Category: شوبز

پاکستان ٹیلی ویژن کی تاریخ کا مہنگا ترین مارننگ شو شائستہ واحدی کی بجائے جگن کاظم کریں گی. کہا جا رہا ہے کہ مارننگ شو کا سیٹ پچیس لاکھ میں تیار کروایا گیا ہے اور ہوسٹ جگن کاظم کو ماہانہ تئیس لاکھ پچھتر ہزار دیا جائیگا. نیوز ایجنسی کی ایک رپورٹ کے مطابق پی ٹی وی کی تاریخ میں اتنا مہنگا شو کبھی نہیں ہوا یہ اپنی نوعیت کا پہلا شو ہے جو اتنا مہنگا کیا جا رہا ہے اس شو کے شیف اور اس سے جڑے لوگوں‌کو بھاری معاوضے ادا کیے جا رہے ہیں. اس شو کے پرڈیوسر عمر جاوید اور سدرہ طارق ہیں. کہا جا رہا ہے کہ پہلے اس شوکی میزبان شائستہ واحدی تھیں لیکن جب معاملات طے ہو کر سامنے آئے ہیں تو تب پتہ چلا ہے کہ جگن کاظم کو ہوسٹ فائنل کر لیا گیا ہے.

شوکی تیاریاں مکمل کر لی گئی ہیں، پی ٹی سے جڑے بہت سارے لوگ اس قسم کے مہنگے شو پر تنقید کررہے ہیں اس حوالے سے جب پی ٹی وی لاہور کے ایم ڈی سے بات کی گئی تو انہوں نے کہا کہ جگن کتنے پیسے لے رہی ہیں اس شو کے لئے یا کتنے نہیں میں اس حوالے سے کچھ نہیں بتائوں گا لیکن میں اتنا ضرور کہوں گا کہ جگن کاظم یقینا ایک قابل ہوسٹ ہیں.

فضیلہ قاضی اور قیصر نظامانی نے پی ٹی سے ڈراموں کا آغاز کیا، ان دونوں‌ کو بہت پسند کیا جاتا ہے. فضیلہ آج بھی ٹی وی ڈراموں‌ میں نظر آجاتی ہیں لیکن قیصر خان بہت کم , یوں کہیے کہ سال میں مشکل سے ایک ڈرامے میں نظر آتے ہیں. قیصر نظامانی نے حال ہی میں‌ایک انٹرویو دیا ہے اس میں‌انہوں‌نے کہا کہ مجھے اداکاری میں جتنی دلچپسی رہی ہے اتنی ہی سیاست میں بھی رہی ہے. یہی وجہ ہے کہ میں نے پاکستان پیپلز پارٹی کے پلیٹ فارم سے الیکشن بھی لڑا.اداکاری اور سیاست دونوں ایسے شعبے میں ہیں کہ دونوں سے ہی عوام کی خدمت کی جا سکتی ہے.

کم کم ڈراموں میں اس لئے نظر آتا ہوں کیونکہ میں اپنے وکالت کے کام میں کافی مصروف ہوں. قیصر نظامانی نے کہا کہ میرا ریکارڈ ہے کہ میں نے ہمیشہ نئے چہروں کو متعارف کروایا . پاکستان ٹی وی کے بہت سارے فنکاروں‌ نے اپنے کیرئیر کی شروعات میں میرے ڈراموں سے شہرت حاصل کی. اس انٹرویو میں ایک سوال کے جواب میں قیصر نظامانی نے کہا کہ ڈائریکشن اداکاری سے کہیں زیادہ مشکل کام ہے. یہ میرا ذاتی تجربہ ہے کہ ڈائریکشن اداکاری سے زیادہ مشکل کام ہے. یاد رہے کہ قیصر نظامانی اداکار ہونے کے ساتھ ساتھ وکیل بھی ہیں وہ کیسز لڑتے ہیں عدالت جاتے ہیں انہوں نے اپنے وکالت کے کیرئیر پر بھی کافی توجہ دی ہے.

امانت چن کا شمار سٹیج کے ایسے فنکاروں میں ہوتا ہے جن کو لوگ دیکھنا سننا پسند کرتے ہیں. فیملیاں ان کا ڈرامہ دیکھنے کےلئے تھیٹر کا رخ کرتی رہی ہیں.حال ہی میں امانت چن نے ایک انٹرویو دیا ہے اس میں انہوں نے کہا ہے کہ میرا ریکارڈ ہے کہ میں نے کبھی زو معنی جملہ نہیں بولا نہ ہی میں ایسا کرکے داد وصول کرنے کے ھق میں ہوں. ضروری نہیں ہے کہ فحش جملے بول کر ہی سامنے والوں‌کی توجہ حآصل کی جائے. امانت چن نے کہا کہ میں جگت بازی کو پسند نہیں‌ کرتا ہے، ہمیشہ اپنے روز مرہ کے عام سٹائل کو سٹیج پر پیش کرتا ہوں. میں‌نے ہمیشہ وہ حرکت کی جو تہذیب کے دائرے میں‌ ہو. ایک سوال کے جواب میں انہوں نے کہا کہ سٹیج کی جو صورتحال ہے وہ دیکھ کر افسوس ہوتا ہے بہت ضروری ہے کہ ہم سب ملک کر اس کی بحالی کے لئے کام کریں تاکہ فیملیز پھر سے بہترین اینٹرٹینمنٹ کے لئے سٹیج کا رخ کریں.

امانت چن نے یہ بھی کہا کہ پاکستان میں بہت زیادہ ٹیلنٹ موجود ہے لیکن افسوس یہ ہے کہ ان کے پاس سیکھنے کے مواقع نہیں ہیں. امانت چن نے سٹیج کی صورتحال کو بہتر کرنے پر زور دیا اور کہا کہ انہوں نے جب سٹیج پر کام کرنا شروع کیا تو اس وقت فیملیاں‌جوک در جوک سٹیج کا رخ کرتی تھیں لیکن اب ایسا نہیں‌ہے.

بالی وڈ کی اداکارہ تنوشری دتہ جو اپنے بولڈ انداز کی وجہ سے جانی جاتی ہیں. وہ کسی سے ڈرتی نہیں ہیں ان کا جو دل کرتا ہے وہ کہتی ہیں. تنوشری دتہ اکثراپنے مسائل کے بارے میں آواز اٹھاتی رہتی ہیں، چاہے وہ می ٹو تحریک ہو یا اپنی ذاتی زندگی کے بارے میں بات ہو وہ اپنے موقف سے کبھی پیچھے نہیں ہٹیں.گزشتہ دنوں وہ ایکبار پھر سرخیوں میں آئیں جب انہوں نے سوشل میڈیا پر ایک پوسٹ لگا کر کہا کہ انہیں بالی وڈ مافیا اور کچھ سیاستدانوں کی طرف سے ہراساں کیا جا رہا ہے. ایک بار پھر انہوں نے ایک پوسٹ شیئر کی ہے اور نانا پاٹیکر، ان کے وکلاء، ان کے ساتھیوں اور ان کے بالی ووڈ مافیا دوستوں پر الزام لگادیا ہے۔

انہوں نے لکھا ہے کہ اگر مجھے کبھی کچھ ہوتا ہے تو یہ جان لیں کہ #metoo کے ملزم نانا پاٹیکر، ان کے وکیل اور ساتھی اور اس کے بالی ووڈ مافیا دوست ذمہ دار ہیں. انہوں نے مزید یہ بھی لکھا کہ بالی وڈ مافیا کی فلموں‌ کا بائیکاٹ کریں. قانون اور انصاف پر سے میرا یقین اٹھ گیا ہے لیکن مجھے اپنے ملک کی عوام پر بھروسہ ہے.یاد رہے کہ تنو شری نے 2004 میں فیمینا مس انڈیا یونیفورس کا خطاب پایا تھا۔ اسی سال مس یونیورس کا مقابلہ حسن منعقد ہوا جس میں وہ دس فائنلسٹوں میں سے ایک تھی۔ تنوشری 2010 میں آخری بار بالی وڈ فلم میں نظر آئیں تھیں اس کے بعد وہ کسی فلم میں‌نظر نہیں آئیں تاہم اب ان کا کہنا ہےکہ اگر انہیں اچھا کام آفر ہوا تو وہ ضرور کریں گی.

سنجے دت 63 برس کے ہوگئے ہیں وہ آج اپنی 63 ویں سالگرہ منا رہے ہیں. سنجے دت کو بالی وڈ کی شخصیات اس موقع پر مبارکباد دے رہی ہیں. سنجے دت کی حال ہی میں فلم شمشیرا ریلیز ہوئی ہے. سنجے دت بالی وڈ کے وہ اداکار ہیں جن کو مثبت اور منفی ہر قسم کے کرداروں میں سراہا گیا. 1981 میں بالی وڈ کیرئیر کا آغاز فلم روکی سے سے کیا. پہلی ہی فلم سے شائقین کا دل جیت لیا وقت کے ساتھ ساتھ انہوں نے ثابت کیا کہ وہ ایک بہترین اداکار ہیں. سنجیدہ کردار ہوں ،ایکشن یا منفی کے ساتھ کامیڈی ہر کردار میں انہیں پسند کیا گیا. سنجو بابا نے بالی ووڈ میں

ایک ورسٹائل اداکار کے طور پر اپنی ایک جگہ بنائی ہے.ایکشن ہیرو کا کردار ادا کرنے سے لے کر رومانوی تک انہوں نے اپنی شناخت کو کہیں کھونے نہ دیا.ہمیشہ ایکشن اور سنجیدہ کردار کرنے والے سنجے دت نے منا بھائی ایم بی بی ایس فلم کرکے ثابت کر دیا کہ ان کے پائے کا بالی وڈ میں کوئی دوسرا آرٹسٹ نہیں‌ہے. سنجے دت نے اپنے چار دہائیوں سے زیادہ کے کیریئر میں ایک طویل سفر طے کیا ہے اور ہمیں کئی ہٹ فلمیں دی ہیں جیسے ودھاتا، نام، تھانیدار، سڑک، منا بھائی ایم بی بی ایس ودیگر۔1993 میں ریلیز ہوئی فلم کھلنائیک اُس دور کی سپر ہٹ فلم تھی اس فلم کے بعد سنجے دت کے سر پر کھلنائیک کا تاج سجایا گیا۔سنجے دت کا نام کافی ہیروئنز کے ساتھ جڑا مادھوری ڈکشٹ کے حوالے سے تو خبریں تھیں کہ دونوں شادی کر لیں گے لیکن ایسا نہ ہو سکا.

مانیا دت جو کہ سنجے دت کی اہلیہ ہیں انہوں نے اپنے شوہر کی سالگرہ کے موقع پر اپنے انسٹاگرام اکائونٹ کے زریعے ایک پوسٹ‌ کی اور پوسٹ میں لکھا کہ میرے راک سٹار آپکو سالگرہ کی مبارکباد ، آپ ہمیشہ ہمیں یونہی متاثر کرتے رہیں.مانیا دت نے پوسٹ میں #بے انتہا محبت #عشق #مثبتیت #دت #خوبصورت زندگی #تھینکیوگوڈ جیسے الفاظ کے ساتھ ہیش ٹیگ بھی لگائے۔سنجے دت کی اہلیہ مانیہ دت کا یہ خوبصورت نوٹ کافی پسند کیا جا رہا ہے.

یاد رہے کہ سنجے دت ایک ایسے اداکار ہیں جو کسی تعارف کے محتاج نہیں۔ مقبول اداکار نرگس اور سنیل دت کے بیٹے ہیں. بالی وڈ میں وہ سنجو بابا کے نام سے مشہور ہیں.سنجے دت نے 1981 میں اپنے والد کی ہدایت کاری میں بننے والی فلم ’راکی‘ سے بالی ووڈ میں قدم رکھا۔ یہ کہنے کی ضرورت نہیں کہ سنجے دت نے اپنے چار دہائیوں سے زیادہ کے کیریئر میں ایک طویل سفر طے کیا ہے اور ہمیں سڑک، ودھاتا، نام، تھانیدار، منا بھائی ایم بی بی ایس وغیرہ جیسی کئی ہٹ فلمیں دی ہیں۔ سنجے دت کا کیریئر اتار چڑھاؤ سے بھر ہوا ہے۔ سال 1993 کے ممبئی بم دھماکوں کی وجہ سے انہیں کئی بار جیل کے چکر کاٹنے پڑے، اس وجہ سے انکا فلمی کیرئیر ہچکولے لینا شروع ہو گیا. اداکار کی پہلی فلم روکی تو سپر ہٹ ہوئی لیکن وہ بطور چائلڈ آرٹسٹ فلم ریشما اور شیرا میں دکھائی دیئے تھے۔
حال ہی میں ان کی رنبیر کپور اورعالیہ بھٹ کے ساتھ فلم شمشیرا ریلیز ہوئی ہے اس میں وہ اپنے کیرئیر کے ایک الگ اور منفرد کردار میں نظر آئے ہیں.

بالی وڈ کے دیگر ستاروں کے بعد اداکارہ ودیا بالن نے بھی رنویر سنگھ کے عریاں فوٹو شوٹ پر کھل کر ان کی حمایت کر دی ہے اور کہا ہے کہ انہیں لگتا ہے کہ رنویر سنگھ کے ساتھ جو کچھ ہو رہا ہے وہ توہین آمیز ہے۔انڈیا ٹو ڈے سے بات کرتے ہوئے اداکار ہودیا بالن نے کہا کہ اگر کسی کو رنویر سنگھ کا شوٹ پسند نہیں‌ہے تو وہ اپنی آنکھیں بند کر لے.کسی کے آزادی اظہار کو رونے کی کوشش کرنا نہایت ہی توہین آمیز ہے. اگر ہمیں کسی کا کوئی عمل پسند نہیں ہے تو پھر ہمیں اسکی طرف نہیں دیکھنا چاہیے اور اپنی آنکھیں بند کر لینی چاہیے. اگر کسی رسالے میں ایسی تصاویر ہیں جو آپ کے مزاج کے مطابق نہیں تو اسے بند کرنا .پھاڑنا چاہتے ہیں تو پھاڑ دیں، جلانا چاہتے ہیں تو جلا دیں. لیکن آپ کسی کو یہ نہیں کہہ سکتے کہ وہ کیا کرے اور کیا نہ کرے.

یاد رہے کہ ودیا سے قبل عالیہ بھٹ نے بھی اپنے راکی ​​اور رانی کی پریم کہانی کے ساتھی اداکار کا دفاع کیا اور کہا کہ رنویر ان کے ‘پسندیدہ’ ہیں اور وہ ان کے بارے میں کہی جانے والی کوئی بھی منفی بات سننا برداشت نہیں کر سکتیں۔ فلمساز رام گوپال ورما نے ای ٹائمز کے ساتھ ایک انٹرویو میں کہا "اگر عورتیں اپنے جسم کو دکھا سکتی ہیں تو مرد کیوں نہیں؟”

بالی وڈ کی چلبلی اور ببلی کہلائی جانے والی اداکارہ پریتی زنٹا لائم لائٹ میں رہنے کے ہنر سے اچھی طرح واقف ہیں.وہ ایک اچھی دوست ہیں یہی وجہ ہے کہ ان کے دوست بھی ان کا ساتھ نبھاتے نظر آتے ہیں. اداکارہ پریتی زنٹا نے گزشتہ روز سوشل میڈیا پر اپنی بہت پیاری دوست سوزین خان کے ساتھ ایک تصویر شئیر کی، پریتی زنٹا نے تصویر کا کیپشن لکھا کہ زندگی میں کچھ دوست ہوتے ہیں‌جو زندگی بھر کے ساتھی ہوتے ہیں.ہماری دوستی کی تین دہائیوں‌ میں‌کوئی لمحہ ایسا نہیں گزرا کہ جب مجھے اپنی دوستی پہ مایوسی ہوئی ہو، اس پوسٹ پر سوزین خان نے رد عمل میں‌ لکھا کہ میں آپ کو اپنے الفاظ سے زیادہ پیار کرتی ہو.
ان دونوں‌کی دوستی تین دہائیوں‌ پر مشتمل ہے.سوزین خان انٹیرئیر ڈیزائنز ہونے کے ساتھ کاروباری شخصیت اور اداکار ہرتیک روشن کی سابقہ اہلیہ بھی ہیں. دونوں سہیلیاں تین دہائیوں پر مشتمل اپنی دوستی کو منا رہی ہیں.

یاد رہے کہ اداکارہ پریتی زنٹا نے بالی وڈ میں اپنے سفر کا آغازمنی رتنم کی ہدایت کاری میں بننے والی فلم دل سے، سے ایک چھوٹے کردار سے کیا۔ اس کے بعد سے انہوں نے متعدد فلموں میں اداکاری کے جوہر دکھائےجن میں سولجر، دل چاہتا ہے، کوئی مل گیا، کل ہو نا ہو، ویر زارا، اور کبھی الویدہ نا کہنا کا نام قابل زکر ہے. پریتی اس وقت اپنے شوہر اور خاندان کے ساتھ لاس اینجلس میں ہیں۔

غیر ملکی میگزین کے لئے کیا گیا رنویر سنگھ کا شوٹ آج کل ہر طرف چرچا میں ہے. سوشل میڈیا اس شوٹ کے حوالے سے ہر طرح کے تبصروں سے گونج رہا ہے اور بحث مباحثے ہیں کہ ختم ہونے کا نام ہی نہیں‌لے رہے. ارجن کپور اور عالیہ بھٹ و دیگر کے بعد نامور ماڈل ملند ثمن بھی آ گئے ہیں میدان میں. ملند ثمن نے ماضی میں‌ خود ایسے شوٹس کئے ہیں کہ جن کے بعد وہ رہے چرچا میں ان پر بے شمار تنقید کی گئی. ملند ثمن کا حال ہی میں ایک انٹرویو ہوا س

میں جب ان سے پوچھا گیا کہ وہ رنویر سنگھ کے عریاں فوٹو شوٹ کے حوالے سے ہونے والی بحثوں اور مباحثوں کے بارے میں کیا محسوس کرتے ہیں تو ملند ثمن نے طنز کیا کہ وہ سمجھتے ہیں کہ بحثیں اور مباحثے اچھے ہیں اور ہر کوئی اپنی رائے کا اظہار کرے یہ بھی اچھی بات ہے . ملند نے مزید کہا کہ یہ کبھی بھی نہیں‌ہوا کہ جب ہر کوئی ہر چیز کو پسند کرے ،اعتراض تو ہمیشہ ہی ہوتا ہے ٹھیک ہے اعتراض ہوتا رہے کوئی بات نہیں لیکن ہم ایسی چیزوں کی اگر پروا کرنے بیٹھ گئے تو کام کیسے کریں گے؟‌ بحث ہونے دیں اعتراض ہونے دیں لیکن آپ کو جو ٹھیک لگتا ہے بس وہ کریں اگر آپ کوئی قانون نہیں توڑ رہے تو گھبراہٹ کیسی؟ اگر ایسا کوئی قانون ہے جو کہتا ہے کہ رنویر سنگھ نے جو کیا ہے وہ غلط ہے تو ٹھیک ہے لائیں رنویر کو گرفت میں نہیں‌ تو اسے کام کرنے دیں.

کپل شرما جو ہندوستان کا اس وقت سب سے بڑا طنزو مزاح کا ایک پروگرام ہوسٹ کرتے ہیں اس پروگرام میں بالی وڈ کی نامور شخصیات آکر انٹرویو دے چکی ہیں اس پروگرام کے ہوسٹ کپل شرما اتنے مشہور ہوئے کہ ان کو بالی وڈ کی فلم میں بھی کاسٹ کر لیا گیا، وہ الگ بات ہے کہ بڑے پردے پر کپل بطور ہیرو کوئی جادو نہ جگا سکے. کپل شرما بتاتے ہیں کہ وہ سنی دیول کی فلم غدر میں کام کر چکے ہیں اور اسکی شوٹنگ کے دوران ڈائریکٹر سے ٹینو آنند سے تھپٹر بھی کھا چکے ہیں.اسی واقعہ کوغدر فلم کے ایکشن ڈائریکٹر ٹینو آنند نے تجربہ کار اداکار مکیش کھنہ کے ساتھ حالیہ بات چیت میں دہرایا، اور یاد کیا کہ کس طرح وہ شوٹنگ کے دوران دن کپل سے شرما سے ہوئے ناراض اور اسی غصے میں انہیں

سیٹ سے باہر پھینک دیا تھا۔ ٹینونے کہا کہ وہ بہت زیادہ ہجوم کے ساتھ شوٹنگ کر رہے تھے انہوں نے اس ہجوم کو ٹرین کی طرف بھاگنے کی ہدایت کی، جیسے ہی انہوں نے ایکشن کہا، ہجوم ٹرین کی طرف بھاگنے لگا لیکن ایک لڑکا تھا جو مخالف سمت میں بھاگ رہا تھا، اور وہ کپل شرما تھا۔ ٹینو نے لڑکے کو بلایا اور اسے ہدایات پر عمل کرنے کو کہا۔ اور کپل سے کہا کہ تمہاری وجہ سے ایک بار پھر سے ہمیں یہ شاٹ کرنا پڑا ہے. جب شاٹ دوبارہ شروع ہوا تو کپل نے وہی حرکت کی اور ہجوم کے ساتھ بھاگنے کی بجائے مخالف سمت بھاگنا شروع کر دیا.ہوا یوں کہ ٹینو نے غصے سے اپنا کیمرہ چھوڑا اور کپل کی طرف بھاگے اور اسے تھپڑ مارکراپنی ٹیم سے کہا کہ اسے باہر کرو یہ شوٹنگ میں شامل نہیں ہوگا.