Category: شوبز

شاہ رخ خان کی اہلیہ گوری خان ایک بہترین انٹیرئیر ڈیزائنر بھی ہیں سب جانتے ہیں کہ وہ کئی برسوں سے یہ کام کررہی ہیں. لیکن اب وہ میزبانی کرتی بھی دکھائی دیں گی. ان کے شو کا نام ہو گا ” ڈریم ہومز ود گوری خان ” . اس میں بھی وہ اپنے پسندیدہ کام کوکرتی ہوئی دکھائی دیں گی، اس نئے ریئلیٹی ڈیزائن شو میں وہ مشہور سلیبریٹیز اداکارہ کترینہ کیف ، ملائکہ اروڑہ ، ہدایت کار فرح خان اور کبیر خان کے گھروں کو ڈیزائن کریں گی۔اس پروگرام کے حوالے سے ان کے شوہر شاہ رخ خان نے خوشی کااظہار کرتے ہوئے اپنی اہلیہ کے شو کا پرومو انسٹاگرام پر شئیر کیا انہیں مبارکباد دی اور لکھا کہ گوری خان ہم آپ کو بطور ہوسٹ دیکھنےکےلئے بے تاب

ہیں.شاہ رخ خان کی اس پوسٹ کے بعد ان کے مداحوں نے ان کی پوسٹ کے کمنٹ سیکشن میں گوری خان کو مبارکباد دی اور ساتھ ہی ساتھ شاہ رخ خان کو بطور شوہر سراہا اور کہا کہ آپ اپنی اہلیہ کو جس طرح سے سپورٹ‌کرتے ہیں وہ قابل تعریف ہے . یاد رہے کہ گوری خان نے بھی یہی وڈیو کلپ اپنے انسٹاگرام پر شئیر کیا جو شاہ رخ خان نے اپنے اکائونٹ سے شئیر کیا. اس میں گوری خان کہہ رہی ہیں کہ انٹیرئیر ڈیزائننگ نوکری نہیں بلکہ ایک لائف سٹائل ہے . گوری خان کہتی ہیں کہ یہ پراجیکٹ میرے دل کے بہت قریب ہے.

فلم براہمسٹرا حال ہی میں ریلیز ہوئی ہے فلم نے ابتدائی ویک میں ہی کامیابی کے ریکارڈز قائم کر دئیے ہیں. فلم میں مرکزی کردار رنبیر کپور اور عالیہ بھٹ‌نے ادا کئے ہیں چار سو کروڑ کی لاگت سے بنی اس فلم کا بے صبری سے انتظار کیا جا رہا تھا حالانکہ اس فلم کے لئے بھی بائیکاٹ کا ٹرینڈ چل رہا تھا لیکن یہ ٹرینڈ براہمسٹرا پر اثر انداز نہ ہو سکا اور فلم کو دیکھنے کےلئے لوگوں کی ایک بڑی تعداد سینما گھروں کو پہنچی. فلم کی بے پناہ کامیابی ھاصل کرنے پر اس سے جڑی ٹیم کافی خوش ہے اور اسی خوشی میں فلم کے ڈائریکٹر آیان مکھر جی نے براہمسٹرا 2 بنانے کا اعلان کر دیا ہے.
ٹائمز آف انڈیا کو انٹرویو دیتے ہوئے آیان مکھر جی نے کہا ہے کہ وہ براہمسٹرا ٹو بنانے کا ارادہ رکھتے ہیں، فلم کی کہانی اسی قسم کی ہو گی لیکن

اسکے کرداروں کو یقینا چینج کیا جائیگا. فلم کو نئے اور الگ انداز سے بنایا جائیگا. کہا جا رہا ہے کہ براہمسٹرا ٹو میں دیپیکا پاڈوکون اور رنویر سنگھ مرکزی کرداروں میں نظر آئیں گے ڈائریکٹر آیان مکھر جی نے اس حوالے سے کچھ نہیں کہا لیکن کہا جا رہا ہے کہ براہمسٹرا 2 کے مرکزی کرداروں کے لئے دیپیکا اور رنویر کو ہی فائنل کیا گیا ہے تاہم حتمی طور پر ابھی کچھ نہیں کہا جا سکتا کیونکہ فلم کی کاسٹ تو عین ٹائم تک تبدیل ہوتی رہتی ہے.

فلم پرندہ ہو یا رام لکھن انیل کپور اور جیکی شروف کی جوڑی کو بہت سراہا گیا انیل کپور نے حال ہی میں کرن جوہر کے شو میں شرکت کی تو انہوں نے انکشاف کیا کہ وہ جیکی شروف کی کامیابی سے خود کو غیر محفوظ تصور کرنے لگے تھے. انہوں نے ایک واقعہ کا زکر بھی کیا انہوں نے کہا کہ ہم ایک ساتھ کسی فلم کی شوٹنگ کررہے تھے لوگ جب جیکی شروف سے آٹوگراف لینے آئے تو انہوں نے مجھے کہا کہ انیل تم بھی آٹوگراف کاپی پر سائن کرو تو یہ چیز میرے لئے حیران کن تھی. انیل کپور سے کرن جوہر نے نیپوٹیزم کے بارے میں بات کی انیل کپور نے کہا کہ میں ایسی چیزوں کو سنجیدگی سے نہیں لیتا۔ مجھے لگتا ہے کہ آپ کو صرف اپنا کام کرنا چاہیے آپ کا کام بولتا ہے.میرے

ابتدائی دنوں میں سنی دیول اور سنجو بابا کام کررہے تھے تو یہ تو ہوتا ہی ہے اداکاروں کے بہن بھائی بچے کام کرتے ہیں لہذا میرے نزدیک اس بحث کا کوئی مطلب نہیں. یاد رہے کہ انیل کپور کی اس سال فلم جگ جگ جیو ریلیز ہوئی ہے فلم نے اچھا بزنس کیا ہے لیکن بہت اچھا بزنس نہیں کر سکی تاہم اس میں انیل کپور اور نیتو کپور کو ایک ساتھ کافی سراہا گیا ہے. نیتو اور انیل ایک ساتھ پہلی بار کسی فلم میں دکھائی دئیے ہیں.

کہا جاتا ہے کہ جو انسان اپنی غلطی کا اعتراف کر لے وہ بڑا پن کا مظاہرہ کرتا ہے. ایسے ہی بڑے پن کا مظاہرہ اداکارہ ریشم نے کیا ہے. چند روز قبل ان کی ایک وڈیو بہت زیادہ وائرل ہوئی جس میں وہ دریا کے کنارے کھڑی ہوکر مچھیلوں کو خوراک ڈال رہی ہیں اسی دوران انہوں نے دریا میں شاپر بیگ بھی پھینک دئیے. جس پر انہیں کافی برا بھلا کہا گیا اور ان پر تنقید کی گئی.اداکارہ نے گزشتہ روز سوشل میڈیا پر ایک وڈیو جاری کی جس میں انہوں نے معافی مانگ لی. اداکارہ نے وڈیو میں کہا کہ ” میری معذرت قبول کیجیے ، جو کچھ بھی ہوا نہیں ہونا چاہیے تھا ، وہ سب بے

دھیانی بے خیالی میں ہوا، میں ذاتی طور پر ہر قسم کی آلودگی کے خلاف ہوں اور ہر قسم کی آلودگی سے ملک کو پاک رکھنا ہم سب کا فرض ہے. انسان ہوں غلطیاں ہوجاتی ہیں یقین کیجیے یہ میرے کیرئیر کی سب سے بڑی غلطی تھی کوشش کروں گی کہ ایسی غلطی پھر کبھی دوبارہ نہ ہو.دل کی گہرائیوں سے میری معذرت قبول کیجیے. یاد رہے کہ ریشم دو دن تک کافی زیادہ تنقید کی زد میں رہیں آخر کار ان کو معافی مانگنا پڑی اور انہوں نے بہت ہی گریس کے ساتھ معافی مانگ لی ، جسے سوشل میڈیا پر کافی سراہا جا رہا ہے اور کہا جا رہا ہے کہ ریشم نے معافی مانگ کر بڑے پن کا مظاہرہ کیا ہے.

انوشکا شرما کا شمار بالی وڈ کی کامیاب اداکارائوں میں ہوتا ہے. ان کا کیریئر تقریباً ڈیڑھ دہائی پر محیط ہے۔ انہوں نے رب نے بنا دی جوڑی، بینڈ باجا بارات، جب تک ہے جان، سلطان، پی کے، سنجو، این ایچ 10، فلوری جیسی فلموں میں اپنی بہترین اداکاری کے جوہر دکھائے.انہوں نے پروڈکشن ہاؤس کلین سلیٹ فلمز کے ساتھ پروڈکشن میں بھی قدم رکھا اور بلبل اور پاتال لوک جیسے پراجیکٹ بنائے جسے تنقیدی طور پر سراہا گیا۔یہ پروڈکشن ہائوس انوشکا شرما نے اپنے بھائی کے ساتھ مل کر بنایا. انوشکا شرما اب اس پروڈکشن ہائوس سے الگ ہو چکی ہیں، الگ ہونے کی وجوہات اداکارہ نے کچھ یوں بتائی ہیں کہ ان کا کہنا ہے کہ میں اپنی اداکاری کے کیرئیر پر فی الحال زیادہ توجہ دینا چاہتی ہوں اور اپنی بیٹی کی بہتر

دیکھ بھال کرنا چاہتی ہوں ان دو وجوہات کے بناء پر میں نے اپنے پروڈکشن ہائوس سے الگ ہونے کا فیصلہ کیا ہے. انوشکا کے اس فیصلے کو ان کے بہت سارے مداحوں نے کافی سراہا ہے اور کہا ہے کہ بطور پروفیشنل اداکارہ انہیں ایسا ہی کرنا چاہیے. یاد رہے کہ اداکارہ انوشکا شرما آخری بار بار شاہ رخ خان اور کترینہ کیف کے ساتھ آنند ایل رائے کی ہدایت کاری میں بننے والی فلم زیرو میں نظر آئی تھیں۔ وہ ہندوستانی کرکٹر جھولن گوسوامی کی بائیوپک چکدا ایکسپریس کے ساتھ فلموں میں واپسی کر رہی ہیں جس کا جلد ہی ڈیجیٹل پلیٹ فارم پر پریمیئر ہوگا۔

بالی وڈ اداکار رنویر سنگھ نے رواں برس غیر ملکی میگزین کےلئے عریاں فوٹ شوٹ کروایا اس فوٹو شوٹ کی تصاویر جب اپلوڈ ہوئیں تو ہر طرف شور مچ گیا اور رنویر سنگھ کے خلاف مظاہرے ہوئے ان پر اخلاقیات کی دھجیاں اڑانے کے الزامات لگے. یہاں تک کہ ان پر مقدمہ بھی درج ہو گیا. چند مہینوں سے رنویر سنگھ اسی فوٹو شوٹ کی وجہ سے مسلسل خبروں میں ہیں. اس فوٹو شوٹ کے بعدوہ کافی مشکل میں پڑ گئے.رپورٹس کے مطابق اداکار پر انڈین پینل کوڈ (آئی پی سی) کی دفعہ 292، اور 294 اور انفارمیشن ٹیکنالوجی (آئی ٹی) ایکٹ کی 509 اور 67 (A) کے تحت فحاشی کا مقدمہ درج کیا گیا ہےان کے خلاف باقاعدہ ایف آئی آر درج کرائی گئی۔ اداکار نے اس سلسلے میں ممبئی پولیس کے پاس اپنا بیان ریکارڈ کرا دیا ہے۔ انہوں نے

اس بیان میں دعویٰ کیا ہے کہ فوٹو شوٹ کی ایک تصویر کے ساتھ جعلی طریقے سے چھیڑ چھاڑ کی گئی ہے. یاد رہے کہ "ممبئی پولیس نے 29 اگست کو عریاں فوٹو شوٹ کیس میں اداکار رنویر سنگھ کا بیان ریکارڈ کیا تھا۔ اب تک حاصل ہونے والی معلومات کے مطابق، اداکار نے اپنے بیان میں دعویٰ کیا ہے کہ کسی نے ان کی ایک تصویر کے ساتھ جعلی طریقے سے چھیڑ چھاڑ کی ہے .اداکار.” رنویر کو 22 اگست کو پولیس نے طلب کیا تھا لیکن وہ پیش نہیں ہو سکے۔ 29 اگست کو وہ اپنا بیان ریکارڈ کرانے کے لیے ممبئی پولیس کے سامنے پیش ہوئے۔ رپورٹس کے مطابق، پولیس افسران کے سامنے اپنے بیان میں اداکار نے کہا ہے کہ انہوں نے متنازعہ تصاویر اپلوڈ نہیں کیں.

جنت زبیر ٹیلی ویژن انڈسٹری کا ایک مقبول نام ہونے کے ساتھ ساتھ سوشل میڈیا اسٹار بھی ہیں۔ ان کے انسٹاگرام پر 43 ملین سے زیادہ فالوورز ہیں، یہ تعداد بالی ووڈ کے ایک ٹاپ اسٹار کے فالورز سے کم نہیں ہے. خطرو‌ں کے کھلاڑی 12 میں اس نوجوان اداکارہ نے دیکھنے والوں کو اپنی انرجی اور اسٹنٹس سے بے حد متاثر کیا. جنت زبیر نے حال ہی میں انسٹاگرام پر ایک تصویر پوسٹ کی ہے اور اس تصویر میں وہ اپنے والد کے ساتھ کھڑی اپنا نیا گھر جو کہ زیر تعمیر ہے اسکو دیکھ رہی ہیں. جنت زبیر نے تصویر کے کیپشن میں لکھا "کیونکہ خواب سچ ہوتے ہیں..!! خوابوں

کے گھر کی کہانی جسے سنتے سنتے میں بڑی ہوئی ہوں وہ آخر کار میری آنکھوں کے سامنے ہے۔ #الحمدللہ۔ رئیلٹی شو خطروں کے کھلاڑی 12 میں ان کے ساتھ شریک ان کے ساتھی راجیو دتیا نے اس پوسٹ کے نیچے لکھا ” تم پر فخر ہے” اسی طرح سے انوشکا سین نے بھی خوشی کا ایموجی بنایا اداکارہ کے متعدد مداحوں نے بھی انہیں نئے گھر کے لیے پوسٹ پر مبارکباد دی۔
جنت زبیر کو ٹی وی پر بہت زیادہ پسند کیاجاتا ہے ان کے ٹی وی شوز پھلوا اور تُو عاشقی نے جنت کو شہرت کی بلندیوں پر پہنچا دیا اس میں ان کے کام کو ڈرامہ شائقین نے بہت پسند کیا، یاد رہے کہ ٹی وی کے علاوہ جنت زبیر متعدد میوزک ویڈیوز میں بھی اداکاری کر چکی ہیں.

بالی وڈ اداکارہ جیکولین فرنینڈس کے بعد اب نورا فتحی کو بھی دہلی پولیس نے مبینہ طور پر دو ارب روپے کے بھتہ خوری کے مرکزی ملزم سکیش چندر شیکھر کے کیس میں طلب کر لیا ہے. وہ آج (جمعرات) دہلی پولیس کے اقتصادی جرائم ونگ کے سامنے پیش ہوں گی، اس سے قبل، نورا سے 2 ستمبر کو دہلی کے مندر مارگ میں واقع ان کے دفتر میں تقریباً سات گھنٹے تک EOW حکام نے اسی معاملے میں پوچھ گچھ کی تھی۔ تاہم، انہوں نے کہا تھا کہ وہ چندر شیکھر کے مجرمانہ پس منظر سے واقف نہیں تھی۔ یاد رہے کہ سکیش چندر شیکھر اس وقت دہلی کی ایک جیل میں بند ہیں جن کے خلاف 10 سے

زیادہ مجرمانہ مقدمات درج ہیں۔دوسری طرف بدھ کے روز، جیکولین کے ساتھ پنکی ایرانی کو بھی شامل تفتیش کیا گیا، پنکی ایرانی وہ ہیں جنہوں نے جیکولین کو چندر شیکھر سے ملوایا تھا۔ دہلی پولیس کے اقتصادی جرائم ونگ نے اس معاملے میں ان سے آٹھ گھنٹے سے زیادہ پوچھ گچھ کی۔
این ڈی ٹی وی کے مطابق نورا فتحی اور جیکولین فرنینڈس کو چندر شیکر سے لگژری کاریں اور دیگر مہنگے تحائف ملے تھے۔یاد رہے کہ نورا فتحی ان دنوں بالی وڈ کی سب سے زیادہ خبروں میں‌ رہنے والی اداکارہ و رقاصہ ہیں. دوسری طرف جیکولین فرنینیڈس جب سے اس کیس میں الجھی ہیں ان کے ہاتھ سے کافی زیادہ بالی وڈ پراجیکٹس جا چکے ہیں.

”جمائما گولڈ سمتھ ” نے اپنی حالیہ ٹویٹر پوسٹ میں لکھا ہے کہ ”میری فلم میں کوئی پاکستانی دہشت گرد نہیں ہے میں اس بیانیے سے بیزار ہوں”. جمائمہ کے اس ٹویٹ کے بعد پاکستانیو‌ں میں خوشی کی لہر دوڑ گئی کیونکہ جمائمہ نے جس طرح سے پاکستان کے حق میں ٹویٹ لکھا ہے اس سے ایک نرمی کا تاثر ابھر رہا ہے. جمائما کا کہنا ہےکہ ان کی فلم پاکستان کے لئے پیار اور محبت کا پیغام ہے. اس فلم ( واٹس لَو گوٹ ٹو ڈو ود اٹ ) کا حال ہی میں ٹورنٹو انٹرنیشنل فلم فیسٹیول میں پریمئیر بھی ہوا ہے پریمئیر میں پاکستانی اداکارہ سجل علی ، انڈین اداکارہ شبانہ اعظمی سمیت عمران خان کے بیٹے سلیمان اور قاسم خان بھی موجود تھے. یاد رہے کہ فلم واٹس لَو گوٹ ٹو ڈو ود اٹ کی جمائمہ گولڈ سمتھ مصفنہ اور کو

پرڈیوسر بھی ہیں جبکہ ڈائریکٹر شیکھر کپورہیں جوبالی ووڈمیں مسٹر انڈیا اور بینڈٹ کوئین جیسی فلمیں ڈائریکٹ کرچکے ہیں۔پاکستانی شائقین سجل علی کو ان کے پہلے انٹرنیشنل پراجیکٹ میں دیکھنے کے لئے خاصے بے تاب ہیں . دوسری طرف سجل علی کا بھی کہنا ہے کہ اپنے پسندیدہ اداکاروں کے ساتھ کام کرنے کا خواب سچ ہونے پر وہ بے حد خوش ہیں. سجل علی کا شمار پاکستان کی بہترین اداکارائوں میں ہوتا ہے جبکہ جمائما گولڈ سمتھ کا یہ پہلا تجربہ ہے دیکھنا یہ ہے کہ دنیا بھر کے شائقین اس فلم سے کتنا محظوظ ہوتے ہیں.