Category: شوبز

اداکار شان شاہد جن کی فلم ضرار جلد ہی ریلیز ہونے جا رہی ہے. اس فلم کی پرموشنز زوروں سے جاری ہی شان شاہد میڈیا پر انٹرویوز دیتے ہوئے نظر آرہے ہیں اور کررہے ہیں اپنے دل کی باتیں . شان شاہد نے حال ہی میں ایک انٹرویو دیا ہے اس میں انہوں نے کہا ہے کہ ہمارے ہاں بہت سارے ایسے موضوعات ہیں جن کو ڈائریکٹر ، رائٹرز اور پرڈیوسرز ہاتھ نہیں ڈال رہے. ہارر ہو یا سائنس فکشن بہت کام ہو سکتا ہے لیکن بدقمستی سے ہمارا اس طرف رجحان نہیں ہے.انہوں نے مزید کہا کہ ادھر نہیں جائونگی اور ادھر نہیں جائونگی سے ہم باہر نکلیں تو شاید ایسے موضوعات کی طرف آئیں.شان شاہد کے اس بیان کو سوشل میڈیا پر کافی ڈسکس کیا جا رہا ہے. کچھ صارفین کا کہنا ہے کہ شاید شان شاہد

کو کراچی کے پروفیشنلز سے کوئی خاص مسئلہ ہے جبکہ کچھ صارفین کا کہنا ہے کہ شان شاہد نے بالکل ٹھیک کہا ہے ہمیں مختلف قسم کے موضوعات پر فلمیں بنانی چاہیں. یاد رہے کہ شان شاہد کی فلم ضرار سے اداکار پانچ سال کے بعد شوبز میں واپسی کررہے ہیں. شان کا کہنا ہے کہ اگر میرے مداحوں کو مجھ سے محبت ہوئی تو وہ مجھے دیکھنےکےلئے ضرور آئیں گے نہیں‌محبت ہوئی تو نہیں آئیں گے.

سٹیج کے معروف اداکار ناصر چنیوٹی جن کی طارق ٹیڈی کے ساتھ بے حد دوستی ہے دونوں نے ایک ساتھ کافی سال تک کام کیا ہے. ناصر چنیوٹی طارق ٹیڈی کی بیماری اور پھر تشویشناک حالت سے کافی پریشان ہیں . انہوں نے سوشل میڈیا پر ایک وڈیو پیغام جاری کیا ہے جس میں انہوں اپنے اور طارق ٹیڈی مداحوں سے اپیل کی کہ وہ طارق ٹیڈی کی صحت کےلئے دعا کریں . انہوں نے کہا کہ دعا کریں میرا بھائی ٹھیک ہو جائے ، دعا تو کسی کی بھی لگ جاتی ہے ، طارق میرا بہت ہی پیارا بھائی ہے ہمارا ایک ساتھ بہت ہی اچھا وقت گزرا ہے . وہ بہت خیال رکھنے والا ہے پیار کرنے والا انسان ہے . صحیح معنوں میں ایک فیملی والا انسان ہے جو رشتوں کی اہمیت کو بخوبی سمجھتا ہے. وہ ہر اس جگہ پہنچتا تھا جہاں کسی

کو اس کی ضرورت ہوتی تھی ، اس نے کبھی بھی کسی کا دل نہیں دکھایا. کام کو بھی عبادت سمجھ کر کیا. ناصر چنیوٹی نے کہا کہ میری آواز جہاں جہاں اور جو جو سن رہا ہے وہ میرے بھائی طارق ٹیڈی کی صحت کےلئے دعا کرے تاکہ وہ ایک بار پھر تھیٹر پر ہنستا کھیلتا ہوئے نظر آئے اور آپ کو بھی ہنسائے. انہوں نے کہا کہ مجھے طارق کو اس حال میں دیکھ کر بہت تکلیف ہو رہی ہے.

سٹیج کے معروف اداکار طارق ٹیڈی جو کہ جگر کے عارضے میں مبتلا ہیں ان کی حالت مزید بگڑ گئی ہے ، ڈاکٹروں کا کہنا ہے کہ طارق ٹیڈی کا جگر ستر فیصد کام نہیں‌کر رہا . طارق ٹیٍڈی کی طبیعت کی خرابی کی خبر چند روز قبل سامنے آئی جس کے بعد وزیر اعلی پنجاب پرویز الہی نے طارق ٹیڈی کے مفت علاج کا اعلان کیا . طارق ٹیڈی کی حالت اس قدر بگڑ چکی ہے کہ انہیں وینٹی لیٹر پر منتقل کر دیا گیا ہے. طارق ٹیڈی کی طبیعت اس وقت خراب ہوئی جب وہ گزشتہ دنوں الفلاح تھیٹر میں پرفارم کررہے تھے کام کے دوران جب ان کی حالت زیادہ خراب ہوئی تو انہیں ہسپتال لیجایا گیا وہاں انہیں ہسپتال میں داخل کر لیا گیا. ابھی تک کی اطلاعات یہی ہیں‌کہ طارق ٹیڈی کی حالت دن بہ دن بگڑتی جا رہی ہے اور

انکی تشویشناک صورتحال پر ان کے فیملی والے دوست احباب سب پریشان ہیں. طارق ٹیڈی سٹیج کا ایک بہت بڑا نام ہیں انہوں نے سال ہا سال سٹیج پر کام کرکے فن کی خدمت کی ہے. طارق ٹیڈی کے مداح اپنے پسندیدہ فنکار کی تشویشناک حالت دیکھ کر کافی پریشان اور اداس ہیں. دوسری طرف وزیراعلی پنجاب کی جانب سے طارق ٹیڈی کے مفت علاج کے اعلان کو بہت زیادہ سراہا جا رہا ہے.

معروف کرکٹر شعیب ملک اور ٹینس پلئیر ثانیہ مرزا کی طلاق کی خبریں گزشتہ چند دنوں‌سے گردش کررہی ہیں تاہم ان دونوں‌کی جانب سے نہ تردید سامنے آئی ہے اور نہ ہی ایسی خبروں کی تصدیق کی گئی ہے. ان دونوں کے مداح اس وقت ہیں بہت ہی حیران اور پریشان کیونکہ شعیب ملک نے چند گھنٹے قبل ثانیہ مرزا کی تصویر اپنے سوشل میڈیا اکائونٹ پر لگا انہیں سالگرہ کی مبارکباد دی ہے اور انہیں ایک اچھی زندگی کی دعا بھی دی ہے. اس پوسٹ کے بعد سوشل میڈیا پر طرح طرح کے تبصرے کئے جا رہے ہیں. ثانیہ اور شعیب ملک کی طلاق اور علیحدگی کی خبروں نے اس وقت زور پکڑا جب ان دونوں کے بیٹے کی سالگرہ کی تصویر ثانیہ نے اپنے انسٹاگرام پر لگائی اور کیپشن اس قسم کا دیا کہ اس سے گمان ہوا

کہ شاید ان دونوں‌کی علیحدگی ہو چکی ہے. کہا جا رہا ہے کہ دونوں کے ایک قریبی دوست نے اس بات کی تصدیق بھی کر دی ہے کہ دونوں کے درمیان علیحدگی ہو چکی ہے. دوسری طرف یہ دونوں دا مرزا ملک شو بھی ایک ساتھ کرنے جا رہے ہیں اس حوالے سے بھی کہا جا رہا ہے کہ ہو سکتا ہے کہ علیحدگی کی خبریں اس شو کو ہٹ کروانے کے لئے اسٹنٹ کے طور پر استعمال کی جا رہی ہیں ، جبکہ ایک طرف یہ بھی کہا جا رہا ہے کہ ان دونوں کی طلاق ہو چکی ہے تاہم علیحدگی کا اعلان اس شو کے بعد کیا جائیگا .

جوائے لینڈ پاکستان کی واحد ایسی فلم ہے جسے کانزفلمی میلے میں پذیرائی ملی ہے. کانز فلمی میلے میں جب اس فلم نے ایوارڈ جیتا تو پاکستانیوں نے اصرار کیا کہ فلم یہاں بھی ریلیز ہونی چاہیے. فلم کے ڈائریکٹر صائم صادق نے اعلان کیا کہ یہ فلم پاکستان میں‌ریلیز ہوگی. 18 نومبر کو پاکستان کے سینما گھروں میں‌ جوائے لینڈ ریلیز ہونے جا رہی تھی شائقین فلم کی ریلیز کا بے چینی سے انتظار کررہے تھے لیکن ایکبار پھر انہیں مایوسی کا سامنا ہے کیونکہ فلم کی ریلیز پر پابندی لگ گئی ہے. فلم کی ریلیز پر سنسر بورڈ نے پابندی لگا دی ہے. کہا جا رہا ہے کہ سنسر بورڈ کو شکایات موصول ہوئیں کہ اس میں’انتہائی قابل اعتراض مواد‘ ہے جس پر بورڈ نے پابندی لگا دی ہے.یاد رہے کہ

پاکستان کی وزارت اطلاعات و نشریات کی جانب سے 11 نومبر کو جاری ہونے والے ایک حکم نامے میں کہا گیا ہے کہ ملک کے سنسر بورڈ نے فلم کی ریلیز کے لیے گرین سگنل دے دیا تھا لیکن اب اس نے پاکستان بھر میں فلم کی نمائش کا فیصلہ واپس لے لیا ہے۔یاد رہے کہ فلم کو سرمد کھوسٹ‌نے پرڈیوس کیا ہے، علینہ خان ، ثروت گیلانی و دیگر نے اہم کردار کئے ہیں پاکستان میں اس فلم کی ریلیز کا بے چینی سے انتظار تھا لیکن اب اس فلم کی ریلیز پر پابندی عائد کردی گئی ہے.

ہندوستانی ٹینس کھلاڑی ثانیہ مرزا اور پاکستانی کرکٹر اور ان کے شوہر شعیب ملک حال ہی میں اپنی طلاق کی خبروں کی وجہ سے سرخیوں میں ہیں۔ اگرچہ جوڑے نے ابھی تک کوئی باضابطہ اعلان نہیں کیا ہے۔ ان کی علیحدگی کی افواہوں کے درمیان ہی یہ جوڑا اب ایک رئیلٹی شو کے لیے اکٹھا ہو گیا ہے۔ شو کے اعلان نے مداحوں کو الجھن میں ڈال دیا ہے۔ان کے شو کا اعلان او ٹی ٹی پلیٹ فارم کے انسٹاگرام ہینڈل پر کیا گیا۔ فرسٹ لک پوسٹر لانچ کیا گیا جس میں ثانیہ اور شعیب دیکھے جا سکتے ہیں۔ دونوں کو مسکراتے ہوئے اور پس منظر میں برج خلیفہ کے نظارے کے ساتھ پوز دیتے ہوئے دیکھا جا سکتا ہے ۔ تاہم ان دونوں نے ابھی تک اپنے متعلقہ انسٹاگرام ہینڈلز پر پوسٹر شیئر نہیں کیا ہے۔ پوسٹر کی رونمائی کے فوراً بعد ان کے کچھ مداحوں نے خوشی کا اظہار کیا۔ ایک مداح نے

لکھا بہت اچھا لگا دل خوش ہو گیا آپ دونوں کو ساتھ دیکھ کر، ایک اور مداح نے تبصرہ کیا براہ کرم کبھی الگ نہ ہوں، آپ ایک ساتھ اچھے لگتے ہیں. بہت سارے مداحوں نے کہا کہ شاید طلاق کی خبریں پبلسٹی سٹنٹ ہیں ایک صارف نے لکھا کہ طلاق تشہیر کے مقاصد کے لیے تھی؟ایک اورصارف نے لکھا میرے خیال میں اس پروگرام کی بہت پہلے شوٹنگ کی گئی تھی لیکن اب ریلیز کیا جا رہا ہے شو متاثر نہ ہو اسلئے یہ دونوں اپنی طلاق کا اعلان نہیں کررہے.یاد رہے کہ حال ہی میں شعیب کے ایک دوست نے دعویٰ کیا کہ یہ جوڑا الگ ہو چکا ہے ان کی طلاق ہو چکی ہے اس سے زیادہ میں کچھ نہیں کہہ سکتا.

بونی کپور اور سری دیوی بالی وڈ کی سب سے زیادہ پسند کی جانے والی جوڑیوں میں سے ایک تھے۔ حال ہی میں ایک چیٹ شو کے دوران بونی نے اپنی اہلیہ کے انتقال کے بارے میں کھل کر بتایا کہ انہیں کن حالات سے گزرنا پڑا۔
انہوں نے کہا کہ سری دیوی بالی وڈ کی سب سے زیادہ پسند کی جانے والی اداکاراؤں میں سے ایک تھیں۔ اگرچہ وہ اب ہم میں نہیں ہیں لیکن مداح اب بھی انہیں یاد کرتے ہیں۔ بونی نے کہا کہ سری دیوی کے انتقال کے بعدہم سب کی زندگیوں میں بہت تبدیلی آئی ہے۔انہوں نے کہا کہ جب سری دیوی کا انتقال ہوا تو وہ بہت زیادہ دباؤ میں تھے۔انہوں نے یہ بھی یاد کیا کہ کس طرح سری دیوی نے انہیں سگریٹ نوشی چھوڑنے کے لیے کہا تھا۔ لیکن ایک وقت ایسا بھی آیا جب سری دیوی کی موت ہوئی تو انہیں لگا کہ وہ ایک بار

پھر سیگریٹ نوشی کی طرف مائل ہوجائیں گے . انہوں نے مزید کہا کہ جب اداکارہ کا انتقال ہوا تو وہ 3-4 دن دبئی میں تھے اور پریشانی اور اکیلے پن کے عالم میں ان کا دل کیا کہ وہ سیگریٹ نوشی شروع کر دیں لیکن انہوں نے سوچاکہ بیوی سے محبت کا تقاضا ہے کہ میں سیگریٹ نوشی نہ کروں. لہذا میں نے سگریٹ نوشی نہیں‌کی اور آج تک سگریٹ کو ہاتھ نہیں‌لگایا. بونی کپور نے انکشاف کیا کہ انہوں نے 2006 میں سگریٹ نوشی دوبارہ شروع کی تھی جب ان پر شدید مالی دباؤ تھا اور وہ لندن میں تھے۔ بونی نے کہا کہ 2016 میں ڈاکٹروں نے انہیں سگریٹ نوشی ترک کرنے کو کہا تھا اور اس وقت سری دیوی نے ان سے پوچھا کیا مجھ سے محبت نہیں‌کرتے ؟‌بس پھر اسکے بعد سگریٹ نوشی بالکل ترک کر دی.

کچھ سٹارز ایسے ہوتےہیں کہ ان کا سٹار ڈم کبھی بھی ختم نہیں‌ہو سکتا ، اور شاہ رخ خان کا شمار ایسے ہی اداکاروں میں ہوتا ہے. ان کو فلم انڈسٹری میں‌ تیس سال کا عرصہ بیت چکا ہے کہ لیکن آج بھی ان کے مداح ان کی ایک جھلک دیکھنے کے لئے بے تاب رہتے ہیں اور ان کی فلموں کی ریلیز کے منتظر رہتے ہیں. شاہ رخ خان کے مداحوں کی تعداد صرف ہندوستان تک محدود نہیں ہے بلکہ یہ پوری دنیا میں پھیلی ہوئی ہے۔ ویسے تو وہ کافی عرصے سے سلور اسکرین سے دور ہیں لیکن ان کی تین فلمیں پٹھان، ڈنکی اور جوان ریلیز کے لئے تیار ہیں.حال ہی میں شاہ رخ خان سے سوال ہوا کہ کافی برس کے بعد آپ کی ایک ہی سال میں تین فلمیں‌ریلیز ہو رہی ہیں تو کچھ نروس ہیں تو

انہوں نے جواب دیا کہ نہیں‌اور نہ ہی نروس ہونے کی ضرورت ہے کیونکہ میری جتنی بھی فلمیں ریلیز ہونے جا رہی ہیں یہ سب کی سب سپر ہٹ ہو نے جا رہی ہیں . انہوں نے کہا کہ میں اپنے مداحوں کے لئے ہی دن رات کام کرتا ہوں . میں کسی قسم کا کوئی غرور والا بیان نہٰں دے رہا لیکن میرا ماننا ہے کہ میں اپنے مداحوں کے مزاج کے مطابق فلمیں بناتا ہوں. اداکار نے کہا کہ وہ بچپن سے ہی خود پر اعتماد رکھتے تھے اور یہی اعتماد آج تک ساتھ ہے . یاد رہے کہ شاہ رخ خان کی اگلے برس تین فلمیں ریلیز ہونے جا رہی ہیں پٹھان، ڈنکی اور جوان.

نویا نویلی نندا اپنے پوڈ کاسٹ شو ”واٹ دی ہیل نویا” میں ایک اور ایپی سوڈ میں جیا بچن نے کیں کچھ اپنے دل کی باتیں . یہ وہ شو ہے جس میں جیا بچن اور ان کی بیٹی شویتا باقاعدگی سے نظر آتی ہیں . اس شو میں جیا اپنی ذاتی زندگی کے تجربات شیئر کرتی ہیں۔ اس بار انہوں نے ماہواری کے حوالے سے بات کی اور کہا کہ جب مجھے پیریڈز آتے تھے تو میرے لئے یہ عجیب اور شرمناک ہوتا تھا۔کیونکہ جب ہم باہر کام کرتے تھے، ہمارے پاس کوئی (وینٹی) وین نہیں تھی جھاڑیوں کے پیچھے جانا پڑتا تھا۔ یہاں تک کہ بیت الخلاء بھی نہیں تھے۔اس لئے یہ عجیب اور شرمناک محسوس ہوتا تھا۔ اس کے علاوہ پلاسٹک کے تھیلے ساتھ لے جانے پڑتے تھے .جیا بچن نے اپنی شوٹنگ کے دنوں کو یاد کرتے ہوئے اس حوالے سے بہت ساری باتیں مداحوں کے ساتھ شئیر کیں. یاد رہے کہ اسی

پوڈ کاسٹ شو میں جیا نے یہ بھی کہا تھا کہ اگر نویا شادی کے بغیر بھی بچہ پیدا کر لے تو انہیں کوئی اعتراض نہیں ہو گا . جیا بچن بہت جلد اداکارہ عالیہ بھٹ اور رنویر سنگھ کے ساتھ فلم راکی ​​اور رانی کی پریم کہانی میں نظر آئیں گی۔ شوٹنگ مکمل ہو چکی ہے۔ فلم میں دھرمیندر بھی ہیں۔ جیا اور دھرمیندر دونوں ایک ساتھ پہلے بھی کام کر چکے ہیں۔

آج یہ خبر گردش کرتی رہی کہ بالی وڈ اداکار شاہ رخ خان کو آج مبینہ طور پر کسٹم حکام نے ممبئی کے چھترپتی شیواجی مہاراج انٹرنیشنل ایئرپورٹ پر روکا، ان کے قبضے سے مہنگی گھڑیوں کے کور برآمد ہوئے.خبریں یہ بھی چلتی رہیں کہ شاہ رخ خان کے پاس 18 لاکھ روپے کی لگژری گھڑیوں کے کور تھے. تاہم تازہ ترین رپورٹس بتاتی ہیں کہ شاہ رخ خان کو ممبئی ایئرپورٹ پر کسٹم حکام نے نہیں روکا۔ ٹائمز آف انڈیا کی طرف سے شائع ہونے والی رپورٹس کے مطابق ممبئی ایئرپورٹ کے ایک سینئر کسٹم افسر نے ان افواہوں کو غلط قرار دیا۔ انہوں نے اس بات کی بھی تصدیق کی کہ شاہ رخ خان کو کسی قسم کا جرمانہ ادا کرنے کا نہیں کہا گیا ہم نے شاہ رخ خان اور ان کی ٹیم

سے صرف یہ کہا تھا کہ وہ جو سامان لے کر جا رہے ہیں اس کے لیے ڈیوٹی ادا کریں۔ یوں کسٹًم حکام کی جانب سے پھیلی خبروں کی تردید کے بعد افواہوں نے دم توڑ دیا ہے. یاد رہے کہ شاہ رخ خان کی فلم پٹھان جلد ہی ریلیز ہونے جا رہی ہے اس حوالے سے ان کا کہنا ہےکہ مجھے بہت یقین ہے کہ میں‌نے ایک اچھی چیزبنائی ہے جو کہ شائقین کو بے حد پسند آئیگی . میں نے اپنی پوری کوشش کی ہے باقی مداح ہی دیکھ کر بتائیں گے کہ فلم کیسی ہے.