Category: شوبز

بالی وڈ ایک ایسی جگہ ہے جہاں مداحوں کو بہت ساری محبت کی کہانیاں دیکھنے کو ملتی ہیں۔ ان میں سے کچھ کا اختتام خوشی سے ہوتا ہے لیکن کچھ کااختتام ایسا ہوتا ہےکہ دل دُکھ کر رہ جائے. سلمان خان اور سنگیتا بجلانی کی لواسٹوری بھی کچھ ایسی ہی تھی اسکا اختتام خوشگوار نہ ہوا. سنگیتا بجلانی نے حال ہی میں سلمان خآن کی سالگرہ میں شرکت کی ان کی شرکت نے ایک بار پھر ان کے پرانے تعلق کی کہانیاں دہرا دی ہیں ، سلمان اور سنگیتا بجلانی ایک بار پھر چرچہ میں آگئے ہیں. سلمان خان نے سنگیتا بجلانی کو سالگرہ کی تقریب سے رخصت کرنے سے پہلے اپنی بانہوں میں لپیٹ کر گرمجوشی سے گلے لگایا. جب تک سنگیتا بجلانی اپنی گاڑی میں بیٹھ کر رخصت نہیں‌ہو گئیں سلمان خان کھڑے رہے. ان دونوں‌ کی لو اسٹوری کی شروعات کیسے ہوئی آئیے ہم بتاتے ہیں آپ کو، سلمان خان کو بالی وڈ میں آتے ہی جس لڑکی سے پیارا ہوا اسکا نام سنگیتا بجلانی تھا. دونوں‌ کی محبت کا رشتہ قریب دس سال تک رہا ایک دوسرے کے ساتھ ان دونوں نے جینے مرنے کی قسمیں کھائیں یہاں تک کہ ایک دوسرے کے ساتھ شادی کرنے کا فیصلہ بھی کر لیا . رپورٹس کے مطابق سلمان اور سنگیتا نے 27 مئی 1994 کو شادی کی تاریخ بھی طے کر لی تھی۔ شادی کے دعوت نامے بھی چھپ گئے تھے. ان کی شادی کی تیاریاں زور و شور سے جاری تھیں کہ اداکارہ نے سلمان کو دوسری لڑکی کے

ساتھ رنگے ہاتھوں پکڑ لیا۔یون سنگیتا بجلانی اور سلمان خان کا رشتہ اختتام پذیر ہو گیا. کافی سال کے بعد جب سلمان خان کافی ود کرن میں آئے تو ان سے جب یہ سوال ہوا کہ کیا آپکی شادی ہوتے ہوتے رہ گئی کیونکہ آپ کسی اور لڑکی کے ساتھ پکڑے گئے تھے تو سلمان خان نے پہلے اس سوال کو نظر انداز کرنے کی کوشش کی پھر انہوں نے کہا کہ ہاں میں پکڑا گیا تھا. میڈیا رپورٹ کے مطابق سلمان نے سنگیتا کو دھوکہ اداکارہ سومی علی کی وجہ سے دیا کیونکہ وہ ان کے ساتھ دوستی کے تعلقات کو بڑھا چکے تھے جسے سنگیتا بجلانی نے برداشت نہ کیا اور سلمان خآن کے ساتھ اپنی شادی کو کینسل کر دیا. اسکے بعد سنگیتا بجلانی کی زندگی میں آئے ہندوستان کے سابق کرکٹ کپتان محمد اظہرالدین، ان دونوں کی دوستی ہوئی اس کے بعد یہ دونوں شادی کے بندھن میں بندھ گئے. تاہم اب کئی سال کے بعد سنگیتا بجلانی کو سلمان خان کی سالگرہ کی تقریب میں دیکھ کرہر آنکھ حیران رہ گئی . جہاں تک سومی علی کے ساتھ سلمان خان کے تعلقات کی بات ہے تو انکے ساتھ بھی سلمان خان کا رشتہ شادی تک نہ پہنچ سکااور وہ بھی سلمان خان کی زندگی سے دُکھی ہو کر چلی گئیں.

بالی وڈ کے اداکار سلمان خان نے اپنی 57 ویں سالگرہ منائی ان کی سالگرہ کی تقریب ہمیشہ کی طرح بالی وڈ‌کے ستاروں سے جگمگائی . سلمان خان کی سالگرہ میں شاہ رخ خان نے خصوصی طور پر شرکت کی.جیسے ہی شاہ رخ خان سلمان خان کی سالگرہ کے وینیو پر پہنچے ان کا استقبال سلمان خان نے خود کیا انہیں ریسیو کرنے کےلئے خود ان کی گاڑی تک چل کر گئے ان کو گلے سے بھی لگایا اور اس موقع پر شاہ رخ خان نے اداکار کو سالگرہ کی مبارکباد دی. رپورٹس کے مطابق کرن ارجن کی خوبصورت اس جوڑی نے پارٹی میں زبردست دھوم مچائی اور

صبح تک ایک ساتھ رقص کیا۔سلمان خان کی سالگرہ کی تقریب کی تصاویر اور ویڈیوز سوشل میڈیا پر وائرل ہو رہی ہیں۔تصاویر میں دونوں سٹارز کی ایک دوسرے کے ساتھ دوستی اور محبت کو دیکھا جا سکتا ہے. سالگرہ میں جہاں دیگر سٹارز نے شرکت کی وہیں کسی کا بھائی کسی کی جان کی اداکارہ پوجا ہیگڑے نے بھی شرکت کی . سلمان خان نے اپنی سالگرہ میں آنے والے تمام سٹارز کا خود گرمجوشی سے استقبال کیا. ان کی سالگرہ میں آنے والوں میں سنیل شیٹی ، رتیش دیش مکھ ، جنیلیا ڈی سوزا، ارباز خان ، تبو ، کارتک آریان و دیگر کے نام شامل ہیں .

بالی وڈ کے دبنگ کہلائے جانے والے سلمان خان آج 57 سال کے ہو گئے ہیں. ان کیرئیر تیس سال پر محیط ہے.انہوں نے بطور اداکار اور پرڈیوسر کام کیا اور اپنی بے مثال اداکاری اور کام کی وجہ سے متعدد ایوارڈز بھی حاصل کئے. سلمان‌خان کو بہترین پروڈیوسر اور اداکار کے لئے نینشل ایوارڈز کے علاوہ فلم فئیر سے بھی نوازا گیا. انہیں باکس آفس کا کنگ بھی کہا جاتا ہے کیونکہ انہوں ایسی سپر ہٹ فلمیں دیں کہ جنہوں نے کروڑوں روپے کا بزنس کیا. ہندوستانی سینما کے سب سے زیادہ کامیاب اس اداکار کو فوربس نے 2015 اور 2018 میں دنیا کی سب سے زیادہ کمائی کرنے والی مشہور شخصیات کی فہرست میں شامل کیا.سلمان خان نے کیرئیر کا آغاز بیوی ہو تو ایسی (1988)

میں معاون کردار سے کیا، جس کے بعد ان کے ہاتھ لگی میں نے پیار کیا (1989) اس فلم کی کامیابی نے انہیں راتوں رات سپر سٹار بنا دیا. سلمان خان کے کریڈٹ پر ہم آپ کے ہیں کون (1994)، ایکشن تھرلر کرن ارجن (1995)، کامیڈی بیوی نمبر 1 (1999)، اور فیملی ڈرامہ ہم ساتھ ساتھ ہیں (1999) ، دبنگ (2010)، ریڈی (2011)، باڈی گارڈ (2011)، ایک تھا ٹائیگر (2012)، دبنگ 2 جیسی سب سے زیادہ کمائی کرنے والی فلمیں شامل ہیں، نہیں جو سٹار ڈم حاصل ہوا وہ کم کم اداکاروں کو حاصل ہوتا ہے۔ سلمان خان بگ باس کئی برس سے رئیلٹی شو بگ باس کی میزبانی کے فرائض بھی انجام دے رہے ہیں.

فلم پٹھان جس سے شاہ رخ خان چار سال کے بعد سینما گھروں میں واپسی کررہے ہیں‌، اس کی ریلیز کا شائقین شدت سے انتظار کررہے ہیں. اس فلم کا حال ہی میں گانا ہمیں تو لوٹ‌لیا عشق والوں نے سپر ہٹ ہو گیا ہے سپر ہٹ ہونے کے ساتھ ساتھ تنقید کی زد میں بھی ہے، انتہا پسند ہندو اس فلم کو بین کرنے کی ڈیمانڈ کررہے ہیں اورباقاعدہ بائیکاٹ کے ٹرینڈز چلائے جا رہے ہیں. اس فلم کے حوالے سے تازہ اطلاعات یہ ہیں کہ اس فلم نے تمام تر تنازعات کے باوجود ریلیز سے پہلے ہی 270 کروڑ روپے کی کما لئے ہیں. 250 کروڑ بھارتی روپوں کے ساتھ بنی اس فلم کے او

ٹی ٹی رائٹس قبل ہی تقریبا 100 کروڑ روپے میں فروخت ہو چکے ہیں ، یاد رہے کہ پٹھان کے او ٹی ٹی حقوق ایمیزون پرائم نے خریدے ہیں۔ شاہ رخ خان کی اس فلم میں لُکس کافی مختلف ہیں پہلے کبھی ان کو ایسی لُکس میں نہیں دیکھا گیا. اُدھر شاہ رخ خان اور دیپیکا پڈوکون کی جوڑی کو بھی ایک ساتھ دیکھنے کےلئے شائقین بے صبری سے انتظارکررہے ہیں. دیکھنا یہ ہے کہ پٹھان بائیکاٹ ٹرینڈز کا شکار ہوپاتی ہے یا اچھا بزنس کرنے میں کامیاب ہوجاتی ہے.

جب سے شعیب ملک اور ثانیہ مرزا کی علٰیحدگی کی خبریں چرچا میں ہیں تب سے عائشہ عمر اور شعیب ملک کی دوستی بھی خبروں میں ہے بلکہ عائشہ عمر پر ان دونوں میاں بیوی کا رشتہ خراب کرنے کا الزام لگایا جا رہا ہے. کئی بار عائشہ عمر سے اس قسم کا سوال ہوا لیکن انہوں نے اسکا جواب دینے سے گریز کیا تاہم انہوں نے اب اس پر اپنی زبان کھول دی ہے اور تنقید کرنے والوں کو دیا ہے کرارہ جواب. عائشہ عمر نے کہا ہے کہ میں شادی شدہ مردوں سے دور رہتی ہوں انکے ساتھ اگر کوئی پروفیشنل کام ہو تو کر لیتی ہوں لیکن تعلقات نہیں بناتی . انہوں نے کہا کہ مجھے شعیب اور ثانیہ کے معاملات کا نہیں پتہ نہ ہی مجھے ان میں گھسیٹا جائے. میں نے ہمیشہ شادی شدہ

مردوں سے فاصلہ رکھا ہے. میں جو شعیب ملک کے ساتھ شوٹ‌کروایا تھا وہ ایک پروفیشنل شوٹ تھا اور اس میں ایسی کوئی بات نہیں تھی کہ اسے ایشو بنایا جائے لیکن افسوس کے چند ایک میڈیا ہائوسسز نے ایسا کیا جو کہ بہت ہی غلط ہے. جب میرے اور شعیب ملک کے شوٹ کی تصاویر وائرل ہوئیں تب اس شوٹ کو کروائے ہوئے بھی ایک سال ہو چکا تھا مجھے نہیں پتہ کہ اس شوٹ کو کیوں اتنی ہوا دی گئی . کیوں میرا اور شعیب کا نام ایک ساتھ جوڑا گیا میں سب سے کہنا چاہتی ہوں‌کہ مجھے شادی شدہ مردوں سے الگ رکھیں.

گلوکار جواد احمد جو اب ایک سیاسی جماعت کو بھی چلا رہےہیں ، برابری پارٹی کے چئیرمین کے طور پر وہ ملکی سیاست پر گفتگو بھی کرتے ہیں اور نوجوانوں‌میں بیداری پھیلانے میں اپنا اہم کردار ادا کرتے رہتے ہیں. جواد احمد چونکہ بنیادی طور ہر گلوکار ہیں لہذا وہ گلوکاری کو بہت اچھا سمجھتے ہیں ، انہوں نے اپنے حالیہ انٹرویو میں کہا ہے کہ میں‌نے ابرار الحق ، حدیقہ کیانی ، عاطف اسلم نے جس دور میں گایا تب چینلز کم ہوتے تھے کسی کا کوئی گانا تھوڑا سا بھی اچھا ہوتا وہ چل جاتا بلکہ ہٹ ہوجاتا تھا لیکن اب حالات اور وقت بدل چکے ہیں . جہاں تک آج کے گلوکاروں کی بات ہے تو وہ ہم سے بہت زیادہ اچھا گاتے ہیں. بلکہ میں تو کہوں گا کہ وہ ہم سے بہتر گاتے ہیں

اور لوگ انہیں‌پسند بھی کرتے ہیں. جواد احمد نے کہا کہ آج کے گلوکاروں‌کی صلاحیتیں شاید ہم سے کہیں زیادہ ہیں اور وہ پاکستان کی نمائندگی پوری دنیا میں کررہے ہیں گوکہ ہم بھی کرتے تھے اور کرتے ہیں. یاد رہے کہ جواد احمد عمران خان پر سخت تنقید کرتے ہیں ان کا کہنا ہے کہ عمران خان کو سیاست سے نکال دیا جانا چاہیے انہوں‌نے پاکستان کی سیاست کو زہر آلود کر دیا ہے.

2022 ختم ہونے جارہا ہے اور کرن جوہر ہیں بہت خوش کیونکہ یہ سال ان کے کافی خوشیاں لیکر آیا یوں کہیے کہ یہ سال ان کے لئے کافی یادگار رہا. اس سال ان کی دو فلمیں جگ جگ جیو اور براہمسٹرا: پارٹ ون ، شیوا ریلیز ہوئیں ان دونوں فلموں نے باکس آفس پر کمال بزنس کیا ، جگ جگ جیو نے 100 کروڑ روپے سے زیادہ کی کمائی کی جبکہ براہمسٹرا نے عالمی سطح پر 400 کروڑ روپے سے زیادہ کی کمائی کی۔ یہی نہیں کرن جوہر کے چیٹ شو کافی ود کرن کا سیزن 7 اس سال اگست-ستمبر میں نشر کیا گیا تھا اور اسے OTT پلیٹ فارم ڈزنی پلس ہاٹ اسٹار پر

خوب پذیرائی ملی۔ اس کے علاوہ کرن ڈانس ریئلٹی شو جھلک دکھلا جا میں جج کے طور پر نظر آئے۔حال ہی میں دسمبر کے آغاز میں فلم گووندا نام میرا ڈزنی پلس ہاٹ اسٹار پر ریلیز ہوئی جسے دھرما پروڈکشن نے پروڈیوس کیا ہے۔ یہ فلم او ٹی ٹی پلیٹ فارم پر اچھا بزنس کر رہی ہے۔اس سال بےشمار کامیابیاں سمیٹنے پر کرن جوہر بہت خوش ہیں اور شکر گزار ہیں اپنے دوستوں اور مداحوں کے. انہوں نے اپنے مداحوں اور دوستوں کا شکریہ وڈیو کے زریعے انسٹاگرام پر کیا. یاد رہے کہ کرن جوہر کا گھر حال ہی میں گوری خان نے ڈیزائن کیا ہے اور کرن اس گھر میں جانے کے لئے بےتاب ہیں.

صدیوں کی شاعرہ پروین شاکر 24 نومبر 1952 کو کراچی میں پیدا ہوئیں۔ پروین شاکر اپنے خاندان میں اکیلی شاعرہ نہیں تھیں اور بھی شاعر تھے جن میں بہار حسین آبادی کا نام قابل زکر ہے ان کے نانا حسن عسکری اچھا ادبی ذوق رکھتے تھے۔ انہوں نے بچپن میں پروین کو کئی شعرا کے کلام سے روشناس کروایا۔ انہوں نے اپنی منفرد شاعری کی کتاب ” خوشبو “ سے وہ شہرت حاصل کی جو کسی کا صرف خواب ہی ہو سکتا ہے . انہیں اس کتاب پر آدم جی ایوارڈ سے نوازا گیا، ان کے دیگر شعری مجموعے خود کلامی،صد برگ،انکار،ماہ تمام اور کف آئینہ کو بھی بے پناہ

پزیرائی حاصل ہو ئی ۔ پروین شاکر نے اپنی خوبصورت اور منفرد شاعری میں محبت اور عورت کو موضوع بنایا ، اردو لہجے کی منفرد شاعرہ ہونے کی وجہ سے پروین شاکر کو بہت ہی کم عرصے میں شہرت حاصل ہو گئی ملک بھر کے طول و عرض میں نوجوان نسل کی اکثریت ان کی مداح ہے۔پروین شاکر درس و تدریس کے شعبہ سے بھی وابستہ رہیں اور بعد ازاں سرکاری ملازمت بھی کی. شاعری کے دیوانے آج بھی انکو چاہتے ہیں انکی شاعری کو سینے سے لگا کر رکھے ہوئے ہیں.پروین شاکر کی شاعری آج بھی انٹرنیٹ پر سب سے زیادہ پڑھی جاتی ہے.

گلوکارہ نصیبو لعل جن کی آواز بہت ہی میٹھی اورخوبصورت ہیں، وہ سادہ طبیعت کی مالک ہیں اور جب بھی بولتی ہیں تو دل سے بولتی ہیں. انہوں نے حال ہی میں ایک انٹرویو دیا ہے اس میں انہوں نے کہا ہے کہ میں نے ہمیشہ گانا دل سے گایا ہے، اور موسیقی میرے دل میں رچی بسی ہوئی ہے ، موسیقی کے بغیر اپنا آپ نامکمل سمجھتی ہوں. نصیبو لعل نے اس انٹرویو میں یہ بھی کہا کہ انسان خطا کا پتلا ہے ، مجھ سے بھی یقینا بہت زیادہ غلطیاں ہوئی ہوں گی آپ سے بھی ہوتی ہوں گی اسلئے ایک دوسرے کی غلطیوں‌ کو معاف کریں اور کوشش کریں‌کہ آپ کی وجہ سے کسی نہ دل نہ دُکھے. نصیبو لعل نے کہا کہ میرا جب تک ذہن آمادہ نہ ہوجائے میں ریکارڈنگ نہیں کرواتی کیونکہ میں سمجھتی ہوں‌کہ جب آپ کا دل دماغ تیار ہوتب ہی آپ اچھا ڈیلیور کر سکتے ہیں شاعری کو اپنے اندر اتار سکتے ہیں.

یاد رہے کہ نصیبو لعل کے گیت ہمیشہ ہی کنٹرورشل رہے ہیں لیکن اس کے باوجود ان کو سنا جاتا ہے ان کے بعض‌گیت ایسے ہیں کہ جن کا مقابلہ کوئی دوسرا سنگر نہیں کر سکتا. نصیبو لعل کو پی ایس ایل کا اینتھم سانگ گانے کا بھی موقع ملا . اس ھوالے سے نصیبو کہتی ہیں‌کہ پہلی بار مجھے اینتھم گانے کی آفر ہوئی ورنہ تو مجھے ایک ہی طرح‌کے گانے دئیےجاتے ہیں اور ہم پیٹ کی خاطر گانے پر مجبور ہوتے ہیں.