Category: شوبز

اداکارہ سعدیہ خان کی چند روز قبل دبئی میں بالی وڈ کے کنگ شاہ رخ خان کے بیٹے آریان خان کے ساتھ ملاقات ہوئی ، اداکارہ سعدیہ خان نے اپنی اور آریان خان کی تصویر سوشل میڈیا پر شئیر کی . اس تصویر کو شئیر کرنے کی دیر تھی کہ ہر طرف شور مچ گیا کہ اداکارہ سعدیہ خان بالی وڈ کے کنگ شاہ رخ خان کے بیٹے کو ڈیٹ کررہی ہیں. سعدیہ خان چند گھنٹے تو خاموش رہیں لیکن اس کے بعد انہوں‌نے ایسی خبر پھیلانے والوں‌کو لے لیا آڑھے ہاتھوں انہوں نے کہا کہ اگر کوئی کسی کے ساتھ تصویر بنائے یا دو لوگ ایک تصویر میں ایک ساتھ نظر نہیں آئیں تو اسکا مطلب یہ ہرگز بھی نہیں ہے کہ وہ دونوں ایکدوسرے کو ڈیٹ کررہے ہیں . انہوں نے کہا کہ جھوٹی کہانیاں گھڑنا بری بات ہے. اگر کسی کی کسی کے ساتھ کہیں

ملاقات ہوجاتی ہے تو اس ملاقات کی بناء پر یہ نہیں کہا جا سکتا کہ دونوں کا آپس میں‌چکر چل رہا ہے. یاد رہے کہ سعدیہ خان اکثر دبئی میں اس لئے نظر آتی ہیں کیونکہ ان کے پاس متحدہ عرب امارات کا گولڈ ویزہ ہے اور وہ وہاں قیام بھی کرتی ہیں. اداکارہ سعدیہ خان نے ڈرامہ سیریل خدا اور محبت سے خاصی شہرت پائی انہوں نے بریںڈز کے شوٹس بھی کئے اور خوب داد سمیٹی.

اداکارہ سونیا حسین جن کی حقیقت سے قریب اداکاری کے بہت سارے مداح ہیں. سونیا نے اپنے ہر کردار کے ساتھ ثابت کیا کہ وہ کسی سے کم نہیں‌ہیں. گو کہ ہر آرٹسٹ کہیں نہ کہیں سے شروع کرتا ہے اسی طرح سے سونیا حسین کے پاس بھی کمرشلز اور اداکاری کی آفر آئیں . سونیا حسین نے اپنے حالیہ انٹرویو میں بتایا ہے کہ انہوں نے جب پہلا کمرشل کیا تو انہیں ایک لاکھ روپیہ ملا. وہ کہتی ہیں کہ میرے لئے ایک لاکھ روپیہ بہت بڑی بات تھی ، لیکن ساتھ ہی مجھے کہا گیا کہ آپ کو اپنے لمبے بال کندھوں تک کٹوانے ہوں گے تو میں نے ان سے کہا کہ بالکل کاٹ دیں بال ، اب اتنے زیادہ پیسے مل رہے ہیں تو بال تو کٹوا ہی سکتی ہوں . انہوں نے کہا کہ میرے گھر والوں نے جب مجھے کٹے بالوں میں دیکھا تو ان کو شدید افسوس

ہوا.مجھے چونکہ کمرشل کے لئے لمبے سے چھوٹے بال کٹوانے اور کام کرنے کا معاوضہ ایک لاکھ روپیہ مل رہا تھا تو خوش تھی لیکن میرے گھر والوں کو میری یہ حرکت بالکل پسند نہیں آئی تھی . سونیا نے کہا کہ میرے گھر والوں کو اگر میرے لمبے بال پسند تھے تو مجھے بھی پسند تھے لیکن کام کے لئے ان کی قربانی دینی پڑی .

سوشل میڈیا کے اس دور میں جس کا جو دل میں آئے بول دیتا ہے اور چیلنج کر دیتا ہے . اس وقت ہر دوسری سلیبرٹی ٹویٹر انسٹاگرام ہر دوسری ایپ پر موجود ہے. یوں سوشل میڈیا صارفین جب دل چاہے جس مرضی سلیبرٹی کو ٹیگ کرکے کچھ بھی لکھ دیتے ہیں. ایسا ہی ہوا ہے گلوکار و اداکار علی ظفر کے ساتھ ان کو ایک ٹویٹر صارف چیلنج دیا اور کہا کہ آپ سجاد علی کا مقابلہ کرکے دکھائیں. اس صارف نے سجاد علی کی وڈیو کو شئیر کرکے علی ظفر کو ٹیگ کرکے لکھا کہ کیا آپ ایسا کر سکتے ہیں تو علی ظفر نے نہایت ہی عزت احترام کے ساتھ جواب دیا اور کہا کہ میں

ایسے چیلنج قبول نہیں کرتا اور خاص کر ایسے سینئرز کے حوالے سے تو بالکل بھی نہیں . انہوں نے کہا کہ سجاد علی جیسے گلوکاروں کو چینلج کرنے کی بجائے ان سے سیکھا جاتا ہے اور ہم نے ان سے بہت کچھ سیکھا ہے. یوں علی ظفر نے ٹویٹر صارف نہایت احترام کے ساتھ سمجھا دیا کہ وہ اپنے سے بڑوں کی عزت کرتے ہیں اور کسی بھی طرح‌سے ان کو ڈی گریڈ نہیں کرتے چیلنج دینا تو بہت دور کی بات ہے . علی ظفر کے اس قسم کے ریپسانس کے بعد سوشل میڈیا صارفین نے انہیں بے حد سراہا .

اگلے ماہ ریلیز ہونے والی فلم بے بی لیشس کا ٹریلر جاری کر دیا ہے ، ٹریلر کافی دلچپسپ لگ رہا ہے ، فلم سچی کہانی پر مبنی ہے . مرکزی کرداروں میں سائرہ یوسف ، شہروز سبزواری ، عامر قریشی ، مانی و دیگر نظر آئیں گے. فلم کا ٹریلر بتاتا ہے کہ اس میں ایکشن کامیڈی رومینس ہر چیز کا تڑکہ بخوبی لگایا گیا ہے. عیسی خان نے اس فلم کو ڈائریکٹ کیا ہے اور فلم اگلے ماہ ویلنٹائن سے ٹھیک تین دن پہلے ریلیز کی جا رہی ہے. فلم کی پرموشنز کا باقاعدہ آغاز کر دیا گیا ہے. سائرہ اور شہروز اس سلسلے میں ایک ساتھ انٹرویوز بھی دے رہے ہیں. سائرہ اور شہروز کو ایک ساتھ دیکھنےکےلئے ان کے مداح کافی بےچین ہیں، دونوں کے درمیان طلاق ہو چکی ہےاس کے باوجود دونوں نے ایک ساتھ کام کرنے کو ترجیح

دی . سائرہ کا اس حوالے سے کہنا ہے کہ جو ہونا تھا ہو چکا ہے اب ہم اپنی زندگیوں میں آگے بڑھ چکے ہیں ، لہذا ہمیں ایک قدم مزید آگے بڑھنا چاہیے سو یہ فلم ایک ساتھ کر لی . دیکھنا یہ ہے کہ دونوں کی جوڑی سکرین پر کیا رنگ جماتی ہے. یاد رہے کہ سائرہ اور شہروز میں طلاق ہو چکی ہے شہروز شادی کر چکے ہیں تاہم سائرہ نے ابھی شادی کی نہیں . جس طرح سے سائرہ کا اپنے سابق شوہر کے ساتھ اچھا تعلق ہے اسی طرح سے ان کی بیٹی کا اپنی سوتیلی بہن کے ساتھ بہت اچھا تعلق ہے .

اداکارہ مشی خان جو کہ ایک عرصے سے اداکاری سے دور ہیں لیکن وہ سوشل میڈیا پر کافی متحرک رہتی ہیں انہوں نے حال ہی میں انسٹاگرام پر ایک وڈیو جاری کی ہے اس میں انہوں نے کہا ہے کہ میں‌نے لاہور میں چند لوگوں کو آٹے کی بوری کے پیچھے جان سے ہاتھ دھوتے ہوئے دیکھا ہے. کیا سوچیں گے ان کے بچے جن کے باپ آٹے کی بوری کے پیچھے جان سے ہاتھ دھو بیٹھے. خدا کے لئے کچھ سوچیں ملک کس طرف جا رہا ہے؟‌. کچھ لوگ آٹے کی بوری کے پیچھے جان سے جا رہے ہیں یہاں کراچی میں‌ فوڈ فیسٹیول کئے جا رہے ہیں ، شرم آنی چاہیے ایسے لوگوں کو جن میں انسانیت نام کی چیز نہیں ہے. انہوں نے کہا کہ بے حسی نہیں تو اور کیا ہے کہ ایک طرف آٹے کی بوری کے پیچھے لوگ جان سے چلے جائیں اور دوسری طرف موج مستیاں اور کھانے پینے کے فیسٹیول کئے جائیں. یوں‌مشی خان نے سوسائٹی میں موجود بے حسی اور مہنگائی کے عالم پر بات کی .

یاد رہے کہ مشی خان عمران خان کی بہت بڑی سپورٹر ہیں اس لئے وہ ہر دوسری سیاسی جماعت کو لیتی ہیں آڑھے ہاتھوں . وہ دوسری سیاسی جماعتوں کی کلاس کرنے کا کوئی موقع ہاتھ سے نہیں جانے دیتیں . مشی سیاسی معاملات کے علاوہ سوشل ایشوز پر بھی بہت زیادہ آواز اٹھاتی ہیں.

بالی وڈ‌ اداکارہ اور رقاصہ راکھی ساونت نے اپنے بوائے فرینڈ عادل درانی سے شادی کر لی ہے. دونوں نے شادی سادگی کے ساتھ کی ہے . راکھی ساونت نے ایک وڈیو شئیر کی ہے جس میں وہ اپنے ہاتھوں کی مہندی دکھا رہی ہیں اور ساتھ میں اپنی شادی کے کاغذات دکھا رہی ہیں. کہا جا رہا تھا کہ عادل درانی راکھی کے ساتھ شادی نہیں کرے گا وہ غلط ثابت ہو گیا ہے.عادل درانی کے ساتھ راکھی ساونت کی یہ تیسری شادی ہے. راکھی نے تینوں شادیاں محبت کی ہی کی ہیں. راکھی ساونت نے عادل کو شوبز انڈسٹری میں خوب پرموٹ کیا ہے ، دونوں کا ایک ساتھ گزشتہ سال گانا بھی ریلیزہوا. میڈیا نے عادل درانی سے جب بھی راکھی کے ساتھ شادی کا سوال کیا گیا تو انہوں نے ہمیشہ گول مول ہی جواب دیا لیکن اب ایسے تمام سوال ختم ہو گئے ہیں کیونکہ عادل درانی نے راکھی ساونت کو اپنا جیون ساتھی بنا لیا ہے ، جوڑا ایک دوسرے کے ساتھ دو سال سے رہ رہا ہے. دونوں ایک ساتھ بیرون ملک سفر پر بھی جاتے ہیں.

راکھی ساونت عادل کے ساتھ اپنی شادی کو لیکر کافی خوش ہیں ، پہلے وہ بھی پریشان رہتی تھیں اور اس پریشانی کا اظہار وہ میڈیا پر کرتی رہتی تھیں کہتی تھیں کہ وہ نہیں‌ جانتی کہ عادل ان کے ساتھ شادی کریگا یا نہیں . یاد رہے کہ راکھی ہندو ہیں اور عادل مسلم فیملی سے تعلق رکھتے ہیں.

ڈرامہ سیریل تیرے حسن کے نام کی شوٹنگ لاہور اور کراچی میں‌ کی گئی آج اس ڈرامے کے آخری سین لاہور میں شوٹ ہوئے اور انہی سینز کے ساتھ ہی ڈرامہ کی شوٹنگ پیک کر دی گئی . سیٹ پر صبا قمر ، عمران عباس موجود تھے ، لاہور کے ایک مقامی باغ میں چند سینز شوٹ کئے گئے. ڈرامے ک ڈائریکٹر ثاقب خان ہیں جبکہ عمیرہ احمد نے ڈرامے کی کہانی اور اسکرین پلے لکھا جبکہ سارہ قیوم نے ڈرامے کا اسکرپٹ تحریر کیا ہے۔ عمران عباس اور صبا قمر کے علاوہ کاسٹ میں سدرہ نیازی، اسد صدیقی، ماہا حسن ، طلعت شاہ اور نیر اعجاز شامل و دیگر ہیں۔ ڈرامے

کی شوٹنگ لاہور اور کراچی میں کی گئی. گزشتہ روز ڈرامے کی شوٹنگ باری سٹوڈیو میں‌ کی گئی. شائقین کو اس ڈرامے کے آن ائیر ہونے کا بے چینی سے انتظار ہے. یاد رہے کہ حال ہی میں‌ثاقب خان کی ڈائریکشن میں تیار ہونے والا ڈرامہ فراڈ ختم ہوا ہے ، ثاقب خان نے اس میں صبا قمر کے ساتھ کام کیا اور اس کے بعد یہ دونوں تیرے حسن کے نام میں بھی کام کررہے ہیں جبکہ گزشتہ سال ان دونوں نے فلم گھبرانا نہیں ہے بھی کی تھی ، ثاقب خان اور صبا قمر کی اس فلم کو کافی پسند کیا گیا.

اداکارہ مہوش حیات ہیں شدید غصے میں. انہوں نے کہا ہے کہ دوسروں کے خلاف منفی مہم چلانا بہت ہی غلط بات ہے اور اس سے بھی زیادہ غلط بات یہ ہے کہ کسی کی بھی بات پر یقین کرکے کسی کی بے عزتی کرنا کسی کے کریکٹر پر انگلی اٹھانا. اداکارہ مہوش حیات نے کہا کہ جو لوگ دوسروں کی کردار کشی کرتے ہیں وہ بنیادی طور پر بیمار ذہینت کے ہوتے ہیں. انہوں نے کہا کہ عادل راجہ کے گھٹیا الزامات کے بعد سوشل میڈیا پر جو کچھ کیا گیا اس سے نہ صرف میں بلکہ میرا پورا خاندان شدید ذہنی تکلیف سے گزر رہا ہے. پوری دنیا میں‌ فنکاروں کی بہت زیادہ عزت کی جاتی ہے لیکن ہمارے ہاں ان کی کردار کشی کی جاتی ہے.

اداکارہ نے کہا کہ میرے خلاف منفی مہم چلائی گئی مجھے شدید افسوس ہے ، مجھ پر غلط الزامات لگائے گئے ہیں انصاف لینے کےلئے عدالت کا دروازہ کھٹکھٹایا ہے ، مجھے انصاف ملنے کی بہت زیادہ امید ہے. یاد رہے کہ عادل راجہ نامی آدمی نے گزشتہ دنوں ہماری چند ہیروئنز کے نام اس طرح لئے کہ سب سمجھ گئے کہ کن کی بات کی جا رہی ہے انہوں نے ان ہیروئنز کے متعلق کہا کہ ان کی آرمی کے کچھ نامور لوگوں کے نازیبا وڈیوز ہیں.

وکیل کی فیروز خان کو اپنے بیٹے سے گھرمیں ملنے کی پیشکش

اداکار فیروز خان اوران کی سابقہ اہلیہ علیزے کے درمیان بچوں کی حوالگی اور اخراجات کے کیس میں بچوں کے میڈیکل سرٹیفکیٹ پیش کردیے گئے، علیزے پر تشدد سے متعلق کاغذات کی تصدیق پرسماعت 4 فروری کو ہوگی۔ فیروز خان فیملی کورٹ شرقی میں پیش ہوئے جہاں گزشتہ سماعت میں بچوں کو والد سے نہ ملوانے پرعدالت کی جانب سے طلب کیے گئے میڈیکل سرٹیفکیٹس پیش کیے گئے۔

آج سماعت کے دوران علیزے کے وکیل کی جانب سے عدالت میں کہا گیا کہ فیروز خان چاہیں تو بچوں سے عدالت کے بجائے اپنے گھر میں مل سکتے ہیں۔ علیزے کے وکیل بیرسٹرقائم شاہ نے کہا کہ فیروز خان بیٹے سلطان کو عدالت میں ملاقات والے روزصبح گھر سے لے جا سکتے ہیں، اس حوالے سے فیروز خان کو پہلے بھی پیشکش کی تھی۔ علیزے کے وکیل نے الزام عائد کیا کہ لگتا ہے فیروز خان اپنے بچوں سے ملنے کیلئے سنجیدہ نہیں ہیں۔

عدالت نے درخواستوں پر مزید سماعت 4 فروری تک ملتوی کردی۔ عدالت نے فیروزخان کو بیٹے سلطان کیلئے 50 اور بیٹی فاطمہ کیلئے 30 ہزار روپے ماہانہ اخراجات دینے کا حکم بھی دے رکھا ہے جو ہر ماہ کی 14 تاریخ سے پہلے ادا کرنے ہوں گے۔ فیروز اورعلیزے کے درمیان علیحدگی ہو چکی ہے اور اداکار نے بیٹے سلطان اور بیٹی فاطمہ کی حوالگی کی درخواست دائر کررکھی ہے۔

 ماحولیاتی منظوری کے بغیر مارگلہ ایونیو کی تعمیر کیس پر فیصلہ محفوظ 

جو نقشے عدالت میں پیش کئے گئے وہ سب جعلی،یہ سب ملے ہوئے ہیں، مارگلہ ہلز کیس میں چیف جسٹس کے ریمارکس

نور مقدم قتل کیس، ظاہر جعفر پر ایک اور مقدمہ درج

مارگلہ کی پہاڑیوں پر تعمیرات پر پابندی عائد