Category: شوبز

خبریں ایک بار پھر شہ سرخیوں میں بدل چکی ہیں،کہ،بالی ووڈ کے مشہور اداکار گووندا اور ان کی اہلیہ سُنیتا آہوجانے باندرا فیملی کورٹ میں طلاق کی درخواست دائر کر دی ہے، جس سے شوبز انڈسٹری اور مداحوں میں حیرت کی لہر دوڑ گئی ہے، تاہم اداکار کے وکیل نے ان خبروں کو مسترد کر دیا ہے۔

رپورٹ کے مطابق، سُنیتا آہوجا نے ہندو میرج ایکٹ 1955 کی شق 13(1)(i)، (ia)، (ib) کے تحت طلاق کی درخواست دی ہے، جس میں زنا، ذہنی ظلم اور ترکِ تعلقات کو بنیاد بنایا گیا ہے عدالت نے 25 مئی 2025 کو گووندا کو طلب کیا تھا، لیکن وہ کسی بھی سماعت میں پیش نہیں ہوئے، جس پر شو کاز نوٹس جاری کیا گیا۔

حال ہی میں جاری کیے گئے ایک وِلاگ میں طلاق سے متعلق خبروں پر بات کرتے ہوئے سُنیتا آہوجا نے انکشاف کیا کہ ، کوئی ان کے گھر کو توڑنے کی کوشش کر رہا ہے اسی دوران میڈیا میں دعویٰ سامنے آیا کہ سنیتا آہوجا نے 5 دسمبر 2024 کو باندرہ فیملی کورٹ میں طلاق کا مقدمہ دائر کیا تھاسنیتا آہوجا نے ماضی میں یہ بھی کہا تھا کہ وہ گزشتہ 12 سال سے اپنی سالگرہ اکیلے مناتی ہیں اور شوہر سے الگ رہتی ہیں، جس کی وجہ گووانداکا مصروف شیڈول اورباتونی مزاج ہے۔

اسحاق ڈار 2 روزہ سرکاری دورے پر بنگلا دیش روانہ

رواں سال فروری 2025 میں میڈیا رپورٹس میں دعویٰ کیا گیا تھا کہ گووندا اور سُنیتا کے درمیان مسلسل اختلافات اور زندگی کے الگ رجحانات کے باعث دونوں نے علیحدگی کا فیصلہ کیا ہے ان افواہوں کو تقویت اس وقت ملی جب گووندا کے ایک 30 سالہ مراٹھی اداکارہ سے تعلقات کی باتیں سامنے آئیں۔

بعدازاں، جوڑے کے وکیل نے وضاحت کی کہ اگرچہ سُنیتا نے طلاق کے لیے چھ ماہ قبل درخواست دی تھی، تاہم دونوں کے درمیان مفاہمت کی کوششیں جاری ہیں گووندا کے قریبی دوست لالت بندل نے بھی ان خبروں کو بے بنیاد قرار دیا اور کہا کہ ”یہ جوڑا مضبوط ہے اور ہمیشہ ساتھ رہے گا۔“جون 2025 سے جوڑا عدالت کے حکم پر کاؤنسلنگ سیشنز میں شرکت کر رہا ہے سنیتا آہوجا ہر پیشی پر خود موجود رہیں، البتہ یہ واضح نہیں کہ گووندا ذاتی طور پر شریک ہوئے یا آن لائن۔

چین میں زیر تعمیر پل گرنے سے 12 افراد ہلاک، 4 لاپتہ

دوسری جانب گووندا کے وکیل نے ان خبروں کو مسترد کر دیا ہے،بھارتی چینل ’این ڈی ٹی وی‘ سے بات کرتے ہوئے گووندا کے وکیل للت بندرا نے کہا کہ کوئی کیس نہیں ہے، سب کچھ سیٹل ہو رہا ہے، یہ سب لوگ پرانی چیزیں اٹھا کے ڈال رہے ہیں،ابھی گنیش چترتھی آئے گا، آپ سب کو ایک ساتھ دیکھیں گے، آپ گھر آئیے گا۔

بھارت کی سابقہ اداکارہ گیتا بسرا نے انکشاف کیا ہے کہ انہوں نے اپنے شوہر اور سابق بھارتی اسپنر ہربھجن سنگھ سے شادی سے قبل 300 وکٹیں حاصل کرنے کی شرط رکھی تھی۔

حال ہی میں دیئے گئے ایک پوڈکاسٹ کے دوران گیتا بسرا نے انکشاف کیا کہ’میں نے ہربھجن سے شادی سے قبل ایک شرط رکھی تھی جسے پورا کرنے پر ہی ہم دونوں کی شادی ہوئی،ہربھجن نےمیرا ایک پوسٹر دیکھاتھا اور اسی وقت ان کو مجھ سے محبت ہوگئی، بعد ازاں ہربھجن نے یووراج سنگھ سے میرا نمبر مانگا اور مجھے میسج کردیا لیکن میں نے اس میسج کا جواب نہیں دیا کیونکہ مجھے کرکٹ یا کرکٹرز میں کوئی دلچسپی نہیں تھی‘۔

گیتا کے مطابق ’بھارت کے ورلڈکپ جیتنے کے بعد میں نے ہربھجن کو مبارکباد کے ساتھ اس میسج کا جواب دیا، بات آگے بڑھی تو ہربھجن نے پہلی ملاقات میں مجھ سے شادی کی خواہش کا اظہار کردیا، اس وقت میں 21 سال کی تھی اور بالی وڈ میں اپنے کیرئیرکی خواہشمند تھی،ہربھجن سے شادی کی افواہوں کے سبب 4 فلموں سے ہاتھ دھونا پڑا، آخر کار اس واقعے کے 10 ماہ بعد میں نے ہربھجن کو ایک شرط پر ’ ہاں ‘ کہہ دیا ، میں نے ہربھجن سے شادی کیلئے شرط رکھی تھی کہ جس دن وہ 300 وکٹیں حاصل کر لیں گے میں ان سے شادی کر لوں گی اور کچھ ہی دنوں میں انہوں نے 300 وکٹیں حاصل کرلیں اور اسی وقت میں نے انہیں ’ہاں‘ کہ دیا جس کے بعد ہماری شادی کی تیاریاں شروع ہوگئیں۔

واضح رہے کہ گیتا اور ہربھجن ایک دوسرے کو ڈیٹ کرنے کے کچھ عرصے بعد بلآخر 2015 میں شادی کے بندھن میں بندھ گئے تھے جوڑے کے اب دو بچے بھی ہیں۔

بھارت کے مشہور اور متنازع یوٹیوبر اور بگ باس او ٹی ٹی کے فاتح ایلویش یادیو کے رہائش گاہ پر تین موٹرسائیکل سوار نامعلوم افراد اندھا دھند فائرنگ کردی۔

پولیس کے مطابق یہ واقعہ صبح ساڑھے پانچ سے چھ بجے کے درمیان پیش آیا حملہ آوروں نے یوٹیوبر کے مکان پر دو درجن سے زیادہ گولیاں برسائیں اور پھر موقع سے فرار ہوگئے گولیوں کے نشانات مکان کی نچلی اور پہلی منزل کی دیواروں پر صاف نظر آ رہے ہیں،خوش قسمتی سے ایلویش یادیو حملے کے وقت گھر پر موجود نہیں تھے وہ عموماً اسی عمارت کی دوسری اور تیسری منزل پر رہائش پذیر رہتے ہیں۔

مرتضیٰ سولنگی صدر مملکت کے ترجمان مقرر

پولیس نےبتایا کہ،واقعے کے دوران ان کا کیئر ٹیکر اور کچھ اہل خانہ گھر میں موجود تھے لیکن کوئی جانی نقصان نہیں ہوا اطلاع ملتے ہی پولیس موقع پر پہنچ گئی، فرانزک شواہد اکٹھے کیے اور علاقے کے سی سی ٹی وی کیمروں کی فوٹیج قبضے میں لے لی، اہل خانہ کی باضابطہ شکایت درج ہونے کے بعد تحقیقات کو آگے بڑھایا جائے گا ایلویش یادیو اس وقت ہریانہ سے باہر ہیں اہل خانہ کے مطابق اس واقعے سے قبل انہیں کسی قسم کی دھمکی موصول نہیں ہوئی تھی۔

سندھ حکومت اور بلدیاتی اداروں کے دعوے پانی میں بہہ گئے،فاروق ستار

اداکار عامر خان پر ان کے بھائی فیصل خان نے ایک عورت سے ناجائز تعلقات اور بچہ پیدا کرنے کا الزام عائد کردیا۔

فیصل خان نے ممبئی میں ایک پریس کانفرنس کے دوران عامر خان اور اپنے پورے خاندان پر سنگین الزامات عائد کیے ہیں فیصل خان نے اپنے بیانات میں کہا کہ ان کا خاندان منافق ہے اور عوام کے سامنے جھوٹ بول کر انہیں گمراہ کرتا رہا ہے ان کے بارے میں جھوٹا تاثر پھیلایا گیا کہ وہ ذہنی طور پر بیمار ہیں، یہاں تک کہ ان کا زبردستی نفسیاتی معائنہ بھی کروانے کی کوشش کی گئی انہیں ذہنی بیماری کا بہانہ بنا کر نشہ آور دوائیں دی گئیں اور ایک سال تک گھر میں قید رکھا گیا، 2005 سے 2007 کے دوران مجھے زبردستی دوائیں دی گئیں ، اکتوبر 2007 میں جب ان سے دستخطی اختیارات چھیننے کی کوشش کی گئی تو وہ گھر چھوڑنے پر مجبور ہوئے۔

پریس کانفرنس کے دوران فیصل خان نے دعویٰ کیا کہ عامر خان نے شادی شدہ ہونے کے باوجود ایک غیر ملکی صحافی جیسیکا ہائنس کے ساتھ تعلقات قائم کیے اور ان سے ایک بچہ بھی پیدا ہوا،ان کی بہن نے اس پریس کانفرنس کو روکنے کی کوشش کی لیکن وہ اپنی بات پر ڈٹے رہےفیصل خان نے اس موقع پر اپنے خاندان سے مکمل لاتعلقی کا اعلان کیا اور کہا کہ وہ والدین طاہر حسین اور زینت طاہر حسین،کی جائیداد میں اپنا کوئی حصہ نہیں رکھنا چاہتے، نہ ہی آئندہ عامر خان کے ساتھ رہیں گے یا ان سے کسی قسم کی مالی مدد قبول کریں گے۔

عمران خان نے محمود خان اچکزئی کو قومی اسمبلی میں اپوزیشن لیڈر نامزد کر دیا

بعد ازاں فیصل خان کی والدہ اور بہن نے عدالت میں الزام لگایا کہ وہ شیزو فرینیا کے مریض ہیں اور معاشرے کے لیے خطرہ ہیں۔ تاہم 2008 میں عدالت نے فیصل کے حق میں فیصلہ سنایا اور خاندان کے الزامات مسترد کر دیے،حال ہی میں ان کے خاندان نے میڈیا میں ان کے خلاف بیانات دے کر انہیں بدنام کیا ہے۔ میں اگلے ماہ عدالت میں پٹیشن دائر کرنے کا ارادہ رکھتا ہوں تاکہ مزید قانونی کارروائی کر سکوں۔

یہ پہلا موقع نہیں جب فیصل خان نے اپنے خاندان پر اس نوعیت کے الزامات لگائے ہوں اس سے قبل بھی ایک انٹرویو اور سوشل میڈیا پوسٹ کے ذریعے وہ اسی طرح کے دعوے کر چکے ہیں۔

وفاقی حکومت نے پاکستان ڈیجیٹل اتھارٹی قائم کردی

فیصل خان کے ان بیانات پر عامر خان اور ان کے دیگر اہلِ خانہ نے ایک مشترکہ اعلامیہ جاری کرتے ہوئے الزامات کو بے بنیاد، گمراہ کن اور تکلیف دہ قرار دیا ان کا کہنا تھا کہ فیصل کی فلاح و بہبود کے لیے ہمیشہ ماہرینِ طب کے مشورے سے فیصلے کیے گئے، مگر خاندان نے اس معاملے کو کبھی عوامی بحث کا حصہ نہیں بنایا۔ اعلامیے میں میڈیا سے اپیل کی گئی کہ یہ ایک خاندانی معاملہ ہے، اسے سنسنی خیز اور اشتعال انگیز انداز میں پیش نہ کیا جائے۔

بالی ووڈ کی مشہور ترین فلم تھری ایڈیٹس ( Idiots3) کے معروف اداکار اچیوٹ پوٹدار 91 برس کی عمر میں ممبئی میں چل بسے۔

بھارتی میڈیا کے مطابق اچیوٹ پوٹدار کو طبی مسائل کے بعد جیوپیٹر اسپتال میں داخل کرایا گیا تھا، لیکن وہ صحتیاب نہ ہو سکے ان کی آخری رسومات منگل کو ممبئی میں ادا کی جائیں گی،اداکار کی موت کی درست وجہ ظاہر نہیں کی گئی، تاہم عمر رسیدہ ہونے سے جُڑی پیچیدگیوں کو ممکنہ سبب قرار دیا جا رہا ہے۔

اچیوٹ پوٹدار نے کئی دہائیوں پر محیط اپنے شاندار کیریئر کے دوران ہندی اور مراٹھی سینما میں 125 سے زائد فلموں میں کام کیا ان کی نمایاں فلموں میں آکروش، اردھ ستیہ، تیزاب، راجو بن گیا جینٹل مین، دل والے، یہ دلّگی، رنگیلا، مہرتی دند، یشونت، عشق، واستو، آ اب لوٹ چلیں، ہم ساتھ ساتھ ہیں اور پرندہ شامل ہیں۔

قومی کرکٹرز کے سینٹرل کنٹریکٹ کا اعلان، اے کیٹیگری ختم کردی گئی

تاہم بلاک بسٹر فلم 3 ایڈیٹس میں ان کا کردار ان کی خاص پہچان بنا جو آج بھی مداحوں کو یاد ہے، اداکار اچیوٹ پوٹدار نے سال 2009 میں ریلیز ہونے والی فلم تھری ایڈیٹس میں سخت مزاج پروفیسر کا کردار نبھایا تھا جس میں ان کے مشہور ڈائیلاگ ’ارے کہنا کیا چاہتے ہو؟‘ نے مداحوں کو خوب محظوظ کیا تھا، صرف یہی نہیں بلکہ اس فلمی ڈائیلاگ پر بے تہاشا میمز بھی بنائی گئی تھیں،پوٹدار نے بھارتی ٹیلی وژن پر واگلے کی دنیا اور بھارت کی کھوج جیسے مقبول ڈراموں میں ان کی اداکاری کو بے حد سراہا گیا۔

دہشتگردوں کا سہولت کار لیکچرار 14 روزہ جسمانی ریمانڈ پر سی ٹی ڈی کے حوالے