Category: شوبز

فلم جوائے لینڈ جو ریلیز سے قبل رہی کافی چرچا میں ، اس فلم کو پاکستان کی طرف سے ٓآسکر کے لئے نامزد کر دیا گیا ہے اب دیکھنا یہ ہے کہ یہ فلم آسکر کے لئے منتخب ہوتی ہے یا نہیں ۔ تاہم شرمین عبید چنائے کا کہنا ہے کہ یہ فلم آسکر ضرور جیتے گی۔ انہوں نے کہا کہ جوائے لینڈ بہت اچھی فلم ہے اور اس کی کہانی ہماری سوسائٹی کے مسائل کو ڈسکس کرتی ہے۔ ہم کب تک اپنے مسائل کوکمروں میں بند کرکے رکھیں گے۔ ہم کیوں ان کو نظر انداز کرنا چاہتے ہیں۔ ہماری سوسائٹی کے جو مسائل ہیں ان پر اگر ہم فلم کی کہانی کی صورت میں بات کرتے ہیں تو اس میں برا کیا ہے؟ کیوں ہم آنکھیں بند کر نا چاہتے ہیں؟ شرمین عبید چنائے نے کہا کہ مجھے بہت امید ہے کہ ہماری فلم نہ صرف آسکر کے لئے منتخب ہو

گی بلکہ ایوارڈ بھی حاصل کرے گی اس فلم کی کہانی سوئے ہوئے ضمیروں کو جگاتی ہے۔ یاد رہے کہ شرمین عبید چنائے پاکستان میں اس جیوری کی سربراہ ہیں جو پاکستانی فلموں کی آسکر کے لئے نامزدگی کا فیصلہ کرتی ہیں۔ جوائے لینڈ کو ڈائریکٹر صائم صادق نے ڈائریکٹ کیا ہے جبکہ پرڈیوس سرمد سلطان کھوسٹ نے کیا ہے۔ فلم کی کہانی ایک ٹرانسجینڈر کے گرد گھومتی ہے پاکستان میں اس قسم کی فلم پہلے کبھی نہیں بنی۔

اداکارہ حرامانی جو سوشل میڈیا پرکافی متحرک رہتی ہیں کوئی دن کوئی لمحہ ایسا نہیں جاتا کہ وہ اپنی تصویر یا وڈیو اپلوڈ نہ کریں. حرامانی نے حال ہی میں ایک وڈیو اپلوڈ‌کی ہے جس میں وہ یوگو کرتی ہوئی دکھائی دے رہی ہیں. وڈیو جیسے ہی حرامانی نے انسٹاگرام پر اپلوڈ کی تو سوشل میڈیا صارفین نے طرح طرح‌کے تبصرے کرنا شروع کر دئیے. کسی صارف نے کہا کہ کرینہ کپور کی نقل کررہی ہیں. تو کسی صارف نے کہا کہ کرینہ کی طرح یوگا کرنے کی وڈیو تو اپلوڈ کردی لیکن آپ نے میٹ کی بجائے چادر بچھائی ہوئی ہے. یوگا کرنے کےلئے ڈریسنگ تو ویسی کرلی لیکن میٹ کی بجائے چادر بچھا لی. یوں حرامانی آئیں تنقید کی زد میں . کسی سوشل میڈیا صارف نے تو یہاں

تک لکھ دیا کہ بیچاری ایک عرصے سے کوشش کررہی ہے وڈیوزاپلوڈ کررہی ہے لیکن انڈیا سے کال نہیں آرہی ، یہ زیادتی ہے کال تو ضرور آںی چاہیے. یہ پہلا موقع نہیں ہے جب حرامانی پر تنقید ہوئی ہے اس سے پہلے بھی ان کی وڈیوز اور تصاویر پر تنقید ہوتی رہتی ہے. لیکن حرامانی ایسی تنقید کو شاید کچھ نہیں‌سمجھتیں‌ نہیں گھبراتی ہیں . یاد رہےکہ حراما نی کہتی ہیں‌کہ ان کو انڈیا سے فلم کی آفر ہوچکی ہے جسے انہوں نے ٹھکرا دیا .

گلوکار علی ظفر جنہوں نے حال ہی میں لکس سٹائل ایوارڈ میں گل پانٹرا کے ساتھ ایک خوبصورت پرفارمنس دی ہےانہوں نے گزشتہ روز ٹویٹر پر اپنے اور اپنی اہلیہ کے اغواء کی کہانی بیان کرتے ہوئے ملک کے نظام انصاف پر شدید افسوس کا اظہار کیا . انہوں نے لکھاکہ 2009 میں میرا اور میری اہلیہ کا اغواء کیا گیا تھا اور اغواء کار مسلسل تین گھنٹے تک ہمیں‌مختلف جگہوں پر لیجاتا رہا اس کے بعد اس نے ہمیں تاوان لیکر رہا کیا تھا. ہم اس واقعہ کے بعد کافی ڈر گئے تھے پبلکلی تو اس پر بات نہیں کی تھی ہم نے کبھی نہ ابھی بھی کرتے ہیں لیکن اتنے سال گزرنے کے بعد بھی ہمیں انصاف نہیں ملا. ہم نے قانونی راستہ اختیار کیا تھا ہمیں یقین تھا کہ انصاف ملے گا لیکن تاحال ایسا نہیں‌ہو سکا. علی ظفر نے لکھا کہ میں

حیران ہوں کہ میں مشہور شخصیت ہوں اگر مجھے انصاف نہیں‌مل رہا تو باقیوں کے ساتھ کیا ہوتا ہوگا. علی ظفر نے کہا کہ میں‌پہلی بار اس واقعہ کے بارے میں‌بات کرر رہاہوں مجھے اور میری اہلیہ کو شدید صدمہ ہے کہ ہمیں آج تک انصاف نہیں‌ملا اور نہ ہی ہمیں ہمارے حق میں ثبوت پیش کرنے کی اجازت دی گئی آخر کیوں؟‌علی ظفر نے کہا کہ ملک میں انصاف کی راہ میں‌بےشمار رکاوٹیں ہیں جن کی وجہ سے ہم جیسے لوگ بیٹھے رہتے ہیں اور انتظار کرتے رہتے ہیں کہ شاید شنوائی ہوجائے.

رندیپ ہودا بالی وڈ کے وہ اداکار ہیں جو سشمتیا سین کے ساتھ دوستی کی وجہ سے کافی چرچا میں رہے ہیں انہوں نے کم مگر معیاری کام کیا ہے رندیپ اب اداکاری کے ساتھ ساتھ ڈائریکشن کی دنیا میں بھی قدم رکھ رہے ہیں. رندیپ نے اپنی اگلی فلم کے لئے اپنے وزن میں 18 کلو تک کمی کر لی ہے اور وہ اس فلم میں سیاستدان دامودار ساورکر کا کردار ادا کر رہے ہیں . اس حوالے سے رندیپ کا کہنا ہےکہ میں اپنے ہر کردار کے ساتھ انصاف کرتا ہوں اور اس کو نبھانے کےلئے جو کرنا پڑے کرتا ہوں. دامو دار ساور کا کردار کرنے کےلئے مجھے لگا کہ مجھے 18 کلو وزن کم کرنا چاہیے سو میں نے کر لیا . اس فلم کی ڈائریکشن رندیپ ہودا خود کررہے ہیں اور ان کی

ڈائریکشن میں بننے والی یہ پہلی فلم ہے. رندیپ کا کہنا ہےکہ وہ اس پراجیکٹ کو لیکر کافی ایکسائیٹیڈ ہیں اور انہیں بہت امید ہے کہ ان کی فلم کو پسند کیا جائے گا . رندیپ نے کہا کہ میرا شروع سے ہی ایک اصول رہا ہے کہ کم مگر معیاری کام کیا جائے. فلم کی شوٹنگ مختلف جگہوں پر کی جا رہی ہے میرے ساتھ ساری ٹیم کافی ذمہ داری کے ساتھ کام کررہی ہے. یاد رہے کہ اس پراجیکٹ کے بارے میں ابھی مزید تفصیلات رندیپ نے شئیر نہیں کیں.

صدیوں کے فنکار کہلائے جانے والے دلیپ کمار کی تین فلمیں آن ، شکتی اور دیواس ایک بار پھر سینما گھروں میں ریلیز کرنے کا پلان بنایا گیا ہے اور یہ فلمیں دلیپ کمار کی سالگرہ کے موقع پر ان کو خراج عقیدت پیش کرنے کےلئے ریلیز کی جائیں گی. دلیپ کمار کی 100 ویں سالگرہ کے موقع پر ایک پر ایک شاندار فلم فیسٹیول کا انعقاد کیا جا رہا ہے. اس فیسیٹیول کا نام دلیپ کمار رکھا گیا ہے، دلیپ کمار ہیروز کا ہیرو کے عنوان سے دلیپ کمار فلم فیسٹیول 10 اور 11 دسمبر کو منعقد کیا جائے گا۔دلیپ کمار کی آن ،شکتی اور دیوداس ایسی فلمیں جن کو آج کی نوجوان نسل یقینا

دیکھنا چاہے گی اسی لئے ان فلموں کو ریلیز کیا جا رہا ہے تاکہ وہ دیکھیں کہ دلیپ کمار کتنے بڑے آرٹسٹ تھے .
دلیپ کمار نے سنجیدہ اور کامیڈی دونوں طرح کے کردار ادا کئے اور شائقین سے داد سمیٹی. انہوں نے کم مگر معیاری کام کیا . دلیپ کمار اپنی زندگی میں سکینڈلز کی زد میں بھی رہے تاہم انہوں نے شادی سائرہ بانو سے کی اور مرتے دم تک ان کی شادی سائرہ بانو سے قائم رہی . سائرہ بانو ان کی وفات کے بعد کافی کم گو ہو گئی ہیں وہ نہ کسی سے ملتی ہیں اور نہ ہی کسی سے زیادہ بات چیت کرتی ہیں.

‌بگ‌باس‌ بھارت‌ کا‌ ایسا‌رئیلٹی شو ہے جس میں جانا ہر کسی کا خواب ہوتا ہے خصوصی طور پر ان لوگوں کا جو مشہور ہونا چاہتے ہیں یا پیسہ کمانا چاہتے ہیں اس پلیٹ فارم پر آج تک جو بھی آیا ہے اس نے نہایت شہرت کمائی. اس بار بگ باس 16 میں آئے ہیں ساجد خان، ساجد خان بھارت کے معروف فلم میکر ہیں . انہوں نے بڑی سٹار کاسٹ کے ساتھ بڑی فلمیں بنائیں ہیں . وہ معروف کوریوگرافر اور ڈائریکٹر فرح خان کے بھائی بھی ہیں. تمام بالی وڈ سٹارز ان کے دوست ہیں. ساجد خان پچھلے چار سال سے کام نہیں‌کررہے کیونکہ ان پر جنسی ہراسانی کے الزامات لگے ہیں

ان کے خلاف مقدمے میں بھی درج ہو چکے ہیں. ساجد خان کے بارے میں‌کہا جا رہا ہے کہ انکی سالانہ انکم چالیس کروڑ ہے. یہ بھیکہا جا رہا ہے کہ جنسی ہراسانی کے الزامات کے بعد ان کے ہاتھ سے بڑے بڑے پراجیکٹس نکل گئے وہ چار سال سے گھر بیٹھے ہوئے ہیں اس کے باوجود ان کی سالانکہ انکم میں کمی نہیں آئی. ساجد خان ایک زبردست لائف سٹائل رکھتے ہیں ، اور ان کے پاس مہنگی ترین گاڑیاں بھی ہیں. ساجد خان بگ باس 16 کو جیتنے کی بھرپور کوشش کررہے ہیں. دوری طرف یہ بھی مطالبہ کیا جا رہا ہے کہ ساجد خان کو بگ باس سے نکالا جائے کیونکہ ان پر جنسی ہراسانی کے الزامات ہیں .

سلمان خان کے بھائی ارباز خان جنہوں نے فلموں میں‌کام تو ضرور کیا لیکن کوئی خاص نام نہ بنا سکے لیکن اپنی ذاتی زندگی کو لیکر وہ ہمیشہ ہی چرچا میں رہے ہیں. ان کی طلاق ملائکہ اروڑہ سے 2017 میں ہوئی تھی، اس کے بعد ان کی ملاقات جارجیا سے ہوئی چار سال سے ارباز خان ان کو ڈیٹ کررہے ہیں، دونوں اپنی دوستی کی وجہ سے کافی خبروں میں رہتے ہیں. ویسے تو ارباز اور ملائکہ اکثر اپنے بیٹے کی وجہ سے اکٹھے دکھائی دیتے ہیں. اب اطلاعات ہیں‌کہ ارباز خان کی گرل فریںڈ جارجیا ہیں‌‌‌‌ملائکہ‌اروڑہ کی دیوانی . انہوں نے کہا ہےکہ وہ ملائکہ اروڑہ

سے کافی بار مل چکی ہیں اور ان سے کافی متاثر بھی ہیں. جارجیا کہتی ہیں کہ ملائکہ بہت سارے لوگوں کے لئے انسپریشن اس لئے ہیں کیونکہ انہوں نے صفر سے کیرئیر شروع کیا ور بہت محنت کرکے ایک خاص مقام حاصل کیا آج وہ جس مقام پر ہیں وہ انہوں نے یقینا کافی محنت کے ساتھ حاصل کیا ہے. یاد رہے کہ ارباز خان اور جارجیا ایک دوسرے کو ڈیٹ کررہے ہیں ان کی شادی کی خبریں بھی آرہی ہیں لیکن ان دونوں‌کی طرف سے اس طرح کی کوئی بات سامنے نہیں آئی کہ جس سے لگے کہ دونوں شادی کرنے والے ہیں.

پاکستانی گلوکارہ نازیہ حسن 80 کی دہائی کی وہ پاکستانی پاپ گلوکارہ تھیں جنہوں نے پاکستان کے ساتھ ساتھ بالی وڈ میں بھی اپنی آواز کا جادو جگایا. اسی کی دہائی میں بالی وڈ کی معروف اداکارائوں پر نازیہ حسن کے گانے فلمائے گئے. زینت امان پر ان کا ایک گانا فلمایا گیا گانے کے بول تھے آپ جیسا کوئی میری زندگی میں آئے بات بن بن جائے . یہ گانا آج بھی مقبول ہے. حال ہی میں اس گانے کو ملائکہ اروڑہ پر فلمایا گیا ہے. تفصیلات کے مطابق حال ہی میں اداکار آیوشمان کھرانہ کی فلم این ایکشن ہیرو کے لیے موسیقار تنیشک باغچی نے اس گانے کو نئے انداز

میں دوبارہ ترتیب دیا ہے۔ تنیشک باغچی کی جانب سے دوبارہ ترتیب کیے گئے اس گانے کو گلوکارہ زاہرہ ایس خان اور گلوکار التمش فریدی کی آواز میں ریکارڈ کیا گیا ہے جبکہ اسے ملائکہ اروڑہ اور آیوشمان کھرانہ پر فلمایا گیا ہے. ملائکہ اروڑہ نے یقینا گانے میں اچھا رقص کیا ہو گا. اس گانے کی مقبولیت کی وجہ سے آج بھی اسے فلموں میں شامل کیا جا رہا ہے. یاد رہے کہ ملائکہ اروڑہ آئٹیم نمبرز کے لئے مشہور ہیں ان پر آج تک جب کبھی بھی آئٹم سانگ فلمایا گیا ہے وہ سپر ہٹ ہی ہو ا ہے.