Category: شوبز

شاہ رخ خان بالی وڈ میں سب سے زیادہ پسند کیے جانے والے اداکاروں میں سے ایک ہیں۔ وہ اپنے مداحوں اور بالی ووڈ کے ساتھیوں میں بھی کافی مقبول ہیں۔ ان کی فلموں کے علاوہ بہت سی چیزیں ہیں جو کافی مشہور ہیں ان میں سے ایک ان کا خوبصورت گھر منت اور ان میں ہونے والی پارٹیاں ہیں۔ منّت میں پارٹیوں کا چرچا رہتا ہے۔ حال ہی میں، رتیش دیش مکھ نے ایک انٹرویو میں منت میں ہونے والی پارٹیوں کے بارے میں کھل کر بات کی ہے اور بتایا ہے کہ تواتر سے منت میں پارٹیاں رکھی جاتی ہیں جو کہ اچھی بات ہے سب کو ایک دوسرے کے ساتھ مل بیٹھنے کا

موقع میسر آتا ہے ،اہم بات یہ ہے کہ جب بھی منت میں پارٹی رکھی جاتی ہے اس میں کھانا صبح تین بجے ہوتا ہے. اس کے علاوہ جب پارٹی سے لوگ اپنے گھروں کو جانے کے لئے نکلتے ہیں تو شاہ رخ خان ان کے ساتھ انکی گاڑی تک انہیں چھوڑنے جاتے ہیں اور ان کی گاڑی کا دروازہ خود کھولتے ہیں. رتیش نے تو ابھی یہ بات کی ہے ان سے قبل شاہ رخ خان کی اہلیہ بھی اس بات کا زکر کر چکی ہیں اور بتا چکی ہیں کہ وہ ان کی اس عادت سے کافی تنگ ہیں . یاد رہے کہ رتیشن دیش مکھ اور شاہ رخ خان ایک دوسرے کے ساتھ Hey Baby
کے ایک گانے میں نظر آچکے ہیں ان دونوں نے باقاعدہ ابھی تک کوئی فلم ایک ساتھ نہیں کی .

مولا جٹ جیسی فلم کے تخلیق کار محمد سرور بھٹی کہتے ہیں کہ فلم انڈسٹری کو لچر اور گھٹیا فلموں نے تباہ کیا۔جب فلم کے نام پر کاروبار ہونا شروع کیا گیابس تبہی سے فلم انڈسٹری کی تباہی کا آغاز ہو گیا۔ محمد سرور بھٹی نے مزید کہا کہ آج اگر دا لیجنڈ آف مولا جٹ کی ایڈوانس بکنگ کامیابی سے جا رہی ہے تو یہ میری مولا جٹ کی بدولت ہے، نئی مولا جٹ کو تو ابھی لوگوں نے دیکھ کر فیصلہ کرنا ہے کہ وہ کیسی ہے۔ میں یہ نہیں کہتا کہ مجھے ان سے کوئی مسئلہ ہے لیکن ان سب کو ابھی کام سیکھنے کی ضرورت ہے جو فلم بنائی گئی ہے مجھے اس سے خاص امیدیں وابستہ نہیں

ہیں لیکن پھر بھی میں دعا کرتا ہوں کہ یہ جو کوشش کی گئی ہے اسکو کامیابی ملے۔ سرور بھٹی نے یہ بھی کہا کہ میں بہت جلد فلم بناﺅں گا میری فلم کا سکرپٹ تیار ہے بس جلد میں اس پر کام شروع کر دوں گا۔ میں فلم انڈسٹری کو بچانا چاہتا ہوں او ر میری فلموں نے فلم انڈسٹری کو بہت سہارا دیا۔سرور بھٹی نے مزید کہا کہ سید نور اور سنگیتا و دیگر نے اچھی فلمیں بنائیں لیکن جدید وقت کے تقاضوں کے مطابق خود کو اپڈیٹ نہیں کیا .

اداکار حمزہ علی عباسی کا کہنا ہے کہ میرے لئے وہ لمحات مایوس کن ہیں جو اللہ کے قریب نہ گزریں۔ میں فلموں میں کام کرنے کو برا نہیں سمجھتا لیکن اللہ نے جو دائرہ متعین کر دیا ہے اس سے باہر نکل کر کاکم کرنے کو برا سمجھتا ہوں۔ میں نے کبھی فلم انڈسٹری نہیں چھوڑی نہ چھوڑوں گا لیکن جب اچھا اور میری مرضی کا کام ملے گا کروں گا لیکن حدود کے اندر رہ کر۔ حمزہ علی عباسی نے کہا کہ میں اختلاف رائے کو بہت زیادہ پسند کرتا ہوں۔لیکن گالی گلوچ مجھے بالکل بھی پسند نہیں ہے میں اس بات کا قائل ہوں کہ کسی کی بھی سنیں اپنی بھی سنائیں لیکن گالی

گلوچ نہ کریں اور صرف نظریات کے اختلاف کی بنیاد پر کسی کو برا بھلا کہنے کا رواج ختم ہونا چاہیے۔ میری فلم دا لیجنڈ ٓف مولا جٹ لوگوں کو بہت پسند آئیگی ہم سب پر امید ہیں ہم نے جو کرنا تھا کر لیا اب ہمیں شائقین کے ریسپانس کا انتظار ہے. یاد رہے کہ حمزہ علی عباسی کی فلم دا لیجنڈ آف مولا جٹ 13 اکتوبر کو ریلیز ہونے جا رہی ہے . اس ھوالے سے آج کل فلم کی پرموشنز جاری ہیں .فلم کی پوری ٹیم فلم کی کامیابی کے لئے پرامید ہے.شائقین حمزہ اور فواد کی جوڑی دیکھنے کےلئے بےتاب ہیں.

پاپ گلوکار اور اداکارہ حدیقہ کیانی جو کہ مسلسل سیلاب زدگان کے لئے کام کررہی ہوں انہوں نے کہا ہے کہ ملکی حالات خراب ہیں سیلاب کی وجہ سے بڑے پیمانے پر تباہی نے سب کو پریشان کررکھا ہے لیکن اس کا مطلب یہ نہیں ہے کہ آپ دوسروں پر اپنا غصہ نکالیں۔ یہ وقت ایک دوسرے پر غصہ نکالنے کا نہیں ہے بلکہ ایک دوسرے کی مدد کرنے کا ہے۔ سیلاب زدگان کی مددکرنے کا ہے۔حدیقہ کیانی کو حال ہی میں کینڈا میں منعقد ہونے والے ایوارڈ میں بیسٹ سینسیشن ایوارڈ دیا گیا ، حدیقہ کیانی نے اس ایوارڈ کا ایک کلپ شئیر کرتے ہوئے لکھاکہ میں خود کو اس ایوارڈ کے

قابل نہیں سمجھتی۔ یاد رہے کہ اس بار ہونے والے ہم ایوارڈ پربہت تنقید کی گئی اور تنقید کی بنیادی وجہ اس بار سیلاب تھا ، ناقدین کا کہنا تھا کہ سیلاب کی وجہ سے اس تقریب کو کینسل کر دیا جانا چاہیے تھا، بہت ساری سلیبرٹیز کو تنقید کا شدید نشانہ بنایا گیا. دوسری طرف جو سیلبرٹیز سیلاب زدگان کے لئے کام کررہی ہیں ان کا تو نام بھی نہیں لیا جا رہا ہے. حدیقہ کیانی سیلاب زدگان کی ہر ممکن مدد کررہی ہیں اور اب انہوں نے سیلاب سے متاثرہ تین گاﺅں کی بحالی کا کام اپنے ذمہ لے لیا ہے جس کے لئے وہ دن رات کام کررہی ہیں ۔

معروف مصنف ناصر ادیب جن کے آجکل بہت چرچے ہیں ان کہنا ہےکہ مجھ پر یہ الزام بالکل غلط ہے کہ میں نے فلم انڈسٹری کو تباہ کیا. میں نے تو بلکہ فلم انڈسٹری کو بچایا. میں فلم انڈسٹری کی بقا کےلئے کام کرتا رہا جو لوگ انڈسٹری کو چھوڑ کر چلے گئے وہ کس منہ سے فلم انڈسٹری کی بات کرتے ہیں. میری بے شمار ہٹ فلمیں ہیں اور تمام تقریبا پنجابی ہیں اگر میں پنجابی میں لکھ رہا تھا تو اردو فلمیں لکھنے اور بنانے والے کیوں بھاگے؟ میں نے کسی کے ہاتھ نہیں پکڑے تھے کہ وہ فلمیں ہی نہ بنائیں کیوں انہوں نے میدان میں میرا مقابلہ نہیں کیا جب میں پنجابی

لکھ رہا تھا تو یہ لوگ اردو لکھ لیتے، مقابلہ تو کرتے مقابلہ کسی نے کیا ہی نہیں اور آج مجھ پہ الزام لگایا جاتا کہ میں نے فلم انڈسٹری تباہ کی. ناصر ادیب نے یہ بھی کہا کہ میری لکھی ہوئی مولا جٹ آج بھی مقبول ہے کہ نوجوان نسل نہ صرف اس کو دیکھنا چاہتی ہے بلکہ اس فلم کے کرداروں پر فلمیں بن رہی ہیں اور یہ میرے لئے فخر کی بات ہے. ناصر ادیب نے کہا کہ وقت کے ساتھ خود کو ڈھالنا چاہیے جن لوگوں‌ نے وقت کے ساتھ خود کو نہیں ڈھالا وہ آج خسارے میں ہیں.

پوری دنیا میں رئیلٹی شوز ہوتے ہیں لیکن پاکستان میں‌تماشا گھر پہلا رئیلٹی شو ہے جو اے آر وائی پر چلا . یہ شو چالیس دن تک چلا اس میں شوبز کی نامور شخصیات نے حصہ لیا. عادی عدیل بھی ان میں سے ایک تھے. ان کو ان کے مداح بہت پسند کرتے ہیں اور تماشا گھر میں انکے لئے باہر کافی سپورٹ تھی لیکن یہ شو جیت نہ سکے. حال ہی میں عادی عدیل نے ایک وڈیو پیغام جاری کیا ہے اور اپنے مداحوں کا شکریہ ادا کیا ہے . عادی عدیل نے کہا کہ میرا ان باکس دعائوں سے بھرا پڑا ہے میں سب کا بہت شکر گزار ہوں اور مجھے خوشی ہے کہ زیادہ تر لوگوں‌نے مجھے یہی کہا ہے کہ آپ جیتو یا ہارو ہمیں اس سے بالکل بھی فرق نہیں پڑتا. کیونکہ ہم آپ سے پیار کرتے ہیں. عادی عدیل

نے کہا کہ میں‌بہت معذرت کرتا ہوں کہ شو سے نکلنے کے فوری بعد میں آپ لوگوں کا شکریہ ادا نہیں کر سکا. دراصل میری کچھ طبیعت ٹھیک نہیں تھی اور کچھ کام نمٹانے تھے اسلئے شکریہ ادا کرنے میں زرا تاخیر ہو گئی. عادی عدیل نے کہا کہ میں جانتا تو تھا کہ آپ لوگ مجھ سے پیار کرتے ہیں لیکن اس بار پیار کا لیول اتنا بڑھا ہے کہ مجھے فخر محسوس ہورہا ہے آپ لوگوں نے دل کھول کر مجھے محبت دی ہے. بس یونہی مجھے پیار دیتے رہیے میں آپ کو اینٹرٹین کرتا رہوں گا.

جب سے پاکستان کو سیلاب نے گھیرا ہے تب سے بہت سارے لوگ اپنے اپنے طور پر سیلاب زدگان کی مدد کررہے ہیں. ایسی مدد کررہا ہے انڈس ہسپتال بھی. اس ہسپتال کے پلیٹ فارم سے حرا اور مانی آج کل ہیں امریکہ کے دورے پر. دونوں امریکہ میں سیلاب زدگان کے لئے فنڈز اکٹھے کررہے ہیں. حرااور مانی ابھی تک امریکہ کی کافی ریاستوں میں‌جا چکے ہیں اور ہر جگہ سے ان کو خاصا اچھا ریسپانس ملا ہے. حال ہی میں ان دونوں نے ایک وڈیو جاری کی ہے اس میں دیکھا جا سکتا ہے کہ دونوں کولمبس کے ایشینز لوگوں میں موجود ہیں اور حرا اور مانی نے وہاں کے لوگوں‌ کا شکریہ ادا کیا اور کہا کہ اب ہم نیو جرسی میں جائیں گے اور وہاں پر لوگوں سے ملیں گے مجھے امید ہے کہ جس

طرح سے ہمیں کولمبس سے پیار ملا ہے اسی طرح سے نیوجرسی سے بھی ملے گا. مانی نے اس وڈیو میں کہا کہ ہم اگلے جمعے کو نیو جرسی آرہے ہیں سب ریڈی رہیں. یوں حرااور مانی مسلسل سیلاب زدگان کے لئے فنڈز جمع کرنے کی مہم میں لگے ہوئے ہیں اور ان کی یہ کوشش جو کہ انڈس ہسپتال کے پلیٹ فارم سے ہو رہی ہے یقینا قابل ستائش ہے. حرا اور مانی امریکہ میں فنڈز اکٹھے کررہے ہیں جبکہ حدیقہ کیانی تو باقاعدہ سیلاب زدگان کے گھر بنانے کی تیاری کررہی ہیں .

اداکارہ حبا بخاری نے حال ہی میں ایک انٹرویو دیا ہے جس میں انہوں نے بتایا ہے کہ جب ان کے پاس ” ہمنشین” پراجیکٹ آیا تو کہانی سن کر وہ بہت زیادہ خوش ہوئیں اور پرجوش تھیں کہ شوٹنگ شروع ہو. انہوں نے کہا کہ بہت کم ایسا ہوتا ہے کہ آپ کے پاس ایسے پراجیکٹس آئیں جیسا کہ ہمنشین تھا. اس میں مجھے الگ انداز اپنانا تھا بولنے کا میں‌نے ہاں تو کردی لیکن جب شوٹنگ شروع ہوئی تو میں بہت زیادہ نروس تھی مجھے بولنے میں دقت پیش آرہی تھی . کسی کو یہ نہیں پتہ کہ میں شوٹنگ کے پہلے دو تین دن تو اپنے شوہر کو کالز کرکے کہتی رہی کہ میں یہ پراجیکٹ نہیں‌کر سکوں گی اسی طرح سے میں امی کے گھر جا کر بھی یہی کہتی تھی کہ میں یہ نہیں‌کر سکوں گی لیکن میرا شوہر اور میری امی مجھے حوصلہ دیتے تھے. حبا بخاری نے کہا کہ خجستہ کا کردار یقینا ایک رسک تھا جو میں

نے لیا کیونکہ اس میں مجھے روٹین سے ہٹ کر بولنا تھا ایسی زبان اور لہجہ اپنانا تھا جو روٹین میں نے کبھی نہیں اپنایا . میں نے اس کردار کی تیاری کے لئے اپنے ڈرائیور سے شروعات کی میں‌اسکو پوچھتی تھی کہ پٹھان بھائی سے اگر چائے لینی ہے تو کیسے کہوں وہ مجھے بتاتا تھا کہ ایسے کہو تو میں پریکٹس کرتی رہتی تھی. ایک وقت ایسا آیا کہ سب نے میری تعریف کی اور کاسٹ میں باقی لوگ کہنے لگے کہ ہمیں بھی اب اپنے بولنے کا انداز بہتر کرنا ہوگا.

اداکار اور اقراء عزیز کے شوہر یاسر حسین اکثر سوشل میڈیا پر ایسی پوسٹیں کرتے رہتے ہیں کہ جن کو پڑھ کر بے اختیار ہنسی آجاتی ہے. یاسر حسین اکثر اپنے ناقدین کو بھی جواب دیتے رہتے ہیں اور جواب بھی ایسا دیتے ہیں کہ یہ گِھر جاتے ہیں کنٹرورسی میں. ھال ہی میں یاسر حسین نے اپنے انسٹاگرام اکائونٹ سے ایک پوسٹ جاری کی پوسٹ میں انہوں نے ایک تصویر لگائی اور تصویر میں‌یاسر حسین اپنی اہلیہ اقراء عزیز کو اٹھائے ہوئے ہیں اور انہوں نے

اس کا کیپشن لکھا کہ ” بے بی کہتا ہوں تو سچ میں خود کو بے بی سمجھ لیا ، گھر پہ کبیر اور یہاں یہ ” اور ساتھ ہی انہوں نے دل والا ایموجی بھی بنایا. یاسر حسین کی اس پوسٹ اور اس کیپشن کو بہت زیادہ سراہا جا رہا ہے . سوشل میڈیا صارفین طرح طرح کے دلچپسپ تبصرے کررہے ہیں. یاد رہے کہ اقراء حسین یاسر حسین کی نسبت زرا سوشل میڈیا سے دور ہی رہتی ہیں لیکن یاسر حسین تو سوشل میڈیا کا ریگولر استعمال کرتے ہیں. حال ہی میں یاسر حسین نے کینڈا میں ہم ایوارڈز کی ہوسٹنگ کی اس پہ بھی ان کو سوشل میڈیا صارفین نے آڑھے ہاتھوں لیا جس پر یاسر حسین کو کہنا پڑا کہ جیسے تو اور ہر کوئی کام کرتا ہے ویسے ہی میں بھی کام کرتا ہوں ابے اپنے کام سے کام رکھ نا.