Category: شوبز

دنیا کے سب بڑے فلمی میلے (کانز ) میں ایوارڈ حاصل کرنے والی فلم جوائے لینڈ پاکستان میں بھی ریلیز کی جا رہی ہے 18 نومبر کو یہ فلم پاکستانی سینما گھروں کی زینت بن رہی ہے اس حوالے سے فلم کی تشہری مہم کا آغاز بھی کر دیا گیا ہے. فلم کا ایک نیا پوسٹر بھی جاری کر دیا گیا ہے. فلم لاہور کراچی اسلام آباد سمیت دیگر شہروں میں ریلیز ہو گی. فلم کو لکھا اور ڈائریکٹ صاتم صادق نے ہے جبکہ پرڈیوسر سرمد سلطان کھوسٹ ہیں..فلم کی کاسٹ میں اداکارہ ثروت گیلانی، ثانیہ سعید، سہیل سمیر ، علی جنیجو، علینہ خان ، رستی فاروق اور سلمان پیرزادہ کے نام شامل ہیں. فلم کو پاکستان کے تمام سنسر بورڈز نے بھی باضابہ طور پر پاس کردیا ہے۔ وفاق، پنجاب اور سندھ کے سنسر بورڈز نے جوائے لینڈ کو

کلئینرنس دیدی ہے. فلم کا پوسٹر جاری کر دیا گیا ہے جبکہ اس کا ٹیزر بھی جلد ہی ریلیز کر دیا جائیگا ٹیزر سمیت فلم کو ریلیز کرنے کی تقریبا تیاریاں مکمل ہو چکی ہیں. فلم کی کہانیی بنیادی طور پر لاہور میں مقیم ‘حیدر ‘کے گرد کھومتی ہے جو ایک متوسط طبقے کے خاندان کا سب سے چھوٹا بیٹا ہے جو خفیہ طور پر تھیٹر میں بطور بیک گراونڈ ڈانسر شامل ہوتا ہے اور ایک ٹرانس ڈانسر’ بیبا ‘سے دوستی کرتا ہے جو تھیٹر میں اپنی شناخت بنانے کے لیے جدوجہد کررہی ہے۔

ہمارے ملک میں سیاست پر اب ہر دوسرا آدمی بات کرتا دکھائی دیتا ہے . حجام کی دکان ہو تندور ہو ،آفس ہو یا کوئی مجمع ہر جگہ سیاست ہی ڈسکس ہو رہی ہوتی ہے. ہر کوئی اپنے پسندیدہ سیاستدان پر بات کرتا ہوا دکھائی دے رہا ہوتا ہے اور سیاسی پسند نہ پسند کے معاملات میں عدم برداشت اتنی بڑھ چکی ہے کہ ایک دوسرے کو مارنے پر بھی آجاتے ہیں. فنکاروں کی ایک بڑی تعداد پاکستان تحریک انصاف کے چئیرمین عمران خان کو سپورٹ کرتی ہے. اور جہاں بہت سارے شوبز سٹارز عمران خان کو سپورٹ کررہے ہیں اور نوازشریف اور آصف زرداری کو برا بھلا کہتے

ہیں وہیں معروف مصنف خلیل الرحمان قمر بھی عمران خان کو سپورٹ کرتے ہیں اور نوازشریف اور آصف علی زرداری پر تنقید کا کوئی موقع ہاتھ سے نہیں جانے دیتے. خلیل الرحمان قمر نے حال ہی میں سوشل میڈیا پر نوازشریف پر کی ہے طنز اور لکھا ہے کہ نوازشریف واپس آجائو آپ کے پلیٹلیٹس پورے ہو گئے ہیں” یوں انہوں نے جم کر کی نوازشریف پر تنقید اور ان کی بیماری کا ان ڈائریکٹ بنایا مذاق. بالکل اسی طرح جو باقی پی ٹی آئی کے سپورٹرز کا وطیرہ ہے. یاد رہے کہ آج مریم نوازشریف کی ایون فیلڈ ریفرنس میں بریت ہوئی ہے اس کے بعد تحریک انصاف کے سپورٹرز کافی ہیں نالاں .

بگ برادر اور بگ باس کی طرز پر بنایا جانے والا رئیلٹی شو تماشا گھر جو کہ اے آر وائی پر آج کل چل رہا ہے اس میں آج مہمان بن رہے ہیں جو دو ایسے مہمان کہ جن کو دیکھ کر آپ کا دل ہوجائیگا خوش . جی ہاں آج تماشا گھر میں مہمان بن رہے ہیں کرکٹ کے لیجنڈ وسیم اکرم اور اداکاری کے بادشاہ فہد مصطفی . شو کے ٹیزر میں دیکھا جا سکتا ہے کہ وسیم اکرم اور فہد مصطفی دونوں شو کے شرکاء سے مختلف سوال کرتے نظر آرہے ہیں. وسیم اکرم نے شو کے شرکاء سے پوچھا کہ کس کا ابھی تک ایک دوسرے کے ساتھ اس گھر میں جھگڑا نہیں ہوا ، اس شو کا یادگار لمحہ

کونسا ہے ، جبکہ فہد مصطفی پوچھتے ہوئے سنائی دے رہے ہیں کہ آپ کو کیا لگتا ہے کہ شو کو کون جیتے گا . فہد مصطفی شو کے ٹیزر میں یہ بھی کہہ رہے ہیں کہ میں آپ سب کو آج ایک ایک چیز دے کر جائوں گا اب دیکھنا یہ ہے کہ فہد مصطفی شو کے شرکاء کو کیا دے کر جاتے ہیں. یاد رہے کہ تماشا گھر کی میزبانی معروف اداکار عدنان صدیقی کررہے ہیں. شو میں شوبز انڈسٹری سے تعلق رکھنے والی شخصیات موجود ہیں جن میں کامیڈین رئوف لالہ ، سیدہ امتیاز و دیگر شامل ہیں شو چالیس دن تک جاری رہے گا اس کے بعد ونر کا اعلان ہو گا .

اداکار امیر گیلانی اور ماورا حسین کی دوستی کے چرچے ڈرامہ سیریل ثبات میں کام کرنے کے بعد سے ابھی تک مسلسل ہیں. دونوں ایکدوسرے کے ساتھ سوشل میڈیا پر اپنی محبت کا اظہار کرتے رہتے ہیں. دونوں کا تعلق اور دوستی کسی سے ڈھکی چھپی نہیں ہے. دونوں ایک دوسرے کی خوشیوں اور غموں میں شامل رہتے ہیں. حال ہی میں امیر گیلانی نے اپنی قریبی دوست ماورا حسین کو دی ہے ان کی سالگرہ کی مبارکباد . انہوں نے سالگرہ کی مبارکباد نہایت ہی خوبصورت الفاظ میں دی ہے. امیر گیلانی نے سوشل میڈیا پر لکھا ایک نوٹ ” سب سے زیادہ اچھی پیاری ، کُول اور مثبت انسان کو سالگرہ کی مبارکباد . امیر گیلانی کی سوشل میڈیا اس پوسٹ کے بعد ان کے مداحوں اور ساتھیوں نے بھی بھی دی ماورا حسین کو ان کی

سالگرہ کی مبارکباد. یاد رہے کہ امیر گیلانی اور ماورا حسین کی قربتیں ڈرامہ سیریل ثبات کے بعد بڑھیں یہاں تک کہ ان کی شادی کی خبریں بھی گردش کرتی رہیں تاہم دونوں‌نے ابھی تک شادی کی خبر نہیں سنائی. امیر گیلانی اور ماورا حسین ڈرامہ سیریل ثبات کے بعد ابھی تک ایکساتھ کسی بھی ڈرامے میں‌ نظر نہیں آئے. ماورا حسین ویسے بھی کافی وقت سے سکرین سے غائب ہیں اور وہ کسی پراجیکٹ کو کرتی ہوئی نظر بھی نہیں آرہیں. ماورا کے پرستار ان کو سکرین پر دیکھنا چاہتے ہیں.

شاہ رخ خان ہندی سنیما کی دنیا کا ایک جانا مانا نام ہیں، وہ بالی وڈ کے کنگ کہلائے جاتے ہیں انہوں نے فلمی کیرئیر کی شروعات 1992 میں فلم ”دیوانہ” سے کی جس میں ان کے ساتھ رشی کپور اور دویا بھارتی تھے۔ انہوں نے ڈر ، بازیگر ، دل تو پاگل ہے ، دل والے دلہنیا لے جائیں گے ، چک دے انڈیا، انجام، میں ہوں نا، رئیس سمیت کئی فلموں میں اپنی صلاحیتوں کا لوہا منوایا. شاہ رخ خان کا سٹار ڈم واقعتا قابل تحسین ہے . شاہ رخ خان کی پہلے بھی دبئی کے برج خلیفہ پر تصویر لگائی گئی تھی ایک بار پھر شاہ رخ خان دبئی میں دنیا کی بلند ترین عمارت برج خلیفہ پر جلوہ گر

ہوئےہیں. شاہ رخ خان کے پرستاروں کا کہنا ہے کہ شاہ رخ خان کے سٹار ڈم کا کوئی مقابلہ نہیں ہے وہ ہمارے پسندیدہ ہیں اور ان جیسا کوئی بھی نہیں ہے. شارہ رخ خان کی تصویر سے برج خلیفہ روشن ہونے کے بعد ان کے پرستاروں میں خوشی کی لہر دوڑ گئی اور انہوں نے سوشل میڈیا پر اپنے پسندیدہ فنکار کے حق میں لکھا. مداح شاہ رخ خان کی تصویر برج خلیفہ پر لگنے پر خاصے خوش ہیں. یاد رہے کہ شاہ رخ خان کی فلم پٹھان اگلے سال ریلیز ہونے جا رہی ہے اس فلم کی ٹیزر کی تعریف سلمان خان بھی کر چکے ہیں.

رنویر سنگھ اور دیپیکا پاڈوکون کا شمار اس وقت بالی ووڈ کے مشہور ترین ستاروں میں ہوتا ہے دونوں سوشل میڈیا پر ایک دوسرے کی پوسٹوں پر کمنٹس کر کے محبت کا اظہار بھی کرتے رہتے ہیں. حال ہی میں رنویر سنگھ نے ایک تقریب میں شرکت کی وہاں ان سے ان کی اہلیہ دیپیکا کے ساتھ تعلقات پر سوال ہوا تو انہوں نے کہا کہ ہم دونوں کے بہت اچھے تعلقات ہیں ، ہماری 2012 میں پہلی ملاقات ہوئی اور اس کے بعد ہمارا ملنا ملانا شروع ہو گیا. ہماری دوستی کو دس سال ہو گئے ہیں. اس موقع پر انہوں نے کیا ایک خواہش کا اظہار بولے ، میں اپنی اہلیہ دیپیکا پاڈوکون کے ساتھ ایک بار پھر سکرین شئیر کرنا چاہتا ہوں‌میری خواہش ہے کہ ہم دونوں ایک دوسرے کے ساتھ کام کریں. ہم دونوں نے باجی رائو مستانی ، رام لیلا و دیگر فلموں میں ایک ساتھ کام کیا ان میں ہم دونوں

کو ایک ساتھ بہت پسند کیا گیا. میری خواہش ہے کہ ہم دونوں کو ایک بار پھر ایک ساتھ کام کرنے کا موقع میسر آئے . گفتگو کے دوران انہوں نے اپنی اہلیہ دیپیکا پاڈوکون کے کام کی کھل کر تعریف کی. یاد رہے کہ رنویر سنگھ بولڈ فوٹو شوٹ کے کیس میں پھنسے ہوئے ہیں ابھی تک ان کو اس کیس کے حوالے سے کلئیرنس نہیں ملی ، اس کیس میں ان کی اہلیہ دیپیکا اور ان کے بالی وڈ کے دوستوں نے خوب دیا ساتھ جبکہ بھارت میں ان کے خلاف انتہا پسندوں کے گروہ نے مظاہرے کئے.

بالی وڈ کے فلمساز کرن جوہر نے حال ہی میں بات کی ان کو آن لائن ملنے والی نفرت پر. انہوں نے کہا ہے کہ ایک عرصہ سے میں ٹرول ہو رہا ہوں. اور وقت گزرنے کے ساتھ ساتھ میں نے خود کو اتنا مضبوط کر لیا ہے کہ اب مجھے آن لائن ٹرولنگ پریشان نہیں کرتی. لوگ کیا سوچتے ہیں میں اب اسکے بارے میں بھی بہت زیادہ نہیں سوچتا. میرے خلاف گھٹیا، خوفناک باتیں لکھی جاتی ہیں ٹرول کرنے والے میرے بچوں کو بھی نہیں چھوڑتے اور گالیاں دیتے ہیں. کرن جوہر نے یہ بھی انکشاف کیا کہ وہ زیر علاج ہیں اور ماضی میں انہیں پریشانی کے مسائل کا سامنا رہا ہے اور

پانچ سال تک وہ اسی جنگ کو لڑتے رہے. انہوں نے کہا کہ یہی وہ وقت تھا جب میں نے کھل کر اپنے ڈاکٹر سے بات کی اور علاج جاری رکھا. یاد رہے کہ کرن جوہر کی حال ہی میں فلم براہمسٹرا ریلیز ہوئی ہے اور اسے عوام میں خاصی پذیرائی ملی ہے. اسکے بعد کرن جوہر راکی اور رانی کی پریم کہانی کی تیاری میں مصروف ہیں اس میں عالیہ بھٹ ، رنویر سنگھ ، جیا بچن ، شبانہ اعظمی اور دھرمیندر نظر آئیں گے.اس فلم کی ریلیز کے فوراً بعد کرن جوہر ایک ایکشن فلم پر کام شروع کریں گے۔ تاہم آج کل ان کا شو کافی ود کرن کامیابی سے جاری ہے اس شو کی ہر قسط کسی نہ کسی سوال یا جواب کے حوالے سے کنٹرورشل ہوجاتی ہے.

برصغیر کی کوئل کہلائی جانے والی لتا منگیشکر کو بڑے پیمانے پر ہندوستان کی عظیم اور بااثر گلوکاروں میں سے ایک سمجھا جاتا ہے۔ آٹھ دہائیوں پر محیط کیریئر میں انہوں نے لاتعداد گانے گائے اور ایک سے زیادہ زبانوں میں گائے. لتا کے گائے ہوئے گیت ہندوستان کی تقریبا ہر دوسری ہیروئین پر پکچرائز ہوئے. بالی وڈ کے اداکار انیل کپور نے انہیں یاد کیا ان کی سالگرہ کے موقع پر انہوں‌ نے ایک آڈیو نوٹ سوشل میڈیا پر جاری کیا اور اس کا کیپشن لکھا کہ ”لتا جی کی یوم پیدائش پر صرف یہ چاہتا ہوں کہ دنیا اس وائس نوٹ کو سنے جو میرے سب سے قیمتی اثاثوں میں سے ایک ہے، لتا نہ صرف عظیم گلوکارہ تھیں بلکہ سوچنے سمجھنے والے، حوصلہ افزائی اور دیکھ بھال کرنے والی تھیں ، عظیم لوگ عظیم

انسان بننا نہیں بھولتے۔لتا منگیشکر 6 فروری 2022 کو 92 سال کی عمر میں ممبئی میں انتقال کر گئیں تھیں، کورونا کا ٹیسٹ مثبت آنے پر انہیں انہیں 8 جنوری 2022 کو ممبئی کے بریچ کینڈی ہسپتال میں داخل کرایا گیا.گلوکارہ کی پورے سرکاری اعزاز کے ساتھ ممبئی میں آخری رسومات ادا کی گئیں تھیں۔یاد رہے کہ انیل کپور کے کیرئیر کے آغاز میں انہوں نے جتنی بھی فلمیں کیں اس میں انکی ہیروئینز پر لتا منگیشکر کی ہی آواز ہوتی تھی. یوں لتا منگیشکر نے انیل کپور کی بہت سی فلموں میں گائے.

شلپا شیٹی بالی وڈ کی ان اداکاراؤں میں سے ایک ہیں جنہوں نے نوے کی دہائی میں سپر ہٹ فلمیں دیں. شلپا بہترین اداکارہ تو ہیں ہی لیکن ساتھ ہی ساتھ وہ ایک بہترین رقاصہ بھی ہیں اور فٹنس کے حوالے سے جانی جاتی ہیں. شلپا شیٹی اپنے دور کی ہیروئنز میں سے واحد وہ ہیروئین ہیں جو ابھی تک جوان اور سلم سمارٹ‌نظر آتی ہیں. شلپا شیٹی جلد ہی او ٹی ٹی پلیٹ فارم پر بھی نظر آنے والی ہیں. اداکارہ آخری بار فلم ” نکما” میں نظر آئی تھیں. شلپا شیٹی چند ہفتے قبل ایک شوٹنگ کے دوران زخمی ہو گئیں تھیں ان کی ٹانگ زخمی ہو گئی تھی ، شلپا روہت شیٹی کی پہلی ویب سیریز انڈین پولیس فورس کی شوٹنگ کر رہی تھیں اسکی شوٹنگ کے دوران انہیں یہ حادثہ پیش آیا لیکن شلپا شیٹھی کی ٹانگ کی چوٹ نے

ان کے رقص کے جذبے کو متاثر نہیں کیا اسکی مثال ان کی انسٹاگرام پر حالیہ وڈیو ہے جس میں ڈانس کرتی ہوئی دکھائی دے رہی ہیں. شلپا شیٹی اس وڈیو میں زخمی ٹانگ کے ساتھ فالگنی پھاتک کے گانے پر ڈانس کررہی ہیں. یاد رہے کہ ویب سیریز پولیس فورس آٹھ اقساط پر مشتمل ہے جو کہ ایمازون پرائم پر نشر ہوگی۔
یاد رہے کہ آج کل گلوکارہ فالگونی پاتھک اپنے مقبول گانے ’میں پائل ہے چھنکائی‘ کے ریمیک کی وجہ سے خبروں میں ہیں۔ نیہا ککڑ ان کے گانے کو ریمیک کیا ہے جسے عوامی سطح پر زیادہ پذیرای نہیں ملی.

مشہور فلمساز اور پروڈیوسر ایکتا کپور اور ان کی والدہ شوبھا کپور قانونی مشکل میں پھنس گئی ہیں۔رپورٹس کے مطابق ایکتا اور ان کی والدہ نے
ویب سیریز ‘XXX’ کا سیزن ٹو او ٹی ٹی پلیٹ فارم پر ریلیز کیاہے.اس ویب سیریز کا پہلا سیزن 2018 میں ریلیز ہوا تھا جبکہ دوسرے کا پریمیئر جنوری 2020 میں ہوا تھا۔ ایکتا کپور اور ان کی والدہ شوبھا کپور پر الزام ہے کہ انہوں نے ویب سیریز ‘XXX’ سیزن ٹو میں ایک فوجی کی بیوی سے متعلق کئی قابل اعتراض مناظر دکھائے ہیں. اس حوالے سے شکایت عدالت تک بھارت کے ایک سابق فوجی اور بیگوسرائے کے رہائشی شمبھو کمار لیکر گئے تھے. اس شکایت کے بعد عدالت نے ایکتا کپور اور انکی والدہ کو سمن جاری کیا تھا اور انہیں اس معاملے میں عدالت کے سامنے پیش ہونے کو کہا تھا۔

ان دونوں نے عدالت سے کہا کہ انہوں نے فلم سے بہت سارے قابل اعتراض سین ہٹا دئیے ہیں لیکن حقیقت میں انہوں نے ایسا کیا نہیں‌تھا. اس کے بعد عدالت نے انہیں پھر سے پیش ہونے کو کہا اس کے بعد ان کے وارنٹ گرفتاری جاری کر دئیے گئے.
یاد رہے کہ "XXX ویب سیریز کی ہر قسط ایک مختلف کہانی کو پیش کرتی ہے جو جنسی تعلقات کے مختلف پہلوؤں کے گرد گھومتی ہے۔ ایکتا کپور ایک کامیاب پرڈیوسر ہیں جنہوں نے ٹی وی کے لئے لاتعداد سپر ہٹ ڈرامے بنائے اور فلمٰں بھی بنائیں.