندر موجود اپنے گھر توڑ دینے کی ہمت اسے برباد کرتی ہے

اس کے آنکھوں سے بڑے اس کے خواب اسے برباد کرتے ہیں ایسی عورتیں یہ نہیں دیکھتی کے انہیں کیا ملا ہے وہ یہ دیکھتی ہیں کہ دوسروں کو کیا ملا ہے اندھی ہوتی ہیں ایسی عورتیں اور اندھوں کو پار لگانے کے بہانے کوئی بھی ساتھ لے جائے اس کے لیے کسی کا شہوار احمد ہونا ضروری نہیں کے بارے میں اپنی رائے کا اظہار کیا ہے

سوشل میڈیا ویب سائٹ پوسٹ شیئر کرتے ہوئے لکھا کہ مجھے جو پیار ملا اس کے لیے میں سب کا شکریہ ادا کرنا چاہتا ہوں میں جانتا ہوں کہ ڈرامے کے ڈائیلاگز تکلیف دہ تھے اور کچھ موقعوں پر تھوڑا زیادہ متنازع بھی ہوگئے کبھی تو خواتین کو ایک ہی انداز میں پیش بھی کیا گیا میں یہ سب مانتا ہوں اس لیے بتانا ضروری سمجھتا ہوں امید تھی کہ کہانی ڈرامے کو اور بہتر بناتی

انہوں نے مداحوں کا شکریہ ادا کرتے ہوئے لکھا کہ میں آپ سب کے پیار تعاون اور خلوص کے لئے شکر گزار ہوں جو آپ نے ہر ہفتے ہمیں دیا انہوں نے لکھا کہ ایک آرٹسٹ کے آرٹ کی بھر پور تعریف سے بڑھ کر اور اس کے لئے کچھ اہم نہیں ہوتا انہوں نے اعلان کیا کہ وہ اس بارے میں کہانی کو اپنے پروڈکشن تلے بہتر بنانے کی کوشش کریں گے اور اس میں خواتین رائٹرز کوموقع دیں گے انہوں ن جلد ہی ملیں گے کہتے ہوئے اپنی پوسٹ کا اختتام کیا

میرے پاس تم ہو کی کامیابی پر دعاؤں اور پذیرائی پر مداحوں کا بے حد مشکور ہوں ہمایوں سعید

ڈرامے میں دکھایا گیاتھا کہ مہوش (عائزہ خان) ایک غریب گھرانے کی شادی شدہ خاتون ہوتی ہیں جو پیسوں کی لالچ میں اپنے شوہر (ہمایوں سعید)کو دھوکا دے کر ان سے طلاق لے کر امیر شخص ‘شہوار’ (عدنان صدیقی) سے تعلقات استوار کرکے ان سے شادی کرنے کی خواہش مند ہوتی ہے

دونوں کی شادی سے قبل ہی امیر شخص شہوار کی پہلی اہلیہ ماہم (سویرا ندیم) امریکا سے واپس آجاتی ہیں اور مہوش کو بے عزت کرنے کے ساتھ ساتھ اپنے امیر شوہر کو جیل بھجوا دیتی ہیں اس کی آخری قسط میں دانش مہوش کو ملنے اس کے گھر جاتا ہے تو وہاں ہارٹ اٹیک کی وجہ سے اس کی موت واقع ہو جاتی ہے دانش کی موت نے جہاں شائقین کو جذباتی کیا وہیں بہت سے لوگ ڈرامے کے اختتام سے مطمئن نظر نہیں آئے اور تنقید کرتے ہوئے مختلف کمنٹس کئے

ڈرامے کی کہانی کو بہت زیادہ لوگوں نے تنقید کا نشانہ بنایا تاہم تنقید کے باوجود اس ڈرامے کو بہت زیادہ دیکھا جا رہاتھا جبکہ اس کی‌آکری قسط کو رکوانے کے لئے اسلام آباد اور لاہور ہائی کورٹ میں درخواست بھی جمع کروائی گئی تھی علاوہ ازیں سندھ ہائی کورٹ میں بھی اس ڈرامے میں عورت کی تضحیک کرنے پرہمایوں سعید اور ڈرامے کے رایٹرش خلیل الرحم قمر کے خلاف ایک خآتون نے درخواست دائر کر رکھی ہے سندھ حکومت نے کچھ روز قبل اس کیس کی سماعت کی اور ہمایوں سعیدڈرامے کے لکھاری خلیل الرحمٰن قمر پیمرا سمیت دیگر متعلقہ اداروں کو آئندہ سماعت پر 13 فروری کو عدالت طلب کرتے ہوئے سماعت ملتوی کردی