Category: شوبز

مدیحہ شاہ کا شمار پاکستان کی ایسی اداکارائوں میں ہوتا ہے کہ جنہوں نے فلموں اور سٹیج ڈراموں میں‌کام کیا. مدیحہ شاہ نے نوے کی دہائی میں بڑے ہیروز کے ساتھ کام کیا.بعد ازاں انہوں نے سٹیج ڈراموں کا رخ کیا وہ الگ بات ہے کہ سٹیج ڈراموں پر ان کا ڈانس متنازعہ رہا ہے. مدیحہ شاہ نے حال ہی میں ایک انٹرویو دیا ہے اس میں انہوں نے کہا کہ میں نے شوبز سے بالکل بھی کنارہ کشی اختیار نہیں کی نہ ہی میں نے کبھی کوئی ایسا اعلان کیا ہے . مجھے جب بھی کوئی اچھی فلم یا ڈرامہ آفر ہوتا ہے تو میں کرلیتی ہوں. مزید بھی اگر اچھی فلمیں یا ڈرامے آفر ہوئے تو ضرور کروں گی. اداکار کا کام اداکاری کرنا ہے وہ اس

کو چھوڑ کر کہاں جا سکتا ہے. مدیحہ شاہ نے مزید یہ بھی کہا کہ ہمارے شوبز میں جو ماحول ہے وہ ایسا ہے کہ کوئی بھی ایک دوسرے کی برتری کو قبول کرنے کو تیار ہی نہیں ہوتا ایسا نہیں ہونا چاہیے جس کو عوام پسند کررہی ہو ہمیں بھی اسکو پسند کرنا چاہیے. اداکارہ نے مزید کہا کہ دوسروں کے لئے آسانیاں پیدا کریں تو آپ کے لئے اللہ تعالی آسانیاں کرتے ہیں.مدیحہ شاہ نے مزید یہ بھی کہا کہ انسان کا عمل اور اسکی زبان اسکے کردار کے بارے میں بتاتی ہے کہ کیسا ہے اس لئے کوشش کریں‌کہ جب بھی بولیں اچھا بولیں جو بھی کریں اچھا کریں.

فلم ”جیوا” سے کیرئیر کی شروعات کرنے والی اداکارہ ریشم نے فلم انٍڈسٹری میں ہیروئین کا تصور بالکل تبدیل کرکے رکھ دیا تھا. ریشم کا شمار ان اداکارائوں میں ہوتا ہے جنہوں نے وقت کے ساتھ ساتھ خود کو بدلا اپنے بولنے چالنے پر توجہ دی اور سیکھا کہ دنیا کے ساتھ کیسے چلنا ہے. ریشم اکثر اپنے گھر پر کوکنگ کرتی نیاز تیار کرتی ہوئی نظر آرہی ہوتی ہیں. ھال ہی میں اداکارہ ریشم نے ایک انٹرویودیا ہے اس میں انہوں نے کہا کہ آج اچھے ڈرامے بن رہے ہیں ان میں گلیمر بھی کافی زیادہ ہے لیکن یہ بھی زہن میں رہنا چاہیے ہر کوئی گلیمر کو پسند نہیں کرتا. انہوں نے مزید کہا کہ ٹی وی ڈرامے معاشرے کی اصلاح

کا بہترین ذریعہ ہیں اور سکرپٹ بھی پھر اسی حساب سے لکھا جانا چاہیے. اداکارہ ریشم نے مزید کہا کہ میں نے ٹی وی اور ڈرامے دونوں میں کام کیا ہے اور میں نے جتنا بھی کام کیا ہے اس پر بہت مطمئن ہوں. اب بھی اگر اچھا کام ملے گا تو یقینا کروں گی. جو لوگ ریشم کو قریب سے جانتے ہیں انہیں پتہ ہے کہ ریشم کو ادب سے خاصا لگائو ہے وہ اکثر خوبصورت اشعار اور غزلیں بھی سنا رہی ہوتی ہیں. اداکارہ نے کہا کہ کتابیں تنہائی کا بہترین ساتھی ہیں کتابوں سے بہتر کوئی دوست نہیں‌ہو سکتا. کتابوں سے ہم بہت کچھ سیکھ سکتے ہیں وہ الگ بات ہے کہ اب کتابیں‌پڑھنے کا بہت زیادہ رجحان باقی نہیں رہ گیا.

بالی وڈ کے پرفیکشنسٹ عامر خان کی فلم لال سنگھ چڈھا جو کہ 11 اگست کو ریلیز ہونے جا رہی ہے اس فلم کا شائقین کو بے چینی سے جہاں انتظار ہے وہیں ایک طبقہ ایسا ہے جس نے فلم کے بائیکاٹ کا اعلان کر رکھا ہے عامر خان اس وجہ سے کافی پریشان ہیں. عامر خان نے اپنی فلم کی پرموشنز کے دوران معافی مانگ لی ہے انہوں نے کہا کہ ” اگر میں نے کسی کا دل دکھایا ہے اپنی کسی بات کی وجہ سے تو میں معافی مانگتا ہوں. میں ان سب کی بھی عزت کرتا ہوں جو یہ فلم نہیں دیکھنا چاہتے
لیکن میں پھر بھی سب سے کہوں گا کہ میری فلم دیکھیں. عامر خان کی یہ فلم ہالی وڈ کی فلم فارست گمپ کا ہندی میں

ری میک ہے. عامر خان کو بہت زیادہ یقین ہے کہ انہوں‌ نے ایک اچھی فلم بنائی ہےلیکن وہ بہت زیادہ نروس ہیں. ان کا کہنا ہے کہ انہوں نے یہ فلم بہت دل سے بنائی ہے اگر شائقین کو یہ پسند نہ آئی تو انہیں اچھا نہیں لگے گا. یاد رہے کہ عامر خان نے شاہ رخ خان کو فلم ان کے گھر جا کر دکھائی ہے اس کے علاوہ انہوں نے ٹام ہینکس کو بھی فلم دیکھنے کی دعوت دی ہے.لال سنگھ چڈھا کے ساتھ رکشا بندھن و دیگر فلمیں بھی ریلیز ہو رہی ہیں دیکھنا یہ ہے کہ لال سنگھ چڈھا کے بارے میں عامر خان جو دعوے کررہے ہیں وہ کتنے ٹھیک ثابت ہوتے ہیں اور شائقین فلم کو کتنا پسند کرتے ہیں.

عامر خان بالی وڈ کے معروف پرڈیوسر طاہر حسین کے صاحبزادے ہیں.عامر خان نے ھال ہی میں ایک انٹرویو کے دوران اپنے بچپن کے دنوں کی پسماندگی کو یاد کیا. عامر خان نے کہا کہ میرے والد ایک بڑے پرڈیوسر تھے انہوں نے بہت ہٹ فلمیں بھی بنائیں لیکن انہوں نے پیسہ نہیں بنایا. جب آپ ایک بڑے پرڈیوسر کے بیٹے ہوتے ہیں تو لوگوں‌کو لگتا ہے کہ آپ بہت امیر ہیں. انہوں نے کہا کہ میرے والد بالکل بھی اچھے بزنس مین نہیں تھے میرے والد ہمیشہ قرض میں رہتے تھے اور انہیں 1986 کی فلم لاکٹ بنانے میں 8 سال لگے اور ان کے پیسے پھنس گئے۔میرے والد نے بہت سارے قرض لے رکھے تھے اور اس وقت شرح سود 36% تھی اور ایک وقت ایسا آیا کہ ہم تقریباً بے گھر ہونے

والے تھے۔ میں جس اسکول میں پڑھ رہا تھا اس کی فیس کم تھی، یہ تھی چھٹی جماعت کی 6 روپے ، ساتویں جماعت کی 7 روپے ، آٹھویں جماعت 8 روپے ،دسویں جماعت کےلئے 10 روپے. ہمارے گھر کے حالات بہت خراب تھے اس لئے ہم لوگ وقت پر فیس نہیں ادا کر پاتے تھے یوں وقت پر فیس ادا نہ کرنے والوں کا نام سکول کی اسمبلی میں لیا جاتا تھا جس پر مجھے بہت شرمندگی ہوتی تھی. عامر خان نے مزید کہا کہ میں ٹینس کا بہت اچھا کھلاڑی تھا میں ٹورنامنٹ کھیلتا تھا مجھے انعام میں جو رقم ملتی تھی اپنے والد کو دے دیتا تھا اس کے بعد وہ مجھے ان پیسوں سے جوتے ٹی شرٹ خرید دیتے تھے .عامر نے کہا کہ "ہم مشکل وقت سے گزرے ہیں، میرے والد نے بہت جدوجہد کی ہے۔ ہم مالی طور پر بہت اچھے نہیں تھے لیکن ہمارا بچپن اچھا گزرا۔

بونی کپور کے صاحبزادے ارجن کپور اور انیل کپور کی بیٹی سونم کپور دونوں بہن بھائیوں کا آپس میں بہت پیار ہے، پورا بالی وڈ جانتا ہےکہ یہ دونوں کزن ایک دوسرے کا بہت خیال رکھتے ہیں ان کا بچپن ایک ساتھ گزرا ہے. ارجن کپور اور سونم کپور نے حال ہی میں کافی ود کرن میں شرکت کی، دونوں نے اس میں اپنے بچپن کی باتیں اور قصے کہانیاں شئیر کیں. سونم کپور نے کہا کہ سکول میں انہیں ایک بار ایک بدمعاش نے باسکٹ بال کورٹ چھوڑنے کے لیے کہا اور پھر انہوں نے اپنے بھائی ارجن کپور

سے اس بات کی شکایت کی. ارجن کپور اس لڑکے کے پاس گئے اور انہیں کہا کہ آپ میری بہن کے ساتھ کیسے بات کررہے ہو، بس اس کا نتیجہ یہ نکلا کہ انہیں سکول سے نکال دیا گیا. یاد رہے کہ ارجن کپور اس وقت بہت سارے دلچپسپ پراجیکٹس میں کام کررہے ہیں جن کا ان کے مداحوں کو بے چینی سے انتظار ہے . ارجن آخری بار تارا ستاریا، دیشا پٹانی اور جان ابراہم کے ساتھ ایک ولن ریٹرنز میں نظر آئے تھے۔ارجن کپور ملائکہ اروڑا کے ساتھ دوستی کو لیکر بھی کافی چرچا میں ہیں اسی دوستی کی وجہ سے وہ آئے دن خبروں میں ہوتے ہیں. ھال ہی میں ارجن اپنی سالگرہ ملائکہ اروڑا کے ساتھ پیرس میں‌منا کر وطن واپس لوٹے ہیں.

ورسٹائل اداکارہ بشری انصاری نے اداکار جاوید شیخ کو ماضی کی یاد دلا دی. بشری انصاری نے سوشل میڈیا پر اپنی اور جاوید شیخ کی 1982 کی ایک تصویر شئیر کی اور کیپشن لکھا کہ ”کیا عمر تھی کیا زمانہ تھا” جو تصویر انہوں نے پوسٹ کی وہ پی ٹی وی کے زمانے کی تھی جو کسی ڈرامے کی ریہرسل کے دوران لی گئی تھی. بشری انصاری جاوید شیخ کے ساتھ ساتھ اپنے مداحوں کو بھی ماضی میں‌لے گئیں. بشری انصاری کی اس پوسٹ‌کے نیچے مداحوں نے بہت سارے کمنٹس کئے زیادہ تر کا کمنٹ یہی تھا کہ وقت کیسے گزر جاتا ہے پتہ بھی نہیں چلتا.

اور بشری انصاری نے تصویر کا جو کیپشن لکھا وہ یقینا دل کو چھو لینے والا ہے” کیا عمر تھی کیا زمانہ تھا” . یاد رہے کہ بشری انصاری اور جاوید شیخ دونوں ہی ہمارے ملک کی شوبز انڈسٹری کے بڑے نام ہیں دونوں کے کریڈٹ پر یادگار اور لازوال کردار ہیں. جاوید شیخ نے بالی وڈ میں بھی کام کیا اور اپنا نام بنایا. بشری انصاری نے پاکستان ٹیلی ویژن کے سنہرے دور میں‌وہ کردار اور ڈرامے کئے کہ جو آج بھی لوگوں کے ذہنوں‌پر نقش ہیں، دونوں اداکاروں نے کامیڈی اور سنجیدہ ہر طرح‌کے کردار کرکے شائقین کا دل جیتا. دونوں آج تک اپنے مداحوں کو اپنے مختلف کرداروں سے محظوظ کررہے ہیں.

ٹی وی کے معروف اداکار منیب بٹ جو کہ تحریک انصاف کے بہت بڑے سپورٹر ہیں ان کو لگتا ہے کہ عمران خان ہی اس ملک کے تمام مسائل کو حل کر سکتے ہیں. وہ عمران خان کے اس بیانیے کوبھی مانتے ہیں کہ رجیم چینج کرنے کے لئے سازش رچی گئی. منیب بٹ ہر اس انسان اور شخصیت کے حق میں نظر آتے ہیں جو عمران خان کو سپورٹ کرتاہے. مولانا طارق جمیل جو کہ عمران خان کے نہ صرف دوست ہیں بلکہ ان کو سپورٹ بھی کرتے ہیں. حال ہی میں مولانا نے جب عمران خان کے علاوہ دیگر سیاسی جماعت کے لیڈران پر تنقید کی تو مولانا کا روپ

کھل کر سامنے آگیا کہ وہ عمران خان کے بہت بڑے سپورٹر ہیں. مولانا کو تبلیغی جماعت سے بھی نکال دیا گیا ہے اور کہا گیا ہے کہ ان کے کسی بھی بیان کے ہم ذمہ دار نہیں ہیں. مولانا کو تبلیغی جماعت سے نکالنے پر اداکار منیب بٹ نے رد عمل دیتے ہوئے کہا ہے کہ مولانا طارق جمیل کو تبلیغی جماعت سے تو نکال دیا لیکن دل سے کیسے نکالو گے. اس بیان کے زریعے منیب بٹ نے مولانا طارق جمیل کے لئے اپنی سپورٹ کا مظاہرہ کیا ہے. منیب بٹ کے اس بیان کے بعد جہں ان کو سراہا جا رہا ہے وہیں ان پر تنقید بھی ہو رہی ہے کہ وہ فنکار ہیں انہیں سیاست اور مذہبی معاملات سے دور رہنا چاہیے.

کامن ویلتھ گیمز میں سونے کا تمغہ حاصل کرنے والے ارشد ندیم کی جہاں سارے پاکستان نے تعریف کی ہے وہیں اداکار شان شاہد بھی پیچھے نہ رہے. شان شاہد نے ٹویٹر پر ارشد ندیم کی تصویر لگا کر ایک کیپشن لکھا ” آپ ایک حقیقی ہیرو ہیں، آپ ایک ایسے نظام سے اٹھے ہیں جو ملک کے کھلاڑی کو کوئی سپورٹ فراہم نہیں کرتا، جہاں طاقتور کو آپ کی جدوجہد کی کوئی پرواہ نہیں آپ اکیلے ہیرو ہیں اورعزت کے حقدار ہیں” . شان شاہد نے ارشد ندیم کی خوبصورت لفظوں میں‌ حوصلہ افزائی کی. شان کے ساتھ ساتھ دیگر فنکاروں نے بھی ارشد ندیم کو اپنا اور اپنے ملک کا ہیرو قرار دیا سب کا کہنا ہےکہ اس کھلاڑی نے ملک کا نام روشن کرنے کے ساتھ

ساتھ پوری دنیا میں ہمارا سر فخر سے بلند کر دیا ہے اور ہمیں ایسے ہی ہیروز کی ضرورت ہے. یاد رہے کہ میاں چنوں سے تعلق رکھنے والے ارشد ندیم عالمی سطح پر ہونے والے ایسے مقابلوں میں کئی بار پاکستان کے لیے میڈلز جیتے ہیں.ارشد ندیم 5 بھائیوں میں تیسرے نمبر پر ہیں۔ ارشد نے پنجاب یوتھ فیسٹول میں کئی گولڈ میڈلز حاصل کئے۔ انھوں نے انٹربورڈ ایونٹ میں گولڈ میڈل حاصل کرنے کےبعد قومی سطح پر پاکستان کی نمائندگی کی۔پچھلے برس ٹوکیو اولمپکس میں جیولین تھرو ایونٹ میں گولڈ ميڈل کيلئے12 ايتھليٹس ميں مقابلہ تھا۔ اس ایونٹ میں ارشد نديم پاکستان کے ميڈل کی واحد اميد تھے۔

فلم لال سنگھ چڈھا کی ریلیز سے قبل جہاں عامر خان ہیں بہت نروس وہیں وہ اس فلم کی جم کر تشہیربھی کر رہے ہیں. گزشتہ روز عامر خان پہنچے شاہ رخ خان کے گھر منت. عامر خان نے وہاں شاہ رخ خان کو اپنی فلم دکھائی. فلم دیکھ کر شاہ رخ خان نے عامر خان اور ان کی فلم کی بے حد تعریف کی. شاہ رخ خان نے کہا کہ آپ نے بہترین فلم تیار کی ہے اور مجھے بہت امید ہے کہ شائقین اس فلم کو بہت پسند کریں گے. رپورٹس یہ بھی ہیں کہ شاہ رخ خان کی بیٹی سہانا

خان نے بھی فلم دیکھی ہے اور ان کو بھی یہ فلم بہت پسند آئی ہے. یہ پہلی بار نہیں ہے کہ عامر خان نے شاہ رخ خان کو ریلیز سے پہلے اپنی کوئی فلم دکھائی ہے اس سے پہلے بھی وہ کئی بار اپنی فلم ریلیز سے قبل کنگ خان کو دکھا چکے ہیں. کہا جاتا ہے کہ عامر خان شاہ رخ خان کی بہت عزت کرتے ہیں اور ان کی رائے کی بہت زیادہ قدر کرتے ہیں اس لئے ان کی کوشش ہوتی ہے کہ وہ ریلیز سے قبل شاہ رخ خان کو اپنی فلم دکھا کر ان کے رائے لیں. یاد رہے کہ لال سنگھ چڈھا ہالی وڈ کی فلم فارسٹ گمپ کا ری میک ہے. عامر خان نے ٹام ہینک کو بھی اپنی فلم دیکھنے کی دعوت دی ہے.

اداکارہ عالیہ بھٹ نے اپنے شوہر رنبیر کپور کے حوالے سے حال ہی میں کہا ہے کہ میرا شوہر میرا بہترین دوست ہے اور شادی کے بعد ہم دونوں کے درمیان کچھ بھی نہیں بدلا. رنبیر کپور بالکل ویسا ہی جیسا شادی سے پہلے تھا. اداکارہ کہتی ہیں کہ میں اپنے شوہر کی جتنی بھی تعریف کروں کم ہے. میرا شوہر بطور شوہر اور بطور انسان آئیڈیل ہے. اس نے مجھے ہمیشہ ہی بہت زیادہ سپورٹ کیا ہے اور مجھے رنیبر ہر وقت ہنساتا رہتا ہے.جو مجھے تحفظات تھے شادی سے پہلے وہ سب کے سب دور ہو گئے ہیں. عالیہ بھٹ نے کہا کہ رنبیر کپور بطور اداکار

اور کو سٹار بھی بہت اچھے ہیں ان کے ساتھ کام کرنا بہت آسان ہے. رنبیر سیٹ پر بہت زیادہ خاموش اور پرسکون ہوتے ہیں. ان کی موجودگی میں آپ کو ایسا نہیں لگتا کہ آپ کسی سٹار کے ساتھ کام کررہے ہیں. عالیہ بھٹ نے مزید یہ بھی کہا کہ رنبیر کپور اپنے کردار کے لئے بھرپور تیاری کرتے ہیں ان کے ساتھ کام کررہے ہوں توان کے سامنے والے میں ایک الگ ہی انرجی آجاتی ہے. یاد رہے کہ رنبیر کپور اور عالیہ بھٹ نے فلم براہمسٹرا میں‌ کام کیا ہے فلم بہت جلد ریلیز ہو نے والی ہے. عالیہ بھٹ نے ہالی وڈ میں‌ بھی کام کیا ہے انہوں نے اپنی پہلی فلم کی شوٹنگ کروا دی ہے اب انہیں فلم کی ریلیز کا انتظار ہے.