Category: شوبز

ورسٹائل اداکار احسن خان جنہوں نے اپنے کیرئیر میں بہت سارے رسک لئے ہیرو کا امیج رکھنے والے اس فنکار نے ابھی تک جتنے بھی کردار کئے ہیں وہ یقینا قابل تحسین ہیں. حال ہی میں ان کا ڈرامہ سیریل فراڈ چل رہا ہے جس میں انہوں نے ایک منفی کردار ادا کیا ہے یہ کردار ہمیں اپنی حقیقی زندگی میں اردگرد نظر آتے ہیں. اس کردار میں احسن خان نے اپنی جاندار اداکاری سے حقیقت کے رنگ بھر دئیے ہیں . اپنے حالیہ انٹرویو میں احسن خان نے کہا کہ میں ایسے کردار کرنا چاہتا ہوں کہ جو لوگوں‌کو یاد رہ جائیں بلکہ ان کے زہنوں پر نقش ہوجائیں .میں نے ہمیشہ کوشش کی ہے کہ مختلف کردار کروں لیکن پھر

بھی کہیں نہ کہیں ابھی تک تشنگی ہے مزید اچھے کردار کرنے کی. احسن خان کے بارے میں مشہور ہے کہ وہ سینئرز کو بہت زیادہ احترام دیتے ہیں اسی چیز کا اعتراف کرتے ہوئے اداکار نے انٹرویو میں کہا ہے کہ میں اپنے سینئر کی پہلے دن سے آج تک عزت کرتا ہوں ان کے احترام میں‌کھڑا ہوجاتا ہوں اور میرا ایمان ہے کہ جو لوگ اپنے سینئرز کا احترام کرتے ہیں انہیں کامیابیاں ملتی ہیں.احسن خان نے مزید کہا کہ آج جو ڈرامے بن رہے ہیں وہ خاصے اچھے ہر موضوع کو کور کرنے کی کوشش کی جا رہی ہے ٹی وی اصلاح کا زریعہ ہے یہاں اصلاحی کھیل ہی پیش کئے جانے چاہیں.یاد رہے کہ احسن خان نے نوے کی دہائی کی فلم نکاح میں ایک چھوٹا سا کردار کیا تھا اس کردار کے بعد انہیں نوٹس کیا گیا اور پھر انہوں نے پیچھے مڑ کر نہیں دیکھا.

کم عمری میں گائیکی کی شروعات کرنے والی گلوکارہ شبنم مجید ہیں ایک مہان گائیک کی شاگرد اس مہان گائیک نے ان کی ایسی تربیت کی جس کے بعد انہوں نے پوری دنیا میں پاکستان کا نام روشن کیا. گلوکارہ شبنم مجید نصرت فتح علی خان کی شاگرد ہیں انہوں نے موسیقی کی باقاعدہ تربیت ان سے حاصل کی. انہوں نے اسی تربیت کے دوران سیکھا کہ ریاضت کتنی ضروری ہے. شبنم مجید بتاتی ہیں کہ وہ آج تک ریاضت کرتی ہیںا ور کبھی بھی اسے چھوڑنے کا نہیں سوچ سکتیں.اپنے حالیہ انٹرویو میںانہوں نے کہاہے کہ مجھے فخر ہے کہ میں نصرت فتح علی خان جیسی مہان شخصیت کی شاگرد رہی ہوں. شبنم

مجید کہتی ہیں کہ جن کو بھی گائیکی کا شوق ہے وہ ضرور گائیں لیکن گانا شروع کرنے سے پہلے وہ کسی سے تربیت ضرور ھاصل کریں. شبنم مجید یہ بھی بتاتی ہیں کہ مجھے کافی بار اداکاری کی آفر ہوئی لیکن میں نے شروع سے ہی طے کر رکھا تھا کہ مجھے گلوکاری ہی کرنی ہے اسلئے میں نے اداکاری کی آفرز کو منع کر دیا اور فیصلہ کیا کہ جس ٹریک پر چل رہی ہوں اسی پر چلوں گی. میری منزل گائیکی ہے اور پاکستان کا نام بین الاقوامی سطح پر روشن کرنا ہے وہی کروں گی اور وہی کیا بھی، .شبنم مجید نے فلموں‌کے لئے بھی گایا ان کی سریلی آواز یقینا کانوں میں رس گھولتی ہے.

دا لیجنڈ آف مولا جٹ جس کی ریلیز کا شائقین کو بے چینی سے انتظار ہے. کہا جا رہا ہے کہ فلم 13 اکتوبر کو سینما گھروں‌کی زینت بننے جا رہی ہے. فلم کی ایگزیکٹیو پرڈیوسر عمارہ حکمت بھی خاصی خوش ہیں ان کا کہنا ہے کہ فلم ہم نے بہت محنت اور دل سے بنائی ہے امید ہے ہ شائقین اسکو ضرور سراہیں گے. بلال لاشاری کی ڈائریکشن میں بنی اس فلم کی ریلیز چار سال سے رکی ہے کبھی کورونا تو کبھی عدالتی کاروائیاں. فلم کا پہلا ٹریلر 2018 میں ریلیز ہوا ٹریلر نے ریلیز ہوتےہی دھوم مچا دی لیکن سرور بھٹی جنہوں نے پنجابی مولا جٹ بنائی تھی وہ کاپی رائٹس کا معاملہ عدالت لے گئے یہ معاملہ کلئیر ہوا تو پھر

فلم کی ریلیز کورونا کی وجہ سے رکی رہی.فواد خان ، ماہرہ خان ، حمزہ علی عباسی اپنے کیرئیر کے یقینا مختلف کرداوں میں نظر آئیں گے. ماہرہ خان اس میں بہت ہی خوبصورت انداز میں پنجابی بولتی ہوئی نظر آرہی ہے. ماہرہ خان کا ایک ڈائیلاگ ”وے مولیا دس دے ایناں توں میں تیری پکی پکی مشوق آں” بہت ہٹ ہوا ماہرہ خان کہیں بھی جاتی ہیں تو ان سے اس ڈائیلاگ کے بولنے کی فرمائش کی جاتی ہے. کہا جا رہا ہے کہ فواد خان بھی فلم کی ریلیز پر کافی خوش ہیں ان کا کہنا ہے کہ ہم نے اس فلم کو بناتے ہوئے بہت مزہ کیا یقینا دیکھنے والے بھی لطف اندوز ہوں گے.

بالی وڈ کے کنگ شاہ رخ خان کی 2007 میں ریلیز ہونے والی فلم چک دے انڈیا کو 15 سال ہوگئے ہیں اس موقع پر شاہ رخ خان نے فلم سے جڑی کچھ یادوں کو اپنے مداحوں کے ساتھ شئیر کیا. انہوں نے کہا کہ مجھے اندازہ نہیں تھا کہ یہ فلم باکس آفس پر اتنی بڑی ہٹ ثابت ہو گی حالانکہ مجھے تو اس فلم کے کلائمیکس پر شدید اعتراض تھا اس وجہ سے میں یہ فلم سرے سے ہی نہیں کرنا چاہتا تھا اور اسی وجہ سے سلمان خان بھی اس فلم کو کرنے سے منع کر چکے تھے. شار رخ خان نے یہ بھی کہا کہ چک دے انڈیا میرے کیرئیر کی سب سے مشکل ترین فلم تھی.دوسری طرف سلمان خان نے چک دے انڈیا میں شاہ رخ خان

کی اداکاری کی بے حد تعریف کی تھی اور یہاں تک کہہ دیا تھا کہ یہ شاہ رخ خان کے کیرئیر کی بہترین فلموں میں سے ایک ہےاور ان کی جاندار اداکاری کی وجہ سے فلم نے اتنی کامیابی حاصل کی.شاہ رخ خان نے کہا کہ ریلیز سے قبل انہیں بالکل بھی آئیڈیا نہیں تھا کہ فلم سپر ہٹ ہوجائیگی اور شائقین جوک در جوک اسے دیکھنے کےلئے سینما گھروں کا رخ کریں گے.
شاہ رخ خان کا کہنا تھا کہ یش چوپڑا سمیت بہترین فلمسازوں اور نئے چہروں کے ساتھ بننے والی کہانی کی ابتدائی فلم بینی کے دوران ہم سر پکڑ کر بیٹھ گئے کہ ہم کیسا پراجیکٹ کر بیٹھے ہیں شاید ہم سب کے کیرئیر کا براترین پراجیکٹ ہے. 2007 میں ریلیز ہو نے والی فلم “چک دے انڈیا” میں شاہ رخ خان نے انڈین وومن ہاکی ٹیم کے کوچ کا کردار ادا کیا.

بھارت کے معروف کامیڈین نے 1980 میں اپنے کیرئیر کی شروعات کی انکو بہترین سٹینڈ اپ کامیڈین بھی مانا جارا ہے.راجو نے سٹیج شوز کے علاوہ فلموں میں بھی کام کیا. کہا جا رہا ہے کہ ان کی حالت بگڑ رہی ہے اور بگڑتی ہوئی حالت کے پیش نذر ان کو ڈاکٹروں نے وینٹی لیٹر پر منتقل کر دیا ہے. رپورٹس کے مطابق راجو کو گزشتہ روز ایکسرسائز کرتے ہوئے دل پر درد محسوس ہوئی اور درد کی شدت اتنی زیادہ تھی کہ وہ گر پڑے اس کے بعد انہیں دہلی کے آل انڈیا انسٹیٹیوٹ آف میڈیکل سائنسز (اے آئی آئی ایم ایس) لے جایا گیا ڈاکٹروں نے چیک اپ کرنے کے بعد بتایا کہ انہیں دل کا دورہ پڑا ہے. ڈاکٹر کل سے

ہی راجو کی طبیعت کی بہتری کے لئے اقدامات کررہے ہیں لیکن ان کی طبیعت نہیں سنبھل رہی اور کہا جا رہا ہے کہ اب انہیں وینٹی لیٹر پر متنقل کر ددیا گیا ہے ان کے گھر والوں نے ان کے مداحوں سے دعا کی اپیل کی ہے. راجو شری واستو کے پرسنل اسسٹنٹ اجیت سکسینہ کا کہنا ہے کہ راجو شری واستو بی جے پی کے کچھ اہم رہنماؤں سے ملاقات کے لئے دہلی آئے تھے۔راجو خاصی نرم طبیعت کے مالک ہیں انہوں نے رئیلٹی شو بگ باس میں صحیح ایک جنٹلمین ہونے کا ثبوت بھی دیا. اس کے علاوہ راجو شری واستو فلم ڈیولپمنٹ اتھارٹی کونسل اترپردیش کے موجودہ چیئرمین بھی ہیں۔راجو شری واستو کے مداح انکی صحتیابی کے لئے دعا گو ہیں.

بالی وڈ کے اداکار سنجے دت کی بیٹی تریشالا دت کی سالگرہ کے موقع پر سنجے دت نے سوشل میڈیا پر اپنی اور اپنی کم سن بیٹی کی پرانی تصویر شئیر کی. انہوں نے اپنی بیٹی کو سالگرہ وش کرتے ہوئے لکھا "آپ کی سالگرہ ہمیشہ میری زندگی کے سب سے زیادہ خوبصورت لمحات میں سے ایک رہے گی، آپ سے میری دنیا روشن ہے، آئی لو یو میری بیٹی میری شہزادی. ان کی اس تصویر کے نیچے ان کے مداحوں نے بڑی تعداد میں کمنٹس کئے اور تصویر کو بہت زیادہ پسند کیا. کسی نے کمنٹس میں لکھا کہ”بہت پیاری تصویر جناب۔” ایک اور صارف نے تبصرہ کیا، "سر حیرت انگیز تصویر۔”. تریشالا دت سنجے دت کی پہلی بیوی، رچا شرما کی بیٹی ہیں، جو 1996 میں برین ٹیومر کی وجہ سے انتقال کر گئیں۔یاد

رہے کہ سنجے دت کی حال ہی میں فلم شمیشرا ریلیز ہوئی ہے اس میں انہوں نے نیگٹیو کردار ادا کیا ہے اس فلم میں رنبیر کپور اور وانی کپور بھی تھے لیکن فلم شائقین کا دل نہیں موہ سکی لیکن سنجے دت کے کردار کی خاصی تعریف کی گئی.سنجے ایک ایسے باصلاحیت اداکار ہیں جنہوں نے سنجیدہ اور کامیڈی جو بھی کردار کیا شائقین نے زبردست پذیرائی دی. سنجے دت کی باڈی دیکھ کر ہی سلمان خان نے بھی خود پر توجہ دی. بالی وڈ کے جن فنکاروں کو دنیا پسند کرتی ہے وہ فنکار خود سنجے دت کے بڑے مداح ہیں وہ الگ بات ہے کہ سنجے دت کی زندگی اتار چڑھائو کا شکار رہی ہے.

بالی وڈ اداکارہ شلپا شیٹھی بھارتی پولیس فورس کے سیٹ پر شوٹنگ کے دوران زخمی ہوگئیں ہیں ان کی ٹانگ ٹوٹ گئی ہے. انہوں نے سوشل میڈیا پر جو اپنی تصویر جاری کی ہے اس میں ان کو ویل چئیر پر دیکھا جا سکتا ہے شلپا کی ٹانگ پر پلستر چڑھا ہوا ہے. اداکارہ نےسوشل میڈیا پر اپنے مداحوں کے ساتھ اس بد قسمت حادثے کی خبر شئیر کی اور لکھا ”مجھے ہدایت ملی ‘رول، کیمرا، ایکشن، break a leg ‘، میں نے اس جملے کو لغوی معنوں میں عملدرآمد کرکے دکھا دیا۔ یہ خبر سنتے ہی ان کے مداحوں میں پریشانی کی لہر دوڑ گئی.شلپا شیٹی زخمی ہو کر بھی

حوصلے میں‌نظر آرہی ہیں. ہسپتال میں ویل چئیر پر لی گئی تصویر میں ان کو مسکراتے ہوئے دیکھا جا سکتا ہے. کہا جا رہا ہے کہ شلپا شیٹی اب 6 ہفتوں تک چلنے پھرنے سے قاصر رہیں گی، صرف ایک ہی دن پہلے شلپا نے اپنی ویب سیریز کے سیٹ سے ویڈیو شیئر کی تھی جس میں وہ بھرپور ایکشن میں نظر آئیں۔یاد رہے کہ شلپا شیٹی جس پراجیکٹ کے لئے کام کرتے ہوئے زخمی ہوئی ہیں وہ روہت شیٹی کا ہے جس میں سدھارتھ ملہوترا اور وویک اوبرائے بھی نظر آئیں گے ۔ اداکارہ شلپا شیٹی نے نوے کی دہائی میں اپنے کیرئیر کی شروعات کی تب سے لیکر اب تک وہ شائقین کو اپنی اداکاری اور ڈانس سے محظوظ کررہی ہیں.

فرحان اختر کی ڈائریکشن میں‌ بننے وال فلم دل چاہتا ہے کو آج اکیس برس ہو گئے ہیں اکیس برس پہلے یہ سینما گھروں‌کی زینت بنی اور آج تک اسکی پذیرائی میں‌کمی نہیں‌آئی. فلم کے اکیس سال پورے ہونے پر فلم میں‌اہم کردار کرنے والی پریتی زنٹا نے سوشل میڈیا پر ایک نوٹ لکھا ” یہ فلم میرے دل کے ہمیشہ ہی قریب رہے گی یہ فلم میرے دل میں خصوصی جگہ رکھتی ہے، کاسٹ اور کرو سب کا شکریہ جن کی وجہ سے ایک بہترین فلم بننے میں‌مدد ملی. پریتی زنٹا کی اس پوسٹ کے نیچے سٹارز اور مداحوں نے کمنٹس کئے ایک مداح نے لکھا کہ "21 سال بعد بھی یہ فلم ہمیں پسند ہے ، یہ آئی کونک فلم ہے۔ ایک اور مداح نے کہا آپ نے فلم میں

بہت اچھی اداکاری کی تھی. یاد رہے کہ پریتی زنٹا نے اپنے فلمی کیرئیر کی شروعا ت 1998 میں منی رتنم کی فلم ‘دل سے’ کی۔ اس فلم کے لئے انہیں فلم فیئر کے لئے بہترین ڈیبو اداکارہ کے ایوارڈ سے نوازاگیا. فلم میں پریتی زنٹا نے شاہ رخ خان کے مقابلے میں‌کام کیا اس بعد انہوں نے تقریبا تمام بڑے سٹارز کے ساتھ کام کیا. پریتی زنٹا کا شمار ان خوش نصیب اداکارائوں میں‌ہوتا ہے جن کو تینوں خانز شاہ رخ خان ، عامر خان ، سلمان خان کے ساتھ کام کرنے کا موقع میسرآیا یہاں تک کہ پریتی زنٹا نے سیف علی خان کے ساتھ بھی کام کیا.

فلم لال سنگھ چڈھا آج ریلیز ہونے جا رہی ہے ، عامر خان نے گزشتہ روز اس فلم کی سکریننگ کا اہتمام کیا. اس موقع پر بالی وڈ کی جن نامور شخصیات نے شرکت کی ان میں کالکی کوچلن، رندیپ ہڈا، مکیش چھابڑا، کنال کپور، رنویر سنگھ، دیپیکا پڈوکون، عرفان پٹھان، یوسف پٹھان، کرینہ کپور، سیف علی خان، وجے ورما، ایرا خان، روہت صراف، شریا پیلگونکر، سشمیتا سین، اتل کلکرنی، ناگا چیتنیا اکینینی، رمیش تورانی، ٹسکا چوپڑا، ریچا چڈھا، آشوتوش گواریکرو دیگر کے نام قابل زکر ہیں. فلم جس جس سلیبرٹی نے بھی ابھی تک دیکھی ہے انہوں نے اچھے ریمارکس دئیے ہیں. شاہ رخ خان کو ان کے گھر جا کر عامر خان نے فلم دکھائی شاہ رخ نے تعریفوں کے پل باندھے تھے.

واضح رہے کہ عامر خان کا شمار بالی وڈ کے بہترین اداکاروں میں ہوتا ہے۔ ان کی فلموں میں اکثر کوئی نہ کوئی پیغام ہوتا ہے وہ جب بھی کسی فلم میں‌کام کرتے ہیں اس کی کہانی کے سکرپٹ کی مضبوطی کو اہمیت دیتے ہیں یہی وجہ ہے کہ ان کی فلم کو لوگ سال ہا سال یاد رکھتے ہیں. لال سنگھ چڈھا ان فلموں میں سے ایک ہے جس نے ریلیز سے قبل نہ صرف دھوم مچا رکھی ہے بلکہ اس کی ریلیز کا شدت سے انتظار کیا جا رہا ہے. کرینہ کپور کا کہنا ہےکہ ان کے لئے فلم اس لئے بھی اہم ہے کیونکہ اس میں کام کرنے کے دوران وہ پانچ ماہ کی حاملہ تھیں اور اسی حالت میں انہوں نے کام کے ساتھ اپنی کمٹمنٹ نبھائی.

بالی وڈ فلم ”دل چاہتا ہے” کی ریلیز کو 21 برس ہو گئے ہیں اس موقع پر فلم کے ڈائریکٹر فرحان اختر نے اپنے انسٹاگرام اکائونٹ پر ایک پرانی وڈیو شئیر کی اور لکھا کہ "وہ فلم جس نے یہ سب شروع کیا، آج 21 سال کی ہو گئی ہے۔ کاسٹ اور عملے کا شکریہ جنہوں نے مجھ پر یقین کیا، ناظرین کا بھی شکریہ جنہوں‌نے اس فلم کو اتنا پیار دیا.
فرحان اختر نے اس فلم سے اپنے ڈائریکشن کیرئیر کی شروعات کی، فلم کی کاسٹ میں پریتی زنٹا، عامر خان، سیف علی خان، اکشے کھنہ، ڈمپل کپاڈیہ، اور سونالی کلکرنی و دیگر شامل تھے. 2001 میں ریلیز ہونے والی اس فلم میں فلم

کی کاسٹ نے بہترین اداکاری کی. عامر خان، اکشے کھنہ اور سیف علی خان کی جوڑی نے شائقین کے دل موہ لئے اُس سال کی یہ بہترین فلم بھی قرار پائی ان تینوں کی جوڑی کا سحر آج تک برقرار ہے. کہا جاتا ہے کہ عامر خان فلم میں اکاش ملہوترا کے کردار کے لیے پہلا انتخاب نہیں تھے، اسی طرح سے سیف علی خان بھی سمیر کے کردار کے لیے پہلی چوائس نہیں تھے.نہ صرف فلم بلکہ اس کا میوزک بھی اُس دور میں‌بہت کامیاب ہوا تھا،پریتی زنٹا کی خوبصورت اداکاری نے شائقین کا دل موہ لیا تھا.یاد رہے کہ فرحان اختر جاوید اختر کے بیٹے ہیں ان کی بہن زویا اختر بھی ہدایتکارہ ہیں.دونوں کی کام کو بالی وڈ میں عزت کی نگاہ سے دیکھا جاتا ہے یہی وجہ ہے کہ بالی وڈ کے تمام بڑے سٹارز ان کی ڈائریکشن میں کام کرنا چاہتے ہیں.