Category: شوبز

پاکستان ڈرامہ انڈسٹری کے معروف مصنف خلیل الرحمٰن قمر ایک بار پھر اپنے متنازع بیان کے باعث سوشل میڈیا پر شدید تنقید کی زد میں آ گئے ہیں۔

حال ہی میں ایک انٹرویو کے دوران انہوں نے شادی، بے وفائی اور مرد و خواتین کے سماجی کردار سے متعلق اپنے خیالات کا اظہار کیا، جس پر نئی بحث چھڑ گئی ہے۔گفتگو کے دوران جب ان سے مردوں کی شادی کے بعد بے وفائی کے رجحان سے متعلق سوال کیا گیا تو خلیل الرحمٰن قمر نے اس مسئلے کا ذمہ دار خواتین کو بھی قرار دیا۔ ان کا کہنا تھا کہ “مرد آخر دھوکا دیتے کس کے ساتھ ہیں؟ یقیناً دوسری عورتوں کے ساتھ، لیکن اکثر اوقات ان خواتین کو نظر انداز کر دیا جاتا ہے جو شادی شدہ مردوں کی زندگی میں مداخلت کرتی ہیں۔”انہوں نے مزید کہا کہ خواتین کو ان عورتوں کے خلاف بھی آواز اٹھانی چاہیے جو شادی شدہ مردوں کے ساتھ تعلقات قائم کرتی ہیں اور خاندانوں کے بکھرنے کا سبب بنتی ہیں۔

خلیل الرحمٰن قمر نے یہ بھی مؤقف اختیار کیا کہ مرد بعض اوقات جذباتی یا سماجی دباؤ کے باعث غلط فیصلے کر بیٹھتے ہیں اور ان کے مطابق مردوں میں اتنی “قوتِ ارادی” نہیں ہوتی کہ وہ عورتوں کی توجہ یا پیشکش کو رد کر سکیں، جس کے نتیجے میں بے وفائی جیسے واقعات سامنے آتے ہیں۔انہوں نے یہ بھی کہا کہ اکثر خواتین اپنے شوہروں کی غلطیوں کو بڑے دل سے معاف کر دیتی ہیں، تاہم ان کے پاس رشتہ ختم کرنے کا اختیار بھی موجود ہوتا ہے۔

ان کے اس بیان کے بعد سوشل میڈیا پر شدید ردِعمل دیکھنے میں آ رہا ہے۔ متعدد صارفین نے ان کے مؤقف کو تنقید کا نشانہ بناتے ہوئے اسے یک طرفہ اور غیر منصفانہ قرار دیا ہے، جبکہ کچھ افراد نے اس رائے کو معاشرتی حقیقت کے طور پر پیش کیا ہے۔

پاکستان شوبز انڈسٹری کی معروف اداکارہ کنزا ہاشمی اور اداکار علی رضا نے پہلی بار اپنے تعلق اور ماضی کی دلچسپ غلط فہمیوں سے متعلق کھل کر گفتگو کی ہے۔

دونوں فنکار ان دنوں ایک ڈرامے میں اپنی شاندار اداکاری کے باعث مداحوں کی بھرپور توجہ حاصل کر رہے ہیں، جبکہ مختلف تقریبات میں بھی ان کی ایک ساتھ موجودگی کے بعد سوشل میڈیا پر ان کے تعلق سے متعلق قیاس آرائیاں گردش کرتی رہی ہیں۔حال ہی میں ایک انٹرویو کے دوران دونوں اداکاروں نے اپنے رشتے کی اصل حقیقت بیان کرتے ہوئے انکشاف کیا کہ ابتدا میں وہ ایک دوسرے کو بالکل پسند نہیں کرتے تھے۔گفتگو کرتے ہوئے کنزا ہاشمی نے بتایا کہ وہ اور علی رضا ڈرامے سے پہلے بھی ایک دوسرے کو جانتے تھے، تاہم ان کے درمیان دوستانہ تعلق نہیں تھا۔ انہوں نے کہا کہ ایک کمرشل پراجیکٹ کے دوران پہلی ملاقات ہوئی جہاں پروڈکشن کی جانب سے الگ الگ کمرے دیے گئے تھے لیکن میک اپ ایریا مشترکہ تھا۔

کنزا کے مطابق وہ میوزک سن رہی تھیں کہ اسی دوران علی رضا آئے اور انہوں نے اپنا اسپیکر آن کرکے ماحول کو خوشگوار بنانے کی کوشش کی، سب سے باتیں کیں لیکن ان سے بات نہیں کی۔ اداکارہ نے کہا کہ اسی لمحے انہیں لگا کہ علی رضا “بہت اوور اسمارٹ” ہیں۔انہوں نے مزید بتایا کہ اگلے روز وہ ایک سوشل میڈیا ٹرینڈ بنانے پر گفتگو کر رہی تھیں کہ علی رضا نے بات سن کر کہا کہ وہ یہ ٹرینڈ ان سے پہلے بنا دیں گے، اور پھر واقعی ایسا ہی ہوا۔ کنزا کے بقول اس واقعے کے بعد انہیں علی رضا مزید مغرور محسوس ہوئے۔

دوسری جانب علی رضا نے بھی اس صورتحال پر وضاحت دیتے ہوئے کہا کہ ان کے درمیان پیدا ہونے والی کئی غلط فہمیاں دراصل پروڈکشن ٹیم کی وجہ سے تھیں۔ انہوں نے بتایا کہ ٹیم کے بعض افراد ادھر کی بات ادھر پہنچاتے رہے جس سے فاصلے بڑھتے گئے۔علی رضا کے مطابق بعد میں دونوں کی ملاقات ایئرپورٹ پر ہوئی جہاں بیٹھ کر تمام غلط فہمیاں دور کی گئیں۔ انہوں نے کہا کہ وہ کافی شاپ میں بیٹھے تھے کہ کنزا ہاشمی آئیں اور سلام کیا، جس کے بعد آہستہ آہستہ دوستی کا آغاز ہوا۔اداکار نے مزید بتایا کہ ڈرامے میں ایک ساتھ کام شروع کرنے سے پہلے ہی دونوں اچھے دوست بن چکے تھے، جبکہ اب ان کے درمیان بہترین انڈرسٹینڈنگ موجود ہے۔

پاکستانی شوبز انڈسٹری کی سینئر اداکارہ عتیقہ اوڈھو نے اپنی نجی زندگی سے متعلق ایک اہم انکشاف کرتے ہوئے بتایا ہے کہ اُنہیں تیسری شادی کرنے کا مشورہ اُن کے بیٹے نے دیا تھا، جبکہ اُن کی والدہ اس فیصلے کے سخت خلاف تھیں۔

حال ہی میں ایک نجی ٹی وی پروگرام میں گفتگو کرتے ہوئے عتیقہ اوڈھو نے ڈرامہ سیریل کفیل کے کردار ’سبک‘ کے بارے میں اپنی رائے کا اظہار کیا۔ انہوں نے کہا کہ اس کردار میں انہیں اپنے بیٹے کی جھلک دکھائی دیتی ہے کیونکہ اُن کی زندگی میں بھی ایک ایسا ہی مرحلہ آ چکا ہے۔اداکارہ نے بتایا کہ جب اُن کی دوسری شادی ناکام ہو چکی تھی اور انہوں نے ابھی تک ثمر علی خان سے شادی نہیں کی تھی تو اُن کے بیٹے بلال نے انہیں نئی زندگی شروع کرنے کا مشورہ دیا۔عتیقہ اوڈھو کے مطابق اُن کی والدہ تیسری شادی کے حق میں نہیں تھیں اور اسے معاشرتی طور پر مناسب نہیں سمجھتی تھیں، تاہم اُن کے بیٹے نے اُنہیں حوصلہ دیتے ہوئے کہا کہ اب انہیں اپنی خوشی اور سکون کے بارے میں سوچنا چاہیے۔

اداکارہ نے بتایا کہ اُن کے بیٹے نے کہا کہ ثمر علی خان اُن سے محبت کرتے ہیں اور اُن کا خیال رکھتے ہیں، اس لیے انہیں اس رشتے کو قبول کر لینا چاہیے۔ انہوں نے مزید کہا کہ اگرچہ اُن کی بیٹیاں اس فیصلے کے خلاف تھیں لیکن اُن کے بیٹے بلال نے اُنہیں یقین دلایا کہ وہ سب معاملات سنبھال لے گا۔عتیقہ اوڈھو نے کہا کہ بیٹے کی حوصلہ افزائی اور مشورے کے بعد انہوں نے ہچکچاہٹ کے باوجود تیسری شادی کا فیصلہ کیا۔

واضح رہے کہ عتیقہ اوڈھو کی پہلی شادی کم عمری میں ہوئی تھی جو تقریباً 10 برس تک قائم رہی، بعد ازاں اُنہوں نے دوسری شادی کی مگر وہ بھی کامیاب نہ ہو سکی۔ بعد ازاں جون 2012ء میں انہوں نے ثمر علی خان سے شادی کر لی تھی۔یاد رہے کہ ڈاکٹر ثمر علی خان 2013ء سے 2018ء تک سندھ اسمبلی کے رکن بھی رہ چکے ہیں۔

کیلیفورنیا کی ایک خاتون، جو بظاہر گھریلو زندگی گزار رہی تھیں لیکن خفیہ طور پر اونلی فینز ماڈل اور ہائی پروفائل ایسکارٹ کے طور پر کام کرتی تھیں، نے ایک گاہک کی ہلاکت کے مقدمے میں غیر ارادی قتلِ انسان کا جرم قبول کر لیا ہے۔

32 سالہ میکائیلا رائلارسڈم کو آئندہ ماہ چار سال قید کی سزا سنائے جانے کا امکان ہے۔ استغاثہ کے مطابق 55 سالہ مائیکل ڈیل ایک خطرناک جنسی سرگرمی کے دوران دم گھٹنے کے باعث ہلاک ہوئے۔یہ واقعہ امریکی ریاست کیلیفورنیا کے علاقے ایسکونڈیڈو میں پیش آیا۔ حکام کے مطابق میکائیلا گزشتہ تقریباً 10 برس سے اس صنعت سے وابستہ تھیں اور ریورسائیڈ کاؤنٹی کے علاقے مینفی میں مقیم تھیں۔پراسیکیوٹرز کا کہنا ہے کہ خاتون نے مبینہ طور پر جنسی سرگرمی کے دوران مائیکل ڈیل کے منہ پر ڈکٹ ٹیپ لگائی جبکہ ان کے سر پر پلاسٹک بیگ چڑھایا گیا۔ چونکہ متاثرہ شخص کے ہاتھ پاؤں بندھے ہوئے تھے، اس لیے وہ خود کو آزاد نہ کرا سکے۔

تحقیقات کے مطابق متاثرہ شخص تقریباً 8 منٹ تک اسی حالت میں رہا، جس کے بعد اسے اسپتال منتقل کیا گیا جہاں اگلے روز ڈاکٹروں نے اسے دماغی طور پر مردہ قرار دے دیا۔خاتون نے مؤقف اختیار کیا کہ واقعے کے فوراً بعد انہوں نے 911 پر کال کی تھی۔ رپورٹس کے مطابق ان کے شوہر برینڈن رائلارسڈم کو بھی ان کے اونلی فینز اکاؤنٹ اور کاروبار کا علم تھا اور وہ اس کے انتظام میں مدد کرتے تھے۔

خاتون اپنے آن لائن پروفائل پر “Ashley SinCal” کے نام سے سرگرم تھیں اور خود کو “اعلیٰ معیار کی پرفارمر” قرار دیتی تھیں۔ ان کی ویب سائٹ پر مختلف خدمات کی قیمتیں بھی درج تھیں، جن میں خصوصی ملاقات کے لیے 1500 ڈالر تک فیس طلب کی جاتی تھی۔میڈیا رپورٹس کے مطابق مائیکل ڈیل نے اس مخصوص ملاقات کے لیے خاتون کو 11 ہزار ڈالر ادا کیے تھے۔خاتون کے وکیل ڈین کوہن نے کہا کہ ان کی مؤکلہ کا قتل کا کوئی ارادہ نہیں تھا اور واقعے کے بعد انہوں نے شواہد چھپانے کی کوشش بھی نہیں کی۔ وکیل کے مطابق متاثرہ شخص اس نوعیت کی سرگرمی میں خود دلچسپی رکھتا تھا۔

معروف بھارتی اداکارہ اروشی ڈھولکیا ایک بار پھر سوشل میڈیا پر خبروں کی زینت بن گئی ہیں، جہاں انہوں نے اپنی تازہ تصاویر شیئر کر کے مداحوں کی توجہ حاصل کر لی ہے۔

اداکارہ کی جانب سے انسٹاگرام پر شیئر کی گئی تصاویر میں وہ نہایت پُراعتماد اور گلیمرس انداز میں نظر آ رہی ہیں۔ ان تصاویر میں ان کا اسٹائل، فٹنس اور منفرد انداز نمایاں ہے، جسے مداحوں نے خوب سراہا ہے۔ تصاویر سامنے آتے ہی سوشل میڈیا پر تیزی سے وائرل ہو گئیں اور مختلف پلیٹ فارمز پر زیرِ بحث آ گئیں۔رپورٹس کے مطابق اروشی ڈھولکیا ان دنوں اگرچہ ٹی وی اسکرین سے دور ہیں، تاہم وہ سوشل میڈیا پر خاصی سرگرم رہتی ہیں اور اپنی نجی و پروفیشنل زندگی کے لمحات مداحوں کے ساتھ شیئر کرتی رہتی ہیں۔

مداحوں کی جانب سے کمنٹس میں ان کی فٹنس اور اعتماد کی تعریف کی جا رہی ہے، جبکہ کئی صارفین نے انہیں آج بھی اتنا ہی خوبصورت قرار دیا جتنا وہ اپنے مشہور کردار “کومولیکا باسو” کے زمانے میں تھیں۔

یاد رہے کہ اروشی ڈھولکیا نے کم عمری میں ہی شوبز کیریئر کا آغاز کیا تھا اور ڈرامہ سیریل “کسوٹی زندگی کی” میں اپنی اداکاری کے باعث بے حد مقبول ہوئی تھیں۔46 سال کی عمر میں بھی ان کی فٹنس اور اسٹائلش لک مداحوں کی توجہ کا مرکز بنی ہوئی ہے اور ان کی نئی تصاویر انٹرنیٹ پر مسلسل وائرل ہو رہی ہیں۔