Category: شوبز

کارتک آریان جن کو ان کی فلم بھول بھلیاں ٹو نے نمبر ون ہیروز کی صف میں لا کر کھڑا کر دیا ہے،وہ آج کل فلم شہزادے کی شوٹنگ میں مصروف ہیں۔ کارتک نے حال ہی میں اپنے انسٹاگرام پر ایک تصویر شئیر کی جس میں وہ ایک بورڈ کے پیچھے چھپے ہوئے ہیں، انہوں نے اس تصویر میں اپنی شکل نہیں دکھائی۔ ہم اس بورڈ پر صرف ایک چیز دیکھ سکتے ہیں اور وہ ہے بورڈ پر لکھا ہوا ”شہزادہ“ ۔ اس تصویر کو شیئر کرتے ہوئے، کارتک نے لکھا، ” فلم کا زبردست کلائمیکس شوٹ کروا کے دس گھنٹے سویا، کلائیکمس ایکشن سے بھرپورتھا اور اس قسم کا ایکشن میں نے پہلی بار کیا ہے ۔کارتک نے اپنے ایک حالیہ انٹرویو میں بالی وڈ میں اپنے

گیارہ سالہ سفر کو یاد کیا انہوں نے کہا کہ مجھے اس سفر میں کچھ ایسے لوگ بھی ملے جنہوں نے میری صلاحیتوں پر اعتبار کیا حالانکہ وہ مجھے پہلے سے نہیں جانتے تھے نہ انہوں نے میرا کام دیکھ رکھا تھا نہ ان کو انداہ تھا کہ میں کیا کر سکتا ہوں کیا نہیں لیکن انہوں نے میرا ساتھ دیا اور میں نے اپنی صلاحیتوں کو آزمایا اور جو کام ملا کیا۔مجھے خوشی اور فخر ہے کہ میں نے اپنے کیرئیر میں کسی مدد نہیں لی کام نہیں مانگا میں آج جس بھی مقام پہ ہو ں اپنی محنت سے ہوں۔مجھے فخر ہے ان لوگوں پر بھی جنہوں نے میری صلاحیتوں پر بھروسہ کیا۔
فلم شہزادہ سے ہٹ کر ہم دیکھیں تو کارتک آریان فلم ستیا پریم کی کتھا میں کائرہ ایڈوانی کے ساتھ نظر آئیں گے اس فلم کو سمیر وڈوانس ڈائریکٹ کررہے ہیں۔

بالی وڈ اداکارہ شفالی شاہ جو کہ چند روز پہلے کورونا میں مبتلا ہو گئیں تھیں انہوں نے کورونا میں مبتلا ہونے کی خبر اپنے انسٹاگرام پر ایک پوسٹ لگا کر مداحوں کے ساتھ شئیر کی تھی۔اب جبکہ ان کا ٹیسٹ نیگٹیو آیا ہے انہوں نے یہ خبر بھی اپنے مداحوں کے ساتھ انسٹاگرام پوسٹ کے زریعے کی ہے۔ شفالی شاہ نے لکھا کہ ” میں اب بالکل ٹھیک ہوں، میرا کورونا کا ٹیسٹ نیگیٹیو آیا ہے، اب میں کام کر سکتی ہوں۔ میں اپنے ڈاکٹر اور تمام خیرا خواہوں کا شکریہ ادا کرتی ہوں ان سب نے میرے لئے بہت سی دعائیں کیں “، آپ سب بھی اپنا خیال رکھیں۔شفالی

نے جیسے ہی یہ پوسٹ شئیر کی تو ان کے دوستوں اور مداحوں نے اس پوسٹ کے کمنٹس سیکشن میں کمنٹس کرنا شروع کر دئیے اور ان کے لئے دعائیں کیں۔ایک صارف نے لکھا: "یہ ہمارے لئے خوشخبری ہے کہ آپ تندرست ہو گئی ہیں اور ہم سب یہ خبر جان کر بہت خوش ہیں“ ۔ ” ایک اور صارف نے کہا: "مبارک ہو ماں۔” جبکہ ایک تیسرے صارف نے لکھا "شیفالی خیال رکھنا، ہم دہلی کرائم 2 کے ریلیز ہونے کا انتظار کر رہے ہیں۔”یاد رہے کہ شفالی شاہ کی حال ہی میں فلم ڈارلنگزریلیز ہوئی ہے اس میں انہوں نے عالیہ بھٹ کی ماں کا کردار ادا کیا ہے ۔فلم کو کافی سراہا جا رہا ہے خصوصی طور پر شفالی شاہ کے کردار کو بہت پسند کیا جا رہا ہے۔ فلم کو عالیہ بھٹ ، گوری خان اور شاہ رخ خان نے پرڈیوس کیا ہے.

رنویر سنگھ کے بولڈ فوٹو شوٹ پر بھارت میں مچا کافی شور ان کے خلاف مظاہرے کئے گئے ۔مقامی این جی او کی درخواست پر ممبئی پولیس کی جانب سے رنویر سنگھ کے خلاف عریاں فوٹو شوٹ کرانے پر انڈین پینل کوڈ (آئی پی سی) اور انفارمیشن ٹیکنالوجی (آئی ٹی) ایکٹ کے تحت ایف آئی آر درج کیا گیا تھا۔ممبئی کے چیمبور پولیس اسٹیشن میں داخل کی گئی ایف آئی آر میں رنویر سنگھ کے خلاف 509، 292، 294 آئی پی سی اور آئی ٹی ایکٹ کی دفعات شامل کی گئیں۔ کاروائی کرتے ہوئے . ممبئی پولیس نے رنویر سنگھ کو تفتیش کےلئے 22 اگست

کو تھانے میں حاضر ہونے کا سمن جاری کیا تھا تاکہ وہ اپنے عریاں فوٹو شوٹ کے تنازع پر اپنا بیان ریکارڈ کرائیں لیکن داکار رنویر سنگھ بائیس اگست کو پولیس کے سامنے پیش نہیں ہو رہے ۔ تازہ ترین اطلاعات یہ ہیں کہ رنویر سنگھ نے پولیس کو خط لکھ کر مطلع کر دیا ہے کہ وہ بائیس اگست کو پولیس کے سامنے پیش نہیں ہو سکتے ان کو دو ہفتے کا وقت دیا جائے۔ کہا جا رہا ہے کہ اب چیمبر پولیس نئی تاریخ طے کرنے کے بعد رنویر کو تازہ سمن بھیجے گی۔ یاد رہے کہ رنویر سنگھ نے چند ماہ پہلے غیر ملکی میگزین کے لئے ایک بولڈ فوٹو شوٹ کروایا تھا جسے سوشل میڈیا پر بہت زیادہ تنقید کا نشانہ بنایا گیا تھا رنویر سنگھ کے بھارت میں مظاہروں کے درمیان پتلے بھی جلائے گئے اور کئی لوگوں نے کپڑے خیرات بھی کئے اور کہا کہ رنویر کے پاس کپڑے نہیں ہیں وہ انہیں پہن لیں۔

حال ہی میں سونم کپور کے گھر بیٹے کی ولاد ت ہوئی ہے سونم اور ان کی پوری فیملی کافی خوش ہے۔ سونم نے ووگ کے ساتھ خصوصی انٹرویو میں کہا کہ میں نے ابھی فیصلہ نہیں کیا کہ میرے بچے ہندوستان میں پڑھیں لکھیں گے یا لندن میں لیکن میں اتنا ضرور جانتی ہوں کہ انڈیا میرے لئے میرا گھر ہے اور میں یہاں زیادہ ریلیکس رہتی ہوں انہوں نے یہ بھی کہا کہ میں مکمل طور پر بمبئی گرل ہوں۔ سونم نے یہ بھی بتایا کہ جب مجھے میری پریگننسی کا پتہ چلا اس وقت میرے شوہر کورونا میں مبتلا تھے اور ہم دونوں لندن والے گھر میں رہ رہے تھے۔ میرے شوہر کورونا کی وجہ سے تنہائی میں رہ رہے تھے۔ مجھے جب میری پریگننسی کی خبر ملی تو میں نے زوم پر اپنے شوہر کو کال کی اور انہیں یہ خوشخبری دی ، ان کو جب میں نے یہ بتایا تو وہ بہت خوش ہوئے بلکہ انہوں نے ہی میرے والدین کو کال کی اور ان کو بتایا۔ سونم نے مزید یہ

بھی کہا کہ جب لڑکی ماں بن جاتی ہے تو اسکی ترجیحات تبدیل ہوجاتی ہیں۔انہوں نے مزید کہا کہ یہ تو ابھی سفر کی شروعات ہے ہمیں بس اتنا پتہ ہے کہ ہماری زندگیاں ہمیشہ کے لئے بدل گئی ہیں۔ یاد رہے کہ بیٹے کی ولادت کے بعد سونم کپور نے انسٹاگرام پر ایک پوسٹ شئیر کی اور اس میں انہوں نے دوستوں ،فیملی ممبر اور ڈاکٹرز نرسسز کا شکریہ ادا کیا۔سونم کپور انسٹاگرام پر کافی متحرک رہتی ہیں اور گزشہ چند ماہ سے وہ انسٹاگرام پر روٹین سے پوسٹیں لگا رہی ہیں۔انسٹاگرام پر سونم کو مبارکباد کا سلسلہ تاحال جاری ہے۔

انیل کپور کی بیٹی بالی وڈ اداکارہ سونم کپور کے گھر بیس اگست کو بیٹے کی پیدائش ہوئی، تب سے اب تک مبارکبادوں کا سلسلہ جاری ہے. حال ہی میں نیتو سنگھ نے بھی سونم کپور کو مبارکباد دینے کے ساتھ انیل کپور کو نانا بننے پر مبارکباد دی ہے اسی طرح سے بالی وڈ اداکارائوں انوشکا شرما، کترینہ کیف اور بپاشا باسو نے انسٹاگرام پر سونم اور آنند آہوجا کو پیار بھری مبارکباد بھیجی ہے. تینوں اداکارائوں نے لکھاکہ سونم ہم آپ کی اس خوشی میں شریک ہیں اور بیٹے کی ولادت کی ڈھیروں مبارکباد.یاد رہے کہ سونم کپور اپنی غیر معمولی ڈریسنگ کی وجہ سے بھی مشہور ہیں سونم کا کہنا ہےکہ ان کی بہن انہیں بتاتی ہے کہ انہیں کس کوموقع پر کیا پہننا ہے. سونم کپور نے بیٹے کی پیدائش سے قبل کی اپنی کچھ بولڈ تصاویر بھی سوشل میڈیا پر

شئیر کیں جسے تنقید کا نشانہ بنایا گیا تھا.بالی وڈ اداکارہ بی پاشا باسو خود بھی ہیں امید سے انہوں نے بھی اپنی بولڈ تصاویر سوشل میڈیا پر جاری کی ہیں ان تصاویر میں وہ اپنے شوہر کے ہمراہ ہیں. بالی وڈ میں نیا رجحان دیکھا جا رہا ہے کہ جو جو ہیروئین بھی پریگیننٹ ہوتی ہے وہ اسی حالت میں فوٹو شوٹ کرواکر سوشل میڈیا کی زینت بناتی ہے حال ہی میں‌پاکستانی ماڈل فیا خان نے بھی اسی ھالت میں اپنی تصاویر سوشل میڈیا پر ڈالیں جن پر کافی تنقید کی گئی.

اس برس ماسوائے چندایک فلموں کے جتنی بھی فلمیں‌ ریلیز ہوئی ہیں وہ بری طرح‌ ناکام رہی ہیں.فلموں کی مسلسل ناکامی پر پورا بالی وڈ ہے تشویش کا شکار. اکشے کمار نے بالی وڈ فلموں کے باکس آفس پر نہ چلنے پر خاموشی توڑ دی ہے اور کہا ہے کہ ہمیں دیکھنا ہو گا کہ آخر کیوں فلمیں‌ نہیں‌ چل رہیں اور آڈینز چاہتی کیا ہے. اکشے کمار نے اپنی اگلی فلم کٹ پٹلی کے ٹریلر لانچ کے موقع پر بالی ووڈ فلموں کی ناکامی پر پہلی بار کھل کر بات کی انہوں نے کہا کہ ہم سب کو سمجھنے کی ضرورت ہے کہ شائقین کا مزاج کیا ہے . اگر فلمیں ناکامی کا شکار ہو رہی ہیں اس کےلئے ہم کسی کو موردالزام نہیں ٹھہرا سکتے. اکشے کمار نے مزید کہا کہ ہماری فلمیں اگر نہیں‌ چل رہیں تو یہ ہماری غلطی ہے ہمیں‌ ہی تبدیلیاں لانی ہوں گی یادرہے کہ

اکشے کمار نے اپنی نئی فلم کٹ پتلی کا ٹریلر لانچ کیا ہے اس فلم میں ان کے ساتھ راکل پریت سنگھ، گرپریت گھُگی، سرگن مہتا اور چندرچور سنگھ بھی نظر آرہے ہیں.ٹریلر لانچ کی اس تقریب میں اکشے نے کٹ پتلی ڈانس بھی پیش کیا اوردیکھنے والوں کو حیران کر دیا۔ فلم کے ڈائریکٹر رنجیت ایم تیواری نے یہ بھی انکشاف کیا کہ یہ فلم ساؤتھ کی فلم رتساسن سے متاثر ہے جسے مسوری اور یو کے میں شوٹ کیا گیا ہے۔یاد رہے کہ حال ہی میں اکشے کمار کی فلم رکشا بندھن ریلیز ہوئی ہے جو بری طرح ناکام رہی ہے.

بالی وڈ کی اداکارہ عالیہ بھٹ نے حال ہی میں ایک انٹرویو دیا ہے اس میں انہوں نے اپنی پہلی فل اسٹوڈنٹ آف دا ائیر میں ملنے والے معاوضے پر بات کی . انہوں نے بتایا کہ مجھے اس فلم کے لئے پندراں لاکھ روپے کا چیک ملا اور وہ چیک میں نے اپنی ماں سونی رازدان کو دیدیا اور کہا کہ ماں ان پیسوں کو سنبھال لیں. عالیہ بھٹ نے یہ بھی انکشاف کیا کہ ان کی والدہ آج تک ان کے پیسوں کا حساب رکھتی ہیں مجھے بالکل بھی نہیں پتہ کہ میرے اکائونٹ میں کتنے پیسے ہیں یا ان کی تفصیلات کیا ہیں. اداکارہ نے کہا کہ میری ٹیم اب مجھے کہتی ہیں کہ عالیہ آپ کو خود اپنے بینک اکائونٹس اور پیسوں کے بارے میں آگاہی رکھنی چاہیے، اور اب جب کہ میں بچہ پیدا کر رہی ہوں، مجھے ایسا لگتا ہے کہ مجھے اپنے مالی معاملات پر خود قابو پانا چاہیے.یوں عالیہ بھٹ نے بتایا کہ کس طرح سے ان کی والدہ آج تک ان کے پیسوں کے معاملات

کو ہینڈل کرتی ہیں. یاد رہے کہ عالیہ بھٹ کا شمار بالی وڈ انڈسٹری کی باصلاحیت اداکاراؤں میں ہوتا ہے۔ بہت چھوٹی عمر میں اپنے کریئر کا آغاز کرنے والی اداکارہ کے کریڈٹ پر بڑی فلمیں ہیں‌ جن میں ڈیئر زندگی، گلی بوائے، ہائی وے، ہمپٹی شرما کی دلہنیا، 2 اسٹیٹس، کپور اینڈ سنز، رازی اور گنگو بائی کاٹھیواڑی قابل زکر ہیں. عالیہ بھٹ کی پہلی فلم سٹوڈنٹ آف دا ائیر کرن جوہر نے بنائی تھی اس میں ان کے ساتھ ورون دھون اور سدھارتھ ملہوترا بھی تھے.

نازیہ حسن کو دنیا سے رخصت ہوئے بائیس برس بیت چکے ہیں لیکن ان کی مقبولیت تاحال برقرار ہے ان کے مداح نہ صرف پاکستان بلکہ دنیا بھر میں‌پائے جاتے ہیں. اگست 2000 میں زندگی کی بازی ہارنے والی گلوکارہ کی تصاویر ان کی برسی کے موقع پر ٹائمز سکوائر کے بل بورڈ پر آویزاں کی گئیں. یقینا انکو خراج تحسین پیش کرنے کا یہ بہترین طریقہ تھا لیکن ناذیہ حسین کے پاکستانی مداح اس پر بہت خوش ہیں، تفصیلات کے مطابق میوزک سٹریمنگ ویب سائٹ اسپاٹی فائے نے ان کی تصویر پہلی بار امریکہ کے شہر نیویارک کے شہرہ آفاق ٹائمز اسکوائر کے بل بورڈز پر آویزاں کردیں.یاد رہے کہ اسپاٹی فائے نے ٹائمز اسکوائر پر نازیہ

حسن کی تصویر اکوئل پاکستان نامی منصوبے کے تحت آویزاں کیں، جسے ویب سائٹ نے رواں برس مارچ میں شروع کیا تھا۔نازیہ حسن سے پہلے بھی حدیقہ کیانی اور گلوکارہ نتاشا بیگ کی بھی ٹائم اسکوائر پر آویزاں کی جا چکی ہیں. نازیہ حسن کی ٹائم اسکوائر پر تصاویر آویزاں کرنے پر یقینا پاکستانیوں کے سر فخر سے بلند ہو گئے ہیں. یاد رہے کہ نازیہ حسن پاکستان کی بہترین پاپ گلوکارہ تھیں ان کے گائے ہوئے گیت آج بھی نوجوان نسل سنتی ہے ان کی گائیکی یقینا نوجوان نسل کے لئے مشعل راہ ہے. نازیہ حسن کا کیرئیر دیکھیں تو وہ کامیاب نظر آتی ہیں لیکن ذاتی زندگی میں وہ کافی پریشان تھیں.

سکینڈلز میں‌ گھری رہنے والی ہانیہ عامر نے حال ہی میں ایک انٹرویو دیا ہے اس انٹرویو میں‌ پہلی بار وہ سنجیدہ باتیں‌ کرتی ہوئی نظر آئی ہیں انہوں نے کہا کہ آپ کی زندگی میں کیا ہو رہا ہے کیا نہیں یہ لوگوں کو بتانے کی ضرورت نہیں. نہ ہی سوشل میڈیا پر اپنے رشتوں اور دوستی کے تعلق کے بارے میں بات کرنی چاہیے. اداکارہ نے مزید کہا کہ میں نے اپنی غلطیوں سے بہت کچھ سیکھا ہے.انہوں نے کہا کہ دوستی اور کسی سے تعلق نہایت ہی پرسنل ہوتا ہے اسکو سوشل میڈیا پر لیجانے سے آپکا ہی نقصان ہوتا ہے لوگ طرح طرح کی باتیں کرتے ہیں. ہانیہ نے یہ بھی کہا کہ وہ اب سوشل میڈیا پر ذاتی زندگی کو بالکل بھی نہیں لیکر آئیں گے. ہانیہ عامر کے اس انٹرویو کو بہت زیادہ پسند کیا گیا اور سب نے جہاں ہانیہ کی باتوں سے اتفاق کیا وہیں

اداکارہ سعدیہ فیصل نے بھی اتفاق کیا انہوں نے کہا کہ ہانیہ نے جو بھی کہا ہے میں اس سے سو فیصد متفق ہوں لوگ تو یہاں واش روم میں بھی جائیں تو پوسٹ کر دیتے ہیں جو کہ بہت ہی مضحکہ خیز ہے.
یاد رہے کہ ہانیہ عامر کا شمار ان اداکارائوں میں‌ہوتا ہے جو بلا سوچے سمجھے بولتی ہیں اور جب بولتی ہیں تو پھر سوشل میڈیا پر تنقید کا نشانہ بھی بنتی ہیں.سعدیہ فیصل معروف ماڈل ہونے کے ساتھ اداکارہ صبا فیصل کی بیٹی ہیں.

اداکارہ ماہرہ خان ہیں بہت ناراض ماہرہ خان کے ساتھ ساتھ ڈائریکٹر نبیل قریشی بھی ہیں برہم بلکہ قائداعظم زندہ باد کی پوری ٹیم اس وقت برہم ہے. تفصیلات کے مطابق دراز پر فلم قائداعظم زندہ باد کی کاپی کو صرف بیس روپے میں فروخت کیا جا رہا ہے. جس پر فلم کی ٹیم دراز پے ہے برہم .ماہرہ خان نے کہا ہے کہ میں دراز کی اس حرکت پر ناخوش ہوں اور مجھے افسوس ہوا ہے کہ دراز یہ کام کررہا ہے. اسی طرح سے فلم کے ڈائریکٹر نبیل قریشی نے بھی ایک ٹویٹ کیا اور لکھا کہ” ہماری فلم ابھی تک سینما ہالز میں دکھائی جا رہی ہے اوراس کی چوری شدہ کاپی کو غیر قانونی طور پر دراز پر محض 20 روپے میں فروخت کیا جا رہا ہے، اس طرح کی غیر قانونی فروخت سے فلم انڈسٹری کو نقصان پہنچے گا، نبیل قریشی نے یہ بھی

لکھا کہ پروڈکشن ہاؤس درا ز کیخلاف قانونی کارروائی کرے گا”۔فضا علی مرزا نے بھی دراز کو ٹویٹر پر ٹیگ کرتے ہوئے شرم دلائی اس کے بعد دراز کو وضاحت پیش کرنا پڑ گئی اور انہوں نے اپنی غلطی کا اعتراف کرتے ہوئے فلم کی ٹیم سے معذرت کی اور اپنی فروخت کرنے والی چیزوں کی لسٹ سے فلم نکال دی. یاد رہے کہ فلم قائداعظم زندہ باد ریلیز سے لیکر اب تک اچھا بزنس کررہی ہے اور یہ اپنی نوعیت کی پہلی پاکستانی فلم ہے جس میں ایسے ایفیکٹس کا استعمال کیا گیا ہے جو پہلے کبھی کسی پاکستانی فلم میں‌ استعمال نہیں‌کیا گیا.