Category: شوبز

سینیر اداکار جاوید شیخ کی بیٹی اور اداکار شہزاد شیخ کی بہن مومل شیخ نےاب تک جتنا بھی کام کیا ہے وہ نوٹس کیا گیا ہے. ان کا اداکارہ آئزہ خان کے ساتھ ڈرامہ سیریل یاریاں سپر ہٹ ہوا تھا.مومل نے اس میں پازیٹیو اور تابعدار بیٹی کا کردا ادا کیا تھا. اب مومل شیخ منفی کردار کرتی ہوئی نظر آئیں گی. ڈرامہ سیریل دراڑ میں مومل شیخ منفی کردار ادا کررہی ہیں.اس کردار کے زریعے وہ اس بار اپنی صلاحیتوں کو ایک اور انداز سے منوانے جا رہی ہیں. اس ڈرامے میں مومل شیخ کے ساتھ سید جبران نظر آرہے ہیں اس کے علاوہ امر خان بھی اہم اور مرکزی کردار ادا کررہی ہیں. مومل شیخ نے بالی وڈ کی فلم ہیپی بھاگ جائیگی میں بھی کام کیا تھا اس کے

علاوہ وہ ریمپ پر واک کرتی بھی دکھائی دیتی ہیں.مومل نے مشک، کدورت، سلسلے ، مجھے خدا پر یقین ہے جیسے ڈراموں میں اپنی صلاحیتوں کو لوہا منوایا ہے. مومل شیخ نے نادر نواز سے شادی کی ان کے دو بچے ہیں.اداکارہ مومل شیخ نے 2018 میں فلم ” وجود” کو پروڈیوس کیا اس میں دانش تیمور اور سعیدہ امتیاز نے مرکزی کردار ادا کئے تھے. اداکارہ کے دیگر معروف ڈراموں میں یہ زندگی ہے ، میرات العروس،قدرت، زارا اور مہروانساء ،سلسلے،میں تم اوروہ، خاص اور دمسا کے نام قابل زکر ہیں.

ڈرامہ سیریل ”دراڑ” جو کہ دس اگست کو جیو ٹی وی سے آن ائیر کیا جارہا ہے سید جبران کے پرستار ان کو دیکھنے کے لئے بےتاب ہیں. سید جبران نے جب سے فلم گھبرانا نہیں ہے میں کامیڈی کردار کیا ہے ان کے مداح ان کو مزید بھی ایسے ہی کرداروں میں دیکھنا چاہے ہیں. سید جبران سے ہم نے پوچھا کہ آخر دراڑ میں ان کا کردار کس قسم کا ہے توانہوں نے بتایا کہ یہ کردار اس قسم کا ہے کہ جس کو دیکھ کر معلوم ہوتا ہے کہ یہ انسان زور زبردستی پر یقین نہیں رکھتا بلکہ بات چیت کرکے معاملات کو حل کرنے کی کوشش کرتاہے. سید جبران نے کہا کہ

میرا کردار ایسا ہے کہ جس کے مطابق میں بہترین شوہر ، بہترین داماد اور بہترین انسان ہوں. یہ ایک ایسا مرد ہے جو عام مردوں‌کی طرح سخت رویہ اپنانے پر یقین نہیں رکھتا اس کو پتہ ہے کہ اسکی شخصیت کیسی ہے وہ پیار سے بات کرکے نہ صرف اپنی بات منوا لے گا بلکہ جو چاہتا ہے وہ بھی اسکو مل جائیگا اس لئے وہ زور زبردستی کو پسند نہیں کرتا. سید جبران نے بتایا کہ جیسا کہ ہر انسان میں خامیاں خوبیاں ہوتی ہیں اسی طرح سے اس کریکٹر کی بھی خوبیاں خامیاں ہیں وہ خامیاں‌اس‌کو‌کس‌طرف‌لیکر‌جاتی‌ہیں یا اسکی زندگی میں کیا تبدیلیاں لاتی ہیں اس کو جاننے کے لئے آپ سب کو میرا ڈرامہ دراڑ دیکھنا ہو گا یہ ڈرامہ اور اسکی کہانی روٹین سے ہٹ کر ہے.

اکشے کمارآج کل اپنی فلم ”رکشا بندھن ” کی پرموشنز میں مصروف ہیں۔ آنند ایل رائے کی ہدایت کاری میں بننے والی اس فلم میں بھومی پیڈنیکر، سہجمین کور، دیپیکا کھنہ، سعدیہ خطیب، اسمرتی سری کانت نے اہم کردار ادا کئے ہیں کہانی ایک بھائی اور اس کی بہنوں کے درمیان غیر مشروط بندھن کے گرد گھومتی ہے۔بالی وڈ کے کھلاڑی نے اپنی آن سکرین بہنوں کو کروائی شاپنگ۔ اکشے کمار اپنی آن اسکرین بہنوں کو نوابوں کے شہر میں خریداری کے لیے لے گئے، اکشے کمار نے اس حوالے سے اپنے انسٹاگرام اکائونٹ پر ایک وڈیو شئیرکی جس کا کیپشن انہوں نے یہ لکھا کہ
"آج لے آیا اپنی بہنوں کو نوابوں کے شہر، لکھنؤ شاپنگ کرنے۔ اکشے کمار کی وڈیو میں دیکھا جا سکتا ہے کہ اکشے کمار اپنی آن سکرین بہنوں کے ساتھ کھڑے ہیں اور وہ کپڑوں کی خریداری کررہی ہیں۔

اکشے کمار کا اپنی فلم کی تشہیر کا یہ اندازان کے مداھوں کو کافی بھایا۔ رکشا بندھن کے ٹریلر میں، اکشے کو اپنی بہنوں کی وجہ سے اپنی گرل فرینڈ (بھومی پیڈنیکر) سے جھگڑتے دیکھا جا سکتا ہے۔ وہ چاہتا ہے کہ پہلے اس کی چار بہنوں کی شادی ہو جائے اور پھروہ شادی کے بندھن میں بندھے،اس کے آگے کیا ہوتا ہے یقینا اسکے لئے فلم دیکھنا ہو گی۔ یاد رہے کہ فلم رکشا بندھن گیاراں اگست کو ریلیز ہو رہی ہے اس فلم کے ساتھ عامر خان کی فلم لال سنگھ چڈھا بھی ریلیز ہورہی ہے۔

ڈرامہ سیریل ‘دراڑ’ دس اگست سے جیو ٹی وی سے آن ائیر ہو نے جا رہا ہے۔ ڈرامے کی کاسٹ میں سید جبران ، مومل شیخ ، امر خان، بہروزسبزوری ، شاہین خان اور صاھبہ ہاشمی و دیگر شامل ہیں۔ دراڑ کو شہرزادے شیخ نے ڈائریکٹ کیا ہے جبکہ لکھا مصباح نوشین نے ہے۔ اسد قریشی اور عبداللہ کادوانی کے اس ڈرامے کے لئے انتظار کی گھڑیاں ختم ہو رہی ہیں آئندہ روز اس ڈرامے کی پہلی قسط نشر کی جا رہی ہے۔ اداکارہ و مصنفہ امر خان کی رواں برس دم مستم بھی ریلیز ہو چکی ہے اس فلم نے شائقین کے دل نہیں جیتے۔ اس فلم سے امر خان نے ڈیبیو کیا تھا۔ ان کے ساتھ عمران اشرف تھے ان کی بھی یہ پہلی فلم تھی۔ فلم کی کہانی میں کافی جھول

ہونے کی وجہ سے اسے شائقین نے رد کردیا۔ دوسری طرف فلم گھبرانا نہیں ہے میں سید جبران کے کردار نے شائقین کو ان کا دیوانہ بنا دیا۔ سید جبران کی یہ پہلی فلم تھی اور انہوں نے پہلی بار کامیڈی کردار کیا۔ فلم گھبرانا نہیں ہے کی کامیابی کا زیادہ کریڈٹ سید جبران کو ملا جبکہ اس فلم کے ہیرو زاہد احمد تھے ان کی بھی یہ پہلی فلم تھی۔ یوں امر خان اور سید جبران فلموں کے بعد اس ڈرامے کے ساتھ چھوٹی سکرین پر واپسی کررہے ہیں۔ دیکھنا یہ ہے کہ امرخان ، سید جبران اور مومل شیخ کی جوڑی شائقین کو کتنی پسند آتی ہے۔دراڑ ڈرامہ میں مومل شیخ منفی کردار میں نظر آئیں گی۔

گلوکار اور برابری پارٹی کے چئیر مین جواد احمد نے مولانا طارق جمیل کو دیدیا ہے ایک مشورہ انہوں نے کہا ہے کہ مولانا طارق جمیل کو اب پاکستان تحریک انصاف میں باقاعدہ شمولیت اخیتار کرلینی چاہیے۔ مولانا طارق جمیل پی ٹی آئی کے ساتھ قربت کی وجہ سے کافی تنقید کا نشانہ بنائے جارہے ہیں۔حال ہی میں جب مولانا طارق جمیل اور عمران خان کی ملاقات کی تصویر سامنے آئی تو مولانا پر کافی تنقید کی گئی۔ طارق جمیل اس وقت ٹویٹر پر ٹرینڈ بھی کررہے ہیں سب ہی ان کی سیاست میں دلچپسی پر نالاں نظر آرہے ہیں. اسکے علاوہ بھی مولانا عمران خان کے علاوہ تمام سیاسی جماعتوں کے سربراہوں کے حوالے سے متنازعہ بیانات دے رہے ہیں۔ جواد احمد جہاں مولانا طارق جمیل کو آڑھے ہاتھوں لے رہے ہیں وہیں وہ پاکستان تحریک انصاف

کے چئیر مین کو بھی تنقید کا نشانہ بناتے رہتے ہیں۔عمران خان نے حال ہی میں محرم الحرام کے حوالے سے جب ایک ٹویٹ کی تو برابری پارٹی کے چئیر مین جواد احمد نے ایک سخت قسم کی ٹویٹ کی اور لکھا کہ
عمران خان جیسامنافق ہمیں امام حسین رضی اوریزیدکےقصےسنانابندکرے۔ حسین غریب اورکمزورلوگوں کےلۓکھڑےہوۓتھے،عمران اپنی کرسی کےلۓملک میں فسادپھیلارہاہے۔ حسین اپنےبچوں کےساتھ یزیدی فوج سےلڑےتھے۔عمران اپنےبچےیہودیوں کےگھررکھ کرخوداسلام کےنام پرپاکستانیوں کےبچوں کوآپس میں لڑوارہاہے۔

ماڈل و اداکارہ صدف کنول اور شہروز سبزواری کے گھر بیٹی کی ولادت ہوئی ہے اس موقع پر پوری سبزواری فیملی خاصی خوش ہے۔ شہروز اور صدف کو ان کے دوست اور قریبی رشتہ دار مبارکبادیں دے رہے ہیں۔ منال خان ، مہرین سید اور صبور علی نے جوڑے کو بیٹی کی پیدائش پر مبارکباد دی ہے اور نہایت ہی خوشی کا اظہار کیا ہے۔اداکارہ زرنش خان نے سوشل میڈیا پر پوسٹ لگا کر لکھا کہ ’’کتنا پیارا بے بی‘‘ ۔شہروز سبزواری اپنے بے بی کی آمد سے پہلے کے لئے کتنے خوش تھے اسکا اظہار وہ اپنے ہر انٹرویو میں کرتے رہے ہیں۔ شہروز نے چند دن قبل اپنے پرستاروں سے صدف کے لئے دعا کرنے کو بھی کہا تھا.

یاد رہے کہ شہروز سبزواری کی پہلی شادی سائرہ یوسف سے 2012 میں ہوئی تھی 2015 میں انکے ہاں بیٹی کی پیدائش ہوئی تھی لیکن وقت گزرنے کے ساتھ ساتھ ان کے درمیان تلخیوں نے جنم لیا جو کہ بڑھتے بڑھتے اس ھد تک جا پہنچیں کہ دونوں کو ایک دوسرے سے راہیں جدا کرنی پڑیں اور مارچ دو ہزار بیس میں دونوں کے درمیان طلاق ہو گئی تھی۔ اس کے بعد شہروز سبزاوری نے صدف کنول کو اپنا جیون ساتھی چنا اور دونوں کی مئی 2020 میں محبت کی شادی ہوئی تھی۔ شہروز کی فیملی صدف کنول سے خاصی خوش ہے.شہروز کے والد بہروز سبزواری کا کہنا ہے کہ صدف ہماری بہو نہیں بیٹی ہے.

بالی وڈ کے کنگ شاہ رخ کی فلم پردیس کو ریلیز ہوئے پچیس سال مکمل ہو گئے ہیں۔ اس موقع پر فلم کے ڈائریکٹر سبھاش گھئی کافی خوش ہیں ان کا کہنا ہے کہ میرے لئے فخر کی بات ہے کہ پردیس کو آج بھی لوگوں سے محبت اور پیار مل رہاہے۔ سبھاش گھئی نے شوٹنگ کے دنوں کو یاد کرتے ہوئے کہا کہ شاہ رخ خان کا جو کردار تھا اس حوالے سے مجھے اسکو ہر دم یاد دلانا پڑتا تھا کہ آپ نے اپنے ہیرو والی چھاپ کو ایک سائیڈ پر رکھ کر کردار نبھانا ہے اور یہی کردار کی ڈیمانڈ ہے۔سبھاش گھئی نے مزید کہا کہ میں اپنی ہر فلم میں اپنا دل اور جان ڈالتا ہوں اور شائقین کا ریسپانس ہمیشہ اچھا دیکھ کر بہتر سے بہترین کام کرنے کی امنگ پیدا ہوئی۔یہ فلم میرے لئے ایک چیلنج تھی اسکا ہر سین میرے لئے چیلنج تھا۔ یاد رہے کہ پردیس فلم میں شاہ رخ خان کے علاوہ مہیما چودھری، اپوروا اگنی

ہوتری، امریش پوری، آلوک ناتھ، اور ہمانی شیو پوری نے اہم کردار ادا کیے تھے۔ بلاک بسٹر اس فلم میں شاہ رخ نے مرکزی کردار ادا کیا اور ماہیما نے ان کی ہیروئین کا کردار ادا کیا۔ شاہ رخ خان نے ارجن کا کردار ادا کیا، ایک ایسا شخص جو غیر ملکی سرزمین میں آباد ہے لیکن پھر بھی اپنے ملک کی ثقافتی اقدار پر یقین رکھتا ہے۔ ایس آر کے نے فلم میں اپنی شاندار اداکاری سے ناظرین کے دلوں میں جگہ بنائی۔ماہہیما چوہدری کی یہ پہلی فلم تھی، فلم کا میوزک آج تک سپر ہٹ ہے الگا یاگنک اور کمارشانو کی خوبصورت آوازوں نے سننے والوں کو آج تک اپنے سحر میں مبتلا کر رکھاہے.

بگ باس کے سیزن 13 سے شہرت کی بلندیوں کو پہنچنے اور بھارت کے پنجاب کی کترینہ کیف کہلائے جانے والی شہناز گل کے بارے میں کہا جا رہا تھا کہ ان کو سلمان خان نے کبھی عید کبھی دیوالی سے نکال دیا ہے اب ان کی جگہ کوئی اور ہیروئین یہ کردار کریگی یہاں تک کہ دونوں نے ایک دوسرے کو ان فالو بھی کر دیا ہے۔یہ خبر سن کر لوگوں کو کافی حیرانی ہوئی کہ آخر ایسا کیا ہوا ہے کہ دونوں نے ایک دوسرے کو ان فالوکر دیا اور سلمان خان نے شہناز گل کو فلم سے بھی نکال دیا ہے۔ لیکن شہناز گل نے ان تمام خبروں کی تردید کرتے ہوئے کہا ہے کہ ایسا کچھ

نہیں ہے۔ اس قسم کی افواہیں تو اب میری روز مرہ کی زندگی کا حصہ ہیں میں فلم میں کام کررہی ہوں اور میری خواہش ہے کہ جلد ہی یہ فلم آئے اور لوگ انہیں اس فلم میں دیکھیں۔ یوں شہناز گل کی تردید نے ساری افواہوں کی ہوا نکال دی۔یاد رہے کہ شہناز گل نے بگ باس 13 سے شہرت حاصل کی بگ باس 13 میں ان کے ساتھ اداکار سدھارتھ شکلہ بھی تھے شہناز ان کی محبت گرفتار ہو گئیں تھیں. بگ باس کے بعد بھی دونوں کی دوستی کافی عرصہ تک چلتی رہی یہاں تک کہ جب سدھارتھ کی موت ہوئی اس وقت بھی شہناز سدھارتھ کی تیمارداری کے سلسلے میں ان کے گھر پر موجود تھیں .شہناز گل کو سلمان خان کی خاصی سپورٹ حاصل ہے.

ہرتیک روشن کی سابقہ اہلیہ سوزین خان اور ان کا بوائے فرینڈ ارسلان گونی اکثر سرخیوں میں رہتے ہیں۔دونوں ایک دوسرے کے ساتھ رہ رہے ہیں اور ایک ساتھ چھٹیاں منانے کے لئے باہر کے ملک بھی جاتے ہوئے دکھائی دیتے ہیں.دونوں ہی سوشل میڈیا پر کافی متحرک رہتے ہیں جہاں وہ ایک دوسرے کی پوسٹوں پر تبصرے کرتے رہتے ہیں۔دونوں کی شادی کی خبریں بھی گردش کرتی رہتی ہیں لیکن اس بار ارسلان گونی بھڑک اٹھے ہیں انہوں نےاپنے حالیہ انٹرویو میں کہا ہے کہ وہ سوزین سے کب شادی کریں گے کب نہیں یہ ان کا نجی معاملہ ہے. ”میں اور سوزین شادی کررہے ہیں مجھے سمجھ میں نہیں‌آتی” کہ یہ

خبر کس نے اڑائی ہے. انہوں نے کہا کہ یہ جو خبریں گردش کررہی ہیں میں نہیں جانتا کہ کس طرف سے آئیں ہیں اور کون کررہا ہے میں کسی کو جوابدہ نہیں ہوں، میرا اور سوزین کا ذاتی فیصلہ ہے جب ہم شادی کریں گے سب کو بتا دیں گے.
ارسلان نے یہ بھی کہا کہ انہوں نے جان بوجھ کر اپنی ذاتی زندگی کے بارے میں بات نہ کرنے کا فیصلہ کیا ہے ایسا فیصلہ کرنے کی ایک ہی وجہ ہے کیونکہ میں اپنی ذاتی زندگی کے بارے میں بات کرنا پسند نہیں کرتا .یاد رہے کہ سوزین خان کی شادی اداکار ہرتیک روشن سے ہوئی تھی دونوں کے درمیان طلاق 2014 میں ہوئی تھی. ہرتیک آج کل صبا آزاد کو ڈیٹ کررہے ہیں.

عامر خان کی فلم لال سنگھ چڈھا جو کہ 11 اگست کو ریلیز ہونے جا رہی ہے اس فلم کے بہت چرچے ہیں، چرچے اس لئے بھی ہیں کیونکہ یہ فلم نہ صرف ہالی وڈ فلم فارسٹ گمپ کا ری میک پے بلکہ عامر خان اس میں کام کررہے ہیں. عامر خان جب بھی کوئی فلم بناتے ہیں اسکا موضوع روٹین سے ہٹ کر اور الگ ہوتاہے. فلم لال سنگھ چڈھا کی ایک طرف عامر خان خوب پرموشن کررہے ہیں دوسری طرف انہیں اس چیز کا بھی دکھ ہے کہ ان کی فلم کے بائیکاٹ کا بلاوجہ ٹرینڈ چل رہا ہے. اپنے حالیہ انٹرویو میں عامر خان نے کہا ہے کہ جب مجھے بتایا گیا کہ لال سنگھ چڈھا ہالی وڈ‌فلم فارسٹ گمپ کا ری میک ہے تو سکرپٹ سننے سے پہلے ہی

مجھےمحسوس ہوا کہ یہ فلم ایسی ہی ہے جیسے کہ مغل اعظم یا مدر انڈیا کو ری میک کیا جائے، لہذا فلم کا سکرپٹ سننے کے لئے ٹال مٹول سے کام لیا. یعنی مجھے لگا کہ یہ بہت ہی مشکل کام ہے تو یقینا یہ مشکل کام تو تھا. کیونکہ اس فلم کو بنانے میں ہی 14 سال لگ گئے اور 8 نو سال تو صرف فلم کے حقوق حاصل کرنے میں ہی لگ گئے تھے. یوں عامر خان نےلال سنگھ چڈھا کو بنانے کے نقطہ نظر سے مشکل ترین فلم قرار دےدیا. یاد رہے کہ فلم میں کرینہ کپور بھی ہیں اور عامر خان کا دعوی ہے کہ انہوں نے ایک بہترین فلم تیار کی ہے اور ان کا یہ بھی کہنا ہے کہ اگر فلم شائقین کو پسند نہ آئی تو انہیں بہت برا لگے گا.