Category: شوبز

سلمان خان کے بھائی ارباز خان جنہوں نے فلموں میں‌کام تو ضرور کیا لیکن کوئی خاص نام نہ بنا سکے لیکن اپنی ذاتی زندگی کو لیکر وہ ہمیشہ ہی چرچا میں رہے ہیں. ان کی طلاق ملائکہ اروڑہ سے 2017 میں ہوئی تھی، اس کے بعد ان کی ملاقات جارجیا سے ہوئی چار سال سے ارباز خان ان کو ڈیٹ کررہے ہیں، دونوں اپنی دوستی کی وجہ سے کافی خبروں میں رہتے ہیں. ویسے تو ارباز اور ملائکہ اکثر اپنے بیٹے کی وجہ سے اکٹھے دکھائی دیتے ہیں. اب اطلاعات ہیں‌کہ ارباز خان کی گرل فریںڈ جارجیا ہیں‌‌‌‌ملائکہ‌اروڑہ کی دیوانی . انہوں نے کہا ہےکہ وہ ملائکہ اروڑہ

سے کافی بار مل چکی ہیں اور ان سے کافی متاثر بھی ہیں. جارجیا کہتی ہیں کہ ملائکہ بہت سارے لوگوں کے لئے انسپریشن اس لئے ہیں کیونکہ انہوں نے صفر سے کیرئیر شروع کیا ور بہت محنت کرکے ایک خاص مقام حاصل کیا آج وہ جس مقام پر ہیں وہ انہوں نے یقینا کافی محنت کے ساتھ حاصل کیا ہے. یاد رہے کہ ارباز خان اور جارجیا ایک دوسرے کو ڈیٹ کررہے ہیں ان کی شادی کی خبریں بھی آرہی ہیں لیکن ان دونوں‌کی طرف سے اس طرح کی کوئی بات سامنے نہیں آئی کہ جس سے لگے کہ دونوں شادی کرنے والے ہیں.

پاکستانی گلوکارہ نازیہ حسن 80 کی دہائی کی وہ پاکستانی پاپ گلوکارہ تھیں جنہوں نے پاکستان کے ساتھ ساتھ بالی وڈ میں بھی اپنی آواز کا جادو جگایا. اسی کی دہائی میں بالی وڈ کی معروف اداکارائوں پر نازیہ حسن کے گانے فلمائے گئے. زینت امان پر ان کا ایک گانا فلمایا گیا گانے کے بول تھے آپ جیسا کوئی میری زندگی میں آئے بات بن بن جائے . یہ گانا آج بھی مقبول ہے. حال ہی میں اس گانے کو ملائکہ اروڑہ پر فلمایا گیا ہے. تفصیلات کے مطابق حال ہی میں اداکار آیوشمان کھرانہ کی فلم این ایکشن ہیرو کے لیے موسیقار تنیشک باغچی نے اس گانے کو نئے انداز

میں دوبارہ ترتیب دیا ہے۔ تنیشک باغچی کی جانب سے دوبارہ ترتیب کیے گئے اس گانے کو گلوکارہ زاہرہ ایس خان اور گلوکار التمش فریدی کی آواز میں ریکارڈ کیا گیا ہے جبکہ اسے ملائکہ اروڑہ اور آیوشمان کھرانہ پر فلمایا گیا ہے. ملائکہ اروڑہ نے یقینا گانے میں اچھا رقص کیا ہو گا. اس گانے کی مقبولیت کی وجہ سے آج بھی اسے فلموں میں شامل کیا جا رہا ہے. یاد رہے کہ ملائکہ اروڑہ آئٹیم نمبرز کے لئے مشہور ہیں ان پر آج تک جب کبھی بھی آئٹم سانگ فلمایا گیا ہے وہ سپر ہٹ ہی ہو ا ہے.

بالی وڈ کے ابھرتے ہوئے فنکار کارتک آریان نے اپنے حالیہ انٹرویو میں‌کہا ہےکہ میرا نام کبھی کسی کے ساتھ جوڑ دیا جاتا ہے تو کبھی کسی کے ساتھ . کافی عرصے سے سن رہا ہوں کبھی میرا نام سارا علی خان کے ساتھ لیا جا رہا ہے کبھی ، پشمینہ روشن اور کبھی اننیا پانڈے ، ایسا کچھ نہیں ہے بلکہ ایسی خبریں اور افواہیں میری ذاتی زندگی اور تعلقات کو متاثر کرتی ہیں . میں‌خاص قسم کی منفی ذہنیت کو سمجھنے سے بالکل قاصر ہوں. اگر کچھ لکھنا ہی ہے کسی کے بارے میں تو اور بہت ساری باتیں ہیں صرف سکینڈلز کی خبریں ہی کیوں. انہوں نے کہا کہ میں بہت مصروف ہوں اپنا کیرئیر بنانے میں‌، کام کرنے میں ، میرے پاس بالکل وقت نہیں ہے کہ میں ڈیٹنگ کرتا پھروں. یاد

رہے کہ کارتک آریان کا شمار بالی وڈ کے ان فنکاروں میں‌ہوتا ہے جنہوں نے باکس آفس پر زبردست کامیابی کے فورا بعد سٹار کا درجہ حاصل کر لیا. کارتک کی اس سال بھول بھلیاں ٹو ریلیز ہوئی جس نے کھڑکی توڑ بزنس کیا ہے.کارتک ویسے تو کافی برسوں سے فلم انڈسٹری میں‌ہیں لیکن ایک دو سال سے ان کی قسمت کا ستارہ کافی بلند جا رہا ہے. کارتک کو بالی وڈ کا آج کا سٹار کہا جائے تو بے جا نہ ہوگا ، کارتک کا شمار آج بالی وڈ میں سب سے زیادہ معاوضہ لینے والے فنکاروں میں ہو رہا ہے.

معروف فیشن ڈیزائنر محمود بھٹی ہو چکے ہیں مکمل مایوس. اس لئے انہوں نے تمغہ امتیاز بھی واپس کر دیا ہے. محمود بھٹی کا کہنا ہےکہ وہ پاکستان میں سماجی سرگرمیوں میں‌ مصروف ہیں لیکن ان کے ساتھ زیادتی کی جا رہی ہے. انہوں نے حال ہی میں پنجاب یونیورسٹی میں طلبہ و طالبات کے ساتھ ایک نشست رکھی اس میں انہوں نے خطاب کرتے ہوئے کہا کہ میں‌پاکستان میں‌فلاحی کاموں میں مصروف ہوں غربیوں کی مدد کرتا ہوں لیکن مجھے صلہ یہ ملا ہے کہ مجھ پر مقدمات بنا دئیے گئے ہیں . یتیموں کی زمین پر ایک وکیل نے قبضہ جما لیا اس کے خلاف میں عدالتوں

میں‌جا رہا ہوں لیکن مجھے انصاف نہیں‌ مل رہا بلکہ مجھ پہ کیسز کیے جا رہے ہیں‌. کیا یہ ہے پاکستان میں انصاف کا معیار ہے کہ جو غریبوں کی سنے اسکو دیوار کے ساتھ لگا دو ، اس پر جھوٹے کیسز بنا دو. میرے ساتھ یہی کچھ ہو رہا ہے. انہوں نے کہا کہ مجھے جو ستارہ امتیاز دیا گیا میں وہ بھی واپس کرکے جا رہا ہوں کیونکہ ایسے تمغے کا کیا فائدہ کہ آپ کو انصاف نہ ملے اور کیسز میں الجھایا جائے. انہوں نے یہ بھی کہا کہ میں مارچ تک انصاف کا انتطار کروں گا میں چیف جسٹس سے اپیل کرتا ہوں کہ میرے ساتھ انصاف کیا جائے.

ماڈل و اداکارہ عفت عمر نے حال ہی میں احمد علی بٹ کے پروگرام میں بطور مہمان شرکت کی . اس میں احمد علی بٹ نے عفت عمر سے پوچھا کہ آپ عمران خان کے اتنے خلاف کیوں ہیں اور آپ عمران کو ووٹ نہ دینے کی بجائے بلاول یا نوازشریف کو ووٹ دینے کی بات کرتی ہیں وجہ کیا ہے؟ اس سوال کے بعد جواب میں عفت عمر برس پڑیں عمران خان پر اور کہا کہ اس شخص نے چار سال میں کیا کیا؟ کوئی ایک کام بتا دیں سوائے افراتفری پھیلانے کے اس نے کیا کیا ہے ؟ ملک میں افراتفری کا ماحول پیدا کر رکھا ہے. چار لوگ سڑکیں بند کر کے بیٹھ جاتے ہیں یہ کوئی بات ہے بھلا. دوسری جماعتیں بھی لانگ مارچ کرتی رہی ہیں لیکن یہ سب کسی نے نہیں کیا جو عمرا ن خان

کر رہا ہے اور کروا رہا ہے. اس نے ملک میں تماشے لگا رکھے ہیں تو کیوں‌دیں ہم اسکو ووٹ. عمران خان نے ملک میں‌فساد بپا کر رکھا ہے میرے خیال سے اسکوسیاست سے نکال کر باقی سیاستدانوں کو کام کرنے دیا جانا چاہیے. احمد علی بٹ نے کہا کہ آپ کو کیا لگتا ہےکہ جو پیتنس سال اقتدار میں‌رہے وہ بدلیں گے ملک کے حالات تو عفت عمر نے کہا کہ جی ہوں وہی بدلیں گے وہ تجربہ کار ہیں لیکن ان کو کام تو کرنے دیا جائے. عمران خان نے صرف باتیں کیں کام نہیں‌کیا .

گلوکار و اداکار عاصم اظہر جو رہتےہیں خبروں میں حال ہی میں عاصم اور ان کی منگیتر میرب نے شرکت کی . دونوں کافی دلکش لگ رہے تھے. دونوں‌کی محبت کو کون نہیں‌جانتا. عاصم اظہر میرب سے پہلے ہانیہ عامر کے ساتھ دوستی کی وجہ سے کافی مشہور تھے . تاہم دونوں‌کی دوستی ختم ہونے کے بعد عاصم کی زندگی میں آئی ہیں میرب علی. میرب علی اداکارہ ہیں. عاصم اظہر ہیں اپنی منگیتر میرب علی کی محبت میں مکمل طور پر گرفتار اور اس چیز کا اظہار انہوں نے حال ہی میں لکس سٹائل ایوارڈز میں کیا. انہوں نے اس شو میں ایک خاص قسم کی پرفارمنس دی ، اس دوران انہوں نے شائقین سے خوب داد سمیٹی اور پرفارمنس کے دوران ہی وہ پہنچ گئے اپنی منگیتر میرب

علی کے پاس وہاں جہاں وہ بیٹھی ہوئی تھیں . انہوں نے میرب علی کے پاس جا کر انہیں‌پھول پکڑایا اور اپنی محبت کا اظہار کیا. عاصم اظہر کی جانب سے ایسا کرنے پر جہاں ہیں میرب علی خوش وہیں سوشل میڈیا پر کہیں اس عمل کو سراہا جا رہا ہے اور کہیں اس عمل پر تنقید کی جا رہی ہے. تاہم عاصم اظہر نے اپنی منگیتر میرب علی کو دکھایا ہے کہ وہ ان سے کتنی محبت کرتے ہیں. یاد رہے کہ دونوں کی منگنی ہو چکی ہے لیکن ابھی تک شادی کی تاریخ سامنے نہیں آئی.

ملک کے معروف ادیب، سیاح، سفر نامہ نگار اور دانشور مستنصر حسین تارڑکے بارے میں خبریں ہیں کہ ان کی طبیعت ٹھیک نہیں ہے. خبروں کے مطابق مستنصر حسین تارڈ دل کے عارضے میں مبتلا ہیں اور اسی شکایت کی وجہ سے انہیں پنجاب انسٹی ٹیوٹ آف کارڈیالوجی میں داخل کروایا گیا. ڈاکٹرز ان کی طبیعت میں بہتری کے لئے ہر ممکن اقدامات اٹھا رہے ہیں، فی الوقت ڈاکٹروں نے دانشور کو پیس میکر لگا دیا ہے ، ڈاکٹروں کا یہ بھی کہنا ہے کہ ان کی طبیعت میں‌کافی بہتری آرہی ہے. مستنصر حسین کی طبعیت کی خرابی کا سن کر ان کے لئے ان کے مداح اور

انہی کی فیلڈ کے ساتھی دعائیں کررہے ہیں. سوشل میڈیا پر اس وقت مستنصر حسین کی طبیعت کی خبریں خاصی وائرل ہو رہی ہیں اور ہرکوئی ان کی طبیعت میں بہتری کےلئے دعا گو ہے.
مستنصر حسین تارڈ کا شمار ان شخصیات میں‌ہوتا ہے جنہوں مارننگ شوز کی بنیاد رکھی. ان کے مارننگ شوز کو دیکھتے ہوئے بعد ازاں بہت سارے چینلز نے مارننگ شوز شروع کئے لیکن جو مقام مارننگ شوز میں‌مستنصر حسین تارڑ کو حاصل ہے وہ کسی اور کے حصے میں کبھی نہیں آیا. انہوں نے فلموں اور ڈراموں میں بھی کام کیا.

بالی وڈ کے کنگ شاہ رخ خان کے انٹرویو کا ایک کلپ وائرل ہو رہا ہے جس میں ان کے ساتھ کاجول بھی بیٹھی ہوئی ہیں انہوں نے اس انٹرویو میں کہا ہے کہ میں لڑکیوں کے ساتھ بالکل بھی بد تمیزی سے پیش آنے کا قائل نہیں ہوں . میں نے بہت سارے مردوں کو دیکھا ہے وہ لڑکیوں کو بھی لڑکوں کی طرح ٹریٹ کرتے ہیں اور ان کے ساتھ تُو ترا کرتے ہیں یہ چیز نہیں ہونی چاہیے. لڑکیوں ، خواتین کا احترام ہر حال میں مقدم رہنا چاہیے. میں نے اگر کاجول سے کہنا ہو گا کہ ابھی مصروف ہوں کل چھ بجے آنا تو ایسے بولوں کاجول پلیز کل چھ بجے آجانا یہ نہیں کہوں گا کہ اے

کاجول کل آجائیں ابھی چلی جا. شاہ رخ خان اس کلپ میں زور دے رہے ہیں کہ خواتین کا احترام بے حد ضروری ہے جسے ہر ایک کو کرنا چاہیے. یاد رہے کہ شاہ رخ خان اور کاجول کی آن سکرین جوڑی نے شائقین کو ہمیشہ اپنے سحر میں مبتلا رکھا آج بھی یہ دونوں جب بھی سکرین پر ایک ساتھ نظر آتے ہیں تو ان کے مداحوں کی خوشی دیدنی ہوتی ہے. ان دونوں‌نے ایک ساتھ کرن ارجن ، بازیگر ، کبھی خوشی کبھی غم ، کچھ کچھ ہوتا جسی فلموں میں کام کیا. ان کی جوڑی اور کام کو شائقین آج بھی سراہتے ہیں .

سٹیج سے شہرت سمیٹنے والی اداکارہ خوشبو خان نے اپنے ھالیہ انٹرویو میں کہا ہےکہ نئی لڑکیاں محنت سے جی چراتی ہیں جبکہ ہم نے بہت کام کیا ہے. انہوں نے کہاکہ اس فیلڈ میں کیا کسی بھی فیلڈ میں آپ سفارش سے چلے تو جاتے ہیں کوئی پراجیکٹ بھی حاصل کر لیتے ہیں لیکن اگر آپ میں ٹیلنٹ نہ ہو تو نہیں‌چلتے اور آپ کا کوئی مستقبل نہیں‌بنتا.انہوں نے کہا کہ سٹیج ڈرامہ ویسا ہی دکھایا جا رہا ہے جیسا لوگ دیکھنا چاہتے ہیں. اور جہاں تک رقص کی بات ہے تو تھیٹر میں رقص کو بہت پسند کیا جاتا ہے رقص وقت کی اہم ضرورت ہے اگر اسے بند کر دیا گیا تو تھیٹر بھی بند ہو جائیگا. انہوں نے کہا کہ میں مانتی ہوں کہ سٹیج ڈرامے میں‌بہتری کی ضرورت ہے لیکن افسوس کے اس میں بہتری کے لئے اقدامات نہیں

اٹھائے جا رہے. ہم سب کو سٹیج کی مزید بہتری کےلئے مل کر کام کرنا ہو گا . انہوں نے کہا کہ میں نے بہت محنت سے مقام حاصل کیا ہے. دن رات محنت کی تب یہ نام یہ شہرت نصیب ہوئی . یاد رہے کہ خوشبو خان کا شمار سٹیج کی بہترین اداکارائوں میں‌ہوتا ہے انہوں نے ارباز خان کے ساتھ شادی کی اور ان کے دو بیٹے شوبز میں اینٹری دے چکے ہیں .