Category: شوبز

نوجوان نسل کی نمائندہ گلوکارہ قرۃ العین بلوچ نیرہ نور سے ہیں بہت ہی متاثر. انہوں نے نیرہ نور کے لئے ایک ٹویٹ کیا اور لکھا کہ مجھے ان کی وفات پر دلی افسوس ہے. انہوں نے نیرہ نور کے ساتھ گزرے ہوئے لمحات کو بھی اس ٹویٹ میں یاد کیا. انہوں نے لکھا کہ ” مجھے اپنی زندگی میں جو حقیقی اعزاز حاصل ہوا وہ یہ تھا کہ مجھے نیرہ نور جی کے ساتھ بیٹھنے اور گہری، بامعنی گفتگو کرنے کا موقع ملا۔ انہوں نے اپنے ٹوئٹ میں مزید لکھا ہے کہ نیرہ نور ایک ایسی آواز کی مالک تھیں جس نے شاعری کو زندگی بخشی، وہ آواز جو ہمیشہ زندہ رہے گی”۔قرۃ العین بلوچ نے نیرہ کو خوبصورت الفاظ کے زریعے یاد کیا تو ان

کے مداحوں نے بھی نیرہ نور کی شان میں کمنٹس کئے اور کہا کہ نیرہ نور کی وفات پاکستانی میوزک انڈسٹری کے لئے بہت بڑا دھچکا ہے. یاد رہے کہ بلبل پاکستان لیجنڈری گلوکارہ نیرہ نور چند روز قبل 71 برس کی عمر میں کراچی میں انتقال کر گئی تھیں ان کی طبیعت کچھ بہتر نہ تھی اور گھر میں ہی ٹریٹمنٹ لے رہی تھیں. ان کے انتقال کی خبر ان کے پرستاروں پر بجلی بن کر گری. نیرہ نور نے کمال انداز میں غزلیں گائیں انہوں نے فلمی ہیروئینز کو بھی اپنی آواز دی ان کے گیت غزلیں نغمے سب آج تک زبان زد عام ہیں.

ورسٹائل اداکار سلیم معراج نے حال ہی میں ایک انٹرویو دیا ہے اس میں انہوں نے کہا کہ مجھے لاہور شہر بہت پسند ہے،یہاں وقت گزارنا بہت اچھا لگتا ہے.انہوں نے بتایا کہ مجھے جب بھی چھٹیاں ہوتی ہیں میں لاہور چلا جاتا ہوں وہاں وقت گزارتا ہوں اور مجھے بہت مزا آتا ہے. سلیم معراج نے کہاکہ کراچی شہر بھی میرے دل کے بہت قریب ہے بلکہ میں تو اس شہر کو اپنا دل کہوں گا. سلیم معراج نے کہا کہ میں نہیں جانتا کہ میرا کیا تاثر ہے میں کیسا لگتا ہوں لیکن حقیقت یہ ہے کہ میں بہت ہی کم گو ہوں ، کسی سے زیادہ اور جلدی گھلتا ملتا نہیں ہوں کوئی بلائے تو بہت اچھے طریقے سے بات کرتا

ہوں. انہوں نے کہا کہ شاید یہی وجہ ہے کہ مجھے شوبز کے لوگ کم ہی اپنی پارٹیوں میں بلاتے ہیں بلکہ میں‌یہ کہوں گا کہ مجھے کوئی اپنی پارٹی میں بلاتا ہی نہیں. اگر کوئی بلائے تو یقینا میں جائوں بھی. انہوں نے ایک سوال کے جواب میں کہا کہ ذاتی طور پر میں بہت زیادہ ہجوم میں جانا پسند نہیں کرتا میں زرا تنہائی میں زیادہ اچھا محسوس کرتا ہوں. یاد رہے کہ سلیم معراج رواں برس ریلیز ہونے والی فلم گھبرانا نہیں ہے میں بھی نظر آئے تھے اس میں انہوں نے ایک اہم کردار ادا کیا تھا جسے شائقین کی طرف سے خاصا سراہا گیا. سلیم معراج کا شمار بہترین اداکاروں میں ہوتا ہے.

اس وقت جو فلموں میں کام کررہی ہیں وہ تقریبا تمام ہیروئنز ٹی وی پر بھی کام کرتی ہیں بلکہ یوں کہنا چاہیے کہ وہ ٹی وی سے ہی فلموں کی طرف گئی ہیں.ا سوقت جو اداکارائیں سب سے زیادہ مقبول ہیں ان میں ماہرہ خان اور مہوش حیات کا نام قابل زکر ہے. ہم آپ کو بتاتے ہیں‌ کہ کونسی اداکارہ ڈرامے کی ایک قسط کا کتنا معاوضہ لیتی ہے. کہا جاتا ہے کہ اس وقت سب سے زیادہ معاوضہ لینے والی اداکارہ ماہرہ خان ہے. وہ ڈرامے کی ایک قسط کا تین سے پانچ لاکھ روپے لیتی ہیں، ان کے بعد جو اداکارہ معاوضہ زیادہ لیتی ہے ان کا نام مہوش حیات ہے وہ ڈرامے کی ایک قسط کا تین لاکھ روپیہ لیتی ہیں. صبا قمر تقریبا 2.9 لاکھ فی قسط لیتی ہیں۔ صنم بلوچ تقریبا 2.7 لاکھ روپے ، اقرا عزیز 1.5 لاکھ روپے ایک قسط کے لیتی ہیں. باقی اداکارائیں ان سے زرا کم معاوضہ لیتی ہیں. ان سب اداکارائوں کو معاوضہ ان کی مارکیٹ ویلیو دیکھتے ہوئے دیا جاتا ہے. ماہرہ خان اور مہوش حیات

ٹی وی پر جب بھی آتی ہیں کسی ایکسکلیوسیو چیز کے ساتھ آتی ہیں شائقین ان کو دیکھنے کےلئے بے تاب رہتے ہیں دوسری طرف بات کریں‌ہم صباقمر کی تو انہوں نے اپنی صلاحیتوں کا لوہا منوایا ہے فلم کملی میں انہوں نے ثابت کر دیا ہے اداکاری میں کوئی ان کو نہیں پچھاڑ سکتا. اقراء عزیز کی جب سے شادی ہوئی ہے وہ سکرین پر نظر نہیں آئیں لیکن وہ آج کل اپنے ہی شوہر کی ڈائریکشن میں بننے والے پراجیکٹ میں کام رہی ہیں.

پی ٹی وی کے سنہرے دور کی اداکارہ شہناز شیخ ایک عرصے سے ٹی وی سے دور ہیں یہاں تک کہ وہ تو انٹرویوز بھی کم کم دیتی ہیں. وہ سب سے ہنس کر مل لیتی ہیں لیکن انٹرویوز نہیں دیتیں. لیکن حال ہی میں شنہاز شیخ نے نکالا ہے غصہ آج کے ڈراموں پر. انہوں نے کہا کہ ایک سازش کے تحت پی ٹی وی کو تباہ کرکے نجی ٹی وی کے ڈراموں کو پروان چڑھایا گیامقصد صرف ایک ہی ہے کہ کمرشلائزیشن بڑھے. شنہاز شیخ نے کہا آج جس طرح کا ڈرامہ بن رہا ہے میں تو دیکھتی ہی نہیں ہوں، سکرپٹ غیر معیاری ہوتا ہے اسی وجہ سے سال ہا سال سے میں نے ڈرامہ دیکھا ہی نہیں. ہمارے ڈرامے کا معیار بہت گر چکا

ہے لیکن اس کے باوجود کہیں نہ کہیں‌تھوڑا بہت اچھا کام ہو رہا ہے وہ اچھا کام آٹے میں نمک کے برابر ہے. انہوں نے کہا کہ پہلے ڈرامے کا سکرپٹ متعلقہ لوگوں سے ہوتا ہوا مکمل پراسس سے گزرتا تھا تبہی تو آج تک ان ڈراموں کو یاد کیا جاتا ہے لیکن اب صورتحال یہ ہے کہ سکرپٹ کو برانڈز خود ہینڈل کرنے لگے ہیں ، ٹی وی چینلز کی کمرشل ٹیمز سکرپٹ کا فیصلہ کرتی ہیں وہی کاسٹنگ کا بتاتی ہیں کہ کس کو کاسٹ کیا جائے اور کس کو نہیں . ایسے میں جو ڈرامہ بن کر سامنے آرہا ہے وہ ہم سب کے سامنے ہی ہے میں نے جو ڈرامہ دیکھنا یا اس میں کام کرنا چھوڑا وہ یہی چیزیں اور ماھول دیکھنے ہوئے چھوڑا.

بالی وڈ اداکارہ کنگنا رناوت ہر وقت کسی نہ کسی پر چڑھائی کرتی رہتی ہیں اب ان کے دماغ کی ایک بار پھر پھرکی گھوم گئی ہے. انہوں نے فیصلہ کیا ہے فلم فئیر کے خلاف مقدمہ کرنے کا. وہ شدید ناراض ہیں اس ناراضگی کا اظہار انہوں نے اپنی ایک انسٹاگرا پوسٹ کے زریعے کیا انہوں نے لکھا کہ 2014 میں مجھے فلم فئیر نے کئی بار اپنے ایوارڈز تقریبات میں بلایا اور میں جاتی بھی رہی حالانکہ مجھے کہتے رہے کہ آپکو ایوارڈ دیا جائیگا لیکن ایوارڈ نہ دیتے میں نے ان کی تقریبات میں جانا چھوڑ دیا تھا اس کے بعد انہوں نے اس سال مجھے اپنی تقریب میں بلایا اور کہا کہ ہم آپ کو فلم تھلایوی پر ایوارڈ دینا چاہتے ہیں لیکن ایسا نہ ہوا جو ان کی کمٹمنٹ کی

کھلم کھلا خلاف ورزی ہے، انہوں نے مجھے صرف نامزد کیا تھا ایوارڈ نہیں دیا جبکہ تقریب میں یہ کہہ کر بلایا کہ مجھے ایوارڈ دے رہے ہیں اس قسم کی ناانصافی کا مجھے بہت دکھ ہے اور مجھے دھچکا لگا ہے. اس لئے میں اب قانونی کاروائی کروں گی. یاد رہے کہ کنگنا رناوت ہر دوسرے دن ایسی کنٹرورسی بناتی ہیں کہ سرخیوں کی زینت بن جاتی ہیں. کنگنا رناوت نے کرن جوہر کے خلاف بھی بھرپور مہم چلائی جس کے نتیجے میں کنگنا کا ہی بہت سارے فلمسازوں نے بائیکاٹ کر دیا. کنگنا جب سے بالی وڈ انڈسٹری میں آئی ہیں انہوں نے کام پر کم اور کنٹرورسی پر زیادہ توجہ دی ہے.

عامر خان کی حال ہی میں ریلیز ہوئی فلم جس کا بائیکاٹ بھی کیا گیا تھا اس نے زیادہ کامیابی تو ھاصل نہیں کی نہ ہی شائقین کو زیادہ متاثر کر سکی ہے لیکن بھارت کے علاوہ دنیا بھر میں جہاں جہاں ریلیز ہوئی وہاں سے پہلے دس دنوں میں مجموعی طور پر 100 کروڑ کما چکی ہے.عامر خان کو لال سنگھ چڈھا کے نہ چلنے کا شائقین کو متاثر نہ کرنے کا ایک بہت بڑا دھچکا لگا ہے. کرینہ کپور بھی کافی پریشان ہیں. عامر خان کی فلم کی ریلیز سے قبل بڑے پیمانے پر اس فلم کے بائیکاٹ کا اعلان کیا گیا اور بہت سارے لوگوں نے اس فلم کا بائیکاٹ کیا. اس فلم کے ساتھ اکشے کمار کی فلم رکشا بندھن بھی ریلیز ہوئی تھی اس کے بھی بائیکاٹ کا اعلان کیا گیا تھا یہی وجہ ہے کہ فلم اچھا بزنس نہ کر سکی. فلم لال سنگھ چڈھا ہالی وڈ فلم

فارسٹ گمپ کا ری میک ہے کہا جا رہا ہے کہ فلم دیکھنے والوں نے کہانی پر کافی سوالات اٹھائے ہیں اور ان کا کہنا ہے کہ فلم فارسٹ گمپ کی سٹوری کے ساتھ انصاف نہیں کر سکی. یاد رہے کہ عامر خان نے لال سنگھ چڈھا دیکھنے کےلئے ہالی وڈ کے اداکار ٹام ہینکس کو بھی دعوت دی تھی ان کی طرف سے تو کوئی جواب نہیں آیا تھا، جب عامر خان نے شاہ رخ خان کو فلم دکھائی تھی انہوں نے بہت تعریف کی تھی لیکن فلم شائقین کو متاثر نہ کر سکی ، اب کہا جا رہا ہے کہ بھارت سمیت پوری دنیا میں جہاں جہاں فلم ریلیز ہوئی ہے مجموعی طور پر سو کروڑ کما چکی ہے.

سٹیج کی اداکارہ میگھا جو کہ ماضی کی سیئنر اور کامیاب اداکارہ ممتاز کی کزن بھی ہیں وہ جب سے شوبز میں آئی ہیں انہوں نے اپنی تمام تر توانائیاں سٹیج پر اپنا نام اور مقام بنانے میں لگائی ہیں.میگھا اس وقت سٹیج کا یک بڑا نام ہیں. انہوں نے حال ہی میں ایک انٹرویو دیا ہے اس میں انہوں نے اپنے جونیرز کو دیا ہے مشورہ اور مشورہ بھی دیا اپنے سینئرز کی عزت کرنے کا. انہوں نے کہا کہ آج کل کے جونئیرز خود کو کچھ سمجھنے کی بجائے سینئرز کی عزت کریں اور یاد رکھیں کہ پھل اسی درخت کو لگتا ہے جو جھکتا ہے. میگھا نے مزید کہا کہ میں نے ہمیشہ اپنے سینئرز کی عزت کی ہے اور ان سے سیکھنے کی کوشش کی. میگھا نے کہا کہ میں کبھی بھی نمرون کی دوڑ میں شامل نہیں ہوئی اور سٹیج پر کوئی نمبر ون نہیں ہے سب یہاں

کام کررہے ہیں اور اچھا کام کررہے ہیں کسی کو کسی پر برتری نہیں ہے. انہوں نے مزید کہا کہ مقابلہ صرف کام میں ہوناچاہیے پوزیشن کےلئے نہیں ہونا چاہیے. میگھا نے کہا کہ میں نے ہمیشہ معیار کو ترجیح دی ہے، ہوتے ہیں کچھ لوگ جو پیسے کے چکر میں معیاری اور غیر معیاری کام میں فرق نہیں رکھتے لیکن میرا ماننا یہ ہے کہ کام ایسا ہونا چاہیے جو آپ کے مداح یاد رکھیں اور یاد ہمیشہ معیاری کام کو ہی رکھا جاتا ہے.

لالی وڈ کے ہیرو بابر علی جنہوں نے نوے کی دہائی میں ریما خان و دیگر کے ساتھ سپر ہٹ فلموں میں کام کیا. اُس دور میں ان کا طوطی بولتا تھا. بابر علی ایک چینل پر شو بھی ہوسٹ کرتے رہے ہیں. آج کل ڈراموں میں کام کررہے ہیں ان کے مداح ان کو ہر روپ میں پسند کرتے ہیں. ورسٹائل اس اداکار نے گزشتہ روز انسٹاگرام پر ایک وڈیو شئیر کی جس میں وہ اپنی والدہ کے ساتھ نطر آرہے ہیں اور پیار بھرے اس ماحول میں بابر علی اپنی والدہ سے اپنے بالوں کی آئلنگ کروا رہے ہیں. اس دوران انہوں نے اپنی ماں کے لئے گنگنایا . بابر علی نے اپنے مداحوں کو بتایا کہ یہ میری والدہ ہیں اور میں سمجھتا ہوں کہ دنیا بھر کا سکون

ان کی گود میں ہے جو سکون ان کی صحبت میں ملتا ہے وہ کہیں اور کہاں؟. اداکار بابر علی کی اس وڈیو کے نیچے ان کے مداحوں اور شوبز کے ساتھیوں نے کمنٹس کئے. صبا فیصل نے لکھا کہ ماواں ٹھنڈیاں چھاواں‘ زندگی کا واحد سچا رشتہ۔نوجوان نسل کے نمائندہ فنکار حمد شعیب نے لکھا واہ. اسی طرح سے بابر علی کے مداحوں نے ان کا اپنی ماں کے لئے محبت کے جذبے کو سراہا. کسی نے کمنٹ کیا کہ ماں کا کوئی دوسرا نعم البدل نہیں ہے تو کسی نے لکھا کہ ماں کے بغیر زندگی کے سارے رنگ ادھورے لگتے ہیں.

پاکستان میں سسپنس، تھرل اور اغوا کی کہانیاں کم کم بنی ہیں رواں برس ایک سسپنس تھرلر فلم چکر ریلیز ہوئی تھی جسے یاسر نواز کی ڈائریکشن میں بنایا گیا تھا فلم کوئی خاص بزنس نہیں کر سکی. تاہم اب دو ستمبر کو سسپنس اور تھرلر ” کارما” ریلیز ہورہی ہے. فلم کی کاسٹ میں عدنان صدیقی، اسامہ طاہر، ژالے سرحدی، پارس مسرور، ارجمند راحم، نوین وقار، خالد انعم اور دیگر شامل ہیں۔فلم کا ٹیزر تو دھوم مچا چکا ہے. فلم کی ڈائریکشن کاشان اڈمانی نے کی ہےجبکہ کہانی فواد نے لکھی ہے. فلم میں چائلڈ لیبر، پیڈوفائل، دھوکا دہی، لالچ اور خواتین کو بااختیار کرنے جیسی چیزیں دکھانے کے ساتھ انتقامی تھرلر بھی دیکھنے کو ملے گا .فلم جذباتی مناظر سے بھری ہوئی دکھائی دیتی ہے جو محبت اور نقصان کی دنیا کو تلاش کرتی

ہے۔ فلم کا عنوان ‘کار’ اور ‘کرما’ کے الفاظ پر مبنی ڈرامہ ہے۔پاکستان میں چونکہ اس طرح کی فلمیں بنتی نہیں‌ ہیں اس لئے اس کا ٹیزر دیکھ کر شائقین فلم کو دیکھنے کےلئے کافی پرجوش ہیں. شائقین اس میں پہلی بار اداکار و پرڈیوسر عدنان صدیقی اور نوین وقار کو ایک ساتھ دیکھیں گے. یاد رہے کہ نوین وقار نے سپر ہٹ ڈرامہ سیریل ہمسفر میں ماہرہ خان کے مقابلے میں کردار ادا کیا تھا ان کے کردار کو بہت پسند کیا گیا تھا لیکن ان کو ماہرہ خان اور فواد خان جیسا مقام نہ مل سکا لیکن یہ بات کہی جا سکتی ہے کہ نوین وقار ایک باصلاحیت اداکارہ ہیں.

ایک وقت تھا جب اخبار میں چھپنے والی ایک کالم یا تین سطروں کی خبر بھی طوفان بپا کر دیتی تھی یہ وہ دور تھا جب الیکٹرانک اور سوشل میڈیا نہیں تھا.لیکن اب اخبار میں خبر بعد میں اتی ہے لیکن سوشل میڈیا پر پہلے ہی اس حوالے سے طوفان بپا ہوتا ہے. یہاں چلنے والی مثبت یا منفی کمپین کسی کے بھی کیرئیر کو بنا اور ختم کر سکتی ہے. کچھ اسی طرح کے خیالات ہیں اداکارہ مہوش حیات کے انہوں نے کہا ہے کہ سوشل میڈیا آج بہت پاور فل ہے یہاں چلنے والی مہم کسی کوبھی کہاں سے کہاں‌پہنچا سکتی ہے. اداکارہ نے کہا کہ ہمیں سوشل میڈیا کا استعمال سوچ سمجھ کر کرنا چاہیے. ویسے تو پوری

دنیا میں ہی اس کا استعمال ہو رہا ہےلیکن اس میڈیم کا مثبت استعمال کم ہی دیکھنے کو مل رہا ہے. اس میڈیم کا مثبت استعمال کیا جائے تو بہت سارے مسائل حل ہو سکتے ہیں.اس پلیٹ فارم کو شعور اور آگاہی دینے کےلئے بھی استعمال کیا جا سکتا ہے. انہوں نے کہا کہ ہم اس پلیٹ فارم سے اپنے ملک کے لئے لڑ سکتے ہیں اپنے ملک کا اچھا اور بہترین امیج اجاگر کر سکتے ہیں اور ان تمام پراپگینڈا کو جواب دیا جا سکتا ہے جو پاکستان یا ہمارے ملک کی کسی شخصیت کے خلاف ہو رہا ہو. اداکارہ نے اس انٹرویو میں سوشل میڈیا کے مثبت استعمال پر خاصا زور دیا .