Category: شوبز

بھارتی اداکارہ پرِیا مراٹھے کینسر سے جنگ لڑتے ہوئے زندگی کی بازی ہارگئیں۔

بھارتی میڈیا کے مطابق گزشتہ روز 38 سالہ بھارتی اداکارہ پریا مراٹھے کی موت کی خبر سامنے آئی جس نے سب کو گہرے صدمے میں مبتلا کردیا،نوجوان اداکارہ گزشتہ کئی برسوں سے کینسر سے جنگ لڑ رہی تھیں تاہم گزشتہ روز وہ ممبئی کے میرا روڈ پر واقع اپنے گھر میں صبح 4 بجے دنیا سے رخصت ہوئیں۔

آنجہانی اداکارہ اپنے شوہر اور ساتھی اداکار شانتا نو موگھے کے ساتھ رہتی تھیں، جو مراٹھی ڈرامہ سوراجیارکشک سنبھاجی میں چھترپتی شیواجی کا کردار ادا کرنے کے لیے مشہور ہیں،پرِیا مراٹھے نے بہت سی بالی ووڈ اور ٹالی ووڈ فلموں اور ڈراموں میں اداکاری کی جبکہ 2012 میں وہ ساتھی اداکار شانتانو کیساتھ رشتہ ازدواج میں منسلک ہوئی تھیں۔

یوکرین کو نیٹو میں شامل کرنے کی مغربی کوششیں جنگ کی بڑی وجہ ہے،روسی صدر

پریا نے 2005 میں زی مراٹھی کے ڈرامہ یا سُکھانو یا سے اداکاری کا آغاز کیا۔ 2008 میں مراٹھی ناول شالہ پر مبنی فلم ’ہم نے جینا سیکھ لیا‘ سے انہوں نے فلمی ڈیبیو کیا اسی سال انہوں نے ہندی ٹی وی میں قدم رکھتے ہوئے ایکتا کپور کی مشہور سیریل ’قسم سے‘ میں کام کیا،پریا کو سب سے زیادہ شہرت زی ٹی وی کے مقبول ڈرامہ ’پوتر رشتہ‘ سے ملی، جس میں انہوں نے ورشا دیسپانڈے اور جھمری بالان سنگھ کے کردار ادا کیے یہ ڈرامہ سشانت سنگھ راجپوت اور انکیتا لوکھنڈے کی اداکاری سے بھرپور تھا اور 5 سال تک کامیابی سے نشر ہوتا رہا۔

پاکستان کو مستقبل میں بابر اعظم اہم فتوحات دلوائیں گے،وسیم اکرم

انہوں نے اس کے بعد بھی کئی مشہور ڈراموں جیسے ’اترن‘، ’بڑے اچھے لگتے ہیں‘ اور ’ساتھ نبھانا ساتھی‘ا میں اہم کردار ادا کیے 2010 میں وہ کامیڈی شو کامیڈی سرکس کے سوپر اسٹارز میں بھی نظر آئیں،اداکارہ کی موت پر شوبز انڈسٹری سمیت مداحوں کی جانب سے گہرے دُکھ اور افسوس کا اظہار کیا جارہا ہےان کی ساتھی اداکارہ اوشا نڈکرنی نے پریا کے انتقال پر گہرے دکھ کا اظہار کیا اور بتایا کہ پریا نے حال ہی میں گھر خریدا تھا۔ ان کے بچے نہیں تھے۔

اداکار گووندا اور سنیتا کی علیحدگی کی افواہوں پر اداکار کا پہلی بار ردِعمل سامنے آگیا۔

گووندا اور ان کی اہلیہ سنیتا آہوجا کی علیحدگی کی خبریں کافی عرصے سے گردش کر رہی ہیں، 2024ء کے آخر میں یہ دعویٰ سامنے آیا تھا کہ سنیتا نے طلاق کے لیے عدالت سے رجوع کیا ہے،ان افواہوں کو مزید ہوا اس وقت ملی جب سنیتا نے اپنے بیانات میں گووندا کے رویے پر اشارے دیے، مگر بعدازاں دونوں مشترکہ طور پر ایک تقریب میں ساتھ نظر آئے جس کے بعد قیاس آرائیوں میں کچھ کمی آئی۔

اب پہلی بار گوووندا نے میڈیا کے سامنے اس معاملے پر لب کشائی کی ہےانہوں نے ہاتھ جوڑتے ہوئے کہا کہ مجھے جو بھی ملا ہے میری اس کی بھی اوقات نہیں تھی، یہ سب ماں کا آشیرواد ہے آپ مجھے کبھی بھی کسی عورت کی مخالفت یا بےعزتی کرتے نہیں دیکھیں گے، خواہ کتنا بھی پیسہ یا شہرت کیوں نہ مل جائے، مرد کی اصل قسمت اس کے گھر کی دیوی یعنی بیوی سے جڑی ہوتی ہے۔

جنوبی وزیرستان اپر اور لوئر میں کرفیو

تقریب میں سنیتا آہوجا بھی اپنے شوہر کے ساتھ موجود تھیں، انہوں نے فوٹوگرافرز سے مزاحیہ انداز میں کہا کہ میرا پتی صرف میرا ہے،اگر واقعی کچھ غلط ہوتا تو ہم دونوں اس قدر قریب نہ دکھائی دیتے۔

ٹاؤن چیئرمین فرحان غنی کے جسمانی ریمانڈ میں تین روز کی توسیع

مشہور امریکی پاپ گلوکارہ ٹیلر سوئفٹ اور فٹبال اسٹار ٹریوس کیلسی نے منگنی کا باضابطہ اعلان کر دیا،جس میں ٹیلر کی انگوٹھی نے سب کی توجہ حاصل کی۔ اس کی قیمت 5 لاکھ ڈالر سے لے کر ایک ملین ڈالر تک بتائی گئی ہے، تاہم یہ دنیا کی سب سے مہنگی مشہور شخصیات کی منگنی کی انگوٹھیوں میں شامل نہیں۔

35 سالہ گلوکارہ ٹیلر سوئفٹ اور ٹریوس کیلسی گزشتہ دو برس سے ایک دوسرے کو ڈیٹ کر رہے تھے منگنی کی خبر ایک رومانوی فوٹو شوٹ کے ذریعے دی گئی، جس میں کیلسی کو ایک گلابوں سے بھرے باغ میں گھٹنے ٹیک کر پرپوز کرتے دیکھا جا سکتا ہے کیلسی نے دو ہفتے قبل خفیہ طور پر گلوکارہ کو پروپوز کیا تھا جس کے بعد اب تصاویر منظر عام پر آئی ہیں۔

ٹیلر سوئفٹ،نے فوٹو اینڈ ویڈیو شیئرنگ پلیٹ فارم انسٹاگرام پر پوسٹ شیئر کرتے ہوئے کیپشن میں لکھاکہ،آپ کے انگلش ٹیچر اور جم ٹیچر شادی کر رہے ہیں۔‘‘

ٹیلر سوئفٹ اور ٹریوس کی یہ پوسٹ سوشل میڈیا پر وائرل ہو رہی ہے اور ان کے مداح انہیں منگنی کی مبارکباد دیتے ہوئے نیک خواہشات کا اظہار کر رہے ہیں،اس خوبصورت سنگم کو ’ویڈنگ آف دی سینچری‘ کہا جا رہا ہے-

ٹیلر سوئفٹ، جنہوں نے 14 گرامی ایوارڈز جیت کر موسیقی میں عالمی شہرت حاصل کی، آج ایک بین الاقوامی آئیکون ہیں دوسری جانب کینساس سٹی چیفس کے اسٹار کھلاڑی ٹریوس کیلسی کھیلوں کی دنیا میں نمایاں مقام رکھتے ہیں،انہیں،سپر جوڑی‘ اور ’امریکہ کی شاہی جوڑی‘ کا خطاب دیا جاتا ہے-

یلر کی انگوٹھی کو Kindred Lubeck اور Artifex Fine Jewelry نے ڈیزائن کیا، اور یہ Old Mine Brilliant Cut ڈائمنڈ سے مزین ہے، جو جدید اور کلاسیکی انداز کا حسین امتزاج ہے۔

گلوکارہ ٹیلر سوئفٹ اور این ایف ایل اسٹار ٹریوس کیلسی نے 26 اگست کو اپنی منگنی کا اعلان کیا، جس میں ٹیلر کی انگوٹھی نے سب کی توجہ حاصل کی۔ اس کی قیمت 5 لاکھ ڈالر سے لے کر ایک ملین ڈالر تک بتائی گئی ہے، تاہم یہ دنیا کی سب سے مہنگی مشہور شخصیات کی منگنی کی انگوٹھیوں میں شامل نہیں۔

ٹیلر کی انگوٹھی کو Kindred Lubeck اور Artifex Fine Jewelry نے ڈیزائن کیا، اور یہ Old Mine Brilliant Cut ڈائمنڈ سے مزین ہے، جو جدید اور کلاسیکی انداز کا حسین امتزاج ہے۔

دنیا کی سب سے مہنگی مشہور شخصیات کی انگوٹھیاں ماریا کیری کی 35 قیراط کی $10 ملین ڈالر والی انگوٹھی، ایلزبتھ ٹیلر کی 33.19 قیراط کی $8.8 ملین ڈالر والی انگوٹھی، اور کرسٹیانو رونالڈو کی گرل فرینڈ جورجینا روڈریگیز کی 37 قیراط کی $5 ملین ڈالر والی انگوٹھی ہیں،دیگر مشہور شخصیات میں جیورج اور امال کلونی کی 7 قیراط کی $750,000 کی انگوٹی، گچی مینی کی 60 قیراط کی $1 ملین ڈالر والی انگوٹھی اور کئی دیگر شامل ہیں۔

بالی ووڈ کے معروف گلوگار سونو نگم نے اپنی کامیابی کا کریڈٹ پاکستان کے لیجنڈ گلوکار عطا اللہ عیسیٰ خیلوی کو دے دیا۔

سونو نگم نے بھارتی صافی کے پوڈکاسٹ میں گفتگو کرتے ہوئے کہا کہ عطا اللہ عیسیٰ نہ صرف ایک عظیم گلوکار ہیں بلکہ ایک خوبصورت شخصیت بھی ہیں، میں نے اپنے کیریئر کی شروعات ان کے گانے "اچھا صلہ دیا تو نے میرے پیار کا” سے کی، جس نے مجھے بہت شہرت دی، یہ میری زندگی کا سب سے یادگار واقعہ ہے کہ جب میں صرف 19 سال کا تھا عطا اللہ عیسیٰ خیلوی نے انہیں ذاتی طور پر فون کر کے کہا تھا کہ مسٹر سونو، میں پاکستان سے عطا اللہ عیسیٰ خیلوی بات کر رہا ہوں، آپ نے میرا گانا بہت اچھا گایا ہے۔

سونو نگم نے کہا کہ میں ہر اس شخصیت کا شکر گزار ہوں، جنہوں نے مجھے کامیابی کی راہ پر گامزن کرنے میں اہم کردار ادا کیا، عطا اللہ عیسیٰ نہ صرف ایک عظیم گلوکار ہیں بلکہ ایک خوبصورت شخصیت بھی ہیں، ان کا گانا اچھا صلہ دیا میری کیریئر کا ٹرننگ پوائنٹ تھا۔

حکومت بلوچستان کا بینک آف بلوچستان کے قیام کا اعلان

وزیراعظم سے ایئرچیف مارشل ظہیر احمد بابر سدھو کی ملاقات

کراچی:بارش کے دوران گرنے والا 150 سالہ قدیم برگد کا درخت بحال

بالی وڈ کے ماضی کے مقبول اداکار رضا مراد نے اپنی موت کی جھوٹی خبریں پھیلانے والے افراد کے خلاف فرسٹ انفارمیشن رپورٹ (ایف آئی آر) درج کروا دی۔

شوبز ویب سائٹ ’پنک ولا‘ کے مطابق ایک روز قبل رضا مراد کی بارش کی وجہ سے روڈ حادثے میں انتقال کی خبریں پھیلائی گئیں اور سوشل میڈیا پر اداکار کی مغفرت کی دعائیں بھی کی جانے لگیں، اداکار کی موت کی خبریں پھیلنے کے بعد دنیا سے اداکار کے مداحوں، رشتے داروں اور دوستوں نے رضا مراد کو فون کرکے ان سے خیریت دریافت کی، جس کے بعد ہی اداکار کو اپنی موت کی خبروں سے متعلق علم ہوا۔

اداکار نے جھوٹی خبریں پھیلانے کے بعد اپنی موت کی خبریں پھیلانے والے نامعلوم افراد کے خلاف مقدمہ دائر کروا دیا اور پولیس نے ان کی فریاد پر ایف آئی آر داخل کرنے کے بعد تفتیش شروع کردی۔

خیبرپختونخوا: سیلاب متاثرہ اضلاع میں وبائی امراض پھیلنے لگے

رضا مراد نے اپنی موت کی خبریں پھیلنے کے بعد میڈیا سے بات کرتے ہوئے بتایا کہ انہوں نے تمام مداحوں، دوستوں اور رشتے داروں کو فون پر یقین دلایا کہ وہ زندہ ہیں، ان سے متعلق پھیلنے والی خبریں غلط ہیں،بعض افراد نہیں چاہتے کہ وہ زندہ رہے، اس لیے وہ ان کے مرنے کی خبریں پھیلاتے ہیں، ایسے بے شرم لوگوں کو قانون کے کٹہرے میں ہونا چاہیے، وہ دوستوں، رشتے داروں اور مداحوں کو اپنے زندہ ہونے کا یقین دلاتے دلاتے تھک چکے ہیں، پولیس ان کے حوالے سے افواہیں پھیلانے والوں کے خلاف سخت اور جلد کارروائی کرے۔

اداکار نے مزید کہامیں نے کئی سال کام کیا، مگر اب مجھے یاد کرنے والا کوئی نہیں ہے اس پوسٹ میں میری سالگرہ اور جعلی تاریخِ وفات بھی شامل تھی۔ یہ ایک بہت سنجیدہ معاملہ ہے،رضا مراد نے اس واقعے کو ”شرمناک“ قرار دیتے ہوئے الزام عائد کیا کہ جو بھی اس خبر کو پھیلا رہا ہے اس کا ذہن بہت چھوٹا ہے اور شاید اس نے اپنی زندگی میں کوئی بڑا کام نہیں کیااسی لیے وہ ایسے نیچے درجے کے کاموں میں مصروف ہے۔

سوشل میڈیا پر ٹرانس جینڈرز کمیونٹی کیخلاف گفتگو ،ماریہ بی سائبر کرائم ایجنسی میں طلب

رضا مراد نے زور دے کر کہا کہ ایسے جھوٹے پروپیگنڈے کو روکنا چاہیے کیونکہ یہ صرف ان کے ساتھ نہیں بلکہ دیگر فنکاروں کے ساتھ بھی ہوتا ہے،یہ سلسلہ اب بند ہونا چاہیے۔ یہ مسئلہ صرف میرا نہیں ہے اکثر مشہور شخصیات کو زندہ ہوتے ہوئے مردہ ظاہر کردیا جاتا ہے جو غلط ہے اور جو بھی ایسا کرے اسے سزا ملنی چاہیے۔“

حالیہ خبروں سے قبل بھی متعدد بار رضا مراد کی موت کی جھوٹی خبریں پھیلائی جا چکی ہیں اور وہ پہلے بھی اپنے زندہ ہونے سے متعلق وضاحتیں دیتے رہے ہیں،رضا مراد کی طرح دوسرے بالی وڈ اداکاروں کی موت سے متعلق بھی جھوٹی خبریں پھیلتی رہی ہیں۔

بھارت: یوم آزادی کی تقریب کے دوران صرف ایک لڈو ملا،شہری نے وزیراعلیٰ کی ہیلپ لائن پر شکایت درج کروادی

رضا مراد نے اپنی فلمی زندگی کا آغاز 1970 کی دہائی میں کیا تھا اور اب تک انہوں نے 250 سے زائد فلموں میں کام کیا ہے جن میں ہندی، بھوجپوری اور دیگر علاقائی زبانیں شامل ہیں۔