Category: شوبز

رواں مہینے بالی وڈ کے لئے کافی اہم ہے کیونکہ اس میں ریلیز ہونے جا رہی ہیں چند بڑے بجٹ کی فلمیں، بالی وڈ فلموں کے دیوانوں‌کے لئے ایک بڑی خوشخبری اس ماہ سات بڑی فلمیں ریلیز ہونے جا رہی ہیں.پہلے نمبر پر ہم جس فلم کا زکر کریں گے وہ ہے، لال سنگھ چڈھا، اس فلم میں عامر خان، کرینہ کپور خان، اور ناگا چیتنیا اہم کرداروں میں نظر آئیں گے. فلم کے ہدایتکار ادویت چندن ہیں، کہا جا رہا کہ اس فلم کی کہانی ٹام ہینکس کی فلم فارسٹ گمپ سے ملتی جلتی ہےفلم گیاراں اگست کو ریلیز ہوگی. دوسرے نمبر پر جو فلم ریلیز ہو رہی ہے اس کا نام ہے رکشا بندھن اس میں اکشے کمار مرکزی کردار ادا کررہے ہیں، ہدایت کار آنند ایل رائے کی ڈائریکشن میں بننے والی اس فلم کی کہانی ایک ایسے بھائی کے بارے میں ہے جس کے

کاندھوں پر اپنی بہنوں‌کی ذمہ داری ہے. یہ فلم بھی 11 اگست کو ریلیز ہوگی.تیسرے نمبر پر ہم جس فلم کی بات کریں گے وہ ہے دوبارا، اس فلم کے ہدایت کار انوراگ کشیپ ہیں اور اس میں تاپسی پنو اور پاویل گلاٹی مرکزی کردار ادا کرتے ہوئے دکھائی دے رہے ہیں، دوبارا ایک نئے دور کی تھرلر کہلائی جا سکتی ہے. یہ فلم 19 اگست کو ریلیز ہو گی. چوتھے نمبر ہے فلم لائجراس میں مرکزی کردار وجے دیوراکونڈا اور اننیا پانڈے نے مرکزی کردار ادا کئے ہیں، پوری جگنادھ کی ہدایت کاری میں بننے والی یہ فلم ہندی اور تیلگو دونوں زبانوں کے ساتھ تامل، کنڑ اور ملیالم میں ڈب شدہ ورژن کے ساتھ 25 اگست کو ریلیز ہوگی۔پانچویں نمبر پر زکر کریں گے فلم ڈارلنگز کا یہ فلم پانچ اگست کو ریلیز ہو گی اس میں عالیہ بھٹ، شیفالی شاہ، اور وجے ورما نے مرکزی کردار ادا کئے ہیں ڈارلنگز ایک بلیک کامیڈی ہے۔ فلم کے ہدایت کار جسمیت کے رین ہیں اور عالیہ بھٹ کی بطور پرڈیوسر یہ پہلی فلم ہے.چھٹے نمبر پر جس فلم کا زکر ہو گا وہ ہے ہندوستانی میچ میکنگ سیزن 2 یہ فلم 12 اگست کو ریلیز ہوگی.ساتویں فلم جو اس مہینے ریلیز ہو نے جا رہی ہے وہ ہے تھائی مساج مرکزی کرداروں میں گجراج راؤ اور دیویندو شرما نے ادا کئے ہیں ہدایت کار منگیش ہڈاوالے ہیں۔

ورون دھون نے اپنے حالیہ انٹرویو میں کہا ہے کہ وہ ہمیشہ سے ہی تفریحی فلموں میں‌کام کرنا چاہتے تھےایس فلمیں انہیں‌ریلیکس رکھتی ہیں. انہوں نے مزید کہا کہ میں نے شوجیت سرکار، نتیش تیواری، اور سری رام راگھون جیسے اچھے ہدایت کاروں کے ساتھ کام کرکے بہت سیکھا اور مجھے آگے جانے کا موقع بھی ملا۔ ورون دھون نے اس انٹرویو میں کہا کہ میری ہمیشہ سے امر کوشک کی ” بھیڑیا ” جیسی فلم میں کرنے کی خواہش تھی میری خوش نصیبی ہے کہ مجھے اس فلم میں کام کرکے اپنی صلاحیتیں دکھانے کا موقع میسر آیا، اور ایسے سکرپٹ آج کل کم بنتے ہیں. ورون دھون نے مزید کہا کہ فلم بدلہ پور میں پرڈیوسر دنیش وجن کے ساتھ کام کرنے کا تجربہ بہت اچھا رہا. جب میرے پاس پرڈیوسر یہ فلم

لایا تو میں نے کہا کہ تم میرے پاس ہمیشہ ہی ٹیڑھے سکرپٹ کیوں لیکر آتے ہو تو انہوں نے کہا کہ اسی میں تو مزہ ہے اور میں تمہیں اپنی اس فلم کا حصہ بنانا چاہتا ہوں میں نے حامی بھر اور پھر کام کیا تو محسوس کیا کہ واقعتا کوئی کردار کیا ہے.
ورون دھون نے کہا کہ میں جب بھی سیٹ پر جاتا ہوں، تو میرا کام ماضی میں میرے کئے کام سے کافی مختلف ہوتا ہے اور میری کوشش یہی ہوتی ہے کہ میں اپنے شائقین کو اینٹرٹین کروں. یاد رہے کہ ورون دھون نے کرن جوہر کی اسٹوڈنٹ آف دی ایئر سے اپنی شروعات کی تھی جس میں سدھارتھ ملہوترا اور عالیہ بھٹ مرکزی کردار میں تھے اور اس کے بعد انہوں نے کبھی پیچھے مڑ کر نہیں دیکھا۔

بالی وڈ کے دبنگ خان کو اپنے دفاع میں اسلحہ رکھنے کی اجازت مل گئی ہے. ہندوستان ٹائمز کے مطابق اداکار سلمان خان کی جان کو خطرے کے پیش نذر سلمان خان نے ممبئی پولیس ہیڈ کوارٹر میں کچھ روز قبل درخواست دی تھی اور کہا تھا کہ مجھے اسلحہ رکھنے کی اجازت دی جائے. سلمان خان کی اس درخواست کے بعد اس کیس کو بغور دیکھا گیا اور جائزہ لیا گیا لائسنس جاری کرنے والے ادارے نے سلمان خان کا تحفظ یقینی بنانے کےلئے ان کو اسلحہ رکھنے کا لائسنس جاری کر دیا ہے، کہا جا رہا ہے کہ سلمان خان اپنی حفاظت کےلئے ہر ممکن اقدامات کررہے ہیں. سلمان خان کو اپنے دفاع میں اسلحے رکھنے کی ضرورت اس لئے پیش آئی

کیونکہ رواں برس پنجابی گلوکار سدھو موسے والا کے قتل کے بعد اداکار اور ان کے والد سلیم خان کو قتل کر دینے کی دھمکیاں‌موصول ہوئیں اور ایک دھمکی تو باقاعدہ ان کے والد کو لیٹر تھما کر دی گئی. سلمان خان نے خط کے زریعے ملنے والی دھمکی کے بعد پولیس سے رابطہ کیا اپنے بیانات ریکارڈ کروائے اور دعوی کیا کہ ان کی کسی کے دشمنی نہیں ہے. یاد رہے کہ
آج کل سلمان خان کبھی عید کبھی دیوالی کی شوٹنگ میں‌مصروف ہیں یہ فلم اگلے سال اپریل کے مہینے میں ریلیز ہونے جا رہی ہے میڈیا رپورٹس کے مطابق اس فلم میں شہناز گل اور آیوش شرما بھی مرکزی کردار ادا کریں گے۔ اس فلم کے علاوہ سلمان خان گاڈ فادر، وید، اور نو انٹری میں انٹری جیسی فلموں میں بھی نظر آئیں گے۔

منجھے ہوئے اداکار انو کپور اپنے نئے پراجیکٹ کے نئے کردار پر بہت خوش ہیں ان کا کہنا ہے کہ اگر وہ یہ نہ کرتے تو انہیں بہت زیادہ پچھتاوا ہوتا. رپورٹس کے مطابق سیریز کریش کورس میں انو کپور کا کردار بالکل نیا ہے اور روٹین سے ہٹ کر ہے .انو کپور کا دعوی ہے کہ ان کے مداحوں نے انکو کبھی بھی پہلے ایسے کردار میں نہیں‌دیکھا ہو گا بلکہ اداکار و میزبان نے تو یہاں تک کہہ دیا ہے کہ اگر میں اس سیریز کا کردار نہ کرتا تو مجھے بہت زیادہ پچھتاوا رہتا. انو کپور نے کہا کہ میں نے

ہمیشہ مختلف قسم کے کردار ادا کرنے کی کوشش کی اور اس کوشش میں خود کو کامیاب بھی دیکھتا ہوں. جب میں نے کریش کورس کا سکرپٹ سنا تو مجھے لگا کہ اس قسم کی کہانیاں کم کم بنتی ہیں اور ایسی کہانی اور کردار کو چھوڑنا حماقت ہو گی لہذا میں نے ہاں کر دی. انو کپور نے مزید کہا کہ منیش ہری پرساد ک وجے موریا جیسے منجھے ہوئے لوگ اس پراجیکٹ کے ساتھ جڑے ہیں. مجھے امید ہے کہ یہ پراجیکٹ شائقین کی توجہ حاصل کرنے میں کامیاب رہے گا اور میرا ویسے بھی ماننا ہے کہ چیز اچھی ہو تو شائقین خود بخوچ کھچے چلے آتے ہیں. یاد رہے کہ کریش کورس کا پریمیئر خصوصی طور پر ایمیزون پرائم پر 5 اگست سے ہوگا۔

فوک گلوکار عارف لوہار کہتے ہیں‌کہ ہمارے ہاں کسی کی بھی فنی صلاحیتوں کا اعتراف کرنے میں‌کنجوسی سے کام لیا جاتا ہے ، اور بہت کم ایسا ہوتا ہے کہ کوئی تعریف کے قابل ہو اور اسکی تعریف کی جائے. گلوکار نے کہا کہ جن لوگوں نے بین الاقوامی سطح پر پاکستان کا نام روشن کیا ہے کم از کم ان کواتنی عزت دی جانی چاہیے جس کے وہ حقدار ہیں. پاکستان میں‌جو بھی اچھا کام کررہا ہے وہ اس ملک کا اثاثہ ہے ہمیں اپنے اثاثے پر فخر ہونا چاہیے. فوک گلوکار عارف لوہار کہتے ہیں کہ بھارت

ایک بڑا ملک ہے اس لئے اس کی مارکیٹ بھی بڑی ہے۔ پاکستانی گلوکاروں نے قوالی،غزل، فوک سمیت ہر طرح کی موسیقی میں بے پناہ نام کمایا ہے۔ انہوں نے زور دیکر کہا ہے کہ ہمیں اپنے گلوکاروں کو کریڈٹ دینا چاہیے اور ان کی تعریف کرنی چاہیے. عارف لوہار یہ بھی کہتے ہیں کہ انہیں بہت خوشی ہے کہ پاکستان فلم انڈسٹری ترقی کی راہوں پر گامزن ہے اور اب اچھی اور معیاری فلمیں بن رہی ہیں جس کے بعد فیملیاں سینما گھروں‌کا رخ کررہی ہیں یہ سلسلہ چلتے رہنا چاہیے رکنا نہیں چاہیے. عارف لوہار نے کہا کہ میں نے اپنے پورے کیرئریر میں کوشش کی ہے کہ اپنے ملک کا نام دنیا بھر میں روشن کروں اور میر ی خوش قسمتی ہے کہ میں نے ایسا کیا بھی اور اس چیز کا اعتراف بھی کیا گیا.

اداکارہ و گلوکارہ کومل رضوی کا کہنا ہے کہ میں نے اداکاری کی اور اداکاری میں میرے سیئنرز نے میری بہت مدد کی. میری اس قدر حوصلہ افزائی کی گئی کہ ڈرامہ سیریل ہوائیں میرا کردار صرف اس لئے بڑھایا گیا کیونکہ میں نے بہت اچھی اداکاری کی تھی.یہ ڈرامہ میرے کیرئیر کا پہلا ڈرامہ تھا اس کے بعد مجھے بہت سای اداکاری کی آفرز بھی آئیں لیکن میں نے اپنی مرضی کے مطابق سکرپٹس کا انتخاب کیا. کومل رضوی نے مزید کہا کہ اداکاری میں مجھے شناخت ملی اچھی بات ہے خوش
بختی ہے لیکن گلوکاری میری پہلی چوائس ہمیشہ ہی رہی ہے. آج بھی گلوکاری میری پہلی ترجیح ہے. انہوں نے یہ بھی بتایا

کہ میں دبئی میں‌پیدا ہوئی اور دبئی کے علاوہ امریکہ اور نائجیریا میں کافی سال گزارے لہذا میری اردو کوئی بہت اچھی نہیں تھی لیکن اداکاری میں آنے کے بعد میری اردو بہت زیادہ اچھی ہو گئی اور آج میں بہت اچھی اردو بول لیتی ہوں. یاد رہے کہ کومل رضوی کے گانوں کی شہرت ہمسایہ ملک میں بھی گئی کافی برسوں کے بعد کومل ڈرامہ سیریل بددعا میں‌نظر آئیں اس میں انہوں نے ماڈل عبد اللہ کی بیوی کا کردار ادا کیا. کومل میڈیا سے دور رہتی ہیں اور کم کم بات کرتی ہیں. کومل کہتی ہیں کہ دونوں شعبوں میں نام کما لیا لیکن اب میری تما م تر توجہ گلوکاری کے کیرئیر پر ہے اداکاری کے پراجیکٹس کی آفر ہو گی تو یقینا جو کہانی اور کردار اچھا لگے گا میں‌کروں گی.

آسکر ایوارڈ یافتہ ہالی ووڈ اداکار ول اسمتھ نے بڑے پن کا مظاہرہ کرتے ہوئے کرس روک سے معافی مانگ لی ہے. ول سمتھ کے مداحوں کی خواہش تھی کہ ان کو اپنی غلطی کا احساس ہوجائے اور وہ اپنے اس رویے پر معافی مانگتے ہوئے اپنی ساکھ کو بحال کریں.ویسا ہی ہو گیا ہے ول سمتھ نے کرس راک سے آسکر تقریب کے دوران انہیں مکا مارنے پر معافی مانگ لی ہے اور انہوں نے قبول کیا ہے کہ ان کا رویہ اُس وقت اچھا نہیں تھا. اداکار ول اسمتھ نے آسکر تقریب میں اکیڈمی ایوارڈز کے میزبان کرس

راک کو تھپڑ مارنے کے چند ماہ بعد ایک ویڈیو کے ذریعے کرس راک سے مانگ لی ہے اس وڈیو کو انہوں نے اپنے انسٹاگرام اکاﺅنٹ پر شیئر کیا ہے۔چھ منٹ کے دورانیے کی اس وڈیو میں ول سمتھ نے کہا ہے کہ کرس میں آپ سے معافی چاہتا ہوں، میرا رویہ ناقابل قبول تھا اور میں اس وقت حاضر ہوں جب آپ بات کرنے کے لیے تیار ہوں۔ویڈیو میں ول سمتھ نے یہ بھی بتایا کہ میں نے اپنی معافی کرس راک تک پہنچا دی ہے لیکن وہ مجھ سے بات کرنے کو تیار نہیں ہیں‌لیکن میں انتظار کروں گا اور امید رکھتا ہوں کہ وہ مجھ سے بات کریں گے.یاد رہے کہ ول سمتھ کے اس رویے پر انہیں کافی زیادہ تنقید کا نشانہ بنایا گیا تھا لیکن اچھی بات یہ ہے کہ انہوں نے اپنی غلطی کا احساس کرتے ہوئے کرس راک سے معافی مانگ لی ہے.

ورسٹائل اداکارہ بشری انصاری نے اپنے حالیہ انٹرویو میں کہا ہے کہ میں آج جو کچھ بھی ہوں اپنے پرستاروں کی محبت اور پیار کی وجہ سے ہوں میں نے آج تک جو بھی کیا میرے مداحوں نے مجھے بہت سراہا. بشری انصاری نے کہا کہ لوگ اکثر مجھے پوچھتے ہیں کہ آپ کی خوبصورتی کا کیا راز ہے تو میں‌ یہی کہوں گی کہ میں کسی سے حسد کرتی ہوں نہ کسی کے بارے میں برا سوچتی ہوں یہی میری خوبصورتی کا راز ہے. انہوں نے نصیحت کی کے ہمیشہ اچھا کریں اچھا سوچیں. بشری انصاری نے کہا کہ جب کوئی سٹار بن جاتا ہے مشہور ہوجاتا ہے تو اس کی ذمہ داریاں‌بڑھ جاتی ہیں اسکو اپنے کام کا معیار

بہتر سے بہترین کرنا پڑتا ہے وہ کوئی ایسا کام نہیں‌کر سکتا کہ جس پر اسے تنقید کا سامنا کرنا پڑا . ایک سوال کے جواب میں بشری انصاری نے کہاکہ لاہور ہو یا کراچی نیز پورے ملک سے مجھے چھوٹے بڑے ہر کسی کی محبت ملی، میں اپنے پرستاروں کی محبتوں‌کی شکر گزار ہوں. یاد رہے کہ بشری انصاری کا شمار ایسی اداکارائوں میں‌ہوتا ہے کہ جنہوں نے کامیڈی سنجیدہ ہر قسم کے کرداروں میں حقیقت کے رنگ بھر دئیے یہاں تک کہ گلوکاری بھی کی اور نورجہاں جیسی منجھی ہوئی گلوکارہ کی بھی کاپی کی. معین اختر کے ساتھ ان کی جوڑی کو بے حد سراہا گیا. بشری انصاری مصنفہ بھی ہیں انہوں نے ھالیہ وقتوں میں زیبائش ڈرامہ لکھا.

نوے کی دہائی تک سٹیج کے ہر دوسرے ڈرامے نے کامیابی کے نئے ریکارڈ قائم کئے فیملیاں‌جوک در جوک سٹیج کا رخ کیا کرتی تھیں. اس وقت بہت بڑے بڑے نام سٹیج کے ساتھ جڑے ہوئے تھے. روبی انعم بھی انہی میں سے ایک ہیں جنہوں نے اچھا سٹیج کیا اور اس دور میں سٹیج کیا جب ڈرامے سپر ہٹ ہوتے تھے. روبی انعم کے بارے میں‌کہا جا رہا ہے کہ وہ ایک بار پھر سٹیج ڈراموں کا رخ کرنا چاہ رہی ہیں اس ھوالے سے انہوں نے کوششیں بھی شروع کر دی ہیں. روبی انعم نے اپنے حالیہ انٹرویو میں

کہا ہے کہ سٹیج ڈرامے کی بربادی کی سب سے بڑی وجہ سکرپٹ کا آئوٹ ہونا ہے جب سکرپٹ ڈرامے سے نکل گیا جس کا جو دل کیا اس نے بولا تو پھر ڈرامے کا معیار تو گرنا ہی تھا.پہلے ڈرامے کا سکرپٹ ہوا کرتا تھا ہر آرٹسٹ کو پتہ ہوتا تھا کہ اسکو کیا بولنا ہے اور کس طرح سے اداکاری کرنی ہے. روبی نے مزید کہا کہ جن لوگوں نے سٹیج سے کمایا وہ کبھی بھی اسکو برا نہیں کہہ سکتے ہاں جب کام کا انداز اور معیار ہی گر گیا ہے تو پھر کوئی کیسے یہاں کام کریگا. روبی انعم نے ایک سوال کے جواب میں کہا کہ رقص بہت ضروری چیز نہیں ہے اگر سکرپٹ کی ڈیمانڈ ہو تو ہونا چاہیے ورنہ نہیں ہونا چاہیے.