Category: شوبز

علی ظفر کے گانے ‘لیلیٰ و لیلیٰ’ کا نیا ریکارڈ قائم

پاکستان کے نامور گلوکار و اداکار علی ظفر کے حال ہی میں سامنے آئے گانے ‘لیلیٰ و لیلیٰ’ نے مقبولیت کا نیا ریکارڈ قائم کردیا

گلوکار نےصوبہ بلوچستان سے تعلق رکھنے والی 12 سالہ گلوکارہ عروج فاطمہ کے ساتھ اپنا وعدہ مکمل کرتے ہوئے ان کے ساتھ گانے کی ویڈیو جاری کی تھی اور اب اس ویڈیو کو یوٹیوب پر ایک کروڑ بار دیکھا جاچکا ہے گانے کے نئے ریکارڈ کے بارے میں خود علی ظفر نے آگاہ کرتے ہوئے اپنے سوشل میڈیا اکاؤنٹس پر اسے شیئر کیا

عروج فاطمہ کا تعلق بلوچستان کے دارالحکومت کوئٹہ سے ہے اور انہوں نے گزشتہ برس علی ظفر کے ساتھ گانا گانے کی خواہش کا اظہار کیا تھا

لائٹنگل پروڈکشن کی جانب سے جاری کردہ ویڈیو کو محض ایک ہی دن میں 87 ہزار سے زائد بار دیکھا گیا تھا اور شائقین نے عروج فاطمہ کی آواز کی تعریف بھی کی تھی عروج فاطمہ اور علی ظفر نے ماضی کے مقبول لوک بلوچی گانے ’لیلیٰ او لیلیٰ‘ کو جدید انداز میں پیش کرکے اپنے مداحوں کو تحفہ دیا تھا

اس گانے ’لیلیٰ او لیلیٰ‘ کو سب سے پہلے بلوچ لوک گلوکار استاد فیض محمد بلوچ نے گایا تھا جب کہ اسے ایرانی نژاد سویڈن کے بلوچی پارسی و پشتو گلوکار روستم میر لاشاری نے بھی کوک اسٹوڈیو کے لیے گایا تھا اب پرانے گانوں کے مقابلے میں علی ظفر اور عروج فاطمہ کے گانے میں کوئٹہ سمیت بلوچستان کے خوبصورت نظاروں کو شامل کرکے اسے منفرد انداز میں پیش کیا گیا ہے

نئی آنے والی فلم ’زندگی تماشا‘ سے جلد فلم ڈیبیو کرنے والی اور اپنے بے باک انداز و خواتین کی برابری سے متعلق آواز اٹھانے والی ماڈل اور اداکارہ ایمان سلیمان نے نیے سال کے شروع میں ہی اچانک شادی کرکے سب کو حیران کردیا

اسی طرح ایمان سلیمان نے نومبر 2019 میں آرٹسٹ جمیل سے اچانک منگنی کرکے اپنے مداحوں کو حیران کیا تھا اداکارہ نے منگنی کرنےکا اعلان بھی انسٹاگرام پر کیا تھا اور انہوں نے اپنی پوسٹ میں بتایا تھا کہ وہ دونوں جلد سے جلد شادی کا ارادہ رکھتے ہیں لیکن یہ نہیں واضح کیا تھا کہ وہ کب تک شادی کرلیں گے

منگنی کے بارے میں بتاتے ہوئے ایمان سلیمان نے اپنی انسٹاگرام پوسٹ میں لکھا تھا کہ پاکستان میں رہتے ہوئے وہ شادی کے بغیر ایک مرد دوست کے ساتھ زندگی نہیں گزار سکتیں اور ان کے والدین بھی ایسے عمل پر ناراض ہوں گے اس لیے وہ جلد سے جلد اپنے منگیتر کو اپنا محرم بنالیں گی

اور جلد شادی کا اعلان کرتے ہوئے کہا تھا کہ کچھ لوگ اپنی محبت کو رشتے میں بدلنے کے لیے شادی کرتے ہیں اور کچھ لوگ شادی کرکے محبت کرتے ہیں ایسے ہی کچھ لوگ تنہائی ختم کرنے اور ساتھی کی چاہت میں شادی کرتے ہیں تاہم وہ حرام کو حلال کرنے کے لیے شادی کریں گی اور اب انہوں نے اچانک شادی کر کے سب کو حیران کردیا

اداکارہ نے اپنی شادی سے متعلق مداحوں کو اپنی انسٹاگرام پوسٹ کے ذریعے بتایا اور اپنے شوہر کے ساتھ ایک تصویر شیئر کرتے ہوئے لکھا کہ اب وہ ایک دوسرے کے لیے محرم بن گئے

اداکارہ کی جانب سے شادی کی تصویر شیئر کرنے کے بعد کئی شخصیات نے انہیں مبارکباد پیش کی اور ان کے لیے نیک تمناؤں کا اظہار کیا

حال ہی میں یاسر حسین کےساتھ شادی کے بندھن میں بندھ جانے والی اقرا عزیز کے نئے آنے والے ڈرامے ’جھوٹی‘ کے 2 مختصر
ٹیزر سامنے آتے ہی وائرل ہوگئے

ڈرامہ سیریل ’جھوٹی‘ کو ’میرے پاس تم ہو‘ کے بعد کہانی کے حوالے سے بہت تنقید کا نشانہ بنایا جا رہا ہے اور کئی لوگوں نے ڈرامے پر پاکستانی سماج کے ایک بہت بڑے مسئلے کو غلط انداز میں پیش کرنے کا الزام لگایا ’جھوٹی‘ کے سامنے آنے والے 2 مختصر ٹیزرز کو دیکھ کر اندازہ ہوتا ہے کہ ڈرامے کی کہانی شادی شدہ خواتین پر ہونے والے گھریلو تشدد اور ان واقعات میں خواتین کی جانب سے بولے جانے والے جھوٹ پر مبنی ہے

ایک 3منٹ اور 38 سیکنڈ کے ٹیزر میں ڈرامے کی مرکزی کاسٹ اقرا عزیز اور احمد علی بٹ کو دکھایا گیا ہے جس میں دونوں کی شادی کے معاملے کو بھی دکھایا گیا ہے ٹیزر میں دکھایا گیا ہے کہ کس طرح شادی کے بعد اقرا عزیز اپنے دکاندار شوہر اور سسرالیوں کے خلاف گھریلو تشدد کا ڈراما رچانے کی کوشش کرتے ہوئے مکروہ انداز میں ہنستی ہیں

جبکہ دوسرے ایک منٹ دس سیکنڈ کے ٹیزر میں صرف اقرا عزیز کو دکھایا گیا ہے جنہیں گھر میں ایک شیشے کے سامنے ’گھریلو تشدد‘ کا ڈرامہ رچاتے ہوئے دکھایا گیا ہے

’جھوٹی‘ کو اے آر وائی ڈیجیٹل پر جلد ہی ریلیز کیا جائے گا اس میں اقرا عزیز اور احمد بٹ کے علاوہ یاسر حسین بھی دکھائی دیں گے جبکہ ڈرامے کی ہدایات سید رامشی رضوی نے دی ہیں اور اسے عبداللہ سیجا نے پروڈیوس کیا ہے

شائقین کی جانب سے اسی ٹیزر کو سب سے زیادہ تنقید کا نشانہ بنایا گیا اور ڈرامے کی ٹیم پر پاکستان کے اہم ترین اور سنگین مسئلے کو غلط انداز میں پیش کرنے کا الزام بھی لگایا گیا ٹوئٹر پر کئی مداحوں نے اقرا عزیز کی جانب سے ڈرامے میں مرکزی کردار ادا کرنے اور خواتین پر ہونے والے گھریلو تشدد پر ڈراما رچانے پر بھی انہیں تنقید کا نشانہ بنایا اور کہا کہ انہیں توقع نہیں تھی کہ اقرا عزیز بھی اہم ترین مسئلے کو غلط انداز میں پیش کرنے والے ڈرامے میں کردار ادا کریں گی

جبکہ کئی مداحوں نے ڈرامے کے پروڈیوسر، ہدایت کار، اداکاروں اور نجی چینل اے آر وائی کو بھی شدید تنقید کا نشانہ بنایا اور مداحوں نے کمپنیوں سے مطالبہ کیا کہ وہ نجی چینل کو اشتہارات دینا بند کریں

ڈرامے پر آن لائن تنقید کے بعد تاحال اقرا عزیز یا احمد علی بٹ سمیت دیگر ٹیم نے کوئی جواب نہیں دیا

ڈرامہ سیریل میرے پاس تم ہو قسط نمبر اکیس پر ایک نظر

ڈرامہ سیریل ” میرے پاس تم ہو “ پاکستانی سپر ہٹ ڈراموں میں سے ایک ڈرامہ ہے جسے عوام میں بے پناہ مقبولیت حاصل ہوٸی ہے ۔ اس ڈرامے کے مرکزی کردار دانش اور مہوش ہیں دانش جو اپنی بیوی سے بے پناہ محبت کرتا ہے اور مہوش جو ایک متوسط طبقے سے تعلق رکھتی ہے وہ چاہتی ہے کہ انتہاٸی امیرانہ زندگی گزارے ۔دانش ایک سرکاری ملازم تھا جو ہر وقت مہوش کو خوش رکھنے کی کوشش میں نظر آتا ہے ان دونوں کا ایک خوبصورت بیٹا ہے جس کا نام رومی ہے اس کی گزشتہ قسط میں شہوار کی پہلی بیوی مہوش سے ملنے ہاسٹل آتی ہے اور مہوش کو اڑھاٸی کروڑ کا چیک چیک دیتی ہے کہ یہ ان پانچ مہینوں کا معاوضہ ہے جو تم نے شہوار کے ساتھ بغیر کسی رشتے کے گزارا مہوش اپنی نبض کاٹ لیتی ہے تو ہاسپٹل میں سلمان اور اس ک بیوی مہوش کا خیال رکھتے ہیں دانش اور رومی بھی ہاسپٹل جاتے ہیں دانش مہوش کو دیکھے بغیر واپس آجاتا ہے جبکہ رومی اپنے باپ سے پوچھ کر ماں کے پاس ایک رات رک جاتا ہے اب اگلی قسط
نئی قسط میں رومی دانش سے شکوہ کرتا ہے کہ وہ اب اس کے ساتھ کھیلتا نہیں امیر ہونے کے بعد بدل گیا ہے اور یہ بھی کہ وہ اس کی مس ہانیہ سے ملنے جاتا ہے اور ان کا فرینڈ ہے اور یہ بھی کہتا ہے کہ ان کی مس کے دل میں ان کے لئے کچھ چل رہا ہے دانش رومی کی اس بات کی تردید کرتا ہے اور کہتا ہے یہ تمہاری عمر کی کرنے کی باتیں نہیں ہیں لیکن رومی اپنی مس ہانیہ کے پاس اپنے باپ دانش کا پرپوزل لے کر جاتا ہے اور کہتا ہے کہ آپ میرے بابا سے شادی کر لیں جبکہ دوسری طرف دانش کا دوست اور اس کی بیوی دانش کے آگے مہوش کی وکالت کرتے ہیں اور اسے معاف کر دینے کا کہتے ہیں دانش ان کی یہ بات نہ مانتے ہوئے کہتا ہے کہ مہوش کی طرف داری کر کے آپ اس معاشرے میں بیوی کی شوہر کے ساتھ کی جانے والی بے وفائی کو سپورٹ کر رہے ہیں مہوش دانش کو فون کر کے کہتی ہے جب تک رومی بڑا نہیں ہو جاتا دکھاوے کے صلح کر لیں بعد میں وہ چلی جائے گی اور دوسری طرف شہوار کی بیوی اسے جیل سے چھڑوا لیتی ہے اور اسے کہتی ہے کہ اب اسے کمپنی میں چئیرمین والی نہیں بلکہ وہی سیٹ ملے گی اسی کمرے اسی کرسی پر بیٹھو گے جہاں تمھیں دل لگا کر کام کرتے ہوئے دیکھا تھا اورجس پر اسے اس نے پسند کیا تھا (جاری ہے)

َََِڈرامہ سیریل میرے پاس تم ہو پر ایک نظر

بالی ووڈ کنگ اور سپر سٹار شاہ رخ خان سوشل میڈیا ویب سائٹ ٹوئٹر پر اپنے ایک ویڈیوانٹر ویو میں اپنی زندگی کے چھ سبق بتاتےدکھائی دے رہے ہیں
شاہ رخ خاں کے مطابق زندگی کے چھ سبق:

1: اگرتم مجھے بھیڑیوں کے آگے پھینکو گے تو میں اس جھنڈ کی سربراہی کرتے ہوئے واپس لوٹوں گا

2:کسی بھی کام میں ناکامی کا علاج زیادہ کام کرنا ہے اور کسی بھی کام میں کامیابی کا علاج بھی زیادہ کام کرنا ہی ہے

3: ہر ناکامی آپ کو آگے بڑھنے کے لئے بڑھاوا دیتی ہے کسی بھی ناکامی کو بھولنا نہیں چاہئے بلکہ اس کو طاقت بنا کر اس سے بہتر اور اچھا کرنے کی کوشش کرنی چاہیئے اگر آپ ناکامی سے بہت زیادہ نفرت کرتے ہیں تو آپ کبھی بھی ناکام نہیں ہوں گے

4:یہ دو الفاط جو میں اپنے کیرئیر کے اختتام پر بالکل نہیں کہنا چاہوں گا سوری اور تھینک یو

5: میں اپنا سٹارڈوم ٹکسیڈو کی طرح نہیں پہنتا بلکہ اسے ٹی شرٹ کی طرح پہنتا ہوں اور یہ کہ یہ کس طرح ہو نا چاہیئے اگر آپ اصلی سٹار ہیں تو اسے آپ کو محض نرم مزاج عام جینٹل مین اور کول رہنے کی بجائے کسی بھی دوسرے طریقے سے اس کو ثابت کرنے کی ضرورت نہیں ہے

6: ایمان اور یقین میں فرق ہے میرا ایمان ہے درحقیقت یقین پر سوال کیا جا سکتا ہے جسے ثابت کرنا پڑے گا جیسے کہ ریاضی کے مسئلے میں دیا جاتا ہے لیکن جو ایمان جیسا کہ ہم اللہ پر رکھتے ہیں اور بھگوان پر رکھتے ہیں اور ایمان کو جھٹلایا نہیں جا سکتا

گزشتہ سال دسمبر 2019 میں یہ خبر سامنے آئی تھی کہ پی ٹی وی نے وزیر اعظم عمران خان کی ہدایات کے بعد مسلمانوں کی فتوحات کی کہانی پر مبنی شہرہ آفاق ترکش ڈرامے ’دیریلیش ارطغرل‘ کی اردو ڈبنگ کا آغاز کردیا

بتایا گیا تھا کہ پی ٹی وی نے معروف ڈرامے دیریلیش ارطغرل کے اردو ترجمے کے بعد اعلیٰ مہارتی ٹیم کے ساتھ اس کی ڈبنگ شروع کردی اور جلد ہی اس کی ڈبنگ کا کام مکمل کرکے اسےپی ٹی وی پر نشر کیا جائے گا

جبکہ رپورٹس میں یہ نہیں بتایا گیا تھا کہ ’دیریلیش ارطغرل‘ کو کب تک پی ٹی وی پر نشر کیا جائے گا لیکن خیال کیا جا رہا تھا کہ 2020 کے وسط تک ڈرامے کو نشر کردیا جائے گا

اب خبر سامنے آئی ہے کہ مبینہ طور پر پی ٹی وی نے ترکش ڈرامے کی اردو ڈبنگ کا کام روک دیا جبکہ ڈبنگ روکنے کی خبر پر مداح مایوس ہو گئے ہیں

مہوش حیات کی ایران پر امریکی حملے کے خلاف بھر پٔور مذمت

اس خبر کاا نکشاف ریڈیو پاکستان کی براڈکاسٹر اور ’دیریلیش ارطغرل‘ کی اردو ڈبنگ کی ٹیم میں شامل وائس اوور آرٹسٹ دیا رحمٰن نے سوشل میڈیا پر ایک ویڈیو جاری کرتے ہوئے کیا کہ ترکش ڈرامے کی اردو ڈبنگ کا کام روک دیا گیا ہے

دیا رحمٰن کا کہنا تھا کہ انہوں نے لوگوں کے سوالوں پر ویڈیو میں جوابات دینے کا سوچا اور وہ سب کو یہ بتانا چاہتی ہیں کہ ’دیریلیش ارطغرل‘ کی ڈبنگ روک دی گئی ہے

دیا رحمن کا کہنا تھا کہ انہیں اس بات کا علم نہیں کہ ڈرامے کی ڈبنگ کس لیے اور کیوں روکی گئی ہے تاہم ان کا ذاتی خیال ہے کہ شاید اب ڈرامے کی ڈبنگ کوئی نجی چینل کرے گا

دیا رحمٰن کا مزید کہنا تھا کہ انہوں نے دوسرے افراد کے ساتھ مل کر ’دیریلیش ارطغرل‘ کی 6 قسطوں کی ڈبنگ پی ٹی وی ہیڈ کوارٹر میں مکمل کرلی تھی تاہم پھر اچانک پی ٹی وی انتظامیہ نے اس کی ڈبنگ روک دی

جبکہ دوسری جانب پی ٹی وی نیوز کی ٹوئٹ میں بتایا گیا کہ سرکاری ٹی وی کے ترجمان نے ترکش ڈرامے کی ڈبنگ کو روکے جانے کی خبروں کو جھوٹا قرار دیتے ہوئے واضح کیا ہے کہ ڈرامے کی ڈبنگ جاری ہے اور جلد ہی ڈرامے کو پی ٹی وی پر نشر کیا جائے گا لیکن اس کے جواب میں دیا رحمن نے ایک بار پھر کمنٹ کرتے ہوئے دعوی کیا کہ یہ ڈرامہ 2020 میں بھی پی ٹی وی پر نشر نہیں ہوگا

شادی کے سوال پر اداکارہ میرا سیخ پا

باربار شادی کے بارے میں سوال۔ہوچھے جانے پر اداکارہ میرا نے برہمی کا اظہار کر دیا
شادی کسی کابھی نجی معاملہ ہے نہ جانے لوگ حد سے زیادہ دلچسپی کیوں لیتے ہیں :اداکارہ

لاہور: اداکارہ ریشم کی طرح اب اداکارہ۔میرا بھی شادی کے سوال پر بھڑک اٹھیں وہ شادی کے بارے میں بار بار سوال۔کیے جانے پر غصے میں آگئیں

ان کا کہنا تھا کہ لوگ دوسروں کی۔نجی زندگی میں اتنی کیوں دلچسپی لیتے ہیں دوسروں کی نجی زندگی سے کیا نکالنا چاہتے ہیں اداکارہ نے ایک۔انٹرویو میں کہا کہ۔شادی کرنا کسی کا بھی نجی معاملہ ہے لیکن نا جانے کیوں لوگ اس میں حد سے زیادہ دلچسپی لیتے ہیں

نئے سال کے آغاز کے ساتھ ہی کچھ لوگ اداکاراوں کی شادی کے پیچھے ہاتھ دھو کر پڑ گئے ہیں جو سمجھ سے بالاتر ہے انہوں نے کہا دوسروں کی۔نجی زندگی میں مداخلت کا ہمارے ہاں۔رواج عام۔ہوتا جا رہا ہے جو کسی طرح بھی قابل۔ستائش نہیں

واضح رہے کچھ دن قبل اداکارہ۔ریشم نے بھی شادی پر پوچھے گئے سوال پر ناراضگی کا اظہار کیا تھا

عائزہ خان کو کئی نئے پروجیکٹس کی آفرز مل گئیں

مقبولیت کا ہر گزیہ مطلب نہیں کہ معیار کو چھوڑ کر کام کے پیچھے بھاگوں: اداکارہ

لاہور: ڈرامہ سیریل میرے پاس تم ہو میں مہوش کا کردار ادا کرنے والی خوبرو اداکارہ عائزہ خان کی مقبولیت میں بے پناہ اضافہ ہو گیا ہے اس ڈرامے میں انہوں نے مہوش کا کردار بخوبی نبھایا ہے

میرے پاس تم۔ہو کی۔آنے والی ہر نئی۔قسط کے بعد اداکارہ کی شہرت اور مقبولیت بڑھ رہی ہے اب ڈرامے کی زبردست کامیابی کےبعد ان کے پاس کئی ڈراموں کے پراجیکٹس کی آفرز موجود ہیں

ذرائع کے مطابق اداکارہ اسوقت میرے پاس تم۔ہو کے علاوہ ایک نئے ڈرامے تھوڑا سا حق میں کام۔کر رہی ہیں عائزہ خان کا کہنا ہے کہ مقبولیت کا ہر گز یہ مطلب نہیں کہ میں معیار کو چھوڑ کر تعداد کے پیچھے بھاگوں ان کا کہنا تھا کہ وہ۔معیاری سکرپٹ کو ہی ترجیح دیں گی نہ کہ تعداد کو

ادویات بجلی گیس اور پٹرول مہنگا ہونے ہر فنکاروں کا احتجاج
عوام کو حکومت سے بہت امیدیں وابستہ لیکن مہنگائی نے جینا محال کر دیا:فنکار
حکومت کو فوری اقدامات کرنا ہوں گے:شان سید نور میگھا و دیگر

لاہور:فنکاروں نے پٹرول گیس بجلی اور ادویات کی قیمتوں میں ناقابل برداشت اضافے کے خلاف شدید ردعمل کا اظہار کیا ہے شوبز کے مختلف شعبوں سے تعلق رکھنے والی شخصیات نے مہنگائی کے خلاف احتجاج کرتے ہوئے حکومت سے مطالبہ کیا ہے کہ ادویات کی قیمتوں میں اضافہ کرنے والے ظالموں کو عبرتناک سزا دی جائے تاکہ کوئی شخص آئندہ ایسی حرکت نہ کر سکے عوام کو عمران خان اور ان کی حکومت سے بہت امیدیں وا بستہ ہیں لیکن مسلسل بڑھتی ہوئی مہنگائی کی وجہ سے عام انسان کا جینا محال ہو رہا ہے اورعوام مہنگائی کی چکی میں پس۔رہی ہے وزیراعظم عمران کو بگڑتی ہوئی صورتحال کا جائزہ لینے کے لیے فوری اور جنگی بنیادوں پر اقدامات کرنا ہوں گے تاکہ غریب عوام سکون کا سانس لے سکیں معمرانا حسن عسکری شان سیدنور حنا ملک انعام۔خان صائمہ نور میگھا ماہ نور ظفر اقبال حنا ملک انعام خان نادیہ علی شین دردانہ رحمن طالب حسین راجو سمراٹ اور دیگر نے پٹرول بجلی گیس اور ادویات مہنگی کرنے کو غریب عوام پر ظلم قرار دیتے ہوئے بھر پور احتجاج کیا ہے