Category: شوبز

بالی وڈ کی معروف رقاصہ و ماڈل ملائکہ اروڑہ خاصی مقبول ہیں اپنے فیشن سٹائل اور رقص کی وجہ سے. انہوں نے 1998 میں سلمان خان کے بھائی ارباز خان کے ساتھ شادی کی، اور ارباز خان کے ساتھ ان کی محبت کی شادی تھی یہ شادی 19 سال کے بعد اپنے اختتام کو پہنچ گئی لیکن ملائکہ اروڑہ اس پر ہیں کافی خوش . ان کا کہنا ہے کہ مجھے خوشی ہے کہ میں اپنے لئے کھڑی ہوئی اور میں نے وہ فیصلہ کیا جو میرا دل چاہتا ہے میں کسی دبائو میں نہیں آئی. عورت کو وہ فیصلہ کرنا چاہیے جو اس کا دل کہتا ہے گھٹ گھٹ کرنہیں رہنا چاہیے. ملائکہ اروڑہ نے

مزید یہ بھی کہا کہ میرے بیٹے کے مجھ سے بہت اچھے تعلقات ہیں اور اب تو میرے تعلقات میرے سابق شوہر کے ساتھ بھی اچھے ہیں اور ہم پہلے سے زیادہ ایک دوسرے کو عزت دیتے ہیں اور سمجھتے ہیں. ملائکہ اروڑہ نے کہا کہ ایسے رشتے میں‌کبھی نہیں رہنا چاہیے کہ جس پہ آپ کا دل نہ مانے مجھے جب لگا کہ مجھے ارباز سے الگ ہوجانا چاہیے میں ہو گئی اور میں نے دنیا کی پرواہ نہیں کی . یاد رہے کہ ملائکہ اورڑہ نے نوے کی دہائی میں شاہ رخ خان کے ساتھ گانا چھئیاں چھئیاں‌پر ڈانس کیا جو آج تک مقبول ہے اسکے علاوہ ان کے کئی پاپ گانے مشہور ہیں جن پر انہوں نے ڈانس کیا جن میں گڑ نالوں عشق مٹھا قابل زکر ہے.

بالی وڈ اداکارہ پریانکا پڑا جو کہ سوشل میڈیا پر کافی متحرک رہتی ہیں ان کی اور امریکی نائب صدر کملا ہیرس کی گفتگو سوشل میڈیا پر کافی وائرل ہو رہی ہے ۔ اداکارہ نے خود اپنے انسٹاگرام اکاﺅنٹ سے تصویریں اور وڈیو پوسٹ کی۔ اداکارہ نے لکھا کہ خواتین کو ہمیشہ سے ہی دبایا جاتا رہا ہے انکی صلاحیتوں کو شک کی نظر سے دیکھا جاتا رہا ہے لیکن خواتین اب ایک اچھے مقام پر ہیں ، اگر مل کر کا م کیا جائے تو غلطیوں کو درست کیا جاسکتا ہے۔ پریانکا چوپڑہ نے تصاویر اور وڈیو کے کیپشن میں یہ بھی لکھا کہ میں نے امریکی نائب صدر کملا ہیرس کو بتایا کہ میرے شوہر امریکہ میں ووٹ ڈال سکتے ہیں

میری بیٹی بھی امریکہ میں ووٹ ڈال سکتی ہے لیکن میں امریکہ میں ووٹ نہیں ڈالتی۔ پریانکا چوپڑا اور امریکی نائب صدر کی گفتگو اور ان کی ملاقات پر سوشل میڈیا مثبت انداز میں تبصرے کیے جا رہے ہیں۔ یاد رہے کہ پریانکا چوپڑہ ہالی وڈ کی فلموں میں بھی کام کر چکی ہیں اور انہیں ہالی وڈ میں خاصی پذیرائی بھی ملی پریانکا اداکاری کے ساتھ گاتی بھی ہیں۔ پریانکا نے انگلش زبان میں گیت گائے ہیں ان کے کریڈٹ پر بالی وڈ کی سپرہٹ‌ فلمیں ہیں . پریانکا چوپڑا نیگیٹیو کردار بھی ادا کر چکی ہیں .

منی بیک گارنٹی جس کا حال ہی میں دوسرا ٹیزر جاری کیا گیا ہے اس ٹیزر میں فواد خان اور وسیم اکرم کی پہلی جھلک بھی دکھائی دی ہے ، شائقین دونوں کی پہلی جھلک دیکھ کر کافی پر جوش ہیں اور اس ٹیزر کو کافی پسند کیا جا رہا ہے. اس فلم کے پہلے ٹیزر میں کسی بھی آرٹسٹ کی جھلک نہیں دکھائی گئی تھی لیکن دوسرے ٹیزر نے پہلے ٹیزر سے بھی زیادہ دھوم مچا دی ہے. شائقین بے چینی سے اب اس فلم کی ریلیز کا انتظارکررہے ہیں. وسیم اکرم اور ان کی اہلیہ شنیرا اکرم پہلی بار کسی پاکستانی فلم میں‌جلوہ گر ہورہے ہیں اس لئے کرکٹ کے شائقین بھی اس فلم کو

دیکھنے کےلئے بےتاب ہیں. فلم میں فواد خان ، وسیم اکرم ، شنیرا اکرم کے علاوہ عائشہ عمر ، فیصل قریشی ، میکال ذوالفقار ، ریمبو ، گوہر رشید ، کرن ملک ، شفاعت علی ، شایان خان و دیگر شامل ہیں . فلم کی ڈائریکشن فیصل قریشی کی ہے اور اسے اگلے برس ریلیز کیا جائیگا. فلم کا ٹیزر کافی مختلف ہے اور الگ ہے عموما پاکستان میں ایسی فلمیں کم کم بنتی ہیں کہا جا رہا ہے کہ فلم ایکشن سے بھرپور ہے اور شائقین سراہیں گے. یاد رہے کہ فواد خان اور وسیم اکرم پہلی بار ایک دوسرے کے ساتھ کام کررہے ہیں.

حمیرا علی اے آر وائی کے رئیلٹی شو تماشا گھر میں پارٹیسپینٹ تھیں انہوں نے حال ہی میں انسٹاگرام پر ایک پوسٹ اپلوڈ کی اور تماشا گھر میں گزرے وقت اور وہاں کی یادوں‌ کو شئیر کیا. حمیرا علی نے کہا کہ میں نے تماشا گھر میں بہت کچھ سیکھا وہاں مختلف قسم کے لوگ تھے جن کے مختلف رویے تھے. میں نے سب کو ہینڈل کیا میں نے اس گھر میں مشکل وقت بھی دیکھا. حمیرا علی نے کہا کہ میں خود کے ساتھ کھڑی رہی. انہوں نے کہا کہ میں آے آر وائی چینل کا شکریہ ادا کرتی ہوں جس نے مجھے اس پروگرام میں‌شرکت کا موقع فراہم کیا.اس پروگرام میں شرکت

کی وجہ سے ہی مجھے بہت کچھ سیکھنے کا موقع ملا ہے میں نے یہاں سے جو کچھ سیکھا ہے شاید زندگی بھر کہیں اور سے سیکھنے کا موقع نہ ملتا. یاد رہے کہ حمیرا علی کو تماشا گھر میں کڑے وقت کا سامنا رہا ان کے ساتھ سید صائم علی سمیت دیگر پارٹیسپینٹس نے خاصا تلخ رویہ رکھا. ان کے بالوں کا کبھی مذاق بنایا گیا تو کبھی ان کی فزیک کو ڈسکس کیا گیا لیکن حمیرا علی نے بہت بہادری کے ساتھ سب کا مقابلہ کیا. تماشا گھر کی میزبانی عدنان صدیقی نے کی یہ اپنی نوعیت کا پہلا پروگرام ہے جو پاکستان میں کسی چینل پر نظر آیا ، اس شو کا بنیادی آئیڈیا بھارتی شو بگ باس سے لیا گیا.

سینئر اداکارہ ماریہ واسطی نے حال ہی میں مزاحیہ پروگرام ”ہنسنا منع ہے” پروگرام میں شرکت کی. اس میں ان کے ساتھ جگن کاظم بھی موجود تھیں.اس موقع پر آڈینز میں بیٹھے ایک مداح نے کہا کہ میں آپ سے ایک سوال کرنا چاہتا ہوں اور ایک نصیحت کرنا چاہتا ہوں . مداح نے ماریہ واسطی سے پوچھا کہ آپ نے اب تک شادی کیوں نہیں کی.اس سوال کا جواب نہ دیتے ہوئے ماریہ نے پوچھا کہ نصیحت کیا ہے؟ تو مداح بولا کہ اچھے اچھے لڑکے ہاتھ سے نکلتے جا رہے ہیں

جلدی سے شادی کرلیں. اس پر جگن کاظم نے کہا کہ ہو سکتا ہے کہ انہوں نے کسی برے لڑکے سے ہی شادی کرنی ہو. اچھے اچھے اگر ہاتھ سے نکل گئے ہیں تو پھر وہ برے لڑکوں میں سے کوئی سلیکٹ کر لیں گی. مداح نے اس پر کہا کہ کہیں یہ تو نہیں کہ ماریہ واسطی بالی وڈ اداکار سلمان خان کا فی میل ورژن بننا چاہ رہی ہیں. مداح نے آخر میں یہ بھی پوچھا کہ اگر آپ شادی کرنا چاہیں گی تو کیسے لڑکے سے کرنا چاہیں گی اس میں کیا کیا خوبیاں دیکھیں گی ماریہ واسطی نے مداح کے ایک بھی سوال کا جواب نہیں دیا. محسوس یوں ہو رہا تھا کہ مداح کے اس قسم کے سوال کو ماریہ واسطی نے بالکل پسند نہیں کیا.

سائرہ یوسف جو شہروز سبزواری سے علیحدگی کے بعد کافی ٹائم تک میڈیا سے دور رہیں انہوں نے آج تک اپنی اور شہروز کی علیحدگی پر کھل کر بات نہیں لیکن وہ اپنی بیٹی کو شہروز کی دوسری اہلیہ صدف کنول کی بیٹی سے ضرور ملنے دیتی ہیں. سائرہ شہروز پچھلے کچھ عرصے سے اب مسلسل کام کررہی ہیں . انہوں نے حال ہی میں گلوکارہ ناذیہ حسن کو ٹریبیویٹ پیش کیا انہوں نے ناذیہ کا گایا ہوا گیت ڈسکو دیوانے پر پرفارمنس دی. یہ پرفارمنس انہوں نے صف اول کے فیشن ڈیزائنر محسن نوید رانجھا کی نئی کلیکشن کے لئے دی سائرہ یوسف اس پرفارمنس

کے دوران خاصی خوبصورت لگ رہی ہیں. سائرہ یوسف نے غالبا پہلی بار اس قسم کی اور خصوصی طور پر ناذیہ حسین کو ٹریبیوٹ پیش کیا ہے. یاد رہے کہ محسن نوید رانجھا کا شمار نئی نسل کے ان فیشن ڈیزائنرز میں ہوتا ہے جن کا کام بالی وڈ تک پسند کیاجاتا ہے . پچھلے دنوں انیل کپور نے ایک وڈیو کے زریعے محسن نوید رانجھا کو نہ صرف ان کی برتھ ڈے وش کی بلکہ ان کے کپڑوں کا شکریہ ادا کیا اور کہا کہ آپ نے بہت خوبصورت کپڑے بنائے ہیں اسی طرح سے بالی وڈ کی دیگر سلیبرٹیز محسن نوید رانجھا کے کام کو سراہتی ہیں. پاکستان میں بھی یھی ہر دوسری سلیبرٹی کی اب خواہش ہوتی ہے کہ وہ محسن نوید رانجھا کی کلیکشن زیب تن کرے.

چھوٹی سکرین کی بڑی اداکارہ آئزہ خان نے حال ہی میں ماضی کی اداکارہ شبنم کو ٹریبیوٹ پیش کیا ہے. رپورٹس کے مطابق آئزہ خان جنہوں نے آج تک کسی فلم میں‌کام نہیں‌ کیا ہے انہوں نے ماضی کی اداکارہ شبنم کو انہی کا گانا ٹریبیوٹ پیش کیا ہے . گانے کے بول ہیں آئیے جناب عالی شبو نصیبوں والی لائی کرارہ گول گپا” آئزہ خان وڈیو میں پیلے رنگ کا جوڑا زیب تن کئے ہوئے ہیں انہوں نے شبنم کے اصل گانے کی وڈیو والا ماحول اپنی پرفارمنس میں

دکھایا ہے. آئزہ خان نے ادائیں بھی شبنم کی طرح ہی دکھائی ہیں اور ان کے ڈانس کی کاپی کی ہے. آئزہ خان خاصی حسین لگ رہی ہیں. آئزہ خان نے یہ پرفارمنس معروف فیشن ڈیزائنر علی ذیشان کی نئی کلیکشن کے لئے دی. آئزہ خان کی یہ پرفارمنس خاصی پسند کی جا رہی ہے. یاد رہے کہ آئزہ خان کا شمار پاکستان کی ڈرامہ انڈسٹری کی صف اول کی اداکارائوں میں‌ہوتا ہے. انہوں نے اپنے کیرئیر میں منفرد کام کیا، آئزہ نے مثبت کے ساتھ ساتھ نیگیٹیو کردار بھی ادا کئے ہیں . آئزہ خان کے کریڈٹ پر کافی اچھا کام ہے ان کے ہرپراجیکٹ نے انہیں شہرت دی لیکن جو شہرت انہیں ڈرامہ سیریل میرے پاس تم ہو کے بعد ملی اسکا تو کوئی بس خواب ہی دیکھ سکتا ہے. اس میں ان کے ساتھ ہمایوں سعید اور عدنان صدیقی تھے.

جب سے سمارٹ فون ہر کسی کے ہاتھ میں آئے ہیں سب کی تو جیسے دنیا ہی بدل گئی ہے . ہر موبائل میں‌طرح طرح کے فیچر ہوتے ہیں خصوصی طور پر تصاویر بنانے اور آپ کو حسین دکھانے کے بھی موبائل میں فیچرز موجود ہوتے ہیں. اب ہوتا یہ ہے کہ بعض اوقات آپ اپنی ایسی تصویر انہی فیچرز اور فلٹرز کی مدد سے بناکر سوشل میڈیا پر اپلوڈ کرتے ہوکہ دیکھنے والی ہر آنکھ آپ کی خوبصورتی کو دیکھ کر دنگ رہ جائے لیکن حقیقت اس کے برعکس ہوتی ہے. اسی چیز کو دیکھتے ہوئے اداکار محب مرزا نے تصاویر پر ضرورت سے زیادہ فلٹرلگا کر اسکو

حسین بنانے والو‌ں کو ایک مشورہ دیا ہے کہ آپ تصویر کم ازکم اتنی اوریجنل رکھا کریں کہ کسی سے ملنے پر آپکو شرمندگی محسوس نہ ہو. محب مرزا نے یہ مشورہ اپنی انسٹاگرام سٹوری میں لکھا . محب مرزا کے بہت سارے مداحوں نے اپنے پسندیدہ اداکار کے مشورے کو سراہا اور کہا کہ یقینا فلٹرز لگا کر تصاویر بنانا بہت زیادہ اچھی بات نہیں ہے حقیقت میں تو کبھی کسی کے ساتھ آمنا سامنا ہونا ہی ہوتا ہے تو کیوں نہ جیسے آپ ہیں ویسی ہی تصویریں بنائیں اور سوشل میڈیا پر ضروری ہے تو اپلوڈ کریں. یاد رہے کہ محب مرزا کافی وقت سے سکرین سے غائب ہیں لیکن سوشل میڈیا پر متحرک رہتے ہیں.

گلوکار و اداکار فرحان سعید اور عروہ حسین جن کی ایک عرصہ سے علیحدگی کی خبریں گردش کررہی ہیں ان کی حال ہی میں ایک وڈیو وائرل ہوئی جس میں وہ دونوں گانا گا رہے ہیں اور کافی اچھے ماحول میں یہ وڈیو بنائی گئی ہے. جیسے ہی یہ وڈیو وائرل ہوئی تو ان دونوں کے مداحوں نے ایک دوسرے سے سوشل میڈیا پر کمنٹس کے زریعے پوچھنا شروع کر دیا کہ جو لوگ کہہ رہے تھے کہ ان کی علیحدگی ہو چکی ہے وہ اب کیا کہیں گے، کچھ صارفین نے کہا کہ نہیں‌ یہ وڈیو پرانی ہے. اور وڈیو یقینا پرانی ہی تھی جو کہ اب وائرل ہوئی یہ وڈیو

2019 کی تھی . لیکن ان دونوں‌ کے مداحوں میں چند لمحوں کے لئے خوشی کی لہر دوڑ گئی تھی کہ شاید ان دونو‌ں کے درمیان علیحدگی کی خبروں‌ میں صداقت نہیں ہے.حال ہی میں ہم ایوارڈز میں دیکھا جائے تو عروہ حسین اور فرحان سعید دونوں ان ایوارڈز میں موجود تھے لیکن فرحان ہانیہ عامر کے ساتھ پوری تقریب میں دیکھے گئے اور دونوں نے ایک ساتھ پرفارمنس بھی دی جبکہ عروہ حسین اس تقریب میں اکیلی آئیں اور اکیلی ہی واپس چلی گئیں . کہا جا رہا ہے کہ فرحان سعید اور ہانیہ عامر کے درمیان قربتیں‌بڑھ رہی ہیں اور ان کے درمیان دوستی سے آگے کا کوئی تعلق ہے. تاہم عروہ حسین کی طرف سے ہر معاملے میں‌مسلسل خاموشی ہے.

ماڈل و اداکارہ ونیزہ احمد نے ماڈلنگ کی دنیا میں بہت زیادہ کام کیا ہے. ایک وقت تھا کہ ماڈلنگ کی دنیا میں ان کے نام کا ڈنکا بجتا تھا. وینزہ نے بہت ہی گریس کے ساتھ کام کیا اور جب انہیں لگا کہ کیمرے کی آنکھ کو یہ کھلنے لگی ہیں تو انہوں نے ماڈلنگ چھوڑ دی. ونیزہ احمد نے حال ہی میں ایک ٹی وی پروگرام میں شرکت کی وہاں ان سے سوشل میڈیا کے ھوالے سے کوئی سوال ہوا تو ونیزہ احمد نے دیا بہت ہی روکھا سا جواب کہنے لگیں کہ میں وہ ہوں ہی نہیں جو ہر وقت سوشل میڈیا پر اپنی تصاویر شئیر کرے اور کیا کھارہی ہے، کیا پی رہی ہے کیا کررہی ہے اسکی وڈیوز اور تصاویر

لگائے. میرا انسٹاگرام اکائونٹ بھی میں نے نہیں بنایا ہوا میری بھتیجی وہاں میری تصاویر شئیر کردیتی ہے میں زیادہ استعمال نہیں کرتی میں سوشل میڈیا والی قوم ہی نہیں ہوں. انہوں نے مزید یہ بھی کہا کہ ایک اداکارہ (آئزہ خان) کہ حال ہی میں‌12 ملین فالورز ہوئے ہیں اس کی انسٹاگرام آئی ڈی دیکھی تو وہاں تصویروں کے علاوہ کچھ نہ تھا تو ٹھیک ہے جو لوگ اس طرح سے کمفرٹیبل ہیں توان کی مرضی لیکن میں سوشل میڈیا پر ہر وقت اپنی تصاویر اور مصروفیت کو شئیر کرنا پسند نہیں کرتی.